2004 年 6 月 15 日 星期二 【酷熱】

re小白, 好型咩句野...= ="
我唔係男主角, 我係"最佳男配角"~!
ms so講野有骨咩...唔多覺喎, 可能串咀得滯姐~
餵蚊呢d咁微不足道ge事就唔駛提啦, 日日都餵! 你小背心同埋短褲就慘d~

激戰
八點幾個天就落狗屎...等我仲諗住訓耐d先起身, 點知分別o係十點幾同埋大約十一點就比alan(41206)個message同埋sham個電話嘈醒左! 好想打穫佢地...擾人清夢!
一心以為約左ge打波會cancel, 但係佢地鬼打咁有神心, 點都要出黎食左飯先, 成一點幾先人齊去左燕雲莊食野! 有我, sham, wai, alan, benny! 臨走前撞到ho嫂~!
到左兩點, 竟然天色晴朗, 路面乾爽! 天意如此~!
雖然係路面乾爽, 但係球場仲有少少濕, 要勞煩我地個benny推一推水先得有打~
打打下, sham兩個fd黎左, ho都黎埋, 幾耐打波都未試過咁多人(出黎打)!
benny籃底無人能敵, 屈晒機~
基本上個個都當fit, 係ar sham d fds比我地黎講係有所不及, 不過都打得好激烈! 好正~
到左七點, 終於都走, 今日近乎無停過咁, 連打五個鐘呀! 好熱, 臨走o個陣對腳軟晒!
返到屋企仲誇張...成個人都唔想郁, 真係咁耐無打, 打番夠本~!!
聽日做咩好呢~

55% 射死你, 準PG~

>>June 15, 2004 at 11:42:31 PM GMT+8

2004 年 6 月 14 日 星期一 【酷熱】

re yan, 唔緊要~ 下次約過丫~
不過我有諗過佢會唔會特登黎check你~~?

中華基督教會基新中學 cccksss
今朝睇波, 超正! 活塞又下一城, 湖人等收啦~!!
唔知點解覺得今日好似好大日子咁, 急不及待咁出左粉嶺會合佢地(雖然我都係遲到...)!
人齊六個人去左食野, 四女兩仔--歡, rachel, 小白, brenda, me and ho!
食完野買埋西餅返ks! brenda走先.
o係ks入面ge感覺好怪, 熟悉ge面孔, 生疏ge感覺.
好在有好多以前好好人ge miss ar sir都係咁好人, 咁好傾~ 明明同朱sir同埋miss潘唔熟, 但係今日都可以傾好多, 尤其係朱sir~!
而孔sir, 佢不嬲人緣非常好! 但係點都估唔到佢會比個中三女生響佢全朵都得, 孔sir完全係一個玩得之人, "林"到死, 又搞笑, 越黎越鍾意佢~ 六點之後, 我地幾個同佢仲去埋許留山飲野, 又吹~
可惜ge係同miss so傾得好少, 佢不嬲都對我地好好~!

對於ks, 唯一值得我返去ge都可能係見下d亦師亦友ge老師! 可惜校友入校ge條件太嚴, 諸多限制! 尤其係d訓導ge狗屎眼, 由頭scan到落腳! 一切都變晒喇...
原來我地以前比d老師ge印象係咁好! 而家每況月下...唉!

好耐無見過阿歡, 考完個a-level好似肥左少少, 不過都係咁過癮, 而且仲成熟左~!
唔記得左幾耐無見過rachel, 感覺上...唔係好知點形容, 有d唔同, 但係講唔出...~

今個好多人問起我地ge前途, 我地之中有一個好極端ge對比:
小白會去美國發展, 前景光明, 猶可預測!
我仲載浮載沉, 前路迷湖, 仍然混沌一片! ...可能乜都玩夠喇!!

53% 生疏左ge母校!

世上其中一件悲慘的事莫過於你愛的人介紹他人給你愛...

>>June 15, 2004 at 12:42:43 AM GMT+8

2004 年 6 月 13 日 星期日 【酷熱】

家務
尋日唔係1/4愚人節, 但係比人愚...呢個玩笑都開得大咯! 未知係joking 之前, 真係冷汗都出埋! 知道係玩野之後, 覺得佢真係好玩野...! 竟然用呢d野黎講笑...?! 仲要係你...!
跟住同bonbon icp左好耐, 到左就黎五點先收手! 乜都講一餐, 好耐都無同人咁玩過~
以為有波睇, 今朝九點幾就起左身...點知...有少少失望~
食左早餐, 睇左陣nba, 跟住又係用電腦無聊下...
成個晏晝都o係度hea, 到左五點幾先有d家務做下!
father order我同崑去換左天花板ge main光管, 要全set換晒, 又拆又安! 高野佢做, 粗重野益我! 而其中有d力不從心ge野...father就親自郁手!
今日換光管都算係近期o係屋企ge最大貢獻!!
全日都係無無聊聊咁過....~"~
52% holiday day 4...

