2002 年 12 月 12 日 星期四 【晴】

尋晚打完篇日記,見咁凍都想去訓架喇.但係見到二佬on緊line,我就hi佢,見佢同我都冇野做,我突然又好想打機..跟住就打左電話俾佢叫佢玩炸彈人.點知隻炸彈人尋晚個server唔知做咩,好鬼lag,差唔多玩一場就斷一次線,仲要玩我地兩個部腦係咁hang,restart左成3,4次..我地已經好有耐性,試到2點幾,最終都仲係玩唔到..真係激鬼氣!
見冇得玩但係又唔想訓住,我就傾住同佢周圍睇人hp,結果去左睇番好多野:佢既網,我地整個既網,我個舊網,佢個舊留言板,我個舊留言板..
睇番原來好好笑,搞到我地勁o係度笑,因為有d link錯晒,有d就網既內容好低b,有d就網頁d無厘頭既野,總之就係一蹋糊塗啦!點解我果陣會整埋d咁低b既網既?不知不覺,就經已3點45分,之後就去左訓.
可能凍左咁多日習慣左,今日比起前幾日好似冇咁凍..
第二,三堂有history既test,但係時間就唔多夠囉..篇essay要勁cut字,唔可以暢所欲言(吹水呀~),搞到有d頹添.
本來諗住小息做番前日交既Geog既past paper題目,但係又唔識做,尋日叫阿jay帶本marking番黎,點知佢又唔記得左,今日終於都記得喇佢,但係一睇之下好無奈..條題目居然係2002年..新鮮滾熱辣,而阿jay本marking係去到2001..最弊係我居然對呢題野冇印象..天呀,我今年其實有冇考過Geog架..
就係咁,小息好無奈咁去左搵教Geog既張sir,諗住問佢欏2002個marking skin,點知佢都未有..跟住佢竟然求其o係疊交左既簿度摷左本俾我..大家估下係邊個既?賴小姐..-__-"為左交功課都冇得唔要啦,班裏面用英文修Geog既得四個,四個之中我又未做,阿jay都未做,即係二揀一啦..
之後兩堂中文堂又係作文..結果兩堂入面我都冇咩郁過篇文,又要帶番屋企做啦.
食完lunch,諗住打陣波,點知等好耐先打完一隊,閒閒地都玩成3,4個字,d人好似鬥唔入波咁..結果今日先輪得果3,4隊..破晒記錄.
諗住lunch之後既PE堂可以玩啦,點知做miss又冇番啦,又冇左堂PE..T.T
跟住堂數學堂,班裏面好嘈,之後仲有d小風波,我覺得彭sir都幾值得同情既,不過佢d教學方法認真要改改喇.
最後堂中史,訓到不省人事咁,俾人畫左一筆o係隻手都唔知..醒果陣畫我果個人仲要同我講番畫左我一筆,平時又"美化"我d簿面..可惡~\__/
放學睇左陣人打波,之後同大勝一齊走,行去車站果陣同佢講起會考d野,唉~講講下真係有d驚..好快又到喇,我唔要再做炮灰呀!
放學返到屋企,沖左個涼..之後就邊聽少爺占[i love u boyz]邊整網頁,加左兩頁新野上去.
食完飯之後,見自己個網既cgi apeboardplus留言板既[下一頁]有d問題,所以就上網周圍搵搵有冇辦法搞掂..點知真係俾我搞掂左!原來我一路以黎都set錯少少野.另一個重大發現就係搵得番個自己整既cgi apeboardplus日記簿啦..已經link左上自己個hp度,睇番d內容好懷念呀..原來放榜之後我就冇整個網,冇寫日記..搞到宜家差d連日記簿既web address都唔見埋..好彩搵得番..
宜家有兩本網上日記喎,用邊個好呢?

