Showhappy.net - Members diary

日記

日記主簡介

<< 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 >>

2003 年 9 月 29 日星期一【乍暖還寒】

如果一個女仔一日食兩o麥米..係咪好多呢? 係屋企五個人好似都係煮三o麥..Stefan幫我係China town買左袋10kg既泰國米..佢媽咪話可以食成年喎..但係我食到三,四個月喳喎...咁咪即係多過人地差唔多三,四倍?!!?! Stefan仲話佢買左包20kg for佢地六個人...我好似好誇張咁既? 上年煮個陣都覺架..但係煮左出黎又好似唔係得好多咁...係咪應該食少d呢..??

聽日又有basketball training.. 而家連星期日都要train...要諗定件衫印咩名.. 印咩好呢...I Love Hong Kong?? 哈哈~ 可唔可以印中文架?? 我愛香港~ 嘩, 殺哂~ 又話咩個club有錢剩, 咁講以為唔洗錢啦..點知都要俾15鎊...而家係咪剩20p都叫有錢剩先..?!?!?!?! open day helper又夠哂人做唔到喎.....冇$$$賺..

今日收線之後真係feel到有d唔對路..講d咁既野..唔會掛..唔好玩d咁既野...人地誤會我都夠死..唔該你千祈千祈唔好咁諗!! 唉..食哂蕉既一日......

>>September 30, 2003 at 5:56:26 AM GMT+8

2003 年 9 月 28 日星期日【晴】

LionDog, 你聽Vannie講啦...! 佢上年一封信都冇寫俾我呀!! 點回呀?!?!! 上次同佢行將軍澳見到d靚信紙個陣佢都有"話"過寫信俾我既~ 不過, 你覺得佢咁懶會唔會?

寳寳呢幾日都冇~M我.. 連line都冇on..唔通仲未有上網?定係盪失左路未返到屋企呢? 好似後者大機會dd..仲有生生,阿森同弟弟都好少online...不如我俾十個鐘你地啦..橫掂俾左你地我都仲有好多時間剩..

今日超想行新城市, 我想先去小巴黎食飯, 跟住再去UA睇戲, 再去Greenbox唱K, 然後去行街買衫, 最後去許留山食甜品~~ 你地聽日有冇人得閒? 可唔可以幫我做左佢????

點解呢排LionDog咁得閒既?? 不過楷楷同阿華佢地又唔見哂喎! 你係咪同佢地八字唔夾呀?? 成日都有你冇我格咁...快d同我一次過現身啦!!!!

唔寫喇...聽日開始九至五喇....!!!! 早抖!

>>September 29, 2003 at 7:39:34 AM GMT+8

2003 年 9 月 27 日星期六【晴】

根據２００３最新一項既臨床研究，
悶其實係一種病，
呢種病既徵狀有好多，
輕微病患會悶到嘔，
若情況持續，患者會悶到抽筋或悶到痺，
若延遲就醫或處理不當，更會悶到死，
呢種病既成因通常在於患者太久沒有接觸三文魚刺身，燒味，
旺角街邊咖哩辣魚蛋或任何維他公司飲品所致，
患者病發時，適量既廣東話可以有效舒緩患者不適，
無線電視翡翠台既電視節目更有起死回生既作用，
此靈藥更被一致推選為對抗悶死既頭號藥物，
鑑於個別患者對此藥呈過度興奮反應，
本藥還沒有全球通用，
這個消息對於患有悶死症最高既英國黎講，無疑會令很多人心灰意冷，
呢種病初期並不易發現，
直到患者驚覺自己已經呆坐八粒鐘，
或是發現自己已經十二粒鐘沒有轉換姿勢（訓覺另計），
到呢個時候，患者就已經進入悶到嘔既ｓｔａｇｅ了，
雖然呢種病並唔容易發現，不過並不罕見，特別是處於英國巴拉福特的香港人，
要預防此病的最佳方法最基本就是不要看英國的電視節目，
特別是做了九年仍在做的百萬富翁和一筆勾消，
遇上了＊下午版的，患者更會忍不住打爆電視，導致身心受創，
這種病有一定的傳染能力，保守估計能令五人以上一同發呆直至悶到抽筋為止，
請大家小心注意！

