2003 年 1 月 2 日 星期四 【晴】

今朝訓到5點零醒左醒,有番電,開住903聽下,跟住又訓番.6點幾先再起身,唉,又要番學喇,又要早起身..好唔慣.
今朝番到學校,覺得好冷清.係喎,今日除左中五同中七,其他年級都要考試.
本來今日第2同第3堂既history係要test,但係我地扮唔知,miss亦都好順攤咁改左期.之後,小息果陣出左去買野飲,tuck shop冇平時人頭湧湧既鏡頭,我慢慢去過去都可以唔駛排隊等就買到野.
過左兩堂中文,lunch果陣學校更加顯得冷清..好寧靜.食完lunch之後,去左操場打波,又係得好少人,得咁少人,d人都冇咩心機玩..搞到我都冇心機,坐o係度睇度夠鐘.
之後堂pe堂都仲係冇咩人打波,我射左幾球就走左去同正正,sally,queenie佢地玩羽毛球,後來queenie冇玩,我同正正,sally三個人搞搞新意,企成三角形咁打,好玩呀,不過難控制d,同埋要用多d氣.
最後堂中史o係半昏迷之下過左..印象中o係堂上講左上次test既答案同埋填左kara張野,仲畫到張野好色彩(我不嬲寫野都無添加..)..痴左線,肯定係眼訓得滯俾人催眠左我..
放學都係咁冷清,今日學校全日都好清冷,睇黎呢兩個禮拜都會係咁.
放學行到油站見到大勝,佢叫我陪佢行落去九龍城,我見落九龍城我有多d車揀,我又唔趕時間,所以就是但啦,行就行啦.最抵死係果個站我有7架車搭(75X,85,85A,85B,85C,11K,12A),但係等左成10分鐘,先一次過黎3架車..激到暈左@_@.
番到屋企,同阿舜打機,見到炸彈人公告話開始收錢,有冇搞錯..個server咁曳走黎收錢!
食飯之前,鯉魚打黎話佢部機有問題,但係冇得睇住都唔知係點,勉勉強強咁教佢整下,當然係失敗啦..最後我淨係諗到最壞既方法..format部機.
食埋飯,玩左陣vos,又轉左首歡樂今宵midi來玩,之後聽住903,睇番自己日記,聽到首劃火柴midi突然好有感覺..於是網頁又多左頁啦..11點零,聽住三姑無聊之際,冇野做之下打埋篇日記上黎.

>>January 3, 2003 at 4:33:07 PM GMT+8

2003 年 1 月 1 日 星期三 【晴】

只此一晚的遊樂場 流傳永遠的最後勝利


>>January 4, 2003 at 4:30:35 PM GMT+8

2003 年 1 月 1 日 星期三 【晴】

尋晚睇d forum講叱o宅既睇到4點零,又同二佬chat左陣,佢話佢format左部腦迎接新一年..勁!之後見眼訓跟住去左訓.今朝訓到11點幾,出廳望左望本新月曆,原來今日已經係1月2號喇,聽日就要番學,d時間過得真係快..
一刷完牙洗完臉已經有晏食,食完晏就一路開住903,今日我一定會全日捕住903,聽番班DJs講尋晚後台d花絮!年年既1月2號903都一樣係咁熱鬧.當然都唔少得上d forum睇人講下睇叱o宅既感受,睇到大家都對叱o宅有幾好既評價.之後on左陣line,見冇人,打俾阿舜叫佢打機.一路玩到5點幾.之後又on番line,聽住903,今日903成日播番尋晚d聲帶,我聽到都仲回味緊..
因為今晚11點半會停電,但係阿媽咁岩果陣先番屋企,阿爸準備支電筒又冇電,所以7點零鐘俾阿爸屈左落街買電芯..
番到黎食埋晚飯,去到日記d圖load唔到,搞左一大輪先搞掂..之後索性改埋個新既midi播放器,宜家舊野會random播midi,仲有一首隱藏midi添,睇下你地有冇機會聽到.跟住快快脆脆打埋篇日記,費事一陣停電又要拖到聽日啦.
唉,聽日個history test未溫,d功課亦都未郁過..
好!打埋日記之後努力到11點半!

