2004 年 1 月 29 日 星期四 【乍雨乍晴】

今日lunch又係去左Stefan到.. 琴日同前日同大前日都好似係.. 放左學又係返Stefan到.. 無錯.. 又去!! 我已經話返屋企架啦!! 不過d人又話要等埋Rebecca返黎先, 睇下今晚去唔去食BAPS個buffet先再算!! 都唔知點解咩咩咁恨食個個buffet!! 結果buffet就冇食, 係度傾計傾到六點幾就揸車去左Burger King..!! 仲要係Burger King到又坐多個半鐘傾計.. 傾傾下係度話當年!! 仲意猶未盡, 再返番去Stefan到.. 其實我都唔知點解我地好似好多野傾.. 但係我真係唔知傾過d咩.. 返到去, 我地就玩層層疊, 係正經UNO個隻!! 然後就玩好邪既蛇棋~ 仲有玩啤牌啦~ 廿一點, 十點半, 三公, 鋤Dee, 琴棉胎, 拍前後, 好似可以玩既都玩哂! 不過冇玩麻雀~ 因為太side時間, 我地係賭煮R架!! 輸一局就要煮一個R!! 係英國賭錢係冇用架啦~ 最有用就係賭煮飯!! 一路玩上落都好大, 好鋒迴路轉!! 最後賽果係--Stefan同Jacky要煮17個R, 咩咩煮一個~~ 我, Rebecca同Jeremy都唔洗煮~ 呵呵~ 一日煮四個都可以食四日有多! ^o^V 真係好~ 不過我覺得最好玩同最攪笑都係邪到爆既蛇棋囉~ 今日激鬥左一輪, 發現d人既童年唔知做咩架囉.. 啤牌唔係for鋤Dee架喳..!!!!!!

其實今日係返左Stefan到之後又陪Stefan出返去行大運先再返番Stefan到.. 我都覺得自己已經住係個度架喇.. 最攪笑既係.. 我地三個返到去既時候.. Jeremy一開門就話.. 你地咁晏架? ..其實呢.. 得Stefan同你住架喳.. 我同咩咩住hall架.. 下次你見到我地一齊返.. 唔該唔好再問我地點解咁晏.. 我同咩咩係客人黎架.. 你應該見到我地之後帶少少意外然後問我地飲咩茶! 唔係問我地點解咁遲先返屋企!

行完大運等咩咩返hall放低野既時候, 我同Stefan就+好乖+咁去左Library借書! 兩個人掃左三本Immunology同兩本Physiology! 行出Library個陣仲好似好型好勤力咁!! 掃咁多本一樣既都唔知做咩!! 而家返到黎我發現我地冇哂quota借Neuropharmacology同Endocrinology喇!!

玩到兩點Stefan就車我同咩咩返hall喇, dump低左隻羊之後就撞到岩岩打完邊爐既嘉嘉同Fanny行緊返hall~ 我地都唔想嚇你地架! 不過我揮哂手你地都見唔到.. 本來想開窗嗌你地.. 不過個時先發現原來我同Stefan都唔識開個窗.. 咁唯有響安啦!! 其實我地嚇你好過走左去扮睇唔到啦~ 而且今晚咁凍! 行返去都幾係野! 雖然個陣你地都已經行左大半! hee

B仔今日好叻仔唔洗俾人切切切! ..不過.. 我覺得到三月就..... -.-"

Rebecca.. 我.. 記得要幫Jeremy同Stefan寫日記.. 不過.. 我唔記得左我要寫d咩..

聽日1200~ yEAh~

2004 年 1 月 28 日 星期三 【乍雨乍晴】

琴晚十一點半起左身之後, 就五點鐘先去訓返~ 然後十點就起身返1100喇!! 冇訓個五個鐘我就係度趕緊份情人節禮物! 我唔想聖誕禮物變完情人節再變生日啦!! 起身見到出面d雪就真係一d都唔想返.. 而且又收到阿Mo個sms話佢會出走Bradford問我一唔一齊去玩!! 咁即係話今日返學係唔會撞到阿Mo = 冇順風車 = 要行返學 = either 線死or凍死... 不過係我猶豫緊既時候, 甜甜就knock門喇, 所以都係同左佢一齊去返學!! 一路行都好驚會達落地, 本來諗住有伴會好D, 起碼有D安全感, 點知.. 佢著高睜鞋!!! 落完雪著高睜鞋! 著得就唔好同我講你驚線死啦.. 等我仲旨意你.. 好彩今日返1100, 馬路D雪都已經溶哂, 可以行馬路, 唔係真係線n次先返到去..

今個week好正~ 成個week每日都係上兩個鐘lectures~ 真係好鬼死中意first week!!! 好多lab都仲未開始上~ 今個week完全冇0900~~ ^o^ 原本以為聽日係架~ 點知又係1100喎~ 真係好~~~ ^o^V 好彩下個week先輪到我0900!! 唔係落完雪就0900真係會達死完再凍死我!

