Showhappy.net - Members diary

日記

日記主簡介

<< 126 127 >>

2003 年 9 月 19 日星期五【暴雨】

今日九點鐘就俾電話嘈醒左,係叫我做helper, 一打黎就問我可唔可以而家即刻去, 我話 "好!三十分鐘後到!" 去到原來係做register既野, d fresher影完學生証就送一袋welcome pack俾佢地~ 做聖誕老人~ 原本諗住可以識返唔少香港人架麻.. 點知九點半到一點都冇... 華人既多數都係大陸or馬來西亞人, 大陸人我係一個都冇識既, 因為唔想講普通話. 馬來西亞既就識左唔少~ 雖然d口音有d唔同, 不過大致上都冇問題既~~~

做到一點就冇做lu, 因為太失望, 一個香港人都冇.. 而且好悶..同leader講話去食飯之後就閃人~ 去bank, 去Morrison (Supermarket)之後再去apply internet就返屋企lu~ 因為佢話可以即刻用架麻!!

>>September 25, 2003 at 4:37:03 AM GMT+8

2003 年 9 月 18 日星期四【陰】

今日都冇咩特別, 原本要做welcome week既helper既, 不過又未有internet, 又~M唔到個leader, 又冇人call我, 所以就冇去喇. 同左Shabs去睇Sports & Societies既exhibition~ 一心都係想玩basketball, 不過~M唔到, 所以就係Rugby到留左名. 不過個個知道左之後都叫我唔好參加, 佢地話我一定會俾人殺死. 初初都唔知點解, 之後講講下發現原來佢地玩既Rugby唔同我地以前體育堂玩個d架!!!! 雖然都唔係美式著哂盔甲個隻, 不過都係人疊人架....所以我就決定左放棄喇.

行行下經過一個唔知咩野, 有個人叫我入個會學self defence..我話唔洗啦, 佢就以為我係fresher, 係咁講Bradford d衰野我知, 又問我如果俾人從後用刀架頸既話要點.. 於是我就同佢講 "我六歲開始學功夫架!"

因為真係好想打波既關係, 就行多個圈~M啦, 又~M又問人, 終於~M到喇.. 唔黑唔隱蔽既佢都唔揀黎開檔.....終於都join左basketball啦~~~

>>September 25, 2003 at 3:51:36 AM GMT+8

2003 年 9 月 17 日星期三【晴】

終於都返到hall....

1. Hong Kong去Frankfurt -->12 hours
2. 等轉機 --> 2 hours
3. Frankfurt去Manchester --> 2 hours
4. 2305到Manchester..冇尾班車..等頭班車 --> 8 hours
5. Manchester去Bradford --> 2 hours
6. Bradford去hall --> 10 mins

終於係17th 1030 返到hall...好彩Shabs係機場等我..唔係超悶...十一點冇尾班車..九點先頭班車...好! 機場冇heater d位得兩度..我就著住香港29度著既衫..唯有即刻開gip搵冬天衫..

返到黎諗住沖涼訓覺..不過d野仲係storage room.. 11點去拎野,個死大蕃薯Roy (佢係我最憎既porter) 叩我晏d去, 於是就同左Subha同佢個friend去fresher fair. 因為fresher fair係有好多free stuffs派既. 不過今年d野都冇上年咁好既~ 到3點左右, 又去返阿蕃薯Roy到拎野啦, 佢居然叫我等佢一陣tea break之後先.. 妖..你成5點半先tea, tea到6點架喎!!! 終於到六點半先拎得返...左搬右搬..

好辛苦既一天..好彩有寳寳打黎安慰下

>>September 25, 2003 at 3:31:32 AM GMT+8

2003 年 9 月 16 日星期二【陰】

一樣識左咁多年
一樣由細玩到大

一個會因為我走係帔到喊唔停
一個會連byebye都唔會同我講

一個會耐唔中打電話俾我傾計
一個會連我走都無諗過打俾我 ... 係諗都無諗過...

