Showhappy.net - Members diary

日記

日記主簡介

<< 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 >>

2004 年 4 月 14 日星期三【微雨】

今天全日都希望時間可以快d過，因為很期待明天的約會啦～
其實只係約了Rebecca去Morrisons，然後去接Jeremy，再去Burger King Lunch。
冷靜之後發現　－　究竟何時開始苦悶到去超市都會咁興奮期待?
.........無奈。
係香港，無假放會想死；
係英國，有假放仲想死。
我好想返學呀～～～～～
雖然返學都係悶，不過都叫有野做下．．．
放假，你話做咩好?
有電視都冇得睇.. =.="

下午上網睇小說。
(我諗我要開左學先可以溫到書)

實在太無聊，下午五時半就上床睡了。

很想見卻掛念誰幸免

re: Vannie，得喇得喇!! 好哂呀! hehe 你記得先好~

>>April 15, 2004 at 5:02:04 PM GMT+8

2004 年 4 月 13 日星期二【晴】

已經證實洗衣房跟本小姐是過不去的!!!!!!!
不過，我先唔會講今次衰咩啦!!
昨晚與Vannie傾電話，佢仲笑緊上次的「洗衣粉事件」！！
我只可以說今次洗衣粉沒有出錯!!!!
只是洗衫呢回事.. 係一門好高深既學問..

下午和Rebecca相聚一刻。存活，很好。
然後去了銀行，郵局。
落小姐，你份禮物應該今個星期會收到。

今天的天氣很好~~
雖然有點熱..
星期日都要好天呀!!
我們要BBQ的!!!!!

經過了昨天柏金遜&癲癇症的摧殘後，
為了振作士氣，決定放棄病呢樣野，向藥埋手。
今天的敵人是 -- 類固醇先生。
誰勝誰負，還是未知之數。
.........因為還沒有認認真真的交手過。
雖然現在已經是半夜五時多．．．．．

寶寶說她今天和Vannie去接BuBu的時候遇到肥仔。
很好!!! 接BuBu你們三個人去接!!!!
商量誰接我的時候就兩個都望住生生!!!!!!
居然旨意佢! 你們忘了我上年有多可憐嗎?!?!?!?!?!?!
我回來的時候不見人的話，
你們一定會死得很轟烈！

電話用不著.. 用email了..
究竟點先肯放過我...

re: 楷楷，係呀! 我之前尋過熊貓一隻，不過好似冇咩人知佢既行蹤.. 你最好耐唔耐就浦下頭啦!! 國寶唔見左好大件事架!!

re: Vannie，無錯，因為你兩個都是小朋友，而且我知道你會因為不被看好而要做好佢。

>>April 14, 2004 at 12:34:22 PM GMT+8

2004 年 4 月 12 日星期一【炎熱】

頗輕易地KO了Parkinson，滿心歡喜嘗試征服Epilepsy。
結果，被 KO了。 =.="
今次的考試好像有點危．．．

晚上和Vannie談了6小時電話(為什麼我還有時間講電話??)
聽了今晚你們在寶寶家的事，感覺依舊，楊中人依然係楊中人!
名不虛傳呢! ^^
之後被Vannie單方面重數十年前既事.....
我重申，我絕對唔覺得「地下鐵事件」有什麼好笑!
還是deedee近期的「dee神」比較經典!
呵呵～ $2.4都輸不起的dee神。

除了想起Vannie就會想起糯米飯之外，
現在想起Rebecca都會想起Burger King...
偏偏這兩個就是跟我接觸得最多的人..
害我一天到晚都在想吃.. 無奈。

聽到你的話之後，不知應該做什麼反應，
希望這三年可以平安渡過吧! ^^"
近來實在太多意想不到..

明天我要嫁給你喇～
明天我要嫁給你啦～
hehehehe

密密麻麻厚重的日記，
細細長長字字都想你。

>>April 13, 2004 at 10:05:08 AM GMT+8

2004 年 4 月 11 日星期日【微冷】

Vannie，生日快樂～
快高長大呀～ ^3^
我真係唔知我可以做第一個麻.. -.-"
咪諗住做最尾個個囉..

琴晚1900寶寶打黎，傾傾傾，不經不覺傾到0000！
傾到你，大家都有兩下可惜，兩下無奈。
而我，仲有兩分安慰..
原來我冇選擇錯。
結果，我夜晚十二時先食晚飯，佢早上七時先訓覺。
我們是多麼的健康啊！

本來琴日就決定要溫書，結果，同寶寶傾完電話，食完飯就即訓...(所以琴日冇打日記)
打算今日先溫..
上午　－　熟睡中..