舊日記: http://pitar0422.netfirms.com/cgi-bin/diary/apeboard_plus.cgi

>>December 13, 2002 at 3:57:09 PM GMT+8

2002 年 12 月 11 日 星期三 【晴】

尋晚整到12點幾,一邊on住line,一邊快快脆脆打埋篇日記擺上網,打完見二佬on緊line,原來佢打緊機,所以傾左幾句,我諗住去訓,點知無啦啦hang機..又廢事開過機同二佬say句「拜」就off咁過癮,所以就去左訓.
13度,今朝又凍番啦.
今朝搭車果陣撞到兩個舊同學,唔知點解有種尷尬既感覺,睇住自己著住同佢地唔同既學校,唉..好失敗咁(絕對唔係話宜家間學校唔好!宜家番學日日都好開心~好開心識到班可愛既新同學.不過係見自己要repeat,睇到d舊同學讀到中六,覺得自己好似好失敗咁)..
同佢地傾下傾下,唔經唔覺經已到左站..落車行番學果陣一路上都有份落寞既感覺..
今日終於見阿siu番左黎啦,佢呢個禮拜都冇番過學..原來佢腸胃炎,不過好似仲未好番,希望佢快d好番啦~
頭兩堂又係漫長既英文堂,眼訓到我丫..搞到第三堂既中史個測驗做到死死下,勁想訓..
但係一到小息我就精神晒,都唔知自己係咪有病..一上堂就想訓,放小息,lunch就勁精神.
之後果兩堂歷史堂,同正正研究Queenie帶番黎果本<真係笑話>附頁既小書仔,好歡樂咁又兩堂..
Lunch果陣,去又一村食野,阿siu好似病得真係好嚴重,先有鯉魚背住佢行左陣,跟住之後佢又搭住我膊頭行,lunch之後仲早退埋添..
放學番到屋企,開機整左陣網頁,執番尋晚執緊既midi..但係個人覺得好累,去左訓陣..
5點半左右醒左,原來阿妹已經番左黎,佢仲霸埋我攤住既電腦黎用.不過我見凍凍地,繼續匿o係被竇,聽埋少爺占套[i love u boyz]廣播劇先,套野真係笑鬼死我..好無厘頭既劇情加埋無厘頭既對頭原來係咁殺既..之後6點零整埋d midi,upload埋上網.後來又去左自己本日記簿睇下,發現尋晚可能因為眼訓得滯,搞錯左日記既日期,即刻改番佢..
食完飯之後,on住line又整下個日記簿,唔覺唔覺又11點,邊聽住<嘩嘩嘩>邊同正正chat,又聽到首,之後send左林一峰既訪問俾正正睇,跟住見都幾眼訓,就快手咁打左篇日記出黎.

>>December 12, 2002 at 4:23:22 PM GMT+8

2002 年 12 月 11 日 星期三 【晴】

近排903勁聽到既歌..
自從<爛泥>之後都好欣賞李峻一先生既曲詞,
暫時最愛佢既作品係<孤兒仔>,不過呢首都唔錯~

Lonely Christmas 陳奕迅
作曲/作詞: 李峻一
編曲/監製: Terry Chan

誰又騎著那鹿車飛過
忘掉投下那禮物給我
凝視那燈飾 只有今晚最光最亮
卻照亮我的寂寞

誰又能善心親一親我
由唇上來驗證我幸福過
頭上那飄雪 想要棲息我肩膊上
到最後也別去麼

Merry Merry Christmas
Lonely Lonely Christmas
人浪中想真心告白 但妳只想聽聽笑話
Lonely Lonely Christmas
Merry Merry Christmas
明日燈飾必須拆下 換到歡呼聲不過一剎

誰又能善心親一親我
由唇上來驗證我幸福過
頭上那飄雪 想要棲息我肩膊上
到最後也別去麼

Merry Merry Christmas
Lonely Lonely Christmas
人浪中想真心告白 但妳只想聽聽笑話
Lonely Lonely Christmas
Merry Merry Christmas
明日燈飾必須拆下 換到歡呼聲不過一剎

