2002 年 12 月 26 日 星期四 【陰】

我已經冇晒信心做人,將來?冇諗過會點;宜家?得過且過.
係咪我細個叻得滯,所以你地今日對我有咁大期望?早知果陣細個讀得差d.
我記得,上左中學以黎,你地一直冇鼓勵過我,我中一仲係好努力咁讀,但係中學d競爭真係好大,特別我讀既係名校,我都有努力過,你地不單止睇唔到,仲要抹殺我既努力,鬧我.由中二開始我經已放任,我冇晒小學果陣d信心,我開始更加一言不發,唔係我唔想講野,冇人鍾意做啞仔,我咁樣係你地一手一腳做成.你地一向做錯野都唔肯認,我講你地就話我駁嘴,我可以點?我宜家連同你地講野都覺得o徙氣,如果你地仲係咁自以為是,覺得你地套家長式教育係岩,咁你地一世都唔會明白我.
會考衰左,你地淨係識得鬧,日日係咁鬧,我都唔知承受左幾大既壓力.講真今年重讀對會考都仲係冇咩信心.
我好想成世留o係網絡世界,一個俾我搵到快樂既地方,一個虛構既世界,一個熄機就不存在,開機就重新黎過既世界.我咩都唔駛需要,我只要快樂..
我自問唔係悲觀既人,我凡事都向好諗,但係就樣樣野都令我失望,呢個世界已經再俾唔到信心同希望我,我就睇下個天幾時帶我離開呢度.
真係好想就咁一死了之,咩都唔駛諗唔駛煩,總好過生存o係度痛苦成日唔開心.
好絕望..


孤兒仔 陳奕迅,苦榮
曲/詞:李峻一
編:金培達
監:金培達,芝see菇bi

苦:傳說 世間每個人 也會有一位天使護蔭
陳:縱使 渺小彷如微塵 仍可棲身幫愛人呼吸
苦:可惜 像我這一種人 聖母永遠不肯給予憐憫
陳:每天 要將苦兒祈求 誰可真心的逗我開心

苦:誰會說與我騎迴旋木馬 天黑透了伴我一起歸家
陳:是我或你犯錯了嗎 人被半路撇下
合:受那風吹雨打

合:誰人會愛我這種孤兒仔
陳:流落到谷底
苦:恐怕我已是個熱戀的後遺
陳:無人前來認領骯髒的身體 若想抱抱就等下一世
合:誰要我這種孤兒仔
陳:誰贈我安慰
苦:當我至愛路過亦不想拾遺
陳:誰在從前話我貧窮但美麗 但想抱抱就等待轉世
合:我這種身世

苦:誰會說與我騎迴旋木馬 天黑透了伴我一起歸家
陳:是我或你犯錯了嗎 人被半路撇下
合:受那風吹雨打

合:誰人會愛我這種孤兒仔
陳:流落到谷底
苦:恐怕我已是個熱戀的後遺
陳:無人前來認領骯髒的身體 若想抱抱就等下一世
合:誰要我這種孤兒仔
　 誰贈我安慰
　 當我至愛路過亦不想拾遺
　 誰在從前話我貧窮但美麗
　 但想抱抱就等待轉世
　 我這種身世

合:誰人會愛我這種孤兒仔
陳:流落到谷底
苦:恐怕我已是個熱戀的後遺
陳:無人前來認領骯髒的身體 若想抱抱就等下一世
合:誰要我這種孤兒仔
　 誰贈我安慰
　 當我至愛路過亦不想拾遺
　 誰在從前話我貧窮但美麗
　 但想抱抱就等待轉世
　 (苦:唉!) 我這種身世

