2003 年 8 月 31 日 星期日 【酷熱】

在晚上~~~
同Tony傾了一席話~~~
明白到自己真正怕的或擔心的是什麼~~~
也感受到中心真的可以俾到更多發揮空間自己，
欠的只是自己未搵到[願景]，
簡單一句就是唔知自己想要D乜...？？
經過今晚，煩惱終於也解放多了~~
未來的或會失敗、或會辛苦、或會唔舒服的，
最重要都係[過到自己]就無問題了。

>>September 2, 2003 at 2:49:40 AM GMT+8

2003 年 8 月 29 日 星期五 【酷熱】

今天真的很開心，十分開心~~~~
今天是TPIT的一年一度的義工晚會，
很多義工小組也會在今天聚埋一齊共歌戴舞~~~
很開心。

在下午一大班朋友們就一齊坐車去營地玩下遊戲，
今年比較特別D，
就係可以選擇在營地過埋夜，玩到開心120%！！
但是我們小組就沒有選擇過夜，在玩過下午的活動時大家也好像有點後悔呢~~
我自己就因為怕影響精神所以沒有選擇~~

在晚上當說要寫一些你最欣賞的義工時，
其實當時我想不到寫什麼...
腦海已經一片空白...沒太多心情去想...
想...想了很久...
最終也不想錯過多謝他們的機會，
也很盡力去寫呀...寫呀...
寫左好多也收到好多~~~
最主要的也是想利用今次機會去鼓勵我組的其他組員，
多謝他們那一天兩日一夜所帶給我的所有所有的。
給了導師團的朋友，給了V.lab+LDU的朋友們，
給了ya組的朋友們，給了我所熟悉的人。
在晚上想也沒想過我組會有什麼獎呢~~
因為也沒有什麼服務做過...
但也居然出現了一個社工推介獎，
一看也知道是嘉祺推介的了，
也十分驚訝自己能得到！！
開心，大多也是強作出來...

其實...我不想種下這麼多讓人期待成長的種子呢...。

近排正為習慣工作而煩惱中......
有很多預料之外既東西同一時間湧現出來...
也正為自己尋找返這一份工所俾我的動力及支持點而苦惱......
在這麼多不明朗的因素下實在是沒太多心情去玩~~~
在下午玩過三個遊戲後就突然感到不安...
又想起工作上的種種......
經過幾日工作...經過朋友的面試失敗...經過同Tony的對話...
在中心一時間無形中接觸到很多唔開心、壓力同唔舒服...
破壞了我對這中心多年來的歸屬感，
TPIT帶給了我很多的快樂，曾經是我所認為的[快樂泉源]，
每一次黎中心都係好開心既，
不論是開組、帶組、唱K、睇片、同其他義工朋友玩，
每一次也十分高興，是盡了全力去經歷同感受的，
[做義工真的很開心]，
我哭了......真的哭了......
盡管是有挫折有失敗了也會感到身邊有很多人支持自己，
可是現在...........卻感受不到大家當[義工]那種純真、那種最真的、親切的態度，
每天也看著大家忙這裡忙那裡，感到可靠的也只有幾個人，
可以分擔的更是沒多個......
好辛苦......真的好辛苦......
在自己還沒有找到支持點的同時便被迎頭痛擊......
赤裸裸的不能抵抗......
工作就愈是接種而來.......
日子就是這樣的流逝.......
這個曾是給我無比快樂、經歷、過程、辛酸的[快樂泉源]...
開始被破壞了...
流失著很多的[泉水]......
現在是職員了，很多既都改變了~~~
雖然不是說沒有了義工身份，
但無論心態上、現實上也因此不同了，
看見其他義工就想到自己現在心裡的種種掙扎，
好唔舒服...
Tony說我在組中是比較特出，條件是比較優秀，
其實我想說：[...我不是這麼強的...]
或說是我生性愛輕鬆...
或說是我怕令大家失望...
或說是我對自己無信心...