雖然返1100不過今日十二點幾就上完堂喇~ 落左堂又係去左Stefan到~ 本來返屋企訓既.. 不過D人又話要打牌.. 而我返左hall又一定唔會再出喎, 就算你接我, 我都要行, 都會線死架!! 於是就又放學就直接去佢到喇!! 好似初初year 1個陣咁.. 去到食完野佢地打下牌, 我煲下壹周刊, 咁Stefan, Jeremy同Jacky就出左去踢波喇~ 我同Rebecca睇下vcd, 呢兩個鐘我地真係睇vcd架喳~ 到佢地踢完波返黎又hea左一陣咁就差唔多get ready去食飯! 因為約左Celia佢地七點半係佛笑樓等~ 好彩係Jackie揸車去.. 因為我同Rebecca出門口個四定五級樓梯都用左成五分鐘! 咁真係好線架麻!! 而且d人又有陰影呢! 哈哈~ 如果要我地行落去既話.. 九點半先到都似!! 去到坐左一陣, Celia同Vivi都黎埋喇!! 等佢地嗌送既時候就連咩咩都出現埋~ 我地仲估你應該唔肯線個條斜路落黎! 其實都唔係我地, 呢句係Rebecca一個講既! 食左一半到, 嘉嘉又黎埋喇! 其實d人唔係黎食飯架囉!! 只不過係黎話俾人知佢聽日有得打邊爐! 超超超! 飯堂真係飯堂~ 去到除左撞到Helen, 仲撞到David, Adam同Kar Yuen! 食完飯就又返番去Stefan到打牌!! 真係好過年feel!! 其實今日餐飯係同Celia餞行既~ 希望你個placement順順利利啦!! 同埋考試全pass! summer返黎先再係Bradford見到你! ^^

今年真係凍左好多!! 晏晝都落好大雪!!!! 通常都係夜晚落架麻.. 今日仲落左幾次!! 又落雪又落雨!! 頭先Stefan車我同Celia & Vivi返hall既時候.. 一坐入車.. 真係凍到想死!!! 朝早返學見到D車結哂霜都覺得凍.. 何況係俾D雪遮哂.. 坐入架車到係同坐入冰箱完全冇分別!!!!!!! 快D到下個星期啦! 暖返D咁我就唔會諗走堂架喇!!

原來除左好多豬睇唔到19號幅相寫咩之外, 仲有好多蠢豬唔識scoll down, 以為我好多日冇寫日記..! 不過我唔會提啦~ 睇下邊個鬧我好多日冇寫日記咁就知仲有邊個咁蠢喇~~~ ^^

岩岩收到嘉嘉既電話~ 兩點鐘Fire alarm~ 岩岩訓醒, 出面仲溶緊雪, 著短褲, 真係可憐喇~~~~~ 我係電話到都聽到好大風! 不過真係愛莫能助啦! 你住咁遠! 而且D人咁衰格, 打黎就係祝我一陣三點同五點就輪到我fire alarm!!!!! 我冇叫你去死我真係自己都有D意外!

眼訓.. 唔寫喇.. 今日落完雪.. 聽日又要預早d出門口.. -.-"

P.S. Stefan, 記住切切切呀!

>>January 29, 2004 at 11:13:02 AM GMT+8

2004 年 1 月 27 日 星期二 【乍雨乍晴】

昨晚夢見你,夢見你拿著菜刀在追殺一隻豬,
可憐的豬被你追到了一個死胡同,向你跪地求饒
那可憐的豬兒用顫抖的聲音跟你說了一句話...
本是同根生相煎何太急..

>>January 28, 2004 at 11:23:56 AM GMT+8

2004 年 1 月 27 日 星期二 【乍雨乍晴】

琴晚應該係話今朝四點半先訓, 訓左七個鐘就起身返學喇.. 七個鐘係最衰既.. 今日眼訓到痺.. 不過都唔係好呆, 少少啦.. 好彩今日放三點喳!! 好開心~~ 今個sem原來都唔係好多九至五!! ^o^V 放學返到黎就即訓!! 原本諗住訓兩個鐘架, 不過一醒.. 十一點半.. 本來諗住算啦~ 唔起身訓到聽朝返十一點! 不過諗諗下好似好頹廢!! 咁就起左身喇!! 即係話.. d時差又要由頭調較過!! 一起身就見到個窗濕哂就係度諗好似話呢幾日會落雪喎.. 落完雨?! 咁好快咪會落雪囉?! 離開左張帔之後凍到痺, 於是就去開heat同山窗啦.. 一山窗就見到...唔係呀fa?! 已經落左..!! 仲積到咁厚!!?!?! 第一個反應就係--聽日唔返學得唔得?? 第二個就係諗聽日返幾點?! 第三就係個堂走唔走得架呢? 到第四個我先醒係我講過今個sem唔走堂呢句野... 不過今晚落完雪.. 聽日真係會凍到阿媽都唔認得架喎..... 原本諗住聽日去supermarket架.. 因為真係除了九州豬骨濃湯還是九州豬骨濃湯.. 不過.. 佢落雪喎... 即係又要過多兩日先..

