2003 年 11 月 27 日 星期四 【晴】

今天是展翅單元一的最後一天！
今日同佢地去左做「夢想成真」這一個活動~~
出左去旺角等地去「實現」~~
雖然不可能會真的幫他們實現到，
但是起碼可以比佢地知道要談夢想係唔可以「一步登天」的~~
由現實成效來說，對於佢地來說也會有所改變了心態呢。

晚上就輪到分享會~~
看著他們一個個地上台分享今天的經驗...上完課程的感受，
場面感覺好和諧呢~~
見到其他組既成果都相當唔錯呢！！
我們導師開心之餘我相信學員也真的有所得著呢！

>>November 30, 2003 at 11:57:52 AM GMT+8

2003 年 11 月 24 日 星期一 【晴】

今天下午係展翅既訓練營營後分享會~~~
一路睇住D相....好有感覺呢~~~^^

到之後要佢地各人自己準備演講既台詞的時候~~
都知道佢地唔好思考啦~~~
自己都唯有盡力幫助佢地思考多一點呢。
最後演講既最有心機都係D女仔o羅~~^o^

晚上就開了導師會議~~~~
途中出左去同D拉闊對象見面，
見番以前好好玩既個班板友們~~
好開心佢地仲記得我同過佢地「爭艷鬥麗」呢~~哈哈

之後入番去導師會議~~
無端端就為左一個「有沒有共識的程序」而係度不斷討論~~
被Tony不斷詢問~~~~
雖然我之前係離開左一段時間~~~
好像事不關己~~~
做個觀察者囉。
看見有些人無心裝載，立場左搖右擺..........唉........
我都明白可能佢地都係第一次帶Camp，唔係好清楚個流程~~
所以都唔敢駁Tony說話~~~~
Tony就係有一種潛藏的威嚴....我都有D怕呢~~

到話要選統籌~~
天空一號好快就選左啦~~因為係老早個別決定了，
到二號就係自由去想做就做~~
都見到佢地有種不穩的情況出現，
到最後都有人舉手了，都係我心目中的對象呢。

之後就攪到12點幾先完成呢。

>>November 28, 2003 at 1:07:18 AM GMT+8

2003 年 11 月 22 日 星期六 【晴】

順利帶完單元一個三日兩夜Camp啦！
今次真係「身累心累」！
因為我個班成班都係D「非典型」既組員o羅！！
S D U~~
S --for support (支持)
D --for Discipline (紀律)
U --for Unique (獨特)
支持就一定有啦！！
紀律就唔錯！好準時集到隊！
獨特就......正頭獨特到爆啦！百變小隊黎嫁！！
又熱血瘋癲又難頂惡攪又考耐性！
簡直係滿足o麗我地哩D導師既三個願望啦！！

由第一天既「一個小隊兩個小組」到第三天既「一組人」，
對我來說過程上真係一個大考驗啦！！
第一日個小組發展都唔係好順利，
小組好散啦，營火會大家又無勇氣演劇啦，Debr個時D人又唔太喜講野或者係「問東答西」，
俾我既感覺已經係「難頂惡攪」，
「個組好易帶，但係好易帶得黎都係好難帶！」
完全體會到呀~~~
精神力已經下降到得番30%....

第二天就係考驗體能既日子，
可能真正既難處先開始！
一路上個小組發展都好飄忽下！個指標線一時勁上一時勁落！
到山上大家都好似累壞了！仲發生D小插曲呢....
滿以為唔會挑戰到MI3的時候，
大家又突然熱血瘋癲起黎！！
士氣立刻又20%一下子升到80、90%！！好驚人！！
睇到我哩個導師都好感動同熱血沸騰！
開始去第一個逃生時可以突破爆到良好溝通同合作！
玩紅外線警衛玩到落o麗條小河到！可以企到係橋底o羅！！
到紅外線陣，蒙眼都可以玩到成個雜技團！！睇到我跌o麗眼鏡o羅！！
士氣180%轉變！！
到夜行又可以差唔多個個都挑戰4級難度！
唔知係未因為小組個承托力夠強的關係呢！！
等到2點幾都值得啦！

