| 日記 | 日記主簡介 |
||||||||
2004 年 9 月 10 日 星期五 【陰】 終於都有人接聽喇....唉!!呢幾日...係咁打...一係無人接聽...一係就唔通! 北區醫院真係唔掂囉!咁我唔見左張覆診紙嘛..唔記得個期約左幾時! 咁咪要打電話去問返囉...點知....個期原來係9月3日...即係食糖水果日! shit...好失望亦都好唔開心...miss左個覆診期都唔知! 我仲有樣野好急住睇架嘛...咁個女人話幫我約返個期... 咁好啦....點知.....最快都要出年既....2月14日...3:30pm... 出年既2月14日..情人節...玩我呀!唔係因為佢約左o係情人節喎! 而係...點解miss左...就要我一等..等成半年咁滯!好唔開心~><" 算啦...因為唔到我揀...我仲有QE嘛!9月28日又要出去覆診喇! 呢日係中秋節..亦都係brenda既生日....我一定會諗起你架!^^" 兩點自己煮lunch...煮咩?咪又係公仔麵囉~哈! 今次好鬼多"送"呀...有火腿丸...兩隻雞翼..兩隻雞蛋..兩條腸仔+一個麵! 好豐富...不過好似好多膽固醇咁...haha!不過唔知點解食唔晒...好似好滯咁!!><" 今次亦都有+brenda's mum整既辣椒...好好味...真係好鍾意果種辣辣既感覺! o係咁涼既天氣...我仲要食到出晒汗...正呀!哈哈~ 食完抖左陣...又開始睇書喇!睇到好入神呢.. 嬤嬤煲左菊花茶...好野!食完熱氣野...飲返d都好呀! 不過佢只飲一杯..其他全部都係我既!飲屎我喇... 我嫌唔夠甜...所以自行+了一舊仔冰糖!點知甜到....><" 今日應該係我呢星期最開心既一日...好似無乜點諗過d煩野(除覆診事)... 又或者係因為睇書啦...其實我都幾鍾意睇書架!不過知你地唔信啦...haha~ 今日就講住咁多先啦~我要好好咁享受現在呢一刻!^^" >>September 10, 2004 at 6:01:47 PM GMT+8 2004 年 9 月 9 日 星期四 【雨】 一早就起左身...睇書!哈哈~終於不用上網了~ 很久沒看過書了.... 點半鐘出門口...搭小巴落聯和墟...約左司馬! karen自己o係佢屋企樓下搭巴士去....去到首先醫左個肚仔先! 係台式食品...我叫左個魯肉茄子飯..我仲要勁+辣椒!!真係好好辣~ 辣到我喉嚨勁辛苦...好痛呢!慘~ 之後行左陣...去左飲涼茶!今次我飲左去濕茶...好似d苦茶咁!!><" 跟住上左司馬屋企...睇雜誌...無聊的很呢! 五點鐘就走...今次我o係佢屋企拎左好多本書返屋企呢~ haha...有排睇喇今次~^^" 返到上水..我無即時返屋企呀!! 自己一個人去左上水廣場度企...無錯!係企喎~ 同某某人傾左陣電話...今次表現好好呢! 心平氣和...真的好似朋友咁...不過無咩野講! 都唔知佢打俾我仲乜~><" 總括黎講...今次的心情都ok咁啦! 起碼唔會鬱鬱寡歡咁啦!已經好好架喇~yeah!^.< 呢兩日叫你都唔應...點解呀？ 講緊你呀...小白~hehee! 其實我都唔係咁敢叫你架咋...icq...唔知點解呢! 不過其實我真係幾擔心你架..你知道嗎？^^" 我想問你..你想唔想唱k呢?ha~ 得閒就覆下我啦~唔該晒! 亦都多謝你咁關心我...我個心....應該無咩事既! >>September 10, 2004 at 5:44:05 PM GMT+8 2004 年 9 月 8 日 星期三 【雨】 很迷網...真的不知如何是好! 有誰可以幫到我?答案是沒有..亦不想跟別人說! 點解有咁多野要我擔心..點解有咁多事煩住我?點解~ 是我好恰嗎? 又是流連在internet的時候....今天download了百多首歌... 有新的..也有舊的!音樂--真的給人.....><" 聽歌時...又在哭了!愛哭的我....為什麼要哭呢? 不要問我!真的很擔憂呢~ 身邊的朋友不開心..我幫不到她們! 只可以看著她們傷心...而我--什麼也做不到!真的十分沒用~ 呢個時候..我o係度諗...... 如果呢個世界上只剩餘我一個人..