Showhappy.net - Members diary

日記

日記主簡介

<< 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 >>

2004 年 4 月 3 日星期六【綿綿細雨】

今日同媽媽傾了七個多小時，由我既早餐開始，一直傾，傾到媽媽食宵夜。
同媽媽傾了全日，心情好了很多。
期待去旅行回來後，可以回復平常水平。

中途，阿亮搭訕：
「喂，你接唔接我機? 我計過你放學應該趕得切喎!」
「睇老子心情」
「接啦!!」
「睇下你尼幾個月既表現」
「我想你呢..幫我去美心買個鮮果撻黎接我呀..好唔好呀..好啦～～～～～　一定要美心架..美心先會有朱古力底架!」
「ＮＯ！」

媽媽回來後：
「ｂｕｙ　ｗｈａｔ?　ｔｅｌｌ　ｍｅ」
「美心鮮果撻! 我叫哥哥去美心買鮮果撻接我機，佢唔應承我!!!」
「什麼味道」
「雜果撻得一種味架喳! ｏｈ媽，你唔好同繽紛蛋糕撈亂呀!」
「ｙｅ??????????」
「有好多隻味，有少少生果既係叫做繽紛蛋糕呀!! 我要既係撻呀!! 雜果撻呀!!! 你幫我提哥哥唔好買錯呀!! 叫哥哥放學衫都唔好換，咩埋書包買完撻就去接我tim呀～～～」
「佢叫你等吓，不見不散」

「一定要他買架?」
「係喎! 老豆話接我機架喎～～～ｅ..佢附近..仲有美心tim～　老豆～～～～」
「未必」
「唔係呀fa??!!! 你個未必係未必接機定未必買先?!」
「不可信」
「不是麻??　為什麼??????????????」
「不接機howｔｏbuy」
「點解唔接機呀?!?!!!」
「未決定」
「哼! 算! 你兩個都唔洗接! 我自己買!!!!!」
「發脾氣?」 (完全係得個問字)
「好彩經過第一年一蚊都冇，我上次醒，識得帶定百幾蚊番英國!」
「真 clever」
「哼! 再唔係我叫寶寶同生生買!!!　佢地話接我機架!!」
「一定ma?」
「ｅｒ.....係掛...你地一個二個都係咁架啦! 我唔理，總之邊個唔黎就請我食一餐buffet!」
「你去旅行打算買手信嗎我要精緻的」
依然係一個喜歡扯開話題既媽媽..
結果...依然係無結果...
如果今年同上年一樣既話，我一定會殺人! .\_/.

LionDog，祝　旅途愉快。

曾經得你寵我竟縱壞我　
連哀傷都不可忍受太多。

>>April 4, 2004 at 6:52:34 AM GMT+8

2004 年 4 月 2 日星期五【微雨】

..................犯了留學生大忌..............生病了........................想回家。

>>April 3, 2004 at 12:51:16 AM GMT+8

2004 年 4 月 1 日星期四【雨】

當你唔開心既時候，別人都可能正為某些事而不快。
唔開心比開心更容易傳染，兩個唔開心既人一齊，我覺得只會更加負面。
現在事實證明，我沒說錯。
有ｄ人唔開心會選擇一班人一齊過，有ｄ會選擇自己一個靜下。
我係後者。
希望你會尊重我既選擇。
你要知道不follow你的方式不代表我不支持你，我只是唔想令所有事都get worse。
睇完你講既野，好hurt，好失望。
如果你認為我係唔關心你既，我冇野講。

