2003 年 3 月 2 日 星期日 【晴】

尋晚本來同sally玩aoc,但係唔知做乜勁斷線,之後就同二佬兩個玩左兩round aoc,玩到2點零,二佬話訓..之後我都去訓. 今朝7點醒,7點40分去到車站,見到條人龍勁長..我諗可能12A又飛左幾班車.再等一定遲到,轉身諗住搭的士果陣,又撞到中七果個學兄.同佢真係好有緣,因為我第一次遲左起身而去搭的士,就係撞到佢,佢又遲,跟住見同校就一齊搭的士番學,之後都因為遲左出門而撞過兩次一齊搭的士.今日撞到佢先神奇,本來今日中七應該考完mock,唔駛番學校,但係學校今日請d畢業班既同學搵代表去升旗禮,佢就俾人屈左番黎,佢話唔係佢都o係屋企訓緊覺.o係無啦啦撞到佢之下,咁又慳番我一半的士錢啦~ 番到去先8點,依舊係冇咩人..都係唔到打鐘都唔會有人氣. 今日上左咁多堂,最印象深刻既係中間果兩堂中文堂,楊sir追番全學期既功課,果兩堂係真忙到不得了..雖然我只係欠佢一樣功課,但係加埋d謄文改正都做到死. lunch o係學校門口買,快快脆脆食完同阿寶,dora打波,之後堂pe考試,考擲"鐵餅"喎(其實係膠圈)..求求其其,合格就算.最後堂中史又對mc,勁眼訓.. 放學之後,阿佬佢去佢個fd度同我玩aoc,結果玩同到6點左右,無啦啦hang機,佢又話走,咁就完場.之後好眼訓,一路訓到食晚飯,食完飯開左陣機打日記,但係俾阿媽鬧我打機..佢明明睇住我打字跟住話我打機..變態的.唔同佢嘈,我就快快脆脆打埋篇日記佢.

>>March 3, 2003 at 1:56:00 PM GMT+8

2003 年 3 月 1 日 星期六 【晴】

尋晚1點幾訓,今朝成11點先醒,起身俾人鬧左幾句..食完早餐就番房整個icq,整極個icq都係o係佢load網上個list果陣hang,我就認定係網上個contact list作怪..但係可以點整呢?我去左icq個網度搵唔到佢將d contact list擺o係邊..終於,我用icq lite將成個a/c d人delete晒咁滯(用icq lite load個list唔hang喎..怪),再save上網..今次download番個contact list終於冇hang icq..好感動,之後add番d人,都大工程下,好彩阿寶send番d同學仔既contact俾我..先冇咁lei-hae. 下晝冇晝食,阿媽又懶煮..仲要出埋去..跟住我就做newspaper cutting,呢個時候菌姐打黎..又係o係我忙果陣..跟住都冇咩點做,之後玩vos..玩玩下二佬打黎,跟住見無無聊聊,同佢研究起日記d野起野,佢加左d java特效..後來佢send左三張正野我睇,我就回禮貼落留言度..俾番佢,順便試下睇下留言果度用唔用到html,原來得既..二佬見咁亦玩埋一份,post左其中一個落我個留言度,加埋"集集大地震"呢個特效,聽個名都夠頂癮..唔知笑左我地幾耐,總之好過癮啦~大家快d睇!嘰嘰嘰.. 之後我去沖涼,沖完做埋d newspaper cutting,但係做做下又開住cm玩..食埋飯,就專心做功課,仲清埋中文既test改正,跟住見冇野做就打埋今日篇日記佢.