明晨遇到 亦記不到
和誰在醉酒中偷偷擁抱
仍然在傻笑 但妳哪知道我想哭

和誰撞到 亦怕生保
寧願在醉酒中辛苦嘔吐
仍然在頭痛 合唱的詩歌聽不到

Merry Merry Christmas
Lonely Lonely Christmas
人浪中想真心告白 但妳只想聽聽笑話
Lonely Lonely Christmas
Merry Merry Christmas
明日燈飾必須拆下 換到歡呼聲不過一剎

Merry Merry Christmas
Lonely Lonely Christmas
人浪中想真心告白 但妳只想聽聽笑話
Lonely Lonely Christmas
Merry Merry Christmas
明日燈飾必須拆下 換到歡呼聲不過一剎

換到歡呼聲不過一剎..

>>December 12, 2002 at 11:52:55 AM GMT+8

2002 年 12 月 10 日 星期二 【陰】

尋晚一邊check番個網有冇dead link,一邊同二佬chat.到一點左右,二佬話訓,我又有d眼訓,所以去左訓.
今朝醒左感覺上冇尋日咁凍,但係都仲係好凍..
小息果陣睇左份<明teens>,o係星座果版我睇到金牛座既健康果欄寫話我因為唔夠訓,抵抗力下降喎..睇完有d驚,因為<明teens>預測既星座運程幾準下..而且我呢排又夜訓番..
到左lunch,同鯉魚,dorami o係操場等人,凍到我係咁震,弊喇弊喇..唔係咁快靈驗掛?我果陣真係成個人係咁震,仲俾鯉魚問我做咩係咁震-__-"..
之後去左新世紀食晏,出學校果陣,個偉大既校長又o係門口check住啦..迫我地行番大路,不過我地行到一半又兜番入小巷,始終行小巷方便d,快捷d.
食完lunch之後,行過間優の良品,carrie同sally想買d糖,於是我地入左去.鯉魚就勁食試食d野,哈哈~我睇到個店員好無奈咁睇住鯉魚食野.
之後發現時間唔係好夠,我地就好急步咁行番去,沿途睇住carrie同sally發癲-__-".今次我地好醒目咁行左條小巷,再轉番出去大路,不過就用多左好多時間,番到去淨番1,2分鐘..
放左學諗住睇下有冇波打,但係又冇波,跟住正正又黎吹我番屋企.
搭車番屋企果陣,架巴士既roadshow播住千嬅首<可惜我是水瓶座>既mv,同我之前send俾dorami果個原來一樣..
番到屋企,見冇野做就上網,去左cmidi搵d midi黎整網,結果一去就睇到停唔到手,之後icq都冇開過..仲download左唔少midi,自己突然都有d衝動想學下整midi..
7點幾,mini冇返,鄭家輝代左佢節目,我第一次聽到903播千嬅首<可惜我是水瓶座>,我諗首歌終於派上台喇..千嬅要做最後一擊!不過年尾先派呢首歌我覺得好浪費..
食完飯之後,又番房整d midi,編番頁midi播放器..但係整左我成晚都整唔晒..
聽日再努力~

>>December 12, 2002 at 11:50:13 AM GMT+8

2002 年 12 月 10 日 星期二 【陰】

今日係咁聽到既一首歌...

