2004 年 9 月 13 日 星期一 【微雨】

多謝各方好友咁支持我!

成人禮
秋意漸濃.
尋日咁難訓得著, 今日都唔覺得特別眼訓,
唔知係咪大家有左目標, 開始有多少少衝勁~~!

分班分得好gap, sham佢地o個班明顯地有更好ge待遇!
好唔公平! 完成一個大project就當有工作經驗呀...!
而家經驗比一切優勝!

跟住我地去左踢毽, 唔知做乜叉野,
佢地突然發起話要磨樹...
又唔知做乜野搵我黎祭旗,
你地知唔知我幾無奈!
你地又知唔知我幾無面!
你地就最鍾意將快樂建築o係我ge痛苦身上!
我比你地搞到損手爛腳,
你地諗下可唔可以調得番轉頭先得架!!

食完飯之後好在無乜事...
跟住一點幾返到ive打波, 打波之前夾份買左個波.
一點幾就打到五點半. 好激, 無輸過!

一路打ge同時, 一路等緊妻子電話或者等佢text黎,
最想知佢安全抵達英國!
最後o係三點幾終於有佢消息, 安落晒~

成身散晒咁返屋企, 對腳軟晒又抽筋!
個身夜晚又出左好多得人驚ge紅疹...妖...!

終於, 我都開左我同妻子ge私人日記,
我會將每日所有想同你講ge野寫晒落去,
最好你會有回應啦~

57% 開學喇, 好快就過左一日, 最想可以日日通電...可惜未必得...

>>September 14, 2004 at 1:33:52 AM GMT+8

2004 年 9 月 12 日 星期日 【微冷】



別離夜

寫這篇日記時, 你已經開始飛進另一端的地球...
這一刻你在做甚麼?
你在回味我們的照片?
你在想我嗎?


一心以為最後一日, 談心可以通宵,
誰料睡魔如廝厲害...

一盒朱古力雪糕作午餐, 交換溫柔, 可惜...

臨別一日, 人也變得特別軟弱.
大概我之前未收過情信,
妻子的隨筆一揮, 也感動得我涕淚俱下...

巴士站差點兒成為了我們的離別之地,
最後有你...要不是你開口, 我想我真的會一走了之!
時間過得太快...晚上八時三十分, 轉眼已到了機場!

過量的手續變相在消耗著光陰!
而另一令人氣憤的事就是"前度"不請自來!
這完全破壞了我們的氣氛!
因為他在場, 我們不能吻別, 就連深深擁抱都有所顧忌!

十一時正, 我們的戀愛始於機場,
然後, 我們的戀愛也在機場開始繼續延續.
當日你帶著愁苦的眼晴離開,
今晚你帶著不捨的眼神離開!
主角是我, 我永遠都記著你的背影!
在地球的另一半, 你我只靠彼此的心靈感應著...

坐巴士歸家途中, 最後一次與你通電...
捨不得...一滴, 兩滴, 三滴...
我們的後著是如何...

不習慣, 聽不到你的聲線,
不習慣, 看不到你的樣貌,
不習慣, 拖不到你的纖手,
不習慣, 沒你在旁的日子!

現在開始重新做人!

上次不能相擁道別, 因為我們是朋友;
今次終於可以深抱, 但定欠缺了深情的吻別!

58% 離開是為了回來!

>>September 13, 2004 at 2:39:17 AM GMT+8

2004 年 9 月 11 日 星期六 【酷熱】

二人世界
一個人走到去妻子門口,
聽到伯母同佢計緊數...火紅火綠!
等左好耐先夠膽叫佢地開門...

幫妻子執野都執到兩點幾,
跟住我地出左去食左d野行左陣,
開頭佢心情都唔係幾好...可能係尋日件事啦...
好在終於都識笑番~
最後我地決定去沙田唱k!

我地唱左好多歌, 但係都唔夠時間唱...
七點幾就返左佢度食飯,
都差唔多九點先有dinner,
原來佢地屋企真係食得可以好清淡~!

跟住又執下野到左十一點幾,
佢約左佢個"Fd", 而我就搵benny出黎吹下水~
都好似好耐無見過benny, 原來佢就住o係妻子附近!
我地去左食糖水, 到十二點幾join番妻子,
陪佢食多次! 真係麻煩晒benny陪我行多轉!
食完野去左benny度坐陣,
大約一點半就離開.

跟住幫妻子執野都執到四點幾!
傾多陣, 睇埋"美國處男"都五點幾六點喇...
時間飛逝...!
最後一個同佢睇ge日出...

57% 我要好好咁反省下自己ge人格...!

>>September 13, 2004 at 1:58:54 AM GMT+8

2004 年 9 月 10 日 星期五 【晴】

啜泣
妻子一向不改佢懶床ge習慣,
明明夠鐘都要推, 最後都係遲到出門口!

兩點幾先去到始創中心,
伯母一早就等緊我地,
其實係等阿"海豚"做body check,
真係好想入埋房支持下佢,
不過呢d野都係交比佢"屋企人"做...

做完body check, 伯母走先,
淨番我地二人世界.
唔知係咪知道時日無多,
我地去到旺角完全靜晒!
最後約左bon邦o係奧海城聚舊!
差唔多六點bon邦走先,
淨底ge時間真係dead air...
我地開始出現左好多問題...
貧殘夫妻百事哀...?!

