| 日記 | 日記主簡介 |
||||||||
2004 年 11 月 7 日 星期日 【晴】 飲完茶就去左睇戲....嬤嬤請....呵呵! 佢話請我既...我地去左粉嶺睇<爆裂都市>....唔知有無記錯個名呢!呵~ 有蕭正楠做架...唉!!><" 今日無咩想講...所以都係唔講喇! see u~ >>November 14, 2004 at 4:04:53 PM GMT+8 2004 年 11 月 6 日 星期六 【晴】 我都唔係咁記得返工做過d咩lu....呵呵! 好似係同winky一齊整野卦...因為今日係星期六既關係..所以office無咩人! 得我同winky & joanna...大多時候我都係同winky傳紙仔... 好搞笑...因為我地怕人地聽到我地講咩!! 一講起傳紙仔...就諗返起已經讀書時代...果時真係好開心! 日日都見到d同學仔...一齊讀書..一齊食飯..一齊玩! 邊到似得而家咁...各有各忙...見面時間又少之有少...唉! 不過一大左...就係咁架啦!唔可以再好似以前咁...乜都玩一餐!><" 我係唔可以再望返轉頭架..... 今日十二點幾就放工lu.....自己一個人o係沙田行行行.... 等媽咪放工再入沙田...佢放一點....黎到已經點九喇! 好鬼死肚餓呀....><" 同媽咪去左希硼爾頓度食車仔麵...食完就行下街咁!! 我無收獲呀...而媽咪就買左一對鞋...兩件衫咁啦! 之後行到累...就去左M記tea一tea....五點就走左lu... 返上水呀...我地去左金香魚港度打邊爐...三個人! 同埋嬤嬤...係嬤嬤"撩"我打邊爐先! 不過佢就話去大家樂度打...但係我同媽咪都係想同嬤嬤食好d... 所以先去酒樓打o者~點知嬤嬤又up 3 up 4...頂丫! 又話始終打邊爐都係唔岩佢...佢無講過話要打邊爐咁!! 又話d野唔岩食..食得唔飽!我同媽咪真係頂佢唔順囉... 我地今餐仲要食左二百七十幾蚊tim呀!食屎啦..... 如果去大家樂食...三個人百五蚊都有找啦...激到我同媽咪死! 打到九點幾先返屋企~ >>November 14, 2004 at 4:00:56 PM GMT+8 2004 年 11 月 5 日 星期五 【晴】 我七點半就返到公司...我諗住早d返去!睇下有無d咩幫手嘛!! 點知一返到去....真係一入到office!于姑娘就同我講... 見到你真係好o勒...快d幫我打d野先! 頂丫...雖然我今日咁早返..都係想睇下有咩可以幫到手... 但係都未到我返工時間...駛唔駛咁呀? 唉....原來佢仲有好多野未攪咁... 我前兩日鬼死咁得閒...問你地有咩幫到手...你地又話無喎! 唉..激氣呀!今日都生日會啦...今日先整...遲唔遲d呀! 到左winky返黎..我同佢打眼色....話點解佢地咁樣做野! 我極度唔滿意囉...winky話佢地做野係咁...初初佢黎到果時都好唔慣! 仲返到屋企喊...我只係返左短短一個月...我都喊過兩次啦! 我唔明佢地點解唔可以早d預備定d野...咁到時錯左都有時間可以修改嘛! 我真係好唔慣佢地既作風...我覺得好辛苦! 後尾winky制我手...咁我就包紮花啦!于姑娘叫我去靜思室到包... 咁好啦...我真係好炆囉!所以我去到靜思室一個人就發脾四! o係度掟野....頂丫!好炆呀...真係好唔開心........><" 到左九點鐘開始開會!講下今天既流程! 十點鐘倒出發啦....今朝整果d野佢地無用到囉..你地話我激唔激氣丫!唉~ 唔...今日生日會o係沙田明星海鮮舫舉行...我負責全場攝影! 部死人傻瓜機...cheap到死!蒙查查咁...唉! 今日大會司儀係winky同素姐呀...haha!我一定撐住winky啦!呵呵~ 成日全場咁走...係咁影相!都無咩點食過野... 加上我又唔係咁想食..無咩胃口呀! 唔開心嘛...咁點幾鐘走...返到院舍都成兩點幾lu.... 好累好累...原來帶隊真係好累!因為要扶d老人家上上落落...輪椅咁!! 兩點半交更...今次我都要去呀!因為生日會檢討會嘛!! 唉.....四點幾就放工lu... 唔講咁多喇!><" >>November 10, 2004 at 9:33:05 PM GMT+8 2004 年 11 月 4 日 星期四 【晴】 去到沙田等車之際...winky打電話黎叫我幫佢買早餐....哈哈! 今日小暉放假...佢尋日交帶我今日包盒大大禮物...