下午　－　同阿森傾計..
「我第時係藥劑師, 你驚唔驚呀?」
「我好驚,不如你唔好讀啦」
「我做藥劑師得人驚d定阿華考到牌恐怖d?」
「恐怖指數係極高」
「邊個高d呀?」
「無得比wor....叮噹馬頭」
「我覺得阿華高d」
「阿華都係車死人o者..但你....我死左都唔知咩事」
「但係藥劑師..都係你搵我先出事者..阿華揸住架車出街喎...」
「比阿華撞到都應該唔死得既,佢唔會開快車」
「我可唔可以叫你去死?! 你居然覺得比架車撞既生存機會仲高過比我醫?!?!!?!?!?!?」
「咁真係ma,你d藥食入口wor」
「你去死啦!!!!!!! 食我d藥會傷過比架車撞?!!?!!!!!!!!!!」
「應該會...」
「好! 你好野! 我返到hk一定會迫你食我d藥, 到時你唔同我跳出馬路你就死!」

晚上　－　去左Rebecca度食飯。
Thankyou Rebecca, Rachel & Jacky! ^^

功課..已經決定左開學先做..
打算將剩番呢幾日平均分配俾柏金遜，糖尿病，癲癇症同大頸拋..
但係.. 睇落.. 都係要等開學先得架喇..
我個心.. 仲係Lake District未返..　
點算呢．．．．．？

阿華，LionDog，你地去完旅行未呀...?! 快d番啦!!!

re: Stefan，原來係個個呀? 唔怪得我睇番都諗唔起係邊個castle啦! 但係佢個名好似係叫Tudor Castle架.. 仲有呀! Mullerice咪又係溝左yoghurt既!!!

>>April 12, 2004 at 7:20:11 AM GMT+8

2004 年 4 月 9 日星期五【陰】

。我回來了。
旅行好正，好靚，好玩。
雖然沿途不斷俾人蝦！！！！！
hehe 不過好正～
個trip咩都係我地自己plan架~ (所以去完冇事返黎先講)
揀B&B啦，book房啦，搭車啦，行程啦.. 我地一手一腳架~
所以.. 沿途成日都會問:
「我地去緊邊呀?」「幾點有車呀?」「搭幾耐架?」「幾多個站呀?」「係邊度轉車呀?」「轉車等幾耐呀?」「到未呀?」「到左喇?」「跟住去邊呀?」「行邊度呀?」「幾錢呀?」「好遠架?」「有咩玩架?」．．．．．
不過Rebecca同Jeremy永遠都解答到既.. hehe
Thankyou ar tour guides!! ^3^
諗諗下.. Rebecca都有好多問題架~
「訓未?」「食飽未?」「攪掂未?」「捨得起身未?」「行得未?」「玩完未?」「癲完未?」「架火車肯黎未?」．．．．
hehe look forward to next trip!
我地要衝出England!

電話已經復活，不過唔開得住呀... -.-"
最衰都係自己唔小心禁錯制... >.<"

琴晚發夢見到阿芝同羡敏．．
希望妳地一切安好。miss u。

5號至8號既小紅帽Lake District遊記.. 我一陣會補返架喇..

今日發現.. 煮罐頭湯都係一門學問..
特別係Heinz既罐頭湯..

家俊，生日快樂呀!!
身體要健康呀～～～

re: 華，唔好識少少扮代表喎!! 你不嬲都同我不相伯仲!! 仲有呀!! 唔該你diary個50樣野唔好拉埋我落水呀~~ 係你成日灌輸d錯誤思想俾我，我紏正你呀!! 你去完旅行返黎拿拿聲改左佢呀!!!

re: 車車，呢招係咪叫以退為進??