>>January 2, 2003 at 2:43:48 PM GMT+8

2002 年 12 月 31 日 星期二 【晴】

尋晚打埋篇日記都成4點幾,見眼訓所以去左訓.今朝11點幾醒,食左個早餐,食到好飽,之後都冇食到晏.
下晝,開左陣機玩vos,之後2點零正正打黎約番我去叱o宅既時間,地點,其實尋晚都講好左,今次係我第一次去睇叱o宅,之前o係收音機聽得多啦..好期待,好緊張.
3點左右,阿舜打黎叫我玩炸彈人,一路玩到5點幾,我見就出去唔玩住,換好晒衫,大約6點半到尖沙咀碼頭,之後同正正搭船過灣仔,過到去都7點零,入到會展新翼,上到去排左陣隊,我個心好緊張..
7點半左右,開始派場刊同投票表格,亦都開始俾人入場.投完票入到去,見到個台好靚,後面一路播住d叱o宅背景音樂,d人都慢慢入場,我同正正欏住本場刊揭下揭下,到左8點半,都仲未開場(又話8點!),仲有好多空位,我仲諗住冇人坐既話我就落去坐(傻左..),哈哈.之後d人開始魚貫入場,差唔多9點,d背景音樂停晒,一年一度既叱o宅頒獎禮正式開始喇!
一開始903DJs跳左part舞先,之後一黎就頒左我最喜愛的組合/女歌手/男歌手獎,楊千嬅第一個喊到收唔到聲.咁岩坐我地前面果個係千嬅瘋狂fans,成晚fing晒頭,嗌晒..好討厭佢d動作,我同正正都好想扑暈佢..嘈住晒!!
跟住頒叱o宅十大,都好正路,Gigi仲一吐六年冤氣,阿東都係,兩個都想喊想喊咁,到左至尊歌曲,係candy既好心分手呀,佢仲唱唱下失控喊添..好慘呀佢=(,可能首歌勾起佢d傷心事啦,果陣個螢幕仲要即刻影住余文樂..嘩!個攝影師好衰呀!
之後頒生力軍組合/女歌手/男歌手獎,組合同女歌手結果都好正路,生力軍男歌手果度就真係好過癮,講實力胡彥斌唔差,未開始我就同正正講我睇好胡彥斌,佢可能有銀獎..之後頒左銅獎蕭正楠,銀獎余文樂,金獎果陣聽到人嗌juno..我同正正講左句「唔係連商台都咁令我失望丫嘛」,前面果條千嬅fans又癲晒fing晒頭大嗌juno,睇黎佢都鍾意juno.好緊張,宣佈結果果陣,d人以為係juno噓定先,點知係胡彥斌,全場靜左靜,跟住一陣歡呼,我同正正都勁搖支903旗,嘩~估唔到胡彥斌居然欏到金獎!不過佢唱功係掂既,d歌路仲幾似jay添.果陣前面條友勁愕然咁,睇到我好心涼..哈哈哈!心裏面係咁彈句"抵死".之後班生力軍唱歌,jade同胡彥斌d live真係好勁,好有料到!可惜cookies冇份唱..我好似印象中冇聽過佢地唱live.
之後森美諷刺完宜家d CD盒大之後,頒左至尊唱片大獎,eason今晚好high,四圍跳跳紮,又踩上d咁靚既佈景-__-..
頒填詞人果陣,我同正正估緊林夕定wyman,因為兩個都爭得好緊,結果林夕險勝wyman,上到台佢仲一時感觸落淚(好罕有..),前排d歌手同音樂人仲企起身拍手致敬..
最後到左高潮,頒發叱o宅樂壇組合/女歌手/男歌手獎,組合果度估唔到shine擊敗twins欏金獎,而twins輸埋俾at17只係得銅獎,出我地前面果條友又再次好驚訝咁,好好笑.而女歌手睇到我喊,因為宣布銅獎果陣,影住何韻詩喊,佢終於得到認同喇,佢默默耕耘左咁耐終於有回報..我一向都好欣賞佢,所以聽到佢欏銅獎果陣我好開心,見到佢喊我都眼濕濕,果刻真係好感動.女歌手金獎不出所料係千嬅,正正既無奈同前面果位千嬅fans形成好強烈既對比,哈哈.男歌手都好搞笑,小春同安仔都話要挑戰eason,eason就一貫大癲大廢咁講左輪野.
到左尾聲,好緊張,淨番我最喜愛的歌曲未頒,eason冇歌入,我諗係因為佢首明年今日同人來人往撞左,結果兩首都唔夠票foul晒..我同正正都好希望林一峰首The best is yet to come得,結果又係candy首好心分手,都算正常,千嬅睇黎又再次因為兩首歌入5強而分薄晒d票喇.不過d人好唔尊重啦,candy都未唱埋首歌,好多人一聽完結果就開始走啦.
之後搭地鐵過尖咀,諗住轉巴士,但係夜得滯,冇晒車,又夜遊旺角..行番去尋晚果度搭van仔番屋企,番到黎tvb轉播緊叱o宅,我睇番黎回味,tvb 2點10分做完,跟住我入房打埋篇日記同睇下討論板睇d人傾叱o宅既野.

