| 日記 | 日記主簡介 |
||||||||
2004 年 7 月 27 日 星期二 【晴】 勁搞笑啦...歡choose dare...but好似俾人玩咁!! 佢一定瘦啦...咁大既運動量..呵呵! 玩到唔記得幾多點...四點幾卦... 執埋d野出左沙灘訓...望住個天...真係好正呀! 呢個時候又諗起..讀展翅果陣時...真係好開心! 一大班人...凌晨三點鐘集合... 上山睇日出喎...都真係幾辛苦架!不過果一幕到而家仲係好深刻囉... 好好feel...我地仲睇到流星tim呀!個星空好靚....^^" 又坐又訓...等天光! 六點鐘個天都光得七七八八喇....阿歡做左陣晨運...haha.. brenda就訓左陣...之後我同歡都好想玩跳浪... 所以就去換衫落水玩左陣...真係一陣囉! 十分鐘都無...之後又去換返衫...無聊! then佢地執野...而我就買左兩件三文治俾佢地食... 我食左一件啦...之後七點四左右..搭返van仔出筲箕灣... 搵左間餐廳...食埋個早餐就去搭巴士返紅磡! 歡就自己去搭地鐵....搭左35分鐘..就到紅磡! 再轉火車返上水...十點鐘返到屋企...就死咁滯! 沖埋個涼...十點半鐘"達"落床唔駛三分鐘就訓著啦... 訓到四點幾俾嬤嬤叫起身...激氣!訓緊途中又鬼死咁多電話喎~妖! 唉...於是咪起身又再沖涼囉...之後d野都唔記得咁多lu.... >>August 4, 2004 at 12:42:39 AM GMT+8 2004 年 7 月 26 日 星期一 【雨】 大家當然很高興啦!! 梳洗完之後...就呆坐左一陣! 八點半就morning call歡wake up... then到八點八又要call brenda起床! 點解我經常性地要做人肉鬧鐘呢？連我自己都唔知點解~ 跟住無無聊聊咁坐下又訓下... 十點十就出門口...因為約左karen十一點o係上水火車站等! 之後o係fanling又會合埋潤 & brian.....到了大埔又等... 今次等既人多喇...有vicky..rachel..小白同brenda.... 明明約左十一點三倒....點知成搭七倒先出現.... 呢班友仔真係丫......之後一齊搭火車出九龍塘再等! 到左九龍塘已經見到歡喇...勁喎!無遲到... 梗係啦...因為係我地遲嘛...明明約左十二點鐘o係九龍塘等.. 但係我都唔記得左我地幾點先到喇... 再等埋權..penny..alan等人...再搭地鐵去呢個筲箕灣... 到達呢個筲箕灣..首先就每人夾左呢個$55... 跟住就去華潤買左d野...再去百佳買乾貨... 中途我..vicky..karen同brenda去左M記買野食... 食完就過返去百佳會合他們! 買完晒d野...就搭van仔入石澳....興奮呀! 一去到..佢地就租太陽傘...我同vicky & karen就去換泳衣.. 無耐小白..歡..brenda同rachel都入埋黎換.... 等埋再一齊出去玩! 嘩...好正呀!起初我同vicky..karen..小白 & rachel五個一齊玩跳浪... 今日d浪勁大...好好玩呀!哈哈...真係唔識形容囉... 可能呢排都落大雨既關係啦...其實今日都落大雨黎..又行雷! 不過我仲係覺得好好玩.....我咁大個女真係第一次..咁大浪出海玩架! 眼見人地玩得咁開心...自己也忍不住要去租張浮床黎玩呀! 於是我就同karen二人...去左租兩張單人浮床o勒! 有張浮床真係好玩好多囉...正呀!karen好慢呀..唔等你喇! 我同vicky出到好遠呀...一個個浪咁打埋黎...真係一浪接一浪架! d浪高過個人...當d浪打到我度果時...