2003 年 12 月 19 日 星期五 【乍雨乍晴】

今天終於開始了本年度最後一屆，
仲係第「二十八」屆既天空工程初級訓練營！
今次既對象學校就係......「莫壽曾」！！
聽說他們都係一D乖仔乖女黎~~
所以也沒有太大的擔心去。
擔心的也只是自己發唔發揮到最穩定既實力同埋點去輔助我既伙伴徙弟仔「凱西」。

早上七點九起身~~
不過都係例掛遲到，八點九才到達，已經看見參加者了。
係廣崇集會，七十個人o岩o岩「裝」得落咁啦。
不出我所料既係見到某D成日黎開自修室既同學同埋某些服務時見過的義工同學。
氣氛呢~~~當然就係成班依嘩鬼叫，就好似個D去康樂營既參加者o羅。

我們用了不少時間先完成點名、填表的程序~~~
之後就立刻移步到樓下紅場玩D熱血遊戲，要大家打得火熱麻。^^
玩左捉鬼、魔鬼與天使，
大家也開始玩玩遊戲暖暖身子，
而我自己也開始不斷突顯我好動攪笑既特色啦！！haha~~~^^
我就係D咁既傻人黎嫁啦~~呵呵
之後就到最緊張既時刻了！
「分組」~~~
我就好似o個D就黎要去相睇既人既心情一樣~~~
究竟佢地乖唔乖嫁？醒目唔醒目呢？主唔主動嫁？好怕羞嫁？？
不過都唔怕得咁多啦~~~係點都要頂硬上啦！喝~~~
結果3男7女既組合~~
其中有兩個女仔仲係自修室既常客「海儀」同「Winnie」
兩個中六既男孩子「邦」同「洛洛」、中六女仔「Joey」
還有一些中三、四既同學仔~~「碧怡、曉雯、菁、正叻(唔識英文串法、)」還有個男孩「呀誠」
這些人就是我的「組仔」了。^^
之後玩「數字球」同「心臟病」，
我同凱西預先分定佢帶數字球~~
好開心咁大家好快就互相認識了大家的名字，也知道我的名字呢~~
互相認識這一part係好重要的，
甚至關係著組員們之後分享內容既深淺程度，關係著他們點去認識及熟習導師的帶組方式，
而且也要讓他們初次分享自己黎既原因同今次是一個訓練營，要尋找目標。
所以自己也花了少許工夫準備要講既內容。
所以我再也不敢看低這一個環節呢！^^"
雖然要我記住你地個名會好難~~^^
我會努力嫁啦！
好快就要開始第一個合作遊戲「肥豬千里行」~~
用上了我們所討論過的形式「合作、溝通、合作」，
要試一試這一班剛剛成立的「第五組」，
果然~~~男孩子們係比較主導的~~~這也是很多小組的起始模式，
我開始觀察各個組員的特色及小組模式，
他們也很會去討論及有一般的士氣、態度，好典型既一組呢~~
會愛競爭，但也明白過程重要性~~
很快的第一個DeBreing的時間就到了~~
我決定讓凱西嘗試主導~~~~
幸好她也會去嘗試呢~~哩一點好值得欣賞！^^
記得在之前佢話應該只會做觀察者，學習下我既帶組方式~~
我就同佢講叫佢即管去試o麗想試既野，要有自己風格，唔駛學我，也不用顧慮我的存在。
結果她也很快可以去嘗試很多導師也看重既過程「DeBreing」。
雖然佢話過會怕高Foum既同學唔會聽佢講野~~
其實都仲有我去補位啦~~即管去試啦！^^ (雖然佢地連佢讀莫記中五都唔知道~~haha)

分享完了~~~
開始講解我們訓練營既營歌、口號等等的東西~~
第一次70人去喊口號、去唱營歌！
好震撼呢！！常常也怕樓上會擲野落黎添~~haha
而哩個氣氛也不太嚴肅~~~可能太多人~~總是有種很玩樂既feel呢。
之後上番去廣崇~~進行接著的「溝通」遊戲。

