2003 年 3 月 9 日 星期日 【晴】

今朝9點零醒左醒,阿傑打黎morning call我番補課,不過太眼訓之下我又訓著左..結果1點幾先醒..食埋lunch就裝番隻cm黎玩,玩到4點零鐘..阿舜打黎,佢話佢岩岩醒,原來有人訓得仲勁過我~跟住同佢同鰻魚玩aoc,但係鰻魚因為搶阿舜d野,又打阿舜,搞到阿舜走左..我睇到勁無奈..阻止唔黎..玩到5點零,之後開vos玩..玩到7點零執房. 夜晚食埋飯,睇左陣電視,繼續番房清野,尋日整部新機搞到間房突然細左好多..擺滿雜物,成地灰塵..結果一邊聽住903,執左成晚房..11點50分左右就online打篇日記,但係去唔到日記個網.. 聽到903話13號上《下一站天后》,好有興趣想去睇~

>>March 11, 2003 at 9:11:00 AM GMT+8

2003 年 3 月 8 日 星期六 【晴】

尋晚1點零見阿舜on番line,之後同佢玩aoc,勁恐怖..o係電腦變到超強之下..我同佢玩到5點..足足5個鐘先玩完,之後好累去訓. 今朝9點半,阿媽走入黎嘈醒我..問我係咪換個mon,因為個mon神神地..之後佢同阿爸去左買送,我就起身食埋個早餐..睇左陣電視.下晝12點幾,一食完lunch阿媽就同我去深水埔.去到果度,阿媽揀左好耐..2點半先搞掂..換mon,換埋部老爺機..等到5點幾先欏到部機,加埋check野..番到屋企都6點零,番到黎打俾二佬,因為我諗住擺舊腦d重要野落佢度..7點零send晒d要既野俾佢擺住先. 之後成晚砌部新腦,點知裝唔到windows,研究左好耐..先發現個師傅冇幫我格式化個harddisk,結果自己分割harddisk,之後再逐個格式化左佢,格式化要勁耐..終於搞到11點先裝windows,好彩聽日唔駛番學.. 12點零搞掂晒就online,諗住問二佬欏番d files,點知佢掛住打機,佢話就爆機..期間同阿舜o係icq吹水,結果等到2點,佢先send番d files俾我..之後send埋隻aoc,都成3點..跟住就同二佬玩左round,玩到4點零去訓.

>>March 10, 2003 at 7:10:44 AM GMT+8

2003 年 3 月 8 日 星期六 【晴】

呢排成日聽到呢首歌,今日睇佢d歌詞先發現首歌幾得意,係首自傳式既歌~ My Way 張敬軒 作詞：Hins Kris Chin 作曲：Hins 監製：張敬軒 一直在醞釀 一直在盼望 爸爸和媽媽 唯一的理想 二月第—天 一九八一年 我第一次對他們眨了眨眼 等待快點過去 多少個明天 希望這寶貝快快長大 一點一點 身體要健康 所有的事情都如所願 Baby長大以後 就是小軒 so I will find my way I want a different way After the wind and rain There'll be a brand new day 小時候受傷有人心疼 失落有人安慰 現在遇到困難 自己就要學會面對 I will find my way I want a different way Nothing can stop me now No matter what they say 困難要用我的堅強 和努力勇敢面對 現在用心去追 感覺就對 I will find my way 一直就這樣 找我的方向 不理會別人 奇怪的眼光 直到有一天 我忽然發現 夢想已經在實現 等待快點過去 多少個明天 看著自己已經慢慢長大 一點一點 我的生活應該讓我自己學會掌握 相信自己 不怕風雨再多 I will find my way I want a different way After the wind and rain There'll be a brand new day 小時候受傷有人心疼 失落有人安慰 現在遇到困難 自己就要學會面對 I will find my way I want a different way Nothing can stop me now No matter what they say 困難要用我的堅強 和努力勇敢面對 現在用心去追 感覺就對 I will find my way I will..I will find my way I will find my way

