Showhappy.net - Members diary

日記

日記主簡介

<< 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 >>

2003 年 11 月 28 日星期五【乍雨乍晴】

話明係飯堂..梗係耐唔耐都要去下啦.. 今晚又同Leo, 嘉嘉同埃糞去左Blue Sky..琴晚就同Shabs去左International食巴基斯坦菜.. 前晚同咩咩, Rebecca, Jeremy, Stefan食.. 再前一晚食佛笑樓.. 再再前一晚又係Blue Sky.. 好耐冇煮過飯食喇.. 唔數喇.. 好似越數越離譜..

Vannie, 我知你想呀.. 但係連你都咁識諗, 冇理由我仲嘈住返架.. 我成熟過你架麻!! 而且都發左爛喳話唔返咯.. 唯有俾心機d溫書啦.. 或者返工囉.. (or u can say 做工for 阿LaW) ^^ 係呀, 你認唔認得咩咩呀?? Summer個陣你同我一齊係又一城見個個呀? 不過個時我好似同你講佢係Terence唔係咩咩架.. hee 你認唔認到佢呀? 佢認得你喎~ 佢xmas返香港呀~ （基本上都係得我同嘉嘉唔返..）我叫佢幫我俾份聖誕禮物你好唔好呀?? hehehehe 係呀.. 我唔會咁好死架~ 我想你幫我睇下隻手錶配唔配到呀~ hee 一係你行街經過個陣問左先啦.. 好唔好?? Vannie小姐, 咁人地真係唔記得左你打過俾我麻.. 我真係有俾心機諗架.. 都叫你溫柔d咯, 唔好成日八婆, 死八婆咁啦! 唔係呢度d朋友仔會叫我疏遠你, 話你教壞我架!!! 香港個d朋友仔唔洗理啦, 識得你太耐, 你呃佢地唔到架喇, 不過我呢邊d朋友仔都會睇diary架, 你扮下野都好, 唔好失禮我呀! 我唔想又聽到佢地問 "Vannie? 係咪一個禮拜唔見兩次野個個?" 我更加唔想再聽到佢地問"Vannie係咪同你一樣成日都懵下懵下個個, 你地兩個邊個懵d呀?" !!!!! #$%^*# btw, 嚴重聲明, Vannie衰既野唔好拉埋我落水!!!!!! 我同佢FRIEND絕對唔係因為近朱者赤!! 係因為我要照顧佢~

我都好開心你中意張卡啦! 連你都覺得我應該溫書.. 我都知我應承左你地會俾心機讀書, 我都知道你地有我陪你地過聖誕會開心好多~ 哈哈哈哈~ 我都係.. 有你地一齊過xmas會正好多好多!!! 不過出錢個個係我老豆.. 咁你地都覺得我唔應該返.. 咁樣會攪到我好guilty.. 你地都知我上年xmas都冇嘈住返架.. 但係今年真係好想好想返.. 不過你地咁識諗 (最Surprise係阿暈黎小姐都係囉!!) 我都要生生性性讀書, 唔會再扭返香港!!! 話左唔返就唔返! So, Terence & Rebecca: W H A T E V E R !

唔知你信唔信我決定唔返香港係因為我唔想見到你架呢?? hehe sorry呀~ 係真架! 真係唔想咁快見到你喎.. hehe 你知我永遠都唔會對你講大話架! 落左咒架~ 唔知點解你係唯一一個我唔想咁快可以見架囉~ 我真係覺得你唔想我xmas返架.. 我都唔知點解咁諗你.. 心淡都冇用架喇~ 我真係咁覺得麻!! 而且我怕見到你會忍唔住打你一身!!!! 死蠢!!!! 雖然我知你見到我會好開心~ 哈哈~ 我太了解你~ 咁我都會好開心既~ 不過都係過左呢排先啦~ 費事!! 如果可以好似以前咁成日專登去攪屎棍, 之後走左去由得你地攪掂佢就好喇.. hehehe 咁.. 由識你到而家.. until NOW.. 都係得你講責任講得咁犀利架之麻~ 你知我不嬲都唔洗負責任架~ ^^

P.S. 呀~ Vannie, 差d唔記得話樣好重要既野俾你知呀~~~ Terence都話你似被輔導個個多d呀~~ see?? 旁觀者都咁覺得~ 不過佢都有幫你兜既.. 兜到好似串你咁囉.. 佢話可能因為你完全明白個d需要輔導既人既心理~ 所以你揀呢科喎~ 哇哈哈哈哈~ 認左佢啦~ 旁觀者清呀!!!

