2004 年 12 月 30 日 星期四 【乍雨乍晴】

一大班好友一同經歷這個新的一年~~~
無言感激...
好朋友要是這樣才算得上是「好朋友」呢。

新的一年新的嘗試，
回望這個04年可算是自己最情感悲喜交雜的一年呢。
來臨、別離、突破~~~
開心快樂的都經過去~~
展望來年呢！
為自己訂一訂目標呢。

>>January 9, 2005 at 5:38:45 PM GMT+8

2004 年 12 月 26 日 星期日 【微冷】

八點多起身，
忍耐不了口裡的感覺，
順道想欣賞一下早上的太陽，
很久也沒有看過這樣的情境了。
而且今早非常之大風呢。

暴暴起身，
之後到呀偉，
又傾下D義工野，
好想詳談落去呢。

食早，
搵返一D應該係晚餐既物體，
早上食「湯圓」呢。
成朝早搵野玩，
玩UNO，
我就搵個草地上訓下，
享受一下日光浴呢......好舒服~~~~

玩多陣就閃人，
好輕鬆既一天呢。

晚上返到去還埋野落中心，
大伙兒就去食個晚，
完結了這個兩日一夜的活動了。

很期待下一次的來臨呢。^^

>>January 9, 2005 at 4:49:46 PM GMT+8

2004 年 12 月 25 日 星期六 【炎熱】

自製露營篇！！
2點多出發，
先黎個正正下午茶，
之後一齊去買野，
大家既主動性就.....欠佳了點喔......
我們這一班人的合作性也真是...
不過就是要有這樣的經驗才會有進步。

返中心借營具，
處理左好耐下先出發...
不過總算出發呢！好緊張！

火車...巴士...
錯過了7號小巴！
oh~~~~
要搭94入到高塘行入去，
已經遲左咁多依家又要預多個零鐘去行入灣仔~~`
我地唔怕既，等死某人o者。
點解揀灣仔？
因為有隻暴龍今日係個邊同同學露營體驗，
咁我地都算啦貪方便去羅，
不過傳聞灣仔係非常先進，
咁就當見識啦。

行行復行行，
沿著黑夜的馬路走，
個零鐘先到海下村，
之後仲要行多一個鐘山路入，
無所謂啦，
露營唔辛苦下先得呀。

入到去，
周圍大叫暴龍全名，
終於搵到~~haha

分工起營煮飯，
十二點幾先食飯~~宵夜都黎lu。
執柴玩營火，
我就坐下同暴暴佢地傾下計。
終於，都係因為D柴好濕所以失敗lu。

此時小強佢地入營玩啤牌，
我唔想玩住就出去同權權暴暴等坐埋傾下IT野同LW野，
分享下依個MST的新嘗試同埋D兩邊走既義工身份野...
蜻蜓點水式講講，
之後就聽So Ho講D YA返工野，
算係了解到D正面負面野啦。
怕太嘈，就入營訓啦。

>>January 9, 2005 at 4:39:29 PM GMT+8

2004 年 12 月 24 日 星期五 【颳風】

大昏迷~~~
4點幾訓就2點幾起身，
有朋友在大埔，
咁就同ka ho食埋野就閃左出去。

行下街打下機食下飯吹下水，
這種種行為好多時以至大部份時間我地都係咁過，
不過明天就特別了，
我們要「自製露營」呢！
今次是第一次自己辦露營，
好緊張呢！

>>January 7, 2005 at 5:28:54 PM GMT+8

2004 年 12 月 23 日 星期四 【微雨】

7點多起床，
咁早起身的我估對上個次都可能係上一個Camp既事呢~~

我又入番組啦！
進行步操，
eric那種威嚴非常了得呢！
大家也非常醒身的注視著呢！
氣氛一流！

食個飯後，
同大家訂下目標傾下「貢獻」這個point，
熱身遊戲，
睇下話劇又扮下話劇，
要成組扮雪櫃呢！
好想做動物園呀~~~之後就是奉獻升旗的儀式，
一路「分享」著一路做著這個儀式，
我就感覺到個feel一流！唔知參加者就點諗呢？

