2004 年 1 月 23 日 星期五 【颳風】

原來19號張相真係好多人睇唔出寫左d咩.. 你地咁蠢架!! 我一睇就睇到啦!! 係五個中文字黎架!! 第一個係我字! 睇到未呀?? 蠢!!

呢首賀年歌真係好難聽... 不過今年好似得佢一首.. 無得揀..

今日係考完試之後既第一日假~ 所以都開始著手整返d聖誕禮物~ 得喇.. 我知遲左少少.. 你地當情人節禮物收咪得囉!!

呢排香港好似凍左呀!! 幾住著多件衫呀!! 一個二個都成日係度嗌凍!!! 著多件衫啦!! 帶頸巾呀~ 暖好多架!! 仲有呀! 呢排成日都有窗框飛落街!! 你地記住出街行埋邊呀! 呢個頭獎唔中得架!!

星期一就開始第二個sem喇!! 真係要俾心機先得! 唔可以又堆埋一次過先溫!! 人讀Pharmacy, 我地讀Pharmacy.. 讀到我地咁懶.. 第一個sem冇七字頭既話都真係自己拎黎... 係喎~ 寶寶二月五就拎成績, 所以個日一定會係 宜 拎成績既!! 肖狗 雙魚 女 大吉! ^o^

死啦.. 而家先六點半.. 我仲未食野呀.. 好肚餓.. 之前五點諗住約左今晚七點食飯就等多兩個鐘啦.. 點知.. Helen岩岩打黎話改九點呀.......仲要等多三粒鐘........-.-" Adam你快d啦!!! 我好肚餓呀!!

你都真係幾病態架喎! 親口同你講覺得你好恐怖, 唔至講大話咁簡單, 好反感, 咁你都可以話我好中意你....! 係呀~ 我真係愛死你啦! 由頭到尾都好中意! 一d反感都冇! 係咪好開心呀而家? 唔通你真係覺得愛既反面係恨? 咁不如你俾我打一鑊杰架啦! 我都聽過打者愛也架~ 唔好以為人地會好似你咁講得多就自己都信埋先得架~ 何況人地一開始都知成件事係點~ 佢地知道我既野仲多過你~ 原本已經唔係好.. 唔好再攪到自己個名更衰啦! 少說話對你會有好處~ 唔好再挑戰我既容忍度~~

--
岩岩同Adam, Kar Yuen, Helen同咩咩係佛笑樓到食開年飯.. 去到就見到See Voon喇~ 仲見到See Voon既打眼色人~ 見到.. 真係有七個意外啦..! 去到真係已經餓到唔知點.. 全日都無食過野.. 仲要等佢煮完See Voon個台既送, 先至到我地.. 十點鐘先食飯呀!! 到十點幾十一點就見到PK佢地都黎食飯.. 我地三台又坐得近喎.. 真係好飯堂feel.. 一路食一路都好奇怪點解PK佢地會咁遲先食飯, 走個陣就忍唔住問啦.. 聽完個原因我覺得有d d無奈.. 居然係因為打機打到咁晏先食飯! 之前咩咩仲估佢地係食緊宵夜! 我都話宵夜唔會食咁多咁餓架啦..! 好不約而同地See Voon同PK都話落Gaudis! 我諗今日落Pub都會幾好玩既! 不過Guadis就差少少喇! 而且諗諗下如果落Gaudis都唔join Shabs同Kaola佢地去Richard個生日party既話.. 我諗我俾人開年都似.. 但係Richard佢地又去FND到玩喎.. 咁我唔可以去FND架麻.. FND係我考試個場黎架!! 如果去左既話.. 考試一定專心唔到! 所以就兩度都唔去lu~ 食完開年飯Helen就歸家喇!! 而我同Kar Yuen, Adam同咩咩就去左小義到拜年, 我發現Adam並唔只慢幾拍咁簡單..

原本今日阿Foong佢地都會黎我到拜年架.. 不過我今日又晏左起身.. 晏到原本要去既supermarket都冇去.. 我個格雪櫃已經吉到開始俾Caroline同Naomi侵佔喇.. 之後阿Foong佢地又要去打波, 然後又到我去食飯.. 而家我返到黎佢地都訓左lu~ 不過唔怕啦~ 咁近! 幾時都得啦~

大鑊! 岩岩先記起唔記得交form!!!! 聽日一定要記得呀!!!