可惜我是水瓶座 楊千嬅
曲: 雷頌德
詞: 黃偉文

原來你這珍惜我
從前熱戀中都未聽講過
別說這種行貨 哪裡留得住我
到底是為什麼分手你很清楚

如可笨到底 但到底 還是我
誰人待我好 待我差 太清楚
想繼續裝傻 卻又無力受折磨
心裡羨慕那些人 盲目到不計後果

我就回去 別引出我淚水
尤其明知水瓶座最愛是流淚
若然道別是下一句 可以閉上了你的咀
無謂再會 要是再會 更加心碎

要是回去 沒有止痛藥水
拿來長島冰茶換我半晚安睡
十年後或現在失去
反正到最尾也唏噓
夠絕情 我都趕我自己出去

猶如最結實的堡壘
原來在 逐點崩潰 逐點粉碎
極固執的如我 也會捱不下去
每天扮著幸福 始終有些心虛

如可笨到底 但到底 還是我
誰人待我好 待我差 太清楚
想繼續裝傻 卻又無力受折磨
心裡羨慕有些人 盲目到不計後果

我就回去 別引出我淚水
尤其明知水瓶座最愛是流淚
若然道別是下一句 可以閉上了你的咀
無謂再會 要是再會 更加心碎

要是回去 沒有止痛藥水
拿來長島冰茶換我半晚安睡
十年後或現在失去
反正到最尾也唏噓
夠絕情 我都趕我自己出去

>>December 11, 2002 at 4:25:00 PM GMT+8

2002 年 12 月 9 日 星期一 【晴】

尋晚教sally整靚塊日記板,跟住聽住<嘩嘩嘩打到黎>,聽到正正打左去玩叱吒樂壇遊樂場,尋晚d題目好明顯比起上個禮拜難好多,不過好彩正正都贏到佢既對手..
之後二佬又問我日記板d野,我就打左電話俾佢,幫佢整靚塊板,整好之後見冇野做,就屈左二佬打機,玩番隻炸彈人online,隻炸彈人online多左好多新功能,好正呀.結果一玩就玩到5點幾..哈哈..
之後訓左個零鐘又要起身番學,今朝依然係咁凍..得14度,不過今朝醒目左~識得較暖水刷牙洗臉^^
今朝架巴士開慢左,搞到我差d遲到,同埋又撞到dorami喎,佢又遲左醒,我地就急急腳一齊行番學,一入學校都未行到locker就打鐘,好彩冇遲到.
之後成日都好眼訓,都唔記得上過d咩堂..淨係記得個中文測驗變左作文..lunch諗住做晒d newspaper cutting,但係俾sally慫恿..話聽日先交,我咁懶又唔想做,聽日就聽日啦,反而果陣都鬼咁眼訓..冇咩心機做..
好快就到放學,俾正正嗺我番屋企幫佢聽森美小儀,番到屋企都4點20分,扭開收音機,聽到佢地不斷有d phone-in既遊戲玩,就係冇叱吒樂壇遊樂場,我諗係3點幾做啦..之後我online就同正正講番.
番到屋企冇耐,sally打黎問我d網頁同日記板既野,於是我就教左佢set同用cuteftp去upload野.
之後冇野做,見又凍凍地,就去左沖個暖水涼,好舒服~
食完晚飯先後,諗住做newspaper cutting,跟住sally打黎問我整hp d野,結果11點幾先做晒d newspaper cutting,跟住順便upload埋自己個網d野,我個網復活啦~不過暫時都仲係好空..

p.s.今晚<嘩嘩嘩>既叱吒樂壇遊樂場d參賽者好弱呀..兩個都0分...