>>March 2, 2003 at 6:26:19 PM GMT+8

2003 年 3 月 1 日 星期六 【晴】

思緒不斷阻擋著回憶播放,盲目的追尋仍然空空蕩蕩. 灰濛濛的夜晚睡意又不知躲到哪去,一轉身孤單已躺在身旁. 阿煩 (少爺占廣播劇好天氣續集插曲) 林一峰 曲:林一峰 詞:少爺占 一年一年 你又再出現 一年一年 你又再出現 昨天 相見 在水平線 有天 出現 在天堂見 失蹤了 就最好 永不相見就最好 你出現 不遲不早 帶來 無限 煩惱 雖然很煩 我亦愛找煩 怎樣都煩 我自有空間 那天相見 在水平線 有天出現 在天堂見 睇不到 誰都好 亦在風雨中趕路 在地上畫滿記號 有天可 再擁抱

>>March 1, 2003 at 6:25:43 PM GMT+8

2003 年 2 月 28 日 星期五 【晴】

呢幾日都好黑仔下.. 今朝7點幾就醒左,破左新一年我自己識醒既最早紀錄.起身無無聊聊,又訓唔番..結果成朝勁打機,玩左vos同三國志八.下晝出去買lunch,順便去買埋廁所個燈個電池,原來呢款電池俗稱電池牛..咁睇落都形容得幾洽當既.番到屋企,食埋飯..拆左盞燈落黎,但係冇mood砌番上去..因為好麻煩,要駁線又盛..諗住等阿爸番黎先擺俾佢. 下晝諗住online,個a/c又壞壞地,整左好耐都係咁..都費事理佢.之後上日記見冇左d背景midi,原來cmidi個網俾人ban左..好彩我都有d儲備..將d midi upload上網順便改下個網.之後落去食個tea,番黎又搞下個有問題既icq a/c,問我點uninstall,reinstall都係冇用..真係有d頹. 後來6點零on到line(on左一陣又死過),二佬send左個整得幾靚既網俾我睇..睇完心郁郁,跟住成晚就o係度係咁改個日記..足足用左3個幾鐘黎慢慢試..咁又係既,一分耕耘.一分收穫嘛. p.s.3月新版

>>March 1, 2003 at 4:24:31 PM GMT+8

2003 年 2 月 28 日 星期五 【晴】

今日無聊時睇阿so個日記見到個幾正既故事,同大家分享下. 在一場船難中，唯一的生存者隨著潮水，漂流到了一座無人島上。 他天天激動地祈禱神救他能夠早日離開此處，回到家鄉。 他還每天注視著海上有否可搭救他的人，但卻是除了汪洋一片，什麼也沒有。 後來，他決定用那片帶他到小島的木頭造一個簡陋的小木屋 以保護他在這險惡的環境中生存，並且保存他所有剩下的東西。 但有一天，在他捕完食物後，準備回小屋時，突然發現他的小屋 竟然陷在熊熊烈火之中，大火引起的濃煙不斷向天上竄。 最悲慘的是：他所有的一切東西，在這一瞬間，通通化為烏有了。 悲痛的他，氣憤的對天吶喊著：「神啊！你怎麼可以這樣對待我！」 頓時，眼淚從他的眼角中流出。 第二天一早，他被一艘正靠近小島的船隻的鳴笛聲所吵醒。是的，有人來救他了。 到了船上時，他問那些船員說：「你怎麼知道我在這裡？」 「因為我們看到了信號般的濃煙。」他們回答說。 人在碰到困難時，很容易會沮喪。不過，無論受到折磨或著痛苦， 都不用因此失去信心，因為上帝一直在我們心裡面做祂奇妙的工作。 記住：當下一次你的小木屋著火時，那可能只是上帝美妙恩典的表徵而已。 在所有我們所認為負面的事情，上帝都是有正面答案的。 你說：「那是不可能的。 上帝說：「在人所不能的事，在神卻能。」 (Luke 18:27) 你說：「我累了。」 上帝說：「我讓你休息。」 (Matthew 11:28-30) 你說：「沒有人愛我。」 上帝說：「我愛你。」 (John 3:16 & John 3:34) 你說：「我做不下去了。」 上帝說：「我的恩典夠你支持下去。」 (II Corinthians 12:9 ) 你說：「我想不通。」 上帝說：「我引領你前行。」 (Proverbs 3) 你說：「我做不到。」 上帝說：「你什麼都做得到。」 (Philippians 4:13) 你說：「我不配。」 上帝說：「你配。」 (II Corinthians 9:8) 你說：「這麼做不值得。」 上帝說：「做了，你馬上就會覺得值得了。」 (Roman 8:28) 你說：「我無法原諒自己。」 上帝說：「我原諒你。」 (I John 1:9 & Romans 8:1) 你說：「我是窮苦的。」 上帝說：「我供應你一切所需。」 (Philippians 4:19) 你說：「我害怕。」 上帝說：「我並沒有給你一個恐懼的靈。」 (II Timothy 1:7) 你說：「我常常在擔憂受挫。」 上帝說：「放下你的重擔，我為你承擔。」 (I Peter 5:7) 你說：「我信心不足。」 上帝說：「我給了每個人相同的信心。」 (Romans 12:3) 你說：「我不夠聰明。」 上帝說：「我給你智慧。」 (I Corinthians :30) 你說：「我是孤單的。」 上帝說：「我永遠不會捨棄你的。」 (Hebrews 13:5)