果然係rebecca~ 同我一樣反應~ 聽日唔返學得唔得呀? 不過我都好佢少少既~ 佢返0900~ 我返1100~ 呵呵~

今日再睇到Product tech既specimen paper.. 唔係呀fa?! 答十條必答short Q再四揀三long Q!?! 早兩日知道Professional Practice Calculation個part pass mark係80%我已經想問佢係咪有病!!!! 80%叫做pass mark!!!!!!!!!!!!!!! 你傻架??????? 你唔好肥我呀!!!! 我唔要summer補考架!!!!!!!!

今日已經搵到琴日rename我個電話既元兇啦!!! 死B仔!!! 而家諗諗下.. 其實都有好多個幫兇!!! .\_/.

>>January 28, 2004 at 11:21:34 AM GMT+8

2004 年 1 月 26 日 星期一 【乍雨乍晴】

今日俾兩個八婆話我正係post人馬座唔post佢地..
所以唯有而家補返..

首先係八婆一號豬糞..

雙子座
你最好係：
鬼靈精都可算係你！同你一齊包無悶場，天生的幽默感、充滿好奇，加上你個腦轉速好快，一不俾你玩死，一不俾你搞到笑死！屬於樂觀一派型，你非常多嗜好，無論年齡到達師奶定阿嬸，你依舊像一個小孩子鍾意睇漫畫、玩公仔。雖然善於溝通、見人講人話，反應敏捷、隨機應變、適應力強、...通常都是坊間所說的雙子人基本性格，但認識太多雙子人雖然具有以上所說種種，但平常顯現沉默一面出來的較居多數，無他，雙子等於雙面人，兩邊面兩種性格，問題在於等閒輩值不值得你向他說個笑話搞個笑，雙子人，坦白得喜不喜歡全寫在面上！
你最唔好係：
太像小孩子！小孩子的優點：可愛、風趣你有，但連小孩子三分鐘熱度的善變、來無蹤去無影的壞習慣也一拚送上，你說身邊的甜心要像湊仔般對你，你說他可憐不可憐？
另外，很多時你會過於神經質，令人也神經緊張起來；又因為太愛玩，所以令人有種玩世不恭、不可靠的感覺。對於安全感這回事，你的認識程度是零，慣了像風的你，怎會習慣跟人報到，又怎會令身邊的人有安全感？「花心」很多時都是你的代名詞，不過又要說句公道話，有時我也會戥雙子人可憐，內心深處兩種性格互相辯論，有時就連你自己也不知自己想要甚麼，何去何從，究竟可以問誰？

然後到八婆二號涼嘉嘉

雙魚座
你最好係：
雙魚座其實是一個「很女人」的星座！給人的感覺是好感性！好有同情心！你的大無畏、捨己為人的精神，實在令人敬佩！你外表優雅高貴，溫文有禮，跟你一起，令人有種很舒服的感覺！直覺強烈，能預測未來發生的事情！記得好好運用！
充滿藝術細胞的你，對任何有關的活動非常有天份，所以在這方面發展會發圍機會極高！
能與你拍拖是一生人中應該做的一回事，因為跟你一起走過的日子，必定能感受甚麼是生活趣味，甚麼是被愛的幸福，當然還會徹徹底底地知道浪漫是甚麼的一回事。
你最唔好係：
太過不切實際！你太過感情用事，又缺乏安全感，永遠只懂活在自己的世界中！尤其是理財這方面，更加是你的弱項。唯美主義的你，永遠都是理想先行頭，要靚不要錢，所以很易被人利用你對藝術的熱誠。悲觀加上憂鬱的你，美其名是頹廢，實情是懶惰！欠缺信心加上怕麻煩的你，發生了事之後最好拖得就拖，瞞得就瞞，最好還有賴得就賴。
甜心吃了你浪漫的甜頭，其實都有很多功夫要做：閒時要鼓勵你，讚讚你，分擔你的杞人憂天，頭一次甜心以為自己好重要，常常如是，真真令人有點吃不消！

其實你地睇佢講得我咁衰,咁唔準,都唔洗睇自己啦!!

>>January 27, 2004 at 12:04:20 PM GMT+8

2004 年 1 月 26 日 星期一 【乍雨乍晴】

琴日聽嘩嘩嘩, 杜文澤話屬羊同屬雞今年既運同埋桃花都係最好架喎~ 話陀住d雞呀,羊呀咁就會有好運~ 會幫到我地呢d冇咁好運既生肖~ 咁我唔洗怕啦!! 日日都俾隻羊同雞夾住!! 最攪笑係Stefan.. 佢琴晚同我講話我今年真係好衰喎~ 叫我真係要小心d, 佢都會照住我喎~ 哈哈, 咁洗唔洗陀住你係身呀??

