2004 年 10 月 3 日 星期日 【陰晴不定】

四仔
尋晚兩點幾, 妻子打左黎...
我地又係探討o個個問題...無結論...
好浪費電話費...>"<

今日心情比尋日更差...
ho and kwan o係我最需要人開解ge時候打黎叫左我出去食野,
thx god!

三點幾去左kfc食野, 跟住吹左好耐,
比佢地開解左陣, 好好多...四仔, 好!!
真係人間冷暖, 得佢地雪中送炭!
之後佢地陪我去左上水賽馬會...買個安落心,
點知...唉...又會咁早就收...

夜晚又做四葉草, 記得又係上年十月頭好唔開心咁睇呢套...
估唔到今年又係, 真係唔想年年發生ge事都一樣!
四葉草...妻子比左好多vcd我...
一切變得太快...每次我地開心唔夠七日又會有大事發生...
天呀...可唔可以比我地安頓下...?

47% 你還好嗎...?

>>October 3, 2004 at 11:42:18 PM GMT+8

2004 年 10 月 2 日 星期六 【微冷】

心痛
尋日知道左妻子件事,
叫左佢七點打黎, 佢好唔開心...
今日訓下醒下, 完全唔可以集中精神訓覺,
好掛住佢...

十一點幾十二點同佢傾左陣,
氣氛又搞到好唔開心...fate again...
真係好唔希望佢再去見o個個人, 一切ge禍端!
直至佢張card用盡, 我地連bye都無講到就cut左線!
心情說不出的難受...佢往往諗埋一邊...
而我...同病相憐, 你點諗, 我完全明白...但係咁係解決唔到問題...
點解你成日都要咁諗...?

晏晝寫左封信...好想佢即時會收到...!
好想好想和你在一起...一齊渡過難關!

50% 今日好唔開心...

張衛健-《身體健康》

如若我　患了傷風　怕就怕你惹了我的咳嗽
連累你　發起高燒　跟我睡夠你也要昏睡床
如若我　喉嚨腫痛　怎樣去唱你愛聽的歌韻
連累你　唇乾口淡　因要共我吃最啖的粥　最清的菜

＊我不要做弱質病人　變一個負累你不幸
誰想有病　厭惡呻吟　
我不要千金百銀　也祈求這小小的福蔭

我只想　身體健康　我害怕你要照顧我擔心得出一臉倦容
而我病床中反悔內疚　令你太心痛
我只想　身體健康　要活到過百歲不需拐杖都可跟你相擁
不忍你勞碌的照料我　受了這種切膚之痛＊

如若我　跌斷雙腿　我就算去哪裡你都跟我
扶著我　輪椅中坐　親我時你也要俯身彎腰
人漸老　如落失聰　怎樣去聽你說我多可愛
惟願我　牙齒堅固　可吃盡你炮製我愛的每款小菜

ｒｅｐｅａｔ　＊

我會為你好好的保重　我發病了等於失了寵
怕你嫌藥味太濃　藥煲太重　不知怎操縱

>>October 2, 2004 at 8:03:52 PM GMT+8

2004 年 10 月 1 日 星期五 【晴】

同病相憐
真係唔明自己做咩...
妻子咁貴打電話黎, 自已竟然恰眼訓...
淨係由七點傾到九點!
唉...得番四十幾分鐘...!

成個晏晝都無咩野做,
淨係好努力咁織野,
好希望o係我唔得閒之前可以織得完, 然後寄出!
今日進度都ok, 可以追番前兩日ge成績!

全日都好掛住妻子, 好擔心佢ge情況...
最後我發覺我地同病相憐喇...

56% 我地要好好保重!

>>October 2, 2004 at 12:23:02 PM GMT+8

2004 年 9 月 30 日 星期四 【酷熱】

pizza hut
今朝七點都未夠, 妻子急call!
she felt lonely...and wanna talk with me,
所以我就起左身同佢傾左個幾兩個鐘喇...
佢成點幾兩點都未訓...過緊ge係非人生活!
總之有錢就萬事皆能!

番訓ge結果就係上堂遲到, 普通話堂教得好快...
而又欠缺乏練習, 真係要講多d先得!

Lunch o個陣問下benny意見, 研究下我apply 樓面好定係廚房好,
佢講出做樓面d人好冷漠, 無team work!
相反, 廚房做野係講team work, 而且仲係食肆ge最後把關,
d人一定會好肯幫手, 我都比佢吸引住,
最後我都係揀左apply做廚房, 因為做樓面無野學, 唔通淨係寫字都要學咩?!

