2004 年 1 月 8 日 星期四 【雨】

------
上午
------
眼眉挑跳左幾日....又係左眼....我都知又開始衰架喇....而且呢排又唔知做咩...勁呆.....今日已經打瀉左好多次野.....最死麻煩係0係書台到打瀉橙汁........我個電話又再一次受侵害....不過為左拯救咩咩部notebook........我唯有眼白白睇住個電話飲橙汁.......咩咩你放心......你部電腦一d事都冇.....如果你地有0係日本買手信俾我...... 真係lei咁hea......你知溫書人張台有幾亂幾多野架啦.......算啦........你地都唔會知架喇...........不過好彩d notes想飲埋一份個陣俾我阻止左.....除左係房打瀉野之外......廚房都打瀉左n次....周圍抹抹抹.....成個cleaner咁.......而且我又開始整爛野........180度既花灑而家已經可以360度轉.........不過仲有水出都應該唔算係爛掛.....次次爛野或者唔見野都係一條龍咁去......一不離二........呢排都係唔好掂咁多野.....不過電腦點算好......希望衰埋呢排好喇......下個禮拜exam我真係保你大!! 你同我醒醒定定!! 唔好無啦啦腦閉塞呀!! 快d到右眼跳就好喇!!

....好無奈既一個朝早.....

------
下午
------
本來溫緊Biochem既, 不過真係好悶.. 兩個幾禮拜唔係溫書就係訓.. 成個月假出左兩次定三次街喳!! 好耐都無著過鞋.. 聽日都係要出去行下先得!! 無聊到痺, 所以去左訓覺, 不過根本就一d都唔想訓, 攤左係張床半粒鐘都訓唔到, 平時都唔洗三分鐘! 咁可想而知我幾咁精神! 只係唔想溫書! 其實我只係溫到好悶想搵d refreshment, 不過除左訓覺我真係冇其他野揀...到終於訓著左之後就電話響喇!!! 又係等我訓左先叫!!!! 不過得過嘈字..因為我係極迷糊, 禁左cut線制走去喂囉..!! 訓返.. 又到咩咩打黎!! 佢話佢同rebecca係heathrow啦~~~~~~ 10個開心呀!!! d人終於開始返bradford喇!!! 佢仲話celia都係今日返tim呀~~~~~ yEAh~~~ 其實.....0個十個開心有一半都係因為有手信~ hehe

Y! 係呀..我玩左個IQ test喇! 一路玩一路覺得會唔會又俾人陰左呢? 好似咁易既? 我得三, 四條諗唔到喳!! 最後個result出左係..........我IQ有118呀~~~~ ^o^V

2004 年 1 月 7 日 星期三 【寒冷】

開心時要笑 唔開心時要大笑!

>>January 8, 2004 at 1:12:39 PM GMT+8

2004 年 1 月 7 日 星期三 【寒冷】

呢幾日都好忙, 自從d壓力開始出黎, 我溫書都入腦左好多!! ^^ 所以d信心都開始返緊黎! ^^ 好!! 今次考試一定要掂! 一定得!一定得!一定得!一定得!一定得!一定得!一定得!一定得!一定得!一定得!一定得!一定得!

「我既忍耐力有限0架咋, 我對住一0的唔鍚自己既frds frds呢, 忍唔得幾耐0架咋, 好易會唔理佢0架咋, 所以呢, 你自己好自為之喇!! 明白未? 我真係唔想呢, 日日開你diary都係見到你唔開心0野囉!! 唔該你同我記實呀!!」
呢句野我貼左係書台對正個面牆到, 你係咪都要我寫返句一模一樣既俾你等你記住佢? 唔該你同我開心d!! 你睇下你呢排既diary, 成日都有d唔開心既樣出現!! 你知阻你幸福快樂既野我一定會幫你踢走佢, 我最中意踢波子架喇~ 你想點我都一定會0M你, 但係你一定要開心! 我唔想再收到你既sms話好唔開心! 我唔知你之前想同我講個單野係咩, 我試過撞你online不過撞唔到...我正係知如果你再唔開心既話.. 我會殺左....佢!

仲有dee dee, 希望你只係好似平時咁"礞fup下..唔係真係有事.. 你不嬲都好少要姐姐擔心你架!! 要叻仔d呀!!

好想聽梅豔芳唱多次IQ博士...