>>June 14, 2004 at 12:01:30 AM GMT+8

2004 年 6 月 12 日 星期六 【酷熱】

re魚, ha~開心! 黎多d留!
我無咩點, 都係咁ge死樣, dry~! 唱k, 搵日囉~

野蠻公主+灰姑娘(男人版)
放假ge三日, 今日終於都叫做有街去~!
約左anthony十二點去到旺角, 好在叫左崑同我出去, 唔係實等死我! 佢地六個人成十二點四先到...熱死!
佢地有六個人: anthony 1對+sarah's妹(小學四年班?!), crystal, 仲有一對"碧人"(連名都唔記得左...)!
唱緊o個陣呢...o個第個女仔玩到痴晒線~ 周圍搵人玩, 我比佢地輪玩...呵呵, 熱到死~
三點唱完, 去左百老匯猶豫左好耐, d timing勁唔arm, 我同崑都睇唔切, 佢地就買飛睇"野蠻師姐", 一對"碧人"就走左...好頂癮呀佢地...~"~
淨番我地六個人就去左tea, 唔知點解一個早餐可以飽咁耐, tea time都無食到野...>"<
食完野吹左陣行左陣, 到左四點十, 我同崑就走喇...
成六點幾先返到聯和墟, 去左拉把, 吹左陣冷氣就返屋企喇, 呢個時候先覺得肚餓囉~!
唔知點解anthony同sarah咁心急...係咪叫做"皇帝唔急太監急"呢~
54% day 3...new fds!

>>June 12, 2004 at 11:27:28 PM GMT+8

2004 年 6 月 11 日 星期五 【清涼】

re 家姐avis, 辣左去邊呢~成日都撞, 不過你第一次都算係咁喇~
re fu, link左喇~

嘆~!
今朝睇波, 激正~~~!!
之後晏晝屋企無人, 得番我一個..~"~
悶到丫...無機好打, 日日都係咁, 都唔知做咩好!
黎緊ge日子點過...>"<
53% day 2...

>>June 12, 2004 at 12:20:17 AM GMT+8

2004 年 6 月 10 日 星期四 【酷熱】

re sham, 你唔覺得你地尋日好有問題架咩...?
無理由賴我一個人走左, 你地就無野玩架喎! 我無阻止你地有節目! 我無奈ge就係呢樣, 唔係淨係你地先想同"自己班friend"玩! 我都想! 不過佢地約實左我先之ma!
算啦而家, 仲有成個暑假流流長!

short ps2
今日終於都放暑假, 第一日都唔知做咩好!
晏書去左alan(ks)度打機, 崑都有去, 坐左陣chris都黎埋~!
alan部ps2都算cheap! 佢無玩一排, 機面封塵不在話下, 而且仲成日都load唔到game! winning o個d全部唔玩得!
崑兩點半走左, chris and alan就打kof, 我就上yahoo玩!
到左三點三, 落左去搵ar yan.
好耐無見佢, 計落自從十一月收左佢送ge頸巾之後, 都有成半年多無見!
佢對眼依默咁大, 頭髮都仲係咁黑, 不過就留長左好多, 無以前咁厚, 不過長左ge頭髮反而清涼左! 塊面都無以前咁包, 可以講話係靚左, 蜜運中ge人可能係唔同d~
同佢去左許留山"飲野", 而且寒暄左一陣佢就趕住走喇, 人地黎搵佢...~"~ 我唔拿拿臨走都唔得~!
送完佢走, 我都上番alan度, 首先玩完頭文字D, 再跟住玩埋"打鼓", 三條友jam歌~ 而我, 一路都係keep住E grade ge水準~! 呵呵~
崑七點前都上番黎, 差唔多八點我地都走.
同崑去大家樂搵番father佢地dinner, 九點先走...由好肚餓到好飽都係一個鐘之耐ge事!
過完第一日...
54% summer holiday!