>>December 10, 2002 at 4:05:50 PM GMT+8

2002 年 12 月 8 日 星期日 【陰】

好凍呀!
尋晚算係好早訓左掛(?),邊聽wasabi邊迷迷糊糊(訓?)..不過今朝都係唔想起身,凍呀..
一出廳睇睇部電視,嘩~11度!?唔係掛..今朝洗臉果陣真係辛苦..掂下d水都想死..自己又岩岩訓醒死蠢左..唔識得較暖水,shi..t!
搭車一落車就遇到dorami,佢一開口唔係hi我,係話「好凍呀..」「好凍呀..」「好凍呀..」「好凍呀..」「好凍呀..」「好凍呀..」「好凍呀..」「好凍呀..」「好凍呀..」「好凍呀..」..哈哈,行番學校全程聽得最多既就係呢句,不過真係好鬼凍.
番到課室,嘩~超超超超超暖呀..原來5A班既課室係咁溫暖架,之後出去早會勁食一輪風(早會仲加插左吹波先生既縮水校褸奇遇記,勁爆笑!!),再番到課室,就更加感覺到課室係幾咁暖..
頭幾堂用左黎抄maths功課..哈．哈．哈．．
都唔知係咪有心玩野,今日第三堂火警演習,就咁又無啦啦出左去勁吹一餐..果陣比起早會仲凍..d風吹得仲勁..唉..本來我諗住成朝連小息都匿o係溫暖既班房唔出去架嘛-__-"
下晝去左新世紀廣場食lunch,食完lunch之後覺得都冇咁凍..不過行番學校果陣用左條小巷,又見到偉大既校長企左o係度,我都心知不妙..
因為我地偉大既校長曾經同全校講過唔好用條小巷,因為近期有幾單劫案發生過,行小巷會好危險..叫我地番學放學食lunch都行出面金巴倫道既大街..但係用小巷真係快好多方便好多丫嘛..又咁多人o係度..
結果我地幾個同埋其他幾個用巷仔番黎既人俾佢捉埋一邊訓話..俾校長咁訓一訓話,搞到我連去計好晒岩岩好可以去埋廁所既時間都冇埋..嗚嗚..
lunch之後係英文堂,今堂派番上星期四既test,sally又高分過sandy喎,勁~
跟住歷史堂同正正講番我今日有d咩做..嘩~原來有好多野做,首先放學先要補課啦,跟住番到屋企要打番尋日篇日記啦,又要打今日篇日記啦,又要做番煩人既newspaper cutting啦(差d又唔記得拎簿番屋企啦,好彩放學開locker擺書果陣撞跌d簿先記得..),又要聽《嘩嘩嘩打到黎》聽下有冇正正啦,又要溫中文啦(聽日test><)..諗起都無奈..
放學既中文補課,今日得3個人上..哈..好冷清下..
之後番到屋企都5點幾,即刻打番尋日篇日記擺上網..咁又6點..
7點左右,同人傾傾下電話,果陣開住部腦打緊日記,電話裏面既人突然話左個"蠢"字,我部腦就閃左去藍畫面..超邪..勁驚..幾驚今日篇日記會冇晒..好彩禁一禁Enter就冇事..就即刻save低左篇打左小小既日記佢.
之後on左陣line,正正提我去881903.com投票,今個禮拜係o係20強一人一票選出最後10強,上次我投果首<燕尾蝶>冇左..反而我冇投果首<劃火柴>o係度..-__-"
20強果20首都係好歌,搞到我一時之間都唔知點投..本來想投番我之前冇投既<劃火柴>,o係我投之際,正正突然send左個message黎拉票,都預左佢叫我投sammi既<跳傘>啦,算啦,<跳傘>都好聽,就咁樣,我就投左<跳傘>一票喇..希望首歌生性,唔會好似首<燕尾蝶>咁,咁好聽都冇左啦..
食完飯之後,即刻剪左d報紙準備做newspaper cutting,不過又俾阿媽叫左去洗碗,番到黎又做緊<嘩嘩嘩打到黎>..冇咩心機做..結果聽住<嘩嘩嘩>溫中文,睇黎newspaper cutting都係要聽日靠正正部字典機啦~哈哈

