2004 年 5 月 6 日 星期四 【晴】

re bon邦, 你黎打救我定係"好奇心大於一切"先~? 你諗起如果你又o係度, "四寶飯"又o係度ge情景就真係非常搞笑~~ 今日佢仲狼呀d反應...最衰你今日唔得閒, ha~

避-->"四寶飯"...= ="
尋晚真係icq過量...成三點先訓, 今日勁唔夠精神!
一去大埔, 竟然見到wai! 個死傻仔返左咁耐學都返錯時間, 早左成個鐘, 真係比佢吹脹~
PF堂連做兩個quiz, 做完之後出去透透氣, 又撞到anthony返喎~
一心以為今日會有運行, 正堂我同sham and alan出lift時, 見到d唔想見到ge野...個"四寶飯"入lift ar...= =" 我出o個陣眼尾見到佢首先係用左興奮ge目光望住我, 而且緊接而黎ge係一下充滿雀躍氣息ge透氣聲! 呢d事比sham同alan睇晒入眼...我都無野好講, 真係走唔甩...我唯一可以做ge係迴避佢ge目光...!
食完飯之後ge MSA 又係lecture...又見到佢喇...今次sham話要做research, 數下望我幾次...= ="
tutor堂大豐收呀d分數~
放左又鬥毽, 踢踢下又見到佢...係咪路架?! 仲要比我開口中, 真係有緣成咁咩...>"< help...

得番一堂大lecture~

54% 呵呵呵...唔知last day會有d咩事發生...~!

>>May 7, 2004 at 1:07:29 AM GMT+8

2004 年 5 月 5 日 星期三 【微冷】

re bon邦, 正所謂物極必反, 一係唔食, 一係就反常...連續食咁多, 唔會頂唔順架咩??
希望你會合格啦~:D

聚
今朝六點幾札醒左幾次...搞到成朝都打晒喊路...=O=''
朝早o個堂dreamwaver想做都做唔到...佢地幾個又玩埋d flash game, 個阿sir竟然又走埋黎吹水&串咀, 又話我地打波屎, 又自稱"則魚涌小Jordon"~! 爆笑~~
十點半放左學, 同alan(41206)& sham撘巴士去mk, 再去neway開房, 房由K仔開(kwan改左個咁ge名~~~!), 個reception姐姐叫我開張k fun, 又唔知做咩開懷大笑, 傻左~!
過左無幾耐, kwan & ho先後黎到, 話時話, 都好似有成個幾月無見過ho仔! a-level之後ge佢好似頓左唔少, 開頭完全跟唔到d字黎唱~!
而今日我ge狀態都算ok, 好似又好左少少, 聽番ho仔ge唱功, 我一兩個月, 甚至三個月之前都好似佢咁, 而家好似已經升左level, 開心係有, 但係真係好想"四仔"同level, 到時可以開大門任唱唔驚, 仲比d路人任聽~!
至於sham呢...佢可能仲未習慣自己把聲入咪, 成日都壓住左黎唱, 其實佢係應該可以唱到張信哲d歌架...!
ho仔要去bbq, 三點幾就走左喇, 真係快!
聽完alan ge"大道理"之後又有少少領悟~
四點一比人強行cut歌, 淨番我地四個去左tea, 又係吹水時間, 今日個topic係"fake"! chris要小心比人fake....>"<
最後淨係sham, me and alan返歸, 同佢地吹吹下水好胃痛...講野無晒力, 劇痛!!! 連電話都無力傾喇...
呢個胃痛足足痛左成兩個鐘...好辛苦!!

好多人都要考中文喇聽日有崑, ar chi, ar yan, carrie......祝佢地好運啦!

55% 今日約左ge人無出, 唔知點解個個好似對我有d怨言咁...= =" 好似我都比人放左喎...

>>May 5, 2004 at 11:27:14 PM GMT+8

2004 年 5 月 4 日 星期二 【微冷】

happy birthday to anthony~!

