Showhappy.net - Members diary

日記

日記主簡介

<< 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 >>

2004 年 2 月 29 日星期日【陰晴不定】

今個weekend唔知做咩。好鬼悶。
悶到連律政新人王都由頭睇返哂..
雖然真係好悶好悶, 冇野做..
但係.. 。d功課都係冇郁過。
諗諗下.. 。間房都好似好耐冇執過。
點解英國唔興請鐘點架呢?
點解cleaners唔幫我執埋房呢?
點解今個weekend真係咁鬼死悶呢?!
真係寧願返學....

今日收到你既msg真係好開心架~
除左因為你講既野, 仲有就係我一路都唔知你有睇我diary!
所以,係一個。驚喜。 ^^
其實我有諗過打"阿蚊"架~ 個陣我咁叫你架麻!!
不過佢地都係叫你Ka Man多, 所以都係打返Ka Man
個msg我睇到真係好開心, it means a lot!
最衰我去左煮飯.. 唔係可以打聽下你呢排攪緊咩..
Anyway, 。Thank you!。 ^^

死dee dee你真係好衰格架!
次次都只係話俾我聽我衰左咩!
但係又唔話俾我聽點算!要我自己攪掂佢!!!!
你快d搵人話番我聽阿素坐邊架啦!!!

都係呢個蛋糕既background個感覺幸福d~~ 睇到都開心~~ ^0^

好似話星期三香港開始凍, 14度喎!
你地記住著多件衫喇~ 帶頸巾呀~
。尢其是家俊一定唔可以感冒呀!。 hehehe
我呢度都有14度就好喇~~

今日係星期日~ 所以我都係冇出過街既~
出面d雪都溶哂lu~ 咁聽日應該會暖番d掛?
無出街.. 所以.. d相.. 都係0係hall影既..

。坐係床影。

。訓係床影。

今日係四年一度既二月廿九~
不過都係冇咩特別~ 係收左兩個好正既msg囉~
一個係阿蚊既, 一個係LionDog既~ ^0^
。下一個二月廿九我應該係香港啦。
到時應該畢左業架喇~~ 諗下都開心~ p^o^q

華, 咁你真係白痴Y麻.. 用下腦都估到啦小姐..!! 真係.. 咁大個都仲係咁! 我真係想像唔到我地d朋友仔會做人阿媽.. 如果你係咁.. 我諗.. 都幾大鑊下! 係你個女都幾大鑊下!
LionDog, 你話你係咪抵死Y! 個幾星期先睇一次! 我呢d咁乖梗係日日記架麻~ 你都唔關心我既~ 你係就day day睇啦!! 不過算啦~ 見你今次個msg。終於。都唔係留黎串我喇!! 我好鬼死掛住你呀衰人~~~ 你幾時打黎我都會聽架啦~~ IDD大過天~ 你見阿華打黎,我連學都唔返同佢傾啦~~ Vannie又係喎~~ 我唔訓都同佢傾啦~ 你睇我對你地幾好~~ 哈哈哈哈~ 真係好鬼死掛住你~ 好耐冇聽過你鬧Vannie喇!! 我返到去你記住俾我搵到先好呀~~~

>>March 1, 2004 at 8:47:49 AM GMT+8

2004 年 2 月 29 日星期日【陰晴不定】

終於有人幫人馬座既花心平反喇~~

平常不拘小節的射手座們，在追求上可是蠻傳統的，女追男的事情不多見，通常是朋友
慢慢的走成情侶。一但變成情侶，射手的要求可是再保守不過了，最好是長長久久，不
要有太多變動，順著一般的步驟，結婚生子......怎麼樣夠保守了吧！如果有一隻射手
不很想定下來的話，那只有一個可能，就是他沒有找到他的理想對象，等他找到了，一
切又會按計劃進行囉！

>>March 1, 2004 at 1:02:03 AM GMT+8

2004 年 2 月 28 日星期六【乍雨乍晴】

。The secret of friendship is caring and sharing。

>>February 29, 2004 at 8:53:02 AM GMT+8

2004 年 2 月 28 日星期六【乍雨乍晴】

下晝同阿Law chat個陣發現原來阿Law都識Kar Yuen架喎~
Bradford果然係好細~
令我更加想知個D 專將D野換哂版本周圍吹水以為人地唔會知既人。你個腦去左邊?。
唔.. 值得研究值得研究~

今日Vannie話佢Feel唔到我大個左..
唔係掛? 你唔認喳?
至少而家唔會咩都正係識企係度笑..
諗番起都覺得以前幾白痴下.. 成日出醜.....
而且而家都唔會成日去撩交打周圍攪事啦~ hehe
大個左好多喇~ 又冇咁大頭蝦又冇成日掛住玩喎~
你諗真D啦, 我係咪同以前唔同左呢?
。我成熟左好多喇。 ^0^V

好似講左好耐都冇咩點post過相.. hee
。買部DC黎都唔知做咩。 <-- 已經俾人話過好多次..
所以由今日起, 會影返多D相
不過呢到都冇咩特別野好影..
。都係影無聊相多。
而且呢幾日又凍.. 今日又唔洗返學.. 所以都冇出過去..
影住廚房交差先..

