2004 年 5 月 16 日 星期日 【清涼】

english project (fucking lazy day 2)
ar...越訓越累...成一點先起身...= ="
兩點幾食完晏返到屋企就開始做野, 今日進度好慢...部電腦又窒到唔駛恨, 又熱, 真係做到火都黎埋!
hea 下諗下到左六點, 今日屋企無飯食, fa & mom返左大陸, 我同崑出左粉嶺食老m...食完野買左少少野就返屋企喇...
事情已經左無得再拖ge地步!
聽日...唉!
53% 有口話人無口話自己啦...拖累晒成組人!

>>May 16, 2004 at 8:52:36 PM GMT+8

2004 年 5 月 15 日 星期六 【清涼】

english project(day 1.5)
尋日夜晚只係諗左個project ge concept同埋idea, 諗左一陣就好眼訓, 而家終於都知道alan做咁多java原來係咁辛苦! 發覺自己越黎越懶!!!
今朝食左早餐就開始做project ge questionnaire, 有咩問題都唔知問邊個好...有少少孤軍作戰ge感覺!
兩點幾非常熱, 係時候出去剪頭髮涼下冷氣!
同崑一齊出左去剪, 由於我坐門口位, 出面ge人見到我, 我都見到佢地, 就係咁, 我見到有兩個學生妹行過, 其中一個指住我同另一個學生妹講: "我認得佢呀! 佢係上次去澳門o個個呀!" 我第一間係呆左...再諗, 乜我見過呢兩個人咩??? 真係莫明其妙!!
剪完之後成頭爽晒! 行返去廣場o個陣竟然比我見到兩位同班同學--chan hak lam & tsang ting fung(又係ting fung! 兩班有三個!) 吹左兩句就走喇~!
同崑去左library借書, 又借唔到<笑傲>第四期, 唯有借第二d睇, 今次借左兩本<多情劍客無情劍>, 亦即"小李飛刀"!
行左陣返屋企...開左部腦, 我d groupmates又無online...唉~!
54% 孤軍...

原諒我吧~ 呢期唔得閒, 遲d先去你度開解下你呢位姊妹~!

>>May 15, 2004 at 9:34:40 PM GMT+8

2004 年 5 月 14 日 星期五 【陰】

傘
朝早天陰陰, 雨又唔係落得大, 經過一番思量, 亦為方便起見, 拎左把縮骨遮就出門口喇!
同崑and mom食埋早餐就出發去返學喇! 崑出去唱k, 同我一齊撘車!
返到學校DCN有lab做, 但係做唔晒而且唔識做...= =" 之後十一點半又去左427B搞掂埋個PF assignment ge手尾, 成十二點半先出去食飯!
拎住d遮出去沙田食野真係好麻煩! 停左雨已經算係大公做美喇!
食野o個陣我地講開"黑社會"唔係一個社團, 而係一間"公司"! 呢間"公司"經營多項生意: 包括財務借貸; 保安; 談判; 武術訓練--不定期作出武交流......等等! 我地有咁大吹咁大, 好搞笑~!
食完野返左學校, 去完SAO抄information, 再傾左兩句eng project ge野就拎左個ball去打!
ar wai唔打波都坐o係場邊度睇, 好難得!
今日打波手感都算唔錯, 做左PG同埋SG, alan就打SF, 而sham就反應好慢...算係PF掛!
打打下damon同ben都分別黎埋, 我地打極都唔夠敵隊o個條友黎, 條友超好爆, 又好体力, 又準...唔好講笑, 分分鐘仲勁過校隊個小前鋒!
打到六點, 成身都散晒, 今日無太陽, 但天氣悶熱, 同有太陽曬住ge体力消秏程度無乜分別!
臨走時見到ar wai把遮唔記得拎走, 礙於係長柄, alan同我都唔拎, alan住大埔, 近ar wai, 但係佢又拎住一把長柄, 佢堅決唔拎...而我, 住得太遠...要拎住把遮舟車勞頓, 要我拎...?
就係咁, 我地就擺低左把遮唔理喇. 可能係天意, sham覆我call, 而ar wai又o係佢隔離, 同佢講完佢把遮之後, 佢願意o係大埔墟火車站等我同alan拎番比佢, 而我, 聽到佢肯等我地, 我都唔介意折返球場幫佢拎番把遮! 因為我真唔想貪一時方便而放棄ar wai把遮!
我絕對唔係因為把遮ge價錢而去拎番, 而係明知個fd拎漏左野, 唔同佢拎番好似好唔應該!
就係因為一把遮, 唔係咁值錢, 我地就唔幫佢拎番?
點解我地唔可以為個fd做少少事?
ar wai可以拎番把遮, 多得ar sham覆call, 亦都係天意!