2004 年 1 月 6 日 星期二 【炎熱】

據我了解 你知道之後 應該係唔會有咩擔心架喎?!
我都係得個講字等你得個知字 hee
希望我冇估錯啦 雖然無咩信心..
不過我真係什麼都不想啦! 只想你開心
我地大家都要幸福快樂架麻!! ^o^
仲有就係 我要今年連你都話我成熟左!!
其實上年好多人都覺啦.. 係你永遠都唔會覺!!
仲要話「我100%覺得你仲未mature」!!!
你去死啦!!
枉我對你咁好!!!

2004 年 1 月 5 日 星期一 【炎熱】

落完雪又溶完雪之後暖返好多lu~ 拎d衫去洗個陣連褸都唔洗著呀~ ^^ 今日既天氣真係好舒服!! 冇咩風喎~ 仲有八度tim呀!! ^o^ 個heater終於都可以休息下喇!! 我唔可以俾佢太操勞架! 係佢救返我個電話架!! 個internet終於都上得返!! post返之前個兩日既diary之後, 就上網睇新聞喇! 有一單好吸引我去睇.. <<日夜顛倒地打機，活在虛幻與現實之間，時空交錯，結果無法抽身>> 我係日夜顛倒地溫書者.. 應該唔會有事掛..? 我讀心肝脾肺腎.. 應該唔會抽唔到身掛?? 不過, 日夜顛倒咁多日真係好辛苦架.. 好多日都冇見過太陽! 佢鬼死咁早就閃左去!! 四點都未夠就收工!! 我真係一眼都望唔到個隻.. 係香港點訓法我都冇試過見唔到太陽伯伯架! 佢好陌生呀而家!! 不過最衰都係自己啦!! 要呢d冇太陽既時間先入到腦消化到.. 不過你地都係咁架啦~ 所以唔好話我呀!! 琴晚開始d壓力一次過出哂黎喇!! 仲發夢夢到自己考緊試, 收到份paper之後一睇, 六條essay d問題我連聽都未聽過, 仲要係d好pro既terms, 點作都作唔出個隻.. 即刻嚇到醒左然後同自己講發夢者!! 真係嚇到傻..!! >.<" 可能因為我仲係掂都未掂過Biochem啦...俾多一個星期我就好喇... 係喎, 寶寶今日開始exam呀! 你默默咁支持我既同時, 我都係默默咁支持緊你架!! ^^ 希望佢醒醒定定啦!! 臨考前幾日先溫.. 成個假都係玩玩玩,訓訓訓!! 唉.. 你知唔知就係你呢d令到我同舒舒更加想打死個d話外國讀書容易個d人呀!!

係呢到無左internet真係好想死!! d時間好難殺!! 雖然溫書溫得好趕, 不過冇左internet個種悶係好似去左個島同出面冇哂link咁!! 唔知嘉嘉悶死左未呢? 佢忍到咁多日真係好野!! 我兩日已經想死!! 琴晚溫書溫到太悶諗住吸下塵, 好彩係拎吸塵機之前見到個鐘!! 半夜四點幾五點吸塵既話.. 我諗我打橫飛出hall都似! 其實琴晚都有通頂, 不過諗住今朝洗衫所以冇去訓, 原本一號洗架!! 新一年要洗哂d衰野架麻! 不過之前個晚落完雪, 所以一號冇去到.. 然後就之後咁多日都天黑先起身..唔洗去! 而家晏晝四點幾喇!! 不過唔知點解都唔想訓.. 可能真係太悶喇!! 唔係讀書就係訓!! @.@ 真係"有節目　差點開心到哭"!!!! 好彩B仔話佢今日返Bradford者!! ^^

我諗我呢排都會暫時廢左個ICQ佢... 因為佢係我溫唔切書既元兇!! 唔至唔洗溫書, 連覺都唔洗訓!! 我唔想再俾人叫我做唔洗訓!!!! Diary呢..應該會日日打既! 話哂打日記都已經成為左我既節目喇! 仲要係唯一個隻tim!!

2004 年 1 月 5 日 星期一 【炎熱】

怎麼亦記起 當天我伴你 晚晚沒顧忌
唱唱歌 天空說完談到地
當心事滿堆 開解 責罵 哄笑 擦掉眼淚
到破曉 才疲倦各自沈睡去
隔別了 人大了 忙壞了 怎麼抽空都要找你
昨日去 回望去 明日去 期待去以這天說起