一個係好重要既朋友
一個係已經無左既朋友

一開始,我當她是朋友
之不過,她當我是敵人

你叫我俾時間你盡力
所以好多時我都算數

話咩佢鐘意你先會咁做
咁你地接唔接受到你既朋友無原無故離開你?
係一個識左十年既朋友

我唔係要爭d咩
由頭到尾我都只係想公平d
因為由笫一日開始我都冇做過d咩
由頭到尾我都係被動

佢唔俾你黎食飯
我叫你叫埋佢黎
我地出去玩
佢係咁打電話要你走
我笑住同你講byebye
因為你叫我俾時間你
但係我覺得你越黎越過份

我原諒唔到你連一個電話都冇諗過打

>>September 25, 2003 at 3:08:16 AM GMT+8

2003 年 9 月 15 日星期一【暴雨】

唔想走啦.....................

點解呢幾日會突然間過得咁快.............?!

唔走..............得唔得..................?

或者....再遲d先...

唔好叫我唔好扭計...

叫你地自己唔好扭計...同我一齊走........

>>September 15, 2003 at 11:22:25 PM GMT+8

2003 年 9 月 14 日星期日【暴雨】

琴晚唔知點解訓極都訓唔到..可能d訓覺時間已經亂哂籠..所以今朝係無返到日文既.. 寶寶冇打電話黎,我諗佢都冇返啦..下一堂我又一定返唔到喎..寶寶不如你下一堂返啦, 睇下最尾個堂佢會講d咩~

訓到十一點半就俾哥哥叫醒我聽電話, 得個十一點半就梗係叫哥哥叫佢晏d打黎啦!! 原來哥哥一早就講左, 不過佢叫哥哥叫醒我喎, 話約左我.. 我都好奇怪, 我應該冇約先岩架! 一聽原來係依莎~ 呢個人真係超醒爬啦~~ 佢同我講"喂,我地係Greenbox喇喎!!" 跟住我就記返起琴晚有人同我講過話約好再打俾我同我firm時間地點架喎~~ 於是我就同佢講"你琴晚都冇覆返我電話" 到呢一刻呢個人先如夢初醒囉!! 以為佢約好多個覆少左一個唔出奇啦! 點知原來只係得我同阿MoE!!! 雖然未訓醒, 不過都好偑服呢個人~~ 黃依莎你超掂啦!

琴晚訓訓下先醒起City個個人仲未出糧喎..!!!!! 打俾佢又唔聽, 留言又唔覆..又唔係唔知我星期二走.. 擺明昆我水啦..之前仲點我做咁多野!!! 不過爸爸話算喎.. 好呀, 如果你補俾我! 不過人地咁都做得出, 我唔算都唔得啦... >.<

講開又講, 後日就要閃喇.. Terence 仲要十八號先返.. 即係話我最快都要十八號先拎得返部電腦.. 拎完之後仲要check下用唔用得.. 希望冇事啦.. 冇電腦就真係不出三日一定悶死.. 好彩join左做helper, 18th 1pm-5pm 同19th 9am-1pm都要幫手. 我揀左做card issuing, 唔知做d咩架呢?? 我特登唔揀tour架, 好辛苦架麻又悶!! 而且我都係想要件welcome week既tee者~ 呵呵呵~ 希望做card issue 都會有啦.. 我諗..唔會得聽晚個個fresher night先有掛?!?!?!!!?

>>September 14, 2003 at 8:55:54 PM GMT+8

2003 年 9 月 13 日星期六【酷熱】

今朝係肥仔到八點半先走, 不過都唔係好眼訓, 因為都訓左幾耐下.. 返到屋企沖完涼再等個頭乾都成十點半先再去訓..不過一訓就昏迷, 六點鐘先識醒..仲話今個week訓少d,上機先訓... 起左身睇下電視報紙都七點喇..於是就同爸爸一齊去搵位食飯, 好出奇地一落街就見到阿(女麻)入左黎喇, 於是叫佢上去等住先啦..其實咁早去搵位都唔知做咩..人地9點鐘先開似烚下烚下.. 於是就去百佳逛下啦, 買左一支牛奶公司西柚奇異果乳酪(呢排好鐘意), 收銀姐姐做野既速度完全係我未訓醒時做野既速度再除十!!! 見到都唔耐煩想自己做埋佢~ 不過見佢滿面笑容咁, 就好自然咁同佢一齊笑, 之後就冇咩野lu, 笑原來真係好有用架~

買完野飲返番酒樓都係八點幾..於是同爸爸兩個一齊坐定定睇電視, 呵~ 黎明呀~~ 係屋企可能會睇唔到喇..唔知點解要係出面先會坐定定睇電視, 係屋企開左都唔會有人睇.. 每次出街食飯就有好多電視想睇架喇, 係屋企悶都抽筋都唔會有.. 今晚我地就想睇明珠台既火星人喇. 不過爸爸話個部長一定唔肯轉台喎...