>>March 1, 2003 at 3:55:32 PM GMT+8

2003 年 2 月 27 日 星期四 【晴】

今日好混亂..
一早番到去就遲到..第二次~哈哈哈,今次已經冇咩覺得,原來遲左第一次,個人都會睇化d.同上次一樣..都係8點15分先番到去,次次都係果5分鐘..點解呢間學校將個番學既時間定o係8點10分架,正常都8點15分啦,證明個校長真係有d問題..
上左幾堂,有件大事發生左,成為全班焦點,之後成日大家都o係度眾說紛云.今日上堂d眼訓又番黎搵我..訓左頭幾堂,小息之後既兩堂歷史堂用黎做功課.
Lunch同尋日一樣,訂定飯,跟住上又一村欏.今日終於有分袋,不過仍然幾重下..
番到課室,阿siu擺低飯盒果陣,中左dora之前講過既"陷阱",整跌左dora盒飯,好彩只係跌左幾粒飯..不過o係dora既壓力下,最後佢同dora換左盒飯..都幾慘.
食完飯出去打波,lunch果陣好唔掂,勁俾人block..
之後maths test,今次好似易過上次,不過覺得都唔會高分..最後果兩堂中文,個人勁眼訓,仲要做past paper,做到傻左,今日個頭腦又唔清醒,寫到錯晒,寫到d野九唔搭八,好彩正正提左提我,不過個腦都仍然好混亂@@.
班主任堂果陣,今日大勝讀報,成為左焦點..搞到佢好唔自然,放學出課室果陣佢同我講佢好興,哈哈~
仲有,今日發生左咁大件事,山地依然可以咁冷靜,鎮定,令到我同正正都不禁有d佩服.
放左去留堂班(因為遲到囉..> <),坐左陣miss Lam叫我走,之後去打波,冇下晝咁頹..後尾玩O.U.T,勁過癮,最快輸果兩個人要順序請第一,二果兩個飲罐裝汽水,紙包飲品.玩到4點45分左右就走,果陣岩岩好miss出黎清場.
之後同大勝,阿佬,NY走..大約5點幾先番到屋企,發現廁所盞燈離奇壞左..睇黎聽日實俾阿媽屈我整.
之後玩vos,食完飯又玩左陣三國志八,到左10點幾眼訓..諗住訓果陣菌姐打黎,都唔知係咪特登,次次我唔得閒(訓覺都算唔得閒~)佢就打黎,同佢傾左陣,跟住之後開住903聽,聽到11點零訓著左.

>>March 1, 2003 at 5:00:14 AM GMT+8

2003 年 2 月 26 日 星期三 【晴】

嘔血既一日..

