Showhappy.net - Members diary

日記

日記主簡介

<< 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 >>

2004 年 3 月 8 日星期一【颳風】

今日完全係 。諸事不順。
琴晚做到三點幾先訓，較左鬧鐘今朝0730，0900考Mock
點知．．　。0850先識醒！。
即刻飛奔返學！好耐都冇跑過步．．．
我一d都唔怕個Mock，我係怕佢唔計我attendence！
呢科attendence唔齊冇得考試架！連補考都唔得！　要下年repeat！
。..絕!。
飛跑返到去，0905！
諗住ok掛．．平時都冇咁準時既．．
點知．． 。鎖左門。
好彩後尾俾佢開門出黎省完之後都有得考！
不過趕到個心真係好唔舒服．．勁痛．．．
。心突然的穩穩痛~。
Angina，CHD，heart attack，ischemic．．．浮哂出黎．．．
一直到下晝都仲好唔舒服．．好彩而家冇事！
講返個Mock，4張醫生單．．．．
又殺死左兩個！！！
今次係一個女人同一個八歲既小朋友！！
次次都衰係d小朋友手上！！
不過我都唔想架！我記得係香港amoxycillin多數都係開7日藥架麻！
我鬼記得英國唔同！！！　點估到佢呢度開得5日藥！！！！！！
份卷得個80分底分！　殺左兩個已經扣40分啦！
仲有其他麻麻煩煩既濕碎野！！！！我都唔想考左卷先記得架！！！
肯定又多多都唔夠扣！！！！　又好似上年Mock咁..負60！！！
呀！！　份卷仲唔記得寫自己名！！　寫左patient個名落去．．．．
考Practical Mock都要formal dressing．．．不過我又唔記得左．．
今日仲著左米奇老鼠！！！
妖！！　次次考親dispensing既practical都冇好野架！！！
今年又係同一命運！！　遲到然後殺人！！！
我已經趕到鬼死咁閔，又唔舒服！！　
Patel仲要撩我講野！ 。點解阿sir考試唔洗shut up？！。
佢最好笑就係問我做咩全日都笑笑口！！
究竟係我ｄ表情有問題定係你地睇野有問題？！
上次拎完成績勁開心，ｄ人居然問Stefan我係咪唔合格，做咩會有個crying face！
今次閔到想殺人，佢就問我做咩成堂笑笑口！！！！！！
。痴架!! 我真係唔夠你地玩!!。

挨完個Mock去交form，發現做漏左份CV！
琴晚記得要做都會冇做到！！！　又要返hall整！！　
攪掂就諗住早d出門口去交返份野，順便帶埋支紹興酒去Stefan到今晚煮飯！
出門口等等下lift，聞到好大浸紹興酒味 。諗一諗。
。大鑊！。
即刻打開個書包睇．．
一望．．。水汪汪架！！！。
支酒倒瀉左！！
大佬！！！　紹興酒黎架！！！　五萬尺之外都聞到架！！！
最慘係．．d notes．．．．。入哂味。
Stefan，你即管笑，笑大聲d tim啦！
。有一份係你既！。

見唔見呀～張相左邊條咸魚就係你架喇！等你今日笑得咁開心！
最衰係有一份係拎屎架．．雖然佢話冇所謂．．不過都過意唔去．．．．．

放左學去到Rebecca到無耐就收到寶寶電話~
又傾左三粒幾鐘！收線無幾耐就到Vannie打黎~
你唔好咁愛我啦~ 你咁落去.. 收到電話單就會心變成恨我架喇．．．

呀！！！！！而家間房仲好大浸紹興酒味！！！！！
果然係有高低！！早排太多驚喜啦！！
次次有好野之後都會踩哂屎！！！
聽日你要同我好ｄ呀唔該！！！！！！
唔寫喇！！！諗起今日就閔！！！！！！！！！
聽日仲要0900！！！！

re: 弟弟，我地個陣拍台坐架麻.. 會唔會佢地三個拍埋一齊架..??
re: 嘉嘉，我睇左你個留言n次.. 反覆諗左百次.. 我都係睇唔明你講咩喎!!!

