2004 年 3 月 18 日 星期四 【晴】

你想人地點睇你...?
今朝火車迫人到死! 又遲到返去test...好在connie遲開始姐! 今日組織力都算唔錯喇掛?
十點幾, 落左樓下踢野, 今日terry帶左"蹴菊"返黎踢, 好硬又好易爆!
差唔多十點十先上番去DMS...最後三個字終於頂唔住, 訓低左...近月黎ge第一次!
之後整多兩堂PF, 呢排我都算對呢科認真左, 無以前咁懶散喇...
lunch o個陣講開做project, 我個樣實在太無說服力, 無能力去說服到alan我會做野...但係我真係好想幫下佢, 可惜自己又太差...wt the fuck...心情即時好低落...alan一路都數說我地ge不是...
之後毽都無乜心機踢, 兩點半去晒上MSA, 3/4有個測驗, 呢穫杰! 都唔係太識tim...好在呢個miss 今堂終於都教計數, 又好在上次lam教左我少少, 都未至於全部唔識!
放左學去完點名就集体走堂, 比terry fake晒...! 玩左好耐, 三點半至五點半, 中間有段小插曲~ 又係我囉, 佢地up晒~~!
六點返到粉嶺, 陪sham去買左d野就各自歸喇...
聽日終於都可以訓晏少少...~
51% 你想人地睇好你, 就先要做好自己! 而家先做好, 會唔會太遲...?

>>March 18, 2004 at 11:33:37 PM GMT+8

2004 年 3 月 17 日 星期三 【綿綿細雨】

optical mouse...
今日alan遲到, 得我同sham食早餐, 都係九點先上去上堂!
呢堂mia 都好似無乜點聽過...又係o係度玩games...要點開始溫好呢?!
十點半至十二點半空堂, 踢完毽又打排球...但係打得勁cheap, 同埋玩得好無mood...!
跟住堂csa似為peter chu會教下野, 點知佢自己做自己野, 由得我地自己做tutorial sheet...! 佢太令我失望喇今日!
一點半放左學, 可以去鬆下, 約左bonbon出旺角, 我順便買mouse!
明明約左兩點半, 早兩個字去到, 但係等到兩點九先出現囉, 因為有人比"edison"問拎icq...~ 佢即刻成個人顛左咁, 真係好顛~~!
去左kfc, 跟住去左買mouse, 千挑萬選, 揀左個$85好arm 手型ge optical mouse~!
跟住行左各個商/廣場...成五點幾六點走, 都好tired la....
o係火車度恰左左半個鐘, 精神左dd!
聽日有英文測驗...好耐無寫過字咁...!
51% 近期買左好多hardware, 執過第二部機我估都係遲早ge事!

>>March 17, 2004 at 9:34:27 PM GMT+8

2004 年 3 月 16 日 星期二 【晴】

慣性動作
八點半ge PF堂照舊嘆埋早餐先上, 一上去就話做classwork...但係所謂ge classwork 上堂都做晒咁滯, 大部份間都係吹水咁過, 佢都無教過書!
DCN 堂, 我地"七友"+安八個人, 分兩次兩組做兩個project, 第一組VB, 我, alan, sham and steve一組; 而DCN我就慘喇, 抽中左sham, patrick, steve同左一組...咁咪即係得我一個人做?!
十一點半放lunch, 踢左陣毽, 好無mood lor, 個個都係一腳斷!
十二點幾去左食樂美, d 炒飯又凍又乾又無味! 作嘔!! 唔係為左維持生命, 我一定唔會食得多過半碟囉!!
慣性食完野又玩, 玩開o個個場"最sharp" o個兩無出現, 無乜衝勁! 仲屎左!
VB堂做左一個話易唔易, 話難唔難ge classwork, 其實我都好想為alan出番一分力!
放學又踢毽, 玩到謝晒之後, sham借左個波番黎, 我同alan特訓左佢成粒鐘...費用全免, 只需付出汗水大量!
差唔多五點半就收...又係好tired!
夜晚睇左崑個日記, 佢開始扮作家~
50% "道盡離合悲歡幾個字, 完全來自過去那日子..."
*有興趣睇文章就click呢度去睇下啦! 崑日記

>>March 16, 2004 at 11:44:53 PM GMT+8

2004 年 3 月 15 日 星期一 【晴】

疲...
尋日icq, 以朋友ge身份同人分析事件, 傾過龍, 搞到今日勁眼訓...照舊, 一起身o個下又醒一醒, 條腰仲痛緊!
今日wai竟然黎左我地group度上堂, 原來janet canceled class...哈, wai唔好彩!
lunch去左大排檔度食, 食完野就返學喇, 返緊途中, 個死yan打黎, 呢死野十世都唔打黎, 我地一傾就傾左幾個字喇...~!
呢期對於踢毽ge狀態可以話係低潮期...連alan都不如...!
DMS終於都留心聽, 話易唔易, 話難唔難喎!
放左學真係頂唔順, 累到無力行...粉嶺間"拉把"又摺左...又要轉一轉車先去到第二間度還書...咩日子...= ="
四點幾返到屋企先至無咁死...
50% 條腰幾時先好番??
*我好樂意, 亦都好願意同你分享你ge開心同唔開心...if u treat me as ur friend!