>>April 10, 2004 at 3:43:53 AM GMT+8

2004 年 4 月 8 日星期四【綿綿細雨】

2004年04月08日
<<小紅帽Lake District遊記>> 。Day 4。
Ambleside --> Kendal --> Lancaster --> Skipton --> Bradford

今日0750就起身食早餐，依然係traditional既english breakfast。食完就整裝待發去我地最尾一個目的地－Kendal。

我地搭巴士去，去到就已經覺得個feel有d似大city。好似Leeds同Manchester個d咁。 Kendal個town好大，不過冇咩特別。　而且Kendal已經離開左個湖，d景已經冇咁靚…

今日依然都係要爬山.. 四日入面第三次! 第一次因為要睇日落，第二次因為要睇waterfall，今次就係因為要睇castle。點解d castle一定要係山上面??? 點解d路一定要係90度直角?! 攪到我要一路行一路食姑姑力先夠energy上山!! 上到山，好彩唔係好大風! 唔係又要食多排125g既姑姑力先夠! 哈哈哈哈~ d風景都係第一日睇日落個個山頂靚d，呢度望落去冇湖，個景輸蝕好多啦~

行去castle既時候，我地經過個遊樂場，見到一樣好好玩既野，我地停左係度睇，不約而同咁「嘩」左出黎，當然即刻想入去玩啦~ 點知..門口個牌寫住14歲以上唔俾玩! 即刻想拆左個牌佢!! 通常都係話3歲以下唔玩得架之麻!!! 邊會話幾多歲以上唔玩得架!!!! 唯有係門口痴痴地恨多陣就走喇..

係castle落番黎之後就去左Museum (英國最多就係Museum!) 今次呢個睇動物同原始野! 都幾多野睇既，不過太累，都唔係太有興緻..

1400我地就去火車站等火車返去喇.. 今日去邊都係咩住個背囊(上山都係)，而且早幾日又係咁行，所以大家都好累。去到諗住搭1420班車，點知等到1440佢先announce話delay!!! 仲要delay到1553先會有車!! (..英國!! d車準時係你好彩!) 英國既火車站又係開放式架喎!!! 即係露天食哂風個隻! 我地唯有返town食野啦..(次次冇野做要等車既時候都係去食..) 今餐食KFC..

食完就返番火車站等.. 結果.. 又係冇左1553班車.. 一直等.. 等到1430.. (無錯! 英國就係咁!! 佢架車可以話唔黎就唔黎! 就算係去機場,係唔黎就唔黎架喇~ 你上唔到機佢係唔會理~)

轉左幾次車之後，終於都返到Bradford，落左車，Jacky第一次好心急咁行我地前面啦~ (佢成個trip都做bodyguard咁..典後) 人地咁心急，因為Rachel好好人咁揸車黎火車站接我地啦~ Thankyou Rachel~ 首先就番Rebecca度，然後我就轉Stefan架車返hall.. (又轉車..!) 返到hall拎左野之後又原車返番Rebecca度.. 今晚餐飯梗係冇人煮啦! 叫左Chinese delivery，食左個好耐無食既星洲炒米，雖然只係一個咖哩粉炒米，不過都好滿足!! 食完再攪下d相，正係我都有263張.. 再加埋Stefan，Rebecca，Jeremy同Jacky既video.. 肯定有排我upload喇..

食完飯又係例牌要hea一輪先返hall啦~ 返到去等都等唔切就即刻洗白白訓覺!! 10個累呀~~

今次個trip最感受深刻就係.. 過雲雨! 深深感受到佢既好處同壞處..!
另外，仲要多謝我既團友啦～玩得好開心呀~ ^^v
Y! 仲要特別多謝俾我打完齋就唔要既和尚啦~ hehe

>>April 13, 2004 at 11:37:07 PM GMT+8

2004 年 4 月 7 日星期三【綿綿細雨】

2004年04月07日
<<小紅帽Lake District遊記>> 。Day 3。
Windermere --> Ambleside

今朝0800就起身，今日個早餐都好似冇琴日咁好食 (係因為冇左第一日既興奮? 定係因為冇咁多款cereals? 抑或因為要食poached egg冇得食scrambled呢??)，食完早餐就去湖既另一邊盡頭(北面) ─ Ambleside。

今次我地唔搭Cruise去，選擇左搭巴士。 Ambleside都好靚，冇Windermere咁遊客feel，ｄ屋好似lego咁，好得意。 Ambleside係個湖北面既盡頭，所以冇Windermere咁容易望到個湖，多數都係ｄ大草地。落左巴士，去搵B&B，今次呢間係三晚以黎最大既，不過間房就好似3晚以黎最細..雖然都係en-suite! 呢間B&B有十幾間房，不過我地最鐘意始終都係第一晚個間，warm d，有d family feel，又大ｄ靚ｄ，而今日呢間就行高檔路線咁，有ｄ似酒店，d佈置冇咁family feel，好似冇咁warm，不過，個hosts都係好好人，好nice! ^^

放低左d野之後，我地就出去玩喇～　第一站就係去睇waterfall! 滿心歡喜諗住第一日睇唔到Penrith個個，今次可以補番～　點知又係要爬山先睇到.. 又係90度角既鈄路.. 好辛苦咁爬到上去.. 點知.. 個waterfall係好細架囉!! 按Stefan: 「我房廁所沖水都大過佢!」不過，都冇所謂啦～　沿途都好好玩～有陳世米，有未婚媽媽（少女?）^^ 雖然今日天氣好好，不過我依然係要著住件雨褸囉．．　因為ｄ人偷偷地買左枝水槍!

