|
2004 年 3 月 28 日 星期日 【陰】
進步
今日持續天陰陰, 打波呢個例牌活動都cancel 左喇!
成朝就坐o係度睇"黑幫千金要結婚", 重睇都係咁搞笑!
到左兩點幾, 出左廳度睇"英皇三週年"同埋"許志安show on", 正!
到左四點幾, 拎左d李克勤出黎同崑唱, 經過左一排ge低潮, 今日正常番d, 開始又有少少進步, 不過係我自己先覺得~
今日睇左好多演唱會, 夜晚又睇twins! 可能係近期苦練女仔歌, 進步原因所在, 我估再多一兩月我就可以唱到twins d歌!
51% 唱多d twins d歌, yumiko都要~!
>>March 28, 2004 at 11:34:48 PM GMT+8
2004 年 3 月 27 日 星期六 【陰】
這個阿爸真爆炸
今日終於都唔落雨, 但係反而凍左d!
同崑打左舖機, 到左成十二點幾先出門口...遲到喇, 好在bon bon先arm arm 起身, 唔係得我一遲!
本身約左一點等, 但係我一點四先去到, 等到一點十, 佢先至出現~! 好在有金庸旁身!
我地去左金聲, 上次唱k有張買一送一ge贈卷, 今日用左黎睇"這個阿爸真爆炸"!
仲有半個鐘先至到兩點半, 我地去買盒小九子黎食, 但係食之前佢要影張相黎留念囉...原因係"好好食"~!! 乜佢有呢d 怪癖ge~
兩點半入場, 好冷清囉!
其實呢套戲都幾感人, 但係搞笑位都唔少, 勁過癮~!
四點幾出番黎, 行左陣, 跟住去左影相. 用左三十蚊同佢影左張我認為好樣衰ge咭...shit!!!!
之後睇番佢d相, 五點幾就各自散水~!
我又發現左"這個世界真細小, 小得真奇妙妙妙"!! 真係可以嚇死人!!!
51% god bless may e!
>>March 27, 2004 at 11:13:57 PM GMT+8
2004 年 3 月 26 日 星期五 【雨】
re 崑:
係, 今次你講得arm, 你咁講起我都覺有少少過份! 呢種性格我會慢慢改!
至於鼓勵, 我係指賽前, 你無聽見mom一句句塞埋黎話:"你唔得架喇, 你走音架~!" 佢係笑笑口咁講, 儘管佢係口不對心, 咁樣一盆盆冷水兜頭淋...我知係"激將ge鼓勵"...但又有冇諗過我ge感受? 比著你又會有咩心態? 而你呢, 我都知你係想我好, 兄弟玩心照我唔mind, "聽日唱好d!" 呢d野對男仔黎講係好難開口, 我明白! 所以你選擇左唔出聲囉.
到左尋晚, 我係好唔滿意你地ge"反問"姐...我一路唔出聲係強忍緊, 唔想對你地發脾氣, 到左今日冷靜d先討論番, 但係你地一句無心之失就真係好難頂, 問到我一定會出錯咁...唔可以直接問"你今晚唱成點?" 咩?
打個比喻, 假設有一日, 你仆親, 返到屋企我問你:"仆死你未呀?" 你會有咩反應? 又假如我問番你:"點呀, 仲有冇事?" 到時你ge心情又會係點? 分別在於語氣呀, 你都串慣左, 又係會唔覺, 同一屋簷下, 你忍我時我忍你...互相遷就, 我而家唔係掩飾緊我ge錯誤, 係想請大家注意語氣!
我錯係會認, 比d時間我改!
re ar chi:
多謝關心!
學員#23
朝早alan又大遲到...我地成十一點先上到課室, 好似有d過份!
lunch去左pizza hunt度食, 又玩"d係乜野?" 好在sham識玩, 同我一齊玩埋wai, alan, benny, steve! 我幾睇好alan同wai ga, 不過佢地兩個有少少令我失望, 好在最後都係佢地兩個估到先~!
放左學要hea時間, 去左打一陣波, sham今日算打得唔錯啦!
