Showhappy.net - Members diary

日記

日記主簡介

<< 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 >>

2003 年 12 月 27 日星期六【炎熱】

幸福快樂是...

61. 笑(為秋)
62. 一星期只有兩日半堂(Kia)
63. shopping一整天(Kia) (Stefan)
64. 當我想他出現的時候他就出現(Kia)
65. 身體健康(為秋)
66. 英國有7仔(Kia)
67. 飲羅宋湯(Janice)
68. 與朋友仔沒有原因地一同大笑十五分鐘(Kia)
69. 當機長說Welcome To Hong Kong的時候(Kia)
70. 無條件upgrade坐first class(Kia)
71. 學校說因成績優異學費全免(Kia)
72. 朋友仔唔開心經自己開解後重拾笑容(Stefan)
73. 繼續被朋友仔鍚^^ (Kia)
74. Vannie醒少少(Kia)
75. 朋友仔開心(嘉嘉)
76. 讀design(書欣)
77. 女朋友/老婆成為最幸福既女人(嘉嘉)
78. 買左件靚衫(車車)
79. 天冷同朋友仔去稻香打邊爐(Kia)
80. 因感動而喊(Kia)

>>December 28, 2003 at 3:43:15 AM GMT+8

2003 年 12 月 27 日星期六【晴】

俾電話+鬧鐘嘈醒左n次, 又訓番n次, 終於五點幾起身~ 個太陽已經唔見左~ 不過諗訓前都見到佢好勤力, 出盡力咁曬! 不過同香港個個都仲係差好遠~ 今日訓少左好多, 今朝九點幾諗住去訓, 不過見到爸爸online, 所以又傾, 傾到十一點我就去訓喇, 因為又俾人串....! 唔知人地d爸爸通常同自己d仔女講咩多呢? 凍唔凍? 食左飯未? 夠唔夠錢用? 我覺得好似由細到大我老豆都正係識問我你未訓醒呀?

過左聖誕個幾日, 朋友仔都開始補番哂d日記, 我諗都係得我先會係聖誕節反而有時間寫咁大篇.. 我因為溫書d時間跟左香港.. 你地又因為聖誕通頂d時間跟左英國喎.. 都好耐冇傾計.. 好開心知道今年好多朋友仔都過得好Enjoy好快樂! ^o^ 見到個個既diary日日都寫同邊個去左邊去左邊玩得好開心咁! 我都好開心~~ ^x^ 聖誕應該幸福快樂架麻~ 特別係0係香港!!! 希望為秋下年會有個開心聖誕!!

沖涼個陣白白痴痴撞左個頭落楝門度..即刻勁驚, 因為諗起廚房張notice: "There will be no cleaning services from 24th Dec until 5th Jan......" 即係話暈左都唔會有人發現.. 直到5號.. 仲要暈係沖涼房呢d位就真係s左冇人知.. 於是即刻行動極快, 希望暈都係暈0係走廊會俾人發現..如果好彩既話..

不知所謂.. 話人地馬德鐘什麼拋妻棄子!! #@$u%&^$

琴晚都差唔多睇埋PharmChem4個三分二喇, 仲差少少.. 不過到而家都正係睇.. 只係睇番過去個三個月佢教緊d咩.. 都仲未開始係溫.. 仲係睇左一科喳喎.. 考試點s好......

車, 阿明有睇架, 呢排就唔知喇, 因為佢24-26都玩通頂, 27就全日訓, 你見到佢咪知佢有冇睇囉~ 你估你幾多round之後會俾人KO呢??

仲有大約七十件幸福快樂事未post~ 我發現我自己既都佔左八成~ 每日二十樣應該都就黎post哂, 唔知有冇留左邊個架呢? 每一個既幸福快樂事都唔同~ 好開心發現原來要朋友仔覺得幸福快樂都唔係一件好難既事~ p(^o^)q

>>December 28, 2003 at 3:42:48 AM GMT+8

2003 年 12 月 26 日星期五【炎熱】

幸福快樂是...

