2004 年 1 月 13 日 星期二 【晴】

今天晚上~~~~
是我們TPIT的團年飯！
當然是由呀督導請客呢！
第一次返全職，第一次感受這樣的工作上聯誼！
好好玩！！^o^
食既野都係超勁豐富！
我地YA坐o麗係一張桌，外加Kenneth+魔頭，
9個男孩果然食得好快！！
過程中又討論哩個MI3「過河」任務！^^
俾魔頭估！
Tony、Kenneth又得閒串下佢！
全晚都係輕輕鬆鬆咁過~~好輕快呢。

之後就相商返中心拍片！
大班社工們同我地YA~~
不過又走左好多人，得呀誠呀恒Jacky返去~~
我都係決定唔到~~
突然感覺到自己同依班社工/職員好似好陌生咁~~~
好多時都只係我個人去進入佢地既遊玩圈子裡~~~
有種常常俾忽略既感覺....
往時做義工時可以也不是常常見面所以無哩種感覺，
現在是同事了~~~
食飯、放工時也會有很多這樣的機會一齊，
可是就常常感覺到個種唔入群的感覺....
我也知道不能常常叫誰人特別照顧我~~~
但這種感覺就是存在著~~~
也常常盡量逃避非工作上的接觸見面~~~

所以當時也選擇了回家去好了。

>>January 27, 2004 at 4:38:19 AM GMT+8

2004 年 1 月 12 日 星期一 【晴】

今天也是如常的這樣返工呢~~~
不過今天得我一個返晚上那一更~~
因為其他YA同事都早去了呀薇的生日慶祝BBQ之夜呢！
So我要留低頂節當值呢，
咁就遲D先入啦。

10點準時走！
拿著這個神祕蛋糕入去！
唔.......
算一算今次也是頭一次齊YA去聚會呢！
算是這樣吧。

入到去~~~
有8個人！
呀珊就唔舒服無黎~~
之後洗走呀薇整好蛋糕先叫佢返黎！
算是整個驚喜俾佢吧~~^^
之後呀培呀誠就要走先~~~
及後呀恒都要趕車返將軍澳~~~
就係咁，淨低六個人係度玩個好奇怪既爐火！
我就係咁食呀食呀！

次刻，
呀權呀薇佢地行埋一面傾昨天個單野，
呀豪又走開左，
得番我同Jacky係度，
我都好想傾下正經野，所以就同Jacky傾工作及日後的前路問題~~~
驚覺起自己究竟係就近半年裡學到什麼呢？？
感覺依家都仲係尋覓中的階段......
仲未有一樣可以確定得到的......

傾傾下佢地都返返黎~~~
見佢地好似好累似的，
有些人又想走~~
但係哩一刻我先開始精神！！
係度狂玩個火！又玩「行火爐」！
最後都係12點半左右坐小巴走人。
不過都係開心既~~不竟近排太多不開心事情發生，
有次這樣的機會算是讓大家休息下啦~~~
可惜的是今天不是星期六呢。^^

>>January 27, 2004 at 4:20:53 AM GMT+8

2004 年 1 月 11 日 星期日 【晴】

今天早上~~~
久違了久違了~~~
今天終於去左醫我既行山癮！！
我約是呀偉相相去了行下在粉嶺火車站旁的蝴蝶山去！
得我兩個~~~有呀偉在也不怕吧。^^

行下走下，同呀偉傾了很多近排發生的事呢~~~
也讓我又深入去認識他了。

走著走著也已經行完晨運用既路段，
之後也繼續向一些新路進發！
到達了上水營盤！
落山路的一段也好像危機重重，
幸好最終也沒有發生什麼事情，
只不過試過遇著「好狗阻路」呢。