四月一日．又一年．
　
．懷念哥哥．
愚人節．不快樂。

　她似蜜桃　火燙蜜桃
　她一觸摸我我便熱到控制不了
　她似電爐　燒滾我路途
　小嘴小腿散發熱力引致我呼叫

　妳以往愛我愛我不顧一切
　將一生青春犧牲給我光輝
　好多謝一天妳改變了我
　無心來奉獻　柔情常令我個心有愧

　風裡笑著風裡唱　感激天意碰著你　
　縱是苦澀都變得美
　天也老　任海也老　惟望此愛愛未老　
　願意今生約定他生再擁抱

　人生路美夢似路長
　路裡風霜風霜撲面乾
　紅塵裡美夢有幾多方向
　找痴痴夢幻中心愛
　路隨人茫茫

　何事無聊地嘆氣想妳妳不知
　心中的小鏡子常留下妳影子
　無論何事遇見妳我會失理智更不知所以
　迷失的心全都因妳起

　要將憂鬱苦痛洗去
　柔情蜜意我願記取
　要強忍離情淚
　未許它向下垂
　
　從前如不羈的風不愛生根
　我說我最害怕誓盟
　若為我痴心便定會傷心
　我永是個暫時情人
　
　給我愛你愛到最真
　給我愛到最貪心
　枕頭仍然遺留　深深的吻
　迎頭在抱擁　不減興奮

　憂鬱奔向冷的天
　撞落每點小雨點
　張開口似救生圈
　實驗雨的酸與甜

　尚記得左手邊一臉溫柔
　來自你熱暖在枕邊消受
　同樣記得當天一臉哀求
　搖著我右臂就這樣而分手

　一望妳眼裡溫馨已通電
　心裡邊從前夢一點未改變
　今日我與妳又試肩並肩
　當年情再度獻上新鮮

　這一生也在進取
　這分鐘卻掛念誰
　我會說是唯獨你不可失去
　好風光似幻似虛
　誰明人生樂趣
　我會說為情為愛仍然是對

　如果真的太好如錯看了都好
　不想證實有沒有過傾慕
　是無力或有心像謎像戲
　誰又會似我演得更好

　不信眼淚能令失樂的你愛下去
　難收的覆水將感情慢慢盪開去
　如果你太累及時地道別沒有罪
　一生人不只一伴侶

　愛是我的愛　
　若毫無價值
　為何值得流淚

>>April 1, 2004 at 8:07:23 PM GMT+8

2004 年 3 月 31 日星期三【微冷】

介意，是很介意那種。
原因不明。
不過眼不見為乾淨。
希望做到。

1630，心情唔好，去左訓覺。
0230訓醒，好返好多。
心血來潮去check信箱，收到了！
可能琴日已經有，不過今日心情唔好既時候收到仲好。Thankyou!!
三幅相最喜歡就係有我名個張，想據為己有。

今天不是有心咁惡的，但當時心情實在惡劣，又俾你激多一激..><" Sorry!

下個星期快d到啦..
我估去完旅行就會好開心架喇～
btw, Rebecca, thx again!

Vannie，首歌..轉左喇..
LionDog，你鬧佢啦! 係佢攪到你冇得思覺失調架..
事實上..呢首歌有點不濟..
我都覺得思覺失調正d喎..

今晚又0230訓醒起身..
辛辛苦苦較番好既作息時間又要再挨眼訓再較過.. ><"

最衰都係你...

re: Vannie，人地問家俊架..
re: >.<，大家咁話。
re: LionDog，你梗係唔記得啦，個陣你都冇玩，你話要用腦唔玩既。

>>April 1, 2004 at 11:03:07 AM GMT+8

2004 年 3 月 30 日星期二【微冷】

夠喇.. 我已經知道應該點量洗衣粉同蒸水蛋喇..
唔好攪到我好似低低地咁.. =.="

香港今日有雷暴警告，但係呢度天氣好好喎..
好到.. 我只係想灘係張床度咩都唔做...