P.P.S. 突然間醒係B仔同咩咩今日話叫阿Wings返dosage form.. 你兩個超賤超冇品!!! 鬼唔望阿Wings有睇我diary, 星期一問返我!!

hehe 諗返起寳寳個八婆中一個年寫週記篤人背脊!! 哈哈車車你知唔知佢個八婆篤你地上堂傾計嘈住哂, 所以你地先成日俾人調位架?? 個陣個二五仔就係佢喇~ 不過而家好似到我係diary篤背脊~ hehe 今日周圍辣火頭, 聽日實係咁俾人鬧~ 不過你地好耐冇話過我喇~ 特別係寳寳同Vannie~ 我最最最中意聽你兩個鬧我架喇!! 快d鬧~快d鬧~ 要用返你地不嬲鬧開我個陣用個d terms架喎! 得你地會咁鬧我架喳!!! 不過我唔係好記得係咩喇.. 唔.. 上次我係Manchester返黎之後打邊爐個日.. 你地用Three-Line打黎個日呀, 你地有好似平時咁用用開個d terms黎鬧我架~ 好正, 好親切, 好好feel架!! 你地記得再鬧過!!!

*****************
Ka Man:
HaPpY BiRtHdAy!!
*****************

*****************
芝:
HaPpY BiRtHdAy!!
*****************

>>November 29, 2003 at 10:40:45 AM GMT+8

2003 年 11 月 27 日星期四【乍雨乍晴】

返.. 唔返.. 返.. 唔返.. 今日全日都正係識諗呢樣野.. 返? 唔返? 究竟返唔返好呢?? 你地都知我好想返香港過xmas.. 媽媽都叫我返.. 爸爸就話冇所謂我中意.. 好想.. 但係又過唔到自己個關.. 而且連Vannie都話唔好返.. 叫我溫書.. 即係話你地都知我返左去係無可能溫到書架啦..?! 伯, 其實八千蚊已經唔算貴架喇.. 之前個價上到去差唔多二萬蚊呀.. 經濟位喳.. 其實..都係擔心revision多d囉.. 100%溫唔到.. 不過又剩返人地一個係度.. 爸爸話不如叫媽媽過黎陪我.. 但係咁樣寧願我返去好過喇.. 因為上年妹妹過黎陪我完全係捉哂蟲... 而且今日發閔憎個陣話左唔返喇!!! 無理由聽日又話返架...?! 而且有嘉嘉係度麻!! 嘉嘉會帶我去玩既~

今日Shabs終於返番bradford喇~ 今日我終於收到個屬於自己既生日蛋糕喇~ 嘉嘉, 我終於有生日蛋糕劈喇~~~ 雖然遲左兩日~ Y~ 唔係呀, 原本應該25號有生日蛋糕架~ 串燒好好人咁特登係25號好俾心機整左蛋糕sss俾我.. 不過我25號上網個陣佢已經走左喇.. 今日先收到~ 香港整既生日蛋糕啦~ 仲有我個名架!! 明知我食唔到都肯整!! Thankyou!! 而家睇住相先~ 我返到去你要整哂咁多隻款俾我食架~ ^^

哈哈, 係呀Vannie, 我記得喇!! 你叫我起身miss call你架!!! 我起身之後仲呆哂係度諗我有d咩未做呢?? 我知自己有野要做架.. 不過諗極都諗唔到!! 我仲話我有野未做呀.. 好重要架.. 不過都係諗唔到.. >< 如果早d記得就好喇.. 咁我個生日就會冇咁悶, 開心好多喇~

今朝早做實驗用貓呀!!!!! 玩老鼠都唔夠.. 唔知點解我硬係覺得佢地係利用隻貓捉完d老鼠俾佢地做實驗之後就連隻貓都用埋.. 而且隻貓無斷氣架..麻醉左喳.. 可能佢捉唔切老鼠所以俾人用住先.. 我都唔想咁諗架.. 不過有幾何lab會用貓?!!? 好彩demo喳.. 唔係喊到我傻都似.. 我唔怕BoBo架喳.. 其他仲未得架..