我個人都甩開左張浮床! 到我企返起身果時..隨即第二個浪又"襟"埋黎...想死呀! d水勁咸囉...嗚! 玩到買點幾五點....祥仔都入埋黎喇! 而我同歡就出去會合欽 & carol....buy food呀! haha...勁搞笑...我同歡二人水滴滴咁搭van仔出返去筲箕灣! 我仲披住張毯...d人唔知用咩眼光望住我咁囉.. 會合左阿欽o勒...但係呢個傻婆carol呢...竟然搭錯車... 新界人...唔識搭地鐵呀!嘿嘿~~ o係筲箕灣我係著住件泳衣+件背心架嘛!!點知歡同欽話我咁樣披住... 好似入面無著衫咁喎..佢地真係衰呀!咁樣話我... 咁之後我咪唔披囉...哼!之後收到carol電話.. 佢話終於都到左筲箕灣...當時欽同歡已經buy緊food!! 所以我就行過去地鐵站接carol...買完food... 歡又要買cream...欽叫我去7仔買冰... then佢又唔知去邊到買啤酒...呵! 經幾辛苦終於攪掂晒!我地四個人搭的士入石澳.... 哈...途中欽勁同個司機o係度吹水..我地三個女仔就o係度傾計! 之後傾傾下..我地暈呀暈呀...好似唔知飛左去邊咁lu.....@_@ 入到去佢地已經擺左爐喇..不過只係得一個囉.. 咁多人..點迫呢!我唔知啦...返到入去之後... 我同karen再落水玩...haha~ carol同brenda就坐o係沙灘度傾計... 無耐男都o係度既..又加埋潤同rachel... 我同karen就唔理得咁多...繼續玩...haha~ 不過已經無乜浪lu...到左七點我同karen去還浮床... 有一張又入水...唉!無得退回訂金...都唔知邊個攪成咁既! 兩張加埋俾左$80...慘! 之後同karen沖下個身...沖完出到黎見到佢地興高采烈... 我地兩個玩左咁耐...梗係好肚餓啦...就開始燒野食o勒! 燒到咁上下...歡同欽 & vicky..就開始炮製蛋糕... 其實今次一大班人黎到呢度bbq...亦有另一個目的... 就係幫三個人"fell well"←(大家唔好見怪,我英文唔係咁好)... 邊三個..大家知唔知呢？就係brenda..小白同brian喇! brenda係o係英國讀書既...而小白九月就要過美國工作喇..brian就唔知要去邊度讀書! 哈哈...當係預祝生日啦...佢地三個都未過今年生日架.. 所以我地一大班人就唱左首生日歌俾佢地...哈哈! 係咪有好大既驚喜呢？不過brenda同小白一早知道架喇! brenda就唔關我事...但係我就無意中同小白"屑"漏左口風... 但係我唔想架...我都想想講果晚我同歡d野俾佢知咋嘛.. 點知講完之後先記得...唉!屎未？shit~><" 後尾打俾歡話佢知我唔覺意講左俾小白知...差點同佢鬧交呀! 我無心架嘛..唔想的!你d態度駛唔駛咁先？勁"且"火呀~ 呢part講完o勒!之後我同carol出左去沙灘坐...傾計仔! karen無耐唔知send sms俾我定係打俾我啦...話要走喇喎! 果時九點幾...唉!sorry...今日都無乜點理到你tim..知你一定好悶架喇.. 中途我又出左去buy food喎...你又唔出!真係sorry呀! 之後我同carol傾完計...返去佢地又話玩game... 跟住唔記得咩事又無玩到...then我同carol兩個去wash room... 出到去...歡話佢地take左大合照...問我影唔影... 我答:你話呢？之後又再一次爭執...詳情唔多講~ then梗係再take多次啦...但呢張唔清楚囉!><" 影完..佢地成班都走喇!呢個時候大概係十點倒啦~ 剩返我同brenda..小白..carol..歡..欽..