>>April 5, 2004 at 3:55:36 AM GMT+8

2004 年 1 月 10 日 星期六 【晴】

今天......
平平談談的一天~~~~
卻又是「悲喜交集」的一天。

星期天~~~
還久也未試過返星期天的早上了！！
返得早上就等於要去小朋友那邊中心當值，
唔......到底現在會是什麼一個光景呢？？^^
整個早上，也是陪著一、兩個小朋友玩耍，
基本上是沒有什麼準備的。
也只好早一些返上去準備下午個整野食活動了。

開著電腦~~~~
尋找了一些健康食物資料，
見無聊就開個icq看看，
看見了一段令我很煩惱不已的說話！？
立時間也十分之煩惱......
想著想著......
想著什麼就立刻打什麼去回應她，
不斷地去打出很多各樣的感受、意見~~~~~
打著打著也不想停下去，
就這樣也打了3、4百字的感受 ，
這不是什麼解釋來的~~~~
只是我這刻的「感受」。

「朋友~~~~真的要存在選擇性嗎？又或是要有特定條件？？」
唔好要別人一定明白你說話的另一些含意~~~~
可能大家價值觀不同，我也不希望硬要你去承受我的觀點，
你是聰明的.....我知道你會明白我的感受......
又或是有什麼另外因素影響你對我的看法.....
可能在你看來，我是充滿「機心」......的......
不論過往的關係......什麼什麼的.......
在你心目中也定型了........
對你來說我也只是一個慕名的追隨者，
一個碰著壁就會離開你的「所謂」朋友........
不能做到什麼真正的朋友......

網上日記.....就是表露最真的自己，
收收埋埋算什麼日記？？
也只可說是一個「表演」的庸踐舞台吧了.......。

不想瞞騙著你.....
我自問自己也不只想做什麼男跟女的朋友.....
雖掛著口說是做什麼真正交心的朋友......
可是以前的關係.....
早在你心目中定型.......
讓你感覺到是一隻穿著人皮既豺狼.......
還不是一個追隨者.....！？
如果是那時的我可能真是一個這樣的人。

可是........人會變......
此刻自己卻只想去關心你、支持你.......
那些所謂的男女朋友就只當是神跡.....緣份吧.......
交朋友.....交男朋友.......交女朋友也是靠著一份真心的......
你對我也有過真心的時刻嗎？
我不知道哩~~~^^
也不想去知道~~~~這是對你自己的心說的~~~

你又怎樣去看我這一個人？？
你有你的觀點，也不會有對與錯~~~~
我是個討你厭的人或是其他的.....是你最真的感受~~~
我也早作了最壞的打算~~~~
不過....我只是想你明白....
不希望你用過往的經驗套著我~~~
你也可不用特地去停步，我不想束縛著你的感受~~~
你會去珍惜你重視的東西，我會支持你~~~
不要用一條尺度就去量度你的朋友，這樣會很辛苦的.....

可能今次我也get錯了才反應大了，
那樣你就當這是我的「分享」呢，不是一個「回應」。
怎樣也好，這就是我最真的感受。

>>January 15, 2004 at 5:16:47 PM GMT+8

2004 年 1 月 5 日 星期一 【颳風】

今日寫的這一篇日記，
正確記錄的時間應該係凌晨12點幾的，
即話說是這個時候應該係大埔廣場投注站對出的空地，
同暴龍倒數生日完畢！！

我、呀奇、呀權在11點零前約了暴龍去食糖水順便正式去陪伴她踏入生日！
近排也真是特別多同人攪生日呢！！^^
今年就是暴龍第一個我認識的朋友中生日！！
見到佢收到好多禮物呢！！
好羨慕呀！！果然係人緣好好呢~~^^
我也是近排才和中心義工朋友玩得埋呢！！
真正的有機會去交心做朋友！！
我常常對自己說，我好貪心的，希望去熟識身邊我所認識的朋友的事情，
成為他們的知己！！
這可以說是我2004年的目標吧~~~hhhaha