>>August 31, 2003 at 2:07:33 PM GMT+8

2003 年 8 月 24 日 星期日 【晴】

今天真係好開心呀！！
因為我終於搵到我既第一份全職工作啦！！
就係政府開創俾一些青少年工作既一些職位~~
我的工作叫[社區關懷計劃-青年大使]
最開心係可以係番我自己去開個間青少年中心到做工作！！
今日聽到有句說話：[終於可以係辦工室自由出入啦] ^o^
雖然個環境係很熟悉的，但是也要注意自己在那裡的多重身份呢~~
[我是義工也是職員又是導師]
[社工是我的組導師又是伙伴]
學習的也真是有很多很多呢。^^
這半年來真是要多多努力啦！！

在今年，
我們大家朋友間也出現了不穩定、一個波動的局面。
大家也開始各有各忙了~~
景華、嘉豪要返IVE二年級了~~~
嘉麒要努力中七了~~~
小強要在會所工作~~~
SoHo也搵工了~~~
球仔就唔知佢有乜做~~~
我也開始半年生涯了~~~
見面時間也自然少了，
不過我仍然對大家有信心呢！！
我想~~最令人擔心的應該是小強的情況了~~~
一D時間也沒有見過了~~~
我們是不是應該把他忘記去了？
今天是這樣，半年後也應該是這樣呢~~~
真是....你說怎麼辦了.....




>>September 7, 2003 at 2:17:03 PM GMT+8

2003 年 8 月 12 日 星期二 【晴】

終於完成左兩日一夜既[乘風航]之旅啦！！
好玩到極！！一個字[正]！！
一日跳海跳到黑呢！！哈哈^o^
而我們也取了一個組名！
喊個口號出黎就會講o麗個意義同名！
[海賊有目標！！糯米係團結！！我地係~~海賊糯米團！！]

那天早上9點半就要到達尖沙咀碼頭！
大家興高彩列地等待佢地口中所說的[新船]！
不過~~~等左好耐，個部所謂的[新船]都仲未到達~~~
直至10點3左右，
終於有部好[古色古香]既帆船駛到黎啦~~也即是[舊]既o個部船。
原來依部舊船係到今年底就正式退役。
因此今年我地參加乘風航都好合時呢。^^

上到船之後就立刻覺得究竟哩部船可唔可以裝到50幾人呢？？
但[麻雀雖少，五臟俱全]的，
廚房、四個廁所、男仔大房、女仔細房、員工房等等~~
總之就係除左無浴室其他既都合乎標準啦。

一路上擺呀...擺呀，
好快就到達了一處廷風平浪靜的地方落腳，過到明天的。
不知道是不是西貢海域呢，也不太認得了。
途經田下山旁海域，看見過釣魚翁山，
真令人懷念呢.......
[！！！集隊！！！]
忙著認識船上的船員，有Ben哥啦...根哥啦...等等
我們的船長就是[明哥]！！
呀~~~仲有一位船長，佢就係[羅船長]啦~~^o^ (羅船長好恐怖嫁。)
轉頭望望，今天的天氣都好唔穩定~~
一時大雨，一時大風，一時有少少陽光，
我個人黎睇就唔多鐘意落雨去訓練呢~~好影響心情嫁。
不過好快就要開始第一個活動啦。

[七色彩虹]
七種顏色代表著我們乘風航這次的生命之旅~~
紅、橙、黃、綠、青、藍、紫，

[紅色]-[生命熱血]-[5分]
楊帆出海了，紅色就是要我們每個人也會付出最大的心血去完成這次兩日一夜的每一個環節，
再一次提醒大家要拿個[心]出黎去挑戰！！

[橙色]-[生命勇氣]-[4分]
這環節也是難得的自我突破挑戰時段。
開始時就立刻玩了四個團隊合作遊戲了。
[過高帆]、[採青]、[奈何橋]、[信心踏板]
一開始就是挑戰[過高帆]！
兩個人咁高咁啦！哩D力既代表的工作當然係俾[小強]哩D強者做嫁啦~~
可大家也認為是這樣呢。

第二個挑戰就係[採青]！
海上有一張軟墊，而要我地係要在墊上合作取去高處的[紙張]，
墊上也只能負荷約三個人的重量，其餘的人就要在水中幫手推正軟墊位置。
今次感覺好好，因為能看見三位較低年級的組員合作，
又其是Kevin，可能同我地唔多熟，所以比較少講野。
雖然比較矮少，但係都好快完成任務呢！！^^