我住既地方，一ｄ都唔近海，只係呢度無高樓大廈，我望出去可以望到好遠。
　

ICQ，EMAIL，DIARY
三個唔同既地方，三個唔同既人
友情比愛情更需要雙向。

糯米飯，魚蛋，担担麵，牛腩河，上海粗炒，焗豬排飯(要一哥個隻)，三文魚剌身，及第粥，雲吞麵，炒栗子，鏝魚飯，越南春卷，蒜蓉炒白菜，燒鵝，豉汁蒸鱔，粉果，叉燒拉麵，老水雞翼尖，燒賣(要街市個隻)，白雲鳳爪，珍珠奶茶。
以上係我今朝起身到而家想食既野．．．

傾電話講起細個好多人想去外國讀書，個個都覺得去外國讀書好!!
我都曾經諗過...(作死.. 都唔知細個點諗野..)
而家就等我好好人咁打破哂你地既遺憾啦!!
除左上面數既野冇得食之外，仲有大把，呢度要咩冇咩。
最慘係無得行街買衫睇戲唱Ｋ.. 悶到抽筋架!!!
電視仲做緊百萬富翁呀.. 死未?!
我知我diary睇落好似我無左個電話會死咁..
但係香港，我手提一個月得200分鐘都會用剩。
要我揸住個電話講講講真係好唔中意。
不嬲都唔多好~ 而且係香港邊會有時間講咁多個鐘電話!
大家都揸住個電話傾三四五粒鐘既話，不如出街一路行一路傾!
黎英國之前，8年以黎同寶寶真係傾電話既次數..我好懷疑會唔會多過兩隻手?
不過係英國，冇得見，打字又唔打得咁多．．．
而且，講電話先可以俾我聽到係街既嘈雜聲，聽到無線新聞既聲，聽到人地屋企人既聲．．
呢度冇架！

原來我係會介意，仲會有d唔開心..
不過我都唔肯定係因咩原因介意．．．

家俊呀，你記唔記得個陣我地上堂最興玩咩架? ^^
個陣連阿恩同KaMan佢地都有玩埋一份架!
琴日傾電話，寶寶都仲記得呀~~~ ^^
隨你深淺的眼神
流過高低的氣溫
才明瞭道別
似是在深海中找腳印
迎著冰山一角看真眼前人
才發覺結局動魄驚心
沿路腳步浮沉從未這樣難行
才會意我試過最冷黃昏

re: LionDog，你係咪咁呀?! 我同你同年grad架麻!! 如果你都覺我冇得訓好可憐既話就拿拿聲幫我報仇啦! 係阿lur呀!! 你又係時候要鬧下佢喇!!!!

>>March 31, 2004 at 3:40:44 AM GMT+8

2004 年 3 月 29 日星期一【微雨】

琴日1930起身寫日記之後，2200寶寶來電。
談了兩個半小時，電話離奇死亡。
咁寶寶就去訓，我就online，一直到今早0730，食早餐
心血來潮想飲咖啡，一個害死我既心血來潮．．．
一直到下晝都訓唔到!!

到1735，寶寶再次來電。
(對上個次起身係琴日1930.. 所以這時我已經22個鐘冇訓過!!)
談了三個半小時，2100電話冇電，死左。
收線之後，我一放低個電話，隻手都未拎開，電話又響。
是Vannie。
夾定架?!
不過只係傾左半個鐘，因為我已經開始神智不清。
同寶寶第二次收線既時候，已經係佢訓第二輪既時候，我都冇訓過．．．
同Vannie收線之後，即刻昏睡。
。我26個鐘冇訓過喎!!!。
最慘就係.. 26個鐘冇訓過入面.. 只係有4個鐘用左黎坐定定溫書...

呢幾日都好無奈地睇左好多日日出...

re: LionDog，點叻都冇你ｄ朋友仔咁叻．．較好時間接力咁打黎．．

>>March 31, 2004 at 3:34:40 AM GMT+8

2004 年 3 月 28 日星期日【微雨】

今日有好多唔明..
唔明點解今朝同阿亮chat會變左係家俊.. (家俊你記住你應承我d野!!!)
唔明點解可以chat到今朝1100先去訓..
唔明點解只係訓左8個半鐘, 1930就醒..
唔明點解咁晏起身個天仲未黑..
唔明點解d生活作息時間可以亂得咁犀利..
唔明點解同你講清楚都仲要咁多野問..
唔明點解咁多人都識蒸水蛋..
唔明點解虛度左十日假都仲唔溫書唔做功課唔識死..
而最唔明既就係點解咁小既事你琴晚都唔可以坦白?
10個嬲....