今日係sem2既第一日, 諗住有個好開始啦! 返十點三, 我九點二已經彈左起身, 但係唔知做咩me me mall mall..成十點二先出門口.. 去到又發現唔記得帶lab coat..好彩Stefan岩岩上完堂可以著佢個件..一路做都好順利, 今堂lab係revision, 我居然仲好記得應該點做~ 自己都有d意外~ 而且今日好fresher feel, 真係好似第一日開學咁! 可能因為死Richard又提返我上次考Mock正係倒d水入藥水樽就閃人個次.. 不過我今年唔會架啦!! ...應該.. 一路到做完都冇出錯~ 洗哂野抹乾哂諗住走得~ 點知放返個250ml既cylinder入櫃既時候.. 佢同我落地開花,富貴永華! 真係.. 你係爛都係我同你洗乾淨之前啦唔該.. side哂我d心機!! 一打爛左d人就唔知點解突然間係四方八面咁湧過黎掃地.. 我諗住偷偷地dump左佢架麻.. 平時又唔見咁好efficiency!! 佢地一路掃一路話已經係今朝既第二次.. 一聽到.. 我就即刻覺得一定係Stefan or咩咩是但一個今朝都玩落地開花! 我都唔知點解我會咁諗.. 不過好straight forward架.. 今朝都有人打爛野=stefan or 咩咩是但一個.. 後尾先知原來係咩咩.. 又係打爛250ml既cylinder.. 又係洗哂抹哂放入櫃既時候.. 好邪~ 一模一樣!! 其實practical係咁我都冇野架.. 諗住一陣lectures會好d啦, 返到黎睇下timetable, 好~ 返兩點~ 可以十二點零去睇下Society攪成點~ hea到一點九去上堂~ 一去到見到Shaf, 佢就問我做咩唔上堂! 我心諗, 你又想玩我呀, 咩唔上堂?! 而家咪上囉! 點知佢話你做咩唔上第一堂呀! 咁我咪話而家兩點咪第一堂囉!你唔好又呃我喎! 點知入到去.. 發現.. 原來今日係上一點... 即係話第一日第一堂就miss左.. 仲要係miss左double module既pharmacology.. 即刻打沉哂啦.. 仲諗住新學期一堂都唔miss.. 仲要聽左n句idiot......... 不過唔關我事啦!!! 我點知我睇個個timetable係舊版黎架者?!!!?!?!

係喎.. 而家先記起唔記得鬧涼嘉嘉tim.. 放左學之後就返hall, 因為嘉嘉話黎拜年, 點知等極都冇電話! 咁等到六點半就冇等, 落左去join埋Ivan同埋去Celia到拎麻雀就去Rebecca到食開年飯喇~ 係呀~ 初五先食~ 好似話咩蘇民峰話初五先食開年飯架喎? 唔記得喇~ 食飯個陣好似聽過d咁既野~ 講返個衰人涼嘉蛋先, 原來個死仔包去左睇戲!!!! 你係咪想開年!?!?! 係Stefan房見到佢張書台移左位, 係好K怪咁移正房中間.. 雖然個八婆話唔係因為文窗位.. 不過見佢張台放哂水晶, 個位又擺得咁騎.. 好難信你喎.. 係佢到拎左本要日日meet既日曆, 我地睇左20th吉時係子時同未時, 於是諗住係呢個鐘數去拎成績啦.. 點知.. 齋鹵味話子時係半夜十二點... 咁點算?! 食完飯睇左幾本敗家仔買既雜誌就返去hall換衫落Livingstone喇.. 今晚係我地Cantonese Society同其他人一齊攪既Chinese new year disco, 好似有好多sponsors, 抽獎d禮物都幾吸引, 頭獎係來回香港英國既機票, 二獎係17吋Plasma電視, 三獎係Hi-Fi, 仲有好多細獎, 咩100鎊電話賮呀, 50鎊現金呀同埋其他幾十鎊一張既voucherSsSsSs, 不過.. 我識得既人.. 都冇一個中.. 算啦~ 鬼叫我地大部份都係屬狗咩! 阿Foong同Celia佢地仲衰.. 屬豬.. 犯太歲呀!! 今晚雖然d獎品豐富, 不過一d都唔好玩, 個個都覺得好不知所謂.. 因為個DJ都唔知咩人黎架.. 成晚正係播RnB, 播足咁多粒鐘.. 除左抽獎個陣囉.. 一個二個都勁嗌悶.. 我都覺得唔好意思.. 又講唔到d咩喎, 因為真係好不濟.. 想幫口兩句都過唔到自己個關.. 上次起麻最尾都有搭火車玩下.. 今次.. 真係.. 冇野好講..

呢排有幾個朋友仔都徘徊緊係唔知點好既階段.. 我都唔知可以or應該講d咩.. 只可以話因為<曾經付出過所以唔捨得分手>係同<因為同情而一齊>一樣都係對大家都唔好架囉.. 希望佢地可以快d見到曙光, 知道自己應該點做~ 好多事慢慢就會知自己想點架喇! 呢一刻未知就慢慢黎啦, 一定有一個timing你會好清楚知自己想要d咩! GoOd LuCk~

唔知點解好似越黎越鐘意許志安.. 不過硬係有d覺得許志安係阿屎既.. 唔中意得既感覺..