>>March 9, 2004 at 9:00:55 AM GMT+8

2004 年 3 月 7 日星期日【颳風】

。十萬樣野未做!!。
Posology, Professional Practice, Placement form..
。聽日仲要考Mock!。
仲係考我最怕既dispensing practical.. 即係攪醫生單.. 成日殺死人個科..
至大鑊既係..
。而家仲係一樣都唔想做。
睇怕.. 都係要今晚last min先..
------
下午
------
全個下晝都係度睇黑夜彩虹.. 。無聊到痺。
唔該d人面皮唔好厚成咁.. 快d還返d野俾人!!
將人地d野當做係自己既借通街.. 借左n年俾人催都唔還..
cheap爆..

夜晚同阿華傾電話~
傾左三粒幾鐘.. 怕且.. 你聽日又唔洗返工..
楊中人.. 真係無見幾耐都會一傾就自首~
。盡訴心中情。
好有安全感 + 親切感~ 好正~
呢d算唔算係咩情意結?
抑或係對事or物先算, 對人唔算架??
咁深既野, 你地都唔識答架喇.. hehe

寶寶同Vannie兩個今日去撐台腳..
我都好想去呀!!!!!

今日諗起家苑同阿芝..
唔知佢地點呢? 嫁左人未呢?
我到而家仲記得個陣佢兩個成日同我&羡敏講既野..
真係估唔到..而家相反哂..

而家都十一點.. 個十萬樣野..
。一樣都未開始。

串燒, 你真係好似吳啟華!!!!

re: 家俊~~~ 真係估你唔到喎~ 竟然留msg俾我~ 我之前想留msg係你diary架.. 不過我搵唔到個留言係邊.. @.@ 我連你睇我diary都唔知.. 之前仲話千祈唔可以俾你感冒tim.. hehe 都唔知你有睇! 係咪因為咁, 你嬲左, 三月就影畢業相呀.. 你早排先同我講十二月影...>.<" 咁點算.. 又冇我份喇!!!! 我好想去呀.. 話哂個陣都係多得我上堂陪你玩估歌仔同對聯, 你d中文先有咁好!!!! 真係唔公平.. 個陣次次都係你撩我玩架!!! 點解你可以拎多我三倍有多既分?!

re: LionDog, 冇份打仲衰.. 挨眼訓陪打! 好彩有我陪你傾電話喳~ 唔係悶死你! 你係咪失憶呀? 你咪已經同我報告哂你d行蹤囉~ 你話去數碼港做project然後返去湊表妹, 第二日去行山Y麻~ 我記得呀~

re: Vannie, 點可以低調架~ 我咁愛你梗係要係光明正大架麻~ 點可以要你做黑市呢?! 唔似得你!! 成日都要我做你秘密情人!! 有波子玩就唔要我! 你今日又好幸福啦~~~ Winnie一d都唔記得, 唔奇呀!! 咁先襯返佢Y麻!! 我都唔知d字好細.. 我部電腦show出黎d字全部一樣咁大架.. 而家OK未??

>>March 8, 2004 at 10:20:23 AM GMT+8

2004 年 3 月 6 日星期六【颳風】

琴晚打完diary諗住去洗白白.. Vannie就打黎喇~
佢地終於係廖能屋企撤退喇~
仲要落埋麗都飲早茶先返屋企訓! 我都好想去呀!!!
Vannie話: 。家俊今個月廿號影畢業相。
即係又冇我份!!! .\_/. 真係想殺人!!
傾傾下.. 個白痴婆又拎住個電話訓著左.. 嗌到我癲哂先識醒..
你係咪想我把聲好似你咁?! 我唔想呀~~ 。念慈奄勁難食。
都唔明點解d人可以擺定兩大樽係屋企劈!
lur, 其實我地係咪拍緊拖??
你做咩呢排一日打幾次俾我? 仲要通完頂都唔訓, 返到屋企就打黎?
今個月你張單.. (-.-")

