2004 年 6 月 5 日 星期六 【酷熱】

財多身子弱...?!
少有地尋晚傾電話...仲傾到兩點幾, 希望有助佢舒緩下d情緒~!
就係因為傾得太耐, 今日又要早起...可惜太早, 真係頂唔順, 去唔到唱k, 推左chris...
而我就一心諗住三點前去到元朗join佢地, 見到半年無見ge shu, 坐左陣就散喇!
好無奈囉跟住, 明明七點半前返到去dinner, 點知又改左做六點...搞到d時間勁唔match, 乜戲都睇唔到!
三點半至五點全部都係尷尬時間, 無得揀ge情況下去左打機, 同chris勁玩"嘩嘩車"..? 之後玩"篤篤機", 我地三條仔(仲有ho)幫埋隔離兩個女仔玩~
五點鐘走, chris返到上水就走先, 我同ho就去左library hea時間等六點~!
六點幾, mom ge表哥佢地黎到, 佢地帶埋佢地對仔女黎, 好有外國feel lor, 一個叫ronald, 另一個叫leona, 不過我地有少少語言障礙, 好在佢地識中文姐~
九點幾食完飯, 今晚我終於都可以做番乘客, 唔駛做driver! 我自己吽下吽下...費事有咩意外啦...>"<
mom個表嫂尋走前比左二百我做零用, mom又由ar ma度比左一百蚊我, 呵呵...千金散盡還復來! 但係財多身子弱...仲未好番囉!!
今日無溫過書...java...
53% 有時d大人玩得仲無聊過小朋友...亂開玩笑!

>>June 6, 2004 at 12:54:33 AM GMT+8

2004 年 6 月 4 日 星期五 【清涼】

re bon邦, 做乜無lala剪晒?! 好多煩惱, 所以要剪~??
咁你個樣咪好"趣緻"囉~ 搵日要見下先得~

慢晒...
今日鬧鐘一響, 想唔起身熄都唔得, 一個唔夠訓ge病人, 仲要訓得咁少去考試, 想考得好都好難...
我地一群人一早就去到canteen盡最後努力...
9:30~11:30 CSA, 比我想像中易左好多, 又可能係咁arm tip中左, 呢科可望合格~! 化腐朽為神奇, 本來無乜信心ge科目又得左喎~!
lunch去左大家樂食...alan(41206)同ar on竟然o係我面前食四寶飯!! 頂~
我地食完野返左去等alan(41206)考PF, 好高深ge一門學問...驚都黎唔切!
alan(ks)o係我地聽完alan(41206)講ge同時都黎到黎, 去打波喇!
今日都唔係路! 佢地話我慢左好多!! 係一件好可悲ge事! 最可笑就係自己唔覺...可能已經到左一個就黎無得進步ge地步喇...腳傷一直都未好過...!
屋企真係一個要黎休息ge地方, 一返到黎對眼就好乾...成個人好謝!
今晚敷左塊mask, 但係呢塊野都遮唔到我ge倦容!
53% 快d好番...而家講野重鼻音, 低半度...!

唔知點解覺得自己好似變左, 有好多野都變左!
有時做野無諗得咁多, 爽左...
有時情緒都無變得咁快, 好似樂觀左.
心態都變左好多.
可能係接觸人多左, 處理手法都同以前有所不同.
心境老左, 其他人未必會睇到,
但係自己feel得好清楚, 但係咁唔知咪係叫做"成熟"左呢?

>>June 4, 2004 at 11:43:39 PM GMT+8

2004 年 6 月 3 日 星期四 【清涼】

english--死左!
嘩...訓得太耐都唔係一件好事! 話說尋日朝有咁耐訓咁耐, 但係尋晚一點上床, 兩點先訓得著!
到左今朝, 成個病樣出晒黎, 面青口唇白不在話下, 今日仲成朝都吽下吽下! 可以話係神志不清!
我就係以一個咁ge狀態去考english, 結果做唔晒, 用左太多時間去做reading(一句野睇幾次先入到腦!), 最後完全唔夠時間做writing! 做得一半...
咁多年做英文, 最差係今年! 連最唔擔心ge一科都有d驚!
出左黎之後, wai佢地又話四寶飯係咁望住我...~"~ 好在我乜都唔知, 無眼屎乾淨盲!
去lunch之前, 佢地去print notes, 我溫左一陣csa就同ar sham o係度改下日記d野!
今次係我同佢首次用html+javascript黎改日記ge外觀, 好得意, 好正! 但好奇怪, 我地係考左MIA之後先用番MIA ge野黎做野, 乜唔係應該考之前整架咩?!
今日得番benny+alan+me+sham去左西田食野, 食食下就講波經, 講到興起, 好想即刻就有波打!!
返到屋企...又要作戰...>"<
病與痛的邊緣...!
53% 唉...英文! 唉...CSA!!!