權 & alan..... 我地玩"襟"棉胎...第一次alan輸左...罰飲阿歡特製既美味飲品!哈~ 之後又黎一round...我輸左呀!唔知點解"牛牛"下咁...隻手都唔識得拍落去... 俾人罰金雞獨立影相...仲話要post上網一個月tim..haha...慘慘! 之後佢地玩七級豬..而我同brenda & carol就出左沙灘打排玻..傾計同影相! 很開心呢...^^" 到左十一點幾返去...佢地傾今晚幾點走...我頓時覺得無晒mood囉! 都未玩夠就講定幾點走..點樣走..唉!唔知啦... 我同brenda..小白三個人都決定左去歡屋企訓... 講完...最後carol同欽都係走先...果時都未夠十二點! 呢篇日記真係長到爆囉...待續啦! >>August 4, 2004 at 12:31:58 AM GMT+8 2004 年 7 月 25 日 星期日 【晴】 所以...真的不好意思!今日篇日記要miss左佢! >>August 4, 2004 at 1:07:05 AM GMT+8 2004 年 7 月 23 日 星期五 【晴】 目的係拎部電腦俾佢整...但係佢又唔方便過黎拎!! 咁我唯有抵諗d..抬出去中環俾佢囉... 部腦都屎左好耐下...起碼有兩個月啦.. 佢終於有時間幫我整喇!haha.....唉!←傻左! 講真..我覺得自己真係好勁囉...徒手抬部電腦...仲要由上水出到中環.. 真係唔係講笑...搭完火車...就趕去快船碼頭... 有個地盤工人仲大聲話:「靚女，駛唔駛幫手呀？」 咁我咪話唔駛喇..我要趕船呀!haha~ 點知...去到都係送船尾囉..激氣呀! 要等多成20mins...過到中環之後... 約左阿華o係皇后碼頭等! 之後我地去左M記食野.....食完就要走喇! 佢要趕搭七點半船...死啦! 又....唉!原本我剩係諗住出黎俾左部腦佢就算架喇! 都無諗過會同佢食埋dinner先走既...shit!! 希望佢可以星期日俾返部電腦我啦~><" >>August 3, 2004 at 10:55:27 PM GMT+8 2004 年 7 月 21 日 星期三 【雨】 約左大概一點倒o係紅磡等...之後我地行去尖咀... 個天又想落雨..都唔知做乜好! 之後決定左去唱k...但係我都唔係咁想唱.. 不過唔唱又唔知做乜好...所以我地... 行左去佐敦...搭地鐵過銅鑼灣... 去左neway ceo唱k...哈哈! 好耐都未黎過呢間野....都有一年喇應該! 呵呵...咁梗係啦...我地呢d新界人... 滿腳牛屎...都唔會點過海去玩架啦!嘿嘿.... 兩點幾唱唱唱...唱到差唔多七點頂唔順就埋單走人lu..... 之後步行去灣仔据扒...haha....間餐廳搬左過黎喎! 食完行多陣...八點幾阿華就送我去搭車.... 返到屋企都未夠十點....好累呀!><" >>August 3, 2004 at 11:05:26 PM GMT+8 2004 年 7 月 19 日 星期一 【晴】 但係就無約實時間...到左今日五點幾就講好... 約實左七點鐘旺中等.... 我地八個姐妹有七個去...因為少左jackie... 咁兄弟就有欽..政..誠...峰...另外有兩個唔知邊個! 即係有13人...佢地又玩骰盅...又叫左啤酒呀! 我唔玩骰盅...齋飲囉!哈~自去camp之後...飲開有條隱! 今晚k buffet囉...我都無乜點食野...食咁飲飲飲...唔知飲到幾時死!哈~ 之後到左十一點幾就散喇! 剩返我同carol..欽..誠落左間pub度! 其實我都好似唔係咁清醒囉...因為真係飲左好多囉! 我以為仲有其他人黎架...點知....