呀!!!! 你地班死人頭!!! 我岩岩先睇到你地rename左我個電話!!!!!!!!!!!!!!!!!!!!!!!!!!!!!!!!!!! 邊個做既?!!?!!?!?!?!?!?!?!??!?! 邊個既idea???!!!!!!!!!!!!!!!!!!!!!!!!!!!!!

2004 年 1 月 25 日 星期日 【颳風】

今日好正~ 訓到夜晚七點鐘先起身~ 呵呵~ 如果唔係肚餓我諗都唔識醒! 好耐都冇試過訓咁耐喇!! 訓得又真係好林~ miss左n個call都聽唔到~ 真係好~ 唔係又俾人奸計得逞! 終於都搵到一day可以訓返夠! 之前兩個月都訓得少之又少! 雖然放左人飛機.. sorry.. 不過聽日又開始sem 2麻~ 今日唔訓都唔知幾時先可以再訓咁多!

今個sem佢又將d groups再細分.. 冇得同Stefan同咩咩一group好似有d大鑊.. 仲要入左B4.. 真係唔慌唔必死.. 唯有靠Richard啦.. 不過佢已經變得同我不相伯仲.. 次次做lab都整係識嗌我好肚餓.. 聽朝第一堂就整個professional practice既practical俾我嘆.. 諗返起初初黎到第一堂lab又係呢科.. 個陣d時差又未岩.. 又唔慣佢地上堂既style喎.. 完全係發緊夢.. 唔知自己係英國上緊堂個隻.. 個堂我就係靠Richard架喇.. 靠佢偷偷地抄完Philip再俾我抄.. 哈哈, 我諗個陣佢係因為睇到我個樣好迷所以拔刀相助掛.. 雖然而家唔會迷.. 不過我都係寧願上lectures.. 而且Richard而家整係識得講快d, 收聲, 白痴同埋Don't 抄me.. 今個sem要教佢講d好野先得..

今日無意之中發現我隻馬多左個伴呀!! 上年一望出窗就會望到佢, 今年要係廚房先見到佢.. 不過佢個伴同佢好似.. 我分唔到邊一隻先係我上年個隻.. 佢除左多左個伴之外.. 我發現個隻怪雞核突野又出返黎.. 我都唔知咩黎既.. 佢個樣同行路都好似狐狸.. 但係size又好似貓.. 爬樹又快到好似松鼠.. 講起松鼠我先醒起早排考試之前先係街撞到.. 毛神神又肥又大隻.. 我即刻停都停唔切.. 佢又唔肯走.. 仲係我前面眼金金咁望實.. 我又怕佢會走埋黎所以望住佢.. 好彩俾咩咩嚇走左佢.. 再望耐d我真係會忍唔住嘔.. 諗諗下自從係人地個hall到見到兩隻老鼠之後, 就成日都見到毛神神既野喇!! 見到老鼠個鑊真係嗌到阿媽都唔認得! 共處一室咁見到架!!!!! 真係驚到唔知咩事!! 最衰係.. 佢多到.. 我企左係張椅上面都未驚完, 因為佢係門口附近出現.. 我仲諗緊點走好既時候.. 又有另一隻係第二個方向走出黎!!!!!! 好彩自己知自己事&佢走得快冇同佢對望! 唔係一定又會又喊又嘔.. 咁都仲未夠.. 考完試個日shabs黎接我返hall既時候, 去到士多我又俾毛神神野嚇.. 今次係貓! 突然之間係我隔離個頭咁高既位出現呀!!! 即刻大嗌之後彈左出馬路.. 係我彈左出馬路! 佢又係眼金金咁望實我.. 我唯有即刻閃入鋪頭山門由得佢繼續係出面.. 兜左個圈是但買d野走既時候, 我一開門, 佢即刻跑左入黎!! 係我隔離呀!! 掂到我隻腳架!! 佢既動作真係勁快..我完全預計唔到.. 所以又嗌.. 士多d人望哂過黎.. shabs又掛住係度爆笑.. 我唯有即閃.. 好彩係英國通常都係著長褲! 如果俾佢d貓毛high到我隻腳既話.. 就又喊到俾人笑十世都似.. 千奇唔好再俾我見到d毛神神野呀唔該!! 尢其是老鼠.. 呢個我真係頂唔住!!

我真係覺得你好攪笑! 係要怕既都應該係你啦! 最衰都係阿Foong啦~ 電話都唔識打! 又攪到人地亂諗野我又有排煩..

喂阿車, 你死左?