訓到今朝十二點半Vannie又打黎, 我諗佢已經愛上左我..
第一句打黎就。未起身呀??。
係囉.. 咁醒! 咁都俾你估到! 咁你又打黎?
佢話佢睇完醫生返到屋企喎~
真係小病是福啦~ d人完全係打黎哂幸福啦~ hehe
不如你病埋我個份啦~ 我冇你咁幸福呀~ ^^
傾傾傾~ 傾到人地既私家外賣黎到就收線喇~
我唔想又俾人迫我聽d我唔想聽既野啦.. hee

經過幾日黎既「長途」長途電話討論
發現一個二個都患左。人多恐懼症。
成因一: 呢排太多人突然宣佈結婚
成因二: 。Winnie宣佈人情冇學生價。 <----主要病因
徵狀一: 覺得五人以上既聚會有景滾, 會考慮缺席
徵狀二: 十人以上, 會毫不猶豫缺席
Winnie, 如果有人封硬野做人情 。九成係你女家既中學同學。

呀!!!! lur呀~~~ 唔記得左問Winnie究竟阿素同維維點坐架!!

上次。是但。順手。拎錯。
買左盒Biological既洗衣磗..
。一失手成千古恨。
而家d衫.. 好大浸至討厭既。楊桃味。
仲買左盒大既tim...
。仲有四十舊剩……。

呢排成日發同一個夢..
。夢到自己訓過龍miss左班機。
。大吉利是。大吉利是。

re: LionDog, 嘩! 你咁好既~ 聽Vannie講你留第一個msg俾我個陣, 應該係你地打完通宵牌去麗都飲茶之前, 即係你返上樓洗白白個陣既空檔黎架喎~ 咁都留到msg~ 真係唔慌唔勁啦!! 仲可以直踩去返工!! 返到黎又唔訓仲留多個!!! 你玩鐵人賽呀?! 仲有, 我唔知你講咩九龍站同清水灣喎… 唔好講埋d衰野啦~~
re: Vannie, 我都覺得LionDog有d反常.. 玩通頂不特止.. 仲接住係要返工直踩個隻.. 佢聽朝仲去行山tim架.. 你聽日唔該打密d俾佢, 睇下佢有冇猝死到!! 佢呢排蒲頭蒲得咁密.. 有景滾呀~

>>March 7, 2004 at 11:07:07 AM GMT+8

2004 年 3 月 5 日星期五【颳風】

今朝差d唔知醒.. 。勁眼訓。
好趕咁攪掂哂出門口..
去到Richmond搭lift到左都唔識出..
。勁呆。
好彩同識得既人一齊搭, 嗌返我既魂魄返黎, 叫我出Lift..

無無聊聊咁做完lab就去左Stefan度
因為d時間唔3唔4, 返hall又太遠..
發現d八婆又係個唔知咩財位到放左d富貴竹!

咁有用不如快d搵個文窗位好過啦!!
n個星期前話鑽圖書館架..
。day day都鑽左去訓。

下晝應該上到4點既..
不過超眼訓..
唔好講笑.. Dr. Neil真係識催眠架!
就係咁.. 造就左我, 拎屎, Stefan同Terence四個好齊心咁。走堂。
都冇試過四個一齊走哂架..
仲要係份notes唔齊, 有野要抄架..
Dr. Neil真係唔少野..

眼訓到爆..
。返到hall即訓。
訓訓下.. hall電話響.. 又係佢..
聽到.. 即刻想話.. 。唔該你放過我啦。
點解唔聽咁多次都仲要打..?
點解仲要問我點解唔聽電話..?
點解咁都仲要問今晚得唔得閒..?
點解仲要問而家過黎得唔得..?
點解答完你我訓緊覺你都唔收線..?
唔好再搵我啦..唔該..
點解hall冇來電顯示....