八點返到馬鞍山食埋dinner,
真係好想繼續留底陪埋佢...完成"四日三夜"!
但係佢又滿懷心事, 而且我仲一d都幫唔到,
無奈加上無助, 我同佢都勁down!
而我就更加左右做人難, 夾左o係中間,
一方面又係人地個仔, 另一邊就係人地條仔...
情況就係"阿媽同埋愛人跌左落海, 你救邊個?"一樣!
最後我揀左救阿媽...一定係揀錯左!
因為我想奢求一個goodbye kiss 都唔得...而且佢仲有得好快,
頭都唔回, 今次係我第二次走得咁心酸,
再一次感受到佢ge失望...但係我...真係唔返屋企唔得!

返到屋企比mom"盤"左兩句, 當佢知道左我揀屋企,
我隱約聽到佢發出勝利的微笑...我好無奈...

當我知道日子淨係48小時都唔夠...
我o係沖緊涼o個陣偷偷地啜泣...
我都唔知為左咩, 可能想像到走ge情境:

"我走喇老公!"
".....小心d呀! 比心機讀書! 你要出人頭地! 仲要掛住我呀...老婆!"
"嗯, 我知喇, 你都要比心機呀! 我會掛住你...拜拜..."
"...拜拜..."

可能我地會o係唔知邊句開始喊,
亦都可能到時我地一開始就喊到一句野都講唔到...
可能有好多可能...可能佢會三月就返黎一次,
可能...四年之後先見得番...

呢一刻我好掛住你...
已經習慣左我地一齊起身, 一齊拍拖...
如果12/9遲d黎就好喇;
如果你陪到我過聖誕就好喇;
如果...你唔駛走就好喇...
如果仲有如果...
我想當我事業有成時娶你為我合法妻子!

54% 我們今日離別的一刻好心酸...

邊走邊愛
作曲：謝霆鋒／孫偉明
填詞：林夕

從指尖跨過亂發到夢魂內　從枕邊走出世外
從沙丘穿過鬧市繼續期待　從車站步向月台

＠懷著浪蕩的心情　觀賞這牽手的旅程
崎嶇得足以令你與我人事不省

＊每次我其實都想告訴你　好不好栖息在快樂園地
只可惜風太大你太快還是我在路上遺留下自己
這一生這麼長趕上了你　偏不知終點時你在何地
感激這幾里路我與你纏在一起　到別離

蒲公英跟你共舞飛得再高
還可走　幾多里路
從相職走到共處接近同步
下一站　就變陌路

Ｒｅｐｅａｔ＠＊

我怕我無論怎加倍愛你　都不可安居在快樂園地
一早知車太慢你太快寧願我在路上遺留下自己
這一生多僥幸趕上過你　不想知終點時你在何地
不管幾多里路也試過纏在一起　未算別離

>>September 11, 2004 at 1:20:07 AM GMT+8

2004 年 9 月 9 日 星期四 【乍寒還暖】

心願
為左搵番少少家庭溫暖,
今朝冒雨去左同mom食早餐,
好在佢都好寬容!
返屋企o個陣撞到阿婆,
佢好似滿腹心事咁, 成日都長嗟短嘆...

晏晝去左搵妻子, 本身諗住出mk行街,
但係最後都決定左出沙田.
我地首先就去左馬會買mark six,
好想有錢, 有錢萬事足,
有錢可以有機票!

我地出左沙田分別達成左我地兩個ge願望:
1. 我想同佢影底d貼紙相, 可以擺o係wallet, 可以留念!
2. 佢話過想同我去rbt坐住千秋食野,
雖然唔知佢仲記唔記得有咁講過,
不過我對呢件事好認真, 最後都係完成左!

食完野就去左"姨媽傢俬"度行, 玩偷拍~!
如果真係有如果,
我係室內設計師,
你就係出名ge時裝設計師,
屋內傢俬由我話事, 其餘所有野交比你負責~!
如果真係有如果...

行完街就返屋企,
o係佢度學意大利文,
佢又燒左隻碟比我,
入面有晒我同佢d相, 我要好好珍藏!
跟住一齊睇埋"大逃殺II", 三點幾先準備休息...

60% 咁ge日子剩底唔多...我地仲有好多野未做!


與我常在
曲:林健華 of Black Box 詞:林夕
編:Lom Leber 監製: Jim Lee

在一起看每齣戲 在一起嘆每口氣
再細常 同偕到老的況味
每分鐘也抱緊你 沒有一秒共你別離
還攜手看著生與死

坐著臥著都分享 日日也為彼此設想
站著望著都分享 就在夢內發掘這真相

除非你是我 才可與我常在 一個人 從鏡內發展恩愛
除非你是我 才可畫夜同在 戀不來 從厭倦裡面偷取恨愛

在一起與你工作 在一起與你摸索 兩個人 同時佔有的快樂
每分鐘與你揮霍 沒有一秒沒我在旁 還攜手看著天空黑與光

在一起 會有多美 在一起也會不美
一個人 同偕到老不靠運氣

>>September 11, 2004 at 12:32:28 AM GMT+8