我會做什麼?會變成一個怎樣的人呢? 沒有朋友的日子...我會怎樣過?很寂寞啊!! 但係剩餘我一個人..是不是會沒有煩惱的啊? 迷失的我?這兩天...心情真的真的十分沉重... 不想找別人...不想說話...不想....很多很多的不想! 想的只有...把自己躲在一角...不想給別人找到我!何解我會這樣? 我自己也不知道!相信以下一句說話...一定可以走出逆境!!^^" **『 相 信 人 生 總 有 出 口 ， 隧 道 盡 處 是 會 見 到 光 明 的 。』** 朋友～～Ｄｏｎ’ｔ ｗｏｒｒｙ！Ｂｅ ｈａｐｐｙ！ 今天真的有很多感概..也有很多的感受! 看看朋友的日記..看看網頁!令我不斷思索~ 眼淚又流下來了....為何我總是擔心呢樣擔心果樣~ 我這樣悲觀的性格....真的想徹底改掉! 算啦...不再多說了!如我繼續說下去....一定....不見盡頭呢!haha~ 最後...我還要思索多一個問題呢! 我是否不需要朋友的呢~ >>September 8, 2004 at 7:07:23 PM GMT+8 2004 年 9 月 7 日 星期二 【晴】 icq?日記?icq我少玩..但長開!日記...終日在internet上流連... 看朋友的日記...知道她們每日發生的事情!這是好的~感情也會增進一點(我覺得)! 知道她們過得開心..我也感到高興!知道她們傷心..我也有一點兒難過! 昨天晚上...歡 & candy一起打來..約我今天去游水! 但我拒絕了...頓時已感覺得到candy的失落!對不起~ 我知道你不開心..其實我也很想可以陪伴在你的左右! 天氣這樣熱...我真的很想跟你們一起去沙灘暢泳一番呢~ 奈何我沒有的是金錢....><" 二來:昨晚的天氣十分惡劣....誰也想不到今天會陽光普照呢! 還有我的嬤嬤...好像不想我去似的!她想我陪她去飲茶~ 其實我自己都不想去...因昨天先飲完啊! 我說後天才陪她去...她又說想明天然(即今天啦)~ 無奈~所以我拒絕你(candy)是有原因的! ****************************************************** 今天九點八起床...流洗一番後..換衫便出門口了! 去<行樂軒>拎位..點知去到才發覺....不須登記! 我自己上左去...都唔係好多人咋嘛..有很多位呢~ 晒氣...這是我第三次來飲茶! 之前都要等位架...可能之前新開啦~ 呢間酒樓既野食都ok架...不過貴了點! 今餐同昨天的下午茶一樣....食得很飽飽呢! 三個人六碟點心+一碟飯!和昨天一樣....埋單$103....貴! 平時我地o係樓下飲都唔駛咁貴! 飲完爺爺走先...我同嬤嬤行左陣先返屋企! 返到屋企傾左陣電話...傾朋友的問題! 點解人一定要煩感情事...感情事的確很令人煩惱呢! 我唔希望身邊的朋友為感情的事而煩惱! ********************************************** ～『愛上一個人..可能只需要一秒鐘的時間』～ ～『忘記一個人...卻要花上一輩子的時間』～ 很大的對比呢! ********************************************** ●我的感覺● o係呢度..我想同某某人講d野! 但我知道你唔會看我的日記! 昨天你打給我..我沒有什麼感覺! 你問了我一個很私隱的問題...你還記得嗎? 我答了你...隨後你問了多一個!承上題~ 這個問題..我不知怎樣答你才好! 為什麼你會問我這樣的問題? 與你有關係嗎?為什麼你想知道? 你知否這些問題...令我對你十分反感? 與你何幹?但亦因為這些問題...卻牽動起我的情緒! 很想哭...為什麼?我自己也不知道...難道我還在乎嗎? 不...但我卻哭了! *************************************************************** 最後希望我身邊的每一位朋友仔..日日都過得開心! 學brenda話齋:「開心又係要過日子，唔開心又係要過日子。何不選擇開開心心咁過日子呢!」 >>September 8, 2004 at 6:59:46 PM GMT+8 2004 年 9 月 6 日 星期一 【雨】 佢知道我未起身就叫我起身之後打俾佢..咁我就收線再訓返啦! 但係已經訓唔返著喇..慘!所以就起身屎屎地氣咁打返俾佢!><" 跟住上網...差唔多十二點爺爺黎到我屋企! 幫我整之前燒左既光管...我都話唔知甩鬼左d咩架啦! 所以爺爺要落去五金舖買返d零件... 整左好耐呀...起碼有成40分鐘呀! 真係唔該晒爺爺..辛苦晒!明知老人家眼唔好..都要勞煩你! ******************************************* karen今朝send message俾我...話今日去食壽司! 不過我無錢錢呀...所以話飲下午茶! 原本我今日都諗住約朋友飲下午茶! 但係搵極都搵唔到佢...所以就同karen去飲! 我地約左點三o係M記等...行左陣! 兩點鐘就去左<行樂軒>...都唔係等左好耐就有位lu~ 我地兩個人叫左..春卷..雞扎..煎腸粉..煎蘿蔔糕...墨魚餅再+XO醬海鮮炒飯! 大佬...兩個人咋...駛唔駛叫咁多野呀!叫咁多野既結果咪就係飽屎囉! 埋單$77....哈哈!^^" 之後都係周圍行下...睇下電器咁囉! 因為karen想買電視機...我地行下坐下咁!! 六點就走左lu... ************************************************* 前兩日個心口痛...我已經摸到自己心口兩邊有d唔同! 今日同karen講...karen望左一望已經發覺到腫起左! 就咁用肉眼都望到...咁即係腫得好犀利啦! 講真丫..其實自己都真係驚驚地架!! 月尾就覆診喇...順便睇埋囉!希望無乜大礙啦~><" >>September 6, 2004 at 11:33:14 PM GMT+8 2004 年 9 月 5 日 星期日 【陰】 真係傾到人都癲...haha!攪到今朝五點鐘先"達"落張床度... 已經俾嬤嬤話...訓到十二點半先起身..一起身又俾佢鬧我! 話我好咁晏先訓同咁遲起身!救命..咁歡歡你地訓到兩點幾三點... 咁點算呀?我都唔知點解我屋企會係咁囉!哼~><" 起身無耐之後...就煮左個"福"字伊麵..另有三隻雞翼..菜..火腿丸!! +埋brenda's mum既辣椒醬...好辣辣呀!我落左好多多...haha~ 唔知點解...食完第一啖已經..覺得個胃好似有少少痛! 但照常理應該無咁快去到個胃架嘛!!><" 真係好辣囉...愈食就愈...haha!!又熱喎..不過好鍾意呢種感覺!! 都唔知我係咪變態架!呵呵~^o^ 食完就上網打日記...好在係今日打o者! 如果尋晚打既話..一定語無倫次啦!haha~ 下午同歡歡傾電電...大概傾左個零鐘啦! 開心~記住..想做就去做...放膽去做...你的朋友一定會支持你!^^" ********************************* 今日都無咩特別事! 咪個胃囉...好似成日都好痛咁!!><" 呢兩日都唔係咁舒服!突然好想做body-check! **恭喜** 歡歡搵到工喇...俾心機啊!有我撐你嘛~ 唔知你習唔習慣咁早起身呢?做還做..要睇住身體呀! 你知你架啦...身體要緊呀!^.< >>September 6, 2004 at 10:21:42 AM GMT+8 2004 年 9 月 4 日 星期六 【晴】 原本尋晚諗住今朝一早就起身落去樓下曬相... 但係唔記得左...所以咪話呆呆地咁囉! 到到十一點幾先開始再燒碟..曬埋其餘果d相! 其實尋晚去食糖水之前已經燒左一世... 係我去泰國果d相...我地大概影左八百張相... 但我只選了二百張相黎曬..我覺得已經委多了! 攪掂...一點鐘先出門口!落去曬相.. 4R是$0.9....佢話計我平d...$0.8喎! 我都自己計過條數呢..很昂貴呀! 如果他肯計我行我$0.7 or $0.75就好了! 不過我沒有跟他拗數...共曬了253張相!共$202.4~~~~~~><" 唉....慘慘!呢個月無錢買東西給某人...無錢出街了! 曬完相自己行左陣....等媽咪! 