辛辛苦苦收左線即刻訓返~
1800, hall個電話又響..
冇來電, 打死都唔再聽..
跟住就Mobile響喇~
原來係LionDog呀~~~
。鑊鑊第一句就問我死左去邊。
佢地同Winnie食完飯去左廖能到玩呀~~ 。好想Join!!。
傳電話傾傾傾傾, 冇一個講d岩聽既野..
無辦法.. 。鬼叫我太好人。
傾左兩個鐘.. 又勁肚餓.. 唯有收線去煮飯..
唔知點解次次一聽到Vannie把聲就10個肚餓...
一同佢傾電話.. d叉雞飯就會浮唒出黎..

LionDog, 講真 。我好少訓晏覺。
係咁岩你地打黎個陣都係訓緊喳!! 平時好少架!!
終於都聽到你話Vannie啦~~ 哈哈哈哈~ 正~
。你話得好好聽啊!。
以後我見到d樽係城門河度浮下浮下既話, 我識得打俾Vannie架喇~
哈哈~ 好彩前後差一晚喳!!
耐d既話.. 我諗佢寧願俾左條命Winnie好過~

寶寶, 嘉慧今日d瘀野我已經加左落去個file到喇~
即係。你地。 d瘀野個file呀~
寫落Diary既話.. 我怕deedee會殺左我..
至少都等我收埋份聖誕禮物先!
(死仔包, 唔該你唔好同我擺到生哂草菇先寄!!!!!)

今日有一半幸福既感覺係來自-->同LionDog一齊話Vannie~
哇哈哈哈哈~
lur, 我地實在太了解你~~~ ^0^

>>March 6, 2004 at 9:13:46 AM GMT+8

2004 年 3 月 4 日星期四【颳風】

今日原本要返0900~
不過d lecturers去哂Dr. Evans既funeral, 所以今朝咩堂都cancel哂lu~ 正~
之前Dr. Kelly已經send左email講左~ 不過又係講到唔知點咁..
第一句就 "To facilitate the attendance for Dr. Evans funeral......"
呢句野我橫睇掂睇, 中文都係 --> 為左幫Dr. Evans既葬禮。撐場。

雖然唔洗返早, 不過都好早起身去洗衫~ 然後去交功課~
去到Richmond 。撞正。
29個電話避過左都係難逃一劫..
個腦即刻閃起.. 。是福不是禍是禍躲不過。
無奈 x 10

攪掂哂返hall, 臨出門口返1400, Vannie就打黎~
。Winnie結婚喇!!!!。
之前有阿業個阿哥, 聽日有丹丹個阿哥, 十月到Winnie, 十一月有阿恩!
仲要個個都廿二, 廿三喳..
不過.. 。喜事唔會嫌多既~~。 ^0^
聽到Winnie結婚真係叫左出黎~
。驚喜。
好開心~ 仲有d感動.. 閃過兩秒想喊既感覺..
到你地結個陣.. 我都唔知我會點.. @.@
好想好想去.. 不過我張機票.. >.<"
點算好呢..?
結婚既人越來越近喇~
我諗.. 阿恩好準架Vannie~~

傾左一陣甜甜就敲門話行得..
。Vannie係咁叫我唔好返學。
係呀~ 鬧佢啦~鬧佢啦~~~ 佢同我拉鋸左勁耐叫我唔好返!
。又是損友一個。
我咁乖~~ 梗係冇聽佢講~~ 好乖咁去左返學啦~~
返到去都仲係好high~ 捉住Stefan嗌 "我個frd結婚呀~~~"
事後發現Stefan係揸住枝筆既.. 我隻手俾佢畫到花哂..
兩堂都唔知上緊咩.. 一來咁high既心情完全唔襯聽書..
二來個mon俾人遮左大半.. 就係呢條友仔坐我前面.. 覆蓋範圍達95%

