2003 年 2 月 23 日 星期日 【晴】

今日10點半醒,俾阿媽打黎嘈醒(連番緊工都唔放過我..),之後online整埋個bgm播放器,整到11點零..二佬hi,同佢傾左陣,dorami同阿siu打黎,問我美化日記d野,搞到12點零1點,之後我繼續整,整到2點半先搞掂晒d野,跟住dorami叫我玩aoc,我就叫埋二佬玩,我玩到勁頹..點解下晝玩親都係咁既?之後自己用huns玩左round,一對一hardest,好快就ko左電腦..自己比起初初玩有進步,起碼快攻到電腦,搞到佢停o係castle age..不過我仲未搞清自己擅長用邊個族,自己想轉下用其他..不過二佬宜家開親都2打3,4,我冇理由欏黎試..用番以防守為主既拜占庭算lu,不過好似唔太岩我用..
6點零,upload左個新既bgm player落個網度,改番之前搞錯既midi,又開vos黎玩.7點零鐘,食埋晚飯,番房online hae,之後10零就聽住903,聽到訓著左..不過12點又醒番..就打埋篇日記佢.

>>February 24, 2003 at 4:23:36 PM GMT+8

2003 年 2 月 22 日 星期六 【晴】

尋晚玩到1點零阿舜先打黎,太遲lu..結果佢冇玩到..之後一路lag住一路打,玩到3點半,之後打埋篇日記去訓.
今朝10點半醒,食埋早餐,玩左陣vos.到左下晝,要去欏成績表,阿媽臨出門口都要慢慢搞..好彩我同阿媽報早左15分鐘,所以我都定d.出去果陣,阿媽叫埋阿爸去,我心諗:唔係嘛..駛唔駛呀..兩個一齊去好樣衰架喎..
阿爸都唔想去,但係阿媽迫佢,結果阿爸好無奈去換衫,我都好無奈.落左車,阿媽急步行,行左陣話累,大佬,你自己行得急之嘛..怨間學校遍僻都有既..你又唔係未黎過.
今日幾熱下,行到去身水身汗.到學校2點25分左右,我約左2點半既.去到見到正正,由於我全家黎晒咁滯,搞到我見到阿正都有d唔好意思.之後等緊果陣,阿寶黎左,傾左幾句..終於到我,勁驚勁緊張..一聽有12分,比起上年果10分有進步,miss Lam都話樂觀,不過阿爸同阿媽就唔滿意,開始o係度嘈..miss Lam都睇唔過眼,幫我講好話,再申話我d成績係樂觀,不過係冇用,阿爸阿媽冇咁易滿足.
之後miss Lam講左句好中既話..佢叫阿爸阿媽要俾d信心我..果刻我突然好想喊..連miss Lam都睇得出,我阿爸阿媽自我升中以黎,係一路都冇讚過我..冇俾過信心我架.我都係想考得好有句讚賞o者,物質我唔重視呀..你俾架車我都唔及一句鼓勵到我既說話..我呢刻真係冇咩信心..做咩事都冇信心,我覺得自己做咩都係唔掂..
見完家長,俾阿爸阿媽一左一右咁哦出學校,之後屈左我去深水埔,阿媽話睇新mon,因為我個mon壞壞地,由4點一路睇到6點幾,阿媽都好野架喇,自己話買LCD mon,但係又嫌買,睇黎睇去都唔合佢心意,最正係佢搵藉口勁,阿媽冇話過個"貴"字,淨係猛搵藉口彈件貨點唔好點差d,而連d sales都唔夠佢講..
結果成個下晝白過,行到死死下,所以自我懂事以黎我都激少同阿媽出街,同佢出街會勁憫,佢出街既目的好似係為左擊敗d sales咁,齋講價,講贏又未必會去買.
番到屋企7點,食埋晚飯之後番房上網搵bgm播放器,9點零俾阿媽話..跟住費時俾佢煩住,熄機去左訓.

>>February 24, 2003 at 11:45:31 AM GMT+8

2003 年 2 月 21 日 星期五 【晴】

尋晚玩aoc玩到3點零,今朝12點先醒..起身食個lunch之後,下晝先玩三國志八,之後o係網上係咁搵d 播放器既java,搞左成個下晝,結果都係冇個播放器係我滿意既.到左5點零,我開住個icq hae,dorami問我html d野.跟住6點半菌姐又無聊打黎,傾到7點半.之後食飯,食埋飯睇左陣電視,番到房輪到傑傑打黎,問我電腦d野,搞掂晒d後..開左陣vos黎玩..其間dorami打黎問html碼d野,到左10點零11點,二佬話佢個fd會玩aoc,阿舜又話玩,dorami都話玩,諗住今次幾多人下..但係到左12點20分,準備玩果陣,阿舜又同佢細佬打緊機,dorami又off左line..等阿舜又唔知等到幾時,結果又係三個人,三打五,12:30分就開戰喇..