尋晚同二佬,阿舜玩aoc玩到3點零,今朝起身有d難度..
番到去差d遲到..今朝第一堂就係econ test,本來諗住早d番去溫既大計亦都因為遲左出門口而破滅左-__-,結果個test..有結果先開估啦..唉~
之後兩堂既geog聽到sally同正正發癲囉..佢地話合作o係日記板寫*正野*喎..冇佢地咁好氣!跟住我好用心做我既geog練習.
今日既第四堂欏左黎做主題班會,其實我都唔太明要做d咩,係關於d咩..淨係見d人逐組出去present,好快就搞掂,呢個"活動"都幾無謂下..又係偉大校長既戲子啦.不過都好既,冇左堂maths..之後堂中文派番尋日個中文test,好好彩..又係岩岩合格(對上果3,4次都係,原來我咁叻考到岩岩好合格唔駛俾佢鬧..)..
Lunch又係上又一村,今日打去訂定飯..唔記得叫佢分幾袋,結果間店好野到將9盒飯塞埋一個膠袋..變態!好彩佢冇將d汽水擺埋落去,有既話我一定用投石車"dup"爛間鋪(唔好意思..玩aoc上腦)..
數學題:假設一盒飯重500克(點止咁少丫..500克咪得一樽500mL可樂咁重..一盒飯一定重過佢..),9盒即係 500克x9=4500克 ,即係4.5公斤,換句話說係差唔多有一包米咁重
頂..佢唔順,認真欏命..拎到我同dora,阿寶嗌晒救命..需要知道由又一村番到學校條路話短唔短..
食完飯去打波,呢幾日天氣好熱,我見d人都懶左郁..冇以前咁激烈.
放學快快脆脆閃人,因為...唔知呢..(有讀中史既同學或者估到..)同阿佬行到何文田,之後我搵恆生銀行交管理費.番到屋企5點15分,阿妹霸左部機,我迫住睇左陣電視,好耐未睇過卡通片lu都..睇番覺得d卡通片都係十年如一日,d角色故事同第二套可以好似..似得交關果隻.
之後欏番部機,上左陣網..個icq2001b一命嗚呼左..成個list冇晒,勁慘,跟住整極都唔齊人(大家見字最好hi下我..),之後索性轉個icq做icqpro2003a..

>>February 27, 2003 at 1:23:54 PM GMT+8

2003 年 2 月 25 日 星期二 【晴】

尋晚見累,好早訓左..
今朝7點醒,一醒就俾人鬧..變態..
今日又好憫水先番到去學校,求其欏左疊書,撞岩正正又欏書,我叫佢幫我買水,我就幫佢欏書,後來發現蠢左~應該調轉好d,哈哈哈~講下笑姐,欏果區區十幾本書唔駛死既.第三堂中文test,我o係第一,二堂溫左dd,所以份卷都係識做果dd..-__-
小息又出左去行個轉清醒下,呢招幾有用,今日冇訓過.之後兩堂geog坐o係阿jay隔離勁抄佢d geog功課,lunch前做得切,唔駛堆壓住.lunch上去又一村買飯,今日係dora既生日,勁同佢講生日快樂..不過佢好似聽唔到(?)咁.之後果兩堂econ勁留心聽書,中史堂就做本mc.
係喎,今日sally同阿正話佢地個名少出現喎,但係我覺得唔係囉..
o拿o拿o拿..又出現喇↖!
放學之後打波,打到4點45分,miss清場,之後同阿佬,大勝,NY一齊走.5點半番到屋企,好鬼熱..跟住去左沖涼.沖完涼上左陣網,無無聊聊,開左vos黎玩,玩到8點零食晚飯,食完阿妹霸左部機,我就睇左陣電視.9點,番房聽903,跟住欏番部機,不過都係攤住部機,其間訓著左..大約9點52分醒左醒,一醒我聽到903播緊《明日今日》..點解呢排我會成日聽到呢首歌既?個天係咪想俾d咩暗示我?
友誼商店今晚最後一個點唱係《開心又過一日 唔開心又過一日》,唔通呢個就係答案?我都想可以放低所有煩人既事,做到開心又過一日,唔開心又過一日..