。同Stefan一齊上左兩粒鐘美勞堂。
兩堂不停咁畫公仔~ ^^
遲d upload埋上黎先~

落左堂去郵局寄野~
終於寄到一份聖誕節變聖誕節+情人節再變聖誕節+情人節+生日既禮物~
貼緊郵票既時候又收到Vannie既call ~
佢問我點解仲未返到hall, 寶寶就黎訓著喎..
唔係呀fa? 12點都未到喎~ 幾時變得咁早訓?
於是就要係郵局飛返hall啦~
飛到返去.. 。鞋都只係除左一隻電話就響喇!。
傾傾傾, 傾左一粒鐘, 我同寶寶既電話都不停潛水..
同甜甜換完電話都係咁.. 後尾仲死埋..
三個女人一個墟.. 呢排仲有咁多喜事講..
個電話唔死既話都唔知又會傾幾耐..
無得傾之後.. 。小小唔小心訓著左。

七點半醒左就收到Stefan電話, 同嘉嘉食飯啦~~
今日嘉嘉生日麻~
。生日快樂!!!。
你都22喇嘉嘉~ 照番香港個trend, 你係時候結婚喇~ hehehe
我, Rebecca, Stefan, Terence同嘉嘉去左佛笑樓~
。學識左原來芥菜同芥蘭係兩樣野。
食飯既時候為免有29次電話響聲, 將個電話失左聲..
就係咁.. 。一餐飯miss左6個Vannie既call再加msg一個。
你今日做咩咁掛住我?? 好彩佢呢d人又唔洗訓~ 所以佢都打返俾我~
不過hall個電話仲係痴痴地.. 所以就去左Rebecca度借電話傾喇~
傾左一個鐘到.. Vannie個電話就餓死左.. 叫左你餵飽佢架啦!! .\_/.
不過冇所謂啦~ 。我就黎可以同你面對面傾架喇~。
哇哈哈哈哈~

真人版Romeo & Juliet.. 左邊係印度, 右邊係世仇巴基斯坦
華dee

re: 嘉嘉, 係你諗得邪喳~ 我地係綁架阿Pooh, 唔係你諗個d!! 而且關我咩事呀~~ 你睇唔到工作人員份名單咩?? 我冇份架~
re: Rebecca小姐, 你免疫能力好低喎~ 一有contact就感染左! 你有病喇! 唔係你諗,你想係就係! 唔係就唔係架麻! 我下次影低阿pooh既罪證俾你睇喇~

>>March 5, 2004 at 9:56:06 AM GMT+8

2004 年 3 月 3 日星期三【颳風】

工作人員:

燈光 -- Jacky Pang
攝影 -- Stefan Lam
佈景 -- Rebecca Kwok
場務 -- Jeremy Li

>>March 4, 2004 at 11:39:02 AM GMT+8

2004 年 3 月 3 日星期三【颳風】

。今日好乖冇走堂。
星期三half day麻~ hee
放左學返hall hea左冇幾耐就返去Rebecca度~
因為要去超市~~ 去到Rebecca度又例牌hea一輪先起行~
不過。Rebecca同Jeremy今日上身。
居然坐定定做功課~
得我, Stefan同Jacky不停玩~
雖然。毫不意外地Rebecca最終忍唔住玩埋一份。
不過佢兩個都係冇去超市既~~
。d人太懶左。

去完supermarket再去Burger King同AL Halal之後先返hall~
Vannie打黎傾左陣~
。少有地。 今次只係傾左45分鐘~
因為有突發事啦.. 無奈~

29個未接電話.. 黎自同一個人..
好想大嗌。好煩呀!!。

Jacky Pang醒你今日名句~~~
「呢排d雞無生雞蛋」

出門口, 發現有人俾人抄牌~
<--我地今日去既超市
<--要入一鎊($15)先拎到既手推車
<--幸福既感覺@返哂黎~~~
<--香港執剩一間既Burger King~
<--成日俾人點我去見佢既mailbox~
<--同我同月同日生既小小熊--from Vannie--
<--Rebecca同Jeremy既小小熊
<--廣告@贊助商
<--香港手信之二@正版VCD
<--香港手信之三@零食物語

re: Vannie: 哈哈~ 咁經典點會唔記得呀~~
「請說出《竹林深處人家》一文既主旨」
「春光似海, 盛世如花」
hahahaha~ 弟弟真係好鬼掂架~
你又記唔記得寂寞的十七歲佢衰咩Y?
re: Rebecca: 你既housemateSsS已經一致證實兼裁定小Pooh子係Gay架喇~ 上訴無效~~