食完飯返到屋企都十二點..又忍唔住食左個starbucks月餅, 我覺得普通係好食過特濃好多囉~下年都係唔買特濃喇..不過爸爸話兩隻都唔好食, 下年買第二間喎.. 下年?? 下年都唔知係香港過中秋定英國..

而家都差唔多三點喇..聽日返唔返日文好呢?? 好眼訓...都係訓醒先算..

>>September 14, 2003 at 8:39:30 PM GMT+8

2003 年 9 月 12 日星期五【晴】

呢個係九月十二號既:

拿, 首先我要講既係~唔係因為我懶所以又冇寫呀! 係因為我琴日冇返屋企喳!! 琴日唔知點解一起身就已經五點半..成個暑假都冇試過咁遲起身, 一講話要訓少d,留番上機先訓之後就係咁喇..五點半起身, 收到寶寶電話, 佢話已經約齊人喇喎..咁我就真係要起身啦..六點鐘落去剪頭髮, 我明明叫佢剪薄d架麻..唔知點解剪完好似仲厚d既..剪完就返屋企等夠鐘喇..但係我又心思思好想BBQ喎..原本爸爸話陪我燒既..不過又唔係好想等佢返黎先燒..而且又想同佢地食飯多d, 於是就問下佢地睇下攪唔攪得成啦..點知都係唔得既..於是就去左顯徑食日本野喇. 有寶寶啦,生生啦,肥仔啦,車車啦,伯伯啦,Kelvin Wong啦同肥仔女朋友. 明明約係楊中等架麻, 不過唔知點解冇人去, 個個都自己去哂食野到等..哈哈..果然係兄弟姊妹, 個個都係老點, 冇一個會去! 食完之後就去肥仔屋企喇. 一食完喳..就一個二個打電話報到..真係..

係肥仔屋企玩通頂, 好似係camp咁. 好開心車媽同肥仔媽仲記得我啦~~~仲可以達到我全名!! 勁開心!! 仲有收到生生既血腥熊!!!!! 超開心~~多謝生生!! ....如果你都可以玩通宵就好喇..之前個幾次都冇你份..雖然都預左你唔會得架喇..諗住你叫埋佢黎會ok啦..點知都係唔得..每次你電話響都知差唔多架喇, 我信你有爭取過架!! 不過我都知輪唔到我地做d咩架喇, 見到你咁既樣, 其實我地都唔開心. 我都唔忍心講d咩..只係有d無奈同你say左句bye bye.. 希望我唔係度既時候你同佢真係會開心d,成熟d啦!!

琴日既時間唔知點解過得好快, 我記得我地好似玩左一陣鋤大dee, 打左一陣機之後就上哂床傾計喇..益哂肥仔啦~~ 哈哈. 好兄弟姊妹feel!! 亦都發現我地咁多個其實都係幸福人~ 有一個青梅竹馬既老死已經夠幸福啦~~何況有幾個tim~~ 雖然又係傾傾下訓著左, 不過都好正. 但係我好嬲你地咁樣對Kelvin Wong啦!!! 一個二個訓哂覺, 剩番佢一個坐天光!! 人地唔小心開大聲左少少之麻, 你地就即刻怒視佢!!! 攪到佢走人!! 其實呢, 我覺得佢係唔識開肥仔個大門所以先坐通頂架..因為肥仔一醒左, 佢就即刻叫肥仔開門俾佢喇..有可疑..!