叱o宅樂壇流行榜頒獎典禮(得獎名單)

　　叱o宅樂壇我最喜愛的組合: Twins[戀愛大過天]
　　叱o宅樂壇我最喜愛的女歌手: 楊千嬅[笑中有淚]
　　叱o宅樂壇我最喜愛的男歌手: 許志安[讓愛]

　　專業推介叱o宅十大
　　第十位: 高妹正傳 - 梁詠琪
　　第九位: 再見露絲瑪莉 - 何韻詩
　　第八位: 回到過去 - 周杰倫
　　第七位: 不歡而散 - 陳小春
　　第六位: 劃火柴 - 陳曉東
　　第五位: 日與夜 - 張學友/林憶蓮
　　第四位: 爭氣 - 容祖兒
　　第三位: 女人之苦 - 許志安
　　第二位: 人來人往 - 陳奕迅
　　叱o宅樂壇至尊歌曲大獎: 好心分手 - 盧巧音

　　叱o宅樂壇生力軍組合: (金獎)Shine[祖與占] (銀獎)AT 17 (銅獎) Cookies
　　叱o宅樂壇生力軍女歌手: (金獎)關心妍[你有心] (銀獎)許哲珮 (銅獎) 鄭希怡
　　叱o宅樂壇生力軍男歌手: (金獎)胡彥斌[和尚](銀獎)余文樂 (銅獎)蕭正楠

　　叱o宅至尊唱片大獎: The Line-Up [隨意門] 歌手: 陳奕迅 監製: 黃雙駿/陳輝陽

　　四台聯頒音樂大獎-大碟獎: 美麗的一天 - 劉德華

　　雷霆樂壇班霸: 英皇娛樂集團

　　叱o宅樂壇作曲家大獎: 陳輝陽(20)
　　叱o宅樂壇編曲人大獎: 陳輝陽(20)
　　叱o宅樂壇監製大獎: 陳輝陽(20)
　　叱吒樂壇填詞人大獎: 林夕(69)
　　叱吒樂壇唱作人大獎: (金獎)黃貫中[Play It Loud] (銀獎)周杰倫 (銅獎)梁詠琪

　　叱o宅樂壇組合: (金獎)Shine[燕尾蝶] (銀獎)AT 17 (銅獎)Twins
　　叱o宅樂壇女歌手: (金獎)楊千嬅[楊千嬅] (銀獎)容祖兒 (銅獎)何韻詩
　　叱o宅樂壇男歌手: (金獎)陳奕迅[明年今日] (銀獎)許志安 (銅獎)陳小春