媽咪今日入黎拎身分証!我地約左o係上水廣場等~ 佢兩點二先黎到...之後我地就行去<星輝>飲茶! 頂...把鬼火呀!果個知客都唔知係咩態度... 我同媽咪 & 好多等緊位既茶客都望住佢同佢既上級嘈! 唉...你地班人係點做野架?我覺得佢地溝通好有問題囉~ 詳細情形我唔多講啦...總之就"慶"過"辣雞"啦! 以後都唔會再去....其實不嬲都對呢間酒樓無咩好感! 話說有晚同親戚黎到晚飯...咁叫"送"啦! 佢竟然要乜無乜...仲要落完單之後!隔左陣先過黎通知我地無乜無乜咁喎! 你地話激唔激氣丫?呢間係咪酒樓黎架?定係我地入錯地方?too bad~ *********************************************** 飲完茶之後...我自己返choi yuen拎相! 而媽咪就o係上水廣場等我!我拎完相就會合媽咪.. 一齊上13樓既智能身分証中心度拎身分証! 仲坐左o係果度一陣入相相tim...後尾落左KFC度坐! 繼續入相...入完都五點喇!行左陣...媽咪睇中左一件衫... 係buy 1 get 1 free既...但係佢只係睇中左一件... 佢叫我幫佢手揀下...我揀左件...佢又o係度嫌三嫌四... 又話件衫似"靚妹"..又話唔鍾意件衫隻colour..真的給她氣死了! 最終她一件也沒有買到呢! 之後我地去左<行樂軒>度晚飯...六點幾! 先前已經約左爺爺嬤嬤o係果度等喇! 食飯無咩好講啦..都係睇下相..傾下無聊野..講下笑咁啦! 七點鐘收到歡歡電話...佢話想約我...咁我地就約左飯後o係M記見! 我諗我去到大概係七點八卦~~~~ 去到又係一齊睇下相...整下相咁!唔該晒歡歡...你最好人!hehee~^.< 我真的很開心你會找我傾訴呢!下次繼續啊~~ 大概九點鐘...仁來到了! 他們兩個有要事傾...所以我這個外人不便打擾...就回家去了! 未出到M記門口...已經收到嬤嬤既電話...話我仲咩仲唔返屋企!唉~ 因為食完飯之後..我同佢講話約左朋友...傾陣就會返...大概八點半左右啦! 點知...我真係傾到唔知時間呢...都咁大個女啦...點解仲要管住我? 回家途中...收到馬仔的來電!佢問我出唔出黎見下佢既新look.. 咁我見又未返到屋企...又咁耐無見佢...咪出去囉! 咁梗係要打電話返屋企同嬤嬤交代一聲架啦! 點知我一話唔返黎住...佢聲都唔聲就cut左我線!無奈...我可以點做? 不理啦...約左馬仔o係OK門口等...佢成九點三十五分先黎到! ******************************************** 往時我地見面....喜歡坐樓梯!! 但今次我不想了...可能是著裙吧! 我們去到彩屏樓樓下既公園坐!他見到我的相....所以我也給他看了看! 到到十一點...他就話走了!他送我回家...仲話想o係樓梯坐一會兒! 我說我不想...因為今天真的不想坐樓梯....而我真的很累呢~ 但當去到十七樓的時候...我還是跟他去了樓梯那邊.... 佢只說企5mins....那麼5mins過後...他又不肯走...又不肯給我回家去!><" 還......救命!我.....唉!!都不知怎樣說出來....歡,你知道這件事嗎? 都說我應該著褲子了!算吧...把今晚的事徹徹底底的忘記罷了! ************************************************ 回到家已十一點半了....洗白白! 上網....同朋友通了陣電話! 到了兩點...我就忍唔到打給brenda...不理會歡歡了! 因她實在有很多做不完的事情...要左等等右等等! 我哭了...好在我及時打了給brenda....眼淚才... 我打給brenda的原因.....是想知道一位朋友的想法... 她為什麼事情而不開心....為什麼....很多很多的為什麼? 我很想知道答案.... 學歡歡話齋...大爆發啊! 為何在短短三日內...發生這麼多事情? 身邊的朋友...唉!!真傷心~很擔心他們啊! candy...jackie..小白...歡歡...仁...還有brenda~其實...