>>June 3, 2004 at 8:59:32 PM GMT+8

2004 年 6 月 2 日 星期三 【酷熱】

"時差"--english+csa
尋日真係好累...平時好似無乜病痛, 但係尋日就黎料...鼻水+乞chi不斷!
今日就訓左足足十一個鐘, 一點半至十二點半! 想訓多d, 好快d!
可惜事與願違, 晏晝好無精神...都無溫過野...
唔知係咪"時差"關係, 成日形住隔開兩日先考第二科...一切已經太遲喇!
唉! 快d 好番啦...
53% 到左個鼻!

>>June 2, 2004 at 11:07:00 PM GMT+8

2004 年 6 月 1 日 星期二 【酷熱】

re ar chi, 考完係咪陪我去玩先~?

軌跡
尋晚, 真係唔好講尋晚! 尋晚簡直就係悲劇, 對住d asp可以一d都入唔到腦, 淨係見到一大堆無意義ge syntax!!
今日, 終於到左今日! 今日就係考MIA(Microcomputer and Internet Application)ge大日子, 我地成班人一早返到canteen作最後衝刺, 有alan在場, 幾無意義ge asp都開始吸引我!
九點半入左去受死, 今年份卷比上年份卷難, 亦都比我想像中做得耐! 9:35~12:15
命中率可能得四成, 可以話唔合格又得, 合格又未必稱得上!
出左hall就去左搵steve佢地, 一心諗住做project, 但係收到風patrick已經一個人做晒, 真係開心到不得了! 即時好想錫佢一啖!!
alan走左去唱k, 而我地淨係四個人:sham, me, wai and benny, 我地去左美心食野就返學校打波!
隔離場d人又唔同我地鬥, 淨係射, 射到連benny and wai都走埋, 得番我同sham o係度...
今日狀態都未番黎, 甩手甩腳!
走o個陣, 我不斷向ar sham吸收經驗值.
o係同一班火車入面有好多唔同ge人, 雖然係用緊同一條路軌, 但係就各有各ge生活. 而我, 我就偏偏行緊ar sham條軌跡! 只不過我行ge係比佢慢, 可悲!
部電話終於都識響喇今日, 不過無電!
53% 尋日就喉嚨好痛, 今日痛完, 但係就換左好多鼻水同埋乞chi!! 點解會係咁?!

>>June 1, 2004 at 9:49:25 PM GMT+8

2004 年 5 月 31 日 星期一 【清涼】

re lam, THX!
但係有時d野唔到你唔驚!

asp? javascript? cookies?!?!
朝早有波睇, 睇番呢場NBA大戰先返ive!
o係大埔度同ar wai等左ar sham幾耐, 熱死!
我地三個返到ive就入左"拉把"溫, 今日我地揀左電腦位黎坐, 但係一路都無玩到!
都估到我地三個一坐埋一齊就會無時靜架喇! 結果比人走埋黎叫我地靜d!
但係呢條友都幾好野! 嘈ge唔淨止我地, 其他人都好大聲, 就偏偏叫我地! 仲唔係欺善怕惡?!
三點半至四點去左tea, 勁肚餓! 食左兩個餐!
返到拉把又溫過...但係個心仲散過之前呀...乜料呀...>"<
五點幾ar sham走先, 而我同ar wai就留守到六點差唔多, 同佢試左少少html tag!
六點二至六點五同ar wai爆左兩腳毽, 個毽真係爆左...! 生疏呀生疏!!
返到屋企又係o係度燃燒緊青春, 虛渡光陰!
我估我已經放棄左asp同埋cookies la...跟本就唔識!!
53% 條喉嚨勁痛...

>>June 1, 2004 at 12:27:23 AM GMT+8

2004 年 5 月 30 日 星期日 【微雨】

re bon邦, 你今次留d野講到好似關我事咁~~!
你野蠻一次半次都無乜所謂ge, 不過我覺得好似真係"野"左少少姐~!
改就唔駛點改架喇, 人地都出聲, 可能人地就係"lum"你呢樣呢~?
竟然比你捉到蟲tim...學我講野...~"~

休息?!
我估尋晚都算係近期最"早"訓ge一日, 三點幾上床, 成四點先訓得著!
今日就昏迷到十二點半....
上次同ar wai講開, 難得我地都有同感--屋企真係唔係一個溫書ge地方! 屋企係要黎休息架!
唔知係咩野心態作聳, 今日對作疊notes只係睇左幾頁, 仲要係唔入腦...!
仲有javascript, asp, cookies...>"<
53% 有少少get到喇終於!!