第三個Game就係[信心踏板]，
我們要利用一條木板，伸出船外去掂一張紙~~
方法就係用3至4個人的重量去壓著木的一端，讓一位組員行出去。
當然這樣也不是難道啦。
開始第四個Game了，
我就突然講左個問題出黎，
我就問大家點解次次都要小強去先？？
因為我覺得其他人好似為左完成個Game而去做，
而無想過突破、嘗試等等之類，
我想既係假設就算我不是太醒目、好掂之類的人，
我也會想去做最頭等等，
但依家我係見到好似乜Game都係小強行先，因為大家覺得佢夠勁，
但係我就覺得這樣是沒有意義的。
大家也像是似懂非懂我所講既問題，
我也不能完全表達出我所想既想法，
因為我依家就是用上了我在導師所學到的東西，
我也曾想過不要用導師的角道去睇哩件事，
但係最終覺得自己不需隱藏什麼的，
我這一個組員係經歷過咁多就係咁，
同樣地我也覺得大家要接納我這一點，
雖然這是一個很深入的問題，要再討論的也可以很深入，
且我也只是想講下我既感覺，
可我覺得大家都不是太認同，雖然無話對或錯的，
但我也感到大家像是討厭我同埋自己也不太開心。

在第四個Game中，雖然多得了SoHo的幫助，
但其實綜觀兩日一夜的所有活動，之後的很多活動也較少要自我挑戰的位兒，
所以都不太緊了。
另外就係想講下自己非常不滿那位帶隊的船員導師，
在旁還只盡是常喊：[快D啦！快D啦！]
聽到都唔舒服！！
在分享的時候都係得個快字！！
最印象深刻是他常常叫人諗下下個Game點完成，
還叫我們照抄其他組的做法呢！！
絕對是有違[我的導師之道]！！
我自己就是一個較溫和的導師，我零可大家完成也好，不完成也好~~
適時地慢慢來，安全也就可以，在失敗中學習的有時可以比勝利中學習更多！
能夠勝利是實踐的成果，能夠面對失敗再去勝利是不放棄的成果！！
唔同人有唔同的風格，在參加者的角度看這沒有錯，只是不適合我而且。

[黃色]-[生命目標]-[2分]
目標？？
就像駕駛快艇一樣，
控制桿就在你手上，想去那~就去那。
雖然體會的時間太短，但也無法了。^^
但...自己有目標嗎？？
在我來說，我的目標就像在美國、歐洲那個方向一樣，
望不見的......
望不見的話，我相信是因為被那巖大無邊的那山脈所阻隔著~~
無邊無際，我卻只是正在尋找著那無形的缺口，
左面的也彷如是右面，
打轉打轉著...
有人說我多愁善感，我也是第一次聽到這個詞語，
但也是當口捧喝！
也有人說我怕失敗，有保留，
人馬座的人有很強的冒險之心，
我卻埋沒了它，
我想...目標就是先要尋找番那[冒險之心]，
盡管沒有了燃油也好呢。
「總會有辦法呢」

[綠色]-[生命主宰]-[3分]
主宰著一條往船外大海的一條繩~~
生命這玩意兒，
有時就要握緊，用自身的手去握著~~
這才不會跌落大海。
有時卻要懂得放鬆~~「嘩~~~~~哇啪~~~」
要懂得正視失敗，才是真正的強者。
有這環節中做過了很多不同的方式落水，
有趣極了~~！^o^

到了晚餐環節了，
正是我組表演的時候了！！
這一次用了勁多時間去整呢！！
有[火腿炒蛋]！當然是So副廚負責啦！
又炒蛋變成蒸水蛋！！
但係都阻礙唔到So大廚既炒功！就黎要用「赤手神炒」添！！^^
還有幾道就是[薯仔炆雞翼]！[生炒生菜]！同埋[油炸一百蚊]！！
好彩有超級大廚[小童]出手！！
唔係就一定無人識煮野食添啦！^^
恩賜著大家能有一餐豐富的晚餐享用呢。
唔~~~我閒時係咪要睇多D教煮野食既書呢。呵呵~~~~