　　叱o宅樂壇我最喜愛的歌曲大獎: 好心分手 - 盧巧音

今晚d氣氛好正呀,下年我一定要再去叱o宅!
一月一日一口氣，遊樂場上的最後勝利！

>>January 1, 2003 at 8:47:19 PM GMT+8

2002 年 12 月 31 日 星期二 【晴】

祝大家新年快樂~

>>December 31, 2002 at 8:19:24 PM GMT+8

2002 年 12 月 30 日 星期一 【晴】

尋晚又玩炸彈人,玩玩下二佬去左訓,我繼續o係上面玩,識左個幾勁既人,一路玩到6點幾先訓.
今朝11點零起身,同尋日一模一樣,食完lunch,溫文學,跟住見眼訓又想去訓..不過冇訓到,因為903既<樂人谷>做叱o宅冠軍歌重溫,好正,搞到我聽到唔再眼訓.到左2點,阿舜打黎叫我玩,但係我地兩個都入唔到個server,我就邊聽903聽玩vos hae,hae到3點幾都唔得,就online.一online阿hety就話唔開心,想搵人傾電話,但係我阿妹傾緊(我阿妹o係屋企唔係食野就係傾電話,再唔係就同我爭電腦用!!激死!),結果等到差唔多5點先用到電話,算係好彩,阿妹佢竟然肯"收手"..跟住傾傾下,唔覺唔覺傾到7點幾,期間阿寶打黎叫我今晚出去,尋晚sally都o係icq問過,我都應承左.
7點幾,阿爸番左黎,我話會出去,佢竟然照煮我飯,就係咁俾佢屈我食埋晚飯,仲要洗埋碗-__-..搞搞下都就9點,好彩之前同阿寶講左話我8,9點先出..
落到樓下打左俾阿寶,佢地成班人仲o係九龍灣,佢話3個字出到黎.我諗我點都快過佢,等左下一架van仔,去到科學館果頭落車,再打俾佢地,佢地塞車仲未到,叫我行去碼頭先..我行到碼頭,再兜番去漢口道果邊既地鐵站,再兜番去碼頭,佢地都未黎,果陣咁岩放緊煙花,我企o係度睇左陣,附近d人「嘩..嘩..」咁嗌,我又唔覺有幾特別,d煙花放得又矮,過左陣仲要得成堆煙,原來已經放完煙花..
見咁多人,我都費事行黎行去,企左o係碼頭附近既7仔等佢地,但係人越黎越多,結果我俾人越迫越過-__-,搞到等唔到佢地,個電話又打極都斷線,睇黎個網絡好繁忙,打左勁多次先打得通個電話俾阿寶,終於見到佢地啦T.T..今晚有阿寶,阿siu,sally,dorami同queenie.
之後行左陣,阿siu話口渴,搵左間7仔買野飲,之後搵番去海傍度行,好多人.有人o係果度搵檔畫畫,我地睇左陣,之後行到累,o係鐘樓附近搵左撻地方坐.
跟住佢地玩d變態遊戲喇..!猜包剪搥,輸左果兩個人要去買野飲野食過黎,結果我同阿siu猜輸左..就係咁,就俾人老屈左出去,都好既,夜晚涼涼地,我最鍾意四圍行(俾二佬影響~),同阿siu周圍搵便利店,果陣11點10分,我地見碼頭間7仔多人,見仲有時間,行去遠d既地方搵,入到尖中,好彩阿siu識路,搵到間circle k,執左30零蚊野就番去,果陣大約先11點半.點知行到番去果陣人越黎越多,鐘樓果面仲要鎖埋唔俾人入..今次大鑊喇!我同阿siu夾左o係人群度唔知點好,左捐右攝,搵唔到路入去,睇下個鐘,11點40分,時間越黎越少,我地諗住擒欄杆過去,但係又有4,5個警察睇住..同場加映印巴籍男子大鬧天星碼頭,佢擒左上廣告牌嗌晒又除衫掉落下面,搞到個場面好high,d人勁嗌..引左d警察過去,阿siu見大好時機,先跳左過去,但係呢個時候又黎左個警察,搞到我過唔到..11點45分,我等唔到時機,阿siu話幫我擋住警察視線喎..但係唔可能囉,之後終於趁個警察望埋一邊我又跳左過去,好唔容易(都好刺激^O^)先入到去鐘樓果邊搵番佢地..去到11點50分,差唔多到新一年,d人開始企晒起身,我地快快脆食埋d野,都企左起身.呢個時候,又黎玩變態遊戲!猜包剪搥,輸左果個人要將袋垃圾o係凌晨12點正掉向天空,結果sally猜輸左,不過當然冇掉啦,哈哈.期間又加播段隔離有個肥兼唔靚既女仔(我從來都唔會話人係豬扒..唔好迫我)喊晒話俾人熊抱,我地聽到都"很驚訝,講不出說話"..佢地仲好衰咁話佢係感動到喊.
臨近12點,d人開始係咁掉熒光棒,之後開好過份,膠樽都掉..到左12點,大家一起倒數完,情況更加有d失控,聽到唔少爆樽聲,非常清脆利落.果陣都幾驚自己新一年開始冇耐就中頭獎,因為好多陰影o係身邊飛過-__-,唉..d香港人真係好唔自律囉,搞到果度d樹呀,雕素呀,包到咩咁.之後走果陣見碼頭果邊人多,我地行海傍走,行到文化中心有人表演,我地o係度睇左陣,之後sally話去點心皇食野,間野o係佐敦,但係就行左去尖東,再行番過去,今晚個尖咀都俾我行過晒喇-__-,又用番eason首<隨意門>先:出尖沙咀令人太累..
到左點心皇都1點10分,呢個時候,carrie都黎埋,我食左少少野都覺得好飽,到1點45分左右就走.見咁夜,我自己一路行,行得好開心,我感覺到二佬鍾意<夜遊旺角>既原因,原來一個人勁行勁行,有d風吹住係好舒服,o係人群中左穿右插,我不知不覺行到伊莉莎伯醫院附近,俾我搵度van仔番屋企,就上左車,2點左右.番到屋企2點20分,即刻開機online,一邊打住篇日記,打到4點左右,原來今晚有咁多野寫..