唉! 間pub係阿欽個fd開架...去到佢地仲..我都食左一口呀!呵~ 跟住又係咁飲...ha...我地仲同o係間pub入面做果兩個人一齊玩圍"梅"tim.... 幾正丫...之後既事都迷迷糊糊咁... 剩返記得兩點幾倒...同carol..誠搭的士去先達.. 之後我同carol就搭van仔返屋企...返到屋企都成三點幾lu.... 沖埋涼就即刻"達"落張床度訓著左lu.... 後記:講真果句丫..我真係估唔到會同d兄弟有contact架! 哈..有都唔緊要呀!大家交朋友...至緊要係玩得姐! 估唔到婚宴後...唔到一個星期就約出黎唱k...haha~ 有意思有意思~~~~~ >>August 3, 2004 at 10:22:11 PM GMT+8 2004 年 7 月 18 日 星期日 【晴】 唔...一大清早!唔知到幾多點啦...d人醒晒lu.... 尋晚食剩兩包烏冬...仲剩餘少少菜...一包餃子... 咁我同liz就負責做廚...煮左佢啦...haha~ 十幾個人...好似係十四...因為嘉儀都入左黎.. 不過分量唔多...每人都係得兩條仔既烏冬... 有d甚至乎無得食烏冬...剩係得菜同餃..真係可憐..haha!! 之後大家一齊出發去洪聖爺灣泳灘...由渡假屋去泳灘約步行十五分鐘! 我地買左一張蓆...諗住玩波之際...有個救生員行埋黎叫我地收返埋個波! 掃興呀..咁我咪同karen去玩水水囉....好熱...好想行出個海度.. 但係karen又無換泳衣..唉!! 後尾...佢地又上返去唔知做乜...影下相果d咁啦...勁無隱囉! 無耐就走喇...一齊去食豆腐花....食完返入屋... karen換泳衣...之後我地karen兩個人再去沙灘游水....haha... 都ok la...幾舒服下.....summer佢地一個二個都無帶泳衣!><" 我同karen玩到三點倒卦...就返去沖涼...跟住呆坐左一陣... 就同summer佢地講..我同karen走先!菁兒知道我地走.. 又話跟埋我地一齊走喎...我地趕搭五點半船! 行去碼頭途中..我同karen一人買左包大薯片上船食tim..haha~ 返到屋企大概七點幾倒.... >>August 3, 2004 at 9:22:32 PM GMT+8 2004 年 7 月 17 日 星期六 【晴】 我地約左..唔記得二點定係二點半o係入南丫島既碼頭等! karen今次都同埋我地一齊去呀!!^.< 我同karen兩點半過d去到啦...原來andrew佢地仲未黎到!唉~ 又遲...佢話咪話等呢個等果個囉!嘿~ 搭三點鐘快船入去....只需二十分鐘時間就入到去! 我地係去榕樹灣既... 入到去打電話俾個屋主陳先生...左等右等.. 成日都轉地方...呢度等果度等!唉....好多蚊咬囉! 終於有人黎到帶我地去間屋度喇...偏僻到丫! 大家抖左陣...夾錢!跟住我同liz..karen..summer..oscar去食野! 後來菁兒同新朋友ivy又黎埋...食完就去左buy food.. 今晚打邊爐呀...開心...哈哈! 成日燒野食都燒到悶啦....買完野就返去整野... 初初剩係得我同karen整咋...佢地一個二個咪o係度玩玩囉! 之後就接力...輛到阿詩同kathy... 三個男仔落去買野飲...買左啤酒呀!嘻嘻~ 今晚可以飲個痛快...皆因好耐無飲過!呵~^o^ 七點幾開始打邊爐喇...食到咁上下.. 我同jackel..jacky..karen & 菁兒出去碼頭接parco.... 等parco期間...我同菁兒坐o係碼頭邊吹海風..真係好舒服呀!! 講真..我認果時真係有d ringring地囉... 