>>January 24, 2004 at 10:37:43 AM GMT+8

2004 年 1 月 23 日 星期五 【颳風】

╒╧╕╒╧╕╒╧╕╒╧╕╒╧╕
｜新｜｜學｜｜龍｜｜步｜｜心｜
｜年｜｜業｜｜馬｜｜步｜｜想｜
｜快｜｜進｜｜精｜｜高｜｜事｜
｜樂｜｜步｜｜神｜｜升｜｜成｜
╘═╛╘═╛╘═╛╘═╛╘═╛

我今年有好多米奇老鼠揮春呀!! 已經貼哂係牆喇~~ ^o^V

>>January 24, 2004 at 3:53:53 AM GMT+8

2004 年 1 月 22 日 星期四 【雷雨】

終於都考完試喇!!!
好開心~~ ^^ 雖然今次個試完全不在溫書狀態.. 背極都唔入腦, 極度非常唔想溫..超心散.. 以前考試就咩notes都食哂落肚先夠膽去考.. 今次只係食左一半到就考喇!! 不過都應該冇事既... 我估.. 下次考試都係唔好咁早溫喇..唔係一定又keep唔到咁耐.. 臨考試先黎心散. -.-" 尢其是琴日呀!! 一路溫一路聽嘩嘩嘩同森美小儀.. 好過年feel.. 仲有好多稀客打黎約考完試去玩.. 居然連阿Mo同阿foong佢地都有... 今晚開始到星期一晚都有節目.. 不過今晚應該唔會去... 真係好眼訓... zzZZZ.. 如果唔係而家等洗衫我都已經訓左喇... 其實係咁多晚都唔想去.. 因為個人真係好累.. 而且星期一又開始九至五既生活喇... 好想襯呢幾日訓返夠佢... 琴晚溫溫下書又同媽媽傾電話.. 傾傾下又收到Vannie個sms喎.. 咁就reply佢喇.. 好明顯d人係懶打字所以即刻打返電話黎.. 一聽..就知d人又唱緊K.. 而我個心就更加散.. 次次想算數去訓覺既時候都收到sms話俾心機.. 好似夾岩咁.. 琴晚最尾係Celia同嘉嘉既sms.. 好似四點鐘左右.. 收完反而更加心散.. 因為係個d唔洗考試既人send黎.. 唔洗考試半夜三更都唔訓仲唔係玩得好開心..? 然後我又想玩埋一份喇... 到今朝臨考試之前又聽到森美小儀佢地去古巨基到拜年.. 個心又跟埋去.. 好彩今日個科佢都算出得唔錯~ 唔係就真係大 檸 樂!! 二月二十號就拎成績喇.. 呢排成日聽咩猴年運程.. 唔知廿二號個日係咪 宜 拎成績呢? 肖狗 人馬座 女 大吉! 哈哈哈哈~

今日係年初一! 我有二萬個想返屋企過年!!! 比xmas更加想!!!! 超想! 極想! 癲想! 狂想! 今日考完試返黎, 沿途都有好多人同我講恭喜發財~ 新一年! 希望大家學業猛進 升職加薪 不勞而獲! 而我黎緊呢一年既目標呢就係-- 改 懶 音 ! 因為.. 好似有惡化既跡象............

今朝先考完試.. 返到黎check email已經有n咁多個lecture timetable... 唔知點解一見到immune就好驚.. 有d覺得會唔合格... 都未開始讀已經有d咁既feel.... 真係... @.@

岩岩收到See Voon個sms~ 哈~ 今年新年居然連See Voon既txt我都收到! 呢個真係有十個surprise! ^o^

串燒先生, 我話你聽, 呢個世界蠢同傻係冇樣睇既! 所以呢個世界係唔會有你講個d所謂既蠢樣同傻樣!!!! 而且呢個diary係我架麻, 咁講野d語氣梗係似我平時講野咁架啦!!

楷楷!!!! 你好野!!!! 大細超不特止又唔自首!!!!!! 第三個都冇得傾呀!!!!!! .\_/.