上完山發完癲，睇完waterfall之後，我地就去左睇水車，仲去睇人吹玻璃tim~ 仲企係度睇左成45分鐘!! 我都唔知點解我地會被佢深深咁吸引住..! 睇完，就沿路一路行一路睇有咩岩食，睇中一間泰國野，不過人地下晝唔開! (英國d鋪頭不嬲都唔希罕d生意!!) 一路行，揀左好多間都唔岩心水，最尾居然揀左Greggs! (點解我地呢幾日食既野..全部都係Bradford有既??) 係Greggs買左d sandwiches呀，doughnuts呀，Pastry呀，sausage rolls同汽水呀咁就返B&B開餐喇~

食飽抖一陣(因為實在太tired喇)，就出發去Market行~ 一個好小型既market，只係買左個膠波仔同砂炮! (當然係最無聊個兩個買) 行完Market就去Church，之後就向住湖個面進發～　沿途景色真係好靚! 無得頂!! 去到湖個度，我地就開始玩，我同Rebecca就去影相，而佢地三個白痴仔就踢波。不過白痴真係白痴，踢左5分鐘都冇，就spend左15分鐘掟石仔掟樹枝，因為個波俾個白痴仔首領踢左上樹! 就算Jacky爬上去都拎唔到!! 唯有繼續掟石仔.. 最尾拎得番~ 不過都係冇得踢，因為我同rebecca都已經影完相，個波要用黎玩數字球。玩完，避下雨，影下相，又踢下波，片下石就返town lu~

返番B&B抖下~ (又抖) 鋤下dee，傾下計，睇下電視(無計,英國5點後真係條街冇人,除左take away,所有鋪頭都close哂架喇!) 1930諗住出番去間泰國野食dinner，去到佢話要2200先有位!! 2200係last order! 第一次!! 真係第一次係英國食飯要等位!! (記得初初黎英國食麥當當,自然反應去搵位先買野食..點知成間鋪都係吉既..) 要等到2200先有得食梗係唔等啦! 改做take away拎番B&B食! 所以今晚既dinner有red curry啦，green curry啦，southern curry啦，仲有炒粉～　呢間野真係賺到笑啦～　白飯都廿蚊一個! 一路食一路估我地係餐廳到見到個謎語－ “What occur once in a minute, twice in a moment but never in a hundred year?”Jeremy一早估到又唔講，仲比埋ｄ誤導人既hints! 攪到我地估左勁耐! 我地之後冇打死你真係我地仁慈!

食飽就排排坐睇電視，(英國真係冇其他娛樂架!)，Wedding from hell實在太正! 不過ITV news仲正!! 成粒鐘長!

好tired.. Rebecca同Jacky而家都已經訓左喇，不過Jeremy同Stefan兩個低B仔仲睇緊電視，一套佢地一路睇，一路鬧，亦都一路笑既恐怖片.. 我諗.. 我都係訓喇.. 我有預感聽日既旅程會好艱辛...!

