Showhappy.net - Members diary

日記

日記主簡介

<< 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 >>

2003 年 10 月 29 日星期三【颳風】

今日星期三放1pm, 應該有好多時間做好多野

不過除左記得自己抄過Pharmacology個report之外

好似都冇咩印象做過d咩..

有人記得既唔該話我知

其實....

成日都好怕夜晚寫日記既時候

...發現

全日就係坐左係度諗自己做過d咩 ..

好恐怖..

>>November 1, 2003 at 9:51:21 AM GMT+8

2003 年 10 月 28 日星期二【乍雨乍晴】

同一個好老既老朋友傾計

真係有個句講個句

就算係講一d大家都唔開心既野個感覺都好舒服

唔似得一d少少野都會講大話既人

好冇安全感

一係你就講得高d

唔好俾我知你講緊大話

唔係唔好出聲得唔得?

唔該

其實你留意既話都應該會發現我提過你好多次我知你講緊大話

暗示哂叫你唔好再講都係咁

你真係得意

不過你中意衰我都冇辦法

講返好老既老朋友先

可以坦坦白白講哂出黎真係好好

雖然好耐冇傾計

但係都可以一傾就傾最真最深(心)底既野

我諗..呢d就係識左咁耐既結果掛

一有咩特別事都會忍唔住自首講哂你地知

好enjoy我地可以有個句講個句, 想問咩直接問

而又完全唔洗考慮對方有冇講大話既感覺

而最重要既係

我地個頭好認真咁嗌到火紅火綠

但係都可以因為知道對方份人係點

大家都有係對方既立場諗野, 盡量做到最好

記得大家其實有幾錫對方

嗌還嗌, 講完一單之後又可以冇事咁傾心事

究竟係邊年開始我地昇華成咁架呢?

好似我走左之後我地咁多個都俾以前更加close

都話有失必有得架啦~

Anyway, 你要記得你講既野呀! 你再唔fair我會殺左你架!!

>>November 1, 2003 at 9:39:40 AM GMT+8

2003 年 10 月 27 日星期一【颳風】

今日係正羊(Terence)既生日, 俾佢威哂啦, d人勁得戚, 成晚係度串串串, 但係又唔夠膽十二點後過左生日先走喎!!!

今日又係食唐餐呀~ 人地生日麻!! 原本去佛笑樓既, 不過d人又話成日食, 於是就去左試江山樓. 有我, 壽星仔, Stefan, 嘉嘉(阿偉), 阿欣, Virginia, 阿Ken, Celia同華華. 4男5女. 食左聽落好中國既中國R, 有牛腩煲, 檸檬雞, 香酥鴨, 白切雞, 魚香茄子, 蒜蓉炒白菜, 乾炒牛河, 蛋炒飯, 酸辣湯仲有白飯. 唔知點解冇人d菜都可以上得咁慢.. 而且d野食好細碟, 飯又冇得任食喎, 佛笑樓炒飯任食架麻.. Blue Sky都有白飯任食啦.. 不過Overall黎講, 佢都好過Blue Sky既, 但係要揀既話, 依然係覺得佛笑樓最好囉.. 不過中國餐館走去玩Open Kitchen.. 係人都知你去完佛笑樓囉...

HaPpY BiRtHdAy La cHiNg ShEeP ~ HoPe Ur BdAy WiSh WilL CoMe TrUe VeRy SoOn La ~

>>November 1, 2003 at 9:21:13 AM GMT+8

2003 年 10 月 26 日星期日【颳風】

今日寳寳都有打俾我, 真係好~~ 愛死你~~

因為好開心既關係, 冇去basketball training. OK.. 我知呢個唔係理由 ^^

另外..好似都唔係好記得今日做過d咩..

有! 又係打邊爐, 食番琴晚未食哂既野~

仲有, 就係我已經較左鐘喇, 轉左冬令, 較慢一個中, 香港而家快英國八個中喇.. 又開始放學已經天都黑齊既日子..

仲有........好似都係冇喇.. 係咁多..