還有自己呢! ★★★★★★★★★★★★★ candy..你不要為robert的事而不開心了!不值得的... 你還有我們...我會陪伴在你的身邊! ★★★★★★★★★★★★★ jackie..不要再為食糖水那晚的事而不開心了! 雖然我唔知道你之前發生了什麼事..而導致你有這樣行為!我指食糖水那晚~ ★★★★★★★★★★★★★ 小白...我要跟你道歉呢!對不起啊~ 食糖水那晚的事..如有令到你不安的話..我真的不好意思! 請你不要把這件事情放在心上! 唔好再為此事而落淚... ★★★★★★★★★★★★★ 歡歡..你是最偉大的啊! 糖水那晚的事...我也要給你說對不起呢! 我只是玩玩而已.. 很開心你今晚找我傾訴...其實都不算得上是大不了的事情! 不要再為此事而憂心...想做就去做啊!知道嘛?有我支持你~ ★★★★★★★★★★★★★ 仁...我想他不會看我的日記! 不過我和他不竟相識一場...也算是一對很普通很普通的朋友! 從歡歡口中得知道你不開心...今晚自己亦親眼看見你頹的樣子! 雖然我唔知道發生什麼事...但我祝福你!希望你快些平息... 再一次看見你開心的樣了!^.< ★★★★★★★★★★★★★ brenda...你要比心機努力讀書...考好d... 不要為朋友的事而憂心了!我們都長大了... 相信自己懂得怎樣去處理問題! 你要答應我..他日學成歸國!將會是我們一齊去旅行的時期!哈哈~ ★★★★★★★★★★★★★ 給自己的說話...自己的事情..不要打擾他人了! 留給自己一個煩...自己承受就已足夠! ★★★★★★★★★★★★★ 兩點鐘打給brenda...傾了兩句...就打埋給歡歡了! 我們傾了很多很多的事情...都圍繞住我們身邊的每一個朋友! 真的覺得我們三個也是重情義的人...為朋友!haha~^o^ 傾傾傾...很開心呢! brenda還讚我有一樣野做得好好tim啊!happy~ 想知係咩事?問brenda啦~ 不過她還說..我有一樣野要改囉! 就係郁下就話"炆".....haha~ 咁真係好炆嘛...我盡量改下啦!hehee~ 仲有二十三日就是brenda生日的大日子! 可惜..我們不可以與她一同慶祝! 我說：『中秋節便是你的生日，到時你的阿爹和娘親一定會想起你。』 當他們在賞月的時候...抬起頭一望...看見圓圓的月光... 一定會諗brenda你..想你現在做緊什麼事情呢? 歡話..想起brenda塊面《圓 Dum The》....哈哈!好好笑呀...歡歡..right? 歡咁樣講..brenda應該怎樣回應呢?難道是..."河河河"的笑嗎? 我們一直都有講有笑...我們三個(歡..brenda..kk)傾電話好似已成習慣咁!! 呢個只係我個人覺得...我很喜歡..也很開心呢! 和你們傾電話...真的很開心!又多了一個回憶...是我們三個的!^^" 都係咁啦...其他唔多講...傾到大概四點七左右... 我真的頂不住了...很累很累!歡還發燒..在作感冒....係咁打噴嚏~ 對不起...是我累了你!早點兒睡啊~你自己也知道..遲睡對身體不好! 那麼我們就是這樣掛了線...掛線之前...我們三個都有"啜"~"啜"呢!呵呵~>3< ************************************** 收線後..我還要打給業業呢! 傾了兩句...收線...真的要睡覺了! 五點鐘啊...救命!為了朋友..為了要同brenda通電話! 就是要這樣了! 阻了brenda溫習的寶貴時間...真的很對不起! 但我相信你也是和我們一樣蠻開心的..right?^^" 你要記住...我會爭取到底的!呵呵呵~~~ **後記** 今天晚上..我個心口很痛很痛...是隱隱作痛的! 持續痛了都有一段時間!我很害怕呢~ 如果再係咁痛..一定一定要去看醫生! 突然很擔心自己唔知會有d咩事!><" >>September 5, 2004 at 3:32:03 PM GMT+8 2004 年 9 月 3 日 星期五 【晴】 時間:晚上十點半~ 目的:係同小白farewell~ 人物包括:歡..仁..jackie..jack...kk..rachel..