>>March 15, 2004 at 11:13:22 PM GMT+8

2004 年 3 月 14 日 星期日 【陰】

被動SG
今日落床o個下又係成個痛到醒晒...諗住用d時間黎拉番鬆條腰, 但係四個字都唔成功! 但係同尋日相比, 情況好左少少啦....
食左早餐就返左屋企睇電視...至到兩點幾, kwan先打黎問我去唔去打波, 我都好猶豫! 希望可以以打波拉鬆!
三點幾去到"區場", 成三個場都用晒黎比grade c打學界...又要等埋kwan先可以動身去"紅場"打! 心情即時下跌...同天色一樣咁灰暗!
今日就得chris, me and kwan三仔打, 我地o係個兒童場(15~19 or above)同人打, 但係今日三仔失靈, 無晒默契, 九唔撘八, 狗屎垃圾....>"< 次次都係打一舖就輸晒囉...勉強都可以講到個原因ge: kwan好耐無打, 無乜手感; chris好猶豫囉, 可能係搵緊默契; 我呢...腰傷, 未盡全力...做唔番一個active ge SG!
返到屋企, 發覺條腰好似無咁痛, 正~~
食完飯睇左崑ge日記...好似好有文悉咁!
沖涼真係好冷靜, 又悟出左d野~
end la!
50% 就好番!

>>March 15, 2004 at 12:16:04 AM GMT+8

2004 年 3 月 13 日 星期六 【晴】

painful
真係頂唔順...尋日唔知幾時整襯腰骨, 今日仲痛d, 落床o個下野真係成個人醒晒!!!!
今日個個都鬥遲到, 明明約左十點半, 我十點半到粉嶺都算係第一個, chris就十點十黎到, kwan就十點十一...玩野啦! 而我就同alan(41206)失去聯絡, 今日無得同佢練歌...
由先我地三仔去左green box, 成十二點...乜都full晒啦! 跟住去左油麻地o個間neway, 等左成兩個字先有房, 唱到兩點...勁呃錢囉!
今日可能受到腰痛影響...唔係幾發到聲...好gap!
都知neway好狗, 會早一個字cut房, 到左一點十, 我插左"左麟右李"ge melody上黎, 到左兩點二先cut到我地, 今次成功左!
太早無野做, 跟左佢地兩個上波樓, 睇佢地篤...睇睇下o個陣, 兩個阿叔o係隔離檯研究心得, 好勁咁!! 我就悶過左個幾鐘!
四點幾上火車, 五點返到粉嶺, 真係要返屋企, 痛!
返到屋企就換左個mon, 15" PHILIPS LCD Monitor, 好sharp!
50% 講野都無乜力, 仲話去唱k?!

>>March 13, 2004 at 8:28:24 PM GMT+8

2004 年 3 月 12 日 星期五 【酷熱】

閃到了腰骨...
今朝返學有4個人, sham, alan(41206), me and wai, 佢地又分享緊做project ge心得, 而我, 無機會亦無資格佢插咀! 因為我乜都無做過...
一堂DCN tutor之後就lunch, alan, benny, me, sham and wai去晒西田食野, 我個餐食左一半都無...好無胃口! o個樣野我已經聽到麻木晒, 開始有少少煩! 你地繼續講啦, 哼!
食完飯返去踢左陣毽就上堂, 仲以為今日會開始教返書, 原來今日仲要比人demo...兩堂電腦堂又係用左黎上網玩, 佢地開左孔慶翔d片黎睇, 笑到爆咀~!
放學去左打波, 有benny, ben, alan, sham, me and damn, 分兩隊打! 打第一舖o個陣仲好地地, 第二舖開始有d問題出現左, 尾龍骨d肌肉唔知係咪拉傷左定係點, 赤赤痛, 拉鬆左都好番少少...但係都唔係無事...一路痛到打完, 返到屋企又痛左d...一彎身都痛! 但原因不明! >"<
佢地又大戰緊...搞到屋企好唔尋常...
好痛...行到成個阿伯咁!
51% 個半月以黎ge第一次...~!