＊下午版即是一模一樣，一樣個個廠，一樣主持，一樣背景，一樣音樂，不過問題易ｄ，獎金少ｄ，咁又當係令一個電視節目，死未？

好彩今晚去左Candy到食飯，有Candy，我，PK，Ivan同Wilson，一齊食下野，吹下水，玩下UNO都好快過～

媽媽今日話我知City出左糧喇，不過佢都話我知佢幫我用左．．．．．．．．．．．．．．．．

>>September 28, 2003 at 8:29:39 AM GMT+8

2003 年 9 月 26 日星期五【乍暖還寒】

哈~ 居然連阿華都留msg! 點解d可遇不可求既人全部都係diary到出現哂既?!!?! 如果我返到去你地又唔見哂既話就殺左你地~

Yo~~~ 呢個字聽LionDog講返就諗起"係喎,佢成日講呢個字架喎!" 衰人...一個二個好日唔浦頭, 一出現就成日窒頭窒勢!! 叫死婆都唔見得好去邊啦下麻?!?!! 講到好似好好咁!! 又唔見你用?!?!?!?! 不過話時話, 死婆好似係最多人叫...

Vannie: 我知你有個朵架!! 八婆=P麻!!! 人如其名..係咪就係咁解呀?? 呵呵呵呵~~~~ 仲有呀, 我鄭重聲明, 係我既字典入面係冇盪失路呢樣野既! ! ! 我記得你放左我地張相係八達通套到呀! 我都有貼我個張係房呀! 過幾日upload上網俾你睇, 以示我幾鍚你啦~~~

而家好叻啦?! LionDog就"呢排好忙", 阿華就"呢排唔得閒"..!! 不如下次用"呢排有野做啦"!!!!!!!!!!!!!!!!!!!!! 過左呢排都收唔到信既話, 你地到時俾我一人咬一啖!! 你兩個都話會寫架! 我記得架! 仲有家俊呀! 佢話send張咭俾我架!!!

今日都冇咩特別野發生...唔...都算有既.. Stefan打黎叫我幫佢拎notes囉, 因為佢洗洗下頭冇水返唔到學~~ 要三個鐘之後先有番~ 哈哈~~ 一路講電話一路幻想佢成個頭都係泡~~ 呵呵~ 泡泡龍~ 唔知d泡留係個頭耐d係咪會乾淨d架呢????

今日上堂雖然都幾清醒下! d notes雖然好左, 不過都係唔夠好!! 攪到一頭霧水!! 哈哈~ 不如叫攪到一頭泡啦~ 哈哈~ 襯返Stefan今日個look麻~~ 落左堂即刻去拉把借書..今年d野真係深左好多!! 雖然之前個個都話second year最難, 不過都估唔到佢地會突然間跳級得咁犀利!! 要溫密d先得~ 因為我係勢死堅持唔要補考既!!! 要補考既話,又要係八月就返黎! 打死都唔制!! 今年個final exam考到4th June喳!! book機票7th June返hk好唔好呢?? 不過個日星期一黎架喎...返到去星期二....又冇人接機咪死?!?!?!

放左學返到黎又同Valentina傾計, 好鐘意同佢傾計啦~ 因為佢去過香港架~ 仲好鐘意香港tim~ 基本上呢度去過香港既人都好鐘意香港, 會講到唔停口! 每兩句就有三個fantastic!! 係香港實在太幸福喇~~~ 都係唔好講喇, 費事homesick!!!

今日Naomi係廚房煮野食, 好Pro, 有埋日文食譜, 問佢係咪煮日本野食啦, 佢話係, 但係唔知點解同我阿娘煮既糖醋排骨係一樣味架囉!!! 至奇既係佢用呢個汁黎煮薯仔..... 五點半就煮晚飯... 佢話因為太悶冇野做喎...唔..我都明白既~ 不如下次你悶既話幫我補下日文啦~ 橫掂我都有成一半堂冇上到...只多我教返你廣東話!!

今日apply左十月四號做helper, 其實係Terence幫我apply. 今次個helper唔同上次架!! 係open day helper! 有錢架! 4.73鎊一粒鐘! 即係差唔多六十蚊一個鐘~ 呢邊d part time通常都係呢個價, 不過最衰我成日放五點, 放學都收哂工.. 唔知做唔做得成呢?? Valentina話星期三有training, training都有錢收架~ 做得成就好喇, 橫掂做一日之麻~

我好想食魚蛋同燒鵝脾哦~~~~~~~~~~~~~~~~~~~~~~

>>September 27, 2003 at 7:02:15 AM GMT+8

2003 年 9 月 25 日星期四【微冷】

唔知點解都唔係好記得自己做過咩..可能因為訓得太多..今日好似都冇醒過咁.. 今日返下晝, d時間過得好慢..上三堂好似上左六堂咁....! 放學返到hall又訓, 不過訓左一陣就俾個fire alarm嘈醒左!!! 全個hall 189間房, 唔知點解落到去得廿個人..? 其中8個(唔計我)都係我個層既..d人去哂邊呢?? 唔通訓著左連fire alarm都嘈唔醒?!?! 不過個鐘好勁架喎! 嘈到爆..! 而且一間房一個!! 再加走廊,廚房..一層有廿幾個..就算細聲既話都唔少野啦~~ 唔知如果寳寳係到知唔知醒呢???? 好彩今次好快就俾我地返入去, 唔洗食風! 返到房再訓過~~ 七點幾俾Candy打黎嘈醒左, 不過我把聲好精神, 所以佢應該唔知道~