VB.net
今日返學都算係大日子喇, 都幾重要ge一日, 就係VB要demo program!
一返到學校, anthony打黎, 唔知做乜咁有興緻搵我食早餐囉, 可能係佢生日ge關係啦~
PF堂都無教過書喇...我地為左晏晝ge VB而擔憂, 跟住又check下mail同玩下心理測驗, 而死alan(41206)又show左幾首新歌ge歌詞出黎, 簡直直入心肺呀! <大方>同埋<最佳男配角>好似描住我黎寫咁...= ="
DCN阿sir做preview, 都有聽下ge~
lunch得我, sham同alan出左去食, 食完好快就返ive做last check, 十二點半至一點都係等alan教地個program點run, 要點講, 我就成日記得呢句又唔記得左o個句...= ="
而佢地其中有d人就o係度玩前兩日我成日玩ge game, 我即時變左個expert!
到左VB堂, 明明我地係第三組先開始, 但係第一二組d人唔知死左去邊, 迫左我地上第一組, 但係咁都未必唔係好事, 因為係個阿最好心情ge時候, 而四個人入面, 係得我有少少失誤, 但係都算ok 滿意啦~! 做完野走得, 我, sham, alan and steve落左去坐, 勁大風囉!
等到佢地落晒黎之後又有好多排球, 無晒位, 迫住我地轉場, 我地又踢排球又踢毽, 真係勁好活力囉!!
玩到差唔多五點, alan(ks)落埋黎, 一齊玩多陣先走...到左走先覺得累囉...!!!
又放多左一樣心頭大石喇, 仲有CSA and Eng report ...!
54% 返學日子進入倒數階段...!

>>May 4, 2004 at 10:43:24 PM GMT+8

2004 年 5 月 3 日 星期一 【清涼】

orange=橙
今日著左件螢光橙ge T-shirt返學, d顏色sharp到好似大陽咁刺眼, 個個都投以唔知係奇怪定係羨慕ge目光...~
唔食早餐上堂好無食, 所以都係食埋先上, 上到去比connie串, ar...佢粗身大細都仲話我地, 我都覺有d唔好意思~ 不過講起佢個肚, 越黎越隆啦~!

上完英文堂有三個鐘, o係條走廊度見到兩樣野:
第一樣就係兩篤狗屎! 一篤仲係非常鮮, 而且比阿威踩中左少部份!!
第二樣就係ar sham個"君妹"! 今次終於都見真人...真係真人不露相~!

我地去左打波, 其實嚴格上黎講都唔係打, 無鬥到, 係淨射.
今日我地又鬥射罰球, benny, alan(41206), sham都唔係我ge對手, ha~
lunch去左美心食d唔係太好味ge野, 仲要成廿八咁多...但係點解我比三十蚊, 會找左四蚊比我ge??
DMS lecture, "朗拿甸奴"同"四寶飯"做左樣好驚人ge事--唔知有心定無意咁o係我地面前行過...= =" benny佢地又大肆宣傳, 我呆晒囉..~!
放左學見到個"朗拿甸奴"同上次打波o個個on9仔一齊走, 條友真係偉人, 而我都有甩難ge感覺~~
逢星期一三五都係去打波, 今日奇差, 又唔準, 可能太熱所致! 又鬥射罰球玩請野飲, 企o係罰球線上ge感覺奇差...竟然輸左...= ="
太熱頂唔順, 四點就走左...成個人好熱囉, 返到屋企開左冷氣o係個廳度恰左半個鐘~
到而家都係好熱...酷熱!
54% 又黑左好多, 係局部地區性!

>>May 3, 2004 at 11:42:04 PM GMT+8

2004 年 5 月 2 日 星期日 【酷熱】

休息日2
今日熱到飛起...朝早十點幾同崑行去食早餐已經知咩事, 都未行到耀記就已經成個人滾晒, 熱到丫!
晏書個天正常番少少, 無咁曬, 以為可以去打下波, 點知又無人去...
整個下午都白過, 四點鐘諗住同崑去嘆下tea, 解下暑, 但係又比father嘈...shit!
今日又係好懶咁渡過...就考試喇, 有口話人無口話自己tim!!
53% 突然間發現自己氣量好大, 又好似好大方咁, 就黎變聖人架喇~!!