>>March 4, 2004 at 11:35:31 AM GMT+8

2004 年 3 月 2 日星期二【颳風】

。好閔。好閔。好閔。好閔。
琴晚0315諗住去訓啦, 點知樓下架車既防盜。NON-STOP。咁響!!
響左半個鐘之後就停左, 咁我就去訓喇~
。一達落床佢又響過。 停左都冇三分鐘!!!
一路係咁Non-stop咁beep!!! 係唔停喎!! 係完全冇停過個隻!!!
咁我唯有聽住MD訓啦! 點知塞住耳仔都聽到!!
咁我咪開大聲d個MD囉! 點知d音樂大聲得制又係訓唔到!!!!!!
都未試過灘係張床咁耐訓唔到架!!!
而家諗起都想殺人!!!!!!!!!!!
好彩最尾終於迷迷糊糊訓著左!
臨訓前last一次望鐘, 0530!!!!! 仲響緊!!
不停咁響兩個幾鐘呀!!!! 。人都癲。
你個個咩防盜黎架?!!??!!?!!!

。幾經辛苦訓得到,0745又fire alarm!!!!!!!!!!!!!!!!!!!!!!!!!!。
。係咪夾埋架!!!!!!!!!。
攪完一大輪, 返上房已經即刻禁熄個鬧鐘佢! 決定唔上1200個堂!
之後即刻達返落床訓..
點知到1100, 出面班回教徒又遊行!!!!!!!!!!!!!!!
咁都撞得岩佢地一年一度既"內疚日"!!!!!!!
即係唔知幾多n年前阿唔知邊個神個邊個孫俾佢地唔知邊個既祖先殺左
咁佢地就要係呢日。一路行。一路出哂力咁打自己。一路唔知up咩。。。
嘈到痺!!!!!
。把幾火!!。 訓兩粒鐘就俾人嘈醒一次!
閔到訓唔番!! 。帶住十萬個唔願意去返學。
出到去, 發現成條路俾佢地覇哂!
本來想影低佢.. 因為佢地打自己真係打得好大力!
。係無著衫 + 野野都出盡力咁打落去。
我就係俾佢地d拍拍聲嘈醒!!
Nina話有d用鐵鍊打tim架.. 。服..!。
不過一聽到佢地嗌撒達母.. 我就唔多夠膽影...
我唔想見識人肉炸彈..
好彩呢度d回教徒多數都唔係呢種回教徒者.. (回教徒都有幾種..)

返到去心情依然係閔到想殺人!!
辛辛苦苦挨到落堂, 平伏番d..
拎屎就同我講一陣1400 Great Hall考Mock喎!
。下?? 咩話???????。
。完全唔知原來今日考Mock。
仲要係80% = Pass mark個科!!
之前都知就快有Mock既.. 不過真係唔知快得咁犀利囉..
仲諗住下晝唔返..!
不過拎屎都係早我一個鐘知之麻~
起碼我都唔係最遲知個個~~~
Stefan臨開考前七分鐘先知~
仲係我話佢聽架~~~~~

諗住Lunch time返hall溫下, 行返hall既時候, 阿Mo迎面行過黎, 不過我完全睇佢唔到
佢突然之間係我隔離大叫。"嘩!"。
然後我就被佢嚇到一齊嗌一個成分鐘長既嘩....
定返d之後發現條街勁多人 。係勁多識既人...。
都唔知無la la係邊度閃出黎..
。十幾對眼掃埋黎..瘀到爆!!。