41. 去IT睇its mickey(Kia)
42. 冇Exams(Rebecca)
43. 在英國開電視見到呂炳權用廣東話報新聞(Kia)
44. 收信/包裹(Kia)
45. 食好野(Davis)
46. 去tom lee數貨(Janice)
47. 朋友仔結婚(Kia)
48. 得到tiramisu乙個(Kia)
49. 有家人有朋友(基少)
50. 冇野煩(嘉嘉)
51. 掟粉刷(Kia)
52. 好眼訓既時候有個好舒服既膊頭挨(Vannie)
53. 朋友仔來電/sms (Kia)
54. 上堂知佢講咩(Stefan)
55. 一日比一日靚仔(嘉嘉)
56. 煮fried rice畀成家人食(Janice)
57. 老豆抽中來回香港倫敦機票五十張分期執行冇年限(Kia)
58. 爸爸媽媽唔再偏心淨係錫細佬多d(為秋)
59. 隨街執到錢(Kia)
60. 同Kia去買大床(肥仔)

>>December 27, 2003 at 6:52:38 AM GMT+8

2003 年 12 月 26 日星期五【寒冷】

今日係Boxing Day呀~ 不過d禮物一早拆哂.. 所以冇得拆禮物.. @.@

冇得拆禮物, 所以就冇一早起身喇~ hehe 我知呢個唔係籍口 ^^ 一路訓訓訓訓訓訓~ 訓到大約下晝六點半俾嘉嘉打黎嘈醒左..! 雖然知道左成六點半都覺得自己有d離譜~ 不過同嘉嘉收左線之後都係訓番既~ 到八點鐘就真係起身喇~ 琴晚, 唔係, 係今朝訓個陣諗住十一點起身架~ 不過而家俾預定訓多左九個鐘.. hee 得喇~ 應承左你地會溫書架麻!! 我有呀! 而家除左訓同埋同你地傾計, 都係溫書!! 因為好趕呀~ 都唔係好夠時間~ 我都係溫到今朝六點諗住去訓, 不過Joanne又上網喎.. 咁佢呢d係十個可遇不可求架麻! 俾LionDog仲要多兩個!! 於是就同佢msn喇~ 不過傾計之前都真係好勤力架~ 我睇哂Nicholous既PharmChem4 notes喇~ 即係睇左呢一科既三分一.. 仲有三分二呀.. 我都唔想咁趕架.. 不過最衰都係自己之前開學到而家都係玩啦.. 咁趕都係因為每一科d notes都係好brief架喳, 因為佢地要我地做100個鐘self-study, 要自己睇書.. 我呢個假先開始補番.. 5科..即係500個鐘.. 所以咪咁趕囉.. 希望今晚可以睇哂PharmChem4啦.. 不過見到本書咁厚已經想訓... 3.3

除左溫書趕之外, 我發現仲有好多野都好趕..

車車~ 係你講架喳! 我完全唔係咁既意思呀!!! 你俾佢睇到你知會有咩後果架啦~ 你都會死得好慘下~ 個陣時你又真係幾似既~ 你又高大過我咁多喎 - 個陣! 而家? 超超超! hehe 不過個陣你地真係個個都好高~ 我永遠都記得我成日偷偷地排後面都俾人捉番出黎.. 仲要得我一個坐第二行喳.. 你地唔係坐最尾就尾二... -.-" 不過講真其實個陣我係懷疑阿邦多d架~

唔寫喇.. 又十點半喇.. 要乖乖地溫書啦~~~

>>December 27, 2003 at 6:36:16 AM GMT+8

2003 年 12 月 25 日星期四【炎熱】

幸福快樂是...

21. 食野仲要係好肚餓既時候掃貨(黑椒)
22. 個個都開心(Rebecca)
23. 煮野食自己覺得OK(嘉嘉)
24. 做錯事後成功嫁禍俾人(Kia)
25. 唔洗擔心將來(基少)
26. 拎first honor(Aaron)
27. 一班人一齊玩一齊食飯(阿B)
28. Easter冇假放 – 早一個月返香港(Kia)
29. 成班人食團年飯(楷楷)
30. 女朋友開心(Stefan)
31. 結婚(Davis)
32. 發閔陣既時候有人自動自覺送上手臂乙隻(Kia)
33. 同狗狗玩(Davis)
34. 男仔可以喊(為秋)
35. 冬天飲到熱既vitasoy~ ^^ (Vannie)
36. 同朋友仔鬥遲起身(Kia)
37. 同朋友仔互數瘀野(Kia)
38. 我鍾意果個男仔幫我剪頭髮(Janice)
39. Kia同阿森嗌交互相指責對方蠢事俾自己多(楷楷)
40. 同朋友仔打波打機(車車)