--
終於洗完衫.. 諗住好幸福咁訓餐飽.. 點知又係我想訓既時候fire alarm!!! 你夾定架呀?! 我等左咁耐你唔響!!! @#$%^!*

--
8pm..岩岩同寶寶傾左三個幾鐘既電話~~ ^^ 所以嘉嘉, 對唔住, 我係仲未去訓既~ 你既特登嘈唔醒我喎~ 呵呵~ 你話d人幾衰格, 講到明係特登嘈醒我!! 不過唔講你住! 講返我既寶寶先~ 寶寶一出現就梗係俾我鬧啦! 佢咁多日都冇搵我!! 佢既解釋係佢考完試之後已經好想打俾我, 不過因為我要考試,費事阻住我溫書喎! 呢d咁老土既答案我梗係唔信啦!! 不過佢之後話「我寫左係日曆, 今日你考完麻, 咪今日打俾你囉」..聽完.. 即刻甜哂!! ^x^ 寶寶仲話聽日同Vannie一齊3-line打黎呀~ 呢個簡直就係2004我最喜愛試後活動啦!! 寶寶今日打去同我媽拜年既時候.. 我媽.... 居然.... 識得代我同寶媽拜年呀! 下次同佢chat個陣要俾個叻佢先得~ 不過寶寶, 我唔記得問你, 你今日提我媽留返封利是俾你既時候, 你有冇提下佢佢都要留返封利是俾佢係英國個女???? 我琴日同佢傾電話個陣先醒起上年佢都唔知有冇封俾我!! 佢話佢有,老豆冇喎.. 但係老豆又話佢有..阿媽冇喎.. 佢兩個成日扯貓尾..! 你過兩日打俾我媽既時候, 唔該提埋我老豆佢都有個女係英國!!!! 傾電話既時候我又有講我既衝上雲霄啦~ 哈哈~ 係呀~ 又係我既衝上雲霄呀~ 而家又多一個原因要睇完又睇麻!! ^^ 我話馬德鐘發現唔見左架車個陣, 第一個反應居然正係顧住唔見左阿Belle本畫冊呢一到好正啦~~ 點知寶寶話好正常喎~ 佢話佢唔見左個電話個陣, 第一個諗法都係會唔見哂我d電話號碼~ hehehe 寶寶, 我要嫁埋俾你!! ^o^

P.S. See Voon, Candy, 嘉嘉, 我今日去TOP UP個陣佢部機TOP UP唔到.. 所以reply唔到呀.. sorry!

2004 年 1 月 22 日 星期四 【雷雨】

呢個係我琴晚溫書聽收音機既時候聽到既..
我一路聽一路抄..
可想而知..我係..幾心散.. 幾唔想溫書..

肖狗:
對工作投入, 唔會輕易跳槽
工作上充分發揮實力以上既表現
年輕時好有表現, 服從上司, 所以深得器重, 理想工作伙伴
35歲後, 有較多紛爭情形
活潑, 有敏銳直覺力及判斷力
會毫不厭倦跟從一個上司/朋友
有時熱情過度, 另人覺得厭煩

猴年運程:
好好好好 - 四個好
有一粒吉星守護
不過四粒凶星 (咁都有四個好?!)
情緒會變得心浮氣燥
會被人排斥, 甚至遭人動武 (係遭人! ..即係俾人打..)
會被人侵吞及無妄之災
猴年會有憤世嫉俗既心態
要留意屋企長者既健康狀況
問喪之事可免則免
喜慶宴會宜多參加, 沖喜自己 (咁不如你地今年個個生日都擺大壽啦!)

其實今年屬狗都好似俾佢地講到幾衰.. 之前睇Stefan本楊天命大致都係咁.. 係Stefan專登叫咩咩係香港買既楊天命猴年運程!!! 佢指定要咩咩買楊天命同蘇民峰呀!!! 成個八婆! 佢d水晶鏈仲要特登買一枝蒸餾水去浸!! 上次俾Rebecca掂到一下喳, 都要換左d水再包保鮮紙放入雪櫃!! 仲同我講話咩佢睇左今年既文昌位係唔知邊度.. 我唔記得左.. 你就黎變師奶架喇!! 不過都好既~ 你咁清楚呢d野~ 咁如果講得好既, 你就話我知啦~ 講得唔好就唔洗喇~ 唔準架! 所以你本楊天命可以燒左佢架喇!! 佢講到屬狗既咁差!! 呢一d生肖命理你咁熟, 星座又有楷楷喎~ 咁我就可以睇下邊個講得好黎信~ 真係好~ ^o^V

