2003 年 1 月 21 日 星期二 【晴】

尋晚唔知做咩部機hang左,當我重新開過部機,就o係果一小段既時間內訓著左..快到我都唔信..訓到5點零彈左起身,熄埋部機再訓過.今朝6點50分醒左,不過都係等到7點先起身..
今朝番去又撞到dorami,我發現我成日番學都會撞到佢~番到去又係好mun水,欏書果時已經打鐘..快快脆脆番班房再出去聽無聊早會..有d懷念上兩個禮拜唔駛早會既日子..
頭三堂又係考驗..第三堂既地理終於頂唔順..訓呀~之後果兩堂本來係漫長既英文堂,不過今日有個講座要聽,咁又冇晒兩堂英文..不過講座都應該係悶到訓架嘛,點知又唔係喎!今日個講座講關於愛滋既,個講者幾掂下,會不時整d笑位出黎,又唔係齋講d資料性既野,佢分享左好多case,一d都唔悶..
之後到lunch,今日鯉魚冇番,冇左佢既lunch靜好多.今日又係訂飯上去欏,不過今日得番4個人,上到去又去左7仔買左支反旋筒,一邊食住一邊慢慢行番學校,都幾寫意.食完飯睇人比賽3人籃球,好好笑..足球隊踩場,佢地d動作好搞笑,仲要咁冇運第一場就對住班高手,當然輸啦.
之後果堂中史勁眼訓..次次都係咁,食完飯飯氣攻心..一定會眼訓d.之後兩堂econ,盡量唔俾自己訓,結果都係訓下醒下咁..唉.
放學又有3人籃球比賽睇,好好笑.班中一抽到對中七..淨係睇身高都分晒勝負啦.不過我覺得班中七慘d..入波就俾人話大蝦細,俾人入波d人又話廢..進退兩難.結果當然係中七果隊贏啦,不過值得一提係中一有個o靚仔幾勁下,入左3,4球,第日一定好有前途o者.
睇完之後走,差d俾人捉落旺角..5點左右番到屋企,聽住903,開機打番尋日篇日記,check番日記聽到d歌,一切都掂晒.之後玩番cm,一路玩到食飯.
食完飯聽左陣903玩下cm,之後online諗住搵埋閱讀報告交功課(本來係聖誕功課..),用yahoo search,搵到篇寫得幾好既,諗住copy..點知一睇個網址..寫住http://www.ktsss.edu.hk/~study/report.htm原來係自己學校既-__-,費時抄得咁無良,於是又好努力咁搵過,終於俾我搵到,不過見咁夜,自己又俾人鬧緊,所以費時做住,打埋篇日記先..之後睇番個日記,發現又冇左背景音樂..即係又爆左流量啦..所以我決定random播歌,俾大家揀就播midi,減輕個網既負荷..
最後希望我星期五交到功課啦..

>>January 22, 2003 at 3:25:46 PM GMT+8

2003 年 1 月 20 日 星期一 【晴】

尋晚同二佬傾到1點幾,之後去訓.
真係有個衝動抄番尋日篇日記落黎,因為呢兩日所做既野都差唔多..今日7點左右醒,番到學校又係岩岩好夠鐘..今日有中史test,但係我完全冇心機溫..結果頭三堂一路擺住本中史精讀,一路訓..我發現自從我調左位之後我成日都訓,同學期初好唔同..我諗個位d風水唔好..中間兩堂中文對練習,好無聊咁過..
之後到lunch,又係訂定飯,lunch去欏..訂完飯又成排人上晒去,都幾搞笑..其實搵三四個去欏飯都ok啦..
下晝pe堂玩跳馬,好無聊,最後我地搵塊氈黎玩入樽先好玩..之後成堂數學堂欏黎溫書,不過冇咩用..到左中史堂個test都係死..仲可能係死得最轟烈既一次..
放學諗住打波,不過都冇..番到屋企又玩隻cm,玩到7點零,跟住上網四圍睇,俾我搵到個寄存空間擺到wma既歌..我即刻申請左..再將我有既幾隻mp3轉做wma格式擺上網..點知太大佢load到疾疾下,之後去食飯.
食完飯睇左陣電視,搵房聽903..先驚覺我miss左<友誼商店>講星座果part..我本來諗住今晚聽,因為今晚講金牛座2003年運勢,邊個有聽就話我知個內容啦..嗚~T.T
10點零,我將d wma改細佢,再一次擺上個網度,不過搞到過左個網既流量..咩都聽唔到..睇黎都係要等聽日lu.