>>February 22, 2003 at 7:49:04 PM GMT+8

2003 年 2 月 21 日 星期五 【晴】

今日無無聊聊聽番eason既舊歌,聽到首我以前好鍾意既歌..

黑暗中漫舞 陳奕迅
曲： 陳小霞
詞： 林夕
編： 陳輝陽

為何未能學會起舞便已抱緊你
誰料到資質不配合你
左腳舉起了便要別離
為何未能讓我衰老便要放開你
陪你跳通宵都夠力氣
請鑑別姿態美不美

學跳舞 有福氣 手差點撲地
猶如自卑水銀瀉地
學愛你 美不美 天黑黑到地
朝著了壞的燈泡舞著別離
其實地球沒有你 站到虛脫便會飛
何必怪責雙腳 未夠伶俐 不比你優美

為何未能待我差到讓我去憎你
捱到這傷口激發士氣
左腳高舉到白髮齊眉
為何未能待我好到沒法捨得你
頑固的車軩 追了萬里
先發現一早洩光氣

學愛你 美不美 天黑黑到地
朝著了壞的燈泡舞著別離
其實地球沒有你 站到虛脫便會飛
何必怪責雙腳 未夠伶俐 不比你優美

為何未曾讓我得夠便要損失你
捱到那一天參透佛理
手會鬆燈會滅有限期
為何未能讓我死去便要認識你
難道你很想天使問我
我的舞步跳得可美

>>February 22, 2003 at 10:41:26 AM GMT+8

2003 年 2 月 20 日 星期四 【晴】

雖然首歌既歌詞同齣戲好似冇咩關係,不過林夕d詞填得好好..
而電影入面用《明年今日》首曲黎做齣戲既配樂d feel又幾正..

我亦都記得..呢首歌係o係我同佢分開果陣派台,所以每次聽番都特別有感覺..

明年今日 陳奕迅
曲：陳小霞
詞：林夕
編曲/監製：陳輝陽

若這一束吊燈傾瀉下來
或者我已不會存在
即使你不愛 亦不需要分開

若這一刻我竟嚴重痴呆
跟本不需要被愛
永遠在床上發夢
餘生都不會再悲哀

人總需要勇敢生存
我還是重新許願
例如學會 承受失戀

明年今日 別要再失眠
床褥都改變 如果有幸會面
或在同伴新婚的盛宴
徨惑地等待你出現

明年今日 未見你一年
誰捨得改變 離開你六十年
但願能認得出你的子女
臨別亦聽得到你講 再見

人總需要勇敢生存
我還是重新許願
例如學會承受失戀

明年今日 別要再失眠
床褥都改變 如果有幸會面
或在同伴新婚的盛宴
徨惑地等待你出現

明年今日 未見你一年
誰捨得改變 離開你六十年
但願能認得出你的子女
臨別亦聽得到你講 再見

在有生的瞬間能遇到你
竟花光所有運氣
到這日才發現 曾呼吸過空氣

>>February 21, 2003 at 2:02:02 PM GMT+8

2003 年 2 月 20 日 星期四 【晴】

尋晚同二佬同阿舜打aoc打到3點幾,跟住今朝10點左右二佬打黎,去九龍城廣場唱k,貪果度平日人少同埋近..個k lunch唱到3點左右,$32位,幾抵.
跟住之後周圍行,漫無目的咁行,結果向住二佬屋企果面行,行到東頭村果度,二佬話去荷李活廣場睇戲,我地就行左去鑽石山,差唔多4點左右度,但係見冇咩戲睇,結果二佬話去買dvd去佢度睇,之後佢執左隻《賤精先生》同《我老婆未夠秤》.
去到佢度4點20分,跟住我揀左隻《賤精先生》黎睇,因為我曾幾何時聽過903既影評節目《不設劃位》介紹過呢兩齣電影,我對《賤精先生》有印象d,聽主持人講都唔錯,而且首主題曲亦都係我上年十大之一既《明年今日》(今日唱k都有唱過~)..所以揀左《賤精先生》黎睇.齣戲整體黎講都唔差,有幾個笑位都幾得,不過劇情有d凌亂,亦都有d破綻,例如eason可以簽左份合約再過去救candy,簽個名咪4,5秒..內心駛乜掙扎得咁辛苦,掙扎都用左十幾秒啦..
不過套戲有d位係幾煽情,好似eason醒覺之後,火場救人果幕,搞笑得黎又有d感動,呢齣戲有如福音電影,將劇情搞到好通俗胡鬧,背後既信息其實非常正面,想大家領略到尊重別人同積極面對人生既生活態度,天上賦予你既野,一定有佢既用處.

