2004 年 9 月 23 日 星期四 【晴】

大戰
開學到而家, 日日都抱住好期待ge心情返學,
期待緊每日會有咩學, 有d咩事發生,
最期待就係每日放學, 趕返屋企上網!

今日, 普通話堂都算係我期待ge科目之一,
學左聲母同韻母, 仲比阿sir讚:
"你也說得不錯呀, 你之前有學過嗎?" (全普通話...)
好開心! 連讀兩次比佢讚, 上堂都有~!

lunch同alan and sham佢地食飯,
佢地講開我地個班主任調左佢地堂, 令到佢地隔個禮拜星期一先有dayoff.
開頭我對呢件事都無乜意見, 不過我地班就強烈反對!
原因係無理由A班想放假就要夾硬我地就到佢地有假放,
本身佢地都應該要一星期返足五日, 佢地係咁, 我地都係咁, 而家話對佢地唔公平,
咁我地又可唔可以將其他堂亂調, 調到有dayoff 呢?? 咪叫公平??
佢地又講得好arm...呢件事兩邊都企硬, 阿sir就夾o係中間...唉!
而家A班同B班好分化...就係因為呢件事!

兩點半有一個鐘空堂, 去左打波,
同左個串精打, 條友仔想串又串唔起, 比我同benny, terry封死晒, 仲想打人tim!
而我, 因為一時手多多, 偷波唔小心打中佢個隊友塊面,
我都差d比人開埋拖~! 好在我地今日夠人多姐~!!

我對三點半o個堂唔期待, 個癈阿sir 叫我地做埋d無聊ge paper work,
究竟呢份功課對科文有冇關係???

好期待咁返屋企, 可以上網, 可惜....但係...唉...!
算算算! 我都無野好講!

56% 就黎中秋節喇...人月兩團圓??

>>September 24, 2004 at 12:46:57 AM GMT+8

2004 年 9 月 22 日 星期三 【陰】

re my lovely gie, she can't replace u ga, not the same~!
u 2 have a different places in my heart! but i think she also miss u rite now~

bull shit BIA
今朝同benny 食埋早餐上堂, 遲左兩個半字, 阿sir仲未開始講書,
就o係佢開始講書之前, 佢話比我地聽:"遲到三個字度門會鎖, 唔係人地鎖, 係我鎖!"
我第一次聽到d 阿sir 唔比遲到students入課室, 不過都好, 樂得清靜, 咁先似上堂!
be a better man!

一心以為晏晝兩點堂BIA唔駛上,
咁我就可以去ma on shan, 去benny度打機, 好想去chung on!
可惜壞消息係阿sir到左, 要上堂!
呢堂BIA好無謂, 阿sir跟powerpoint slides讀, 又唔派notes!
想點呀, 萬幾蚊學費, 半張紙都無?!
bull shit!!

放左學唔知為左咩而趕返屋企...
臨沖涼時教左崑少少singing ge技巧,
自己都唔係太掂ja~ hehe~

57% 今日見唔到妻子....>"<

>>September 23, 2004 at 12:58:51 AM GMT+8

2004 年 9 月 21 日 星期二 【陰】

迷茫
尋日妻子...ar...勁唔知想點,
搞到我今日都勁唔知想點!
出門口前見到小白online, 只係寒暄左兩句,
都無乜心情...

sham佢地一見到我個樣咁down就即刻問我咩事..
唉, 算啦, 人在香港, 幫唔到架喇...!
跟住就上左兩堂, 呢兩堂我都堅持唔講無謂野,
開始都keep得好好, 但兩堂到係到最後三個字先恰眼訓!
bull shit! 一個字都不能少! 真係好唔明點解alan會咁醒神...?

放左學去打羽毛球, 本身好唔想玩,
但係無理由淨係坐o係度呀?!
跟住就乜都唔諗咁過大一個鐘喇...

明明只係食左早餐, 但係可能無胃口,
lunch同埋tea都無食野,
返到屋企都只係食左半碗飯...
今餐勁怪, 唔知mum係咪特登煮漁香茄子...勁多回憶wo!
father見到我怪怪地, 好好心咁拎左張電話咭出黎比我打,
但係佢難得做好心, 原來張咭只限中國內地, 唔for 中國外地~
呵, 佢都幾瘀下, 不過都多謝佢ge好心, 好warm~!