第三日就唔駛講啦~~~~
一路cheap住個士氣係咁去！！好勁！！
「支持組員個個都會，遵守紀律個個做到，獨特性格個個不同，我地就係S D U ！hey~~~」
個組完全到個口號襯到絕！！
哩一組真係好獨特！！
雖然難去帶領！！但係我都覺得有趣到深刻！！
又一個美好回憶刻印在我的心裡！^^
謝謝你們！我愛死你地啦！！^o^

>>November 24, 2003 at 1:49:56 PM GMT+8

2003 年 11 月 16 日 星期日 【陰】

今天醒來~~~
發覺....夢見了你....
看見你很受男仔歡迎~~
定還是你那不介意同男仔玩得埋的性格影響出來的結果呢？
同現實中的你倒有幾分相似的。

你在夢中每一個出現的時候，也是在擠滿的人群之中，
令我也無法進一步去接觸你，
也是那時中學時期現實的倒影~~
是我沒有勇氣吧...
想你...怕接觸你...
想你...怕和你溝通...
直至現在大家沒有什麼溝通~~
是自己已滿足現在這種關係嗎？

還記得中學有某段時期曾經鬧出「XXX喜歡XXX」的糟事，
雖然很短暫，但不知你是否知道了呢？？
還不知道有沒有令你生厭呢...我這一個人。

到現在我會很積極去參與很多活動，
首先的當然是義服工作呢，
這些積極、進取的思想、性格和「喜歡你」的這一件事，
我覺得中間是有少許關係的，

由以前CYC的時候，每次見到你有報名參加活動，
我也會二話不說也跟著報名！
這就是年少時的幼稚簡單的行為呢。
因為這樣，慢慢地自己也養成一種喜歡參加義務活動的性格。
你去參加圖書管理員，我也跟著報名了...還連帶把朋友們拉落水呢~~
現在想起來也覺得自己很幼稚呢。hahaaah

你讀書很在行，成績也是數一數二呢！
我自問自己已再不能跟上了，唯有放棄「追隨」你呢~~~
我會積極在其他方面發展，不斷去做、去嘗試，
可能潛意識上有種心態是想在這一類項目中勝過你吧。^^
以你而作為我的「假想敵」~~
尤其是你的目標也是社會工作呢。

到現在，
朋友們也會問我「我喜歡誰」？
我也會答「我喜歡的是XXX」(是你呢)~~~
別人叫我去行動，去追求你，
但我想我不會有什麼實質行動，
想跟你談戀愛嗎？？
我會答「想」的，
但現在的情況我也很滿足了，
那是否在這一個情況上自己不敢突破去追求你呢？
我卻會選擇不去幹些什麼的，
縱然別人覺得這是一個籍口...
我就覺得「最緊要開心」就夠了。
對你，至少我沒有後悔這個選擇呢。

我喜歡暗暗地去鼓勵你，
去支持你，去為你打氣，
適時的一句鼓勵說話，一封e mail，一個有意義的URL，
喜歡人不是擁有人，
「擁有」只是一種喜上加喜的感覺，
又或許擁有你，
對你來說會造成一種「縛束」呢。

縱管我的心意只有「單向」，沒有雙向
你感受到了嗎我也不會知道~~
但「喜歡你」卻令到我會有這麼多的改變、積極、開心~~
讓我學會關懷人多一點，分享自己的經歷，
去面對逆境，樂觀，將心比心以及「將心比己」...
喜歡你令我改變，也喜歡我能令你有所改變~~
謝謝你~~^^


Love fai









>>November 18, 2003 at 3:11:08 PM GMT+8

2003 年 11 月 15 日 星期六 【陰】

一大清早去了朱定昌幫手競技日，
除了當活動支援及攪氣氛之外，一切庶務都係我們3個YA做，
3個搬60張椅子.......嗚嗚

開始了，見到有很多公公婆婆都有黎玩，好開心呀~^o^
見到羅姑娘遂個點名，好驚訝佢可以記o麗D長者既全多呢！
又見到D同學仔時而主動時而被動，
算啦~~~我都無乜期望佢地會自動波去關心D長者呢~~
不竟我地都受過下訓練加有很多經驗呢~~
自己咪更落力去帶氣氛同提示多D同學們o羅~~~