>>March 8, 2003 at 8:31:29 PM GMT+8

2003 年 3 月 7 日 星期五 【陰】

今朝7點幾醒左(神蹟再現..),估唔到咁早醒,但係又訓唔番..迫於無奈就起身開電腦同收音機.今朝都幾凍下,不過掛住打機都唔覺,成朝著住短褲玩aoc既劇情模式,玩到12點零停左停先覺得凍..之後去左買飯,食完lunch番到屋企,就上網打番尋日篇日記..下晝就又繼續aoc..不過玩到3點幾4點見悶,落左街買個tea食,番上黎就聽下903,之後開番隻cm黎玩,之後一路玩,玩到食飯..食完飯睇d無聊既電視,睇到10點左右,跟住番房開番隻cm玩,阿舜就打左黎,同佢吹水吹到12點,之後佢俾人催收線,佢就叫我icq online,online又唔見佢..所以就順手打埋篇日記上黎先.

>>March 8, 2003 at 5:00:26 PM GMT+8

2003 年 3 月 6 日 星期四 【陰】

今朝起身覺得好凍..原來得13度,都成3月,d天氣真係反常.. 今朝番到去,見d人欏晒locker d野,先醒起今日會收番中五d locker,好彩前幾日我就開始清定locker d野..唔係今日放學實搬書都搬死.. 今日成日都見阿離既正正係咁寫紀念冊,見佢一頁又一頁咁寫,好快又一本..都幾佩服佢..俾我就冇咁好心機,我至多寫5,6行..同埋會番屋企先寫.. 放學果陣又收到準考證喇..第兩次收到(唉..),原來時間過得咁快(咁又一年喇?),一年前既我同宜家既我冇咩分別,最大分別係轉左學校..講真,英華同九記都識到好多fd,不過講好玩既一定係九記既同學仔,初初入去見個個都唔識真係有d驚,淨係諗住o係度快快脆脆讀半年就算..估唔到呢度d人比我想象中nice,好易相處..10月既中秋BBQ,11月同正正唱k,12月既旅行,聖誕聯歡會,睇《無間道》,聖誕夜遊,1月既調位,2月既陸運會,主題班會..好多好多一幕幕既回憶,好精彩既生活..有機會我想中六都可以同番你地一班. 跟住淨番最後3日既番學日,心裏面百般滋味,有好多感覺..等我得閒會寫低對九記每位既同學仔既印象落我個網度,不過大家知你地睇緊既呢本日記個主人有幾懶架啦..等下啦^O^(我諗都會考後..hee). 聽日係學校既開放日(?),d人霸左個籃球場整攤位,搞到放學冇波打.. 今日同大勝去落九龍城搭車,撞到舊時英華d fd,自己就去左第二間讀,有d又怪又唔好受既感覺..4點零就番到屋企,番到去同阿舜,鰻魚打aoc..玩到6點零,之後自己玩劇情模式,食完飯睇左陣電視之後又繼續玩,玩到10點零見眼訓去左訓.

>>March 8, 2003 at 6:47:51 AM GMT+8

2003 年 3 月 5 日 星期三 【雨】

尋晚打埋篇日記,見到二佬同阿舜online,跟住玩左round aoc,已經玩到勁lag機,點知玩到一半阿舜話頭痛走左,跟住我玩玩下又彈埋game..白玩,之後同二佬去睇hkflash果50大入圍作品,d人真係癲架..畫得勁靚,我諗畫一幅都要3,4個鐘..睇到4點零就去訓. 今朝訓到7點,起身覺得凍左唔少.. 今日上上下堂又收多張紀念冊,總共3張,仲要3張都係日文-__-..好無奈.費時積住一堆睇唔明既紙..我決定寫晒佢.認真欏命,填幾填已經想死,空左好多格..諗住就咁俾番個物主又俾佢地怒啤..嚇到我收番,好彩有阿傑哥幫我有限度咁翻譯..不過有d佢都唔識,我就亂填或者抄番d日文落起..最後呢三張野足足填左我成日,由番學到放學都係咁寫,終於o係放學前搞掂晒..今日番學就好似為左征服d日文咁,期間阿傑都俾左張我填,好彩果張係英文,而且d問題又少,好快就填完俾番佢..係啦,點解日本人咁多問題既? 食飯果陣去太子食,都好耐冇去過呢間野食..一來遠,二來懶去.不過間野的確又抵又幾好食既. 放學落住雨,冇得打波,所以快快脆脆番左屋企.番到去同dora,鰻魚連aoc,之後阿舜打黎我地已經玩緊,o係度講聲sorry先/__\.. 打到6點零,跟住玩左陣vos..有一排冇搵對方既小學同學abby打黎,明明講緊會考d野,不過唔知點解講講下走左去玩劇情模式既aoc喎..神奇. 食埋飯已經好眼訓,過左冇幾耐就攤住左部腦去訓..