歸家ge路途太漫長, 多次差d訓著...好疲!
53% 一柄傘的錯...

>>May 14, 2004 at 11:57:59 PM GMT+8

2004 年 5 月 13 日 星期四 【清涼】

反梳向左卡通裝
d頭髮長左好多, 好耐無剪過, 而且又好厚, 原本向右ge頭髮已經好難gel...! 今日就搞搞新意思, 向左吹下佢, 仲要吹個打風頭, 係吹埋一二邊o個隻! 好有新鮮咁...通常都係呢d尷尬長度我先會咁做!
今日返學都係同平時咁, 但係就一點半放左學, 去邊度食亦都係日日必諗必煩ge事!
alan, wai, sham and me慢慢咁踱出去沙田, 去左金河苑睇到d野好普通, 決定去第二度食...但係個袋又重, 又越黎越肚餓, 仲越黎越無力...行到腳都軟埋, alan仲話去明將...點知去到原來係執左, 又熱喎, 真係火都黎埋!!
揀無可揀之下, 價錢已經唔再重要, 常言道:"忍屎忍尿, 肚餓無得忍!" 我地四去左上次benny介紹o個間"嚼"度食, 貪佢夠多!
食完野去左fun zone度睇佢地打機, 四點半先走!
一心諗住去library借本<笑傲>黎睇埋佢, 但係唔記得左今日星期四, library例假, 閉門不開! 勁dum春呀...>"<

又要填form la...year 2...
53% 曖昧下~!

>>May 13, 2004 at 10:25:07 PM GMT+8

2004 年 5 月 12 日 星期三 【清涼】

人心惶惶
都係自己貪玩, 出去玩左成日都一點半先訓, 搞到今勁好似死屍咁! 眼訓到對眼都睜唔大! 去大埔見到alan都係咁...今日我同佢都係睡眼惺忪, 而且講野無中氣, 四支發軟, 步履虛浮!
返到去同sham and benny食埋早餐就上去上最後一堂ge MIA la...雖然都係好眼訓, 但係精神都醒左d...!
聽ben講, 隔離班"四寶飯"同左佢自己班一個男仔一齊, 對方又係四眼仔, 仲要係同我差唔多款ge...唔同四寶飯對四眼仔情有獨鍾...?!
十點半ge空堂去左射波, 到左成十二點先去lunch...勁熱呀!

個個到左lunch都勁驚跟住要上ge CSA堂, 今堂CSA勁認真, 一日都係peter chu, 抽人出黎做presentation, 而且仲要強迫我地d觀眾Q & A o個陣問問題, 仲要一定要問得中point, 唔係會扣分! 勁嚴囉! 搞到全場人心惶惶, 人人自危!
不幸地ar wai比peter chu抽中做presentation, 睇落ar wai個powerpoint好似無乜野咁, 但係佢係唯一一個用自己文字(english)講出黎, 最後比peter chu大讚係"真英雄"所為! 我地全場轟然拍手! 至於去到Q & A time, 為左分數唔益人, 我地密謀問一條簡單又有point ge問題, 但非常唔好彩地比peter chu見到我地傾野, 仲陰到alan, fake晒佢, 差d仲比佢扣分! 要alan將呢個發問權問第二組!
第二組係damon o個組, alan用佢異常快速ge轉數諗左條好問題出黎問, 個peter chu仲即時話"good question!" alan即時一吐烏氣! 不過可憐ge damon就慘喇...就咁比alan問死左...= ="
放學由damon發起去打波...不過天氣太熱, 個個打唔夠兩場就力虧! 只係剩番sham, damon and me o係度射波!
大約三點半, 同sham one on one打左兩舖5分, 第一舖淨勝5:0, 第二舖放射都贏5:2~ 出左五至七成力啦~

跟住我同sham去左睇alan, patrick佢地比賽, 今日patrick嫂又黎觀戰打氣!
呢場比賽係季軍爭奪戰, 個個都打到搏晒老命! 最後我地隊都係輸4:3, 人地仲要係贏負碌同埋球證囉! 我地輸波, "非兵不利, 戰不善, 敝在球證"! 敵隊明顯地有人違例都唔吹! 哼! 我地做觀眾仲火滾過落場踢o個d!!

佢地踢完波, o抖左陣就踢毽, 今日又係踢得好激!! 到左六點先走~!
返到屋企都係醉心鑽研!!!
54% 甩難?!