好意外LionDog同羨敏留msg啦!! 最意外都係LionDog! 呢d可遇不可求既人!!! 好似要入fan club先會見得到個隻!!! 如果下年我返去你都唔浦頭既話你就知味道!!! 羨敏都係呀!! 成日都忙!! 人地走左又話掛住人!! 係香港個陣又唔見你掛下我?! 正係掛住拍拖!!!!

楷楷: 我都唔明你擔心d咩野, 我不嬲都好識得照顧自己架啦!! 識左咁耐你唔係唔知麻?!?! 不如你擔心下個d冇左我係佢地身邊照顧佢地既人仲好啦!!! 特別係個d訓到日上三竿既蔡小寳同駱小雯!!! 呀! 仲有弟弟啦!! 成日撩交打!! 不過其實我最擔心既係低低能能既吳小森囉~~ 呵呵~~~

Vannie: 我之前上唔到網麻!! 我一上到就即刻寫番哂喇!!! 什麼冇係你生活到出現過呀!!!! 你諗住我既話咪有囉!! 或者帶埋我張相去唱K咁咪有出現過囉!!!!!!!!!!!!!!! 呀~~~ 好想唱K呀~~~~~~

P.S. 我發現原來有好多人唔係叫我衰婆就係八婆..再唔係就叫我死八婆... #w%*#$^#$%

>>September 26, 2003 at 4:59:23 AM GMT+8

2003 年 9 月 24 日星期三【微冷】

今日起身即刻打電話問internet究竟幾時得, 講極都係唔知邊到出錯, 講講下突然之間見到原來係自己插錯線....即刻勁驚! 因為佢話send人黎睇, 俾佢黎到發現原來係因為我插錯線既話殺左我都似...於是我就即刻話"一係我再試下先啦! 我個friend都係咁, 之後突然之間得左! 唔得我先再call你啦!!" 呵呵~ 好醒~

收線之後即刻試, 哈! 果然得左! 原來一早已經上得...早知就一早試下啦..唔洗今日打返哂d日記..

晏晝煲粥食, 用香港帶黎既日本米+鴨腎+蟹柳+紅蘿蔔, 煮完之後好開心, 諗住食得! 11點50分! 好! 仲有成半個鐘有多, 慢慢嘆!! 點知發呆個陣見到個timetable原來返12點!! 我仲以為返１點!! 即刻仆去返學..ｄ粥一啖都冇食過......

放學返黎上網.....中毒!!!!!!!!!!!!!!!!!!!!!!!! 第一日上喳!!!!!!!!!! 即刻面都灰埋啦!!! 好彩有周周幫我喳!!

真係好想知d英國人用咩黎諗野架囉!!!!! 琴晚利物浦黎個個女仔係廚房到困左兩個鐘又十分鐘(佢真係有計時..) 因為廚房個鎖爛左, 佢嗌左廿五分鐘救命都冇人聽到. 雖然呢度好靜, 不過琴晚我九點幾就訓左, 住廚房對面既Valentina又冇返黎訓, 所以係冇人聽到既! 到十一點幾有人返黎發現左佢, 但係係出面用鎖匙開都開唔到, 於是就call security啦! 佢地仲無啦啦帶埋個整電器既黎...黎度之後三個分別係七尺同六尺幾高既大男人就係咁用隻腳踼門........踼左一陣都冇用之後, 就用消防員用個d好大個既鎚仔打...............都係冇用喎.....咁點呢?! 咁佢地就叫個女仔唔洗驚, 廚房有雪櫃即係有野食喎....... 呢度都仲未係最無腦! 之後佢地叫過女仔行後d, 因為佢地要打爛廚房門塊玻璃喎.. 個女仔問佢點解啦, 佢話打爛左就可以伸到隻手入去掂到個鎖喎!!!!!! 你話呢班人個腦去左邊架?!?!?!!? 居然當自己俾人困住左係出面...要掂到個鎖,擰開佢先得!!!! 擰開個鎖就冇事入面個女仔自己做都得啦!!!! 仲要塊玻璃又打唔爆,正係姴哂..仲危險... 咁都唔得, 個女仔已經好心灰, 佢仲要問人地聽日第一堂幾點上........ 到最後攪左一輪就撬爛個鎖開左個門.... 一早咁做咪得囉!!! 攪咁多野!!! 今日仲要正係換返個鎖就算! 佢地話換門要200鎊喎! 車..係你白痴無啦啦打爛塊玻璃之麻~