>>December 26, 2003 at 10:37:44 AM GMT+8

2003 年 12 月 25 日星期四【乍雨乍晴】

聖誕快樂!!!!!!!! ^o^ MeRRy ChRiStMaS To EvErYoNe!!!! ^x^

聖誕節呀!!! 有冇開開心心咁過呀? 我就平凡得不能再平凡咁過~ 不過冇計啦~ 鬼叫趕時間咩.. 今朝四點鐘先返到hall呀.. 已經個party未完就走tim架喇.. 其實可以話係岩岩先開始跳舞喳.. 不過太煙霧迷漫喇.. 攪到好唔舒服.. 原本諗住同嘉嘉坐個張台無死啦~ 同我地一台個d都係差唔多年齡既.. 點知.. 真係好戲在後頭.. 全台得我同嘉嘉不煙不酒.. -.-" 佢地仲要岩岩先食完一支又到第二支, 五個人食唔同牌子既煙..d煙味mix埋一齊.. 真係..好.. 睇佢地飲野又係好好睇, 飲Brandy仲飲得多過我飲橙汁.. 我都係飲左兩杯橙汁, 嘉嘉飲左兩杯可樂.. 佢地又Double Brandy又紅酒.. 仲有好多mix.. 犀利.. 再加埋佢地每一句既都有既三字經.. 就越坐越唔自然.. 好有格格不入既feel.. 不過佢地都係d好nice既人黎既.. 只係有d唔習慣~ 攪到我同嘉嘉好似兩個小朋友咁坐係度飲橙汁細細聲傾計..

到d人開始跳舞, 我地就襯混亂走喇, 同佢地say哂goodbye之後就行返去喇~ 因為聖誕搭的士要Triple!!! 而且又食到好飽~ 我地去個陣係24號之麻, 的士都加左我地價呀!! 聖誕, boxing day同一號撘的士double都唔夠! 要Triple!! 仲要全英國<所有>交通工具, 除左飛機同的士其他都唔開架.. 鋪頭都係.. 百無.. 死未?! 香港唔加價不特止, 仲都加班tim啦!!! 呢到咁注重聖誕既話, 又唔見有聖誕氣氛?! 琴晚行返黎個陣..好似bio hazard咁.... 得d飲醉左既人坐左係街..

返到hall真係勁頭痛又好眼訓.. 訓到今朝十點.. 又係俾電話嘈醒!! 咁早打黎.. 都估到又係d人玩野架喇.... 一聽... 果然係老豆打黎.... 第一句就話你未起身呀? 然後d人就好得戚喇!!!! 所以我唯有死撐話起左身好耐~ 不過都係俾d反應同把聲出賣左.....! 老豆仲話之前打過黎響到斷左線都冇人聽.. 什麼訓到成隻豬咁.. 一聽梗係話佢吹水啦!! 次次嘈醒左我之後都咁講架啦!! 不過睇到原來Vannie send左sms俾我都聽唔到.. 又有d信佢.. 不過勁眼訓.. 唯有係咁話而家peak time呀~ 好貴架~ 晏d先打黎啦~ 點知俾人識穿左... 叫佢打land-line又唔打.. 敗家仔!! 請完HSBC食大餐仲唔夠, 仲請埋電話公司!! 兩個係度九唔答八up埋d無聊野之後就收線喇.. 我都唔知傾左d咩~ 訓返之後五分鐘又到Aunty Angela打黎!!! 原來老豆同我收左線之後打俾佢.. 仲俾埋我個電話佢!!! 唔怪得咁順攤肯收線啦!!! 同Aunty Angela又係唔知傾左d咩之後, 我就俾佢一句嚇醒左 - 佢叫我而家落London同佢地一齊過聖誕!!! 好彩我轉得快~ 即刻話今日無車喎~ 不過佢話佢過幾日會黎Yorkshire過元旦.. 好辛苦咁挨過左之後諗住可以有覺好訓.. 點知訓左半個鐘.. 今次又到Shabs.. 點解連平時唔會早起身既人都會係我極度需要訓覺既時候一早打黎既?!?! 同佢又傾左半粒鐘.. 收線之後我已經決定唔再訓喇.. 於是就起身溫書喇~ 好乖!!!! ^^