沁沁..小白..阿關..chris..alan..權!同行十二個人~ ************************************ 咁我都預左佢地恉遲架喇! 所以睇埋<金枝慾孽>先出門口...出門口第一時間打俾阿歡.. 問佢o係邊...佢話而家執野..就出去! 叫我去到睇下有邊d人識既..就同佢地講..話佢地就快出黎! 我去到已經十點九o勒...人影都無隻...我指我識既人~ 後尾仁拍一拍我...原來佢一早到左! 有無攪錯呀班友仔!又遲大到~><" 跟住打俾jackie..佢話要晾埋衫先出黎喎! 等呀等呀..撞見到bonnie..傾左幾句咁啦! 離完見到jack..咁我同jack就嗲下..入7仔涼下冷氣! 再行返去<花果山>...jackie都到左喇! 無耐...終於見到一大班人落車喇! 仲浩浩蕩蕩咁走過黎我地度! 呢個時候已經係十一點四喇.. 勁勁勁扯火呀...我同jackie就唔彩阿歡! 咁人齊呢...就梗係入舖頭啦! 不過間糖水舖都無晒位喇! 咁咪企o係度等囉....皆因我地太多人喇! 兩張檯唔夠...要三張檯..不過好快都有位! 坐低之後咪叫糖水囉..食下糖水..吹下水...影下相咁囉! 都無咩心情lu..食到差唔多十二點半咪走囉! 無乜特別! ************************* 今晚得知一個消息:就係小白唔係七號飛呀! 改左十四號呀..唔知係好係壞呢? 不過對我來說...應該是好的! 因為咁樣..我地可能有多d chance見面嘛! 可能仲可以去埋行山tim...haha!! 不過今晚為左farewell而食糖水就...唉!! 如果一早知你唔係十四號先走既話...今晚就唔出黎啦! 我冒住俾嬤嬤鬧既危險..先出到黎架! 點知...又要等人地成40mins喎!激氣啊~><" ((話唔出都係講笑ja)) ************************** 食完走果時..我係同jackie & jack一齊走既! 內容都幾搞笑下...如下: jackie話:乜阿歡唔係搬左既咩? 我(kk)話係啦,佢明明搬左去天水圍架嘛! 點解我地會o係上水撞見佢既...仲要o係<花果山>一齊同檯食糖水tim~ 係咪真係咁岩搭檯架咋!^^" 就係咁囉...點解既?阿歡~ 返到屋企已經好累了..但無論如果都要打埋個日記佢先~~嘻嘻! >>September 4, 2004 at 10:48:00 AM GMT+8 2004 年 9 月 3 日 星期五 【晴】 十點起身...跟住梳洗!講下電話咁..好眼訓啊~zzzZZZ! karen都一早起左身喇...只係歡唔願起身囉! 好無聊呀..醒左又無野做! 平時習慣左一起身就要上網架嘛... 之後同karen一齊食左雪米磁...yummy~yummy!!^^" 到到十一點幾我同karen都頂唔順喇! 換衫走人...出去食野!歡叫極都唔起~ 佢仲叫我地俾佢訓多幾個字喎!傻既~ 咁我同karen唔理佢啦...走lu! 出到去..又收到歡既電話! 話而家起身..煮野俾我地食! 但karen又好似唔係咁想喎...因佢想食飯嘛! 其實我想試下歡既廚藝架...佢自稱進步左嘛! 不過karen...算啦!都無所謂既... 我無錢啦嘛...唔想駛錢錢! 落到樓下..阿歡又打黎! 叫我地買飯上去一齊食... 呢個時候..我d火就黎o勒! 我覺得好煩喇..超炆呀...又話煮又話買! 但係karen之前又話想出街食...跟住佢話買飯上歡屋企食都無所謂! 不過我已經唔想囉..唔該唔好煩...因為我唔想兩邊走黎走去! 咁就話唔啦..我地去左<美棋快餐>度食盅頭排骨飯!好難食啊~><" 食完行左陣...我同karen都買左生日Snoopy!又駛錢喇.. 有邊樣野係唔駛錢架..救命! 行到十二半就搭車返屋企! ******************************** 返到屋企都未夠點半...跟住上網! 打下日記..upload埋karen生日d相上網! check下e-mail咁...都無咩好做! 直至四點倒...咪上勞工處個網睇睇囉! 又同d人傾下電話...衰業業囉! 今朝打俾佢..佢話睇左我之前d日記..