曾經跟你 永遠也跟你 直直接接以心誠懇相對
沒有誰人能代你 我這永遠的知己 問世上有幾許
這世界缺少你 就像旱季缺少水 怎可有樂趣
一生中最好 永遠只得你

講起又記起 多天已沒有與你又再聚
暗暗想這刻的你 仿無意睡 抓起電話 打給你
就算遠隔在兩地 我這心 仍然像昨日陪住你


>>January 5, 2004 at 11:15:32 PM GMT+8

2004 年 1 月 4 日 星期日 【乍雨乍晴】

今日係生生既生日呀~~~ 生日快樂!! ^o^

原本想搵首特別d既生日歌係度送俾你架..
不過個internet壞左呀...
希望生生今日過得開開心心!!! 心想事成!! 身體健康!! 橫財就手!!!
唔知生生今朝收唔收到我個sms呢??
年年生生生日我都係有d咁既感覺.. 就係 點解追極都追唔到既
人地岩岩趕得切同你一樣廿一歲.. 你又同人講你廿二喇..
每次你生日, 我都會好似自己有份咁...
好似而家咁, 我又覺得自己都係廿二........
年年都唔等埋人架...

今朝原本諗住txt Vannie睇下佢好返d未
不過我txt左四, 五次都話 Number not in use..
八婆 你係咪熄左電話訓覺呀?

其實今日既前半日都係唔開心架.. 因為我有左一個極度非常不要得既習慣..
呢個習慣我有十個唔想要.. 亦都有十個迫切需要戒左佢..
前半日既我 不知不覺俾呢個習慣侵擾左好耐.. 好彩我最尾都諗通左..
好多野都係習慣.. 而習慣即係對事唔係對人..
所以我習慣照舊.. 不過個人就換左
同一個習慣 不過唔同人既話 原來 係會有唔同既感覺架
所以 唔開心左半日 換左人之後 我已經唔同哂喇
換左一個令我開心好多既人 ^^
不過唔話俾你地聽佢係邊個~ 呵呵~

>>January 5, 2004 at 7:55:00 PM GMT+8

2004 年 1 月 3 日 星期六 【乍雨乍晴】

低b婆今朝send sms諗住嘈醒我報仇, 平時個電話係床隔離都可能得既~ 不過琴晚叉電, 個電話放左九萬丈遠~~ 所以唔好意思啦~ 你~~失敗左! 不過雖然Vannie失敗左, 我最尾都係俾第二個傻婆嘈醒左!! 寶寶打黎嘈醒我!! .\_/. 佢話佢呢幾日過得好慘喎, 日日都訓十六個鐘冇溫書!! 我都覺得佢好可憐!! 一日得返八個鐘用!!! 相比之外我就覺得自己好勤力啦!! 因為我呢個假日日都係訓八個鐘喳!! 我記得楷楷講過話人每訓多一個鐘, 智商就會倒退唔知零點幾架喇!! 楷楷話有根據, 好似唔知邊到研究架! 咁, 怕且寶寶都冇咩幾多剩喇! Vannie, 我諗你就冇事既! 因為你n年前已經扣到去0呢個水平~ 係呀, 你而家係咪見到寶寶個名, 唔係出space呢?? ^^

琴日終於睇埋高血壓!! 終於睇哂pharmacology!!!!!!! 本來都好好既!! 不過我發現原來我係有三科未睇, 唔係兩科!!!!!我完全唔記得左Biochem!!! 得返十日喳!! 我已經一放假就溫書咁制架喎!! 點解咁慢架....... 呢個假成日都對住本書, 不過d野都唔入腦既!!! 我明明睇哂!! 不過都成舊雲記唔返!! 究竟d野放左係個腦邊一到呀?!! 快d出返黎啦!!!!! 係咪因為我太早開始溫呢? 都話物極必反架啦......... 始終都係要等等等等到last minute做野先有成績睇得到...

原來真係有人咁低b唔識scroll down睇最近既diary!! 佢見日日都係2005個篇以為我已經成個月冇寫!! 你..都得架喇!!! 我諗得你一個係咁喳?! 我應該唔會再有d咁低b既朋友仔喇掛?! 一個夠喇!! 人地已經成日覺得我地成班都係傻架喇!! 其實都係得阿森,廖能,Vannie同肥貓佢地係之麻....