為左要幫patrick湊腳去比佢考個教練牌, 我同wai and sham都特登去左九龍公園度做佢ge"學員"~!
o係門口度見到patrick條女, 終於明白佢有幾咁"高章", 如果佢條女生高少少, 真係做model都得!
今日我地要做ge野就係聽patrick ge指示黎做, 而不熟水性, 真係好驚整死佢! 好在最後佢話都ok姐...
跟住我地四個去左附近間m記度食野吹左陣水, 成十點先撘火車走, 今個禮拜洗費大到嚇死人!
51% 對住出面雨夜街景, 有感而發:
雨夜的浪漫
留戀於夜幕雨中一角，延續我要送你歸家的路，夜靜的街中，歌聲中，是一個個熱吻，誰令到我心加速跳動?
甜絲絲溢自你的唃角，忘掉了以往痛苦的失落！浪漫呼吸中，漆黑中，就只有你共我，從沒有這刻的衝動!
Fantasy，喜悅眼淚，你熱力似火！
Fantasy，享受現在這滴下雨水！
多麼多麼需要你，長夜裏不可分開痴痴醉。跳進傘裏看，夜雨灑下去！
>>March 27, 2004 at 12:58:39 AM GMT+8
2004 年 3 月 25 日 星期四 【雨】
比賽
今日同平時都無乜分別, MSA好留心聽書! 就黎test la!!! 之後堂tutor走左堂, 同alan去左neway練歌!
過左一排ge低潮, 今日好似好番少少, 同alan試左兩個唔同ge version, 最後我地揀左個黎"避重就輕", 一練就練左呢首成個鐘! 信心番左唔少!
我地大約七點入席, 一開始聽左幾個人唱, 好似好高level. 到左有一隊合唱, 勁正囉...有少少劣, alan對d歌詞仲未咁熟...= ="
今日有好多懦夫, 參加左又唔黎, 搞到我地好快就要開始!
一踏上台, 你話唔驚唔緊張就假ge! alan話我成個人硬晒囉...
音樂開始, 我聽到譚詠倫把聲都係過大, 但係都唔理得咁多, 恰埋眼集中精神, 唱左兩句開始無咁驚, 放鬆番d之後就到alan接落去. 到唱和音時, 我都發覺支咪好似失左聲咁...arm arm alan唱完佢o個part, 我地就比人叮左! 呆晒, 可以快成咁??? 但係因為咩事先?! 我地都仲未有失誤!
無奈地落地坐番o係觀眾席睇人地唱, 正堂我同alan研究點解比人秒殺之際, 我地又聽到人有走音, 又有甩咀, 而且唔止一次! 奇在個獨行評判唔叮佢, 仲比佢完成首歌! 我地條氣超唔順囉...!!!!
總結全晚, 唱得好ge...真係數得出, 我地都仲未發揮到就無左呢個機會...係咪好可恨呢!! 唔通真係譚詠倫把聲累事?!
太約九點, 同alan兜左去西田, 再去番大家樂食...真係正"大家樂"!
十點幾十一點先返到屋企, 第一個崑就問: "你有冇走音呀?", 第二個mom問: "你今日唱成點鬼樣呀, 有冇唱唔到呀?" 哼! 鼓勵都無d...我知佢地係想我話好得, 但係咁樣反問法, 邊個會受?!
49% 今日特登走堂去左neway開聲, 賠了失人又折兵! 仲要係未盡力就叮左...呢先至係main point! 唔公平...!
>>March 26, 2004 at 12:41:09 AM GMT+8
2004 年 3 月 24 日 星期三 【陰】
失望!
今朝早上ge堂真係有d無聊...玩釣魚囉個個都~!
十點半放學, 死崑又唔識路行黎ive, 同佢個fd幾乎蕩失路, 要我地去兜佢地!
ar wai中途都黎埋, 丘土間k房有6個人唱, 今日又練歌!
好失敗, 真係好唔掂, 今期狀態超gap!! 對自己真係好失望!
聽日就係比賽ge日子, 我地仲未prepare好....聽日要再黎過!
三點唱完, 捉埋崑同佢個fd返左ive, 諗住o係牧場踢陣毽先走, 但係轉個頭就唔見左牛牛佢地...= ="
失望而回...