五點放左學就同benny去pizza hut度填form, 諗住順手interview,
點知阿負責人唔o係度, 要擇日再黎...! 唔好ge開始?!

再一次行過所有熟悉ge地方, 所有舊日的足跡我都重臨左一次,
好多回憶, 所有有好同唔好ge回憶都一剎那咁o係腦海中閃過,
每次行過chung on, 我都記得起我有一個難忘ge summer, thx!

57% 只有電話先可以將我地ge心意拉近!

>>October 2, 2004 at 11:58:07 AM GMT+8

2004 年 9 月 29 日 星期三 【酷熱】

別離
今朝起身起遲左, 妻子text比又即時收唔到,
白白等左大半日先見得番妻子...但係妻子又要搬屋!
搬屋ge意思係搬去一間乜都無ge "屋"...
上網, 電話...乜都欠奉, 過埋今日就好難再見番個樣...>"<

最後一次見面係七點幾...
真係唔知幾時再有得"見"...!
好唔捨得...就好似第二次離開咁...

56% 我要努力向上...!

>>October 2, 2004 at 11:55:24 AM GMT+8

2004 年 9 月 28 日 星期二 【酷熱】

re myGie, 中秋年快樂呀, 希望可以同你過每一年ge中秋啦~!!

中秋團圓
尋晚應承左妻子今日會早d online見佢, 結果九點三就起左身喇,
不過原來妻子要好早就起身, 同佢傾唔夠一個鐘就話要走...
呀...咁樣就係最後一次見?! 好唔制, 勁唔浪漫!
...唉......累佢白等左九個鐘...仲要係一日之內!

十一點半就返到ive, wai book左張乒乓波檯黎玩,
我已經完全唔識玩喇...好屎, 猜唔夠三下就比人game左!

十二點半去左上堂, 今日淨係上兩堂,
由於太眼訓, 最後都忍唔住訓左四個字,
"be a better man"?! ...........
跟住o個堂都叫做有少少心機聽書ge!
兩點半放左學, 去canteen開餐,
約左成個月無見ge ho仔出黎吹水,
大家講左好多野, 真係好耐無見,
就黎有"十年人事幾番新"ge感覺!

五點幾返到屋企, may e好早就到左, 我地唱左陣k就食飯喇.
食完飯大家坐左o係度傾計,
may e問左我勁多拍拖ge事, 又拎左好多去泰國ge相出黎比佢睇,
睇到我好懷念, 勁miss my lo por!
九點幾送may e走, 見到出面原來都好光,
一種就係月亮ge光,
另一種就係每家燈籠ge光芒, 我從未見過我居住ge地方可以咁熱鬧,
好多人都bbq, 家家戶戶都好熱鬧, 呢種熱鬧就連新年都有所不及,
過去四年, 我有三年都出左街玩, 幾時有比自己一個機會睇下我住ge地方有咩情境?
原來呢個表面好冷淡ge地方, 到左要團圓ge節日, 大家都會好齊心!
唯一欠缺就係今年中秋好似差左d野, 可能係father要早訓,
我地無一齊食月餅, 又無hehehaha咁大笑, 而且妻子唔o係度!
真係好想出年妻子會同我一齊做節, 享受同埋感受一下家庭溫暖,
跟住我地就手拖手咁出街度行, 玩足成晚!
今晚將唔會見到妻子...唔知幾時先見到佢...唔駛搬屋咪好囉...!

56% 空有高科技, 唔可以大派用場!

>>September 29, 2004 at 3:48:24 PM GMT+8

2004 年 9 月 27 日 星期一 【酷熱】

last nite in milton keynes
尋日又係訓得好少, 五個鐘!
三日加埋都訓唔勁十個鐘, 勁呀!

今日又係無乜動力聽書, 其實係無精神,
唔夠訓好難集中!

今日alan(ks)黎左打波, 好似都有半個月無見過佢喇,
佢打波都屎左好多, hehe~
打到差唔多五點半就走喇,
今日比benny問我係咪真係返pizza hut,
係就留個位比我, 咁睇黎呢件事都係事在必行喇!