>>February 18, 2004 at 4:21:18 AM GMT+8

2003 年 12 月 31 日 星期三 【晴】

食過打邊爐，
之後大伙兒就照原定計劃去海濱公園吹吹風吹吹水。
之後無力佢地去7仔買啤啤飲，
我本來都想買黎飲下，
不嬲都唔飲開，飲都係貪飲佢夠涼快！(同埋有D係果汁味好得意。)
之後俾景華話「人地飲你又跟人飲！？」
好惱！又俾人挑底線！今年第一個底線位！
不嬲唔飲唔代表唔會飲！大家咁開心就一起去飲，
點知俾人話「跟風」！
咁睇黎第日人地唔飲我就要即刻去飲先唔跟風啦！
好憎個「跟」字！

之後一路行，
呀權同偉就愈行愈慢，
都知道佢地有野傾，
所以都唔煩佢地，
雖然我好憎哩D咁既情況...
大伙兒一齊玩又分堆...
不過算啦~~~我都知哩D時候最好用黎傾心事。
果然~~~去到公園係「超級」熱鬧的！
整個海濱也是人呢！！

行左好耐終於係回歸塔個邊停留左陣。
今晚的回歸塔也特別靚呢！！
他們係個塔邊小河仔邊踢波！
其實我都想快D搵個位坐下傾下計，
不過佢地愈踢愈興奮，仲成日踢個波落水添！^^
企左好耐，人有三急，所以就一個人行開陣去小解。

解決完身理需要之後去搵番佢地，
發覺唔見o麗人，
都有諗過打電話，
但係突然間想自己一個人行下，
所以無理佢地，之後就咁四圍行啦。

行到去單車徑吹風，突然想起了「她」，
記得她也很喜歡獨個兒黎哩度走走的，
現在，想感受一下她所感受的，
同一個地點、同一個環境，
不同的心態、不同的思念，
我念的是她，她念的是他。

轉入花街舞巷，走進恬靜叢林。
有看見一對二對的情侶，
有看見陌路人在追追遂遂，
有看見一些音樂愛好者彈奏出輕盈的樂聲，
有看見三五知己在訴心聲，
突然打消了獨個兒去碼頭的想法，打消了關上電話的想法，
本想就此任性一次的，
但是頓然間有所覺悟似的，
所以也去了會合他們。

他們在回歸塔對出露台呢！
正在玩緊波子頭呢！
之後也踢下波，玩下手球。
我同景華佢地就係度玩相機影相。
好快怪獸就離開了~~
我就叫呀偉、so ho佢地落去小瀑布位影相！
影左好多幅「掌聲鼓勵」相呢！好攪笑~~~ ^^

4點多了，大家也要散了。
就這樣由林村河邊慢慢向太和方向走，
一個個地離開了。
得番我地班粉嶺人去乘N270~~
同呀偉講左好多分享左好多，
希望佢順利解決個D煩惱呢。

就這樣2003就結束了。

>>January 8, 2004 at 6:46:18 PM GMT+8

2003 年 12 月 30 日 星期二 【晴】

今天~~~~~
雖然要返工~~
但係都約左班中心義工@好友@知己去打邊爐呢！！
有哩個南丫島既組合少左暴龍加我兩個fd，ka ho 景華~~
都掙扎左好耐叫唔叫佢地好~~
因為我怕無力佢地介意~(基本上得佢地唔識我兩個fd)
所以我不斷問呀權呀奇今次係「朋友介面」去玩定「義工介面」去玩~~
佢地就覺得唔係義工~~~
So之後都狂問YA呀、怪獸波子佢地D fd~~
無奈佢地搵唔到羅~~~
仲有一提就係個隻野一時就話黎得，之後就話只可以出席一陣，到之後仲話......
一句「總之唔黎得啦」~~~
係咁多朋友相處當中「你」係第一個去踩我底線既人！
唔好話我誤會你！無睇諒你！
係你既現實行為令我誤會你！我都想你可以快D令我唔誤會你呢！
算啦！
唔開心野唔講啦！