活動完結了，送D長者返院舍，
見到她們都好熱情同表示很開心，
自己都很安慰呢！
自己覺得能做到這一些活動，先真真正正說是做到一個「服務」！
不過之後就係搬番60張椅子的時刻了！
10幾個同學，無一個幫手o羅....嗚嗚

很累，累壞了~~
下午仲要同小朋友玩呢！！
救命呀~~~
好彩小朋友都無拆左我副老骨頭~~~
仲玩到好開心呢大家，
見到佢地都好雀躍去摺紙，
又堅守到佢地要送俾人關懷別人的信息！
好開心呢！

晚上去了幫呀丹興祝生日，
雖然發生了少少不開心既事件~~
不過有人專責去安慰當事人，
我地都放心D啦。
最後我地就去左海濱公園傾計，
好耐都未試過咁樣同D女仔傾計呢~~
好開心呀！

走個時又見到近排「好令人緊張」既男主角！！
近期全城追訪對象！！
到下半場就變左全男班去傾計！
終於都舒利解決了件事呢~~
恭喜恭喜呢！！^^
傾咁耐都值得呢。





>>November 17, 2003 at 3:35:40 AM GMT+8

2003 年 11 月 13 日 星期四 【晴】

今天很早去了幫手做一些醫療服務日的活動，
是那打素診療所的，
我卻以為是醫院個邊~~害我還行了一段冤枉路呢...

活動在廣褔村社區會堂進行，
因為活動免費既~~~
所以有很多公公婆婆去排隊！
不過途中都攪左好多個大頭佛出黎~~
通常D會有限額既活動D長者就實會變得好精靈！！
見到有人打尖佢地仲眼利過你！
D名額要填簿，
我地就錯誤地分開頭尾咁派~~真係有D問題......
今日我就負責係個Game攤位到看鋪~~
見到D長者玩得好高興呢！！
又同好多長者講我地會定時落街搵佢地傾下計~~~
又認識了第二D機構既YA，
又同開醫療院機構湊熟了，
真係好有得著！

到依家諗諗下，自己好似幾有潛質做老人服務工作者呢！？


>>November 14, 2003 at 4:07:34 PM GMT+8

2003 年 11 月 8 日 星期六 【暴雨】

今天在中心做宣傳站的「水吧」，
認識了很多新朋友呢！！(包括有自修室的朋友仔~~^^)
個人覺得這一個服務很有用呢！！
在過程中也有堅持會傳達關懷信息，也有叫D朋友仔寫心意卡呢。

晚上大伙兒去了食晚飯~~~
傾得十分開心呢！！(雖然有D人好無奈...haha)
而且波子頭又大發傻氣，
添係講「門當戶對」四個字都有排講！！
果然有「語病」呢~~^^
跟得「魔頭」多o羅~~


>>November 10, 2003 at 2:19:11 AM GMT+8

2003 年 11 月 7 日 星期五 【雷雨】

今天下午去了石硤尾那邊參加「展翅大使」計劃~~
見番D舊同學員呢~~^^大廚~~~~~~
而計劃是什麼東西做什麼的就要看看下一堂了。

晚上就返中心開檢討會~~
難得的齊人呢。^^
大家也深情講感受，太好了~~~^o^
每一個人也愈見進步呢~~


>>November 10, 2003 at 2:13:25 AM GMT+8

2003 年 11 月 5 日 星期三 【晴】

這天晚上各位深情的分享大家的感受~~
很動聽...真的很動聽......
好開心見到大家不會回避問題的，
雖然道路上出現迷網，還未能通過，
但是這刻大家最起碼會有個心想解決佢！！

我也相信大家能順利返上一架通往成功的火車呢。

>>November 7, 2003 at 4:01:09 PM GMT+8

2003 年 10 月 31 日 星期五 【乍暖還寒】

今天是11月1號，也正是萬聖節的正日，
不過世人也不會理會了，通常也會在昨天10月31號到歡渡萬聖節。
而昨天我地「跳出框框」義工小組就在中心攪左個鬼屋派對。
..........

>>November 1, 2003 at 3:51:45 AM GMT+8