>>December 29, 2002 at 3:04:19 PM GMT+8

2002 年 12 月 25 日 星期三 【雨】

今日訓到12點幾,俾阿媽叫醒(又係佢..)..佢叫我食午餐喎,但係..點知唔可以等我訓醒先食呢?反正訓果陣都唔會知肚餓架啦.佢仲要好理直氣壯咁同我講食完晏先再訓過-__-,但我一醒就好難訓得番架嘛..T.T
食完個晏,匿番落被竇,訓唔番..眼光光咁望住天花板,最終都係起身喇..
起身咳左幾聲,個喉嚨有d痛,尋晚嗌得激得滯?講番尋晚,好懷念尋晚4點幾d冰冷既小雨點(果時諗起劉德華首<冰雨>..又係一首慘情歌),俾d冰凍既雨水淋住係好舒服架..
醒左冇耐,阿妹問我借左隻《我的野蠻女友》去睇,但係過左陣佢又俾番我,好黑人憎,佢做咩都係得3分鐘熱度..
之後自己上左去玩炸彈人,玩左陣,突破左90000分啦!之後撞到阿舜,跟住一team玩,但係同親佢一team玩實好頹,會死得好白痴,好唔小心..咁住玩左成個下晝.
6點零,菌姐打左黎,提起佢張聖誕咭,我先發現佢個信封冇郵票,但係照有郵戮,好驚..佢猛話有貼,話可能係甩左,但係睇番個郵戮仲係好完整,似冇貼過郵票咁..好不可思議,最神奇係咁都寄到俾我..
夜晚一online,正正就勁send message俾我,原來佢又打通左個<叱o宅樂壇遊樂場>,接電話既阿成叫正正留電話等佢打番俾佢喎,點知最後冇回音,激到正正好唔甘心,仲要今晚果兩個參賽者都答岩0題..
之後去左easy film個網,佢d短片真係拍得唔錯,有d好好笑,佢地又幫金雞拍左幾輯宣傳片,但係仲未有我等緊《神經花園3》睇.
夜晚聽住<嘩嘩嘩打到黎>,唔講都唔覺,原來得9度..之後越黎越覺得凍..之後上左cmidi,發現多左好多新midi呀,於是就dl左佢擺番落個網度.又將d新midi轉落去個vos度,即刻彈左次lonely christmas,好正..之後菌姐又打黎,因為佢住屯門,得6,7度,聽佢凍到把聲震晒,好好笑.
今日勁聽到903播<無間道>,諗番起套戲,好睇呀~《金雞》今日上喇,好想睇,但係冇錢同冇人陪我睇呀..T.T

>>December 26, 2002 at 4:03:05 PM GMT+8

2002 年 12 月 24 日 星期二 【陰】

尋晚成晚一路play住首Lonely Christmas一路icq,到左1點52分,芝see菇bi都播埋一份..不斷跟住唱,都聽到識背,不過心情反而好左好多(暫時麻木左?).
到左凌晨2點幾,見到二佬online,同佢傾左陣,見冇野做打左俾二佬,我又唔想訓住,結果又好忘我咁玩住隻炸彈人,玩到朝早6點零..
今朝10點o係一遍嘈吵聲之中醒左,原來阿媽鬧緊我,話我咁晏仲唔起身..唉,假期訓晏d都係錯?勉勉強強咁起左身,食埋早餐,就番左房,阿妹又用緊部腦睇留言板(佢既指定動作-__-")..
後黎我用番部機,上網見冇咩人online,之後o係icq度阿舜又叫我玩炸彈人,我見冇野做,就是同佢玩,睇黎i-cable有改善d連線喎..呢排都好成功玩到隻game,不過間中都仲係失驚無神會斷線彈出game.
食完晏開左個網黎整,都好幾日冇整..整網頁呢d野真係好睇心情,心情好就好有心機咁一次過整好幾頁,但係心情唔好就會越整越mun,跟住冇心機再整,所以睇得出最近心情真係..
整左陣又冇心機整落去,果陣我欏左本中史精讀出黎諗住睇下,點知跟住阿舜又打黎叫我玩,我又去左玩..
唉,究竟係頹廢既生活,定係我想用打機黎麻醉自己呢?
4點幾,我冇再玩,打左俾二佬,原來佢仲未起身,係岩岩先俾我個電話嘈醒左..好幸福呀..我同佢都係6點左右訓,點解我要朝早10點醒,佢可以下晝4點先醒既..><咁證明左我d屋企人變態既!
之後傾今晚出去d野,點知二佬又o係訓到迷迷糊糊果陣應承(?)(二佬話被屈喎~)左佢家姐去佢度食飯,真係..出個街都一波三拆.
沖埋涼換好晒衫諗住出去之際,阿爸阿媽阿妹佢地番左黎,阿妹欏左張聖誕咭俾我,原來有人寄聖誕咭俾我喎..我頭上突然有好多問號彈晒出黎,係邊個呢?拆開一睇原來係菌姐,記得幾日前同佢開玩笑咁話要聖誕咭,估唔到佢真係寄左張俾我..好感動>O<.
等等下都8點半,我就落定樓下先.o係碼頭度吹左3個字風,凍到我@@..8點45分,二佬先打黎話佢出黎,之後出左旺角,一路hae,hae到4點幾..走果陣二佬仲話佢去尖咀行,但係我就番左屋企,好眼訓..
4點幾,想搵架車番屋企都難,又凍,又落住雨,本來諗住行番去,但係又俾我問到有架小巴番到黎,結果番到屋企都成5點,一攤落張床就訓到死左咁.