又係咁，個日就十個人去明星打邊爐！
八點幾去到，一路吹水一路等，
還看見大官既組仔呢！
等左陣呀奇同黑仔過左去球場踢波，
我地就繼續玩樂緊波子頭！
都等左成半多個鐘先上到去！
好彩唔係係班組仔隔離o者！

我地既排位就係我同呀偉相鄰我兩個fd之後呀權、奇、黑仔、So再到兩個女仔，
巧合地無力就走左個呀偉出黎，
唔知係乜原因呢？？
一路食野，個氣氛好怪，
一時狂吹水，一時無聲出，
我擔心係會唔會係多左兩個fd所以.....
不過佢地都同呀偉好多野講~~(講埋D IT野)
當我地見到景華同呀權講野我地都好驚訝！(唔出聲VS唔出聲)
論盡當晚最可惡既係我叫既栗米共落左三張單都無！
金菇就落三次第三次先出！！可怒也！！
好快，就到倒數啦！！
整個明星也立時響起一篇掌聲呢！！倒數完畢！
我地班導師就去玩個無聊遊戲，
試下行過去班組仔度會唔會同我地講「新年快樂」呢！？
結果呢~~~haha
係「無」既！太弱啦！
最後就連個生果盤都無埋，埋單每人70蚊走佬。

>>January 7, 2004 at 4:34:26 PM GMT+8

2003 年 12 月 27 日 星期六 【晴】

今天是呀怡生日呢~~
在早上，習慣性10點幾先起身~~
記得昨天還未定實去邊呢~~
所以都想扮傻唔記得的，因為都有d唔想去~~
不過諗諗下都係去啦~~因為「朋友」這個名儀上驅使著。

原來係去唱唱k~~
有我、So Ho、怪獸、波子同主人家呀怡~~~
見到D女仔個個有禮物送俾佢，
我地就無o羅~~太弱啦~~

到達K房，還有午餐呢~~~
不過過程中也很是悶悶的~~~
所以都有點兒想之後完了找個籍口走人~~
無奈她們好似約左食埋晚飯似的！
SoHo又無向佢地講我可能會走夜晚個場~~
之後腸胃炎黎埋~~~
講講下夜晚D野都講到火爆爆~~
我都有D怕佢呢！
不過最後都折掂左去添馬艦度玩呢。

過到去中環~~~
都開始入夜了~~~
在裡面走著走著，看見很多很貴的遊戲呢！！
而令我最感興趣既係「鬼屋」呢！
好想比較下自己做o個個萬聖節鬼屋同外間個D有乜分別~~
不過波子頭想玩埋個360度轉既機種遊戲呢！

走到過去，見到個展翅fd Tellie呢！
而腸胃佢地極力搵人玩！
攪左一陣終於由佢地四個女仔去玩！
我地男仔當然係只是費時玩啦~~哈哈~~~
見到佢地叫到鬼殺咁嘈~~~
都知道好刺激定啦.......個50蚊~~HAHA
之後再去埋鬼屋！
要戴3D眼鏡呢！
基本上入到去係個環境夠恐怖~~~
D人員就反而無乜特色，
都知道其實做鬼屋有很多難處既~~~~
事實上個鬼屋都好正呀！
我地成班全程係貼實o麗咁行既~~哈哈

去食晚飯o羅~~
波子頭又成為攻擊對象~~
仲起左個新花名呢！
叫「肥X」＜--X自己諗啦~~哈哈
食飯個時唔知點解有D火藥味出左黎~~~
近排都時常出現既情況~~
其實係有好大既危機係度嫁！
不過其他人有時都會火上加油~~
最糟係當事人無乜表情似的，
真係唔知佢扮傻定空心人黎嫁！？

好快，今日既活動就結束了，
她們也乘巴士返去了，
我就同so ho行多陣，
好耐無咁樣兩個人行過了，
近期覺得佢好似好多心事咁，但之前總係無空間去講，
依家又不太可以一下子講o麗佢，
又或是我已經再不是他的分享渠道呢？？
好擔心...