返屋企o個陣遇見隔離屋個仔,
次次見到佢都想混路走, 唔想同佢講野!
皆因次次佢同我講親都係d溝女經,
又話上次見到我同埋妻子一齊bbq, 問問問...!
成日都話某某校花揀左個肥仔都唔揀佢,
其實佢知唔知自己成日掛住呢d事o係咀邊係好衰格?!
又知唔知自己真係連一個肥仔都不如?
起碼人地可能會專一, 對校花好好,
而你又點呀?! 自己烏烏wer wer 不在話下, 仲要成日發女寒!
而且有gf又想溝第二個?! 好憎佢, 我都費事理佢,
等佢自己一個人講晒好喇...!

終於都見到妻子online, 真係時間太少喇,
自己又要恰眼訓, 勁唔珍惜今次ge last nite!!
i hate myself!

55% 各有各忙...>"<

>>September 29, 2004 at 3:31:18 PM GMT+8

2004 年 9 月 26 日 星期日 【酷熱】

祭祖
今朝照一照境...嘩! 做咩有隻鬼?!
原來境中人都係我自己, 點解會咁?
點解會有雙重黑眼圈? 點解又會眼都腫晒?
雙目無神...? 呀...我好似連續兩日都係訓兩個鐘...

七點幾左身, 趕頭趕命咁去左食早晨,
再等埋father, 我地就一家人返大陸拜山喇.
撘車o個陣爭取時間恰左陣...@.@

唔點解次次拜山都要燒野, 勁唔環保囉.
而且仲會燒到膠, 我又要唔小心咁吸左一啖!
即刻咳, 咳到想嘔...好似中左毒咁...!

之後都係無無聊聊咁過,
晚餐有大閘蟹食~!

57% ho miss~

>>September 26, 2004 at 10:15:51 PM GMT+8

2004 年 9 月 25 日 星期六 【晴】

叫喊
尋晚過得真係不易,
心情可以由天堂落至谷底,
全因一個不知所謂, 而且小氣無能ge"前度",
我都費事用咁多形容詞黎形容佢喇...! 小人!
跟住妻子又講左兩個舊news比我知...
真係面如死灰!
跟住就由四點九傾電話傾到七點三先收線...
崑六點鐘起身返學呀...突然發覺自己好幸福!

恰左兩個鐘, 九點三起左身,
約左alan and sham去唱k,
心情都仲係好差, 直至o係k房忘我咁將所有野唱晒出黎!
到o個一刻先至叫做無事, 心情好番喇!

返屋企前打左比ho, 好似無見佢成半個月有多!
原來都無乜大轉變, 開頭佢就好似人間蒸發左咁,
可能大家都無電聯開啦~! haha~

夜晚教崑做ppt, 原來我自己都唔係咁窩囊架ja~!!
另外, 我正在製造surprise~!

57% 呵呵呵, 唔知趕唔趕得切呢~?!

>>September 26, 2004 at 12:47:25 AM GMT+8

2004 年 9 月 24 日 星期五 【酷熱】

re my_gie, 28號唔緊要...14/2先係問題...
你唔記得左我地一齊食左moon cake lar mei?
只要相愛, 日日都係情人節~
當你返左黎, 我可以去你樓下打波丫~

星期五症候群
咩叫"星期五症候群"?
你地未聽過唔出奇, 無錯, 因為係我作出黎ge!
呢個症點出黎?
大概可能係大家返左四日學, 積勞成怨,
又累到想死, 所以一到左星期五就抱住relax ge心態返學,
返到學校無心機上堂, 遲到, 早退, 走堂...
睇下damon同benny, 一個今日唔返, 另一個去左搵外快...爽到呢!
而我, 患左呢個症, 好難集中精神咁聽書!
今日真係返學等放學, 放學等返屋企...

一個禮拜梗會有三幾日係打波, 今日都有打,
o係呢半邊場打親都會有d事發生,
雖然今日無開拖事件, 但係今日差d又拗柴,
又係右腳, 好在今次只係扭一扭, 無乜大礙,
但係只係一扭都夠你驚一分鐘! 傷一次唔見$540!!!
所以話呢, 窮人千祈唔好有病痛!

大家有錢會賺唔夠用, 無錢又成日都呻窮,
所以今日我都有買六合彩, 撞下運氣,
結果...廿蚊見財化水, 不過有一樣野係值得慶幸--
就係有14同埋29呢兩個重要數字出現~

56% 我要做個有錢人!

>>September 25, 2004 at 12:40:57 AM GMT+8