>>November 1, 2003 at 10:30:53 AM GMT+8

2003 年 10 月 25 日星期六【暴雨】

今朝早送左Nino去搭coach之後, (Nino去葡萄牙9日), 就同Ivan, Miguel & Leo去左Manchester, 已經唔知第n次去.. 除左悶還是悶.. 就連Ivan同Miguel第一次去都悶到想死. 去到首先就係飲茶..已經揀最好食個間架喇..都好不知所謂..食完之後行下街,避下雨,又行下Muji咁都差唔多一日. 最大既收穫就係去左Ho's Bakery買老婆餅, 蛋tart, 菠蘿包同腸仔包, 其實都唔係買, 因為識得, 佢請我地食. ^^ 之後就緊係去買野打邊爐啦, 買我好中意食既魚蛋呀, 牛丸呀, 墨魚丸呀, 仲有雲吞呀, 白菜呀~~ 一打邊爐就好掛住你地呀.. 雖然我地成日都上賊船, 不過都好想同你地一齊去烚下烚下..

雖然冇得同你地一齊烚, 不過都好有feel呀, 因為寳寳同Vannie今日都打俾我呀, 因為之前換左張電話卡去第二個電話到, 而個電話又壞壞地喎..., 好多日都冇聽過你地把聲.. 超掛住, 於是我就miss call寳寳, miss call左兩次, 再send多個sms俾佢, 之後佢就打俾我喇!! 不過個陣我仲飲緊茶, 而且香港仲未到off-peak time, 所以就叫寳寳晏d再打黎喇.. 兩,三個中之後, 佢就用三線打俾Vannie再打埋俾我喇, 個陣我仲係Manchester架, 傾左一陣, 就無啦啦cut左幾次線.. 可能個電話太熱喇.. 我以為佢地唔會打返黎架喇, 點知返到Bradford打邊爐個陣又打返黎傾過, 首先係Vannie打黎, 我地傾左都有兩粒中, 岩岩收線兩,三分鐘之後就到寳寳打黎喇~ 傾左一陣又3-line打埋俾Vannie, 好開心啦~ 又傾多成個幾兩個中!!! hehe 三個女人一個墟麻!! 好正呀~~~ 真係好開心, 雖然你兩個八婆係咁話聽日出旺角做咩食咩, 而且聽到d唔係咁happy&令我好嬲既野, 不過我知過多一排就會happy番既! 因為我既朋友仔除左我,邊個都唔蝦得既!!!

>>November 1, 2003 at 8:56:00 AM GMT+8

2003 年 10 月 24 日星期五【雷雨】

今日係10月31號--個server終於郁返..
不過要由24號開始寫番d diary..唔係又會俾訓導捉..

24號..唔開心...

因為阿Law今朝早走..忍唔住喊.. 好醜怪..

而且..

因為我有野要自首.....

我.....唔見左隻錶....塊玻璃....我都唔知點解會唔見左...點解會跌左出黎.. 搵唔番塊玻璃... 唔開心.. 成日跌野..! 不過安慰既係隻錶冇唔見到!! 而且仲行緊!! 不過冇左塊玻璃我怕d時針分針都會跌埋出黎, 所以冇帶到.. 配得返架麻?!??

P.S. 應承左阿Law好多日都唔記得左.. 今日寫返先.. Rebecca, 你知唔知阿Law同我講咩?? 佢話"你幫我係diary到寫你個朋友Rebecca, 問佢點解d skill咁差, 幫我染到個頭一達達, 點出黎行?" hehe 我聽聞佢染左個頭之後兩日都冇出過街, 係咪真架?? 講明先呀~~阿Law叫我咁寫架!! 話事話, 阿Law, 好彩我係你走左先記得喳, 唔係你實俾人碎屍左..

>>November 1, 2003 at 8:23:42 AM GMT+8

2003 年 10 月 23 日星期四【乍雨乍晴】

呢幾日真係好忙麻..今朝又係成五點半先返到hall, 成六點幾七點先訓呀.. 唔好話我懶啦.. 呢幾日冇時間寫麻, 連LINE都冇ON過.. 不過, 我有時間掛住你地咪得囉, 係咪?? 今日收到寶寶個OFFLINE MSG, 佢話佢可以上返網喇!! 真係好~ 不過今個WEEK都仲好忙... 唔知可唔可以ONLINE..

呢幾日究竟忙D咩呢? 就係忙住開P.. 因為阿Law聽日就返Malaysia喇.. 好唔捨得佢.. 琴晚我地去左Blue Sky食飯, 好正呀, order左龍蝦, 原來有海鮮食係好幸福架~ 好想返香港勁食.. 講返好靚仔既阿Law先.. 希望佢會中意份禮物啦.. 真係有D相逢恨晚既感覺.. 不過我下年去Malaysia就會再見到你啦.. 又或者你會返黎讀Master呢?????

琴晚食完飯之後就打麻雀, 打到今朝五點.. 第一次用英鎊打牌..