>>May 2, 2004 at 10:56:43 PM GMT+8

2004 年 5 月 1 日 星期六 【酷熱】

休息日
本來今日就約左去唱k, 但係個個都好似好tired, 又無錢咁, 唯有cancel la, 比個機會我休息番日!
朝早唔知做乜會一人去左食早餐, 白白浪費左廿蚊! 之後返到屋企都係icq同埋low b game過活...
之後都無食過野...到左四點幾, 同崑又忍唔住, 拎左隻張學友出黎唱, 唯一可以o係間屋度搵番d滿足感, 慢慢改啦有時d野...急唔黎!
成六點半先dinner, 有成七個鐘絕食...= ="
經過大量進食, 飽左成晚! 今餐食左兩碗飯, 一碗湯+兩隻芒果! ^o^
又正常番喇我, 真係快!
53% d illp點死...? >"<

>>May 1, 2004 at 11:42:23 PM GMT+8

2004 年 4 月 30 日 星期五 【晴】

默契
經過一夜洗禮, 心情好番, 快起快落, 我而家已經變成咁ge款!
今日又係book look咁返學, 白tee, 黑色波褲, nike air, 一見到sham上火車, 我同佢都O晒咀, 因為我地又係情侶裝咁...= ="
alan(41206)同benny都無返, lunch就淨係我地五個去左扒王之王食, 食食下竟然拎左副啤出黎鋤, 九唔撘八ge活動~!
返到ive踢左陣毽, 大出汗, edwin佢地d 踢波觸角黎左踢毽, 搞到個個鬥志都好旺盛!
踢踢下又見到"四寶飯"同另一個女仔, 死patrick踢左過去佢地度, 仲叫我去執! 我睬佢地都傻~ 最後由個女仔踢返個毽過黎...好在~
又上左兩堂無乜教書ge PW, hea晒d時間到1530就放學.
又係踢毽...踢左無幾耐, sham就話走, 因為無波打...駛唔駛咁現實~!
到左四點幾, alan(ks)打黎, 叫我去打波, damon又拎左個波出黎, 即係話無得打又有得打?? 唔算放飛機掛!
同alan+damon跟左隊, 打隊low b, 三成力都無出到就game左佢地, 都預左今日唔係咁想太激烈~
我地之後又射左key又玩射三分, damon勁準! 射key又比佢贏左, 射三分佢又入左7/15! 癲架...~"~
我地三個過左隔離踢隊, 第一場同alan勁好默契, 勁比alley-oop佢入波, 我ge妙隊+alan ge波感, 睇到場邊ge人大聲喝采, 好似睇and one咁~
跟住我打多場就比左ben打, 最後又得番我地四個o係度射波, 今次玩射罰球, damon又係好準! 佢入30/50, 而我呢, 入左29/50, 以一球飲恨! 不過都破左自己紀錄, 射十中八~
到左差唔多八點先走...今日完喇, 都無教過書, 都唔知返學做咩!
54% 原來alan(41206)+me+benny ge走位係咁屈機係咁勁! 今日終於領教左!

>>May 1, 2004 at 12:30:30 AM GMT+8

2004 年 4 月 29 日 星期四 【陰】

re sham, 抵你死啦, 同爭波衫, 你件大碼拎黎墊地啦~! 不過你真係豪左d...= ="

re lam, 係呀, 真係好耐無見啦! 你就黎放監, 我就就黎受死...有幾科最驚, accounting係其中一元!
你得閒都打黎啦.

man到
尋晚真係好勤力, 今日accounting test, 溫左幾個鐘, 又無得上網, 諗落真係近兩個月最乖ge一晚, 溫完等左陣, 到十二點幾就訓左, 仲可以訓到八點幾先起身, 勁飽!
理論上今日應該狀態大好, 精神飽滿, 目光炯炯, 但係可能比個天色影響左, 搞到心情變差, 神情呆滯, 言語不清, 兼且唔係咁想講野tim...
呢個情況都持續左一整朝, 好似係得sham先發覺...
食完飯打左比個"姊妹"問候下考成點, 心情好番d la...但係都無乜分別!
MSA又係lecture, 好在隔離班d人遮住左"四寶飯"同"朗拿甸奴", 唔係佢地又有排笑! 不過我今日都無乜心情講笑(i mean speaking)!
tutor堂test accounting, 比隔離班d 料fake晒, 溫左22~27, 點知test 16~20! 好在上次大測溫過下...不至於全軍覆沒!
放左學影印左d功課, 今晚努力...!
返到屋企, 開左部腦先知自己做乜會咁ge心情...現實係殘酷ge! 我話我係豬八戒真係無講錯, 正一豬八戒!
51% 百感交集, 強顏歡笑! 好多首歌都arm聽...唔係一件好事!