[青色]-[生命快樂]-[4]
一看見這一個環節，
就知道係會開心嫁啦！！
我決定用這個環節解除自己的煩惱同不開心！
大家載歌載舞！又蓮步舞，又唔知乜英文歌舞！
總之就係好好玩啦！
之後到了一個扮靚化裝環節，
來來自己都好抗拒玩的，因為總是介懷著自己下午所講既說話...
但就在一剎那，自己突然想把自己的心情放出去了！
想拉近番被我破壞了自己同大家的關係。
貢獻自己來當恐怖異常的她們的模特兒！(還要在沒有沖涼的這兒玩這樣的玩意呢！)
就是這樣才使自己開心番好多！！
雖然做出了一個「翻版舊碧咸頭既人妖生生」！
滿頭也是閃閃生輝的金粉！
滿臉上也債是甚是嚇人的裝扮呢！！
不過就是很開心呢。
我想...樂觀、盡情、生命快樂我做到了。^^

玩過了一整日的活動後，
但是還不能睡覺去的呢，
我們要幾組合作一個任務，就是「守夜行動」！
但不是叫你淨企到晨曦呢~~
而是四組每組負責一個時間~
我地組就抽到個[好]時間！
就是3:00-5:00！
這個時間也是世人常說的[人類最無警戒心]的時候！
不過也不能理會了....現在就要去睡下先算了！
不知道今天晚上會唔會有D乜野奇景出現呢....Z.z.z..z...

三時了...
走上甲板上，
看見一個二個都訓左係甲板四周，貪其船上夠涼快呢！
而且還是對著這一望無際的漆黑夜空、繁星同月光！
但是在我看上去甲板上就像一班「X屍」躺臥在此呢....^_^ ""
不過呢~~
天有不測之風雲，
突然間落下一場滂沱大雨！
是這整日來最「激」的大雨！！
那班「X屍」也爬番入船艙呢~~haha
而板上也只淨我地組在守夜~~
大家也很累，也傾不到D乜了~~

很快~~~也雨過夜空了。
我自己也不期然臥下~~~
四周環顧下這個寧靜的海上呢。
也望下夜間的星空呢.....
突然！！我居然看見了一道「彩虹」呢！！
黑夜彩虹！？有沒有可能呢！！
wait~~~~~














>>October 17, 2003 at 1:57:49 PM GMT+8

2003 年 8 月 2 日 星期六 【晴】

林sir之家~~
wait~~~

>>August 15, 2003 at 1:18:09 PM GMT+8

2003 年 8 月 1 日 星期五 【晴】

今天我們參加了一個由好似一D房委會咁既機構所攪的一個[香港一日遊]的活動，
其實也只是去一些博物館參觀咁啦~~
分別係赤柱監獄博物館、海防博物館同電影資料館。

點解我地會有興趣呢？
最主要的其實係只要俾50蚊就有專車接送不特止，
仲包埋一餐自助午餐呢！！去銅鑼灣食喎~~
唔好極都有限啦~~哈哈^^
加上又未去過D博物館喎，咁咪順便羅，
雖然都預左要同D小朋友一齊....
D小朋友都無抗拒我地啦，反而只係我地有D介意咁喎~~真小家呢。
不過大家在食過午飯後都玩埋左啦。^o^

講番起我覺得最有趣既都係[赤柱監獄博物館]，
舊時個D設備、器具等等都好有趣！
最記得係o個件用可樂樽、棉花整既防毒面具！
仲有o個座[打pat pat]的設備~~~

今天五個人聚一聚，玩一玩，
其實都已經係最大既滿足了。
只係有個fd仲係要[溫女]！！
我破戒用哩個不雅既詞語來形容佢，倒適合對佢用的言語！！
講起都火大，不提也罷。
老實說我依家真係好嬲！！
雖然話佢地既野佢地既事，但係難免真係影響到自己的心情、態度！