p.s.祝商台阿金生日快樂~

>>January 22, 2003 at 9:58:10 AM GMT+8

2003 年 1 月 19 日 星期日 【晴】

尋晚聽聽下903訓著左,到左3點幾醒番,post埋呢兩日既日記就熄機再訓過.今朝7點醒番,睇到電視寫住18度,但係都覺得好凍..今日早平時少少出門口,所以都冇咁趕..番到去覺得學校好嘈好熱鬧,今日係其他form考完試後既第一個番學日,換言之即係又有討厭既早會啦..番到課室,見到阿寶o係度,佢整親隻腳,上個禮拜冇番好多日,都好耐冇見過佢,佢今日紮住隻腳,撐兩支拐扙番黎..成日就聽到人疾下佢,我覺得阿寶都幾慘下..之後出去早會,加埋個無聊既升旗禮,企到傻..
今日上堂都冇咩特別事發生,或者係我訓左啦~哈哈
lunch果陣成排人訂定飯,間野居然可以將9個飯盒擺落一個大膠袋,搞到我地唔敢挽住佢,驚會穿,要捧住黎行..搞到好雞手鴨腳..我覺得如果分袋一定好好多!結果我地4個男仔,鯉魚,阿siu,dorami同我欏到死死下..
食埋飯打左場波,不過食得飽得滯,之後坐o係度睇左陣..後尾又同佢地玩O.U.T.
下晝maths test,臨尾唔夠時間..激氣,又係收左卷先計到..之後兩堂中文好努力咁作文,終於好成功咁可以o係放學前交到作文..係第一次..
放學諗住打波,見佢地圍住阿寶好熱鬧,我又去玩埋一份,簽名o係佢舊石膏度,又影相..好無厘頭下.之後仲無啦啦俾人屈走左..我明明諗住打波架..之後同sally,carrie,suyi行左落九龍城,後來見都行到果度..結果就索性行埋番屋企..番到去4點45分,跟住開機整番正正篇野落我個網度,搞左好耐..6點零就開隻cm黎玩,玩到食飯,食完晚飯又玩,玩到11點零就12點先online,同二佬一邊chat住,一邊打埋今日篇日記佢..

>>January 20, 2003 at 4:50:20 PM GMT+8

2003 年 1 月 18 日 星期六 【晴】

尋晚好早訓左,今朝10點零俾阿媽嗌醒(真係好討厭星期日..),跟住食完早餐on左陣line,又俾阿媽叫左去勞役..抹窗(點解好似成日抹咁既?),抹到12點幾之後食晏,食完晏繼續online,不過見冇野做,打番尋日篇日記,打完一post就發現大鑊喇,d日記唔見晒,不過好彩我有backup o係電腦度.跟住去左日記個討論區睇過,發現好多人都係咁,我諗都係日記個server既問題,唔理佢住,板主會搞.不過我驚二佬d冇backup既日記會冇晒,就留左言提二佬唔好post日記住.
之後見冇咩人chat就offline,搵番尋晚執落既game cd,裝黎玩,一路開住903,聽住903播正歌同joey個點唱會,咁就一個下晝.後來睇人d網見到個好得意既祈願風鈴,於是搏命搵,由6點搵到8點幾,終於俾我搵到..立即download落黎自己改,搞左好耐..d cgi好煩,特別係用netfirms去架cgi仲煩,d圖要link過晒..搞到10點幾先搞掂,跟住就反覆測試..較番佢個時間都搞左我20分鐘..要計數,結果加番1900年1個月0日720分鐘俾佢先岩時間..最後就擺晒落我個網度.
之後去番日記簿,見個日記冇事,就聽住《短期租約》打埋今日篇日記佢.