>>June 11, 2004 at 12:01:23 AM GMT+8

2004 年 6 月 9 日 星期三 【酷熱】

end of this year...
一科溫極都唔完ge DCN, 今日終於都要考!
朝早起身睇左陣, 越睇就越多唔識...自問真係無乜吸收到阿sir教過ge野, 好渺小...
我地一黨人又o係canteen度hea, 今朝有review都不在話下, 而且仲會講埋放學去邊度玩!
問題就黎喇...佢地又無一早約到會去邊度玩, 淨係講左有野想玩, 但係到時真係會做d咩? 無人落實諗過! 到左o係考完之前一個week, 我比avis佢地約左去唱k都有問題?
成檯人講到我好似反骨仔咁, 好多單單打打ge野出現, 有人仲講到火遮眼咁...雖然係講笑姐, 但係你地可唔可以調得番轉, 比四五個人圍講番先? 言者無心, 聽者有意喎!
講到我一個走左, 佢地就就因為咁而無野做, 要各自歸家! 大佬呀, 我今日去唱k一早都講左啦, 各位仁兄仁弟都知, 之前又乜都無所謂, 到今日又咁? 又唔一早約實我有其他節目? 你地覺唔覺得有d夾硬黎, 比你地講晒咩? 你地四五把口, 講乜都得啦!
溫書時間就o係"討論"聲中過去...比佢地搞到無乜心情!
alan(41206)破晒紀錄咁做左九個字就走, benny同阿安都跟住走, 而我地, o係十二點前都出晒黎, 踢左陣毽, 可能再無下次咁多人踢...
十一點半, 我去左join avis佢地, 今日最想見ge ka lok無出到黎, 我地五個人去左neway唱.
到左三點半出番黎, 今日有好d平時去唔到ge音都唱到少少...有進步掛?
aaln(ks), avis, fung bee, kei and me去晒fun zone打機, 今日又玩左踩板, 勁左~
又同kei, fung bee and avis玩"wah wah車", 家姐勁撞, ar wai唔o係度, 第一自然係我~
直至佢地一個個走晒, 得番我陪alan(ks)打...六點先走.

返到屋企都唔知做咩好, 書都無得溫喇, 無晒d寄託...
54% last day...

最後一日...
最後一日唔係同"自己班friend"過...
最後一日我同我"自己班friend"過.
兩班都係我"自己班friend",
對第一班"自己班friend"黎講, 今日係最後一日,
對今年"自己班friend"黎講, 最後一日可能o係出年...大家何必咁執著於今日?

唔知出年係咪真係仲有最後一日呢?
又唔知出年仲有冇考試ge機會呢?
我唔希望補考, 只求出年仲有機會考!
而家返到屋企都唔知做咩好, 好無目標!

>>June 9, 2004 at 9:18:34 PM GMT+8

2004 年 6 月 8 日 星期二 【酷熱】

DCN...
我早有預謀地比平時早起, 為了今晚更易入睡!
考試期間失眠比不眠更辛苦!
吃過了豐富的早餐, 踏進早上十一時多, 溫書大計已刻不容緩!
開始時我領悟了一件事--溫習不在於"時間", 在乎"心態"!
縱使你有充裕的"時間", 可以一日讀一課, 可是, "心態"上覺得有太多"時間"而懶懶閒, 那又如何!
經過今次考試, 我發現我們當中有很多這樣情的小鬼, 不能辦大事的小鬼!
又要努力...最後一日!
53% 終身學習!

>>June 8, 2004 at 5:49:28 PM GMT+8

2004 年 6 月 7 日 星期一 【陰】

散心=心散
對於java呢一科, 本來已經係毫無頭緒, 到左今朝都係咁, 唯有有乜唔識就拿拿臨問左alan 先...
九點半至十一點九...打仗, 比想像中易左好多, 如果d assignments係自己做ge, 前幾日就唔駛溫!
出左黎就去搵佢地, 見到細哨同四眼仔一齊走, 都有少少心知不妙...點知上到locker, 我ge預感好準, 同四寶飯撞到正..= ="
清左locker, benny話要去print notes, 走左上電腦室, 撞鬼你, 又見到四寶飯...係咪咁有緣呀!!!
之後我地去左library, print到成十二點幾一點先去食飯!
我地五個去左西田食, 一路食, 一路就聽benny同alan講戰術.
食完野去左打機, 今日我都算豪咯! 用左成廿幾蚊打機! 分別打左"嘩嘩車"同埋"ollie king"(踩板)! 今日玩driving終於贏到ar wai; 而踩板呢, 非常過癮, 連我自己都估唔到會咁好玩!
到左成四點幾先走, 考完今日科java, 個人成個散晒, 心都散埋, 對住下一科DCN已經提唔起勁!
夜晚, anthony打左黎, 佢真係言出必行...仲比佢搞到好似聯誼大會咁, 係星期六, 難得~!
53% 打機就打得開心, 溫書就無辦法專心!

我變了, 但很多事情都因我而變了.
一己私慾, 令裂痕變大.
在舊傷口上再受傷, 痊癒後的疤痕清晰易見...
不能控制的情緒, 我後悔當日所做, 極度後悔!

>>June 8, 2004 at 12:43:47 AM GMT+8

2004 年 6 月 6 日 星期日 【晴】

re ho, 一路都唔知你有keep住睇我日記~ ha~!
re 翠儀, 勁難得有人第一次黎就留言比我, 多d黎~
re benny, 係喎, 仲有兩科...PF大家一齊死啦~!!

Java...
原來我自己一路都高估左自己ge專心力!
對住呢科PF一籌莫展! import java.swing.*;
真係頂唔順...睇極都唔明, 尤其係d loops!!
唉....
聽天由命啦!
52% 集中唔到呀!!

>>June 6, 2004 at 11:56:43 PM GMT+8