To：So
功夫心力仲未到家，不能裝作唔有發生什麼，
我覺得有我堅持的道理，
起碼依家我份人係咁覺得就係咁，
我無必要在這裡隱藏我的什麼東西，
或者在面對面我講唔出[真]的感覺，
自己既感覺係點我就會在這裡講最真既，這一刻講既做既係咁就係咁，
在這裡就當是宣洩...爆肚也好呢。
我誠認可能有誤會、有誤解，
但我也希望能在這裡記錄地自己的所有所言所講，
可以改既，也不算是日/月[記]事吧。





>>August 22, 2003 at 5:39:54 AM GMT+8

2003 年 7 月 27 日 星期日 【晴】

今日都無乜特別咁啦其實~~~~
不過只是在晚上我們小組要開個例會咁啦~~~
但是...嘉娸講左一個天大的消息出來，[她要離去了...]
我聽到覺得十分驚訝！！
新組成立一年都未足年就[又]黎人士變動...
而且都正準備去正式做服務的時候...
甚是不知所惜...

(引用番網上聯盟的那篇感受)
主題：我們永遠的嘉娸[組員]

雖然你要離開我們小組，離開TPIT~~
向自己的人生目標再進發~~
在這我看來是很好的，
[生有限、活無限]
你講的一句：[讀書，不會有什麼年齡問題的。]
對我來說這句話很有用，也是我近期推動自己去讀書的動力。
[學海無涯]
你用行動去印證了這句說話，我尊敬你。

你令我們組反思了很多問題，
也陪我們行過好多個[第一次]~~
第一次行山，第一次行夜山，第一次小組去Camp等等~~~
令大家對個小組更有歸屬感，對大家更有互信心，
所以這短短的六、七個月是沒有白費的。
多謝你。

嘉娸也讀書，令到自己也開始要選擇行什麼路了
初初本是還有很大的決心，
不過現在事與願違，覺得自己會力有不逮......
怕讀唔到...怕浪費金錢...怕家人的說話...
這不是我自己去堅持就可以很輕易去解決的事，不是話唔嘗試點知結果咁簡單，
背後卻是現實的問題，
開始覺得她們不太支持我去嘗試，覺得我比唔到信心佢地。

現在決擇要去讀一些不是自己意願的東西定還是什麼...
真的只是要有一技旁身就可嗎？？
常常說行得到自己的興趣是很難的，
通常你日後份工也不是你的夢想既工作，
我很想行一條自己喜歡的路，不想被其他東西去決定，
以前我是堅信的，也堅守著，
今日我卻開始動搖了，
迷網也接著而來了。





>>August 15, 2003 at 12:52:38 PM GMT+8

2003 年 7 月 26 日 星期六 【晴】

今天，我們揚威了！！
[Imporving]！我們做到了！
今天是灣仔大腳八比賽的日子，
我們之前辛苦的訓練終於要到今天實踐了！
不過很可惜沒有通知到泰仔，可惜......
去到先知道是八個人比賽，兩個女仔又走左，算啦算啦。^^

訓練時間到了，
首先就當然是不留力地去做訓練啦！
好快...真係好快！！
不過其他組也慢慢進步緊，
呀東也提大家不要輕敵呢。
不過[坐亞望冠]都可以定了。

首先的是小朋友組別的比賽，
看見很多有趣的場面，
有隊著o麗運動服來比賽，本來帶頭的，但犯了一個錯誤，就這樣俾人過頭了。
有隊就越行越亂，之後停了，帶頭的小朋友很心急，起數次步也不能，之後要靠老師冷靜大家才起到步。
最後的那隊是全組最少年齡的，雖然包尾，但也贏了全場的掌聲。^o^

到我們了，不敢輕敵，
一開頭就盡去十成功力！
十成之後再加速！用盡120%的功力！！！喝~~~~~
贏了！！第一名呢！！^o^
之後就不停喊鼓勵俾其他組！！
最後那一組還得到其他人一齊陪行過終點呢！！
有D眼紅添嫁，有D想做最尾一隊，個場景好開心。