返到屋企要練下...shit!
50% 好驚會累死alan...>"<
>>March 24, 2004 at 5:28:11 PM GMT+8
2004 年 3 月 23 日 星期二 【晴】
basketball training
今日又係食埋早餐先去上堂, 九點零九上到去, 原來我地已經比人記晒名, 阿sir今日開始勁玩野, 記低晒咩時間有咩人出入, 皆因呢堂ge 出席人數實在太少, 阿sir話要拎閉路電視d帶去院長度, 證明一切! 仲話有投訴就叫院長唔好信我地, 阿sir真係趣緻!
PF同DCN都睇sham ge slam dunk, 好正~!
lunch去左大排檔, 比個老板娘串咀, 叫我地唔好拍拖~!
VB堂尾段, 我介紹左隻fishing game比佢地玩, 而alan ge第一條魚就break左我個record! 好無奈囉...= ="
聽到benny話"牛牛"o係"牧場"打波, 我地連MSA tutor都走埋, 去左牧場度踢毽tim, 仲有"蛇腰"呀~~~~!
佢地散晒之後, benny都走埋, 得番me, sham and alan, sham又唔知做乜借左個波...比佢地半推半就咁去左射波! 我仲係好累囉....
今日又係特訓sham, alan教新招呀~ 又同sham鬥快反應, 我贏~
跟住之後我地又鬼整咁去夾波, 發覺sham越黎越似benny, 尤其d動作! 好可怕!
打到成七點先走...唉, 日日都咁大活動量!
52% 25號初賽...第一次上台...你話會唔會緊張左d呢.....
>>March 23, 2004 at 10:46:44 PM GMT+8
2004 年 3 月 22 日 星期一 【清涼】
熱死
我尋晚沉迷左隻game, 搞到今日唔夠訓...一落地就企唔癮喇!
alan條友仔訓到晏晒, 我食埋個早餐, 九點先見佢黎上堂!
本來諗住今日去唱k...但係又突然改變行程, 去晒打波! 但係以今日ge体力同埋天氣...十點半打到十一點半已經係極限! 而ar sham就因為打得少, 發晒脾四囉...= ="
食完野之後去左打機, 到左上堂先走, DMS訓左陣!
呢期我咪上左<笑傲江湖>, 而<倚天屠龍記>就...= ="
51% 腳仔都軟埋...
>>March 22, 2004 at 11:22:07 PM GMT+8
2004 年 3 月 21 日 星期日 【晴】
忘記傷害
今日無乜特別, 成朝納悶, 到左一點幾兩點先同崑去剪頭髮, 好清爽tim...= ="
差唔多三點半, 去左打波, 崑打左一場就走. 唔知點解我地打得好無節奏, 可能同chris少夾喇, 好唔協調囉!
崑走左, sham就到左, 特登由大埔走黎呢度睇我地打喎, 有少少無聊~
都係我後徑不繼, 而alan又未有full power, 我地三個都好gap! chris又走先喇..
得番sham o係度陪我地, 六點半走人, 跟手去埋m記吹下水先走, 七點!
返到屋企, 一路食飯一路睇"鬼馬狂想曲", 睇番有自己個樣o個幕真係好得意, 原來我都ok上鏡架喎~ ^^
今日悶過! 亦都忘記左~!
51% 就黎比賽, 係咪應該開始要養聲呢?!
reply:
re kwan, 其實我都係記得美國開始打人先記得有呢一日, 三月二十日咁確切ge日子! 但係呢一日仲係歷歷在目~!
>>March 21, 2004 at 10:04:10 PM GMT+8
2004 年 3 月 20 日 星期六 【晴】
一週年
一週年? 怎麼的一週年? 是美國開始攻打伊拉克計起的一週年?
只說對了其中一半, 而另一半是對我來說很有意思的一個一週年!
二零零三年三月二十日, 下午一時三十分, 旺角百老匯戲院門前, 多名行人都手持"號外", 到處議論紛紛, 談的是美國終於都對伊拉克開戰, 而我, 我沒有參與話題, 望著路人熙來攘往, 懷著緊張既興奮的心情, 等著她的趕到.