>>December 9, 2002 at 3:44:00 PM GMT+8

2002 年 12 月 7 日 星期六 【雨】

尋晚訓果陣,聽過天氣有成24度,熱到我o係張床碌黎碌去.今朝9點左右醒左,凍到我..開住903,聽到原來得番14度,竟然o係一晚之間跌左成10度!諗起都覺得恐怖..結果一直匿o係被竇直到10點幾,先俾阿媽屈左起身.刷牙洗面食埋早餐之後,就俾佢叫左我去"勞役"喇.o係佢去買送果陣,我就要o係屋企洗地下,洗完之後見冇野做,on左陣line,見都係冇野做,就開下人地d網黎睇..跟住開番我舊時個網留言板,發現竟然有個新留言,8月幾留既,可惜我果陣已經冇理到個網,呢個留言令到我突然想整番我個爛網,咁就用左成個下晝執個網.
到左夜晚,食完飯睇左陣電視,見到又有千嬅喎~哈哈
之後諗住做功課,做newspaper cutting,但係果陣先發現本簿用晒,d新簿又o係晒學校,屋企又冇簿,咁唯有做數學啦.一揭開本書..嘩~有圖喎,咁煩都係唔做喇..聽日番學先咩啦..嘿嘿嘿
之後又搞左陣個網(未upload),11點幾,見都咁夜,諗住打埋篇日記去訓..點知俾阿媽叫我熄機,所以冇打日記就匿左入暖暖既被窩訓lu..

>>December 9, 2002 at 9:54:40 AM GMT+8

2002 年 12 月 6 日 星期五 【晴】

尋晚好累,聽聽下<芝see菇bi Family>訓著左.
一訓就訓到今朝10點零,尋晚二佬話今朝10點會打黎睇下今日出唔出去玩,我見佢冇打黎,我打俾佢又冇人聽(佢出左去?未訓醒?有人用緊電話?定係唔記得左呢回事呢?)..跟住扭開903聽叱吒榜,諗住邊聽邊等電話,大約11點,叱吒榜數到冠軍歌,果然真係千嬅既<笑中有淚>,哈~我果陣心諗正正有聽緊既話,一定激到暈左..
到到中午,見肚餓,就o係屋企搵野食,結果隨手欏左d公仔麵黎煮,都好耐冇煮過公仔麵(我太懶..寧願唔食都唔去煮)..食完之後,見二佬冇打黎,我都算lu.跟住online又見少人,個人又好鬼累,索性去訓番陣,訓到2點半,醒左又聽左陣903,做緊叱吒樂壇遊樂場,佢問果d小春既問題我都係識d唔識d,反而最後果IQ題我識喎,佢條問題係"shine,cookies,ekids,eo2坐旅遊巴旅行,但係shine既天佑唔去,cookies又有兩個遲d先黎,ekids既tommy又有野做,咁仲有幾多人會坐旅遊巴去旅行",小春同個參賽者都答左14,因為[2(shine)+9(cookies)+3(ekids)+4(eo2)]-4=14,不過佢地計漏左個司機丫..答案係15個..我反而覺得尋晚三姑o係<嘩嘩嘩打到黎>問既果d IQ題仲難..
之後,3點幾,見冇野做,我睇番前幾日dl落黎既小說版<我的野蠻女友>,睇完兩集,覺得好好笑,我突然想將篇野擺上網,結果我就成個下晝同夜晚整個網頁..幾經辛苦,排位,搵底色,set背景音樂,整埋個cgi人數計,較對番d字,做左首頁,篇文既介紹同埋一口氣整左成7章..都算係咁啦..(仲有33章><")
呀~搞到我都冇咩時間寫日記添..好彩今日冇咩特別事件發生o者.