今日收到媽媽寄俾我張生日卡啦.. 一張英國Hallmark既生日卡, 仲要揀英國好重視既21歲卡.. 再寫全篇英文.. 一隻中文字都冇.. -.-" 媽媽會唔會已經當左我係英國人呢?!? 不過我地果然係一家人~ 媽媽18號生日, 佢張卡我18號寄~ 而我個張, 我發現佢都係24號先寄~

今晚同ShaBs, KaoLa, HilFer, JeRome, BaLLy, etc etc去左Horton Bar, 不過我飲J2O喳~ 一支tim喳~ 佢地之後再過ReVoLuTioN 我都冇JoiN喇~ 好乖~ 聽日返0900呀.. 而家都兩點半喇..

P.S. 嘉嘉, 你未訓醒留個個MSG真係好傻麻..你咁勁係度吹到雞架? 咁你叫人地聽教聽話喇~~~

P.P.S. VaNNie, 唔好咁嬲啦~ 如果你溫柔既話我一定記得你架~ 你知我除左成日失憶之外, 仲會選擇性記架麻!! 你知對我好, 溫溫柔柔講個d我實記得架~ 下次記住喇~ hehehe xXx 鍚返唔好嬲啦~

>>November 28, 2003 at 10:43:15 AM GMT+8

2003 年 11 月 26 日星期三【乍雨乍晴】

今日既present都ok啦, 如果唔係直踩, 冇訓過就去present既話會好好多囉.. 不過好彩都唔差~ 雖然應該可以再好d..

Vannie, 我真係完全無印象你有打俾我.. 可能係你冇阿華咁溫柔呀~~ hehe 我夜晚個陣仲係度諗點解個八婆仲唔打電話俾我架呢? 等我仲等你電話.. 你真係打左? 唔好係度扮野喎! 知我唔清醒係度搏哂懵!!

舒舒, 多謝你張卡同埋d字.. 滾動~~ hehe 你仲記得我儲"生日快樂"呀?? hehe 冇儲lu, 上年開始冇lu~ 因為d人會知我儲而特登唔講既.. 你知我身邊既人都中意同我包~E頸!!! 佢地冇你咁好, 知道我儲所以講多幾次架...

楷楷, 我都唔知你係咪拍拖拖呀, 你都知我都係人地話我知, 我先會知架啦~ 不過你成日都咁忙, 佢地assume你係陪女仔囉~

今晚去左Terence到食飯, 原本下晝去買野, 不過我一訓就冇起到身.. @.@.. Sorry Rebecca, 要你去買野, promise冇下次!!!

今朝(其實都仲未係朝)撞到個好好人既郵差叔叔, 佢送左一樣好重要既野俾我~ 雖然係好普通既野, 不過最滾動既係送黎既過程~ 又凍又遠!! 多謝你!! 我真係好認同個句咩物輕情意重同咩重於鴻毛!! 仲有曾經諗過做郵差既你, Thankyou! xox

朋友仔, 你地早幾日好辛苦咁安撫我唔好嘈住返屋企既情緒, 今日已經俾人一鋪炒起左.. 我超級極度非常十分地想返屋企.. 好想同你地行街買衫睇戲食飯唱K睇燈飾count down.. 不過我會以大局為重先既, 睇下溫唔溫得切書先, 你知我返左去都唔會有時間or心情溫架啦.. 我唔似得呢度d人咁呀~ 玩左先算! 不過...同你地去日本又好吸引喎.....

P.S. 咩咩 & ReBeCCa, 你兩個唔好同一時間係我附近出現!!
P.P.S. Vannie, 原本諗住帶大口仔架, 不過落雨又唔捨得喎.. 佢都係要留守多一排先可以出動呀...
P.P.P.S. 嘉嘉, 你真係╱[......

************
肥仔's媽:
生日快樂!!!
************
祝你個細仔醒少少, 唔洗要你擔心~ ^^

>>November 27, 2003 at 7:10:59 AM GMT+8

2003 年 11 月 25 日星期二【乍雨乍晴】

收到好多好正既msg

阿Law係第一個祝福我既, 真係好開心你記得, 較岩時間, 仲記得達埋我個朵, heheThankyou!! It means a lot !! xox

仲有車車既:
妹妹~~~~~!!
happy birthday to you.....
happy birthday to you.........
happy birthday to 雅雅~~~~~~~~~~~~
happy birthday to you!!!!!!!
(拍手掌~~)
妹妹許願:好想返香港見你地啊~~~~~!
(眾人圍著雅雅亙咀~~)
切蛋糕~~~~~~收禮物~~~(惟獨是無左阿哥個份?!)
哈哈哈~~~阿哥記得架~~~
不過慣左唔送嘛~~~~~~~~
下次你返黎錫淡補數啦~~~~~~:-*

其實睇完有d驚, 因為車車你好似有妄想症.. 自編自導自演 hehehe Luv u~

仲有你個個都好攪笑~
“你記住要著好多好多衫先好番學要由頭包到落尾唔好凍親呀”

唔洗真係著好多好多呀??