>>December 26, 2002 at 5:38:14 AM GMT+8

2002 年 12 月 23 日 星期一 【陰】

估唔到尋晚咁好訓,8點幾訓到今朝10點,醒果陣好辛苦,好似訓到病病地咁..
一醒左就俾阿媽叫左去執屋,抹窗,搞左成朝,就死..
下晝食左lunch之後,上左陣網,又on左陣line,點知個icq on on下connect唔到,轉其他a/c試埋都係咁,就開左陣fifa02黎玩,之後又試下玩炸彈人,今日好成功,好耐都未試過下晝入到炸彈人個server玩啦,跟住叫左我個fd玩,咁就玩左成個下晝.
食埋飯,就上網,周圍搵歌仔.之後去左881903.com投埋最後階段,我最喜愛的男歌手投左eason,我最喜愛的女歌手投左candy,我最喜愛的組合就投左shine,但係最後我最喜愛的歌曲真係唔係好識投,要o係十首正歌揀一首..對於我呢d無偶像人士黎講都幾係野..因為我見好歌就聽..
請o係以下十首歌揀一首:
The Best Is Yet To Come 林一峰
人來人往 陳奕迅
好心分手 盧巧音
回到過去 周杰倫
爭氣 容祖兒
明年今日 陳奕迅
高妹 李克勤
高妹正傳 梁詠琪
假如讓我說下去 楊千嬅
楊千嬅 楊千嬅
之後梓為打黎叫我出去,但係我今晚又唔係咁想出街,見又咁夜,都成9點幾10點,所以推左佢冇出到.
之後裝左yahoo messenger,俾二佬影響掛?o係咁多聊天工具(icq,yahoo messenger,msn messenger)之中發現msn messenger個介面係最靚既,可惜冇咩人用..
今晚三姑又玩IQ題啦,好過癮呀,好玩過miss Lam果d,仲好鬼好笑.
<嘩嘩嘩打到黎>最後一首歌係Lonely Christmas..估唔到o係聽住lonely christmas之下過平安夜..

好掛住你,我記得我同你講過今年christmas會同你過,可惜我冇呢個機會..希望你開開心心咁過..