>>January 22, 2004 at 11:23:49 PM GMT+8

2004 年 1 月 19 日 星期一 【乍暖還寒】



張相可能係會load得幾慢下架~
不過等多陣啦~
你睇下睇唔睇到寫左D咩Y~~~^o^
.
.
.
.
.
.
.
.
.
.
.
睇唔到? 行遠D啦~~
行後D咁就睇到架喇~~~
好多野其實退後一步睇係會清楚好多架~~

>>January 20, 2004 at 5:17:24 AM GMT+8

2004 年 1 月 19 日 星期一 【乍暖還寒】

今日考Pharmcognosy..上年考得最差就係呢科! 今年應該都係~ 不過我覺得好過上年架喇! 我地咁多個又係....慘敗! 哈哈~ 不過唔知點解我覺得好攪笑喎~ 雖然係應該一齊喊先岩! 考完之後咩咩, Stefan同阿Wings都好擔心會唔合格~ 我都做得唔好, 不過我只係覺得考完好開心! 因為我考緊個陣都已經唔想做.. 如果唔係我都唔會有時間都唔做埋落去, 寧願坐係度發呆.. 我都覺得好不知所謂架.. 明明背左都唔寫.. 不過今日真係好唔想考試, 好鬼死悶呀.. 由十二月中開始到而家除了溫書還是溫書.. 仲要係真係坐定十八粒鐘以上個隻..我覺得我可以keep到咁耐已經好好架喇!! 每一次考尾二or尾三個科都會係咁..入到去極度唔想考, 跟住就識都唔做.. 我都覺好衰.. 不過我計過既~ 應該唔會唔合格先唔做者~ 而且個BP assay都唔一定要答埋既~ 最唔抵都係5分個條.. 又係好似以前咁, (特別係IVE個陣) 又係唔知條問題想我答咩.. 問得好模稜兩可.. 攪到明明識得, 背左都冇答到...!! 不過以前IVE得我一個會咁, 而家有Stefan陪~ ^^ 哈哈~ 放心啦~ 我地一定pass架喎!! 佢拉curve架麻~ 雖然我都唔知其他人考成點.. 我正係見到Philip一早就做完等夠鐘..好似好有信心咁..不過佢科科都係咁既樣.. 到考完出到黎就爆哂粗.. 快d考埋星期四就好喇!! 好耐冇同你地傾計.. 好攪住你地呀!! 尢其是個低B婆..你唔好再俾人蝦你啦!!! 你正係可以俾我蝦架喳!! ..我除左蝦你同撐你之外.. 我都唔知可以點喇... 收到你個肚仔痛sms好擔心.. 你居然向我求救.. 我真係驚你死左都冇人知.. 今日知道你又唔開心.. 我就更加想同你出去行下街..

死啦..而家有十個唔想溫書.. 我諗下次都係唔好咁勤力, 唔好早成個月就開始溫喇..真係會物極必反架.. 上年好遲好遲先讀.. 反而會讀得入腦.. 而家好似仲衰咁既... 都係等last minute先好d.. 呀!!!!!! 好想返香港過年呀!!!!!!!!

二豬, 點解我仲未收到你封email既?? 你俾人截左郵呀?!!?!

阿Law.. 你係咪真係有寄架?! 會唔會係嚇人得制過唔到關呀??

唔 知 點 解 我 好 掛 住 個 死 肥 仔.....