仲有阿華既:
”生日快樂......... 祝你年年都咁靚, 唔好成日比人呃, 唔好再咁蠢, 自己識得照顧自己.... happy birthday, i love you”

華, I love you TOOOOOOOOOOOOOOOOO ! ^^

仲有Vannie既”Kia～生日快樂呀!!!!!!! 大個女喇!! 我要你今年生日好開心!!”
Vannie, 你知如果你可以用個好開心既樣同我講, 我會開心好多.. xo

仲有家俊, 楷楷, ReBeCCa你地, 同埋最surprise既為秋, 你講得出, 我就一定信你真係記得既! Thankyou very much!!

仲有RiChaRd, WinGs, JaNiCe, BoBBy, CaNdy, SteFan, AnThoNy... 既sms, 仲有你同你DaD&MuM既生日卡!! 好攪笑..分兩張.. 仲有好多人既Happy birthday同生日快樂!! 無論你地係出於咩原因同我講, 我都會好一廂情願咁當係真心既祝福架喇!!!

今年聽得最多個四個字唔係"生日快樂"...係"大個女喇".. 真係好多謝你地提我啦!!! 我都知你地點解咁講.. 但係.. 我真係好想返屋企同你地過麻… 我知你地錫我.. 呢度d朋友仔都對我好好, 我都好鐘意佢地, 不過係你地攪到我習慣左生日有你地係隔離麻!!!!!!!!!!!!! 係你地攪到我想返屋企麻!!!!!!!!!!! 攪到我咁掛住你地,都係你地一手一腳做成架!!!!!!!!!!!!!!!!!!! 最衰都係你地!!!!!!!!!!!!!! 呼~ 開心返d喇..

如果有人想combine生日同xmas一齊寄既話, 即係遲左個d呢~ 即係阿森呀, 楷楷個d呢!!! 咁..可唔可以xmas個陣揀生日卡寄, 唔好揀聖誕卡呀???

琴晚通頂之後到今朝成點先訓, 一路訓個電話一路叫, 有sms亦都有call, 阿華, Thankyou for your call! xxx 雖然我昏睡緊, 不過我都記得你有打俾我架, 不過真係好迷迷糊糊.. 除左阿華, 我真係唔係好記得仲有同邊個講過電話..?? 記得應阿華個陣好有香港feel, 因為如果我訓緊, 你地打黎嘈醒左我既話, 得你地會好溫柔咁同我講咁你繼續訓啦, 我一陣先再打俾你~ 不過係英國, 同你地講電話係最大既!!! 訓覺都要行埋一邊~

今日我生日.. 但係只係對我同屋企人有意義.. 唔一定會個個都對我好一樣係要食飯訓覺返學做功課

"八婆, 生日快樂呀! 今年生日唔準你再唔開心呀! 我要你好開心! 知道未? 唔係既話, 我以後都唔會再理你架!"
呢個係我今年最後一個收到既bday msg.. 我知你一早send左俾我, 不過我好晏先收到.. 我諗如果係我訓緊覺個陣, 早d收到既話, 我唔會睇個陣有喊既衝動, 八婆Vannie !

今日全日都唔active, 唔清醒, 唔知做緊咩, 如果寫少左咩既唔准嬲架!!
Thankyou again for all the wishes! LoVe U GuYs LoAdS !

仲有你啦, 陪我傾左咁耐計! Thankyou !!!

>>November 26, 2003 at 12:13:51 PM GMT+8

2003 年 11 月 24 日星期一【乍雨乍晴】

晏晝四點收到寳寳既電話, 佢話我知我而家係香港已經係大哂, 不過係英國仲要慳D先..