大佬...話晒我都自己一個人飲左七罐啤酒喎! 算係咁啦...haha!! 之後無耐佢地就輪流洗白白...跟住唔知邊個拎左個b-day cake出黎! summer係壽星女呀...當然梗係唔少得唱生日歌啦! 唱完許個願先...好野!切蛋糕喇....切完就一齊食cake囉... 跟住唔係太記得做過d乜...各有各精彩咁啦... 我就輪洗白白囉.... 到左唔知幾點..我仲未想訓住...但karen已經訓喇! 我同liz..jackel...parco...andrew...jacky o係度玩true or dare... 後尾連oscar同kathy都加入戰局...好玩呀好玩呀!嘿嘿~~~ 之後都係咁啦...臨尾唔記得幾多點喇...瞌左陣咁啦! >>August 4, 2004 at 12:44:46 AM GMT+8 2004 年 7 月 16 日 星期五 【雨】 阿歡話去我屋企..但真係唔係咁方便囉! 所以我情願我陪佢返佢屋企..好過佢黎我屋企! 咁佢又話好喎...咁咪去囉! 但係我都要返一返屋企執野先... 返到上水..祥送jackie & brenda返太平... 歡跟埋去..我地約左o係巴士站等! 我攪掂晒d野就call歡...果時都未夠一點.. 點知阿歡仲未得...當佢黎到bus stop既時候...已經過左一點! 尾班車經已開出...祥也在場! 因為佢擔心我地兩位美女囉...haha...←嘔! 我地著到咁靚...又化晒妝!夜媽媽兩個女仔... 佢作為朋友既..又係男仔..都有一定既風度既!right? 我同歡諗住搭的士返天水圍...所以就去問價! $50去唔去到...個的士司機都幾年青下...仲要係著恤衫tim... 但係就傻頭傻腦囉...後來佢話至少$100... 咁我地就行開左商量...咁當我地決定左搭之際... 個司機竟然問阿歡..你識唔識路架？勁搞笑囉... 唔識路去天水圍...咁我地就無搭到喇... 之後我想到..不如搭van仔去mk...再轉返van返天水圍! 點知去到墟度俾我見到一架去元朗既van仔.. 我就叫阿歡問個司機...去到元朗有無車返天水圍... 個司機話有..咁咪上車囉!到元朗就落車啦... 點知我地唔識路喎...行行下...見到有個女仔好急咁跑緊... 阿歡就追住佢黎問:邊度有車返天水圍呀？ 個女人回頭一望...問我地..你地係咪返天水圍呀!! 咁我地當然答係啦...咁佢就叫我地跟住佢... 但係當時佢依然o係度跑緊....咁我地咪跟住佢跑囉! 好在我返屋企果時換左對拖鞋...如果唔係著住對高跟鞋又點可以跑步呢! 上到架去天水圍既van仔之後...我地同個女仔o係度傾計! 佢講初初我地問佢果時..佢都唔想答我地! 但係又見到我地兩個斯斯文文咁...所以最後都答左我地! 哈..咁又係既..夜媽媽兩個女仔咁樣問人路...搞笑! 之後到左唔知天盛定係天耀就落左車... 因為頭先跑步跑上隱...諗住再跑過...跑返阿歡屋企! 點知...一落左車..阿歡同我講:你知唔知呢度返我屋企要成半粒鐘？ 咁我就俾佢玩左喇...點知佢會咁早落車喎!我又唔識路... 唔怪之得阿歡叫落車果時..個女人問我地...乜咁早落車呀..咁啦! 衰歡丫...我地一落車無耐就係咁跑! 阿歡跑到警署門口...佢個紙袋條繩甩左.....haha~ 跟住我地仲o係警署門口度影相tim...真係喪喪地架! 幾經辛苦終於到佢屋企樓下...我地o係樓下坐左陣吹左陣風先返上去... 入到屋大概三點幾啦...真係好累呀! 抖左陣..我地又玩自拍..haha 今晚真係玩得唔夠盡興囉..就連平時好正經既阿歡都同我一齊癲!呵~ 跟住阿歡沖涼先...而我就o係sofa度訓著左... 