這是我們第一次的約會. 旁邊還有kwan和阿魚.
還記我們看了"下一站...天后", 而她同阿魚亦因為一場戲, 而變成了一見如故!
第一次見面, 這是我們的第一次約會. 光陰似箭, 三百六十五日流水般逝去, 轉眼已一週年了...
這一年來, 我做過了甚麼事? 笑過, 痛過, 傻過, 跌過, 傷過, 過了難忘的一年!
我曾經做過一個心理測驗, 測我是否一個念舊的人, 結果顯示我"非常念舊", 活在昨日的影子下, 經常在想著過去, 活到了今天, 不能沒了昨天. 很諷刺! 念舊不是優點嗎?
"一週年"為誰記? 天曉得! 我實在太過念舊, 改不了!
我懷念一年前的今日, 很開心!
這一年來, 你怎過?
51% 今日白過.
>>March 21, 2004 at 12:16:41 AM GMT+8
2004 年 3 月 19 日 星期五 【晴】
飛機game~
幾乎逢星期五都著book look返學, 為左放學後ge活動~
一堂DCN之後, 得alan, sham, wai and me去左西田食野, 我地四都係賤人, sham 係賤在骨子裏tim!
差唔多一點半返到ive, 見到alison o係度射波, sham, alan and me湧左過去, 跟手同耆英仲有佢個fd鬥左場, 一點十先上去PW!
呢兩堂都keep住有野做, 好快就到左三點半放學, 去籃球場群打~!
班校隊黎左跟隊, 勁到丫, 都未出盡全力喎, 就贏得好靚!
中段比班死傻仔串77咁自己打自己, 等左我地超過半個鐘, 火都黎埋!!
最記得係最後一場, 我地打50分! team A: both alanS + me, team B: ben + alison + sham, 死sham最鐘意屈我機, 佢太大份喇! 最後我地係贏左佢地, 打得好tired~!
最後仲未走住, 我地六個人玩射key, 亦即係飛機game~! sham就早洩, 最勁都係我, 手感番左黎, 不過都係差最後一球...= ="
我地竟然玩到八點幾先走, 真係史無前例, 我都係第一次! 返到屋企都九點幾喇, 食左個攤凍晒ge飯盒, 但係都好好味囉! ^^
原來kwan已經有工返...睇黎我都係時候要搵下工喇!!!
52% 原來我地班實力平均~!
>>March 20, 2004 at 12:24:39 AM GMT+8
|
日記連結:
崑日記‧
小白日記‧
歡日記‧
Rachel's 日記．
小宏日記．
賓尼日記 ‧
豪仔日記(41206)‧
小霸王ｋeｉtｈ‧
艾佛地日記
Ry's日記
|
廣告 |
|
|
讀者留言 |
| 路人留言
|
 喂,記唔記得我呀霆峰?
<br>
>>June 10, 2009 at 3:55:09 PM GMT+8
努力努力,向2012進發
>>January 15, 2009 at 1:05:33 AM GMT+8
努力努力努力, 2012年進法
>>January 15, 2009 at 1:05:15 AM GMT+8
只要有您的支持和聆聽,什麼事也可
>>October 14, 2008 at 11:15:48 PM GMT+8
第一次看到您的日記是眼紅的.
<
>>September 2, 2008 at 3:58:52 PM GMT+8
默默地,默默地愛護您,支持您.
>>August 26, 2008 at 2:15:26 AM GMT+8
傻豬，我都知你辛苦.我自己都會改
>>August 11, 2008 at 12:09:18 AM GMT+8
喂呀~~~講埋d咁甜既野~~~
>>July 1, 2008 at 11:29:51 PM GMT+8
老公,點解你日記與日記之間隔咁耐
>>June 17, 2008 at 10:56:05 PM GMT+8
而家d人都唔打日記啦！！！
>>May 20, 2008 at 1:43:50 PM GMT+8
老公加油!!~
>>April 14, 2008 at 3:06:23 PM GMT+8
好發人深省呢～～
<br>亦都比
>>April 7, 2008 at 6:26:11 PM GMT+8
好高興有你呢位朋友了解我,伸出暖
>>March 29, 2008 at 10:34:38 PM GMT+8
右
<br>我真係明白你既講法
>>March 17, 2008 at 2:25:53 AM GMT+8
加油
<br>我等緊飲你地
>>February 27, 2008 at 9:13:25 PM GMT+8
So do i!!~
<br>w
>>February 27, 2008 at 2:09:12 PM GMT+8
我會努力~~~
>>February 15, 2008 at 11:01:48 AM GMT+8
傻啦
<br>我點會唔明?