>>January 7, 2004 at 3:08:18 PM GMT+8

2003 年 12 月 24 日 星期三 【乍暖還寒】

再續上篇《南丫島物語》~~~

倒數完結，也代表了聖誕節的來臨~~~~
今年的聖誕禮物就是有你們一班三五知己好友們陪著我呢，這己是最大份的禮物了。^^
之後我們繼續BBQ，繼續一些「有趣味性」的話題，繼續吹吹風吹吹水咁過。
很快就腹飽了~~我們就各自繼續談談心~~
之後都行左出去走走看，留低So Ho一個係房度，
不過好快我地又分開左三個小圈子去傾計~~~
其實我好憎咁既情況出現~~~
表面上是大家一齊黎玩，但係總會有時間係分組去傾計，
雖然我知道傾心事一大班人唔適合，
但就係好憎哩D情景！！
最後也只淨下我、波子、怪獸同呀權係度。

本來都打算講下D有得俾呀權埋堆的話題，
又講下導師野~~~
講講下變左開始講怪獸做導師D野~~~
其實個刻係因為之前同嘉娸傾過原來大家也不是太了解她~~~
所以係個刻我都想特別針落去講下！
我話佢五年來也好似無乜目的咁黎TPIT，
但又成日會出席，但係成長度就......
係佢跟本個人「空心」定係其他....
佢都可以答唔到D乜.....
問佢點解想做導師就答D空範既出黎.......
最糟就是佢俾唔到別人看佢有心去想學習多一點。
個刻都問到佢口啞啞~~~~
有時都諗其實哩個伙伴值唔值得放咁多心血落去，
「高付出，低效益」
但我講這番話又不代表我唔會同佢同行，
事實上自己也確實放左好多本落去。
希望佢真係諗下別人既付出，
唔好再係度「遊魂」！
事實上不會有咁多時間這樣等你去「主動」了。
搵多D時間同嘉娸傾下啦。
個刻都想繼續討論的！
但是我見波子頭個樣累到......
So也不得不暫停話題了。

................................................

>>January 11, 2004 at 5:05:38 PM GMT+8

2003 年 12 月 23 日 星期二 【陰晴不定】

放大假放大假啦！！
今天是我們去南丫島渡假營的大日子！！
第一次去南丫島呢~~~勁開心！！
雖然在籌備上甚至到找人去出現了不少問題~~
最後也有9個人去呢~~
跳出框框4人+無力4人+暴龍~~~
不過今次係「私人朋友」之下進行的。
所以唔好再講小組定朋友既問題了。
不過出發時的心情仍然是十分期待呢！！^^

早上起身~~~
遲左少少先到集合，對不起大家呢~~~
到大埔之後就轉271直到尖咀碼頭，
在車上因為分開坐的關係所以好似好悶局的~~
而看見暴龍個樣多沒精打彩，也深怕佢仲係唔開心呢~~~
不過都係由無力欺負暴龍來打破悶局呢。^^

到達碼頭，在三枝旗杆上會埋So Ho之後就過中環碼頭~~
到兩點了，趕不到預定想乘的兩點鐘船~~
結果等到兩點九才有下一班往南丫島的船呢。
玩下笑下打下人咁打發時間~~~
唔知係咪大家剛剛在旗杆等人，無端端談論中國高官在嚴肅場合拍手掌的動作「掌聲鼓勵」！
之後也時時「掌聲鼓勵」其他人呢！！
上船了~~大家也很累的樣子~~我也閉一閉目去.....