我之前咪同你地講過如果我半夜無啦啦醒左, 之後就電話響係你地打黎既? 雖然唔係次次都中, 不過十次都有七, 八次會架!! 或者諗起你地既時候, 就會收到電話架喇!! 不過我發現對Vannie既sms預感準好多!!! 有時我會好專心咁做緊一樣野, 之後突然之間好想掂下個電話, 然後就會收到Vannie既sms架喇! 有時都覺得好邪架! (係Vannie好邪) 一諗個電話就叫!! 不過係咁好既話, 我諗邪d都無咩所謂既!! ^o^

有d野得唔到 佢係你心中就會變成最好

>>January 5, 2004 at 7:52:07 PM GMT+8

2004 年 1 月 2 日 星期五 【乍雨乍晴】

呀!!!!!!!!!!!! 溫書溫到好悶呀!!!! 溫左成日都係睇左個心喳!!! 點解一個心可以有咁多病架?! 又點解一個病會有咁多藥架?!?!! 又點解一隻藥有咁多副作用架?!!?! 辛辛苦苦睇完個心..而家睇緊diuretics, 之後仲有個高血壓等緊我呀!!!! 我已經成舊雲咁喇!!! 每睇完一份我就暗暗咁鬧一次!! 我讀藥架喳!! 我唔係讀醫架!!!!!!!!! 咁讀法有咩分別呀!?! 不如我讀完之後考埋個醫生牌俾你啦!!!!!

呼~ 鬧完好似冇咁苦悶喇! 我想去訓好多次架喇!! 不過又諗起dee dee同阿森講既野.. 同埋Vannie個sms!!! 你個sms似叫我同你一齊去訓多d!!! 今朝你好彩, 我撞岩你個一千零一日早過三點起身嘈唔醒你! 不過我唔會放棄架!!

今日個hall多返d人喇~ 多返一個~ Caroline返左黎喇!! 唔知Valentina幾時返呢? 我諗d人都開始返bradford喇~ 咁我估..會開始有壓力掛?? 嘉嘉今日都返bradford喇!! 佢除夕係London eye倒數呀!! 即係新聞影住倫敦好多人count down個度!! 不過佢就因為去倒數, 所以睇唔到落雪喇~~~ 呢d人真係幾掂, 可以係英國四年都冇見過落雪!!!! 我都識得避雪就好喇!! 我兩年都中招, 凍到痴肺!! 至討厭就係第二朝溶雪!! 痴線架!! 佢線到唔至阿媽都唔認得咁簡單架!!!!!!

今日羡敏浦頭呀~~ 不過d人又懶忙!! 話完人地馬德鐘就閃左去!!! 次次都係咁!! 話事話, 八婆呢個名羡敏先係元祖~ 你地俾返佢啦!! 佢中一個陣已經用架喇!!

如果個陣我知道係澳洲讀可以返香港過聖誕同農曆年既話..唔知仲會唔會揀英國呢?? 澳洲..好似仲未轉..讀少一年tim架.........................................