>>April 29, 2004 at 7:47:37 PM GMT+8

2004 年 4 月 28 日 星期三 【陰】

特區護照
撘車出火車站o個陣, 好罕有咁撞到lok一齊返, 難得就係我唔睇"笑傲"而陪佢吹水!
返到學校, 早餐都未食住就去左提款, 拎定錢去買book衫&褲~!
上MIA o個陣, alan(41206)發現左佢用緊部腦度有兩套咸片, 一定係上一手download! 我地幾個就開左黎睇下係堅定流, 一睇之下仲係無格tim...! 不過我地都睇到無晒癮, 因為d動作都係一模一樣! 上堂睇埋呢d野好似過份左d~!
十點半又有兩個鐘空堂, 1030~1130去左打羽毛球, 差d出汗, 好在有冷氣姐~!
之後個鐘, alan同我就陪sham去左銀禧度拎野, 橫掂都係去開, 就問下晏晝有冇籌做特區護照...好無奈囉, mom又唔知做乜趕到死, 一定要今日做咁, 迫於無奈之下就拎左籌...迫住放學要黎做!
到左我地趕頭趕命趕返學校食飯再趕上一堂...!
放左學就同sham去左買波衫同埋波褲, 個死仔keep住件我都arm ge波衫, 無得同佢爭!
買買下mom就打黎, 又要趕過去火炭會合佢同埋崑再去銀禧, 好在拎左籌, 又好在一切順利, 半個鐘就搞掂晒d野, mom返去先, 崑就比我撩左返ive打波喇!
行緊返ive o個陣又有d得人驚野出現—四寶飯迎面而過...又比佢望住晒喇...>"返到去跟隊跟左好耐, 打左唔夠兩場就開始落雨...雖然唔大, 但足以令我地無得打! 可惡!!!
跟住我地就一掤人去晒canteen hea, 嘆左陣tea就走喇. 唔知做乜alan同benny當左我好似玩具咁, 完全無比過面我, 有冇理我感受! 可唔可以比我咁玩番先? 做人要調得番轉頭喎!!! 哼!
同崑去左圖書館, 竟然撞到好耐無見ge carrie, 好似肥左呀佢~! haha~~
借完書就返屋企喇...今日集無奈, 驚喜與嬲怒於一身!
53% 新衫新褲無新鞋...~

>>April 29, 2004 at 7:26:22 PM GMT+8

2004 年 4 月 27 日 星期二 【酷熱】

mega sales
今朝食完早餐都係好眼訓...忍唔住o係PF堂恰左陣, 都好似好耐未試過o係呢堂恰喇!
DCN 又係去lecture room上, 好在我地班d人早返, 我地又湧左去前面坐, d乜野"朗拿甸奴"+"四寶飯"一切我都睇唔到~^^
lunch去晒大排檔度食, 睇黎個老板娘已經點晒我地相, 仲當左我地係熟客仔tim, 臨走前仲叮囑我地唔好亂dum rubbish, 因為有條友已經"奶"左野!
返到ive都唔夠十二點三, 見到new wing下面擺左mega sales, 走埋去八左陣, 見到有檔波衫波褲, 好似幾arm心水, 但係今日又無錢買...等我呀你地...>"<
踢毽毽到出晒汗先去上VB, 另一個阿sir去左開會, 搞到呢堂上唔成, 又係變左兩個鐘頭無免費網吧!
放左學又踢毽, 但係成個場都係排球, d on9仔又o係度亂咁省, 火都黎埋呀! alan又差d爆佢地珠!!
踢踢下見到檔波褲又入左新貨, 同ar sham又去左睇, 今日第四次走埋去檔野度, 原來檔主都留意左我地好耐, 同佢地hea左兩句咁大把, 都係有得睇無得買, 但係等我...! 雖然唔係咩大牌子, 但係有好過無啦!
玩到成五點幾先走, 今日都好早!
patrick踢毽可能已經超越左我, 好多花式!!
54% 日記預言...!

>>April 27, 2004 at 10:02:02 PM GMT+8