今晚我地又落Gaudis (pub), 我估又會通頂.. 聽日返0900.. 不過冇計啦.. 阿Law聽日要走.. 都冇咩幾可........ >< 今晚一定要著好厚好厚既褸.. 唔係實凍死! 因為我肯定冇人會俾見褸我.. 今年真係太凍喇.. 仲凍過上年xmas.. 琴日Scotland同North England已經落雪喇.. 早左成兩個月... 頭先返黎都差D凍死左..好彩係Stefan到拎左件好大好厚既褸+頸巾.....我想知香港仲有冇暖蛋賣呀??

妹妹去完韓國返黎喇~ 不過你地最好唔好問佢好唔好玩, 唔係佢殺人都似, 佢講親都好閔.. 佢話下次有人請都唔去喎.. 真係咁悶咩?? 曬命喳?!!!?!? 永遠都係等人返左英國你地先去旅行... 上年去日本個陣又冇我份..今次又係咁...!!!!!!!!!!!

星期二個日好乖呀~ 去左basketball training~ 不過有D後悔.. 因為之前個星期五落Gaudis跳舞個陣踩到阿Law跟住屈到隻腳.. 原本以為咁多日應該冇野, 點知train完就知大鑊.. 不過個日training都幾hard, 唔俾人take break..由五點開始係咁玩體能.. 有個女仔頂唔順到喊左..(唔係我!!!!) 個coach上左身.. 居然走埋黎同我講野, 可能佢俾我個四分鐘無影"登" impressed左, 我係尾四個個give up架~

唔寫喇..七點..遲到... Stefan, 你知我遲到既原因啦, 呵?? =P

>>October 24, 2003 at 2:02:21 AM GMT+8

2003 年 10 月 18 日星期六【颳風】

居然連阿偉都串我...你又話幫我既?!? 好囉..今次冇excuse, 我認衰..咁多日冇寫.. 不過岩岩個個week真係冇咩時間麻..你地知我一樣咁掛住你地咪得囉, 係咪??

出牙仔?? 乳齒換恆齒喳?!!!? 定係牙肉痛喳?? 你冇理由仲早過我出智慧齒架!!!!!!!!!!!!!!!!!!!!!!! 真係好痛呀?? 咁你唔mock左佢?? 可能呢d係報應黎架!! 成日對我咁衰!!!

呢排都冇咩特別野既, 係多左d reportSSSS等住我咁囉.. 儲埋有野換.... 有人幫我做就好喇.. 再加埋個presentation要準備.. 仲有佔全個module 80%既Essay... 讀到咁, 拎埋牌, 係度都仲要俾人classified做skilled labour... 打死都唔會留係英國做..

聽日又有basketball training, 但係我前日已經決定左-- 唔去 ! 因為真係要做好哂d reports先.. 睇下我幾好, 冇時間都寫日記呀! 所以下次再係咁既話, 你地都唔好再話我喇, 知唔知??

P.S. 呢排都上唔到 ICQ, msg要留係度... ICQ未reply到....

>>October 19, 2003 at 1:39:05 AM GMT+8

2003 年 10 月 14 日星期二【陰晴不定】

今日都冇咩特別事, 打波囉~ 雖然唔係好想去, 不過唔知點解有好多人都好支持我繼續打.. 呢d咪就叫做包~E頸囉~ 打波個陣都冇咩特別, 又係咁~ 聽日有away game對Leeds, 不過唔去得..因為要留返係bradford攪chinese society.. 雖然好想去.. 不過去左又會冇時間洗衫&做其他野.. 再唔洗衫俾阿娘見到既話又會俾人串.. 你地話個society叫咩名好呀?? 真係好想去Leeds呀聽日...

唔知點解今日真係好凍~~ 可能因為我唔記得著褸掛.. 但係我出門口個陣都唔凍既.. 練完波返hall前前後後都見到6,7個識得既男仔, 不過都冇人俾件褸我囉!!! 係呀! 講緊你地!! 勁有風度!