俾阿Mo捉住黎笑左五分鐘之後, 佢終於放我返hall!!
返到去見到Valentina, 原來佢阿哥兩日之後會到香港~
咁我就同佢一齊幫佢阿哥揀酒店喇..
揀左半粒鐘.. lunch食左十分鐘, 碗都未洗甜甜就話行得喇..
好.. 。考天才。

考完之後.. 發現.. 。原來七四係二十八.. 唔係二十一.. 。
(我已經自爆左, 你兩個唔好諗住留言串我!)
我都唔知點解會七四二十一架.. 我都唔想架!!!!!!!!!!!
咁我不嬲d數都唔好架啦!!

考完去左Stefan度拎野之後就返hall..
一路行都好平常..
點知.. 行行下 。又俾人嚇!!。
又係阿Mo!!!!!!!!!!!!!!!!!!!!
今次佢唔係迎面tim呀!!!! 係突然之間係我後面捉住我大嗌。"嘩!"。
尖叫梗係唔少得.. 。嚇到mou左係地咪埋眼用盡力咁嗌!!!!。
。90分鐘後再次瘀爆!!!!!。
定返d, 即刻不停咁鬧鬧鬧!! 點知俾佢話返轉頭..
原來佢係我面前行過我隔離架.. 見我冇反應先係後面嚇我..
但係.. 我真係唔覺有人係我附近行過..
俾佢勁話我行路唔理其他野..
佢呢句野令我諗起第一次見Simon(唔知有冇記錯佢名..)
「我Year one個陣見過你啦!」
「係咩?? 邊度?? 我上年識你架咩??」
「唔識架!」
「咁你又認得既?」
「你行路永遠都唔理身邊發生咩事家麻, 好似自己一個遊緊魂咁~ 我係lift都撞過你啦~ 你成日都好似見唔到人咁~」
。我永遠都唔會忘記佢初次見面就講d咁既野!。

今日有哂教訓!!
我以後行路一定會打醒萬二分精神!!!!!!

唔鬼寫喇!!! 今日得個驚!! 冇喜既!!!

Thanks for the choc!

今日都冇去邊.. 又係去Rebecca度多~ 所以都只係影左rebecca房既野~
<--敗家仔Stefan買$82.5一本既壹周刊 **香港價$20~
<--香港珍貴手信之一
<--仲有Gay既小pooh子一隻~

re: LionDog, 我唔理你!! 你點都要打到俾我!!!!!! 如果連阿華都做到既野你做唔到.. 我諗唔到有咩原因唔叫你去死!!!
re: deedee呀~~ 你而家係咪想我鍊死你呀?!?! 又講野講一半!!!!!! 咁維維又坐邊先得架?!!!?!
re: Vannie, 咁攪笑既~ 我都冇喎! 仲有, 個個你弟弟黎架?! 咁醒既?!

>>March 3, 2004 at 3:56:01 AM GMT+8

2004 年 3 月 1 日星期一【陰晴不定】

之前打既。講你又唔聽，聽你又唔明，明你又唔做，做你又做錯，錯你又唔認，認你又唔改，改你又唔服‧‧‧。
其實打漏左最後個句。唔服又唔講。
如是者又去返‧‧‧講你又唔聽，聽你又唔明‧‧‧
唔知會係聽個個煩d定講個個煩d呢??