>>January 19, 2003 at 7:38:37 PM GMT+8

2003 年 1 月 17 日 星期五 【晴】

尋晚同二佬online四圍搵野玩,玩到5點先訓..今朝10點就俾阿媽個電話嘈醒左,佢叫我去銀行交錢,不過我又訓過,訓到12點先起身,之後快快脆脆趕去銀行,去到都幾多人下.番到屋企都差唔多1點,食埋lunch,下晝on住line睇下d討論區,一睇就係幾個鐘,原來咁都幾好hae,到左3點半,開住903聽下,同埋icq.
到左4點,見部腦多圾垃,一次過delete左好多野,又用software幫手clean d垃圾檔案,清完居然多左400幾mb(全部都係d空folder,uninstall剩落黎既殘渣..),好恐怖下..之後又用vopt重組磁碟,我發現個harddisk真係好破碎..淨係整個C driver都整到6點幾,再重組埋個D driver仲誇張,整到9點幾,迫我成晚冇得用..食完飯迫住要睇我唔太想睇既港台頒獎禮..
9點幾終於搞掂,我見d game cd都好亂,於是順手成棟搬出黎慢慢執,慢慢試..整到10點幾,阿媽佢地去完公園睇大戲番黎,我岩岩執好晒d cd..之後試下d game..
11點,我費事俾佢地鬧,我就熄左機去訓.

>>January 19, 2003 at 7:37:37 PM GMT+8

2003 年 1 月 16 日 星期四 【晴】

尋晚二佬叫我搵隻aoc,搵唔到,我諗要搵日同佢出去尋下寶先得,之後on到兩點左右訓.今朝又係7點先醒,由九月初既7點出門口退化到今時今日既7點醒,我都覺得自己犀利.番學途中撞到dorami,我本來快步行,變左放慢腳步行,唔知點自己一個人果陣鍾意行得勁快勁快.
番到去,以為第一堂test econ,係o係睇d notes同書,正正先同我講話lunch先測,我完全唔知..可以睇得出我唯一專心會聽書既econ堂都真係好有限度既專心..之後兩堂恐怖既geog堂,俾阿張sir殺到我片甲不留..死(訓)足兩堂..
小息之後堂maths阿sir派左張工作紙,做下又一堂.之後堂中文掛住溫econ,不過都唔太入腦,諗住lunch溫.不過lunch買完飯到食埋,都搞到12點45分,即係test開始既時間,匆匆忙咁行過去學生活動中心,阿sir自己遲到..早知唔黎住,睇多陣notes好過.12點55分先開始,考到1點35分,超晒時..個test我諗都ok既..
之後堂history堂感覺上好快過左(實際上時間的確係短左),最後兩堂英文堂都好唔易容咁捱過左.但係放學仲要補中史,個人好累,話晒今日都星期五,真係好欏命..
4點半,補完中史,本來應該一身鬆晒,但係唔知點解,突然發癲..好down..係勁down,雖然好累但係唔想番屋企住,欏住粒籃球射下,都冇咩心機,淨係射埋個籃,等佢彈走,跟住執番,不斷重複住呢個動作..
到左4點45分,鯉魚,dorami佢地走叫埋我,我見唔知自己做緊咩..結果跟佢地走.唔係好想出聲,一路係咁行,鯉魚都好野..睇得出我唔開心,同佢傾左少少屋企既野.
之後到左車站,見車黎就搭車走.搭車果陣諗起sally句「乜你咁開心既呢幾日?」,其實邊到係,睇我日記應該睇得出我d心情,因為我開心同唔開心果陣打字風格都會唔同..自從上網之後,我慣左將d唔開心擺上網,我唔識用言語表達自己,難得有個地方可以俾我用文字擺低d唔開心,你話幾好..所以o係網上都容易搵到內心既我.
現實既我o係其他人面前好少會表現出唔開心既一面,我個網既自我介紹其實有寫過..我怕俾人煩,或者果d唔可以叫"煩",係關心,我從小到大既由唔開心到開心番都係靠自己,我根本唔慣俾人關心,我唔慣講自己d唔開心出黎,所以我唔會o係人前顯出我既唔開心..換言之我索性成日笑住對人,心裏面係點冇人會知..
其實我唔開心果陣淨係想有個地方俾我自己靜下..所以有時如果我突然好唔開心,我會唔出聲,唔理人,俾自己清靜下..呢個係我由細到大孕育出黎既一大缺點,所以成日俾人誤會..不過我都冇所謂..如果人地嬲,都係我缺點累事,抵我自己死既.

今晚個港台頒獎禮睇到我同正正噴火..未見過d造馬造到咁明既頒獎禮囉..大家聽日自己睇tvb既錄播啦!!唔想再講!