不過.. 到四點都係頂唔順, 諗住訓半個鐘....
四點半 → 鬧鐘響→ 禁熄左 → 訓 → 五點鐘 → 鬧鐘響 → 熄左 → 訓 → 五點半 → 鬧鐘響 → 又熄左 → 再訓→ 終於六點鐘成功起身~
好成功~只係被預定訓多左一個半鐘
好順利~因為電話無響過 ~~

係呀.. d聖誕禮物呢.. 應該呢.. 可以當做情人節禮物架可?? 我係買左呀.. 不過有好多野要整架.. 我想.. 考完試先整呀~ 即係.. 年初一個日我會開始整架喇.. 咁我想整得靚靚地麻.. 而且我仲未買齊呀.. 個日買個兩份都係Vannie同寳寳架.. 佢地呢d小朋友容易買麻~

收到阿MoE既聖誕卡喇!! ^^ 仲有聖誕禮物 - 暖蛋芯~ 但係無暖蛋喎?! 點解阿MoE會知我早排收到隻暖蛋架呢?? 我好似冇講過架..? 係呀~ 寳寳, 你個張究竟係咩聖誕卡?!?! 日日都點我! #$%^*#(% 你究竟放左d咩入去呀?!? 成兩個禮拜喇!!! 你唔係冇貼個Air Mail貼紙呀?!?!

P.S. 收到diary既email先知原來diary早排停止左申請呀!! 不過佢呢排會短暫開番俾人申請~ 所以你地邊個成日唔得閒自首, 好忙個d快d自己去開番個~ 等我地可以知道你近排攪緊咩!! 尢其是不嬲都有寫開diary既LionDog同楷楷呀!! 你兩個成日都係一時就成日浦頭, 一時就影都唔見!!

P.P.S. 諗真d.. 其實家俊琴日都有去寳寳到架.. 派代表麻~ 唔係你地d KFC宵夜係邊到黎?!

P.P.P.S. 係呀車車~ 你係一早就係呀~ FoRm OnE個年已經知你係啦!! hehehehe 我個陣真係信過架~ 不過都係信左一排者~ 問左你, 你話唔係之後我都冇信lu~ 突然之間醒番起所以想叫之麻~~~ ^^ MeRRy ChRiStMaS呀!!

***********
妹妹:
生日快樂!!
***********
你都係姓徐架麻~
張生日卡遲左有咩出奇者??

>>December 26, 2003 at 10:37:05 AM GMT+8

2003 年 12 月 24 日星期三【炎熱】

幸福快樂是...

1. 可以即刻返香港(Kia)
2. 家人,朋友,親人身體好(Kia)
3. 夜晚好想食野既時候食到熱辣辣既即蒸腸粉做宵夜(Vannie)
4. 同二豬行旺角(Kia)
5. 大吃大喝後沒有後遺症(Kia)
6. 了解身邊每一位朋友(為秋)
7. 踢波 – 入到波個隻(Stefan)
8. 跳級-下年畢業(Kia)
9. 同喜歡既人一齊(Davis)
10. 搵返哂一直以黎唔見左既野 – 都幾多下.. (Kia)
11. 女朋友過黎煮飯我食(車車)
12. 薪金上調百分之五十(Aaron)
13. 同阿森食什果(Kia)
14. Xmas返香港(Brian) (Rebecca)
15. 屋企人開心(阿華)
16. 朋友仔感到幸福(Kia)
17. 同自己鐘意既人一齊(Emily)
18. 想起朋友仔有幾愛我~ 哇哈哈哈哈~ (Kia)
19. d人簡單d(書欣)
20. 有錢有錢有錢(阿森)