今次用番我好耐無見過既研lego遊戲~~~
首先就要分開「行動組」同「策劃組」~~
我同凱西就分開去兩組觀察~~
我就去了「行動組」個邊，
見大家悶一悶就傾下閒計及分享下我對佢地既感覺~~
我表明看見組內有很多女組員，但是女組員的聲音卻不大不多，
還用上了有趣的方法去迫使她們說多D說話呢~~(激下佢地講下野~~haha)
分享左自己一D經驗，教佢地點樣去投入個小組~~
短短15分鐘也說了很多有深度的說話呢~~~
原本無重視過的時刻此時卻得效良多呢！！
之後一入到去已經見佢地分定工搵定伙伴去完成事工~~~
不過最後都係欠好少好少既高度就勝出了~~~
又到分享的時間了。
同他們著點討論「溝通」的重要，不是單向而是雙向的~~~
訊息也要很清晰！
好似頭先咁~~去到最後「行動組」先知道原來活動係比賽「鬥高」！haha~~~

再到就係蒙眼障礙賽~~~
一開始搵個做帶隊領袖，
奇怪地大家也很客氣互相推選~~~
最後就又呀菁係半迫半自願底下去嘗試呢！
佢都帶得唔錯呀~~~
會好好保護D組員~~^^
雖然佢成日走開個頭位去保護提點人~~haha
口水都乾啦~~
不過D訊息就唔係講得咁準羅~~~
一句「小心，有車！」已經嚇到D組員面清清~~
其實只係架電單車泊左係路邊，佢怕大家撞到部車o者~~haha~~^^
之後分享也好開心咁去進行呢~~
見到凱西會不斷嘗試帶分享~~~
好開心有人分擔到工作呢~~^^
理念、結論就等我做啦！！喝~~~

到食午飯時間，去左M記~~
初初見佢地都好難去諗組名~~
本來呀洛提議「陰盛陽衰」既~~~
但係無乜意義無人支持所以無採用lu~~~
不過我地也唔理得咁多，
要去組長會。

第一次組長會~~~
我已經決定左之後既組長會要由凱西開始講先~~唔係我唔講~~(自定的~~~)
不過佢都好肯同我合作呢~~哈哈~~
分享個組，其實都睇到女仔係慢熱、男仔起家、有個低年級男孩入唔到個組氣氛~~
而大圍就覺得個營氣氛唔太掂~~~好玩樂feel~~
而且兩位「奇+祺」營長聲線不足，嚴肅不夠等問題~~~
傾左D初步配合便要再開始了！

在廣仁對出~~~
各隊也不知為何聽話左好多，會好靜！！
之後到show off組名、口號~~
聽到好多組都叫英文名！！我係完全聽唔熟的！
而且我地組個名都係英文「Tough」！
口號都係英文o羅！！
初初都唔讀唔順既~~
《T team work~~O open~~U unique~~G goal~~H hello --- We are the tough , the best , of us.》
(都唔知有無打錯字呢！)
不過個名都好型下！！^^
還有其他隊「當豬組」、「R ten」、「ET 2」、「六耀明」、「光宗耀祖」、「XXX」
大家既show off都好有勁呢！

到左我最緊張既環節了---「坐車仔」！！
因為上次係依個環境自己刮得太多瘡疤出黎~~
所以今次自己都要慎言下呢~~
不過今次其實問題唔多，係欠錢而且。
好奇怪佢地在如何解決錢的問題時卻是顧慮太多，
有無人肯俾錢我地呀？有無人買D食物嫁？？
係「錢」哩一點卻不能用創意來解決問題~~
但影相、去髮鋪個類任務又做到喎~~好奇怪呢？
慶幸既係佢地「出路遇貴人」啦^^
還有值得高興的是那些慢熱的女孩子們也開始發揮活力同影響力了！^^
至少出聲次數不斷增加呢~~呵呵^^