>>December 31, 2002 at 8:07:17 PM GMT+8

2002 年 12 月 29 日 星期日 【陰】

尋晚聽住<短期租約>,wasabi數十首佢今年至愛既歌,估唔到同我果d差唔多,有The best is yet to come,劃火柴,I believe(韓文),再見露絲瑪莉,無間道,心急人上,華麗緣,明年今日等等..尋晚wasabi亦都有接電話,好罕有..仲同聽眾傾得好開心,有個聽眾仲係咁多謝佢,好好笑.
佢節目真係好好聽,聽住佢,我尋晚d唔開心一下子冇晒,入左佢既世界..
之後12點零冇野做,二佬就叫我玩炸彈人..哈哈哈,我地開左個新a/c玩野,期間居然撞到個人用加速外掛,可惡\__/.二佬尋晚好早訓左,我同阿舜玩到4點零都去訓.
今朝11點零先醒,食個午餐,溫左陣文學,到左1點幾,好眼訓..再訓過,一醒都成4點,突然醒起要去銀行交錢,拿拿臨衝出去,去到間恆生多人到爆..排左成半個鐘隊,怪我訓到咁晏啦,早d去,2點零3點一定冇咁迫人.
去完銀行都就5點,之後順便去剪頭髮,剪到好怪~哈哈..-__-.番到屋企,又同阿舜打左陣機.
7點零,on住line玩vos,玩玩下阿頌叫我幫佢縮細張相,搞左一輪,將佢張15mb既相縮到得番15kb..自己都驚嚇可以縮到咁細..不過整左我成個鐘,食埋晚飯都仲整緊..仲差d hang機,期間部腦唔多敢郁,但係咁岩平日好平靜既icq o係呢個時候好忙..整緊相果陣出左去睇電視,睇黎果兩套新電視劇都幾好睇.9點零,終於搞掂..!不過呢個時候個icq又回復平靜..-__-,所以攤住部機聽903.之後見做談判專家大結局,出左去廳睇,睇完番房打埋篇日記,但係去唔到日記個網,結果去左整個網.

>>December 30, 2002 at 5:14:54 PM GMT+8

2002 年 12 月 28 日 星期六 【晴】

尋晚1點幾,同二佬研究佢搵既bgm播歌器,好過癮..好似玩緊推理遊戲,逐層破解,由播唔到歌到播到歌,不過可惜都係差d野,個list出唔到,果舊播歌器硬係有d怪怪地咁..搞到3點零,阿舜叫左我玩炸彈人叫左成半個鐘..個播歌器搞左咁耐都唔得,我都開始冇咩心機,又眼訓..二佬仲好有心機,我諗住話第二朝再研究,但係二佬一路整,整到就4點..勁!我就同阿舜玩住先,之後二佬都放棄,我地一路打機玩到6點,我去左訓.
今朝11點零醒,食左少少野當早餐,睇左陣NBA地帶,終於有野食醫肚.食埋個晏,開左部腦玩vos,玩左好耐,阿舜又打黎叫我玩,上到去個server勁lag,我彈左出game,跟住就冇玩,玩番vos,之後阿妹叫左佢d同學黎,我就讓左部腦出黎,去左沖涼.
沖完涼出黎就食晚飯,今晚打邊爐,食到好飽..原來電視同新城同步直播頒獎典禮,一開始聽佢有66個獎,我即刻彈左句"又係豬肉獎",仲衰過上年50幾個獎,越睇越覺無謂-__-,d時間又唔夠,好趕咁,搞到得個嘈字..叱o宅係o係咁多不公平頒獎禮中算係較為公平既一個.
睇睇下部電視出雪花,大廈壞天線?之後番左房online,開去997,廳部電視又一時時冇事,阿妹開到部電視好大聲,而收音機比電視播得慢d,搞到好似有回音咁..
聽完都10點幾,又無啦啦俾阿爸單單打打,真係受唔住喇..做咩咁對我..我寧願你地唔理我好過..