2004 年 1 月 24 日 星期六 【颳風】


會爬牆的星座

天蠍座 33分 (最後一名)
天蠍座愛情不專的可能性極低... 除非是妳主動離開他 或是一些特殊狀況 他決不會不忠於妳 若有的話 那表示他對花心的對象是真心的

處女座 38分
處女座是個潔癖主義者 他討厭任何違反規定或道德的行為 如果他要求妳做不會變心的承諾 那麼他也會信守這個承諾

金牛座 43分
毋需擔心金牛座的愛情會不專一 因他的佔有慾很強 他反而會擔心妳的見異思遷 可是其中也有希望坐擁2.3個女人的類型

山羊座 45分
山羊座的男孩在面對戀愛時 絕對毋需擔心他會有愛情不專的情形發生 但是當他疲倦煩惱的時候要小心他可能會變心

巨蟹座 55分
即使可能跟其他女孩發展一段新戀情 他也會努力維持跟既有女友之間的關係 因此幾乎不用擔心他會有愛情不專的情形發生

獅子座 69分
獅子座基本上也是富有感情的類型 雖然他不會有花心的行為 但是如果是別的女孩子對他表示好感 那就另當別論了

白羊座 78分
白羊座的男孩很喜歡戀愛的感覺 "家花哪有野花香"正是他的最佳寫照 要抓住他的心最重要是去把握若即若離的態度

天秤座 85分
天秤座的男孩有強烈享受愛情樂趣的傾向 他不會錯過任何對他有利的機會 所以他喜歡暗地的男女關係 可說是調情第一高手

水瓶座 90分
水瓶座的男孩子心中 接吻就像打招呼那樣平常 就像義大利男人般的性格 他絕對不會認真戀愛 也不會深陷愛情的泥沼

雙魚座 94分
雙魚座雖然不花心 但往往隨興之所在而變心 他不會拒絕別人 不忍心讓別人失望 所以你得隨時跟在他身邊處處戒備

雙子座 95分
雙子座的男孩子可說是最花心的類型 他經常用遊戲人間的態度來面對愛情 他也很會用花言巧語來哄女孩子 所以要特別注意

射手座 97分 (噹噹噹噹！叫我第一名！)
射手天性花心 自古以來就是惡名昭彰的星座 他永遠在追求新的戀情 如果你能讓他永遠追求你的 那便是防止他花心的訣竅

係真唔係呀?!
好野又唔見有第一?!
講緊男仔喳?!

>>January 25, 2004 at 10:52:12 AM GMT+8

2004 年 1 月 24 日 星期六 【微雨】

人馬座

你最好係：
你份人愛自由、愛冒險、愛流浪、愛去旅行.....，活就像捉不住的一匹靚馬！不過性格好，天生樂觀一派，個人好正直，思想簡單，旁人以為你扮豬食老虎，其實沒有人俾你自己更清楚，你只不過是一頭坦白直接的傻頭！說做便起身做的性格，再加上充滿理想、有幽默感、對人親切及富有正義感的優點，令你相識滿天下！在朋友眼中，你像一個太陽，見到你便像人生充滿希望！對甜心，你非常熱情，而且有很多鬼主意，最喜歡室外活動，做你的另一半，最緊要帶定防曬霜。

你最唔好係：
太過需要自由！就像一隻放了出去的風箏一樣！你個人好心急，耐性對你來說是極陌生的一回事！做事又不夠細心，空口講白話再加上心直口快、不識抬舉、直情得罪人多稱呼人少！鍾意駁嘴駁舌多說話；又由於份人太簡單，所有心情全都寫在面上，喜怒哀樂，慌死人唔知，這樣下去，一點好處也沒有！對感情事你很自私，成日扮浪子，實情是怕負責任怕承擔，一走了之或扮逃避都是你的強項，所以通常很遲結婚；花心嗎？倒不如說你是個多情得來又好易忘情的人，多情已夠夠衰，但多到連自己都忘記了，簡直抵打！

洗唔洗講到咁衰呀?
準唔準..?
我自己都唔知喎..
我諗你地會清楚d.. 旁觀者清..
不過佢講得人馬座咁衰! 都係唔準多架喇~
點解寫星座d人個個都針對人馬座既~~~~