在火車上，
突然出現一個重要既時刻！
就係那個重要帶起小組既男孩「呀邦」，
他一方面想取多一點分數，一方面就估計唔到會唔會遲到，
其實佢都係偏向去取分的~~
但係這時候Winnie同Joey就有所保留，
偏向重D去坐士巴唔要分數，
雖然個情景好典型，
但對於一向帶領小組的呀邦來說卻是一個重大考驗！
算是第一次有人異議自己的意思、決定，
因為小組由早上起已經係男孩子們主導，而其中呀邦係表表者，
女孩子既慢熱令到呀邦行得更出，也因此習慣了做主流，
但不表示其他人唔支持佢呢~~
只是可能她們都同呀邦既意見一致又或是她們的無謂放自己的聲音出黎吧。
現在~~~
女孩子們的介入，不論對小組、對呀邦也有很大的影響及學習，
她們開始放大自己既聲音，開始作不同程度的嘗試，
不到導師們推動太多也已經能自動自覺去做，
勁開心！^^
咁我自己就可以放多D工夫深化個理念呢！
到最後~~
討論了一程太和至粉嶺的時間，
呀邦也同女仔們共識了要放棄去取分，去跟緊個時間。
不過也試試係月台同蓬瀛仙館個「館頂」照張相呢。^^
好快就到小巴上，
剛好淨番4蚊雞呢~~
而他們也完成埋餘下「互相認識」既事工，
男仔全部食雞翼，女仔全部食雪糕！
佢地差D仲想全部男仔有呀哥，全部女仔有呀妹呢！^^
不過都怕我哩個看似係「臥底」既導師通風報信啦~~^^
通當D小組到哩度都會好有創意嫁啦。
好，順利到達！
仲有時間淨添！
今次七組都好準時呢！
從未見過有個Camp D組咁準時嫁！！

之後小組分享，
呀邦突然好似變左第三個組導師咁~~~
建議個方法「係每一個分享度每人都要有機會分享自己既感受」。
最好既地方不是個方法，而是由組員自己去發現哩個唔出聲既情況，
再由他們定一些方案，
會好過由導師們去訂立呢！
呀邦真係幫助我地好多！
其他女孩子呢？
她們也可以分享到好多內在一點的感受，
由其係海儀同曉雯呢！
聽佢地分享感受係好有感觸的！嗚....嗚......
不過其他人都好大進步就真係既~~~
至少個小組定左個常模係度，
到每一次分享大家既信任也足而支持大家去認真分享！
哩一點真係好正！！
之後我地就用左個有趣既演戲方式去匯報經歷！
雖然...唔夠時間我地去完成。
好欣賞大家可以去用多D「腦震盪」呢。^o^

大會時間唔夠~~~
無得玩最正既遊戲「水球大賽」！
好可惜喔~~~
進行了反檯布，
身體既接觸令彼此的熟識更加拉近！
而勝利的感覺也推動緊大家的情緒高昂呢。
最擔心既係大家會体力不繼，這一個「身理」既因素會係我組既危機點呢。

去食飯飯lu~~
呀洛都好累了，現在也只淨呀邦去主導個小組~~
到講「女仔」既時候呀洛就會「復活」嫁啦！！
去到營火會度會復活嫁啦佢地！

開始啦開始啦！！
最開心既時刻呀！！！(我相信係我最開心既時刻至真！)
我哩個導師去到哩個時刻係會進入瘋狂狀態！
比組員更投入去玩！！
用我既120%活力去感染佢地，推高佢地既情緒呢！！
一開始見到佢地都諗好個show off點做，
但又係無預導師份！
不過~~~我都強硬地介入左要求俾個位我幫手，
咁就要左個「吹拍子」既位做羅，
好彩都有位入到去個組參與呢！好開心~~^^

正式的，開始左我地既「瘋狂共樂時刻，POWER POINT營火舞會」！
一開始當然係哩個吹水環節「捉蟲」呢！！
由我地既黑仔加呀逸做吹水佬！！
唔唔~~吹得麻麻地呢~~無哩個「吹水王Tony」咁勁呢~~^^
算是熱左D「手指」啦~~~
之後就係一大班麒麟茶壺跳「茶壺歌」！
唔~~~都係暖下個身渣~~~
好快就第一個高潮黎啦！
就係哩個既「路邊的野花你不要採」！！
有我同呀奇份當然係最能帶起個氣氛啦！！
企起兩班人中間show off！
而且我地個動作咁生鬼！！^^
並引用了之前講落可以係哩首歌度再跳一次！！
果然效果「應該」係良好呢！！(我無觀察過他人呢~~haha自顧自跳)
到左show off既時間，
個個組都好正！個個都好有特色！
最印象深係個話劇！令到班同學仔好有共嗚！
好成功呢你地！
其他組就多半係show首營歌，切合大會主題。
........................