　 。at 7:43pm。

re: LionDog, 我之前冇聽過架, 不過一睇就知你講咩喇! 我地心靈相通麻~ ^3^

re: Rebecca, 我覺得我地最成功係, 大家整既野完全唔同, 但係都一樣可以做到入口即溶既感覺!! 不過, 始終都係你level高d, 話哂我cheese cake同墩蛋都係甜品, 但係你連咸既蒸水蛋都可以變埋做甜品...

>>March 29, 2004 at 4:41:27 AM GMT+8

2004 年 3 月 27 日星期六【颳風】

今朝打算早d訓，0430就offline去訓。
諗訓前諗起阿華，五分鐘後電話響。
係阿華。。。
談了四個半小時有多。
結果0940才去睡。。
。係英國做得最多就係傾電話。

訓醒已經1630。
起身洗白白之後焗蛋糕，因為約好今晚去Rebecca到食晚飯，有三隻白老鼠。
今次係焗芝士蛋糕，無炭燒，無咖啡。
不停打蛋，打蛋，打蛋，很累。
不過，賣相比上次個焗炭燒咖啡芝士蛋糕好很多很多。
。開心。 ^0^
味道還可以，不過太貪心芝士放太多，texture不太好。。
不過我有信心下次會100% Perfect ! ^^v
　　

去到差唔多開飯，不過收到Vannie來電。
又飲到九唔答八，所以要同佢傾到佢返到屋企先可以收線，不過佢又扭擰唔肯返屋企．．
就係咁拉鋸左一大輪，終於等到ｄ人話已經返到屋企，咁就終於可以開飯喇．．
三位白老鼠，唔好意思要你地等! ><"

原來我搵人做白老鼠既同時，今晚餐飯我都做左白老鼠。
我，腦細同Jeremy都做左一個大膽既嘗試．．
就係試郭大小姐既蒸水蛋。
我都話左好難架啦．．
我琴晚試過，完全係蒸．水．蛋
不過今晚郭大小姐既蒸水蛋技術比我仲高level，變左做皮蛋豆腐花．．．
　　　

食完飯就開始我地既行程plan。
。十二萬個期待。 ^^

就係咁就過左一日，四點半先起身果然好好多。
在英國，半日就夠用了。
Ｙ！今晚轉夏令時間喇～ (記住呀舒舒～)
即係話。香港而家快英國7小時only!。
亦即係話，今日會訓少一個鐘。 ><"

記得上年黎英國要較時間好唔慣，轉冬令既時候就好開心，
較慢一小時，即係可以訓多一個鐘先起身返學，
而且全英國既人同你一齊將個鐘擰返轉去十二點，真係會有ｄ時光倒流既感覺。
但係到夏令要較快一個鐘既時候，就有ｄ俾人搵老襯既感覺．．．．
不過今日都第四次較鐘，都冇咩特別既feel lu～

琴日既日記出左街之後，好多offline msg教我點洗衫.. =.="
但係呢度洗衫粉冇量杯跟架．．． (你地居然覺得佢有..係我唔識用..!!)
為免案件重現，我都係重拾楊桃味算喇．．
(其實本身冇味既．．不過唔知點解洗完會出左楊桃味．．．)

LionDog，首歌換左你呢排聽既。思覺失調。喇～ ^3^

re: 嘉嘉，我都知我少叫人做野架喇，我會改架喇，我以後會多ｄ叫人做野架喇!! hehehehe 仲有呀，個盒我睇左啦!!!! 佢冇教呀!!!

>>March 28, 2004 at 9:59:09 AM GMT+8

2004 年 3 月 26 日星期五【微雨】

如常地0500先訓，不過今天睡得很少。
1030就爬起身，因為要去洗衫。
其實Launderette收2100，不過1200前洗有優惠，只需一鎊! ($.$)
好像我那麼慳儉的乖乖女當然會特登早起去洗衫啦!