要靚靚既! 難我唔到啦...咁我咪落樓下書局買花紙囉! 佢地都話我包得靚架....紫色花紙配呢個橙色絲帶! jonna都話我襯得好特出...哈哈!ok咁啦~^^" 今日winky叫我幫佢錄音喎!好難咁喎.... 下午睇下聽日生日會既流程!都無咩特別.... 四點三就鬆人....去粉嶺幫嬤嬤買野! 買完就行路返上水....經過oscar做野間舖頭! 今次終於俾我見到佢喇...haha! 到左上水...又行去街市買紮花用既花紙...真麻煩! 次次都係叫我做呢d野!><" 五點七就返到屋企lu.....好累呀! 聽日既生日會真係唔知會攪成點呀! >>November 7, 2004 at 7:40:42 PM GMT+8 2004 年 11 月 3 日 星期三 【晴】 但係今日我返九點架...不過好在我都訓得返....之後六點十先起身! 煮早餐...食完攪掂d野生!七點十出門口...又去左M記買左兩個薯餅!呵呵~ 今日社工部又有會開...唉!十點鐘三條友去晒開會! 咁我又嗓坐...上下網搵料咁囉! 今日office開始好靜...因為孫姑娘去左聯院旅行嘛!! 星期六先返...唉!有好有唔好啦!><" 整理下生日會d資料...一點鐘lunch... 今日三點半jonna拎左CL....就係因為佢拎左CL... 所以我今日返遲一個鐘放遲一個鐘囉! 唔...小暉唔知道...等佢今朝八點幾打俾我...以為我遲到!哼~><" 我都會遲到既咩?haha~ 返左呢份工個幾月...都未試過好似今日咁悶架! 今日好準時五點鐘就走左....因為約左媽咪!! 我走之前仲同小暉講...無咩事我走先! 點知小暉講左一句野...令到我....唉!好激氣呀! 去左沙田連城元錄買外買!今晚約左媽咪食飯.... 去左黃埔吉之島....食到好飽呢! 同媽咪傾計....講返工d野!又講下小暉...媽咪都話佢有無搞錯!唉~ 七點幾先走...八點幾上火車! 返到上水仲去左百佳掃貨!成九點三先返到屋企... 跟住沖涼洗頭...訓覺lu~ >>November 7, 2004 at 7:31:34 PM GMT+8 2004 年 11 月 2 日 星期二 【晴】 打極都唔識咁....根本我每堂都係跟住校長打架啦! 打完就唔記得...哈哈!因為真係無咩興趣...所以無個心去學!嘻嘻~ 打完返到上去....于姑娘佢話有野做...所以叫我去幫佢試早餐! 唉...肥死!不過算啦...我都食開...個胃口又大左喇...點算? 試完早餐就繼續我尋日未做完既工作!包禮物... 包完就更換房間工友名! 今日d人去晒開會...所以無人俾野我做呢! 好悶...o係度呆坐!真係好唔慣囉...一係就忙到死...一係就得閒到仆街! 哈哈...請容請我講句粗口!^^" d時間過得真慢...因為無野做嘛!! lunch之後就幫winky搵資料!開小組用的... 今日成三點四先走...原本可以三點鐘準時走架! 但今日又咁岩撞正佢地大交更....唉! 次次都係撞正星期二我放早佢地就大交更...都唔知係咪玩野! 咁等佢地交完更上黎都三點幾....仲要俾于姑娘簽院慶OT... 所以成三點四先走... ********************************************** 今日約左karen出黃大仙....約左三點半黃大仙等! 我都唔係遲好多咋嘛...三點七就到左lu......唔好意思啦..我都唔想! 今次剩係karen求籤咋...我都無求到!遲d先啦..而家暫時未有咁既需要! 解完籤就過左MK....行行行!真係好耐無同過朋友出街lu... 種感覺真係比起自己行好唔同...哈哈!而家生活好苦悶呢~><" 好似無晒朋友咁!唉.... 行到七點karen就走lu...而我都夠鐘返學! 九點鐘放學...跟住返屋企...有少少肚餓! 臨訓之後仲食左餅餅...haha~ >>November 7, 2004 at 7:15:43 PM GMT+8 2004 年 11 月 1 日 星期一 【晴】 哈...點知比之前仲放肆!食咁食食食...brenda:我都唔想架! Maybe我覺得壓力大啦!><" 今日分別o係二樓同樓下做左兩次運動! lunch之後同小暉一齊去百佳買生日會禮物! 之後包禮物...未包晒!留返聽日先包... 因為夠鐘放工...四點二就走左lu.... 返學....今日係社會福利員課程既last day... 時間好似過得好快咁....話咁快就放學! 