>>December 25, 2003 at 3:34:56 AM GMT+8

2003 年 12 月 24 日星期三【乍暖還寒】

Happy Christmas Eve!!!!!!!!!!!! ^^

因為今朝早先訓所以一路都係訓... hehe

訓到四點鐘附近啦..就電話響俾人嘈醒左喇~ 係寳寳打黎呀~ 佢地齊哂人係度開P喇!!! 所以同寳寳傾左一陣就開始傳電話喇~ 有Vannie啦, LionDog啦, 阿森, 阿姜, 阿伯, 廖能, dee dee, 占叔 & 威~ 仲有Emily同嘉慧係度架.. 不過成班掛住食宵夜!!!!!! 好耐冇同過您地傾電話喇!! 尢其是LionDog!!! 如果唔係第一個就傳俾您聽, 我諗我都冇醒得咁快!! 同唔同人傾計都諗返起唔同既野~ 除左寳寳同Vannie呢兩個!! 同佢地傾反而會記得番自己係英國喇而家!! 聽到你地一大班人係度嘈真係好想Join.. 占叔仲要好似平時咁問我係邊度, 快d過黎.. 我真係想呀!! 您地當我唔識路未到啦!! 寳寳而家又唔係馬鞍山住.. 得我一個遲d到都唔係好出奇者~~~ 遲多少少就到架喇!! 唔知點解一有LionDog係度我就覺得好楊中feel.. 不過寳寳話我唔係度所以唔覺喎! hehe 梗係啦! 差左我喎~~~ 希望佢講呢句野個陣唔係又串緊我啦.. 我都冇瘀好耐喇~ 下年我地就應該會有一個又sweet又warm又開心又有楊中feel既聖誕架喇!! 森, 下年xmas一定會見到你!! 到時你就唔可以再瘀架喇!! 今年你瘀左, 我都只係0係電話到串你, 又冇其他人知你瘀左喎, 下年就唔同架喇~~~ 會係成班都聽到一齊笑架喇~ 醒d喇! 知唔知道?

講緊電話既時候, 仲收到咩咩既哂命電話!!! 呢d不知noradrenaline為何物既人! 唔該你下次聽清楚d問題!! 你係邊同你做緊咩係有好大分別既! 唔知B仔聽日會唔會打黎講Merry Christmas呢?? 應該都唔會架喇~ 人地聽日咁忙!! 希望你聽日乾乾淨淨, 一團和氣啦!! 聽日係你既轉捩點黎架~~~ GoOd LuCk~

而家都係七點鐘喳.. 今晚個Party十一點半到先開始.. 即係..又通頂.. @.@ 唔知點解我覺得今晚個Party會幾好玩~ 雖然好多人我都唔識! 係呀~ 今晚個Party係Blue Sky攪架! 好彩嘉嘉同我去.. 唔係真係會有d驚.. 雖然都識得Bobby佢地~ 原來琴日落Town俾Michael跟蹤都唔知呀!! hee 都唔係跟蹤既~ 好似話係我後面囉.. 都係Bobby叔講我先知喳..

車車, 我識照顧自己架喇而家!! 肯定叻過您!! 您自己都要Take care, 著多件衫呀!! 返到香港可能我已經係最唔怕凍個個喇!! 可能到時輪到我除件褸俾你同肥仔tim呀!! ^^ 好掛住你!!! 仲有呀....... 車車......我..... 突然之間........好想.......叫你做.........repeater! hehehehe

阿聖誕老人, 請你食百人一朱都唔食.. 你而家係咪玩串呀?! 你唔好咁得戚! 我一定會要肥仔同生生<差額雙倍奉還>!!!!!!

呢幾日突然之間暖左好多.. 咁....下個week.. 會有d危險..

今日係平安夜, 我地咁多個 - 個個都要幸幸福福, 開開心心, 快快樂樂!! ^^
就今日開始post d幸福快樂事啦~~~ ^^

>>December 25, 2003 at 3:32:37 AM GMT+8

2003 年 12 月 23 日星期二【乍暖還寒】

今日專登早d起身出town買聽晚食飯既聖誕禮物, 當然仲有朋友仔既聖誕禮物啦~ 第一次一個人出town喳~ 不過買聖誕禮物真係好開心~~ ^^ 雖然係度都冇咩選擇真係冇野好買.. 不過都揀到既~ 要買野點會話買唔到架~ 都買左兩份, 一式一樣既~~ 企係鋪頭度諗左勁耐.. 因為個度有兩樣野我都好中意~ 不過我諗緊如果送兩份唔同既話, 好容易俾人話大細超喎.. 所以都係兩個都買同一樣既野算喇~ 而且我覺得你兩個都會中意呢份既~~~ 之前咪話要聖誕後先買到既不過而家係聖誕前買到喇~ 雖然您地都要過左xmas先收到...