歡沖完出黎就叫我起身沖涼! 沖完就即刻"達"落張床度...果時都好似差唔多成五點鐘喇! 同歡一齊訓...haha!! ******************************************************** 第二朝一早...阿歡鬼死咁多電話! 手提又響...屋企電話又響....煩死人喇! 之後歡話而家八號風球...haha!!但係我地就訓到不見天日.. 真搞笑呢....訓到唔記得幾多點起身喇! 三四點卦...歡媽咪煮左粉... 我地起左身之後...我同歡..仲有佢妹妹就一齊食粉...haha~ 好肚餓啊! 食完抖左陣...同歡出左去...我地去左銀座度行! 因為八號風球既關係...好多店舖都無開到! 行到無晒隱...勁無聊囉!咁上下...阿歡就送我去搭車返上水.... 佢簡直係帶我遊花園囉...唉!! 已經成身都濕架啦...返到上水七點幾卦... 總算完結啦...可以抖一陣咁多啦.... 事關明天又要去camp喇!! >>August 3, 2004 at 10:46:06 PM GMT+8 2004 年 7 月 15 日 星期四 【晴】 我地姐妹既化妝師黎到...因為今晚我地八個姐妹著晚裝.... 所以隨新娘同伴娘外...我地眾姐妹將會靚盡全場...哈哈! 換左晚裝後..就開始set頭...接著就是化妝...都唔記得搞到幾多點lu... 我化完妝..set埋頭...無耐同左carol出去買野... 大家唔好忘記我地兩個都已經換左晚裝... 在商場內換黎既係...途人既奇異目光....真的搞笑! 可能人家話:呢兩條友咩事日光日白著住套晚裝在商場逛...嘿嘿!! 買完野之後...我地回到會場...大家都各有各忙呢! 迎賓的迎賓..四位靚仔靚女MC在商議台詞.....又要採牌.. 而我就企左o係個禮堂附近...隨時準備備茶.... 眼見新娘新郎係咁同親戚朋友合照...他們一定笑到"牙較"都(梗)了! 真可憐...不過也很開心的!因為是他們的大囍日子嘛!! 已經唔記得八點定九點入席了! 首先當然歡迎一對新人進場...當他們步入會場時..眾兄弟姐妹們和朋友擲花炮! 很高興呢...會場內還有投射螢幕播一對新人既相片... 有新娘既朋友..兒時既照片....我睇到都有點兒感觸! 我已認識了新娘八年喇...回想起以前...大家的確變了很多呢... 都是以前讀書開心...大家日日都可以見到...一齊上堂..一齊食lunch...一齊玩! 而家個個都投入社會工作...讀書的讀書!十分忙碌.... 新人致詞後....大家都起筷喇!唔客氣喇.... 忙左咁耐..大家都一定很肚餓呢...醫醫肚仔先啦! 食到咁上下...就到了玩新人...其實都唔係玩好多姐..... 所以我o係呢度都唔多講o勒! 最後到達尾聲...一對新人送完客之後... 我地姐妹都諗住換衫...結果發生左一件事...很不開心的事情! 所以不提也罷!vicky:你都唔好再為此事而不開心了....我們支持你! vicky:今日我見証左你既幸福...我也感到十分高興! 我真的想不到...我自己會哭了出來...是由心底裡擁出來... 很久沒有試過如此的為他人感動到流淚了...和你做朋友這麼久.. 我想你一定清楚了解我...我是一個非常眼淺的人..這也算是感性..嘻嘻! 我祝你幸福...博殺多兩年...就好快d生返一兩件喇...到時我一定要做契媽架!^.< >>August 3, 2004 at 6:11:11 PM GMT+8
|
|
寫這個日記既目的..係想我既親戚朋友知道我每日所發生既事情
nope...
<br>is v人氣: 39981
Design & Scripting by ShowHappy.Net