到達南丫島了！！
感覺很清新的氣息！！
行著行著但覺得這兒也不太荒蕪~~~D物品價錢也不太貴~~
有D後悔咁遠買定野入黎添~~~haha
不過周街都係「南丫島狗」~~~牠們同人相處好融洽呢~~

到達了我們的「清華居」~~~
到相片的相差很遠！！不過都好有特色呢！！
由其係個廁所鎖左都一推就開~~而個馬桶就會立刻「中門大開」！太有特色啦！
及後無力人立刻身痕痕要踢波！
我都好想快D出去行下，但係我唔好踢波~~~
所以到波子佢地睇電視。
難道南丫島既電視零4好睇！？

無耐佢地返黎啦~~~講左D踢中師奶既趣事呢~~
接著就大伙兒去到打籃球~~~
我雖然都討厭打籃球~~但係D女孩子都打所以無所謂啦~~
呀奇佢地就好似想鬥波~~
不論對隔離場既人評頭品足~~
之後都輸左lu~~~^^
我地就同D女仔玩鎖匙圈~~
好攪笑！哈哈~~
怪獸係女仔中最快o個個~~
暴龍就不斷射唔入俾人串~~^^
不過都係開心既。haha

去食下午茶~~~
俾間野老點左16蚊下午茶！好氣憤~~~
而呀奇都好憤怒~~不過佢既怒係來自其他野的！
佢憤怒既樣係深藏不露的~~~
乜都唔怕最怕係大家唔開心呢~~~
不過我會適時做中間人介入。

食飽飽去四圍行下~~~
發覺原來南丫島都細......個鬧市既範圍~~~
想去下索罟灣個邊行下呢~~不過要行1個鐘多既山路~~~
無人有興趣行所以都無得去~~我自己就想今次入黎去多點景觀處呢。
不過其他人想黎玩下咁我都要放棄了。

入番屋之後又腳痕痕想行多陣~~~
見呀奇、暴龍、黑仔佢地行開左~~
我同呀權就都去行下~~~
諗住去沙灘點知路上又遇番暴龍同呀奇~~~HAHA
最後一行四人就向「洪聖爺沙灘」進發。

走過幾段村路~~行下笑下咁終於到達沙灘了！
那些幼沙也真是舒服！！
四個人就這樣坐著談談心~~遊玩一番~~~
這一刻真是覺得很舒服~~~
好少試過同TPIT既義工朋友這樣的組合出黎玩~~而且現在大家都enjoy談談心~~~
再加上有個無敵海景同潻黑既星空襯托下~~~
好開心呢~~~^^
朋友就是要這樣才算朋友呢！！^^
知道唔偉入左黎就行番去了~~~

番到屋~~便立刻去開始BBQ~~~
好快就完成埋位開始了！！
有乜話題講~~~
大把男人當然又講不雅野啦~~~
攪到波子頭又唔明~~~
俾我地串下笑下咁~~
輕輕鬆鬆，入到黎大家第一次聚埋一齊~~正正式式咁就開始聯誼了。
過程中都爆左好多笑料呢！！大家也笑得很高興呢。
下半場了~~~
大家也開始傾下計~~
中心趣事、導師分享、小組感受、男女之間，無所不談~~~
大家也很少有這樣的空間去傾下計~~~
一傾落去都停唔到口呢！由其係講到「男女之間」這個Topic呢！^^
我地哩班男仔可是一班雖然無錢，但係有深度既男仔黎呢！！喝~~~！！
而分享義工、義工小組的經歷~~~
大家也有很多難受的地方呢~~
我也不知道自己怎樣開解他們~~~或甚是由他們自己決定吧。
之後黑仔買左D酒返黎~~~
見到有人不斷係度乞酒飲~~~個情景十分之令人討厭！！
自入黎以來，自己第一次覺得討厭憤怒！
唔好理埋D咁既人！！
免得破壞這時大家談心傾計、舒舒服服的心情。

這一天也因著見到在電視機中市民倒數聖誕節的來臨而過去新既一天了。

>>December 29, 2003 at 3:31:12 AM GMT+8