2004 年 1 月 1 日 星期四 【乍雨乍晴】

跟你們做朋友久了,你們一直對我這麼關心那麼好,
實在不曉得怎麼報答你們,下輩子做牛做馬,
我一定拔草給你們吃 ^x^

>>January 2, 2004 at 11:52:39 AM GMT+8

Care who you love， Treasure what you got。 ＊＊＊＊＊latest update＊＊＊＊＊ ＊Close＊ 8/8 6/8 & 7/8 added。 5/8 5/8 added。 4/8 4/4 added。 1/8 1/8 added。 25/7 24/7 added。 17/8 17/7 added。 16/7 16/7 added。 14/7 14/7 added。 11/6 10/6 & 16/6 added。 愛．聽歌仔 愛得太遲 無事常相見 記得忘記 不得不愛 Bad Day ＊愛．朋友仔＊ ＊let me know what u've been up to＊ ：：未有空 留言吧：： 廣告 讀者留言 |  路人留言   | 咦,久休復出寫日記喎 >>January 24, 2010 at 9:31:26 PM GMT+8 我又難番喇右邊腮骨位~~~~ >>July 6, 2009 at 11:40:56 PM GMT+8 換0左新電腦,第一次去睇番你0的 >>May 23, 2009 at 10:52:02 PM GMT+8 3月21號..anniversa >>March 30, 2009 at 3:44:48 PM GMT+8 下星期五食飯嘛~~~你唔放飛機咪 >>February 14, 2009 at 4:04:45 AM GMT+8 因為有人叫唔好upload上fa >>February 6, 2009 at 9:17:30 PM GMT+8 我0地失去聯絡0左三個星期... >>January 19, 2009 at 11:13:24 PM GMT+8 哈哈...妳D客真係好攪野;) >>November 24, 2008 at 9:46:57 PM GMT+8 恭喜恭喜~~~ 知道你地一定得一 >>August 15, 2008 at 11:09:31 PM GMT+8 係啦...快d約約食食飯先啦.. >>August 13, 2008 at 12:05:47 AM GMT+8 本蝦餃呀娘係將一疊同色同尼龍繩綁 >>August 12, 2008 at 11:26:54 PM GMT+8 本蝦餃get 到你講咩呀,好好笑 >>August 11, 2008 at 10:02:34 PM GMT+8 Yo, haven't upda >>August 6, 2008 at 6:03:57 PM GMT+8 哈哈~真係要恭喜wo潔潔~ 終於 >>August 5, 2008 at 10:10:46 PM GMT+8 喂~~~~正牌弱雞師喎,要請食飯 >>August 5, 2008 at 6:32:40 PM GMT+8 冗員.......不是擁員, < >>July 17, 2008 at 11:39:13 PM GMT+8 o個隻係dale 呀!! >>July 16, 2008 at 11:59:07 PM GMT+8 咁究竟你係CU做咩架?? 點解可 >>July 15, 2008 at 1:12:32 AM GMT+8 現在時間為14/7 ,11:55 >>July 14, 2008 at 11:57:01 PM GMT+8 嘉嘉你真係無&#25598;到過 >>July 5, 2008 at 12:39:01 AM GMT+8 你識游水0架咩,無聽過你講0既, >>July 4, 2008 at 10:16:47 PM GMT+8 下次往觀塘方向的車頭你可以自行到 >>June 18, 2008 at 11:20:10 PM GMT+8 幾時得閒食飯?? >>June 18, 2008 at 2:15:37 AM GMT+8 呀毛有同你講另一方向0架,但係唔 >>June 14, 2008 at 12:08:08 AM GMT+8 其實都冇乜特別野想留言,但係睇唔 >>June 13, 2008 at 12:32:21 AM GMT+8 無睇到佢0地相與喎,本蝦餃係俾佢 >>May 27, 2008 at 9:57:31 PM GMT+8 最近有新歡呀,潘蔚林呀~~~~ >>May 23, 2008 at 11:25:17 PM GMT+8 canon既DC係唔錯ga, 有 >>April 14, 2008 at 11:27:15 PM GMT+8 Wii 的mario kart >>April 12, 2008 at 10:59:16 PM GMT+8 Kia, 他們只想我說一個價, >>March 18, 2008 at 9:35:34 PM GMT+8 本蝦餃會揀做一年0野先,好實呀讀 >>March 16, 2008 at 10:05:48 PM GMT+8 been looking thr >>March 14, 2008 at 11:24:11 PM GMT+8 Just gone throug >>March 14, 2008 at 2:39:55 AM GMT+8 O....佢返咩呀? 點解佢找到 >>March 13, 2008 at 11:06:32 AM GMT+8 唔洗做...又去玩...真好.. >>March 9, 2008 at 2:11:06 AM GMT+8 你第一日見0既高飛同第二日見0既 >>March 8, 2008 at 7:15:08 PM GMT+8 估唔到連你妹妹都出嫁了~! 你都 >>March 2, 2008 at 4:52:10 PM GMT+8 本蝦餃都無mood寫見你唔寫.. >>February 16, 2008 at 11:58:10 PM GMT+8 見字打俾我....最好係我返工的 >>February 4, 2008 at 9:24:27 PM GMT+8 係呀!! CU 個course >>February 4, 2008 at 2:45:36 PM GMT+8 bo bo慘0的喎,隨時嫁唔出喎 >>February 4, 2008 at 11:40:45 AM GMT+8 我仲知道CU 有囉!! 但係CU >>January 29, 2008 at 3:10:53 PM GMT+8 都係同一句...你就好...我返 >>January 24, 2008 at 9:24:10 PM GMT+8 咁幾時要報名?? 同埋o係邊度上 >>January 23, 2008 at 4:15:07 PM GMT+8 生活很休閒嘛~? 好好enjoy >>January 22, 2008 at 8:23:02 PM GMT+8 堅啦梗係! <br>小姐~ 你唔 >>January 22, 2008 at 3:57:05 AM GMT+8 其實呢個我一直都想學..只係.. >>January 19, 2008 at 2:16:14 AM GMT+8 你就好啦....我都唔想做呀~ >>January 16, 2008 at 8:36:20 PM GMT+8 你走進黑店呢~~~ >>January 5, 2008 at 7:09:13 PM GMT+8 本蝦餃在九龍灣0個0的工廠區返工 >>December 27, 2007 at 9:06:53 PM GMT+8

人氣: 86884

Design & Scripting by ShowHappy.Net