>>January 17, 2003 at 2:54:16 PM GMT+8

2003 年 1 月 15 日 星期三 【晴】

今朝7點起身,先睇到個好慘既新聞..銅鑼灣果單嚴重車禍.之後又好似以前咁,懶懶閒,等到好趕先出去,搞到又驚嚇一餐-__-.番到去唔係我行得快,都幾係野.今日番到學校開始覺得有番d人氣,話晒都到左其他form既考試尾聲喇.
明明尋晚好夠訓,10點零就訓,但係頭幾堂依然係好好訓..我懷疑緊自己係咪俾人落昏睡降..不過一到小息就好精神咁出左去打波,但係中間果兩堂地理又係勁訓,訓到流晒口水..一訓醒就到lunch time,食完晏又去打波,lunch完之前,班友仔又玩埋d變態玩戲,十幾個人,分組猜三盤兩勝,猜輸就晉級,猜輸晒既最後失敗者要向阿Ａ問條令佢尷尬難堪既問題..最搞笑係阿Ａ唔知咩事,猜埋一份..仲玩得好開心.哈哈,最後可憐既阿佬輸左..o係群眾壓力之下最終問左,結果?問左咁囉..
之後econ兩堂都好留心咁聽書,中史堂都係.放學又見班人打波,又去左打波,今日人少少,幾好玩,就算輸左下一隊又輪番到我.打到5點,又有miss出黎清場,次次都o係我地玩得興起果陣黎..之後同dorami行左車站,今日好快就有車..好好彩.
番到屋企,on住line打番尋日篇日記.打完篇日記,醒起自己岩岩買左新一期既小新,於是邊睇邊icq.睇到食晚飯,食完晚飯之後就睇電視,9點零,番房溫左陣econ,聽日test,不過溫左冇耐又欏番本小新黎睇..睇到就11點又on番line,順便打埋篇日記.

>>January 17, 2003 at 2:56:54 PM GMT+8

2003 年 1 月 14 日 星期二 【晴】

尋晚icq到3點訓,今朝好早就出門口番學..我要報仇呀!嗚嗚..補番尋日遲左果5分鐘!結果今日早左15分鐘番到學校,印象中亦都係近呢個月最早番既一日..一番到去俾Queenie話我咁早,又話我累到佢界損左隻手..無奈.
今日好忙,lunch之後有中文默書,我仲未背晒,又有econ既homework到deadline..頭幾堂訓下醒下,做左少少econ,之後見最尾果堂係history,所以訂好晒今日既計劃:lunch用黎背中文,history堂用黎做econ.結果好成功,食完晏即刻勁背書,背得切,到最後果堂history就照計劃做埋個econ佢,時間岩岩好,一做完就打鐘.之後放學去搵miss同交econ,原來今日個中文小組有補課,但係d人走晒..結果miss話遲d會補番呢堂(下..要補番架..),我扮晒好開心咁猛話「好!好..」好..好..好虛偽囉我-__-!之後諗住走,見到阿龜,大勝佢地打波,我隻右腳膝頭個舊患又發作,於是就坐左o係度睇,睇到5點左右,俾miss清場先走.等左好耐先有車..激到我..
番到去諗住沖涼,點知阿妹同我作對,佢又話沖..我唯有等啦..等等下,連埋件校服著住咁訓著左.訓到6點40分左右先醒,起身個頭有d痛..嚇死我,以為冷親.好彩沖完涼出黎都冇咩野,之後一路睇電視,食完晚飯又睇,睇到10點零見累去訓,成晚都冇online..破左我呢幾年黎既紀錄..居然會有唔online既一日(由醒計到訓為止)..

>>January 16, 2003 at 10:03:09 AM GMT+8

2003 年 1 月 14 日 星期二 【晴】

近排好多唔開心既野發生左呀..
新一年先岩岩開始..睇黎今年真係難捱..
送埋首歌俾唔開心既人啦..
p.s.呢篇用到個笑樣喇..=)


開心又過一日唔開心又過一日 陳慶祥

(don't you there touch me,stand back!)
(咪郁!而家唔係事必要你講,但係你所講既一切將會成為呈堂証供..「呯!」..弊,走火添..)
不知不覺 後知後覺 又到五點鐘
做完A事 B事 私事 仲係有D事
要搭的士 要搭地鐵 定係坐巴士
頻頻撲撲 上上落落 點樣過日子