>>January 7, 2004 at 5:20:04 PM GMT+8

2003 年 12 月 15 日 星期一 【颳風】

從前~~~
有三棵小樹苗~~~
在一片綠油油的田原上生長，
牠們彼此也生長得很接近~~
不過正因如此牠們也可以互相扶持，
打風落雨也一同經歷。
而牠們的生長速度也很不同，
有棵會慢慢地、筆直地生長，可是牠卻常常覺得自己生得太慢，還常顧慮天氣的好與壞呢。
有棵會時快時慢、左搖右擺地生長，還要雨水不偏不倚的落在牠根旁才會吸收的。
有棵會是不規律地生長，永遠不會知道牠幾時會生長，而牠自己也不知道點解會這樣的。
就是這樣~~~
牠們每天也慢慢的一同生活在這油油的田原上。

可是...
隨著牠們愈長愈大，
泥土下的根部卻愈生愈埋...愈生愈埋...
終於也令到彼此也覺得很是辛苦...

有一天，有一個農夫到來把牠們分開種植了。
雖然分開，牠們卻也是彼此看見大家的，
只是牠們的根分開了，但卻也會感到有點不自然的感覺。
而牠們的成長模式也開始在改變了。

之後的日子牠們各自也經歷了很多不同的歷程，
也不斷地去成長，
自此~~
牠們也各自長成不同品種的樹木，
有的生滿奇珍異果、有的是青翠的綠葉、有的是光禿禿的粗枝樹幹，
但也各自散發出各自各的精彩。

然而...牠們彼此的距離卻好像漸漸疏遠了...

續...........



今天...是呀球的生日~~~
無人約去慶祝....
不過佢應該係度二人世界咁啦！^^
無乜所謂啦。

>>December 19, 2003 at 5:52:02 PM GMT+8

2003 年 12 月 12 日 星期五 【乍暖還寒】

今天~~~
是生日過後的第二天~~平淡又帶點驚喜！

在晚上開莫壽B~~
導師也歷奇，大伙兒去挑戰鱷魚潭！
無驚無險的全部人都完成了！還有好多笑料呢！(呀偉既「夾公仔機」！)^^

之後開開下DE~~
突然間攪生日會！？
補祝我同預祝So ho生日呢！
好意外....真的好意外！
有很多TPIT的好友們一齊慶祝呢！
今年生日真的有很多「突破」呢！
好開心...多謝你地....^o^

再夜D去左明星打邊爐~~~
「無限活力」突變「無限淫力」！
不斷講X野同Y野！
Tony哩D導師都唔知點管D組員個o羅~~呵呵
而且嘉祺都係度！我相信嚇死佢啦！
教壞o麗我地跳出框框D組仔啦~~！^^"
之後又玩叫呀權狂講野5分鐘！
Tony唔講野30分鐘！
呀偉唔講粗口10分鐘！
仲有要Tony周圍唱「壓力」歌！^^
好攪笑......笑得好辛苦！
之後又談「怕羞」，
發覺原來無人觀察過我既怕羞樣！
但係我覺得自己成日怕羞喎~~唔知呢~唔知羞掛~哈~~^^
到12點，一齊唱生日歌！
個個導師上o麗腦~~
求雨歌mix、My Bonnie remix、營歌mix、TPIT口號mix，乜都唱齊！
仲俾人以為係邪教呢！哈哈~~
不過大家都好盡慶！^^

晚上，
林村河畔~~~
一個新談談心組合！
一齊傾埋....o個個人D野o羅~~~
又係一次有趣既經驗呢~~
新既朋友，新既知己吧~~~^^

今年既12月真是很令我深刻呢~~^^
多謝TPIT的義工朋友們呢！

>>December 14, 2003 at 3:53:02 PM GMT+8

2003 年 12 月 11 日 星期四 【晴】

今日~~~~
好難得.....難得......
我們一班的老朋友見面了~~
本來是因為呀球既女朋友話(好似)生日~~~
想約出黎食餐飯，
但係我同麒就要10點幾先可以到~~
咁就無等佢女友就左我地班fd~~^^
卒之最後就係六個人到齊去打邊爐！
好開心....
好耐無見過大家了~~~
今晚一見就見o麗D近排既「潛水員」！！^^

大家都有工作在身，
返工、中七、上課程，
無一個人是空閒著的，
但今天...也可以配合到大家~~
我記得...上年既聖誕節都有約大家去打邊爐，
當時至少還有三、四個free時間的，待業，所以好易就時間，
但今天真的很難得，
最令我驚喜的是呀球同呀麒都出席呢！^o^