>>March 2, 2004 at 11:03:40 AM GMT+8

2004 年 3 月 1 日星期一【陰晴不定】

琴晚打完diary都仲係好早..
成晚都唔知做咩好.. 悶到抽筋..
好彩Vannie打黎同我傾電話~ ^^
不過一路傾都覺得唔好意思..
(唔係對Vannie, 係對屋主.. 因為Vannie係人地屋企..)
之不過.. 都傾左五個幾鐘~ hee
d人唔肯收線啦~ 迫人地聽d人地唔想聽既野!! .\_/.
Vannie, 我都唔知你有d咁既喜好tim~ hehehe
同Vannie兩個越傾越肚餓..
原本既「邊個拎兩卡鑽石黎我即刻嫁俾佢」
已經變左。邊個拎盒叉鵝飯黎我即刻嫁俾佢。
係英國.. 真係咩都會降哂格..
傾傾下收到Stefan電話~ 同佢講勁肚餓~
佢話佢買左野食~ 幾驚係叉鵝飯呀!
好彩係買左。栗子蛋糕。
唔係都幾大鑊下!
勁正~ 終於有蛋糕食~~ 仲係栗子蛋糕tim~ ^^v
如果唔係上次俾Jacky食左我都唔洗恨咁耐! 。哼!。
琴晚終於都有一樣野係Vannie恨架喇~ 呵呵~
等我成日話想食咩你都話唔恨食Y拿~

今日lunch就梗係即刻仆去食蛋糕啦~~
諗住去到食左Jacky個件佢 。報番上次雜果蛋糕被搶之仇。
點知.. 去到發現佢已經食左..
仇報唔到.. 仲要.. 最過份既係..
。Jacky自己食緊碗腸仔麵都要猴住我個叉燒飽!。
呢d成日搶我野食既人..
一定要。誓不兩立!!。

今日Rebecca呢d有錢人。終於。都去完香港叉完電返黎~
lunch個陣諗住見下佢啦.. 點知d人完全係訓死左..
都係我好~ 歇力阻止佢地attack你件蛋糕~
<--左邊個件係rebecca既~ 右邊個件係我既~

食完就返去上堂~ 我都話訓覺個陣會有隻growth hormone release架啦!
今堂endocrinology就係教d咁既野~ 都話夠訓會高d架啦! 又唔信!!
全堂都好眼訓, 因為琴晚又係訓得四粒鐘..
雖然Stefan一早已經係我隔離中左槍, 死左
我都係好乖好留心咁聽書~ 點知.. 又fire alarm!!
。上堂都要走火警!!。
諗住呢排hall生生性性冇玩野.. 點知.. 上堂都要fire alarm!!!
有d走唔甩既感覺.. 係你既始終都係你既..
。又眼訓又激氣。
所以.. 又走堂... 同Stefan閃左返去拎form(呢個時候rebecca同jeremy都仲係昏睡緊)
交完form.. 。即刻返hall訓晏覺。

訓到七點幾就醒左~ 因為好肚餓
八點零就收到rebecca既call, d人第一句就大叫"起身喇!"
真係好想知呢句野應該係邊個同邊個講..
「係咪去Rajars呀?」
「好呀!」
「咁我叫Stefan黎接你啦!」
「唔洗啦!」
「得啦! Stefan黎接你啦! 你兩個去買返黎俾我地食啦!」
。中哂計。

食完就玩新鮮熱辣空運返黎既飛行棋~
同Rebecca玩真係好襟玩..
不過。我絕對唔會再同Jeremy一齊玩飛行棋。

學校email話Dr Evans死左..
但係睇到封email.. 好衰咁覺得有d攪笑感覺..
"our colleague Dr. Tudor Evans passed away suddenly on Wednesday 25th February while on a country walk."
如果去到February就full stop既話.. 我諗會好好多..

差d唔記得左唔該哂今晚行我返屋企既。壯男。tim~
今晚真係有d凍.. >.<"

re: LionDog, 唔係呀~ 不嬲都係你話佢多架啦~ 我都唔鬧人既~~~ 而且我都係鐘意聽你同寶寶鬧佢多d~ 我返到黎你地記住鬧俾我聽!!! diary好似之前不嬲都係你寫得最起勁架喎!! 你梗係而家冇左訓導check住你啦!! 睇怕.. 我同Vannie都要出馬喇!! 仲有, 我話你聽, 如果連矇婆華都識打IDD而你唔識既話, 我一定會歧視你!!! .\_/.
re: Vannie, 佢個diary咪同以前個個一樣囉~ 佢收埋左條link之麻~

>>March 2, 2004 at 11:03:04 AM GMT+8