>>March 12, 2004 at 10:16:29 PM GMT+8

2004 年 3 月 11 日 星期四 【酷熱】

奠
今日心情極度低落...
DMS tutor又係半痴半醒咁過. 到左十一點半ge PF堂, 個個都log in到webct黎做online quiz, 偏偏就淨係我部腦唔得! 要去第二部度做...搞到我唔夠時間! 好在都合格到姐!!! 超灰囉!
跟住就一邊做classwork, 一邊delete 手提d sms, 睇番以前d sms真係感觸良多...原來我都有甜蜜過...! 唉...只有回憶!
一點半lunch, 佢地個個都有份傾project d野, 淨係我無出聲, 一黎心情唔好, 二黎我一d都幫唔到alan(41206), 粒聲都無出到...我覺得自己有少少撘檯ge感覺, 心情真係差到無得頂...跟住sham撩番我講野先至開番口...!
飯後活動有排球同埋毽仔踢...但係真係好無mood lor...呆坐一旁, 同benny傾左陣計, 臨上堂前先至玩左陣排球..
兩點九至四點半係accounting ge lecture & tutor, 都係唔知d miss up乜囉, d進度都唔match, 一快一慢!
四點十, father o係禾輋度等我, 返粉嶺接埋崑& mom, 再去番大圍ge寶福山, 今日ar 太設靈...
生平第一次入靈堂, 氣紛係點就預左, 但係比我想像中少人, 我地大約坐左一個鐘就走, father唔係咁舒服...
返左黎聯和墟dinner, 好肚餓囉!
都預左father會比架車我drive, 第一次o係夜晚行車, 都好安全姐...返到軍地, 用左成兩個字黎泊正一個位...第一次私家車泊, 仲要係個位三尖八角, 最後都係由father出手...= =" 新牌仔...
今日就係咁完左...低潮中!
49% 我的回憶, 甜蜜痛苦悲喜交集!

>>March 11, 2004 at 9:45:10 PM GMT+8

2004 年 3 月 10 日 星期三 【酷熱】

懷舊
尋晚發左個夢...可以話係近期ge夢想...唔知可唔可以夢想成真呢?
尋日玩到喪左, 今日對手無奶力郁...= ="
今朝早餐時間又同alan(41206)& sham討論討論...個結果好似唔係幾好...但係又預左, 似乎真係詛咒黎..! 希望唔係alan所講ge咁!
九點幾上左去上堂, 我地三個又玩左好多心理測驗, 原來我地三個都非常相似! 阿sir話遲到無得點名, 平時就臨落堂先點, 今日比佢fake晒, 八點半就點左...好野丫!
又係我地三個, 我地又去左唱k...今日佢地兩個話唔係幾想唱, 純粹係陪我黎渲洩!
今日淨係點左好多舊歌黎唱, 唱得無咁激動...原來我同alan首飲歌"雨夜的浪漫係好高音架...但係我地仲未去報名...
三點唱完, 返左ive兜左個圈, 跟住就走喇, 個CSA project...人人自危啦...!
四點返到粉嶺, 同崑去左m記食左杯新地就一齊返屋企, 好少有!
聽日測英文...
51% 另一個低潮期...

>>March 10, 2004 at 5:51:47 PM GMT+8

2004 年 3 月 9 日 星期二 【微冷】

悟空...
尋日打完波, 今日又係軟手軟腳咁...又遲晒, alan(41206)同sham都等左我幾耐...
今朝堂PF堂無乜人出現, 得o個十幾個人返左黎, 我地"七友"都可能有出席左ge一半人! 阿sir就好精咁點名, 阿sir你好可愛呀!!
DCN之後, 直至十二點半, 我地去左"拉把"copy CSA ge text book做project, 淨係影印都用左廿蚊!!
lunch去左大排檔, 返黎左踢左陣毽, 又係對抽...
一點半至三點半係VB, 繼續未完成ge demo, 我已經做左, 所以全堂都係開住部腦黎打機, 佢地有佢地忙, 有佢地驚, 我過左海就係神仙!
明明三點半要去補英文, 但係我地又集体走堂, 去左踢毽, 今次唔玩磨柱, 3 on 3對抽, 輪左o個邊要做10下push up, 同sham一邊有7次...淨係頭尾贏一次, 中間八次輸晒...做左80下囉...勁耐未做過! >"<
三點半玩到差唔多五點半先走...好似跑完山咁, 手軟腳軟...
返屋企o個陣又好似上次咁!
53% 沖涼o個陣腦筋清靜, 大徹大悟!

>>March 9, 2004 at 11:07:51 PM GMT+8