p.s.個網址都仲係 http://here.at/banana

>>December 7, 2002 at 3:09:43 PM GMT+8

2002 年 12 月 5 日 星期四 【晴】

尋晚2點幾先訓到,不過今朝6點幾就醒左,之後大約7點25分就出左去搭車,先去左sally屋企樓下等,去到見到阿寶同阿fa已經o係度,之後去左7仔買燒烤叉,番到黎鯉魚都到左,等埋sally欏d食物落黎,我地就搬晒d野番去學校.
番到學校,一入門口,已經感受到一股開心既氣氛.番到課室,點完名等左陣,我地架車就黎左.
o係車上面,我一面聽住正正既MD,一面睇下風景,後來見冇野睇,就合埋左眼抖下.之後,播到<時間之光>,我聽住佢d歌詞,突然有種好怪既感覺..我係第一次咁留心,逐個歌詞聽..原來d歌詞好touching,我諗起佢..果刻聽到我眼濕濕,果剎那真係有想喊既衝動..之後成日都有d唔開心..
搭左半個幾鐘車,終於到左大埔林村既愛丁堡營.落車之後,聽埋阿sir講解今日既程序,大約10點左右,就俾我地自由活動.我地霸左個燒烤爐之後,就開始燒野食,燒燒下發現好似唔係好夠野食,點知到最後,唔夠既係炭..到左11點幾,我燒到冇咩mood..果度又熱又多蚊,我仲俾d蚊咬到雙手勁痕..跟住,我見到球場果面有人打緊波.我行左過去睇,原來係斌哥同大盛佢地.果度有棵大樹,我坐左o係度睇左陣,果度涼風陣陣,吹到個人好舒服..後尾見唔夠人,我亦都玩埋一份.唔經唔覺,打到1點幾,我地諗住四圍行下,行行下發覺愛丁堡營地方好細,設施亦都好少,行到好悶,之後我地索性搵個地方坐低涼下.我坐左陣,又去搵番sally佢地,果陣佢地影緊相,我見我打波打到身水身汗,唔太想影相,不過是但啦,好難得咁人齊,所以最後我都影左幾張..到左2點45分,我地就集合番去學校.番到去,我一落車就照住尋日個計劃行動,即刻行左過去牛津場換衫,途中撞d同學,又寒喧左幾句..換左校服,番到去英華差唔多4點,好彩仲趕得切綵排.綵排完,有d時間同d舊同學聚下,大家個樣都冇咩點變,我地講番上年既課堂生活,真係好開心,亦都好懷念..
到左5點半,畢業禮正式開始,一開始氣氛已經好好,唱首school hymn,大家已經精神抖擻,大大聲咁唱.隨住致歡迎辭,校務報告,我越黎越緊張,因為陣間要上台欏張畢業證書,今年學校仲請到律政司司長梁愛詩做嘉賓,即係我會o係梁愛詩司長既手上欏到張畢業證書>O<~
終於到我地欏畢業證書,辛苦梁司長啦,佢要逐個逐個同我地握手,由頭到尾又要不斷對住d閃光燈,但係佢仲係笑得好燦爛,真係好專業,搞到我地都好鬼佩服佢.
畢業生致謝辭之後,英華既中西樂團各自演奏一曲,個畢業禮都差唔多完得..完之前唱埋校歌,全校既學生都用嘹亮既聲音唱首校歌.唔知點解,英華仔好enjoy唱校歌,每次唱起校歌,都會越唱越大聲,越唱越high..隨住首校歌既完結,個畢業禮都完..不過英華仲有一個傳統,就係逢大場面都會嗌學校既口號,就o係d嘉賓離場果場,d學生,舊生都一齊嗌住,將全晚既氣氛推到最高..好正..真係好正..之前參加左幾年既畢業禮都冇今年有咁大感受..可能係因為最後一次參加啦..
7點左右,畢業禮完左之後,見有好多人o係Noble Hall門口影相留念..係喎,今年係最後一年o係Noble Hall搞畢業禮..
跟住d fd問我一唔一齊去食晚飯..本來約好晒,但係我唔知做乜,臨時答左唔去..跟住自己一個渾渾噩噩咁o係條街度勁行勁行..唔知行緊去邊..
行到8點幾,心情好左d,見餓就入左間麥記食d野,食完就行埋番屋企.
番到屋企成身汗,沖左個涼..10點幾,阿媽叫我洗碗,果陣我打緊篇日記,我已經同佢講左等陣先洗,諗住打埋d野先,我又冇話過唔洗碗,但係佢咁又鬧左我一餐..
洗完碗之後,我都冇咩mood打篇日記..如果有咩補充遲d補番..
唉,好灰..

>>December 6, 2002 at 3:46:39 PM GMT+8