2004 年 1 月 16 日 星期五 【乍雨乍晴】

今日終於都考埋第三科喇~~ 琴日考Biochem都算係咁~ 同Pharmacology應該差唔多! 我真係唔明.. Biochem又係答兩條Essays, Pharmacology又係兩條, 大家都係考一個半鐘, 點解可以一個有七十條MCQ, 一個得廿條?!?!!?! d MCQ仲要永遠都唔係得A至E揀咁簡單!! 係有n咁多隻款個種..! 至憎就係Type 1個隻!!! 俾兩句statements你, 可能係兩句都岩 or 一句岩一句錯 or 兩句都錯.. 仲要兩句都岩既話咁statement 2又係唔係statement 1既解釋呢?!!!?! 白痴架!?! 玩過三關!! 我撞岩第一個都過唔到第二關啦!! 頭個兩科考既係最多野溫既, 終於都過左喇~ ^o^ 我地幾個d Essays就真係完全冇問題.. 不過d MC就...死哂... biochem廿條MC, 我肯定自己岩既..........有五條! 都好過Stefan架喇~ 佢得三條肯定岩..! 條友仔仲要傻傻更更咁以為pharmacology得65條.. 答少左5條.. 不過d人好豪啦~ 知道左都冇咩反應!!! 我既反應仲大過佢!! 可能因為佢覺得同阿Wings相比做少五條MC唔算咩掛?! 因為阿Wings連試都唔記得考...... 直到咩咩問佢Pharmacology考成點佢先發現自己13th係要考pharmacology既... 點解呢d咁經典既野成日都發身係我身邊既朋友仔到架..?!! 佢令我諗起Year 1阿信記錯日子考錯科..!! -.-" 知道阿wings唔記得去考之後真係想喊埋一份.. 因為要八月報考架!! 希望佢到時醒醒定定啦!!! 自從佢miss左個exam之後, 我發現佢有陰影呀.. 每一日都打好多次俾咩咩or我confirm好多野.. 不過佢會咁都唔出奇既.. 至奇既係連Stefan都有打黎confirm囉!!! 頭個兩科個個都考得麻麻.. 我諗拉完curve之後都應該唔會太差既~ 至於今日個份.. 又係考一個半鐘.. 邊有大學試考得個半鐘架..?! 答三條Essays.. total full 哂六版紙.. 寫到抽哂筋.. 好趕好趕咁.. 仲差d噴哂水, 因為剩返三個字既時候, 諗住終於可以停下, 好他條咁係度飲水, 飲飲下發現答留左一小條!! 支水即刻dump都dump唔切, lei 咁hea咁做埋佢!! 好彩最尾趕得切!! 唔係就唔抵喇!! 因為我識答架!! 今日份卷好易.. 係易到一定拎A個隻.. 不過我唔中意啦.. 因為個個都覺得易.. 而且出得太易會連唔溫書既都識.. 咁我咁多晚都開通頂捱眼訓為咩?!!? 出得易係好~ 起碼唔洗有人要報考, 但係出7,8個易都得啦.. 洗唔洗出10個易呀....

前晚起身之後見到你個missed call 真係好意外呀~~ 我仲以為你有咩事搵我!! 再聽到你話「好耐冇搵你, 打俾你, 睇下你呢排點? 」我真係無諗過你會囉!! 好開心!! ^o^ 有10個驚+10個喜呀!!Thankyou!!

咁多日都冇覺好訓...琴晚只係分別訓左兩次, 每次半個鐘既覺...今日考完試返黎就梗係即刻訓啦!!! 冇電話響! 不過...FIRE ALARM...!!! @#$^*#%& 落去食風...!! 原來成層得我一個考五科喳!! 佢地成班final year既都係考得個一, 兩科!!!! 唔怪得可以開哂party咁鄧我可憐啦!!!

唔寫喇.. 真係好眼訓... zzZZZ

2004 年 1 月 13 日 星期二 【暴雨】

今日考完第一科喇~ 考Pharmacology..做MCQ個陣將成個格都油到黑哂, 我費時佢又話部機read唔到全部當錯!!! 今日都考得算係咁啦~ 不過有多d時間會好好多..一個半鐘做70條MCQ再加4版紙既Essays.. 可想而知隻手要幾Turbo! 好彩答個兩條essays我都有讀, 可以唔洗諗寫哂出黎, 唔係都唔知會做唔切幾多.. 一路做一路勁手震, 因為一收到份卷都知會好趕.. d MC係諗都冇諗過, 見到似似地就填喇.. 好唔抵.. 明明識架麻.. 不過唔夠時間慢慢揀.. 雖然都唔係考得差, 不過應該可以再做好d..不過Stefan話坐佢前面個個只係夠時間做essays, MCQ一條都冇做到!!! 咁..我諗我都算係咁.. 起碼算係做哂70題.. 雖然有d連問咩都未睇得清..唔知有冇拉curve架呢?? 真係好無奈.. 我明明讀左架麻!!!!!!! 俾多d時間我就好喇!!! 第一科就考pharmacology真係有d壓力, 最勁個日我廿五個鐘冇訓係到溫書..平時訓廿五個鐘就差唔多..! 我冇訓呢廿五個鐘, 一個電話都冇響過.. 之前寫diary個日訓得個一陣, 就已經俾電話嘈醒左八次..! 係Stefan一個都嘈醒左我三次個日!! 雖然我半夜通常都係溫緊書, 不過聽到你半夜三點幾打黎嘈醒人, 仲要話「你都夠鐘起身溫書啦! 」個感覺好奇怪. @.@