>>May 12, 2004 at 10:41:43 PM GMT+8

2004 年 5 月 11 日 星期二 【清涼】

happy birthday to kwan~!!

re沈小宏, 你而家先知驚會唔會遲d 呢? 你小心追唔到喎!
尋日所謂ge教, 其實都無乜點教過, 而家我d"私人補習老師"個個都拍晒拖啦, 好咩~?!

領悟/參透
正當我今朝七點三熟睡之際, kwan打黎嘈醒左我...之後就一路無覺好訓!
今日左早餐就會合埋ho and alan(41206)一齊出去旺角搵kwan喇, 火車上, ho仔問起咩係"四寶飯", 我介紹埋"朗拿甸奴"之後佢都忍唔住笑晒出黎!
kwan一早開左房等我地, 唱左無幾耐, chris都放學黎到, 四仔終於又人齊喇!!
一首"洗剪吹"ge假音位搞到chris走左三次唱, 呢一世都未試過!
過左無幾耐, alan同chris教我唱, 佢地兩個費左好多唇舌先講得我明, 佢地講ge同我所做ge係兩回事...即時覺得自已好似乜都唔識咁, 真係寧願自己無唱過, 因為而家同重新學起無分別! 但係可惜錯左太耐, 一時三刻改唔到, 仲係有好多壞習慣!
仲有三個禮拜!
唱到四點cut歌, 佢地四個一致贊成去篤波, 我又係去睇, 不過ho都係無篤到...齋企個半鐘!
篤完之後alan返左大埔, 我地四仔撘巴士去左紅磡, 神推鬼hun佢地又去左篤波! 不過呢間勁平, 我都篤左一Q, 結果撻Q收場, 浪費左ho ge chance ball! 最後到左七點, ng ka chun又黎埋, 我地先至起程去壽司店!
去到間野, chris傾左好耐電話, 而kwan and ho and ng ka chun都叫左野食, 我就連張menu都未見過! 小白又未到, 咁早叫乜!
久違左ge小白終於黎到, 我都好好人, 幫佢夾左多野食, 佢黎到都不至於未見過d food~!!
小白黎到我無咁悶, 一路同佢吹水, 又講下佢d兒女私情, 佢竟然唔識reject人...= ="
ho and ng ka chun中途走左, 我地都九點半先出番黎, kwan and chris又去篤波...而我同小白就一齊返粉嶺喇, 太耐無見佢, 我好多野想知, 太八掛喇! 而佢都好搞笑, 佢ge心境都係半成年~
返到粉嶺就各行各, 我返到屋企都成十一點....聽日好驚presentataion會抽中!!!
54% 領悟, 放棄, 重新, 再學, 重生! 仲有時間...!

>>May 12, 2004 at 12:47:29 AM GMT+8

2004 年 5 月 10 日 星期一 【清涼】

脫苦海??
訓極都係唔夠...已經成個week都係咁, 難為今日仲要返八點半!
好好人ge bonbon話今日救我, 叫我八點打比佢, 但係佢又起唔到身, 到左八點九先聽到我電話, 勁驚佢趕唔切十點半黎到~!
終於佢都係趕得切, 我同佢一入lecture都有少少哄動! 出現o係我身邊ge異性多少都會比人誤會架喇...佢唔會mind掛~
本身淨係見到朗拿甸奴入黎, 四寶飯未到, 以為會錯過一場好戲~! 好在佢都o係十一點入到黎, 佢慣常動作環目四顧睇下我o係邊, 今日亦唔例外! 當佢見到我隔離有個女仔之後, 佢好似呆左野...跟住發生咩事我就唔係好知喇~ 但係感覺上佢今日係望少左, 但係bonbon話個情況都係幾嚴重!! = ="
lunch o個陣熱到出煙, 長途拔涉咁行左去西田樓下間上海野度食, 個個都行到大汗淋漓!!
原來我今日件唐裝上衣好襯呢間野~
alan要返ive比賽, 佢地以驚人ge步速放甩左我同bonbon, 沿途同佢傾開, 人地個bf好似呷醋...shit! 我都估到會係咁...但係accounting lei...sorry la!
返到ive, 佢地去晒睇波, 而bonbon揀野食都揀左兩個字...呢個係我同佢ge共通點--天秤座ge人係非常猶豫不決! 呢樣直情同我一模一樣囉!!
佢今住野咁教我做番份accounting assignment, 願來係非常易做! 都係做熟左個format先!
中間我出左去睇佢地踢, 敵方好有組織, 上仗淨勝對手9:0, 而今日佢地都贏8:6! 真係超激烈!
三點三送左bonbon走, 踢左陣毽就去test SAD la, 呢份野淨係睇ppt都識做七成...最衰就係自己上堂無聽書!
放左之後又踢到五點先走...好熱>"<

阿姊妹今日考math又撻皮左...add oil~!
54% 都好似仲未脫苦海...反而引黎人地男友唔高興...sorry ar!