>>March 7, 2003 at 9:26:04 AM GMT+8

2003 年 3 月 4 日 星期二 【雨】

尋晚dora教我aoc封快,之後就一路icq..3點左右訓. 今朝起身見個天勁陰,睇黎出面又橫風橫雨,見落雨我都諗住早d出去,但係依舊拖到好遲先出,如果唔係因為落雨放寬遲到時間既話,咁我又遲到lu.匆匆忙忙欏埋書,撞到大勝慢條斯理咁行番課室,我問佢咁遲唔驚遲到,佢就信心爆棚咁話落雨一定唔會執得咁嚴,遲3,4分鐘都得喎.. 今日有兩個test,中史同Geog,第二堂就test Geog,所以o係第一堂既數學堂度勁睇d notes,當然入唔到腦啦..咁趕喎. 今朝最壯觀莫過於班房既"地中海"..全班圍住四個空位.呢四個空位就係坐我同正正前面果四位小姐喇,佢地咁岩同時冇番(約埋打麻雀?佢地話唔係喎..),不過咁樣反而清靜左唔少,視線都廣闊d. 第二堂個Geog test都作得幾好..沒錯,係"作"..完全估唔到張sir出題咁既野.第三堂econ堂,馮sir一入去就叫清潔組擦黑板,5個人之中有4個冇番(果4位ladies),淨番正正,跟據我既非正式統計,正正今日總共擦左三次黑板.. 呢堂econ堂我就邊聽書,邊溫中史,因為小息之後果兩堂就係中史test..結果果兩堂傷亡慘重,浪費左我幾多既創作細胞..差d將我楂乾楂淨..虛脫囉.. Lunch果陣,sally同阿fa番左黎(擺明避開d test<--牡丹姐姐話既.). 諗住去買飯,鯉魚同dora都話飽,所以我都淨係買左包炒麵黎食..食完出左去操場行,之後又玩O.U.T,不過玩左陣就俾楊sir趕,佢話雖然冇雨但係個場地仲濕喎.番到課室見dora,鯉魚,阿siu同阿寶玩緊飛行棋..佢地唔見左粒骰仔,我就用阿寶計數機set左個抽0-6既program,點知幫鯉魚由劣勢玩到變贏..鯉魚快d俾報酬我呀..=P 不過鯉魚既勝利搞到佢變左眾矢之的..結果引發左場橡筋大戰,dora,阿siu同阿寶齊齊用橡筋射鯉魚. 最後果幾堂過得好輕鬆,又同邪惡正(-______-!)講笑同玩,佢又升左level喇. 放學俾阿佬捉走,番到屋企諗住玩aoc,不過個mon神左..冇玩到.開住903聽森美小儀,今日佢地代少爺占做多一個鐘..去到6點,好正~之後見冇野做,去沖涼,沖完涼掂番我個10世冇update既網,其實有好多野想寫,不過又懶,寫日記都已經用盡我每一日打字既quota喇.睇黎個網又會擺到6,7月先整下. 之後四圍睇下人地d日記,睇到8點半食飯..食完飯上陣網,10點零去左訓,不過訓到1點幾又醒左..就索性起身打埋篇日記.

>>March 5, 2003 at 6:03:41 PM GMT+8

2003 年 3 月 4 日 星期二 【晴】

紀念冊(下) 最可怕的還是別人給我一張我看完半懂、甚至完全不懂的紀念冊，只見紙上滿佈像符號般的日文字，紀念冊的主人又沒有翻譯(甚至連他自己也不懂！)，只拋下句"隨你發揮"之類的話，多麼的不負責任。對著它，我的反應只能有無奈的輕嘆。 日文？我並不懂。 任由我自由發揮？只怕寫得一塌糊塗，毀了一張美麗的紙。 而且面對著大量的空格，有時絞盡腦汁也沒法填滿所有，很沮喪、很煩惱。 寫紀念冊是種心意，也是種留念。紀念冊有它存在的價值，但希望大家能手下留情，別要我苦惱...