<b
>>February 12, 2008 at 5:33:24 PM GMT+8
..........掛死我la~
>>February 12, 2008 at 2:54:52 PM GMT+8
"有了你開心D 乜都稱心滿意 咸
>>February 1, 2008 at 2:57:47 PM GMT+8
b...你打波個樣好得意...
>>January 31, 2008 at 1:17:18 AM GMT+8
B~~友誼賽姐~~用心d打啊~!
>>January 30, 2008 at 3:32:42 PM GMT+8
下次我唔會56分
<br>會重上
>>January 29, 2008 at 3:25:28 PM GMT+8
有你在我身邊~什麼時候都warm
>>January 28, 2008 at 2:20:08 PM GMT+8
b...冷靜...老婆支持你~~
>>January 24, 2008 at 8:50:14 PM GMT+8
我都係隨口問下jer~~^^
>>January 16, 2008 at 3:21:40 AM GMT+8
對,有時記憶會被遺忘,但這些記憶
>>January 8, 2008 at 4:07:36 PM GMT+8
我同你相反,個blog差唔多冇掂
>>January 6, 2008 at 10:18:49 PM GMT+8
我明白的.....
<br>放心
>>January 4, 2008 at 5:06:36 PM GMT+8
你打算唔寫日記啦?
>>December 24, 2007 at 9:44:54 AM GMT+8
hihi~how r u ?
<
>>October 28, 2007 at 11:35:48 AM GMT+8
放lunch放到兩點ja ma!
>>August 23, 2007 at 10:28:49 PM GMT+8
我來了!!~一個甜蜜的留言,
<
>>July 5, 2007 at 11:55:32 AM GMT+8
邊有你講咁誇張...哈...
<
>>June 22, 2007 at 7:49:05 PM GMT+8
應該好快冇事gei!!
>>June 6, 2007 at 2:44:50 PM GMT+8
算啦...過左去了...尋找過新
>>May 6, 2007 at 4:06:17 PM GMT+8
我仲以為Ms. Wong係你中學
>>April 13, 2007 at 2:52:48 PM GMT+8
哈..我都覺得係.....=)
>>March 30, 2007 at 12:17:57 PM GMT+8
見仁見智喇!我覺得你戴眼鏡靚仔d
>>March 27, 2007 at 9:47:44 PM GMT+8
不錯啦!!努力你的工作...
<
>>March 27, 2007 at 2:17:13 PM GMT+8
太客氣喇你..
<br>
<
>>March 26, 2007 at 12:47:41 PM GMT+8
你都傻嘅,我地都冇
>>March 20, 2007 at 3:23:25 PM GMT+8
經驗老到既Warren, 講得好
>>March 20, 2007 at 12:47:09 AM GMT+8
唉!你地梗係玩埋d變態野....
>>March 19, 2007 at 2:58:21 PM GMT+8
你傻架咩!當自己係貨, 珍姐想你
>>March 16, 2007 at 11:12:51 AM GMT+8
不錯不錯...我而家都係一個咁的
>>March 13, 2007 at 3:35:00 PM GMT+8
嗯...。自己亦感受過同類的感受
>>January 29, 2007 at 3:09:16 PM GMT+8
生老病死...
<br>人類咁叻
>>January 29, 2007 at 2:39:18 PM GMT+8
來了..說什麼好
<br>近來好
>>January 20, 2007 at 10:47:11 PM GMT+8
死仔...你咁洗錢法d人工更係覺
>>November 8, 2006 at 7:36:52 AM GMT+8
|
|
進步
比賽
失望!
飛機game~