>>May 10, 2004 at 10:00:08 PM GMT+8

2004 年 5 月 9 日 星期日 【酷熱】

re 沈小宏, 死喇! 你講起功課, 我地好似仲有個eng project未做呀...!!! 成日都唔記得ge!!! 至於其他野...慢慢黎啦, 暑假先都唔遲...! ar...個考試好驚!

母親節
祝所有母親母親節快樂!
今朝一起身就比左尋日隻cd比mom, 但係佢無乜反應...可能今次失敗左, 唔arm佢心水! 唉...哂錢tim!
尋日把聲好似有d問題, 唱唔到, 到左今日, 情況都未有改善...= ="

又有一個fd拍緊拖喇, 唉...眼見好友們一個一咁有拖拍, 唔知做咩好似又無左半個fd咁, 失落感大增...>"<

食住晏咁睇埋尋日未完ge"左麟右李", 最後我地都係忍唔住, 開左咪黎唱! 但係今日好辛苦...>"<

到左六點幾, 我地一家人去左聯和墟間"椰林閣"度鋸扒, 好飽...!
一出一入都係由我做driver, 唉...真係好差, 更加抵受唔住father ge說話/壓力, 始終都係有新牌仔ge壓力!!

聽日好似有test...又好似有好多野做咁...?
52% 幾時先無事呀...好迷失呀...你有你進步, 我有我退步!

>>May 9, 2004 at 8:41:35 PM GMT+8

2004 年 5 月 8 日 星期六 【陰】

征服
滂沱大雨, 食早餐ge意慾都無埋, 訓到十二點先起身, 正~
開左機想唱兩咀, 但係知做乜, 一開口就走音, 勁驚囉...同失聲無乜分別! 不過之前都試過...係咪又意味住o係另一個境界之前, 先有一個低潮? 之前都試過迷失一次...>"<
晏晝兩點幾同崑出左去, 先去大排檔食我地ge第一餐--tea! 兩個人食左三個餐, 都幾平喎!
之後我地兩個上左去library還同埋借書, 撞到個中學同學, 不過佢唔認得我, 而且又有男伴o係佢隔離, 既然同佢連eye contact都無, 最後都係無相認到, 可惜~
借完書好躊躇, 唔知去邊度好, 我地煩緊買咩做禮物好...>"< 孤注一擲去左上水先算!
去左兩間VCD店, 揀左好耐, 終於都揀左隻我地認為mom會arm ge cd...而我地又買左"左麟右李04" DVD, 兩樣加埋係$266...崑比住先...~"~
成五點幾先返屋企, 即場開左個concert黎聽, 過癮~
夜晚, mom好難得咁坐o係度睇"地久天長", 好感人呀呢套戲, 如果無左廣告時間, 能夠一氣呵成就仲好!
54% 適應期, 要用最多一個月去征服!!

>>May 9, 2004 at 12:40:27 AM GMT+8

2004 年 5 月 7 日 星期五 【晴】

re bon邦, 我醒記星期一有test...你個計劃有變...!

源禾大戰
其實今日返學都唔知做乜, 上一堂DCN tutor就放學, 而我同alan成十一點三先上到去, 集体做完maths就放學喇!
放左學hea到十二點半先出發去pizza hunt, 為左等兩個人--kwan and sham!
去到沙田會合左全身book ge kwan, 去到pizza hunt d野食arm arm 黎, ar sham都到, 佢考完會考就黎.
全檯得wai一個無著波褲, 今日都算怪怪地~
我地首先叫左一個生日批, 再加一四人套餐, 開頭仲以為會食唔晒, 但係最後係唔夠食!

返到ive, 踢左陣毽就去打波喇, 難得kwan黎打, 我又拖行馬: 2 alan(41206, ks), sham, benny, ben, damon, alison, me and kwan!
kwan太耐無打, 成日都甩手甩腳. 而alison 又fake到出神入化~!! 今日終於都分到fit到唔fit ge分別~!
打到唔知幾時, 班排球黎清場, 我地唯有拉隊去源禾路度打~! 但係benny同alison就走左喇...

源禾路都勁多人, 跟隊跟死, 而呢度ge level都唔係差...就算係細路仔都唔係弱...= ="
sham今日終於都有fake, kwan又好似打番少少狀態, alan(ks)打到抽筋, 乜都有...臨尾又比人清場, 無奈死!!

都唔知自已有冇勁到~?
54% 呢篇日記係第二次打, 乜mood都無晒!

>>May 8, 2004 at 12:24:04 AM GMT+8