今天...唯獨是小強因為太累所以無黎...
心態變了~~~
依前的小強是個不怕麻煩的人，
深一深夜都接到你電話的人！
但現在情況係六個人都齊但係都無一份良性壓力去推動佢黎~~
這是我始料不及的。
是戀愛衝昏了頭腦抑或友誼變了....？
在此不亂想了，
還記得他說：「難度沒有這樣常常往來的見面就不是朋友？」
當其時是他反問我的，
我無言以對......
最糟的是他同她的事情常常出現在我耳邊，
無時間...是籍口...嗎？
我不肯定...
肯定的...就是他變了。

說回今天的第二次週年會議吧！！
看見大家都好似無乜變過呢~~

隔左好耐，呀球你還是老樣子，(雖然D笑料仲係以前講過D haha~~)
嘉麒當然還是讀書生呢，今年升大學了，加油呀！！^o^V
聽說你揀選了唔知乜化學野、護男同D體育野，
我雖然唔明白，但也希望我們七人眾家族中有個大學生呢！+ oil加油~~
呀華你就仍然係踢一踢，動一動個類o羅~~
成日買IT野，還聽聞你搬屋呢！不過只是由C座搬去其他座~~嚇死我啦~~^^%
嘉豪你就無乜變咁~(都成日見當然啦)~
最新消息咪係用左好多錢買左好多野o羅~~電話呀、相機呀~~
唉~~~佢終於都決定倒買乜野lu！有進步有進步~~^^
蘇豪你就都成日見，都係咁啦~~
近排feel到你好似有乜心事想傾說似的，
還沒有時間讓你傾說呢~~
唔知你變左了沒有呢？要主動、承擔呀。^^
不過都知道你近排很忙，整理好你自己的時間表先呢~~^^

還有，
大家都有變到的，
就是大家多左好多「高科技電子器具」呢！！
「大陸七子的我們終於走上潮流的文化了！弟兄們！向著夕陽奔跑吧！」

晚上一同走路番粉嶺，
有講有笑~~過隊道~~走粉圍~~跌一蚊~~行難路~~
每一段都有很有趣的經歷場面，
有趣的還是因為有大家在一起走呢。

之後別過嘉麒~~
我們再在公園談談心~~
大談呀球既創業理想，
雖然十劃都未有一撇，
但係我已經覺得佢行o岩左佢既路~~
繼續努力就得啦~~~
不是無可能呢，不要想一步登天呢~~
一、兩年既時間都未有~~
慢慢做啦~^^加油呀！

>>December 13, 2003 at 4:05:57 AM GMT+8

2003 年 12 月 10 日 星期三 【晴】

今天生日！
突破1字尾~~衝到2字頭啦！
今天我選擇了對著月亮許下生日願望！
首先是「夢想目標」，之後「事業」，再到「朋友」先到「愛情」~~
不過點都好~~~最緊要係開心過日子同做到每一日都無悔就可以了！=)

剛剛呀yim既一份祝賀，
有句話係「重新開始」，
我覺得好有意義~~~好值得思考既一個問題！

基本上年年也是這樣子渡過~~~~
今天我就希望自己可以鐘意點做就點做，鐘意去邊就去邊~~~~
10多日沒有好好休息過，
今天就要讓自己好好地去享受這一天！

>>December 10, 2003 at 4:32:34 PM GMT+8

2003 年 12 月 6 日 星期六 【晴】

剛剛打打下定突然間關閉左個window！
唔想再寫啦.....寫下簡略就算....

靈風Camp完結了~~~~
今次真係又有好多突破！
突破既係因為今次D組員情緒黎得好勁！
勁在我第一次俾個組排斥呢...
雖然半帶開玩笑半帶抗拒~~~
但都已經攪到我煩惱不已！

而突破就在自己去學習如何處理這些情緒，
認清了自己忍耐的能力！
認清了自己既情緒好受個組影響~~~
個組唔好我都無心機，個組好我就開心死~~~
自己真係要糾正番個正確心態呢！
今次帶組好明顯自己刻制住叫自己唔好咁心急~~~
要比多D信心落D組員度~~
總算完成了其中少許目標呢！