>>January 25, 2004 at 10:46:40 AM GMT+8

2004 年 1 月 24 日 星期六 【綿綿細雨】

今日過左好香港feel既一day~ ^o^
1145, 我, Kar Yuen, Adam, 咩咩同小義就開始出發去Leeds~ 去到第一件事就係食buffet! 係Chinese Buffet呀~~ 大家都食得好滿意~ 間野好香港feel架!! D野食既味道又似啦, service又似喎!! 係英國好難食buffet會有個waiter企係度收碟架!! 通常都要玩哂層層疊咁d人先會有反應!! 而且最似既係用黎裝野食既碟係有個熱辣辣既消毒架裝住架!!! 雖然呢個係香港係間間buffet都有~ 不過英國咁多間.. 好似得呢間我係遇到有架喳!! 隻碟好辣手架~ 除左食到好掛住既星洲炒米之外, 終於都食到亶穖�!! 食左一個鐘我地就走喇~ 因為個個都食到好飽!! 之後就開始我地既shopping喇~~~ 首先去FCUK, 不過睇唔岩.. 再去Diesel.. 呢間其實唔洗睇都知會唔岩, 所以都冇咩出血~ 不過係Muji到買左d彩色紙, 開左個頭就開始燒錢喇~ 首先係H&M買左件我好中意個d質地既衫.. 我唔知個d叫咩質地.. 然後係GAP買左兩件衫俾阿亮, 再行下Monsoon呀, Topshop咁.. 行行下又忍唔住同Kar Yuen返去H&M掃多一次, 今次Helen都黎到join埋我地啦~ 好開心又可以買多一件個隻質地既衫!! 我地每人買左一件一模一樣既~ 當然仲有其他衫啦~ 其實諗諗下今日都好忍手~ 可能因為有Kar Yuen啦!! 如果同你地既話.. 我下個月既卡數就甘喇!! 同親你地行街, 每次都係話中意就買啦, 唔好諗咁多!!!!! 好似仲有行好多鋪頭架~ 不過真係唔係好記得lu.. 正係知買得好開心~ ^^ 我永遠都會記得今日係H&M發生既事!! Thankyou Kar Yuen & Adam~~~ ^o^ 買完衫之後我地就去china town喇~ 充分表演出留學生既身份 --- 掃公仔麵! 一人掃左一箱出前一丁~~~ 本來諗住買紅豆架! 新年食紅豆沙麻~ 不過諗諗下我都係唔會煲架喇.. 所以就放返落去lu.. 原本去既時候同Kar Yuen諗好左要去食個間有好多好正既意大利甜品既鋪頭架!! 有我既至愛 --- Tiramisu呀!!! 不過最尾我地都係太飽所以就冇去lu.. 而家諗返其實蠢左.. 應該買Take away麻.. Bradford有錢都冇得食架..... 我又搵唔到個隻cheese整.. 香港反而整得到!! 今日我地d女仔收獲都唔錯~ 不過d男仔.. 我諗佢地今日都幾悶下.. 係leeds返到黎, Adam佢地就去Richmond睇個個咩中央大陸個d賀年電視節目, 而我就梗係唔去啦.. 人地六點開始, 我地返到黎都成七點.. 我d普通話又未至於好成咁喎.. 而且應承左阿峰佢地今日黎我到拜年, d戰利品又重喎.. 所以就歸家喇! 不過.. 可能因為仲未較返好之前通頂d時間, 琴晚四點半先訓, 今日十點半就要起身, 所以.. 我對阿峰唔住.. 我.. 訓著左.. hehe 唔怕啦.. 再遲一日啦!!

係GAP撞到Qash, Theo同Yaha, Qash話... "I found the pharmacognosy alrite. I found it quite good." 聽完.. 即刻下左出黎.. 不過好快就唔記得左, 因為好全情投入咁買衫, 不過去到Topshop又撞返佢地.. 咁都未夠死.. 最慘係撞埋Madrid.. 佢話.. pharmacology not bad喎.. 聽到.. 我已經夠心寒.. 佢仲要話pharmacognosy都唔差.. 今次真係大鑊.. 如果有拉curve既.. 我覺得.. 係我地幫緊佢地拉囉...... -.-" 好彩佢話佢覺得dosage form難!! 我就定返好多喇!! 因為呢科係我話佢出得10個易個科!!!! 然後我就醒係上年又係咁.. 我話最易個科係佢地話最難既..! 希望今次可以大步檻過啦!! Anyway, 我第二個sem會俾心機拉返好d分架喇!!

收到你個msg呀.. 我知無論點你都會係我身邊, 你放心啦, 我唔會唔記得! Thankyou~ ^^ 而且我都冇事~ 只不過睇唔過眼之麻~ 唔洗怕~ 我依然係一個開心幸福人~ ^^ 我唔會俾人蝦啦~ 你估我係Vannie咩?! 你都係!! 要幸福快樂呀!