最後,用埋電影裏面成日出現既一句話:
前方是絕路，希望在轉角。

>>February 21, 2003 at 1:49:56 PM GMT+8

2003 年 2 月 19 日 星期三 【晴】

今朝6點45分自己醒左,神奇..但係再訓過..(冇計,吾本性如此..)之後7點俾阿爸嗌醒..跟住諗起尋晚諗住做閱讀報告..唉~800字,實做唔切,再講..d資料再o係晒部腦度,死得.明知printer冇墨,所以冇裝printer個driver,但係可能我未訓醒..白白痴痴咁裝番個driver,不斷轉色printer,張紙都係空白一片,o徙氣!
結果快快脆脆用列點形式記低一個故事既內容,番去睇下吹唔吹到800字啦.之後勁趕,落到去走左架巴士,以為遲得到..點知過左3,4分鐘又黎一班..好彩到傻.
番到去又撞到dorami,都唔記得係第幾次喇,可能佢同我一樣都鍾意好憫水先番.次次同佢行到一半路程都實加速,因為一定淨番1,2分鐘..
今朝個早會勁快,感覺好似模特兒行天橋咁,出到操場→轉個圈→行人,就係咁快之嘛.跟住頭三堂斷下做下咁趕份閱讀報告,History個miss又o係呢個時候恐怖話今日交唔到Essay同DBQ既人要留堂,咁就大鑊喇..o係我表演心口碎大石果陣,臨時加多兩舊,壓到壓扁我..
結果即刻勁做history先,因為history要lunch完之前交..好彩個DBQ唔難,好快做晒..但係篇essay就惡啃d..好彩借到本英文DQB練習,列晒d大鋼出黎,結果Lunch開始之前已經交左.
食個lunch姐,又玩變態野喇,事緣dorami出言寸鯉魚,鯉魚就飛腸仔還擊,但係中阿寶條褲,咁大家玩下姐,件事好快就平息左.點知o係就食完果陣,鬼主意多多既dorami又玩野,話猜輸既要含落左地下果條腸喎..(食就唔好喇,跌落地下喎..),勁變態,不過經我計算過個機會率之後,發現不幸猜輸而贏呢場遊戲既機會率都係五分之一姐,都幾符合到我既經濟原則..我諗我冇咁黑仔掛?
結果阿siu,阿寶,鯉魚,我同dorami猜..過左陣,結果淨番我同dorami..大鑊喇,我真係咁黑仔?氣數已盡?
跟住阿siu話打和都要一人一半,即係唔贏唔掂啦..我都唔理喇,輸咪大不了食左佢,「士可殺，不可辱」,結果好好彩贏左.跟住就睇住dorami好慘咁俾人"質"佢..唉~玩人終害己..
之後PE堂好無聊,跟住番到課室醒起自己未做完閱讀報告!冇左件事..就o係maths堂勁做,終於搞掂..點知最後果堂中史個miss冇番..玩我咩..搞到我maths勁趕咁做晒佢,d內容重覆又重覆..
放學諗住早走,好多日冇早番屋企,阿媽實話幾句..但係又俾人夾左落花墟..踢波喎..我都唔知好幾世冇掂過粒足球(打機唔計啦..),去到得8個人,我,dorami,方少,斌哥,NY,阿佬,雞絲,阿A..兩個場有一個場又俾小學生霸左..等到佢地走,射左陣波..跟住諗住同人打,人地唔肯,分組又怪,8個人,1個做龍門就分唔到組..之後阿A走左,就分組3打3玩半場,都幾過癮..阿佬仲有波入添呀(我助攻架~嘻)!勁~
一路玩到6點先走,跟住同阿佬行落何文田,今次頂唔順,行到隻右腦抽晒筋,結果截左架綠van走..都幾好彩,等左一連幾架28M都full左,有3個人排緊隊,我排最尾,望下隻錶都6點25分,撞岩放工時間喎..諗住都有排先番到去..跟住黎果架van仔得一個位,好彩我頭面果兩個o靚仔fd黎既,見得一個位唔上,我就攝左上車.6點35分左右番到屋企,打番尋日篇日記,跟住見冇野做,又打埋今日篇日記..發現其實仲有好多野想記..不過費事整到篇日記超長..好喇~停筆,食飯lu,一陣有咩特別事發生就o係聽日果篇補番啦.