。廚房既左邊。

。廚房既右邊。

。廚櫃。

黃色係XO醬海鮮味~~
綠色就係九州豬骨濃湯喇~
上年先係食原味~

dee dee, 係喎.. 差左阿素.. 我今日都有同Vannie講.. 我記得佢係坐Winnie隔離架.. 不過維維又好似係喎.. 究竟係邊個坐Winnie隔離呀?? 你記唔記得佢兩個好似有一個讀讀下冇讀架.. 你唔好話俾我知冇左佢但係又唔話我知佢坐邊先得架!!
Vannie.. 但係form 5個陣都好少寫阿lur架喎.. 都係寫=P多.. 咁點呀??

>>February 29, 2004 at 7:47:33 AM GMT+8

2004 年 2 月 27 日星期五【乍雨乍晴】

Yellow info

岩岩玩完既心理測驗..
話我唔夠成熟都算啦..
洗唔洗咁串呀.. 青春期都未到..
$#%*!@#$!

++我又玩++

>>February 28, 2004 at 9:37:04 AM GMT+8

2004 年 2 月 27 日星期五【乍雨乍晴】

今日返完1200之後返左hall
1345諗住出門口返1400
不過阿華打黎~
為左傾電話...所以.. 又冇返學..
。實在太多損友。
傾左兩粒幾鐘~ 岩岩好走哂兩堂~
不過無計啦~ IDD大過天~ ^^
傾傾傾~ 阿華又俾左個驚喜我~
。原來我既初戀男友同佢老婆已經有兩個小朋友。
我知佢一早結左婚, 不過真係唔知有兩個小朋友咁多~
唔知叫咩名呢?? ^0^ 知佢咁幸福都好開心~ ^^v
其實都冇人話我地知佢幸福架!
不過我知佢一定係一個好老豆~
所以應該會好幸福! 希望佢係! ^o^
感覺上好奇怪~ 佢結左婚, 生哂仔, 我仲有三年先畢業, 仲未定
但係今日同阿華數數下.. 原來好多朋友仔都已經結左婚有小朋友
唔係既都已經同居緊..
。我地仲好後生喳喎。
究竟係我地楊中人太早定係全世界既82年都係咁架呢?
我覺得如果只係楊中人係咁既話..
我肯定同居條trend係阿健同阿婷帶出黎..
而結婚生仔既trend就梗係非郭長莫屬..
講起郭長...唔知佢而家點呢..?

。琴晚收到一個無人性既電話。
「你望下出面~」
「做咩呀?」
「望下先啦!」
「哦!」
「見唔見出面好大雪?」
「係喎!」
「祝你一陣晏D, 半夜三, 四點有fire alarm」
「........」

今日生生問我點解早兩日咁開心~
聽到生生話。拍拖都唔會令你咁開心。
個一刻真係好感動~~~
十年真係十年..
其他人.. 一早就認定係關於愛情..
不過如果佢地唔係咁既話..
我諗我都唔會發現原來你地真係咁了解我~~ ^^

Vannie.. 係咪如果我唔整, 你就唔愛我Y?? >.<"

>>February 28, 2004 at 8:55:23 AM GMT+8

2004 年 2 月 26 日星期四【乍雨乍晴】

5D

┌───┬──┬───┬───┬───┬───┬───┐
│ 饒立 │ 阿華 │ 鋒爺 │ 阿霈 │張慧琳│馬沛力│潘恩孝│
├───┬───┬───┬───┬───┬──┬───┤
│萬嘉明│薛惠茹│ Winnie│ 尹子 │ 嘉慧 │楷楷 │ 阿森 │
├───┬───┬──┬───┬───┬───┬───┤
│ ( 柱 ) │ 維維 │ 廖能 │秦偉標│ Emily │Ka Man│雅/弟弟│
├───┬───┬───┬───┬──┬───┬───┤
│羅志偉│ 阿潘 │ 嘉麗 │ 阿狗 │ 占叔 │ 阿恩 │董文藹│
├───┬───┬───┬───┬───┬───┬──┤
│獅子狗│ 家俊 │弟弟/雅│Vannie│ 丹丹 │五隻龜│ Dick │
├──┬───┬───┬───┬───┬───┬───┤
│ 薯仔│ 寶寶 │ 阿伯 │ 溫國基│陳浩錦│ ?????? │張嘉文│
└──┴───┴───┴───┴───┴───┴───┘

?????? -- 我地唔記得左repeater個名.. -.-"
俾我地達全名既..
應該都唔會睇到既..

好邪呀~~
0岩0岩發現原來同嘉嘉一班機喎~~
仲要走同返都一樣呀!
你做咩跟風??