>>December 29, 2002 at 2:59:41 PM GMT+8

2002 年 12 月 27 日 星期五 【晴】

尋晚勁早訓,我都唔記得幾點..訓訓下醒左,就開部收音機仔,聽到Donald把聲,再睇下個鐘,咦?原來6點半..見咁早又咁凍,我繼續訓,9點幾先再醒過,費事遲醒又俾人鬧,跟住起左身,極速刷牙洗臉(凍~~),之後食左兩舊光酥餅當早餐,好食~
出左廳冇人(搞錯!早知唔起身住啦..),原來阿媽出左去,阿妹仲訓緊,個廳好空好靜,仲好凍..匿番入房,邊開住腦邊聽最後一個禮拜既叱0宅榜,估唔到冠軍係<我撐你>,造馬既..首Lonely Christmas第二咋..> <
到左中午,阿媽番左黎,見阿妹仲訓緊,鬧左佢餐..好彩我冇再訓姐..之後食埋晏,我開腦hae,見冇咩人online,打左俾阿舜,叫佢玩炸彈人,今日手風超順,好少輸..一玩就玩到5點零,佢話睇cartoon,我就冇玩到.
玩到6點零on番line,阿妹話買野食,問我借$1,佢次次都係幾蚊幾蚊,陰d陰d咁借,果一個幾毫又唔還,我d錢都係俾佢咁陰乾..不過我都係借左俾佢.
後來去cmidi,見到有<可惜我是水瓶座>,即刻download左落黎,轉造vos玩,好過癮呀.
7點零鐘,同Gigi Fans阿Wilson(偷睇我日記果位..!\__/,等我o係度唱衰你=P)icq,係咁吹水講廢話,無聊左半個鐘,原來佢欏到新城飛,聽晚去睇,但係就冇叱o宅飛,唉..我好想睇叱o宅呀.之後佢去食飯我又繼續我既vos,一路玩到食飯,食完飯睇左陣電視,做緊<皆大歡喜>既大結局,睇睇下見幾好笑,坐低睇埋佢,睇到10點零見冇野做番房online同打埋篇日記佢,期間二佬send左個網俾我,玩完覺得都幾準同幾過癮架.http://home.kimo.com.tw/rfheznfs/india.HTM

有心人幫vos彈琴機整既網址 http://3327.hypermart.net
不過佢近幾個月冇update,要新歌可以問我.

>>December 28, 2002 at 3:51:05 PM GMT+8

2002 年 12 月 26 日 星期四 【陰】

今朝醒左,淨係聽到阿媽o係度大吵大鬧,原來鬧緊阿妹.阿媽一心情唔好實咩都搵黎鬧一餐,之後我都俾佢鬧埋一份.食埋個晏,佢入埋房係咁鬧..痴線既.我一路冇出聲由佢鬧,佢竟然話我一俾人鬧就唔出聲,但係我出聲又點?咪會俾佢話我駁嘴囉,所以我都費事同佢嘈,就係咁佢鬧左成粒鐘,由1點幾一路鬧到2點幾,講黎講去都係果幾句..
唉,搞到心情差晒,2點零,我對住部一直開住既電腦發呆,睇住個mon,個腦空白一片,坐坐下都3點幾,部腦仲係攤住..我越諗就越唔開心,終於喊左出黎..好失敗..
之後好不憤,開住個notepad打左段野出黎..發洩完都好番d,on住line,有人hi我,但係我冇理到,轉左做away mode,跟住開住首<孤兒仔>同<乞丐王子>黎聽,伏o係張檯度..完全唔知自己想點,個心好亂.
食完晚飯,一路匿o係房度,開住903聽,on左陣line,但係冇咩心機chat,之後好早就去左訓.

>>December 29, 2002 at 3:04:56 PM GMT+8