>>December 24, 2002 at 4:24:34 PM GMT+8

2002 年 12 月 22 日 星期日 【晴】

尋晚寫埋篇日記,就打左俾二佬,原來佢同個fd連唔到隻fifa,勁斷線喎..可能隻game有bugs啦..之後就開隻炸彈人黎玩,好耐冇玩過,個server俾起上次好好多,不過一開始都仲係lag死.玩果陣好有氣氛,炸彈人個聖誕look真係好鬼cute.一玩就同二佬玩到5點幾,跟住去訓.
訓左唔夠一個鐘又要起身番學,今日係聯歡會.一番到學校,見到個個都著得好靚~一番到課室,都就夠鐘,但係冇咩人o係度,見到正正著住果件衫,咦?原來佢換到milk果件叱o宅衫.
之後o係操場坐住睇表演,前幾日d歌唱比賽冠軍既人都有份表演,上台唱歌,於是阿siu就話拉banner支持佢地,怪唔得尋晚阿siu叫我帶白紙番黎啦,將我所有既a4紙徵召晒去啦T.T.到佢地唱果陣,我地幾個舉起d紙打氣,好玩呀~
之後,又有劍術示範,有d不知所謂,幾個人上台講幾講就完左..又有話劇,得個嘈字..我已經好眼訓架啦,仲嘈住晒..!!跟住就到老師唱聖誕歌,呢part精彩呀,笑到痴線,成班人o係台,得一兩個唱,仲要唔識讀d英文歌詞咁,又甩晒..
之後番左課室聯歡,miss Lam搞搞新意,問IQ題同英文題,答岩先有野食,不過佢d IQ題好易囉..d英文題就難囉..都唔好玩既><
完左聯歡會之後,正正,阿寶,dorami,carrie,suyi佢地話去睇<無間道>,但係sally要4點左右先黎到,所以買定飛之後去左新世紀既energy度hae,果度認真麻麻,歌慢啦,服務慢啦..hae到3點,就四圍行下睇下.到4點左右,o係戲院外面見到sally,人齊~
<無間道>好睇呀,d劇情好緊湊好緊張..內容?唔講喇,講左就唔好睇啦~快d買飛入場睇啦.睇完戲之後都6點,同佢地行左陣街,7點零就番左屋企,o係架車度勁眼訓下,恰下恰下..好唔容易先挨到番屋企..番到屋企,食埋飯,8點幾,就攤o係張床度,之後就死人lum樓都唔關我事lu...

咦..點解日記d人樣冇眼訓look既..揀個合埋眼既算喇..

>>December 24, 2002 at 6:10:32 AM GMT+8

2002 年 12 月 21 日 星期六 【晴】

炸彈人聖誕look~


>>December 24, 2002 at 6:47:20 AM GMT+8

2002 年 12 月 21 日 星期六 【晴】

尋晚訓左陣,電話突然響,有個好耐冇搵我既稀客打黎..跟住同佢傾住電話,講佢呻下d唔開心,傾下傾下,都唔知傾到幾點先訓(後尾傾到訓下醒下..本來一早已經好累諗住訓)..印象中見到個鐘有個2字..(我個鐘既格式逞x:xx,個2字就o係求其一度..)
今朝10點左右俾阿媽叫左起身(都話我最憎星期日朝早架啦!\__/),食埋早餐,就諗住開機打番篇日記,點知先打兩三隻字仔,已經俾阿媽屈左出去..
之後睇佢買衫睇到我’mun’,佢居然可以慢慢揀,我就企o係度等,等到12點15分(我個朝早呀..嗚)..之後終於甩難,買埋lunch就快快脆脆番左屋企.
食完lunch,好冇心機咁打埋篇日記,跟住諗起尋日同二佬講過話今日會去佢度打機.,就打左俾二佬..
一切照計劃行事.
果陣1點左右,去到佢度都就2點,通過手機o係佢既指引下,搵黎搵去,好唔容易先上到佢度.一入門口就見佢果兩隻狗,又係向住我亂撲-__-,次次都係咁既..
一去插埋手掣,就玩隻fifa2003,真係好正呀,玩到我停唔到手,之後3點零鐘叫左個外賣tea,食完又玩過,二佬玩到厭,但係我仲係好有興趣,後尾佢個fd打黎叫佢玩R6,我就冇玩fifa,睇佢玩R6,仲俾佢屈我話我冇得玩fifa唔開心..激鬼死~之後開左佢隻<古惑仔online>,因為隻古惑仔用香港做背景,所以諗住睇下搵唔搵到我屋企,結果行極都搵唔到,仲越兜越遠..
之後見都7點零,二佬叫我去睇哈利波特,但係今日晏晝同阿爸講左我會6點幾番屋企,遲晒到, 所以就番屋企.一番到去,沖左個涼,食埋飯,睇左陣tvb8頻道個頒獎禮,越睇越悶,就番左房online,一見就見二佬o係度,之前明明同佢一齊走架,佢咁快又番左屋企?同佢chat左陣,我又上左cmidi睇左陣,跟住就開隻荒廢左既炸彈人諗住玩下..又有野要更新,更新埋之後,入左去睇,好有聖誕氣氛..d炸彈人有件聖誕老人衫,好可愛~打即刻打俾二佬諗住叫佢玩,但係佢個fd又叫佢玩fifa03,佢話俾一個鐘佢,都好,反正咁早玩實會好lag,我就爭取左d時間一邊聽住wasabi一邊打埋今日篇日記.