LionDog, 係呀, 寳寳已經唔係馬鞍山住喇..今年返去出街既話會得我一個自己搭車喳.. 出去同返屋企都冇人陪.. 諗起都覺得好唔慣, 有人陪我一齊返, 冇左Mabel都會好怪, 何況得我一個... 好可憐.. 人地習慣哂你又走左去.. 諗諗下..咁多年, 冇你同我一齊搭車既日子真係好少... 不過, 你放心~ 我自己一個返屋企都冇問題!!!~

呢排好多人都講緊xmas返hk, 我今年都好想好想返呀.. 不過我聽人講今年機票價貴左好多.. 850鎊都有.. 而且我同Terence計過.. 如果十幾號返到去, 同親戚,朋友食飯行街total用十日, 咁就到xmas喇, 再幾日就到count down, 然後就係d朋友仔生日...即係話唔會有好多時間溫書...咁我都可以想像到自己返到去既話會玩得有幾癲既.. 真係notes都唔洗帶.. 唔洗溫書個隻囉.. 不過放成個月..係呢度做咩好?!?

每一次上Health, Society and Pharmacy我都學左好多野, 上一堂就係問pharmacists係咩級呢?? 佢有幾個揀既..
1. Professional
2. Intermediate Professional
3. Skilled labour
4. Manual labour
當我諗緊揀1定2既時候, 個個都答Skilled labour.. 唔係掛.. 咁Policemen又係咩呀? 原來Pharmacists係呢度係skilled labour...上當.. 今日上堂終於明白點解佢地會當自己係skilled labour.. 原來呢度d藥劑師要做office boy咁周圍送藥... 越聽越覺得不知所謂.. 所以第二堂已經同Stefan係到傳紙仔, (雖然我地坐隔離) 我地係度討論呢個diamond rings同family affair既問題~ 過得好充實~~ 唔好話我地唔聽書呀! 呢科唔洗考試先係喳!! 要考試個d會係Stefan自己畫公仔 (or恰眼訓), 我聽書架!!

今日終於都交左學費同hall fees, 因為今日deadline喇.. 幾驚寫錯cheque又要寫過.. 因為成日都寫錯左??? dollars only...應該寫pounds先至岩...

今個week仲係好眼訓冇咩精神.. 我諗都係要下個week先溫到書架喇... 你地讀成點呀?? 有冇俾心機呢?? LionDog, 你係咪同我同一年grad呀??

P.S. Stefan, 係咪我做咩你都會撐我先??

>>October 15, 2003 at 6:12:57 AM GMT+8

2003 年 10 月 13 日星期一【颳風】

Vannie, 如果我地講緊個個speaker係同一個既話, 我都知係好靚! 真係好靚, 不過我驚佢好易壞, o徙我心機.. 我梗係記得你中意大口仔啦~ 一個大口仔schedule就可以呃到去既人點會唔記得..係人都知你中意啦!! 就好似你地個個都知我愛死Mickey咁.. 不過講d好攪笑既野你知, 我琴日收左隻Winnie the pooh.. 超攪笑..佢唔係唔知我中意Mickey架囉.. 有d人做野真係好難明.. 而家我每次見到阿pooh我都覺得有人留低左佢係我度...
仲有呀, 我個日遲左起身係因為個排都通頂喳!! 唔係好似你地咁, 係咪都兩點後先起身呀!

LionDog, Mabel唔留msg係因為佢仲未上到網.. 佢屋企電話好似都係搬左之後兩個weeks先有, 人搬出馬鞍山, 佢搬出馬鞍山, 越搬越荒蕪.. 而且佢日日都去誤人子弟, 通常佢返緊屋企打俾我個陣都已經夜晚十一點喇~

阿偉, 你串我呀, 恆心..?? 早幾日冇寫你唔見d人幾串咩..?!!?!

講返今日先, 今日好乖, 上堂只係話恰眼訓, 不過冇訓到, 唔似得人地Stefan, 係咁係我隔離中眼訓, 不過我為免佢馮二進一, 每次佢一合埋眼我都拍醒佢~~ 話時話, 呢排成日都俾人叫蠢蠢.. 又話想鍊死我.. 都好耐冇出過手~~ 哈, Stefan, 你聽日仲眼唔眼訓??

你地知唔知我今期既wallpaper係邊個呀?? 係肥仔呀~~ 我用左你好大個頭個張呀, 所以我部pc就好似貼左一幅15R既相咁, 我已經影低左喇, 我睇下邊日得閒upload上網再講你知啦!! ^^

聽日又有basketball training..一d都唔想去.. 因為原來個coach真係玩歧視, (我今日先知Douglas因為呢個原因唔打U team..) 咁佢又唔會做d or 講d令人難堪既野既, (如果唔係佢會好大鑊) 不過佢唔會俾chinese出去玩囉.. 所以我都唔係好想去.. 但係做完運動好舒服架喎..點好呢?

>>October 14, 2003 at 9:21:47 AM GMT+8