>>May 30, 2004 at 11:29:53 PM GMT+8

2004 年 5 月 29 日 星期六 【微雨】

香港公共圖書館
唔知係咪比MIA個哨牙sir兇到, 尋日已經開始驚定先, 尋晚訓前睇左少少html ge notes, 不過唔係咁入腦, 等到今日, 三點半同崑去左library, 我坐埋一二邊溫, 佢就同佢個fd睇書, 各自為政!
我地o係個休息陣度落腳, 圖書館本來就係要靜, 但係偏偏對面檯就坐左成班o靚妹仔o係度做project! 仲要成日pollution 前pollution後, 知唔知佢地產生左好多"noise pollution"呀! 打擾晒本少爺ge溫書雅興!
好在佢地到左四點幾都走晒!
我就同崑坐到六點先走, 今日成績都唔錯, 短短兩個半鐘ge working, lecture 1~6都比我溫晒, 可惜係紙上談兵!
同崑去左七仔買左雪糕頂肚就返屋企食飯喇, 今日又無食到lunch la!
呢科一定要合格, 否則九死一生!
53% 難學難精, 要重新學過ge唱功...~"~

>>May 30, 2004 at 1:07:41 AM GMT+8

2004 年 5 月 28 日 星期五 【雨】

again...
今朝考ge DMS並無好似bonbon咁悲慘, 至少阿sir無fake我地, 份卷仲易做過tutor! 可惜我無乜做過exercise!
可望合格! 要求並唔多, 只要合格分數!
lunch時, 見到隔離班四眼仔同"細哨"一齊走, 佢地十指緊扣! 呢一對令人費解ge情侶變成左我地最近ge討論對象! 我地討論點解條仔會咁揀? 我地又討論究竟係咪細哨用過什麼手段?
講到天馬行空, 幾乎就黎要為"四眼仔"哀悼! 天妒英材!
我地去左P仔食, 一人一個細批, benny叫左個"沙律"食, 最抵做??
之後又約埋alan(ks), fung bee + armarm 由英國返黎ge pierre去fun zone! 好耐無見過pierre! 一見就整左個"攬"!
打打下居然會撞到janet o係度玩篤篤機! 我地圍埋玩左陣!
同sham佢地玩緊o個陣, alan(ks) + pierre走左都唔出聲...~"~
時晴時雨. 雨, o係我返到屋企之同時, 雨停了.
53% 不斷的重復著...

打從人一出世, 這已是第一件身不由己, 不由自主的事!
在漫長的人生中, 你可以控制得多少?
很多的事情, 明知做了會錯也是去做, 目的何在? 根本就出於"自然", 不由自主!
越想便越錯, 越錯越想得多!
控制得了便不是情緒!
每逢下雨天, 滿腹都儲滿了心事!
"滂沱大雨中, 像千針穿我心"!

>>May 28, 2004 at 9:11:51 PM GMT+8

2004 年 5 月 27 日 星期四 【清涼】

re shamsham, 整定ge! take care la~!
一定係我地呢排少打波你先會咁樣~! 少打啦! 對手好痕呀而家!
精力無處發洩! >"<

re bon邦, 算把啦你...我同你都係同一類人! 至於d ar sir咁fake人...真係無野好講!

math and stat.
尋晚ar wai講到我今日唔返ive搵佢就會無得溫咁...今日食完早餐都想返ive先, 點知比崑提一提先醒起有波睇! 一於睇埋先走~! 活塞vs溜馬~!
十二點半先出門口, 唔知點解個人自動自覺咁趕, 仲行得快過d返去考試ge人!
入到canteen真係多人到唔信, 又嘈到好似酒樓咁--其實真係同酒樓無分別!
會合埋ar wai就去左拉把溫呢科DMS la...ar 安條死仔成兩點幾先返到黎!
我同ar wai發現左呢科maths其實唔駛太多技考, 對住d機會率, 同考"閱讀理解+使用計數機"技考無分別!
同ar wai都心知不妙喇, 到左六點都未溫晒d notes, 又無計過咁滯!!
返到屋企真係好努力咁睇同埋做...奈何無聽過書咁滯...好多都係唔識...火都黎埋! 好在ar姊妹咁arm 時間sms黎平復番少少jar...~"~
又會咁arm, 我想send去, 佢就send 黎~!
之後又同ar wai and sham吹又幾句又計過...果然心情煩燥係會一沉百踩!
到最後都係溫唔晒...>"<
聽日到出得易做d呀千祈...只求合格!!
53%

sham, take care!

>>May 28, 2004 at 1:29:34 AM GMT+8