琴晚同Vannie sms個陣, 佢話 IT X MICKEY 50%off呀!!!!! 好想去掃貨呀!!! 八婆!! 專登講黎引人!!! 你影d相俾我睇啦不如!!

多謝你地d sms, 我會繼續俾心機溫書架喇!! ^^
希望跟住黎既試都醒醒定定啦~~~

2004 年 1 月 12 日 星期一 【陰晴不定】

the pc im using is not able to type chinese, so here the english diary..
im not going to write much cos i dont want any english diary..
just a quick note saying my email is on my icq info!! and i wonder as u got my msn, HOW CAN U NOT HAVING MY EMAIL?! u idiot..

miss u guys loads and loads and loads...

P.S. my exam starts TOMORROW! wish me luck!

>>January 12, 2004 at 6:30:51 PM GMT+8

2004 年 1 月 8 日 星期四 【雨】

男朋友的二十樣功能
1. 私人街道認路圖
2. 強力開瓶器
3. 自動開門侍應
4. 看電影時的選座位儀
5. 攝時間頂替者
6. 私人拳打腳踢咬的沙包
7. 消閒好去處指南
8. 乘坐交通工具時的人肉扶手
9. 私家走光警報儀
10. 購物時的人肉紙袋手抽器加提款卡
11. 購物後檢閱戰利品時的觀眾
12. 電器常識手冊
13. 晚間送甜品的外賣仔
14. 私人鬧鐘
15. 人肉攬枕
16. 預先弄暖被窩的人肉電氈
17. 性感衣著檢查關卡
18. 私人保鑣
19. 甜言蜜語供應商
20. 愛妳

我上網睇到架喳!!