今日又多一隻豬同我講佢睇唔到19號個五個字!! 豬糞! 呵呵呵呵~

Care who you love， Treasure what you got。 ＊＊＊＊＊latest update＊＊＊＊＊ ＊Close＊ 8/8 6/8 & 7/8 added。 5/8 5/8 added。 4/8 4/4 added。 1/8 1/8 added。 25/7 24/7 added。 17/8 17/7 added。 16/7 16/7 added。 14/7 14/7 added。 11/6 10/6 & 16/6 added。 愛．聽歌仔 愛得太遲 無事常相見 記得忘記 不得不愛 Bad Day ＊愛．朋友仔＊ ＊let me know what u've been up to＊ ：：未有空 留言吧：： 廣告 讀者留言 |  路人留言   | 咦,久休復出寫日記喎 >>January 24, 2010 at 9:31:26 PM GMT+8 我又難番喇右邊腮骨位~~~~ >>July 6, 2009 at 11:40:56 PM GMT+8 換0左新電腦,第一次去睇番你0的 >>May 23, 2009 at 10:52:02 PM GMT+8 3月21號..anniversa >>March 30, 2009 at 3:44:48 PM GMT+8 下星期五食飯嘛~~~你唔放飛機咪 >>February 14, 2009 at 4:04:45 AM GMT+8 因為有人叫唔好upload上fa >>February 6, 2009 at 9:17:30 PM GMT+8 我0地失去聯絡0左三個星期... >>January 19, 2009 at 11:13:24 PM GMT+8 哈哈...妳D客真係好攪野;) >>November 24, 2008 at 9:46:57 PM GMT+8 恭喜恭喜~~~ 知道你地一定得一 >>August 15, 2008 at 11:09:31 PM GMT+8 係啦...快d約約食食飯先啦.. >>August 13, 2008 at 12:05:47 AM GMT+8 本蝦餃呀娘係將一疊同色同尼龍繩綁 >>August 12, 2008 at 11:26:54 PM GMT+8 本蝦餃get 到你講咩呀,好好笑 >>August 11, 2008 at 10:02:34 PM GMT+8 Yo, haven't upda >>August 6, 2008 at 6:03:57 PM GMT+8 哈哈~真係要恭喜wo潔潔~ 終於 >>August 5, 2008 at 10:10:46 PM GMT+8 喂~~~~正牌弱雞師喎,要請食飯 >>August 5, 2008 at 6:32:40 PM GMT+8 冗員.......不是擁員, < >>July 17, 2008 at 11:39:13 PM GMT+8 o個隻係dale 呀!! >>July 16, 2008 at 11:59:07 PM GMT+8 咁究竟你係CU做咩架?? 點解可 >>July 15, 2008 at 1:12:32 AM GMT+8 現在時間為14/7 ,11:55 >>July 14, 2008 at 11:57:01 PM GMT+8 嘉嘉你真係無&#25598;到過 >>July 5, 2008 at 12:39:01 AM GMT+8 你識游水0架咩,無聽過你講0既, >>July 4, 2008 at 10:16:47 PM GMT+8 下次往觀塘方向的車頭你可以自行到 >>June 18, 2008 at 11:20:10 PM GMT+8 幾時得閒食飯?? >>June 18, 2008 at 2:15:37 AM GMT+8 呀毛有同你講另一方向0架,但係唔 >>June 14, 2008 at 12:08:08 AM GMT+8 其實都冇乜特別野想留言,但係睇唔 >>June 13, 2008 at 12:32:21 AM GMT+8 無睇到佢0地相與喎,本蝦餃係俾佢 >>May 27, 2008 at 9:57:31 PM GMT+8 最近有新歡呀,潘蔚林呀~~~~ >>May 23, 2008 at 11:25:17 PM GMT+8 canon既DC係唔錯ga, 有 >>April 14, 2008 at 11:27:15 PM GMT+8 Wii 的mario kart >>April 12, 2008 at 10:59:16 PM GMT+8 Kia, 他們只想我說一個價, >>March 18, 2008 at 9:35:34 PM GMT+8 本蝦餃會揀做一年0野先,好實呀讀 >>March 16, 2008 at 10:05:48 PM GMT+8 been looking thr >>March 14, 2008 at 11:24:11 PM GMT+8 Just gone throug >>March 14, 2008 at 2:39:55 AM GMT+8 O....佢返咩呀? 點解佢找到 >>March 13, 2008 at 11:06:32 AM GMT+8 唔洗做...又去玩...真好.. >>March 9, 2008 at 2:11:06 AM GMT+8 你第一日見0既高飛同第二日見0既 >>March 8, 2008 at 7:15:08 PM GMT+8 估唔到連你妹妹都出嫁了~! 你都 >>March 2, 2008 at 4:52:10 PM GMT+8 本蝦餃都無mood寫見你唔寫.. >>February 16, 2008 at 11:58:10 PM GMT+8 見字打俾我....最好係我返工的 >>February 4, 2008 at 9:24:27 PM GMT+8 係呀!! CU 個course >>February 4, 2008 at 2:45:36 PM GMT+8 bo bo慘0的喎,隨時嫁唔出喎 >>February 4, 2008 at 11:40:45 AM GMT+8 我仲知道CU 有囉!! 但係CU >>January 29, 2008 at 3:10:53 PM GMT+8 都係同一句...你就好...我返 >>January 24, 2008 at 9:24:10 PM GMT+8 咁幾時要報名?? 同埋o係邊度上 >>January 23, 2008 at 4:15:07 PM GMT+8 生活很休閒嘛~? 好好enjoy >>January 22, 2008 at 8:23:02 PM GMT+8 堅啦梗係! <br>小姐~ 你唔 >>January 22, 2008 at 3:57:05 AM GMT+8 其實呢個我一直都想學..只係.. >>January 19, 2008 at 2:16:14 AM GMT+8 你就好啦....我都唔想做呀~ >>January 16, 2008 at 8:36:20 PM GMT+8 你走進黑店呢~~~ >>January 5, 2008 at 7:09:13 PM GMT+8 本蝦餃在九龍灣0個0的工廠區返工 >>December 27, 2007 at 9:06:53 PM GMT+8

人氣: 86870

Design & Scripting by ShowHappy.Net