有d唔捨得tim...我地仲一齊影大合照...同埋阿sir一齊影! 唔...我應該仲會繼續讀!同學仔...十二月再見喇!^^" 佢地仲約左今晚一齊食飯...不過我唔去lu... 因為聽日返早...而阿儀同阿wing未影完相就走左... 兩個衰妹丫....因為佢地都約左男友仔!嘿嘿~ 咁我就去火車站搭火車返屋企啦....點知o係架火車度俾我見到毛毛! 原來佢都約左人..所以唔去食飯!哈哈~^^" 十點幾就返到屋企lu.....拿拿臨攪掂d野就訓覺! >>November 7, 2004 at 7:01:48 PM GMT+8 2004 年 10 月 31 日 星期日 【晴】 >>October 31, 2004 at 6:31:00 PM GMT+8 2004 年 10 月 30 日 星期六 【晴】 因為今日係annie既last day...佢放一點! 我咁遲先放工就係因為等佢...我要幫佢同d院友影相嘛!!><" 其實我唔想留o係度架...只不過佢叫我幫咋嘛! 咁咪算囉....留多成個半鐘....真係餓死我喇! 我仲請佢飲奶茶tim...... 之後就返屋企食野...食食食...勁食呀! 見野就食...哈!又是大食蹟!!恐怖得很~><" 無計啦....決定增肥....可能心裡太大抑制喇! 真凡要靠食野先至發洩到! 今日post左d相上網...係o係公司影既...大家可以去我相簿睇下丫~ >>October 31, 2004 at 6:31:58 PM GMT+8 2004 年 10 月 29 日 星期五 【晴】 我都好趕運...做左無耐就有咁大既日子!哈~ 可能平時習慣左某個時間起身啦...所以五點鐘就醒左! 又訓返...但都訓得唔係咁好...又可能我有少少緊張啦!^^" 九點四就返到公司...早知唔好咁早返去啦! 返到去無耐就撞正佢地岩岩交更!唉.... 佢地今日個個都話我靚喎!哈..都唔知俾咩反應佢地好! 鬼叫佢地話要著裙咩!!><" 唔...又話我閃...手袋又閃!院長仲話一定要我上台tim喎..我咁靚! 真係識得講笑既姐.....哈哈!連伍如娘都問我係咪上台帶手語tim呀~ 當然唔係啦...我邊到有咁既本事丫!哈~ 到佢地交完更....孫如娘就叫我幫手打字.. 打歡迎辭呀.....我打字最慢架喇! 打打下...小暉話幫我打....因為佢打得快d! 最後一段係佢打既...但係打錯左幾隻字! 最後俾孫姑娘話左我幾句...佢話教我個字喎!><" 我未有時間覆一次咋嘛...其實我覆緊架...只不過佢問我拎返份稿咋嘛! 咁就俾人.......唉!算吧~ 就係咁啦....十一點半就食飯...不過我都無食... 小暉仲話請我食tim...唔駛客氣啦!哈~ 十二點半就出錢去尖咀既YMCA!! 去到就set攤位遊戲...好快就到三點鐘! 院友同嘉賓都陸陸續續黎到!我負責影即影即有既保羅號~ haha...嘉年華會唔多講啦! ************************************************************** 到左晚宴喇!我都係扶d老人院出出入入...因為有d行動唔方便! 我今晚終於可以目睹女童軍表演喇...我感動到落淚了!我都唔知點解... 哈哈...美娟仲話我使唔使咁感動!我都唔想架... 係d眼淚唔聽話...要自己流出黎架咋! 今晚真係好好既一課...雖然之前係好辛苦... 但係我覺得係值得既...因為今日真係好開心! 今日仲見返BoBo...同埋溫姑娘tim..但佢地都唔太記得我lu... 有d印像咁話喎...是但啦!真係獲益良多呀! 晚宴完左...成十點幾先走...同小暉一齊搭尖沙咀支線! 佢去到九龍塘就落左車lu...約左人嘛! 咁我就返屋企啦...佢就話可以去街..因為聽日唔駛返工... 但係我就要呢...成十一點八先返到屋企! **************************************** 今晚我知道一個bad new.....就係劉勝過左身! 係七點幾喎.....雖然我不太熟識他... 但尋日我分院慶禮物既時候...佢都有黎拎架! 但今日竟然...真係好突然呀!><" >>October 31, 2004 at 5:42:41 PM GMT+8
|
|
寫這個日記既目的..係想我既親戚朋友知道我每日所發生既事情
nope...
<br>is v人氣: 39981
Design & Scripting by ShowHappy.Net