2004 年 5 月 26 日 星期三 【酷熱】

消熱解暑
朝早落兩, 誰不知到左下晏天色放晴! 而且仲回復一個炎夏ge本色!
天氣熱, 多左個藉口...去左同chris swim, 崑都有去!
話就話去游水, 但係似吹水多d! 就最鐘意坐o係岸上面曬日光浴~!
五點幾就走, 去左m記坐陣就返屋企喇.
返到屋企都無晒藉口, 食完飯就拎左d DMS出黎溫, 都有三課!

今日個鼻全日都塞下塞下咁, 唔知係咪開始黎料...前兩日就頭痛, 今日就咁...~"~
53% 又黑左d la!

>>May 27, 2004 at 12:05:04 AM GMT+8

2004 年 5 月 25 日 星期二 【酷熱】

各位, 唔好再討論呢個問題啦...~

sickness??
尋晚都唔算太"早"訓丫, 今日亦都唔算十分早起身, 都唔知點解會成個人覺得好累!
十點幾食完早餐, 到左差唔多十二點幾, 個人就好眼訓咁, 攤左o係床度訓下醒下, 呢個半夢半醒ge狀態到左三點幾先餓醒左...!
如果唔係因為餓同埋熱, 我諗我仲可以訓落去, 唔知做乜, 個頭都係好似有少少唔妥咁...~"~
講唔出ge唔舒服!
53% DMS...

>>May 25, 2004 at 5:02:05 PM GMT+8

2004 年 5 月 24 日 星期一 【清涼】

黯然
經過尋日作最後衝刺, 今日對住份卷ge信心仲有一半, 但係一路考落去先發覺有好多野o係我一邊做一邊諗時, 不斷係咁流失...
到最後三十分鐘, 直至記憶殆盡, 我再抵受唔住一沉百踩ge思緒, 我好決斷咁離開坐位!
出到大門, 聽佢地高談闊論, 交頭接耳, 而我? o係我離開坐位同時, 頭痛接住而黎, "trading & profit & loss account", "balance sheet", "budget", "margin sale"...不斷轟炸腦部, 難以抵受! 唯有瑟縮一旁, 耳聽佢地分析, 腦受煎熬!!
枉費左尋日計數ge時間! 枉費左幾日以黎忍手唔玩ge時間! 枉費左自己ge精神同心機!
是天意要我臨場失憶...補救方法唯有在補考前將勤補拙!
佢地講及"蠢人"同埋"聰明人"ge不同...唔係好同意ar sham ge說法, 作為一個"醒"ge人, 佢唔明"蠢"ge心態, 因為我就係"蠢人"ge類別! 分別在於天資!
去完扒王之扒就去左新機地消遣一陣, alan同我ge目的都係一樣, "醉翁之意不在酒"~!
返到屋企扭粒鏍絲扭到火都黎埋! 又熱又頭痛, 唔做又唔得!!
天亡我也! 噁血ge第一科!
53%

>>May 24, 2004 at 5:49:02 PM GMT+8

2004 年 5 月 23 日 星期日 【晴】

re lam, 知喇知喇~ 但係我諗未去到"心照"ge地步掛, 幾時咁有默契~~? ^o^

MSA studying day

尋日無乜溫過, 今日閉關, 搏殺! 狂谷, 勁做!!
從來未比d加減數同英文咁樣煩過, 好一科business & accounting!!!
希望會溫得晒...

>>May 23, 2004 at 6:23:37 PM GMT+8

2004 年 5 月 22 日 星期六 【陰】

"紅"運當頭--頭痛!
唔知係咪次次之前一日出完街, 第二日就一定會好唔願起身! 今日又係咁, 訓極都唔夠...離譜到一點先起身!
食左d平時覺得好飽ge炒面, 但係今日唔係咁飽!!
等左一陣就拎番d notes出黎溫, 溫左陣見mom得閒就叫佢幫我染番個頭喇!
今次可能等得過火左少少...染完出黎好紅, 係紅到發紫!
坐番低溫野, 溫溫下先發覺份assignment借左比佢地...搞到我無得溫!! 又要對住一大堆英文字...即時好頭痛!!
過左無幾耐, chris黎左, 幫我整機, 而個廳呢, father要安多幾個speakers, 用左我張檯, 又多人, 又嘈...今日簡直係想我死...!
兩邊都要兼顧!!
七點幾chris先走, 都幫我搞掂左好多野, thx him so much la!
食完飯洗埋碗又要幫手整布甸, 唔郁手就無得食...頂硬上~ 一路切芒果一路偷食~
仲有廿幾個鐘...>"<
53% 非常頭痛...呢個故事教訓人染髮唔可以等得太耐!