今晚又係去左Blue Sky食飯, 因為朋友仔幫我同Fanny慶祝生日, ThAnKyOu CaNdy, KeViN, WaYnE, CoCo, JoYcE, MiCheLLe, VirGiNia, Ka Ka & Leo, 仲有多謝哂D禮物!! xxx

森, 你玩野呀講龍蝦?? 你d白痴野仲係我手上喎~~~
楷楷, 唔好用辛苦兩個字, 用Enjoy會開心好多~

好想返屋企.. 好耐冇同過你地過生日... >< 仲有跟住個三年都冇你地陪我過...

*******************
FaNNy:
HaPpY BiRtHdAy !!
*******************

>>November 26, 2003 at 11:56:01 AM GMT+8

2003 年 11 月 23 日星期日【乍雨乍晴】

凍死我喇... 呢幾晚唔知做咩又凍番.. 真係凍到傻.. 早幾日都仲好暖架.. 但係琴晚NiNo話我聽得返零下幾度喳.. 出到去就覺得自己好似一個煲緊水既茶煲咁, 個口同個鼻都係咁係到噴煙, 仲要係好多好大煙個隻.. 之後d手指就開始凍僵.. 然後就好痛喇.. 仲有耳仔.. 好似想甩咁.. Vannie, 大口仔可以出動喇.. 十一月已經凍成咁.. 今年肯定會好慘喇..... ><

今日間房又多左兩樣Mickey喇~ Thankyou咩咩同B仔!! 原本唔覺架, 不過多左之後就發現原來間房多米奇老鼠, 係會有屋企feel架~~~ 可能係香港太多米奇喇, 特別係張床.. hee 雖然有咁多隻米奇老鼠, 每隻都一樣樣, 但係我都記得邊隻打邊隻, 係邊個幾時送架~ 唔知幾時先儲到一百隻唔同款架呢? 我諗都係要搬出去之後喇.. 因為媽媽已經開始complain喇.. 香港個d Mickey, 已經俾媽媽用保鮮袋將佢地打包...一個二個都變哂太空人咁喇.. ><

今日訓到四點半就俾人嘈醒左喇.. 如果冇電話會幾點醒呢??

星期三就presentation, 不過今日同琴日都唔想做.. 仲有三日, 未到last minute都仲係冇咩推動力..

嘉嘉!!!!!! 即係唔串我就過唔到自己啦?!!!! 你唔好唔記得我80%架! 唔小野架!!

今年真係過得好慢呀, 好想快d考試, 然後快d返香港, 今年好想可以快d見到你地!! 哈哈, 我岩岩記係肥仔個日icq.. 真係白痴架.. 我只不過口痕同佢講"七點半body shop等", 佢又問我係咪返左香港.. 哈哈, 放心啦~ 我唔會又靜靜雞返香港架喇~ 我唔想捉蟲呀!! 一個人拎行李好慘架!!

又冇去basketball training, 已經三個weeks冇去喇.. 真係唔想麻.. 不過我有一樣野要講既係, 我冇好似你估我咁去到正係識渣住個波係度笑!!! 我好耐之前已經唔會成日咩都淨係識笑喇!!!!! 呢d已經係咸豐時期既事喇!!!!!

今日上網睇返你地以前d瘀野, 係你地個D喳!! 好攪笑.. 真係無腦架!! hehe ..好掛住楊中既日子.. 亦都好掛住repeat個年, 除左訓覺冇見之外, 個個鐘都對住既生活.. 仲有去camp.. by the way, 森, 星期三禮拜幾呀?? hehehehehe ...

我以為已經冇事架喇.. 不過原來我仲未好得返哂...

*********************
KiMi:
HaPpY BiRtHdAy !!
*********************

>>November 24, 2003 at 7:35:42 AM GMT+8

2003 年 11 月 22 日星期六【乍雨乍晴】

我好認真好鄭重咁講多一次, 而家香港係快八個鐘, 你地呢排成日都見到我online係因為我咁多日都朝早先訓, 我唔想成日半夜三更俾人問我點解又唔返學!!!!

琴晚又攪到今朝五點半先訓, 不過今次既原因好好多, 唔係因為reports, 係因為同車車&肥仔講到唔捨得訓~ hehe

今日媽媽收到張卡喇~~~ 今年遲左四日者.. hee 媽媽好鐘意張卡啦~ 緊係~ 乖女買架喎~~~
晏晝又同爸爸傾計...
“你星期二廿一歲喇喎, adult啦, 可以自己話哂事喇~”
“我唔係不嬲都自己話事架咩?”
“我係話咩事都係呀, 大事呀~”
“即係咩呢? 結婚呀?”
“好呀~”
“咁我聽日結婚, 唔讀喇, 我返香港喇~"
“如果你想~”
“超~ 你知我唔會先咁講之麻!”
不過其實想想地架~ 梗係唔係想結婚咁恐怖啦~ 係想返香港呀~ 快D grad就好喇!!