今日個銀包都真係好傷下~ 應該話老豆個銀包都幾傷下~ hehe 除左買聖誕禮物之外, 我仲有買自己既野啦~ 好耐冇行街麻~ 真係見到都忍唔住~ 一定要買下野先得~~ 所以入親鋪頭都有野出~ 除左買野之外, 老豆仲請左HSBC食聖誕大餐啦!!!!! 佢charge我上個期既卡數遲左找呀!!! 上個期既卡數仲要係最多個期.. 八百五十幾鎊架!!!! 遲左找再加埋d息... d息好似1.??%架.. 即係十幾鎊息一日....... 一對十三架.. @.@

係town到買左一陣野之後, 就已經天都黑哂喇.. 三點幾喳.. 之後收到Virginia個電話, 佢話佢同Michelle岩岩返要遲d先出到黎, Joyce又仲係Manchester, 咁我就唯有繼續行啦.. 第一次天黑一個人係街到行喳~ 係香港都好似冇試過~ 所以我又有self-improvement, 又一個evidence証明我大個左啦~ 哇哈哈哈哈~ 而且唔洗好似嘉嘉咁講, 話我仲慘過灰姑娘, 要四點前返屋企~~ 不過行左一陣之後又開始凍, 而且越行得多d英鎊就越燒得快~ 所以都係去左Virginia個hall到等喇.. 我仲發現.. 唔識得包禮物, 仲要包得好醜怪既女仔真係冇幾多個.. 暫時都好似得我一個...

落town既時候仲有另一個收穫呀~~ 撞到Valentina呀~~~ 好開心啦我地~ 終於都見到面喇~ 住隔離喳..我地都要傳紙仔.. 佢話佢都有返過hall, 不過都係d怪時間, 佢仲話佢都feel到個hall有幾死寂呀!! 佢見我自己一個, 之前又聽我嗔過你地走哂喎~ 所以佢就好好人好緊張咁問我xmas點, 呢幾日係咪得我一個咁, 我答左好多次佢都仲唔放心, 要我答左佢呢幾日會去邊先OK喳~ 佢好nice~ 不過費時阻住佢同阿Paul過聖誕啦~ 希望佢地過得sweet sweet啦~ ^^

五點幾我地就終於齊人去左Tesco喇.. 又行..當然又買野啦.. 我都唔知點解會仲有野買.. 咩咩撤離Bradford之前一齊去掃個d貨我仲有好多.. 但係又買..去到除左買自己野之外, 當然仲有今晚大餐既材料啦(好彩Joyce出住先, 唔係下次卡數又杰達達..) 買左成個Tesco最細既火雞, 但係都係大隻到我地正係食左個火雞空.. 其他部份都冇郁過.. 因為太飽喇.. 我地煮左雞翼, 沙律同海鮮濶麵, 仲有薯仔.. 同埋個四桶雪糕.. 再加埋之前個d有氣既提子汁(元兇).. 好飽! 連預左既蒜蓉包, 唔知咩波波同埋Yorkshire Pudding都冇食到~

我地八點先返到嘉嘉度, 再prepare, 九點半先放隻火雞入焗爐呀~ 雖然一路食一路等, 不過都好晏..食完都一點喇!! 之後就係到傾計, 不過Joyce同佢個friend Austina走先, 得番我,阿欣, Michelle, Virginia同嘉嘉~ 多謝哂d禮物同卡! Thankyou! ^^ 一路傾計阿欣都漁人得利哈哈 Virginia後尾都講得好起勁架~ 不過突然之間又訓左, 最尾佢地三個女仔訓哂係床, 得番我同嘉嘉冇訓喳.. 於是我就番屋企喇, 因為睇住佢地訓我又無得訓喎我怕我會忍唔住整醒佢地.. 而且我都想訓, 於是嘉嘉就同我返hall喇~ Thankyou! 走個陣仲係黑嗎嗎架.. 不過原來都七點幾架喇!! 佢幫我包完禮物, 等個天光d都閃lu~ 希望聽晚抽中左個個人會中意我份禮物啦~ 唔好係嘉嘉抽中就得喇! @.@ 佢都知係咩禮物又知張卡寫左咩喇..