>>April 13, 2004 at 12:39:40 AM GMT+8

2004 年 4 月 6 日星期二【綿綿細雨】

2004年04月06日
<<小紅帽Lake District遊記>> 。Day 2。
Penrith --> Oxenholme --> Windermere

琴晚寫完diary，hea左陣，灘低左就即刻訓著左喇。佢地開哂電視開哂燈，仲玩到連床都整爛埋我都完全唔識醒!!! 不過訓到0400，就因為太熱兼太口渴就醒左，而Rebecca同Jeremy兩個都不約而同地一齊0400醒左跟我風啦! 三個人不停咁飲水~ 仲要一d都唔似0400，大家都好精神，可以溫書做功課個隻! 廢話完一輪之後就訓返lu~ 因為怕第二日會恰眼訓! 不過到0700要起身食早餐既時候，就一個二個都唔肯起身.. 都係我最乖啦~ 0700就彈起身洗頭喇~ 等齊人之後就落去食我地既第一餐Breakfast喇~ B&B既breakfast..食傳統既英國早餐，有cereals啦(佢有5隻款揀，但係都冇我想食既coco pops)，有cereals當然有奶，仲有橙汁，yoghurt，生果(有香蕉同橙)，多士，炒蛋，磨菇，煙肉，腸仔(當然唔係香港個ｄ腸仔，英國個ｄ)，番茄，茄汁豆，black pudding(唔知中文叫咩..)，同埋coffee or tea。傳統既英國早餐..好似好多野，不過食落..都係差唔多.. 食完我地諗住去睇Penrith個瀑布架.. 不過d巴士既時間同我地又唔夾.. (d車咁仙..真係好難夾..) 所以就離開Penrith，搭火車去下一站──Windermere。

Windermere係全英國最大既湖(我都係黎度先知)。 Windermere比Penrith遊客區好多!! 可能因為佢係正湖既中間掛?? (個湖係橫跨幾個towns架~) 第一日既Penrith比較退休feel.. 好靜，好乾淨，好慢，好少人。由Penrith去Windermere又係要轉車，今次個轉車站叫「牛屎好味」─ Oxenholme。

到左Windermere之後，我地就去搵B&B，今日間B&B好粉紅架.. 我都係鐘意琴日個間多d，間房又大ｄ，facilities都好似好d。放低野之後我地就即刻起程去個湖度喇~ 差唔多到個陣見到少少個湖已經好High~ 因為好靚呢!! 去到我地就買飛搭Cruise去遊湖喇~ 由Windermere坐船去Lakeside(Lakeside係個湖南面既盡頭)，然之後再坐返船返Windermere。去個程好大雨，好彩返既時候好太陽，所以ｄ相都可以影得好靚~ 呢度d風景真係無得頂!! 無盡既大草地圍住個湖! 而d大草地又俾d山圍住!! 再加埋好靚既藍天白雲!! 靚到dump一聲!

落左船之後我地就去食lunch，今日lunch就係食英國最傳統，最著名既食物 ─ fish n chips! 食飽飽就沿住個湖行，一路行下個town，行下ｄ鋪頭仔。行到五點幾，我地就返B&B拎電筒，因為我地要上山睇日落啦～　因為我醒，記得琴晚天氣報告話1959會日落，而Rebecca記得tourist information d人話行上山要一個鐘，所以我地就決定1800出發去爬山喇~

1810去到山腳，發現...個牌...寫住...行上山頂只需20分鐘..! 不過都黎度，無理由返番去架.. 所以就向上爬喇! 雖然只係20分鐘，不過勁辛苦，因為ｄ路係90度直角咁上架!!!! 勁直!! 唔怪得話20分鐘就攪掂啦!! 辛辛苦苦上到去，望落黎係好靚好靚，不過好好好好好好好好大風!!! 仲好好好好好好好好好好凍!! 我諗得一，兩度喳!! 山頂喎!! 平時都已經夠凍啦!! 仲要等90分鐘先日落.. 初初上到去不停影相，影video，破壞下公物刻下字咁，都唔覺凍既，之後就開始黎料喇.. 當佢地呢d黎左英國咁多年，已經唔識個凍字點寫，不停係度玩drama既時候，我已經瑟縮一角! (其實只係坐低卷埋一舊，因為上面咩都冇，想搵野擋下風都唔得!!) 無幾耐d手指腳指都已經凍僵哂!! 好痛!! 耐唔耐仲會有d羊屎味.. 死Jeremy仲要好似小雲咁用樹枝叉住d羊屎係度玩!!! 不過我都唔多識陪佢癲，個腦只係不停咁諗「高山症」同「低溫症」．．．　好辛苦咁等，等到眼見仲有15分鐘就日落，居然一大大大舊黑雲飄過黎!!! 將個太陽遮哂!! 你好野!! 我挨左咁耐差少少你先黎攪串個Party!!!!!! Side心機!! 佢又開始想落水喎.. 於是就落山啦! 點知.. 我一起身已經發現我係凍到腳軟唔識行路!! 仲要落山.. 最怕就係落斜.. 死stefan仲要整鬼我!! 成個山都聽到我不停既尖叫!!!! 不過算啦~ 見大半段路都係靠你幫我! Thankyou! 不過我都唔會忘記攪到我聲沙喉嚨痛個個都係你!!!!!