>>May 23, 2004 at 1:11:08 AM GMT+8

2004 年 5 月 21 日 星期五 【微雨】

re包包, 我係就黎考試喎!! 不過我考試多過你, 你都唔駛擔心我會壓力過大~ 反而我覺得係唔夠壓力tim ar...!!
我估你都無快會考oral la, 如果時間arm 呢, 飲下野都好, 仲可以幫你練埋oral~
*p.s. 你唔講我都唔記得左我係你個妻子, 十世之前ge事~

revision
當一般ive 學生仲係訓緊覺, 七點幾ge時候, 我就要起身返學喇, 今日esther開左個PF make up class, 為左分數, 唔返都唔得啦! 邊個話"求學不是求分數"?!
同sham and alan食完早餐都不過係九點幾, 趁仲有十幾分鐘空檔, 問左alan一d difficulties先!
九點半至十二點, esther講得喪快, 基本上都無乜點入過腦, 前後左右都有人講野, 包括埋我自己!
放左學去左拉把影印野, 再拉隊去canteen食飯, 食完飯又入左拉把溫書! 溫都唔係溫左好多, 又係問左d唔係咁明ge野, 數就無乜點計到喇...而ar sham lei...唔知點解溫書先, 都唔夠時間!

三點鐘約左阿姊妹, 一個人走先, 出左mk.
仲以為會遲到, 原來呢d都係佢地ge天性~
我地返番去新世紀買飛睇"狙魔人", 趁仲有大約一個鐘ge時間, 我地去左兜兩兜, 最後入左惠康hea~ 行到無野好行, 行埋m巾o個邊, ha~
五點入場睇戲, 呢套野幾睇, 唔錯, 集合左三套經典恐怖劇主角--吸血疆屍德古拉; 科學怪人同埋人狼! "狙魔人"係近期值得推介ge好戲~!!
七點幾送埋佢走, 我自己都返屋企喇...好肚餓...>"<
返到屋企都無時間溫書...= ="
53% 說不出的特別~!

>>May 22, 2004 at 12:42:37 AM GMT+8

2004 年 5 月 20 日 星期四 【晴】

宿命之戰
今朝又係十點幾出左去食野, 返到黎hea左陣, 先醒起有波睇!
宿命大戰! 木狼對帝王--一隊係面對幾年以黎都係第一圈出局; 另一隊就係有強大攻力, 而又未入過總決賽ge強隊!
結果, 我的愛隊"帝王"以83:80輸左比木狼...>"<

到左十二點幾, 終於都正式拎左d MSA出黎溫. 時間已經越黎越唔夠用, 放棄上學期ge business management先, 轉攻accounting!
對個format都有左個idea, 做多幾題會熟d!
三點半同崑去左食tea, 坐左陣就返屋企喇...
返到去就集中左, 做一sheet都好耐..= ="
得番三日!
53% 淡靜...

>>May 20, 2004 at 8:58:26 PM GMT+8

2004 年 5 月 19 日 星期三 【微雨】

re bon邦, 我今日先開始溫...d時間好似唔係幾夠使...!
你返咩學校溫丫~你返到去又咪係玩~~!

re sham, 你ge性格只會害死自己...有好多野係唔到你唔理...!
做乜無lala又會諗起佢ge...? 越諗住唔諗就越係諗到, 呢樣野我都知, 仲成日發生...~"~
過得一排你就慣架喇!!