哈! 真係估唔到呀...咁突然我又想睇下喎! 睇左幾篇之後..我d淚水又忍唔住要流出黎喇! 唉..真係好多回憶呀!而家呢個日記已經有年半既歷史喇! 有開心既..亦都有唔開心既!太多的回憶..不過全部都係美好既~ 傷心都可以係美好架...因為已經過左去啦嘛!^^" 頭先業業激到我好嬲囉...我仲喊喊tim呀! 點解會咁架？唉~衰人業業....><" ********************************** 頭先聽千嬅d歌..<閃靈>,<野孩子>,<寒舍>... 有d感觸...喊左出黎!haha~ 今日心神恍惚呢...唔知點解會咁!算啦~ 究竟我生存在這個世間上係為何人..為何事? 我也不知道...為什麼我會這樣灰? 其實我都唔知自己講緊乜...可能真的太累了! 個腦好實..轉不動!都唔知自己o係度發咩up風! 今晚糖水記...有待下回分解! >>September 3, 2004 at 7:21:18 PM GMT+8 2004 年 9 月 3 日 星期五 【晴】 o係阿歡間所謂電腦房好似乾蒸咁囉...又無風扇...熱到蕉咁!!><" 我打完日記就到karen上網..我就打電話俾brenda... 歡又話訓覺喎...一聽到我打俾brenda...就即刻拉人出去傾! 好開心囉...我同歡訓埋一齊拎住個手提電話... 一路講一路笑...又咩錫呀咁樣...佢地兩個都傻既! 其實我唔多明佢地up乜囉!><" 歡又話brenda笑得似"龜仙人"喎! 笑聲((河河河)).....haha~尋晚我地既笑聲有兩種... 一種係((河河河))....而另一種就食歡既笑聲((吃吃吃吃))....真搞笑啊! 得閒要多d打俾brenda先得...講就易呀! 因為尋晚我都係三點幾打俾佢....佢果邊先係八點幾! 平時三點幾既時候....我已經搵緊周公啦!唉~ 尋晚我地傾左差唔多五十分鐘呀....haha~ brenda..歡開心嗎？^^" 仲有你地臨收線鍚鍚....阿歡就"啜"左brenda一淡! 無錯...係"啜"....鍚鍚既音就係"啜"....... 但阿歡既"啜"就.......我都唔識講!總之就攪笑啦~~((河河河))~~^o^ 好眼訓啊...已經無力氣說話了! 四點鬆d就訓左lu..^^" ************************************ 後記:今晚都好開心呀!karen既生日雖然唔多人.... 但個cake同蠟燭夠特別嘛...開心嗎？ 同brenda & 歡傾電話好搞笑~開心!又多一個回憶~ 今晚再一次o係歡家留宿....感覺係...唔識形容! 至少起碼無左小白..brenda & joe tam仔攪住晒無得訓! 唔駛俾人嘈住...唔駛俾brenda攪人眼睫毛....哼哼! 所以訓得好舒服......^^" 亦都好開心阿歡可以訓o係我隔離.....sofa...haha~~ 不過我都要諗諗...下次會唔會再去歡家過夜~ 因為自歡屋企大改革之後....我覺得係無咁舒服既! 大左?無乜感覺囉....擺既位...我都係鍾意之前多d~ 電腦房...唔鍾意!間房咁細...不過都唔係唔好既... 起碼得閒可以自己靜靜地上下網....無人煩住晒! 不過我屋企間電腦房仔都係咁細啦!最唔好既就係好熱...好局...真係好似乾蒸咁! 大家姐間房突然變左媽媽房...唔慣囉! 因為訓客廳會俾人睇晒全相...睇晒我訓覺既醜態...haha!! 仲有.....歡唔係咁想開客廳部冷氣!熱到蕉咁~ 咁我冬天先去你屋企訓啦....haha~ 我都知你好難做架喇...係你屋企...電費又係你地交! 不過我真係覺得好熱囉...sorry呀!><" 差唔多啦.....今日既事...今晚再打啦! 今晚仲要出去食糖水~yeah! 又有得見小白lu......((河河河))! >>September 3, 2004 at 7:14:49 PM GMT+8
|
|
寫這個日記既目的..係想我既親戚朋友知道我每日所發生既事情
nope...
<br>is v人氣: 39981
Design & Scripting by ShowHappy.Net