返到落山已經想死..(其實上山上到一半已經想)，返B&B睇波(Arsenal vs Chelsea)，發現個個塊面都爆哂拆!!!! 可想而知係山頂個陣係幾慘!! D風完全係硬食!! 睇完波就出去食dinner喇~ 今晚食chinese~ 人地收2300，我地2215先入去食..包哂場啦~ 好正~ 食到好耐冇食既揚州炒飯~ ^^v

其實今日我地都算好彩，每次行到去一個景點，要影相既時候都好好天!! 所以d相影出黎都好夠光! 不過唔係影相既時候(即係行緊去or食緊野既時候)，就落好大雨..仲勁大風! 英國既天氣.. 真係可以變得好快好快! 不過我好彩有聽媽媽話，帶左佢同爸爸係迪士尼買俾我既Mickey Mouse雨褸!!! 簡直係恩物!! 帶埋佢出街會出太陽架...!

好tired既一day.. 唔寫喇.. 訓喇..

。Station@Oxenholme。
　
。Windermere。
　
。Lake@Windermere。
　　　　　
。Lake@Lakeside。
　　　　　
　　　　
。B&B@Windermere。

。Peak@Windermere。
　　　

幾百張相 + 52K = 遲d先再upload多d相

>>April 13, 2004 at 12:36:05 AM GMT+8

2004 年 4 月 5 日星期一【綿綿細雨】

2004年04月05日
<<小紅帽Lake District遊記>> 。Day 1。
Bradford --> Preston --> Penrith

今朝0650就起左身(好耐都冇試過6字頭起身!! 6字頭先訓就試得多!)
琴晚訓得一ｄ都唔好!! 因為好大壓力，怕第二朝唔知醒，訓下醒下。
起身攪掂之後就去會合Rebecca佢地，點知去度．．Rebecca話．．．Stefan唔知醒! ｄ人仲要係Manchester未返!! 你話呢d人係咪要拉出去斬?!?! 早知我訓多個鐘!!! 為左等人，我地就唯有放棄原定0838班車，無奈地食住"復活蛋早餐"等人返。

結果d人0915返到，我地就即刻仆去火車站，諗住搭0938班車。去到已經好晏，即刻分頭行事，因為我同stefan仲要整左railcard先。我知要整railcard都已經好醒帶定相，點知佢要出生日期既證明!!! 學生証都唔得!! 通常都係要証明自己係學生架之麻!! 有咩理由要證明date of birth?!?!!? 結果，我張卡整唔到，要買貴飛，而幫stefan整卡個個就慢吞吞，攪到我地又miss左0938班車!!!!!!! 前前後後miss左兩班車喇!! 即係話我可以訓多兩個鐘架!! 仲要坐係度等一粒鐘先有第二班車.. 點解平時成日delay既車到我要既時候又咁準時?!??! 唯有坐係度等，無無聊聊又去買野食.. 食我地既第二次早餐.. 去禁錢既時候.. 又差d俾佢食左張卡... 完全係打沉哂啦!! 諸事不順!!!! 唯有不停咁安慰自己話d衰野而家已經出哂黎，之後會順順利利..

終於上到1038班車，搭左一陣就到Preston轉車喇。但係英國d火車比82K呢架仙車仲要仙，又要等40分鐘先有火車.. 於是我地就出左Preston個town行下喇~ 果然係塞翁失馬!! 居然俾我發現麥當當既happy meal換緊care bears呀!!!! 細個個陣勁鐘意!!! 勁開心!! 即刻買! 可以俾我儲齊咁多款就好喇~~~ 玩完之後，見到Dixon，Stefan居然話要入去買電視搖控!! 大少!! 我地去緊旅行架!!!!!!!
係Preston個town都唔係行左好耐就要趕返火車站喇。(又趕)

1345，比預定時間遲左兩個鐘零八個字，我地終於到達第一個目的地──Penrith。

一出車站，勁凍! 10個大風!! 當然又係再加埋一時出太陽，一時落雨個隻啦! 可惡.. 日曬雨淋，風吹雨打，一個下晝經歷哂! 英國既四季果然唔係分開成年! 一日就同我出現哂!!!! 不過，一時出下太陽都好好架喇.. 起碼都叫有過下太陽，唔係不停橫風橫雨! 出左車站第一件事就係去搵B&B，我地第一晚既B&B好nice呀~ 個host(Ian & Sue Rhind)都好nice~ 隻狗.. 都OK呀~ 冇咩點理我~ 放低左d野之後就出去食lunch lu~ 勁肚餓!