>>September 25, 2003 at 8:00:29 AM GMT+8

2003 年 9 月 23 日星期二【颳風】

因為第一個星期唔洗上lab既關係, 今日都係返2至5, 放學去左basketball meeting, 原本以為第一日唔會有咩training所以冇帶衫, 點知個個都有帶..得我冇...所以唯有坐埋一邊..但係我都有留心佢教既, 好look forward下一堂~ 呵呵~~ 校對黎架~~

今日都依然係冇咩特別, 就黎悶死喇!!!!!!!!!!!

>>September 25, 2003 at 6:44:34 AM GMT+8

2003 年 9 月 22 日星期一【颳風】

終於等到星期一, 即刻去問點解個internet唔得啦, 但係都冇人解答到我...正係俾左個電話叫我打去問......

十點鐘Enrolment, 去到好唔甘心, 好唔情願咁交左簿費同填form之後就返左屋企食飯, 因為下晝就開始上堂.....2至5....

Lunch返到hall即刻打電話問點解上唔到啦, 佢問我一大輪野始終都係解答唔到.... 於是就問左我個名話~M人黎睇喎..! 但係就唔可以講定會係幾時...即係話拖幾個禮拜都得個隻...

放學去左Stefan屋企, 一間好大, 有九間房既屋! 仲食左Stefan煮好中式既豉油皇芽菜炒麵~~ 同埋粒左幾本價值六鎊(即係港紙七十五蚊)既壹周刊!!! 敗家仔!

>>September 25, 2003 at 5:54:41 AM GMT+8

2003 年 9 月 21 日星期日【颳風】

唔知點解今年凍左好多, 太陽都少左, 成日落雨, 上年既呢個時候都唔係咁既, 今年唔知會唔會好大雪呢?!?

今日仲未有得問internet既野, 所以又係好悶, 十點鐘又俾人打黎嘈醒左..今次係阿瘋, 佢叫我同佢去Tesco (Supermarket) 我梗係話唔制啦!! 行半粒鐘有多架!! 來回粒幾鐘! 所以我就話去Netto算喇, 呢間來回都唔洗半粒鐘麻~

去完超市就去左阿瘋個hall上網, 佢個hall有broadband架!! 早知就apply佢個hall啦!!! 下年一定要!! 不過下年有placement..我諗多數都俾人掟入最殘舊既Shearbridge架喇...

今日係welcome week既last一日, 聽日就開始上堂lu, 所以今日終於人齊, 個個都返哂黎喇~ 我呢層全部都係女仔, 而我條走廊呢, 就好好呀~ 今年得一個巴基斯坦女仔! 住我對面, 佢都係讀Pharmacy架, 另外仲有兩個黑人, 一個係烏干達黎既叫Nina, 讀chemistry, 另一個我就咩都唔知, 正係知佢叫Monica..仲有一個日本既叫Naomi, 埋同我最鐘意既Valentina, 佢係意大利黎既, 再加埋由利物浦黎既x?x?x?x? (唔記得左佢叫咩名) 呵呵呵~ 好正~ Valentina個bf都係liverpool fans黎架~~不過果然係利物浦人呀~ 好重利物浦音!! 唔少野~

>>September 25, 2003 at 5:40:50 AM GMT+8

2003 年 9 月 20 日星期六【暴雨】

琴日返到去發現上唔到網...勁灰啦..上網係我係度唯一可以輕易殺時間既事...點知上唔到.. 仲要今日係星期六..要過埋聽日, 星期一先問到點解.... 好彩寳寳今日都有打俾我.. 唔會悶死左都冇人知~

由於真係太悶既關係, 我五點就去左訓晏覺, 訓到六點幾Terence就打黎話去食中餐, 但係我地呢d人就梗係訓覺大過天架啦!! 而且岩岩先返, 都仲未好掛住d野食!! (除左魚蛋同燒鵝脾) 訓返之後就到Helen打黎問我點解唔去,Helen姐叫到, 所以就去喇, 而且電話費咁貴, 我都唔好意思拉鋸咁耐!

我地好豪咁有近個間唔食, 搭的士去遠個間食....叫做Blue Sky, 好似話好食d喎.. 但係都唔好食既, 可能慣左香港味掛, 過多幾個weeks我就應該會覺得好好食架喇~

>>September 25, 2003 at 4:58:31 AM GMT+8