不過總算是安全渡過這兩日一夜呢~~~
不過係咁多次中最要心力既一次呢！女人心真可怕呢！

>>January 3, 2004 at 5:01:34 PM GMT+8

2003 年 12 月 3 日 星期三 【晴】

今天返工~~~~
早上的時段得我同呀豪兩個人在28
兩個吱喳女仔落左去GI~~
所以感覺很清靜......很清靜......
隔左唔知幾耐第一次感受番「工作」的感覺~~
好諷刺吧~~~~！！

下午同呀豪、呀培傾左D關於帶組既經驗~~~
近期既工作態度大副下滑中.....
成日都有心無力做野~~
做唔到D乜野工作，所就傾下D正經野~~
傾傾下傾到YA D野~~
我地都有同感對YA之後兩個月的發展不太樂觀...
大家既進步都停滯不前，但工作量就上升了~~
本來工作量上升應該係好事來的，但心態不同令到大家都有種「交功課」既感覺，
所以前景不樂觀.....
聽到呀豪既自身感覺，都好有同感~~
所以我常常說「YA腐敗中.....」
比自己感覺唔好，比其他人既觀感都唔好得去邊~~
看見某些同事既面口都好似改變了似的...好恐怖.....
現在的這個情景都唔知點樣解決....點樣處理....
最後動議嘗試搬番過去2464....

晚上開了靈風B~~
感覺今次不太有壓力~~
同埋今次自己都在心態上預備了不少，
我覺得今次可以帶得好有趣同開心呢！

>>December 5, 2003 at 4:05:40 AM GMT+8

2003 年 12 月 2 日 星期二 【乍雨乍晴】

今天晚上要係中心開個唔知乜「青年參與LCM會議」~~
傾左D中心服務使用者對中心的一些各方面的意見~~
同埋我地青年代表既一些意見~~
有份用青年主觀角度去參與會議上的一些和上議或決定~~
感覺好好呢！
同埋知道D中心未來的一些設施上會強化~~
好似好強呢！

>>December 5, 2003 at 3:43:26 AM GMT+8

2003 年 12 月 1 日 星期一 【乍雨乍晴】

今天下午又到我去老人院的日子，
本以為今天會陪「余伯」出街街行下，
點知變左陪其他婆婆~~
不過都無所謂啦~~~
知道今天佢地好多長者都去左參加冬季生日會，
所以得番D身體弱少少既長者係度，
咁姑娘就叫我地帶幾位婆婆出去門口度傾下計就好了。

到達門口，也真是幾凍下~~
而我陪伴的那個婆婆就講唔到野~(應該話係講到聽唔明)
到有個時間我見到佢漸漸很激動~~~開始大大聲講野，
這時我也不知她想怎樣~~
之後更狂抓著我的同事，不斷大聲講野，
我覺得事態嚴重所以立刻入去叫姑娘出黎處理，
原來佢話好凍~~要上番樓！
上到樓我見佢仲係表現到好驚！
好似發狂似的！！最後也是由姑娘強硬地把她送番上座位上....
這件事令我好印象深刻！

>>December 3, 2003 at 7:33:46 AM GMT+8

2003 年 11 月 29 日 星期六 【乍雨乍晴】

今天~~~~~
終於帶完期待已久既大埔官中領袖訓練營了！！
又一段好有趣的經歷刻在我的心裡~~~
同大家一齊去經歷的這段日子真的很開心~~^^
雖然自己未必能帶得大家好好學習所經歷到的經驗~~
今次對自己也是一個新挑戰呢~~
一個對十一個~~~^^"
事實上有某些人我自己也真的忽略了~~~
自己帶De B個時又好似沉悶了很多
今次帶組後帶俾自己的感覺也有很大回響，
唔知自己今次係帶得好定唔好~~
但最深刻係見到佢地真係有去嘗試、改變、溝通好左、開心~~~
「早安少女組」、「當六葉草變成女人時」、「MI3」、「吹波衍」，
每一次都係新既經歷~~
雖然程序係「倒模」，但係內容材料已經次次不同了！
好開心呢！！^o^

講回今次自己既目標~~~
我覺得不太能實踐到~~~
跟本自己既目標已經不太清晰，那又怎樣去實踐呢？
靈風Camp又迫近了~~~
自己的「心」又準備定點呢？？

>>December 2, 2003 at 4:08:19 AM GMT+8