>>February 27, 2004 at 9:21:47 AM GMT+8

2004 年 2 月 26 日星期四【乍雨乍晴】

。睇陀槍師姐IV睇到0500先訓。
一路都覺得今輯一d都唔好睇.. 我都唔知點解會睇通頂唔去訓..
訓得三粒鐘多d, 今朝0830就爬起身返學..
就係咁.. 再加上Stefan既引誘..
上完immune就閃左, 冇上第二堂..
。損友。
返到hall, 即訓! 一路訓到2230先識醒..
人又眼訓, 天氣又凍.. 。點解今日我要返早你地又唔玩罷工?。
早兩日落既雪居然出哂太陽都仲未溶哂.. 仲要凍多幾日..
。醒起上個星期話今個星期一開始鑽圖書館。
睇怕.. 都要下星期一先..

屎掟, 你真係好似奀仔!
不過你唔好再扮大B哥哥....

琴晚同Vannie傾電話
傾左三粒鐘。晚上十一點半先開始煮晚飯。
傾傾傾.. 又係由近期既事開始傾到去以前既事
。發現自己原來中二既時候做左一件非常天真既事。
果然。我本善良。
俾你地教壞哂..
同Vannie兩個默返中五個陣既座位表出黎。唔好話我地無聊。
咁耐都記得到.. 我都覺得我地好勁~
我諗..大致上..都應該冇默錯既..
唔知默唔默得返中一個個呢?
好似有d難度..
我正係記得試過坐第二個位..坐鋒爺後面..
坐得最後個次.. 就係坐第三個位.. 占叔前面..
。你地全部就永遠都係坐哂係後面……………。

呢排身邊都好似好多事, 好多人, 好多話題都同結婚扯上左關係..
完全冇諗過d咁既野..
突然之間, 好似全部都變得好近, 好快
。好恐怖。

你個msg真係.. 一睇到.. n個問號.. 首先唔知係邊個留既.. 估到之後就唔明你up咩.. 之後再唔明點解你會改個咁既名.. 琴晚突然之間醒起你點解叫呢個名喇! 好! 我認~ 今次係我白痴左! 不過你都要負上大部份責任!
死dee dee.. 我一見到你留msg俾我未睇哂都知一定係衰野.. 究竟而家係咪有條例唔可以留msg鼓勵下我, 一定要寫d衰野先可以留msg架呢?!!?!?! 下?!?!!?! 個個一係唔浦頭, 一出現就講d腰心腰肺既野! 不過你都好過LionDog既.. 佢擺明無野俾佢串就玩失蹤! 我話你聽, 有句野叫做。一個起兩個止。唔會再有第三個.. Anyway, 請問你想點死??

>>February 27, 2004 at 7:46:12 AM GMT+8

2004 年 2 月 25 日星期三【乍雨乍晴】

------
上午
------
平時一定唔會天都未黑就寫日記
但係今日唔得
因為我。仲係好閔。
講極都唔明!!
你係咪玩野呀而家?!
琴晚到而家。我都好想鍊死你。
開頭我都不停叫自己冷靜d
一路同你講就一路同自己講。唔好咁直接。唔好咁直接。
但係後尾我真係俾你攪到我控制唔到..
。不停咁鬧。
點解有版你睇都係咁?
。我冷血架。
你成熟d好唔好?
。我真係好唔想有第二個佢。

------
下午
------
今朝差唔多0600先訓.. @.@
九點未到佢又fire alarm!!!
。激到我爆炸。
去行樓梯既時候
一開門就見到。出面積哂雪。
我記得第一次見個陣, 我係度大嗌
。好靚呀。
不過今朝一望到..
諗都唔諗即刻同Valentina講。im definitely NOT going to wait outside。
一路行一路諗可以匿係邊度唔出去..
好彩去到C floor個alarm停左!
Monica同Valentina居然行返樓梯上去
。打死我都唔制。
行完樓梯咩都醒哂啦!
。要keep住迷迷糊糊, 返去再訓過。

而家冷靜返d..唔閔喇..
只係好無奈..
-.-"

。呢個世界你唔會只愛一個人。
。鐘意。唔一定要擁有。
。最緊要佢幸福快樂。
。然後。
。你再去找第二個你愛佢而佢又愛你既人。
。朋友仔做好少既事或者好隨口既一句話。
。我都會覺得好感動。
。但係。愛情唔同。
。至少。對我黎講。
。要好多好多年我先會被感動。
。無論如何。
。我衷心感激。你所做既一切。
。我們。永遠。都是好朋友。
。祝福你。

我知我琴晚講野又係口快過腦..
諗到個句就講個句..
sorry..

點解要叫自己做永遠唔會開心既人? 你打錯字喳? 見到呢個名我好唔開心.. 希望你只係貪得意.. 而且我諗唔到你呢排有咩唔開心.. 除非你有不過冇講我聽!! 我知你呢排攪既野有d唔順利, 不過好快就OK架喇!!! 俾心機!! 我支持你!!

>>February 26, 2004 at 3:12:40 AM GMT+8

2004 年 2 月 24 日星期二【乍雨乍晴】

。喜歡。還是得放棄。
。再心愛的東西。還是得放棄。
。真正愛著一個人。你會願意放開手。
。如果一直抱緊不放的話。
。你最愛的不過是你自己。

>>February 25, 2004 at 1:55:19 PM GMT+8