>>February 20, 2003 at 12:03:54 PM GMT+8

2003 年 2 月 18 日 星期二 【晴】

尋晚1點去左訓,今朝早左出門口,買左包野飲.之後落左車撞到Fanny,第一次o係車站撞到佢,都唔知原來佢又係呢條路線番學.
頭兩堂英文,對番尋日既test,miss Lam d改野速度真係快..o係最後一次既test終於贏到上年英文欏C既sandy,好滿意..不過都係二奶命,低sally一分,sally果然有料.
之後果兩堂歷史堂都唔留心咁過左..食完lunch打波,唔記得左lunch之後有Maths test,結果之後個test就o係個心仲勁跳勁跳果陣完結,死晒..個腦塞死晒.最後兩堂中文就用黎改埋d中文test.放學之後有補課,睇左人打左陣波,就去左補課,一路補到4點35分,出到黎射左一兩球波,4點50分,就同大勝,阿佬,NY佢地走.
俾佢地呃左一齊行路,結果行左落何文田,之後就自己行呀行,行到番馬頭圍果陣,我d行路癮又發作,兜路又走番去機場隧道對出果條行人天橋.我勁鍾意呢條天橋..我記得我唔知幾時既日記都講過..結果成5點45分先番到屋企.
之後上左陣網..跟住見無聊就打三國志八.玩到食飯,食完飯睇埋電視就俾阿媽催去訓.

>>February 20, 2003 at 11:16:29 AM GMT+8

2003 年 2 月 17 日 星期一 【晴】

尋晚邊玩三國志八邊同二佬傾電話,三點左右先訓.
今朝7點起身,番到去醒起陣間lunch之後有history test,諗住用頭幾堂黎溫..點知訓晒..最恐怖係連我身邊d人都同我鬥訓咁,正正同阿傑都訓到咩咁,特別係阿傑,今日全日淨係見到佢d頭髮,見佢一路伏o係度訓,連佢自己都話八堂訓左七堂.
結果食完lunch溫左陣,miss已經黎左..yeah~死晒!
之後果兩堂英文又test,test到我驚..都冇咩心機去做,越做仲越眼訓..結果草草了事,跟住..訓呀~
放學諗住番屋企訓餐飽,但係今日中史有補課-__-..結果聽到4:30先走得人..等車又等到我憫,我大約4:45到車站..5點先等到架巴士,真係勁想死.
番到去沖完涼個人居然精神晒,阿舜打黎問我近排玩咩,介紹左隻aoc俾佢,同佢又傾左陣..之後一路玩三國志八玩到食飯,食完又聽住903玩..一路玩到11點幾先收手.

>>February 18, 2003 at 4:40:34 PM GMT+8

2003 年 2 月 17 日 星期一 【晴】

二佬生日快樂

推介首近排幾鍾意聽既抒情歌..(又係林一峰..嘻嘻~)
唔開心果陣聽幾好架~

青草地 溪水旁 (少爺占廣播劇《i love u boyz 萬世巨星》散場曲)
On THE Lawn, By the Stream

曲/詞/編:林一峰
主唱:林一峰

青草地 溪水旁 躺下來
脈搏聲 吸口氣 蝴蝶撲鼻上
街中盪 很多人 拍下來
逐格數 可找到 誰共我一樣

如果 倦了可以睡覺
亂叫不用捱鬧 啖著幸福可夠飽
茶杯 暖暖手喝下去
半滿抑或半空 就是想到天亮
亦有爭拗

如果 倦了可以睡覺
亂叫不用捱鬧 啖著幸福可夠飽
茶杯 暖暖手喝下去
半滿抑或半空 就是想到天亮
亦有爭拗

如果必需將貨就價
你會不斷迎合 或是堅守到底
難得幾多心血白費
還遇上傾盆大雨
你要懂得享受 暴雨的洗禮

享受 自在獨處的可貴

>>February 17, 2003 at 8:13:11 PM GMT+8