因為上次買錯了biological洗衣磚，實在忍受不了討厭的楊桃味！
今天用洗衣粉。
其實之前買洗衣磚是因為貪方便，每次帶一舊就OK，洗衣粉要一大盒帶落去。。
連埋ｄ污糟衫，好重。 ><"
現在卻因為可惡的楊桃味，而重拾洗衣粉。。
最可恨的是．．我還有幾十舊楊桃味洗衣磚。。。。

去到Launderette，居然冇機用！
仲以為放假唔會有太多人為左洗衫而一早爬起身。。
原以為要呆半個鐘，幸運地，有人洗完，有機用！
放衫，然後放洗衣粉。 (事實上instructions寫要先放洗衣粉再放衫)
最後入錢，居然食錢！
自然反應大叫一聲SHIT！
然後不停瘋狂拍打，按鍵，拍打，按鍵，再拍打，再按鍵以洩心頭之恨。
哼！本小姐既錢都夠膽食！！
事實上，憤怒並不是因為食我錢，是因為我帶左一鎊落樓only！！
即係要我返上樓拎錢再落過黎！！ (不得不承認呢個先係main point)
萬二個不願意，不過無得揀。。

35分鐘後，去拎衫。
一拎上手，又SHIT！ (唔夠訓果然會糟魯d)
洗衣粉又落得太多!! 仲要Coagulate! (我估是因為我揀左cold wash．．．)
其實不想用洗衣粉的另一原因是，我真係唔太清楚洗衣粉應該落幾多。
每次都係靠估。
揚一揚件衫，好似落雪咁，一粒粒洗衣粉跌哂落地。。
又要再洗過！
不過我身無分文。。
即係話又要返上樓拎錢再洗過！！！
極度十分非常渴望可以俾我一鑊過炸左個洗衫房佢！

不停來回來回，很累。
雖然來回hall到laundrette不用一分鐘。
不過都心力交粹啦!!!
好彩最後有ｄ乾完既衫俾我抱下 。幸福既感覺返哂黎。 ^^v

近排好多朋友仔都去左睇見鬼２。。
第一次慶幸自己在英國！
我話過，我唔會再被你地騙入戲院睇鬼片！
基本上，自從古天樂事件之後，或多或少我對戲院有ｄ陰影．．．

坦白講，今朝肯一早仆去洗衫係為左下晝被人問「你今日做過咩呀？」的時候．．
我可以大聲說「我今天一早去了洗衫啊！」
還有，Ivan，今朝被我毒打既washer係number 11，你最好唔好用。

另外，因為我明白做人係唔可以一步登天，
所以關於用語體文寫日記，我會循序漸進。
雖然我贊同用語體文會顯得成熟一點。
不過寫感覺會寫得沒有那麼順暢。。。
至少，我唔會用語體文鬧人！
而且，不見得用語體文有助我提升中文水平或改善懶音！！

仲有，我個名已經唔再係“幸福人@想俾人鬧”
「做功課未??」「你今日會唔會白白咁過呢?」「又訓呀?」
呢d問題已經完全唔match我個名，所以我一概no comment！
真係開心，朋友仔全部都對我咁好，一呼百應成全我想俾人鬧！！！

1440，fire alarm。
鑽樓梯。
麻木。。。

1510，頂唔順，去了睡午覺。 hee
四個多小時的午睡，令人精神飽滿。 ^^v
臨睡前收了一個令人不太開心的sms，一個令人有兩秒內疚的sms。
知道唔可以為了一時既過意唔去，而做後悔既事。
最終，理智戰勝，熄電話睡覺。
我什麼也不知道。 (要用國語讀出)

re: Vannie，你都講到"應該唔會唔係諗起我掛?" 咁我仲可以點呢? 我每次諗起你都甜到漏架啦～其實應該係咸到漏．．我又諗起叉雞飯。

re: 嘉嘉，平時又唔見咁合作?! 下?!

>>March 27, 2004 at 5:45:42 AM GMT+8