夜晚...一切都好似平靜晒咁, 好在!

50% 勁擔心...

>>September 22, 2004 at 12:51:06 AM GMT+8

2004 年 9 月 20 日 星期一 【乍寒還暖】

串精
尋晚三點幾先訓, 唔夠四個鐘.
到今朝七點就起左身, 勁有衝動想online見下妻子...
不過最後都係無...peter chu堂...唔想遲到!

唔駛等sham and alan佢地, 令到我都多左時間返學,
終於早兩個字返到canteen, 食埋個早餐都仲夠時間~
最後都係無遲到~

PW2 堂我地主要都係傾左個topic, 同埋apply locker,
今年被派到二樓...完全九唔撘八!
lunch同benny, edwin同埋everyday 去左沙田鋸扒, 好飽!!

java堂ar wai黎埋我地班上堂, 跟住就放學喇, 我地去左打波~!

今日都開始射番順左少少, 都ok 丫~
差唔多打到臨尾, 有個串77ge學弟黎跟隊,
又唔係太勁, 但係又要唔打得, 自己矛又得,
我地矛到佢又發晒爛渣!
而且仲差d郁手打平時唔多出聲ge damon!
其實damon都叫做勇, 夠膽同佢頂,
真係好彩d人拉得住, 分得開佢地兩個, 唔係真係打得成!
不過就係有樣野唔明, 佢串到好似o係自己屋企咁, 眼中完全無我地呢班師兄
但係佢又做乜話:"夠膽就去瀝源打丫!" ????
唔通佢唔夠膽o係學校打? 乜佢唔係串晒架咩? 仲會識得淆底架?????
最衰我又唔記得串佢:"夠疆就o係學校打丫!"
可惜alan同benny都唔o係度, 唔係我睇下佢夠唔夠膽出聲?!

最後五點幾就同sham走喇,
返屋企之去左library, 真係感覺好怪...
等車o個陣個天暗暗地...feel lonely...
行緊返屋企, o係條路上, 我記得你等ge每個位置,
記得你影ge每一張相...

55% 知你有滿肚怨屈...我可以點幫到你?

>>September 21, 2004 at 12:51:38 AM GMT+8

2004 年 9 月 19 日 星期日 【乍寒還暖】

happy birthday to sham~又一個19仔~

re 歡, A.T咪係我尋日去hair cut o個間野囉...~

家務助理
今日sham大壽, 但係我去唔到,
唔係因為唔想去, 而係無錢去...唔好怪我...!

妻子成晚無訓, 唔通淨係掛住我~?
hehe, 所一收到佢個text, 我就online la~
你一樣都係咁精靈~

晏晝無咩野做, 到左五點幾又係cook ge時候,
cook完又要去倒垃圾, 食完飯又要洗碗,
ha, 時間好似唔係幾夠用咁~
聽日又要返早, 唔可以太夜訓tim~
anyway, 過左難忙的一夜~

57% 好刺激~

>>September 20, 2004 at 1:06:31 AM GMT+8

2004 年 9 月 18 日 星期六 【酷熱】

A.T.
今日朝極都唔夠...一點就比king姨嘈醒左....
原來mum同佢都一齊, 我地三個o係pizza hut度lunch!

之後一個人去左聯和墟度cut, 去左" A.T" 度cut...
跟住就返埋屋企cook and dinner就fonline la,
但係比人嘈....shit!

好眼訓....但係又想同lo por 傾下計...
ho miss u!!!!

56% 成日都比人鬧....

>>September 19, 2004 at 1:58:08 AM GMT+8

2004 年 9 月 17 日 星期五 【酷熱】

天地堂
今朝五點幾先訓, 因為同lo por msn~
o係夜晚兩點幾o個陣, 我feel到地震!
開頭都唔肯定, 到今日天文台話detect到先覺得驚....!

明明校左鬧鐘早d起身, 但係到最後都係會遲出門口...
今日返學又遲左三個字, 不過好在阿sir仲未開始講書!

呢堂我好比心機聽, 因為d notes都無字ge!!
呢科擺到明唔聽就會死, 集中晒d精神落去!