今晚又去左Blue Sky食飯, 因為朋友仔幫我同Stefan慶祝生日呀~ ReBeCCa, JeReMy, aManDa, JacKie, KaKa, TeReNcE, ViVieNNe, CeLiA, iVaN, MiGueL, NiNo, LeO, HeLeN n SteFaN's SiS, THANKYOU !! xoxox 仲有ReBeCCa親手整既冰蛋糕!! hehe 仲要多謝SzE HoM既雪糕同埋MiChaeL隻手指呀~ 希望你快d好返啦!! 阿LaW, 你係咪好想JoiN呢?? ^^

森, 哈哈, 你依然係咁可愛呀~ 你知我都唔mind既, 整鬼你之麻~ 只要我返黎個陣, 你請我食有士多啤梨, 芒果, 西瓜, 密瓜個d就得架喇~ 我要食呢d, 唔要食什果架喎!! 哇哈哈哈哈~ 真係醒!! 不如我每日都post一單你d白痴野上黎, 好唔好呀?? hehehe

P.S. 原來香港條鱷魚有名架~ 叫做”陳鱷鱷”呀!! 好鬼cute~ 聽完更加唔想佢俾人捉.. 你地由得佢係個度, 唔好攪陳鱷鱷啦...
P.P.S. 4th + 5th
P.P.P.S. B仔, 再差既你上年都見過啦~ 笑~~~

*********************
Stefan:
HaPpY BiRtHdAy!!
*********************

>>November 24, 2003 at 1:20:49 AM GMT+8

2003 年 11 月 21 日星期五【乍雨乍晴】

今日又去左Blue Sky食飯.. another飯堂..

琴晚做到今朝五點半呀...-.-" 較左九點鐘鬧鐘架, 不過熄左都唔知.. 早知較多個.. 好彩你打黎叫我起身喳!! ^^ 份Essay交左lu, 不過始終都係做唔哂, 做左一頁紙, 400字喳.. 交左先算.. (唔好鬧我!) 訓左四個鐘呀, 所以唔算眼訓, 下晝個堂都有返~ 唔似得B仔.. 又day 自己off..!

終於都同到依莎傾計喇, 雖然十句都冇.. 不過都一解相思之苦啦!! 起碼知佢攪緊咩! 仲有串燒tim呀, 真係好開心你做到自己想做既野, 而你自己又做得開心!! 俾心機呀!! 有幾多個款俾我揀就睇你喇!! 唔..先有阿信同舒舒, 再有串燒同依莎, 唔知下個會唔會係阿MoE呢?? ^^

雖然今日又有無奈野, 不過傾完計之後個感覺好左呀, 你要努力D幫我鎮驚呀, 知唔知?? 我知你做到既!! 我又努力, 要哂3/3!! ^^

今日收到阿LaW既sms呀!! 開心~ ThAnKyOu!!

P.S. 今日話俾肥仔知阿伯連birthday都串錯, 諗住可以一齊笑佢, 點知佢居然話"唔係brithday咩?" ..#$%@#*%& 你兩個一齊去死啦!!!!!!

P.P.S. 我知我地咁多個杯苦茶都唔會好大杯既, 好快就會有糖食! VaNNie, 撐!!! 二豬都要撐!!!

********************************
雖然愛情已轉換了跑道
記憶還有你許多的記號
謝謝你曾經真心真意對我好

我很好回想也會帶微笑
只可惜當時我們對愛了解太少
想知道你現在過得好不好
其他的都不再重要

我需要你比從前更好
如果可以我要給你感謝的擁抱
這一秒只記得你所有的好
幸福是氣泡但我至少曾經找到
*******************************

>>November 23, 2003 at 12:27:17 AM GMT+8

2003 年 11 月 20 日星期四【颳風】

今日返兩點~ 真係好~ 訓到十二點之後再上三個鐘~~ 幸福~~ 不過B仔咁都要走堂.. 四點個堂都唔上!! 仲要係咁叫我走!! 不過我完全冇聽佢唆擺~ 證明左我唔係一個善變, 渣唔定主意, 易受朋友影響, 三心兩意, 朋友仔講兩句我就改變既人啦~ hehehehe