p.s.聽日聯歡會喎,仲要番學呀~-__-

>>December 22, 2002 at 4:04:22 PM GMT+8

2002 年 12 月 20 日 星期五 【陰】

尋晚chat到都唔知幾時去左訓(勁眼訓,都唔清楚d時間..)..
今日訓到1點幾先醒,哈哈,好開心..
食埋個brunch,都差唔多2點,開機整埋尋晚convert緊d vos file,到左3點左右, 終於大功告成,之後欏左隻之前買左又未睇既<戀愛行星>黎睇,好睇呀,邊睇邊開住icq,睇完都4點幾5點,再同人chat左陣,去左沖個涼.
番到黎6點左右,二佬o係icq hi我問我有冇野做,跟住我見冇野做,就打左俾佢.等佢裝隻fifa03果陣,我自己玩左盤fifa02先,佢裝好之後,我又玩唔到隻fifa03,佢又冇fifa02,我見冇野玩,就send左d模擬器俾佢, 我地玩番d模擬器,不過玩左陣,我要食飯,就冇玩到,乜game都玩唔成..
食完飯番黎諗住繼續玩,一入房就見阿妹已經霸左部腦上網..又係睇留言板-__-,佢次次上網都 淨係睇d fd既留言板..結果我出左廳睇電視,但係電視又冇野睇,跟住入房欏左隻<我的野蠻女友>出廳播,睇完都成11點半,跟住勁眼訓..開機打左半篇日記就去左訓..

今日過得好快咁..

>>December 22, 2002 at 4:47:28 AM GMT+8

2002 年 12 月 20 日 星期五 【陰】

今日不斷o係腦海裏面盤旋既一首歌..

冥想 謝霆鋒
曲： 謝霆鋒
詞： 林夕
編： Edward Chan

但願日後想起 記得這種滋味
懷念仍舊困在我喉嚨 的你
步伐漸漸疏離 置身兩種天地
然後紅著眼任你成為了水蒸氣

恒星在轉 怎麼察覺我們兩個要失戀
恒星在公轉 沒有你亦沒有我
長夜亦未變短

如果日後仍然想念你 我會盡量想不起
但喉嚨有你 胃藏滿你
唯有冥想致死
如果寂寞仍然吞逝我 我會認命的預備
用力排洩你 揚眉吐氣 忘記你卻不爭氣

雷電落下之前 至少見過一面
然後明白我冒過連場兇險
但在道別之前 已經吃過一分鐘的喜宴
明明從來沒有變 甜蜜和痛苦交接

恒星在轉 怎麼察覺我們兩個要失戀
恒星在公轉 沒有你亦沒有我
長夜亦未會因此變短

如果日後仍然想念你 我會盡量想不起
但喉嚨有你胃藏滿你
唯有冥想致死
如果寂寞仍然吞逝我 我會認命的預備
用力排洩你 揚眉吐氣 忘記你卻不爭氣

如果日後仍然想念你 我會盡量想不起
但喉嚨有你胃藏滿你
唯有冥想一起遠飛
如飛心不死 我便冥想在一起
你在候嚨裏 在脈膊裏
忘記你如忘記我怎麼透氣

>>December 21, 2002 at 9:32:53 AM GMT+8

2002 年 12 月 20 日 星期五 【晴】

o係《戀愛行星》入面出現過既歌..

DEAR FRIEND 余翠芝
曲： 韋啟良
詞： 余翠芝

Every word you said
I believe in you
Would you trust me too
Dear friend

Moments we have shared
I'll never forget
All laughter & tear we have had
Take my breath & I'll be with you

I'll fly to the sky
Reaching you so high
Hold my hands and keep you warm
Don't you let me be alone
I don't want to be apart with you
With you

>>December 21, 2002 at 9:32:35 AM GMT+8