再來開心120%！
我地可以去林sir屋企會所慶工呢！！^^



>>August 8, 2003 at 2:55:16 AM GMT+8

2003 年 7 月 23 日 星期三 【陰】

本港這一年的第二個來臨的颱風，第一個令本港高掛8號熱帶氣旋警告。風
[浪翻、水起、風疾、樹搖]
颱風[伊布都]到來香港巡視一番，
清洗一下污濁的香港。

>>August 8, 2003 at 2:29:03 AM GMT+8

2003 年 7 月 19 日 星期六 【晴】

終於完成了我們[跳出框框義工小組]曆繼了三、四多個年頭，
驚天動地、史無前例的史詩式之旅行宿營！！
回想那天真係又驚險又好玩又開心！！
那天自己遲入營，在晚上7點自己才到達落車地方，
要自己一個行一段二、三十分鐘的路程，雖然唔會出現行錯路的機會！
但那段暗黑的馬路也挺嚇人嫁~~嚇人的就是會唔會有[被狗圍]的情況！@_@
好彩有枝行山桿所以都有D放心~~~
心慌慌完之後去到正好是大伙兒煮完飯了！
飽餐一頓先！我唔客氣啦~~~

食完休息一刻後就要去行山了！
月色是多麼好的，行下夜山感覺真好！
今次是我們成組人第一次行夜山！
不過兩位女組員就顯得很害怕哩~~
真係唔明白前後也都是自己人還有什麼好怕呢？？
[不怕不怕還需怕]~~
驚既、唔驚既都要行嫁啦~~
途中也有很多麻煩野出現~~
我和小強的一路上也行頭位，佢就不時同我講條段路好辛苦ar好長ar咁~~~
我就覺得好煩，大家已經也選擇了要行佢仲乜仲咁悔氣咁樣~~
人地女仔都話乜佢今次反而又話辛苦又話乜~~真係估佢唔到......
大不了咪行天光羅~~~訓山頭都仲得呀~~真係唔明佢點諗。
初段上山時去到一個位置我又同So Ho農場出現左個誤會，
大約情況都好難描述，但仲之就導致到之後出現左一個冷戰期，當時俾大家冷靜下啦。
而一路上也行得好慢，因為怪獸話無開電筒的話就會完全睇唔到路，
而我地就當然不這樣應同啦~~~
縱使一路上我也慢慢的等佢行，教佢行~~~
但愈行愈行我都頂唔住啦~~我就開始愛理不理~~
幸好其他組員也開始接手照顧她呢。

慢走、快走、連跌帶碰的去到一個小沙灘就已經堅決話支持不住~~
我地男仔當然覺得要繼續啦，咁樣即等同放棄o者！！
但係佢始終都唔肯再行，咁大家都各有各怨、各有各灰咁...
最終也決定了call快艇番黃石碼頭。

船來了，
[它，到來解放我們、幫助我們，卻不得要領，
幫助否？暗暗的也像帶來失敗。]
我首先同SO HO、嘉娸上船先~~
其他的就上第二部船，
這時看見她們還是姐手姐腳的連跌帶爬的，
[船都黎左啦！仲咁慢慢黎仲乜呀！！！] 我說...
這是我今天第二次動真火的時刻，我自己也不已為意，
係等so ho提醒番先知，唔知個時係咪好惡呢！？^^ "
[真情的旅程才叫人有回味的分兒。]

到了碼頭上，我們就開始怨聲四起，
嘉娸就說：[當初都係大家[決定]call船的。]
我地倒覺得那時跟本無得揀，佢都己經無o麗志氣再行落去，
咁都無計，咪要不情願咁揀call船羅~~
諗下諗下...好似又有D新既反思出現，不過...唔記得lu~~
日後看到這兒要想一想呢。

行齊人，我地就出發行埋餘下的馬路段。
卻多左好多門口狗呀、流浪狗呀招乎我地，
如果一個人行都唔知點算~~@_@"
就這樣慢慢的走向白沙澳去。

早上，9點幾要起身了，
自己整既早餐係特別好食既！！^^
時間也不早了，我們還未做分享會了。

在房間裡，
大家也能真情的對話，完全可以不顧慮地發出自己最真既一句。
因為呢，大家對互相的組員也很信任，
這個組成長得很好。
內容是什麼？係哩度唔講lu~~
真心的說話，留待係這小組個人的心中回想吧。^^

有這小組多好....。




>>August 8, 2003 at 2:20:40 AM GMT+8