我地既第一餐就係──麥當當! (Penrith冇burger king!!!!) 諗住可以換第二隻care bear啦! 點知呢間麥當當居然同Preston個間換埋同一隻!!! side心機! 食飽我地就開始sightseeing喇~ 去st. Andrew's Church啦，Penrith Castle啦，Tudor Castle啦，Penrith Museum啦，去完之後就行下town d鋪頭仔就要返歸喇.. 因為..Lake District都係英國.. 鋪頭都係五點鐘就山門.. -.-"

是日夜晚我地當然係食take away啦~ 除左Pizza x2之外，仲有雞脾啦，薯片啦，汽水啦同埋金華火腿乙隻。仲有Stefan既姑姑力yoghurt，好核突的。
就算我幾鐘意食姑姑力，幾鐘意食yoghurt，我打死都唔會食姑姑力味既yoghurt!

好眼訓.. 琴晚訓得唔好.. 今朝又早起身.. 唔寫喇.. zzzZZZZ

。沿途@Train。

。Preston。
　　　　　
　　　　
。B&B@Penrith。
　　　　
　　
。Penrith。
　　
　　　
　　

>>April 13, 2004 at 12:32:56 AM GMT+8

2004 年 4 月 4 日星期日【綿綿細雨】

生，心都已經好返好多。
早幾日冇覆留言，因為唔想帶住ｄ唔好既心情去reply。
你而家知點解我冇reply email未??
雖然冇reply，不過每一封都有睇!!
兒童節．祝　快樂。

明天，會去旅行。
去Lake District。
一個很多人選擇用來度過復活假的地方。
5th in Penrith
6th in Windermere
7th in Ambleside
8th in Kendal
聽說好靚好靚。。。
不過.. 這幾天的天氣都很不穩定..
　下．雨．了。
　然後出太陽。
　再出埋彩虹。
　然後又天陰。
之後又返番去第一幅咁..
落雨，出太陽，落雨，出太陽，再落雨，再出太陽．．．．循環不息．．．
由第一幅相到第四幅，不用半個鐘（沒有誇張！）
一個下晝可以不停落雨，出太陽，落雨，出太陽 x ｎ次!!
這．就是英國的春天。
可惡.. 希望個trip順順利利。。。

原來除了兒童節，今日都是清明節..
一個係開心既節日，另一個屬於傷感。
居然係同一日...
清明節會想起不在的人.. 特別係爺爺同Leslie, 今年仲有.. 近期的.. 昨日舉殯那位警察..
今日同你講如果我係香港，我會出席。
是真的。
而原因也是真的。
不過係英國，兩個節日都不存在，四月四日平凡得不能再平凡。

其實...我....都好掛住你地...

涼或暖　晴或雨　結伴過

re: LionDog，你聽既時候首歌應該已經換左，Vannie講個首係我是否還愛你.. 我都有聽過找我，原本個日diary係放找我架，不過咁岩有思覺失調，所以就放左先。你講你返工個朋友，係咪35-40?

re: 家俊，無錯！不過個日個首已經俾Vannie估左.. 不如..
抬頭吧　相信愛你便能飛　敢交出你會創出傳奇
變幻人生是避無可避　卻沒人可驅使愛別離
抬頭吧　黑暗過會是晨曦　懷著樂觀總有轉機
今天珍惜今天　逢凝望我心所愛的你　我已彷彿會飛

re: Rebecca，我點都keep住寫日記就係俾你知我仲生存緊..

re: 嘉嘉，你唔好得個講字.. 你都好似仲係london..?! 我都已經好返９成喇..

re: 車車，一個msg萬幾條問題..!
1. 係
2. 有，仲唔洗錢tim~
3. 我不嬲都唔食藥架啦..
4. 喉嚨痛發燒
5. 幾
6. 唔知，因為我聽日就要去旅行
7. 不嬲都咁乖
一睇就知頭3條係幫自己問野! 尾個4條先問返ｄ似人阿哥既野!!

re: Vannie，我個電話俾我毒死左，不過復活節佢應該會復活架喇。

re: 華，你即管串，我睇你叻得我幾多!
仲有，個電話死左麻．．．

>>April 5, 2004 at 2:49:59 AM GMT+8