p.s.祝dora生日快樂

>>February 26, 2003 at 2:06:00 PM GMT+8

2003 年 2 月 25 日 星期二 【晴】

我尚完好嗎?
自己依然搞唔清楚...我成日反覆問自己,我想點呢?
點解o係我正想要放低果剎那,自己又推番自己落深淵既?
究竟我係咪可以"笑著換去紗布"呢..?

天又藍 Shine

曲:徐天佑
詞:陳少琪

曾上學去 球賽輸得心碎
為她奮戰下去 流下血淚
曾重病了 嚐最苦藥水
在醫院發夢 成了壯舉

還有幾齣戲 是不可以看下去
即使得枕頭 成為伴侶

我沒祈禱 當天又藍便叫好
心跳繼續 才是瑰寶
我尚完好 當天又藍便知道
舊傷口以後難會更好 笑著換去紗布

人已大了 曾覺傷得緊要
被紐約某上晝 全部掃掉
人領悟了 煩惱總自招
自尊心太大 城市太小

還有幾齣戲 是不可以看下去
即使得枕頭 成為伴侶

我沒祈禱 當天又藍便叫好
心跳繼續 才是瑰寶
我尚完好 當天又藍便知道
舊傷口以後難會更好 笑著換去紗布

我沒祈禱 當天又藍便叫好
心跳繼續 才是瑰寶
我尚完好 當天又藍便知道
在窗口靠右床尾靠左 掛著是我海報

>>February 26, 2003 at 11:14:19 AM GMT+8

2003 年 2 月 24 日 星期一 【晴】

尋晚打左盤aoc,玩到2點零,之後icq到4點幾先訓.
今朝7點醒左,番到學校先8點,班房冇咩人..就同阿佬傾計,直到打鐘.放左幾日假,上堂都冇咁集中,心仍然好散..甚至唔知今日係day 2,不過好彩我唔肯定,咩書都捧晒番課室.之後上堂都係訓下聽下,小息諗住出去打波清醒下,不過冇波,但係出去行個轉都已經好夠lu,之後兩堂中史清醒好多,但係miss話test,本來好似話改期..變相突擊test,好彩佢都俾幾個字我地溫..有埋範圍,都冇溫得咁辛苦.個test都ok滿意~
之後lunch,去又一村買飯,阿siu有d慘,俾人isolate..跟住我地去7仔買雪糕..
下晝d堂都冇咩特別..到放學,同阿佬,大勝走..等大勝見埋miss Lam..唉..唔提發生咩事.
番到屋企4點半,自己又玩左round aoc,玩玩下阿舜打黎,就同佢玩左round,2打1 hardest,我地兩個臭皮匠,經過黑暗既dark age,feudal age同castle age,城牆俾人拆埋,但係之後開始穩定,跟住就反攻電腦..我出完兵,阿舜配合,好快搞掂..雖然好似勝之不武,但係就好有滿足感,話晒係我一手一腳贏既成功例子.
之後阿傑同dora都打黎問我整日記既野,最意外係連我舊時讀英華既同學鰻魚都問我點整靚個日記,教埋佢都8點,跟住食飯.
之後我開始諗,整靚個日記係咪咁重要呢?的而且確係,整靚個日記係會吸引人黎睇,不過我覺得簡單自然就得,唔駛太誇張,唔好俾個修飾蓋過個日記,蓋過日記既內容..究竟宜家係整日記定整網頁呢?唔好忘記日記先係呢度既主角,所以我會用心整好個背景同背景樂音,再更加會用心去寫好我既日記.

>>February 25, 2003 at 1:31:53 PM GMT+8