街頭騙案?!
今日係交資助ge deadline, 唔返ive交都唔得! 食完早餐十一點幾就起程, 去埋影印, 十二點未夠就返到ive 個SAO.
未入去就已經咋舌! d人多到呢!! 一排就排左差唔多一個鐘先到我, 但係又好似過份順利咁...用左幾分鐘check我就搞掂左! 歷時一個鐘!
跟住撘返火車出去旺角, 去左neway city度搵崑佢地呢班會考生...成一點半先去到, 唱左幾首, 到兩點九就出返黎...主要都係去坐下, 同埋睇下呢個幾week黎修練ge成果--進度都ok la, 下次仲可以好少少!
我地六個人, 得我一個同佢地唔係咁熟, 行得快左少少, 去到旺角火車站, 比個同我差唔多年紀ge女仔走埋黎話做問卷! 美其名係做問卷, 佢講講下就up左好多數字出黎, 仲陰我寫左個email address, 原來係落緊單, 到我驚覺o個陣佢已經寫埋價錢!! 仲要話落左單無得改!
完全比佢寫野ge動作fake晒! 乜佢唔係做緊問卷咩?! 做咩會變左落單! 完全係夾硬黎囉! 最後我用左$60黎買呢個教訓! 我發誓我唔會再中招!
去埋個library就返屋企...
夜晚只係溫左一科MSA, 時間唔夠用喇!
52% 白白無左咁多錢...明搶!!

>>May 20, 2004 at 12:20:15 AM GMT+8

2004 年 5 月 18 日 星期二 【晴】

re bon邦, 你就好啦, 有佢陪你~! 不過你要死咩...預埋我啦, 我都係未溫...>"<

虛度
一放假個人就會好頹, 可能係仲未收拾到心情!!
晏晝崑要返學校唱合唱比賽, 同佢操左陣佢就左門口, 而我就同阿姊妹傾左陣電話...之後就開始虛度食日ge時間...
六點半食完飯alan打左黎問野, 順便問下佢每科考試ge野, 比佢教訓左陣, 睇黎真係時日無多喇...傾左半個鐘就收線, 係近期同仔傾得最耐ge一次!
食完飯就填埋d 資助ge form...一填先知影印漏左好多野, 火都黎埋!!
聽日又要返ive交喇...
53% 真係要開始喇!

>>May 19, 2004 at 12:48:48 AM GMT+8

2004 年 5 月 17 日 星期一 【酷熱】

english presentation
尋晚一心諗住十二點八早d訓, 準備今日有精神做presentation, 但係要典到一點八先訓得著, 今日仲要六點八起身>"<
今日早左差唔多半個鐘返學校食早餐同埋準備個presentation, 準時到連connie都遲過我地!
由於我地幾個太準時, 得sham and me and alan我地呢一組係人齊, 趁人少少, 做左先算!
我做第一個人present, 緊張都有少少, alan同sham跟住做, 唔經唔覺三個字過去, 我地亦都做完喇, connie竟然話我地做得唔錯! 我自問就係一般貨式姐, 佢地都係咁上下, 今次負碌過骨~!
做完就走得, 時間係八點五十五分, 亦都係平時我地去上堂ge時間! 我地搵左間電腦free booking黎做埋個report, alan and sham作idea, 而我, 做改gramma...同佢地好多意見分歧, 算啦, 大家係為左個project!
十一點半去左上csa, 今日peter chu勁認真...個個都好凝重! 而四寶飯...好似少左望住~
上完堂又去執埋個english project d野, 又見到四寶飯佢地...鬼整咩...= ="
一點先做完野, 去左美心度食...明明已經兜左好耐, 但係又見到四寶飯佢地成班...今日咩日子呀...>"<
食完飯返左學校踢左陣毽就走喇...今日好累...
過左個english project係咪可以放鬆d?!
54% 學業? 友情??

尋晚一點幾臨訓著, 一個甚少打黎ge fd打黎, 佢帶住略帶啜泣ge聲線問我訓左未, 而我猶在半夢半醒之間, 我下意識好誠實咁答佢訓左...之後就收左線! 上番床先覺得事態嚴重...礙於要精神做presentation...係訓左...!
今日覺得好內疚...我算係一個咩fd!! 當你有事搵我時, 作為一個朋友竟然幫你唔到...sorry!

學業>友情?

>>May 17, 2004 at 9:11:43 PM GMT+8