今年23號呢個<嘉嘉的Christmas Eve>都過得好好呀~ 都唔知點解d人教極都唔識24號先係Christmas Eve.. 真係阿蛋!

P.S. 今日又問錯問題.. 希望你冇事啦.. sorry!!

P.P.S. 大鑊喇.. 又發現多三個人答錯個條心理測驗喇.. 生生, 車車, 寳寳, 肥仔.. 得你地呢d同我一齊大既.. 全部都答岩.................. 剩返阿伯........ 不過我已經決定左唔問佢喇..... 我真係怕佢都答岩............你地都唔好問佢呀!

>>December 25, 2003 at 3:29:17 AM GMT+8

2003 年 12 月 22 日星期一【乍雨乍晴】

人越大就越明白亦越認同馮sir個句野~
越大個就越慶幸自己係楊中人
最幸運既係可以做到82年既楊中人~ ^^
好彩呢十年陪我過既係您地
您地個個都咁好 ^x^
唔係既話我都唔知會係點
我聽人講最開心快樂個十年
就係十一, 二歲開始個十年
而呢十年我係同您地一齊過架!! (^.^)
當然之後咁多個十年都會係啦~~~
寳寳, 生生, 車車, 肥仔, 阿伯, 肥貓
Vannie, LionDog, 阿華, 阿森, dee dee
阿姜, 嘉慧, Emily, 廖能, 楷楷, 占叔, 阿狗, 家俊, 威,
羡敏, 家苑, 阿芝, 阿健同埋好多好多楊中人
每一個出現過既 ~ 我都好愛~ ^^
hee 唔講喇唔係non-楊中人會眼紅架哈哈
唔洗合醋啦~ 當然唔少得IVE人同Bradford人我都好愛好愛啦~~~
我好花心架~~ 一個都不能少~~~

Chi Lam隻大碟<愛與夢>係咪出左喇??????? 我琴日上網聽好正呀!!!!! 有十個好呀!! 歌又正~ 佢唱歌又唱得正~ 隻碟係新歌加精選黎架~ ㊣㊣㊣㊣㊣你地一定要聽呀!!! 不過.. 究竟隻碟出左未者??

寳寳今日同肥仔去左睇魔戒呀.. 之前已經同左Vannie睇地下鐵啦.. 衰人! 明知我對地鐵冇咩好感就唔好睇啦!! 今日佢仲同肥仔撐台腳呀!! 我都好想去呀..>.< 死肥仔又請寳寳食百人一朱!! 咁我呢?? 生生你今次蝕左喇!! 抵死啦~ 又放人飛機~ 咪住! 我醒係生生都有同過寳寳去百人一朱撐台腳架喎!!!!!!!! 咁我呢?!?!?!?!?!?!

今日都冇落雪~ 可能落左我唔知掛~ 起身都黑嗎嗎, 咩都睇唔到~ 我諗都會到一月先落得到~

嘉嘉聽日就返Bradford喇~ 岩岩呢個星期Bradford真係冇人啦.. Virginia佢地又落左London~ 不過聽日終於齊人喇~ 阿欣24th唔得閒, 25th又無車喎(阿欣住Leeds架) , 所以我地就揀左聽日整聖誕大餐喇~ 我地要焗火雞啦, 整甜品啦~ 焗唔焗蛋糕好呢?? 好彩嘉嘉個hall有洗碗機喳.. 唔係之後要洗一個鐘碗都似..

LoOkInG FoRwArD~ ^^

P.S. Vannie, 咁你feel到我有幾凍未?? 不過我都好少出街既~ 出到去d鋪頭都有暖氣既.. 係0係街個陣難頂d囉.... 我之前真係無諗過架~ 你而家咁講係咪想話你其實一早已經大個左Y?!!?

>>December 23, 2003 at 4:58:50 AM GMT+8