同Bo Bo 親密接觸左一日之後, 我發現我已經唔係好怕狗喇. 雖然只係識得既唔怕, 唔識既仲係好怕, 兔仔, 貓, 老鼠..等等等等有毛既都仲係唔得..不過已經有好大進步啦~ 起碼唔會掂到Bo Bo就喊呀~~

>>September 14, 2003 at 2:54:54 AM GMT+8

2003 年 9 月 11 日星期四【酷熱】

琴日因為太夜既關係,所以冇寫到日記..hee 講返琴晚先. 琴日起身已經十一點,不過我都好勤力出左去返工,出到去十二點幾,做左一陣野就去左海港政府大樓拎HKSAR passport.拎完就去左行街睇燈籠..不過睇唔岩..都冇幼稚園個陣玩個隻膠小巴燈籠既..行左一陣就收到Terence既電話叫我去Lane Crawford等佢.去到拎完野之後就乖乖地返鋪頭喇. 收左工之後就去搭603去阿香屋企食飯.等左半粒鐘都冇車..俾阿香催左幾次..我都唔好意思,人地煮好哂仲要人地全家等開飯...終於有車之後上左車諗住好快到啦..點知塞車..個司機好慘呀! 俾個乘客鬧, 個乘客係一個師奶黎既, 佢鬧個司機咁遲先黎喎..個司機話"塞車麻!" 個乘客仲係咁鬧, 話個司機梗係唔知兜左去邊..etc 好鄧個司機慘, 遇到d咁既客..無理取鬧..人地都係打份工者,而且塞車都唔關佢事架!! 自從返左工之後, 知道呢個世界實在有太多呢d人喇, 都覺得唔洗咁呀, 大家都係打工既..跟住好自然去買野個陣都會同個sales客氣d. 講返餐飯, 上到去之後就梗係猛say sorry啦!! 要人開哂飯等.. 第一次見阿香既父母就係咁真係唔好意思..好彩阿香男友,阿香個妹同阿香個妹個男朋友都係度先冇咁驚.. 唔知點解我真係好驚見家長...阿香媽煮左勁多野食!!! 除左魚,蝦,蟹, 仲有白雲鳳爪, 鮮竹菤, 仲有勁多好考工夫既菜..仲有一煲有花膠,豬肚,冬菇etc既湯..連生果都有八款我揀..死未?! 我見中秋,所以拎左盒美心月餅上去,不過香媽好客氣咁封左封利是俾我, 除左傾計之外, 大部份時間香媽都係同我數佢個女. 哈哈攪鬼~

講返今日先, 今日中秋節,唔知點解好好好眼訓, 原本今朝食完早餐去剪頭髮都冇去, 訓到兩點半都唔識醒, 我成個暑假都係得今日係喳..到Vannie打黎先醒..就係因為佢個句"你唔買呀?我自己買架喇!" 攪到我即刻彈起身,出到去又一城都好似三點半喇. 我地第一站就梗係去馬拉松買左鞋先啦,終於都係買左新款喇.我買白色, Vannie買黑色. 我試左兩對都已經決定到, 但係呢, 人地呢, 試左N咁多對..好似揀人世咁....好彩終於都買得到, 唔係我地打橫飛出街都似...買完之後就打俾Terence叫佢拎d野去九龍塘俾我喇..唔好意思,攪到你咁趕...仲有另一個唔好意思呀..就係我今晚都係有出到旺角架..hee...

上左旺角食飯,係等開飯既期間, 唔小心俾阿女麻鬼鬼鼠鼠咁鼠左落街..我地突然間發現唔見左佢先知..果然係落左去斬料..到佢返上黎個陣,佢話原來下面咩都收左喇..即係話佢搵左好多間啦...唉..叫阿亮去麻..

記得上年中秋係英國過, 今年係香港同屋企人過, 正好多, 人地話咩外國個月亮特別圓, 我就覺得香港個個圓好多, 靚好多囉!!