而家朝早四點喇.. 仲做緊份Essay, 聽日係交draft既deadline呀.. 一千八百個字, 而家寫左四百字.. 仲有千二.. 即係三版紙.. 好乖呀今日~ 六點半我已經坐低做BioChem個report架喇..不過真係估唔到份report原來有咁多野做.. 攪到份Essay咁遲先開始寫.. 千八字既Essay攪到咁last minute先做我都預左俾你地鬧架喇, 鬧啦! 不過其實聽日交個個係draft.. 都未係正式既.. 諗落都唔抵鬧, 唔好鬧喇!

今年既生日雖然係星期二, 不過都唔洗返學呀~ 咁岩朝頭早冇lab喎~ 堂BioChem又cancel左~ 呵呵~ 不過第二日有presentation...

今日上堂既時候電話響呀~ 係長途黎架.. 你地邊個搵我呢?? 如果係寳寳or Vannie應該唔會係我上堂既時候打黎架?? 之後我就掛住估係邊個, 又諗住應該會再打黎, 點知攪到我分哂心都冇再打!!!

快d過哂d deadline就好喇, 咁我就可以解封我既無間道II, 向左走向右走, 衝上雲霄, 洗冤錄II, 陀槍師姐IV, 花樣中年, 迷城家族, 九五至尊同紅衣手記喇~~~ 一套無線劇有三十集.. 咁呢到就有二百一十集.. 一日睇五集既話都可以殺到個零月喎~ ^^

P.S. 肥仔… 唔知點解.. 我始終... 都忍唔住... 係ICQ到rename你做死肥仔.. hee

>>November 23, 2003 at 12:21:17 AM GMT+8

2003 年 11 月 19 日星期三【颳風】

今日同阿信傾左一陣,都成三年冇見佢喇.. 唔知佢而家係點架呢? 我仲好記得佢既十九歲生日過得有幾開心, 幾好玩, 哈哈火燒Locker~

其實返工係咪真係好黑暗呢?? 個個都話好難玩既? 會唔會咁岩遇到個d係咁喳?? 而且..我附近d人都唔係有好多過返緊工之麻.. 你地估返工會好複雜喳?

阿華, 我以前返學要溶雪, 而家都要架~ 不過冇以前咁犀利lu~而家我著幾厚既衫都得麻, 唔似以前一定要著裙同埋個件得個重字既校褸!! 我記得個陣真係凍到喊!!! 個堂仲係Physics曹既堂, 應該係form 4個年架, 因為我係坐阿霈後面既, 冇啦啦係度喊, 嚇到physics曹即係叫左唔記得邊個同我落醫療室~ 出到去仲要腳軟坐左係走廊架!! 我都唔知點解個次會咁勁, 凍到流哂眼淚! 我係透唔到氣咁之後就開始流眼淚喇!! 哈哈好白痴.. -.-" 不過可能個次真係面都青埋, 下面都冇懷疑我係走堂落去訓覺~ 雖然落到去Carmen同雯雯又係度訓緊覺囉!! 佢兩個好似上親Econ都係醫療室上架..?!

香港真係可愛~ 攪咩鬼維港show.. 放多幾條鱷魚好過啦~ 澳洲又有人去捉鱷魚, 中國又話要幫手, 報紙又日日賣, 一條唔洗錢既鱷魚都可以攪到周圍都知啦, 仲走去攪個要蝕成億之後再俾人查, 俾人鬧, 俾錢鬼佬賺既show.. 成日都俾人呃錢.. 人地黎度咪又係捉左成個禮拜都捉唔到.. 又話香港人用籠捉係錯, 扮哂pro.. 而家你黎到咪又係用番香港個籠?!!!? 仲要賴咩可樂罐反光, 工廠區太光! 超~

不過最可愛都係香港衛生署~ 十九度--- "本署呼籲市民保暖" ... 真係暖啦~ 呢度5度都冇人提我地保暖呀.. 香港warm好多~~~

P.S. 阿華, 你學車之前可唔可以學左分左右先?!?!!!?
P.P.S. Vannie係死蠢!!!!!!!!

>>November 23, 2003 at 12:16:57 AM GMT+8