世界大件事 都唔關我事
行下企下坐 訓下睇下VCD
Call左Sisi Call左Gigi 再Call埋Lily
排排坐 食果果 一齊o也high tea

開心又過一日 唔開心又過一日(老爺飲d參茶啦~)
開心又過一日 唔開心又過一日(你是最好的,你知道嗎?)
Happy Happy You And Me 快樂就似ABC
Happy Happy One Two Three 開心只需兩個字
Happy Happy You And Me 快樂就似ABC
Happy Happy One Two Three 開心話都冇咁易

不知不覺 後知後覺 朝早九點鐘
細既返學 老既享樂 年輕既做工
飲個茶 食個包 塞車當兜風
窮則變 變則通 一刻不放鬆

前面有靚女 但係有老公
老公唔溫柔 靚女面"窿窿"
慳食 慳著 慳駛 慳用 點慳先夠用
睇開d啦 諗開d啦 心態就唔同

開心又過一日 唔開心又過一日(我冇做大佬好耐喇..)
開心又過一日 唔開心又過一日(係咁先,唔係咩呀!)
(聖旨到,阿福接旨.)
(係,大人.)
(奉天頭暈,皇帝食藥.皇子聲明做人最緊要開心,咁樣,皇上就唔會頭暈要食藥,阿福..)
(喳!)
(你收到未?)
(收到喇!)
(欽此..)
(萬歲萬歲萬萬歲~)

不知不覺 後知後覺 頭生兩個角
想去睇野 買野 食野 又冇靚衫著
欺人 騙人 串人 打人 我都唔會學
人人為我 我為人人 先係代表作

靚女睇電影 靚仔做主角
靚仔買汽水 因為靚女渴
人要跌下 傷下 痛下 先至會醒覺
睇開d啦 諗開d啦 至緊要快樂

開心又過一日 唔開心又過一日(各位觀眾..五條"煙"~)
開心又過一日 唔開心又過一日(哎也,踩到你隻腳..你點呀?小強,小強!)
Happy Happy You And Me 快樂就似ABC
Happy Happy One Two Three 開心只需兩個字
Happy Happy You And Me 快樂就似ABC
Happy Happy One Two Three 開心話都冇咁易
(噢!今晚既月亮,好似檸檬咁.)
(Well,有種衝動,想食左佢..Come on baby,食食..食食!)

Happy Happy You And Me 快樂就似ABC
Happy Happy One Two Three 開心只需兩個字
Happy Happy You And Me 快樂就似ABC
Happy Happy One Two Three 開心話都冇咁易

開心話都冇咁易

>>January 14, 2003 at 5:43:14 PM GMT+8

2003 年 1 月 13 日 星期一 【晴】

尋晚同人chat到4點幾,今日又好遲起身..
落到去到等車,平時搭果班車居然遲左5分鐘..兼且滿左人,好彩一黎黎左兩架車..
不過今日結果都係遲到,架車到左學校果頭都8點08分,學校8點10分打鐘..如果呢間學校好似我上年果間咁,咁我就唔駛遲到啦..上年8點15分先打鐘.
講起上年間學校,問過個fd呢兩日d人有冇點..d人都算平服到心情,雖然有一兩個人情緒好唔穩定,但係大致上氣氛同平時一樣喎,如果係都好..希望舊時d同學唔好唔開心喇,仲有我知道佢地考緊試,努力d考好個試佢!
今日上晝都冇咩野想寫,又係訓多..lunch去左新世紀食飯,之後走果陣去左間賣魔戒戰棋既鋪頭,個店員介紹左隻戰棋俾我地玩,玩落又幾好玩唔錯,個棋盤個立體模型既地形仲好靚添~玩到1點15分,差d又遲到..勁跑之下番到去1點25分,岩岩好趕得切..但係就冇時間溫中史,結果之後堂中史test就..
放學要上oral,番到屋企都4點45分,結果整下個網頁..整到6點零online同人icq.之後開vos玩左陣就食飯,食完飯俾人屈左去洗碗..洗完碗之後番左房背書,9點幾又on番line..四圍睇下d網.到左10點幾,背背下書訓著左..12點零先醒番,就索性打埋篇日記再去訓過..
p.s.趕住訓覺..今日打少d..

>>January 14, 2003 at 5:26:51 PM GMT+8