過左呢堂之後就係經典ge五個鐘空堂!
同benny返左ma on shan hea time,
首先去左漁米之香, 有好多回憶呀....~
跟住就去左買左個webcam, 多謝benny仗義借左100比我!
之後就去左佢屋企打機喇, hea到四點幾, 有人打黎話cancel class...
wah! 好在係黎左ma on shan jar...唔係真係唔知點死!
五點鐘走, 點知alan打黎話要上堂...頂! 比人跣左一穫!
今年想做番個好學生都唔得!!!!

返到屋企安左隻眼, 勁興奮,
35萬像, 好清, 就連有幾多粒暗瘡都睇到~!!

57% 好懷念我地一齊手牽手行過ge路~

>>September 18, 2004 at 12:41:55 AM GMT+8

2004 年 9 月 16 日 星期四 【酷熱】

beginning
wah...今日返學又遲到...明明已經返晏左,
十點半ge堂, 硬係要十點九先返到...!
其實第一個week都好好奇, 因為唔知上咩堂,
今日一入去就見到有個講普通話ge大肥佬...
原來係"刨東瓜"堂, 都好丫, 可以學多d language~

之後又係空堂時間, 食左lunch sin算!
跟住sham, wai and alan都返左黎踢毽,
期間, 我見到有個女仔ge眼神好似我愛妻!
可能佢o係四樓, 就係睇佢個樣唔清楚...先覺得佢對眼似足老婆第一次離開hk ge神情一樣!!
即時好掛住...

之後一點半上英文堂...頂...個miss講d英文勁香港feel...把咩! 又唔識教書!
做乜搵個咁ge gap gap miss黎教我地?!
ho miss lo por d english speaking! 完全地道英文!

兩點半一堂唔知咩PSIC...教我地o個個原來係比peter chu更高級ge大粒佬!
peter chu係senior lecter...呢個更勁! 係首席講師!
亦即係我地ge 副department head!!!! wow!!!
勁呀!

跟住放左學就即刻返屋企等妻子msn la...
佢今日好唔開心...唔知點tum佢好...
又唔開眼比我見...唉...極灰啦!
好在, 真係好在佢最後無事~!
我地之後仲好cyber tim~haha~

56% 好快就有眼睇!

>>September 17, 2004 at 12:47:40 AM GMT+8

2004 年 9 月 15 日 星期三 【晴】

二人行
連續兩日打完波,
今日比尋日更high!
對腳仲酸軟過尋日, shit!
仲要訓遲左, 想趕路都唔行得快,
有冇人可以help me?!

今日有少少運, 遲左三個字上peter chu堂都無事!
跟住臨放學收到個唔知係gd or bad news..
就係lunch之後ge堂唔駛上...
wah...返黎唔夠兩個鐘又話要放學?!
無奈!

跟住同benny去左kfc度食, 勁多學生,
我地排左足足有三個字!
食完野我地慢慢踱番ive,
一黎就係想confirm下係咪無堂上,
二黎就係想睇下空堂時間有冇課外活動.
最後又有唔知係gd or bad news la...
就係星期五有空堂, 係天地堂,
中空有五個鐘!!!

返到屋企等左妻子好耐都無online...
到佢online時, 我又要食飯,
我食完野, 佢又話晏d出街....
wah! d時間勁唔match wo...到佢第時返左學咪仲死?!
好驚...

56% 呢排同benny熟左好多...可能係馬鞍山人ge關係...!

>>September 16, 2004 at 12:28:56 AM GMT+8

2004 年 9 月 14 日 星期二 【炎熱】

疲累
經過尋日一役激戰,
今日成個人ge下半身完全散左!
大步都行唔到, 要碎步走!

班友仔丫, 明明十二點半上堂,
竟然十二點半先約我o係大埔等,
仲諗住做個好學生tim!
連續兩堂lecture, 兩個阿sir都口水多過茶,
我勁想佢地快d教書tim呀!

兩點半放學, 明明話唔打波,
但係今日又鬼咁多fds一齊打,
結果都係就範...
跑都跑唔郁, 又比人屈機!
唉....累到想死, 我都係第一打到唔想打!

今日無食過lunch, 淨係臨走前買左件多士食下...
又用左五個半買左支水, 仲要係因為部機無得找先迫我揀水!
勁白痴!

返到屋企勁開心啦, 第一次玩眼,
好開心見到佢, 好有拍拖ge感覺!
我都要盡快買番隻!

57% 好想好想買番隻眼!

>>September 15, 2004 at 1:39:31 AM GMT+8