今日聽到人地話, 一個人如果冇朋友, 呢個人既人格或多或少都係有問題, 睇完我都有同感. 咁大個人, 一個普通傾得埋既朋友都冇..仲要臭名遠播.. 除左有同感之外, 同時間亦覺得佢係一個好可憐既人.. 因為朋友呢一樣野好重要, 我諗大部分人都係掛, 起碼多數人生日都係同朋友過. 諗到呢一點, 再諗埋佢做既野..就覺得佢其實好可憐..跟住就唔知點解好似原諒左佢咁..冇咩反感lu..雖然, 無可否認, 無左佢, 係會開心好多. 不過, 算啦, 橫掂由頭到尾成件事我都係處於被動, 我咩都冇做過, 亦唔會做d咩, 希望佢可以好似我d朋友仔咁慢慢開曉啦~

P.S. 為左應節既關係, 我食左兩個starbucks月餅, 半個草莓月餅同四分一個tiramisu. 哈哈好幸福~

>>September 12, 2003 at 1:44:00 AM GMT+8

2003 年 9 月 9 日星期二【晴】

今日係好清閒既一天~~ 上網上到今朝五點先去訓, 十點鐘就起左身.. 九千幾萬個電話..!! 今晚一定要鎖密碼先訓..! 印象中我好似全部都喂完就收線. 最尾一個係銀行打黎既.. 佢係我cut線前就話徐小姐點點點點點..所以好自然就聽埋落去冇cut到lu~ 銀行既辦公時間究竟係咪朝頭早八至十呢?!?! 永遠都係呢d咁早既時間打黎...

十點鐘咁早起身就梗係去食早餐啦~~ 食完就返屋企煲湯喇~~ 好叻女, 煲節瓜湯~ 到五點幾就落街買送. (好乖) 之後就搵Mr.串燒, 因為我今日終於有時間做整tiramisu喇!! 拎左d材料之後我地再去買埋個打蛋器就開始動工lu. 下次都係買個電動既好喇..打蛋打到我抽筋.. 不過我覺得成個過程最難唔係打蛋個part囉, 係要用d.c.影住成個過程先高難度.. 本身我已經"lei咁hei"..又禹兩隻手..完全抄足哂阿某整餅既feel.. 唔知點解串先生自己整個陣唔錄囉..係要揀我整個陣先俾個咁重大既任務我..! 之後睇帶仲要係度勁笑!!!!!!! 木枉我食完飯仲特登拎餅帶俾你!!

今日除左整tiramisu同煲湯之外, 餐晚飯都係我煮架!! 有咖哩雞配蒜蓉包啦, 魚腐啦同埋炒娃娃菜~~ 全部都係我自己買自己煮架...係後尾差少少煮完個陣見阿娘有d悶咁既椒咪俾佢玩下囉.. 都好成功呀~不過如果煲湯記得落鹽既話, 而d魚肉就落番少d鹽..同埋d辣椒係落係咖哩到而唔係落係d菜到..咁可能會好味d d 既.. hee.. 人地煮開西餐麻! 不過個tiramisu我好滿意呀!! 個味好似呀! 從上面望落去都好似呀! 係個色差d同d咖啡粉大粒左d d者! 但係第一次整, 可以入得口都已經好好喇!! 意大利名菜黎架!!

早幾日叫爸爸買starbucks既月餅返黎試, 琴日終於有喇. 唔知買邊隻喎, 兩隻都好似幾好咁喎..終於...佢兩隻味都買哂....拿!!! 遺傳黎架!! 唔知買邊個好就買哂!! 咁..佢會唔會叫我買哂新舊兩隻款既公雞鞋呢?? 呵呵呵~ 都係講番個月餅先, 我覺得唔係咁好食囉.. 同我想像中好大分別, 差過我整既tiramisu!! 真架! 冇講大話架! 而且我食完個月餅就肚痾喇...三次呀..! 拿, 我講明先呀--唔關我個tiramisu事架!!!!!!!!!!!!!! 係我食tiramisu之前既事黎架! ! ! ! 我知你地班人架!! 肯定會話因為我食左自己整既餅架..!! #%$^&@#()$* 邊個咁樣講就殺邊個 ! !

後日就係中秋節喇, 會唔會bbq呢?? 我好想呀.. 報紙話今年中秋個月亮會係廿世紀以黎最圓架.. 好, 信你架喇, 等我今年look大對眼睇真d先~~

>>September 12, 2003 at 12:20:20 AM GMT+8