>>March 4, 2003 at 5:19:07 PM GMT+8

2003 年 3 月 3 日 星期一 【雨】

紀念冊(上) 不經不覺已學期末了(中五就是那麼的短暫..)，這數天裏分別收到一些精美的紀念冊。這些紀念冊不但外觀精美，內容還非常"豐富"，有些問題可以無聊得很，有些問題則或會令你意想不到，內裏的問題可說是應有盡有。 對於我這類討厭填表的人來說，這些紀念冊，即使設計再精美，也不能減低我對它的抗拒，一來我的字寫得不算好，怕破壞了紀念冊那和諧的美，落筆時一筆一驚心。 二來太繁複了，因為要填的東西實在太多了，一條又一條的問題，再加上一人給你一張紀念冊的話，同一個答案要填上十數次，感覺就像被罰抄一樣，使我有股衝動把自己的資料寫到icq的info裏，然後叫大家自己去抄，或是叫他人自行到我那"爛網"的網主資料中尋找好了。可是別離大於一切，我也不計較了。

>>March 4, 2003 at 4:33:23 PM GMT+8

2003 年 3 月 3 日 星期一 【雨】

尋晚一早訓左,今朝6點幾醒左,攤到7點起身.今朝落住毛毛雨,冇左早會.. 今朝第一堂中文堂又係趕d改正,因為我尋日清晒,呢堂好輕鬆.之後Geog堂同正正,sally晝歌詞估歌,畫到傷心尋回犬果陣好過癮,一人一筆係咁畫,如果我有scanner實scan上黎.之後果兩堂超漫長既英文堂做listening,做到我想死..勁眼訓,個headphone又神神地..右聲道d聲時大時細,好唔容易先等到lunch. Lunch果陣又落住毛毛雨,所以o係學校門口買飯食,食完飯就出去打波,都冇咩人打..跟住玩O.U.T,去到最後俾dora KO左,冇如城既汽水飲><..跟住完lunch前俾校長勸喻番班室,我呢個大頭蝦漏左件冷衫o係操場,但係當我醒起去番操場果陣,件冷衫已經消失左.之後去楊sir個位度欏番..佢都幾慘,似打雜多過似訓導既head,咩事都佢做晒.跟住堂中史做mc,econ堂就同正正玩sally部唔知咩機,其間發生左件勁爆笑既事,我同正正笑左勁耐..後來欏左阿傑本遊樂王黎玩. 放學d雨勢開始大,冇人打波,我就去車站,撞到dora,鯉魚,Fanny同津少.今日個車站勁多阿婆..好似去完d咩旅行團咁,又爭巴士搭..搞到dora同鯉魚佢地上唔到車.好彩我架12A冇咩影響..4點15分就番到屋企,開住903黎聽.今日聽番森美小儀玩d舊遊戲,好懷念舊時既森美變態樂園..森美最後彈左句"防止撒瑪利亞自殺會"笑死我,可能佢俾勝利沖昏左頭腦,因為佢玩遊戲贏左小儀,搞到講野都調轉埋. 5點零,跟住打左俾阿舜,同佢玩aoc,呢盤玩得好過癮,一路壓住電腦打..電腦唔知係咪食錯藥,冇出兵,不過儲埋儲埋d實力就幾驚人,結果玩到7點..跟住菌姐又打黎無聊,8點左右online,8點半就食晚飯.食完飯睇陣電視,間中番房打日記.9點零,聽住903,個叱o宅樂壇(下半場)既形式有d似星期日既豁達崇拜咁,都幾正,幾多歌聽下.之後又請Boy'Z玩遊戲,幾好笑.10點半,舊同學鰻魚打黎,同佢吹左陣水..傾完就打埋篇日記..呢個時候,阿媽又開始鬧lu,避一避先..

>>March 4, 2003 at 3:14:39 PM GMT+8