>>January 9, 2004 at 3:45:33 AM GMT+8

Care who you love， Treasure what you got。 ＊＊＊＊＊latest update＊＊＊＊＊ ＊Close＊ 8/8 6/8 & 7/8 added。 5/8 5/8 added。 4/8 4/4 added。 1/8 1/8 added。 25/7 24/7 added。 17/8 17/7 added。 16/7 16/7 added。 14/7 14/7 added。 11/6 10/6 & 16/6 added。 愛．聽歌仔 愛得太遲 無事常相見 記得忘記 不得不愛 Bad Day ＊愛．朋友仔＊ ＊let me know what u've been up to＊ ：：未有空 留言吧：： 廣告 讀者留言 |  路人留言   | 咦,久休復出寫日記喎 >>January 24, 2010 at 9:31:26 PM GMT+8 我又難番喇右邊腮骨位~~~~ >>July 6, 2009 at 11:40:56 PM GMT+8 換0左新電腦,第一次去睇番你0的 >>May 23, 2009 at 10:52:02 PM GMT+8 3月21號..anniversa >>March 30, 2009 at 3:44:48 PM GMT+8 下星期五食飯嘛~~~你唔放飛機咪 >>February 14, 2009 at 4:04:45 AM GMT+8 因為有人叫唔好upload上fa >>February 6, 2009 at 9:17:30 PM GMT+8 我0地失去聯絡0左三個星期... >>January 19, 2009 at 11:13:24 PM GMT+8 哈哈...妳D客真係好攪野;) >>November 24, 2008 at 9:46:57 PM GMT+8 恭喜恭喜~~~ 知道你地一定得一 >>August 15, 2008 at 11:09:31 PM GMT+8 係啦...快d約約食食飯先啦.. >>August 13, 2008 at 12:05:47 AM GMT+8 本蝦餃呀娘係將一疊同色同尼龍繩綁 >>August 12, 2008 at 11:26:54 PM GMT+8 本蝦餃get 到你講咩呀,好好笑 >>August 11, 2008 at 10:02:34 PM GMT+8 Yo, haven't upda >>August 6, 2008 at 6:03:57 PM GMT+8 哈哈~真係要恭喜wo潔潔~ 終於 >>August 5, 2008 at 10:10:46 PM GMT+8 喂~~~~正牌弱雞師喎,要請食飯 >>August 5, 2008 at 6:32:40 PM GMT+8 冗員.......不是擁員, < >>July 17, 2008 at 11:39:13 PM GMT+8 o個隻係dale 呀!! >>July 16, 2008 at 11:59:07 PM GMT+8 咁究竟你係CU做咩架?? 點解可 >>July 15, 2008 at 1:12:32 AM GMT+8 現在時間為14/7 ,11:55 >>July 14, 2008 at 11:57:01 PM GMT+8 嘉嘉你真係無&#25598;到過 >>July 5, 2008 at 12:39:01 AM GMT+8 你識游水0架咩,無聽過你講0既, >>July 4, 2008 at 10:16:47 PM GMT+8 下次往觀塘方向的車頭你可以自行到 >>June 18, 2008 at 11:20:10 PM GMT+8 幾時得閒食飯?? >>June 18, 2008 at 2:15:37 AM GMT+8 呀毛有同你講另一方向0架,但係唔 >>June 14, 2008 at 12:08:08 AM GMT+8 其實都冇乜特別野想留言,但係睇唔 >>June 13, 2008 at 12:32:21 AM GMT+8 無睇到佢0地相與喎,本蝦餃係俾佢 >>May 27, 2008 at 9:57:31 PM GMT+8 最近有新歡呀,潘蔚林呀~~~~ >>May 23, 2008 at 11:25:17 PM GMT+8 canon既DC係唔錯ga, 有 >>April 14, 2008 at 11:27:15 PM GMT+8 Wii 的mario kart >>April 12, 2008 at 10:59:16 PM GMT+8 Kia, 他們只想我說一個價, >>March 18, 2008 at 9:35:34 PM GMT+8 本蝦餃會揀做一年0野先,好實呀讀 >>March 16, 2008 at 10:05:48 PM GMT+8 been looking thr >>March 14, 2008 at 11:24:11 PM GMT+8 Just gone throug >>March 14, 2008 at 2:39:55 AM GMT+8 O....佢返咩呀? 點解佢找到 >>March 13, 2008 at 11:06:32 AM GMT+8 唔洗做...又去玩...真好.. >>March 9, 2008 at 2:11:06 AM GMT+8 你第一日見0既高飛同第二日見0既 >>March 8, 2008 at 7:15:08 PM GMT+8 估唔到連你妹妹都出嫁了~! 你都 >>March 2, 2008 at 4:52:10 PM GMT+8 本蝦餃都無mood寫見你唔寫.. >>February 16, 2008 at 11:58:10 PM GMT+8 見字打俾我....最好係我返工的 >>February 4, 2008 at 9:24:27 PM GMT+8 係呀!! CU 個course >>February 4, 2008 at 2:45:36 PM GMT+8 bo bo慘0的喎,隨時嫁唔出喎 >>February 4, 2008 at 11:40:45 AM GMT+8 我仲知道CU 有囉!! 但係CU >>January 29, 2008 at 3:10:53 PM GMT+8 都係同一句...你就好...我返 >>January 24, 2008 at 9:24:10 PM GMT+8 咁幾時要報名?? 同埋o係邊度上 >>January 23, 2008 at 4:15:07 PM GMT+8 生活很休閒嘛~? 好好enjoy >>January 22, 2008 at 8:23:02 PM GMT+8 堅啦梗係! <br>小姐~ 你唔 >>January 22, 2008 at 3:57:05 AM GMT+8 其實呢個我一直都想學..只係.. >>January 19, 2008 at 2:16:14 AM GMT+8 你就好啦....我都唔想做呀~ >>January 16, 2008 at 8:36:20 PM GMT+8 你走進黑店呢~~~ >>January 5, 2008 at 7:09:13 PM GMT+8 本蝦餃在九龍灣0個0的工廠區返工 >>December 27, 2007 at 9:06:53 PM GMT+8

人氣: 86875

Design & Scripting by ShowHappy.Net