之後就係這個訓練營的新嘗試，
「下山」環節！
我們小組抽到了「再會淘大E座」，
老實說我自己也覺得甚有難度的一環，
要進行一個似任務非任務的一件無準則完成度既事情，
對一班中三的同學仔來說可能相當難解答呢。
........不過也原來是我太擔心呢。
見著她們積極的諗，
想出多項可行及預計的困難，
好驚訝這個情景呢！
可能有了昨天搭車仔的經歷，
此時此刻大家也再不要想要做什麼任務了，
只需帶給人快樂就行了。

一路漫步到淘大，
分工買物資，
汽球、自製祝賀卡、報佳音的什麼樣也出齊！
見著收到禮物的或是聽了一句聖誕快樂的，
途人們報以一個微笑及一句多謝，
大家也開心不已呢。
我們雖然只做了一件很簡單的事情，
但其實社會正正是需要這樣單純簡單的關懷的心呢。
雖然我是個半旁觀者，
但此時此刻自己卻非常之愉快呢，
她們的快樂單純也感染了我呢，不能忘懷......

可惜時間不足夠令我們重溫這些片段，
只能個別「導一導」呢。
今天我也無話可說了，
做得非常之好...
超越了我這個不稱職的組長呢。^^"

今次非常可惜自己不能全程投入與小組共同經歷...
不過也可能是正正錯有錯著，
發展是這麼良好呢。
希望大家也不要忘記「貢獻」這個營訓呢~~~
生命影響生命，
她們的活潑單純洗滌了我近日不安煩囂的心呢，
多謝你們...「花生組」~~~
無以為報呢。haha^^
係車上cathy叫我不如用下個「Carmen百寶袋」寫下心意卡，
不過呢~~寫得好難睇呢D字...都怪架車咁搖...
其實我應該係Camp裡面要做埋啦~~呵呵
到依家先知道...原來自己仲未記得o麗D名呢...真不稱職呢自己。
不過口號我總記得既~~
「志氣比天高，花生都最好。」
「We are We are花生...花生...」

告別了告別了~~~
兩日一夜的訓練營結束了，
接下來的工作...就是開E呢。
而我既忙碌度已經下降了30-40%呢。
不過今天還要處理一些物資野...營具啦...外借高響啦~~
忙死lu......

夜晚仲要出去行旺旺~~
平安夜...好累人呢。
不過約到咁齊人，
少一個又點得呢。

>>January 5, 2005 at 9:38:39 AM GMT+8

2004 年 12 月 22 日 星期三 【晴】

MST新世代領袖訓練營！！

全新系列！！重新概思！！革新組合！！
這一個新的配搭~~
就在今天表現出來了。

早上九時許出發到中心~~~
10點鐘到達廣崇集合~~
結果係有一名同學請假缺席~~很不錯呢！

紅場~~~
把聲叫到喉沙~~
玩左幾個新新地既熱身遊戲，
反應一般。
最後都好想玩下「捉鬼」變版~~
就這樣玩完，分組落組。

今次我既角色係組導師+副營長+物資副長，
好多角色呢。
不過一朝早都係落下組先。
帶一班中三的同學仔，陰盛陽衰呢~~haha
還有，佢地D名呢...好難記。

合作遊戲鬥高，
好貢獻佢地D衫呢~~
再黎鬥長，好攪笑的場境。

接著靜態D咁聽下野~~
她們的美術工夫不錯呢。

接著到益力多時間，
唔知可唔可以好好利用呢。
食午飯~~傾下組名組呼。
有D癲癲地既組員開始走出黎lu。
好，開下組長會先。

下午，
要抽身幫手物資組，
要bye bye下個組先。
當然佢地好似唔多為意啦。(被忽視了！？嗚嗚)
2點半到車到2點九先上到車，
有D火咁啦。

好早去到營地，
開始set 場，
一路遊下一路工作咁~~
好似大把時間似的。
等埋暴暴到~~
要夾下個流程，睇獨處point，睇MI3 point。
順利順利。
再環顧下之後搭車仔既解說同下午之後既fun game，
指揮下個場地set up配置，
就等到第一組到達了。
而我那一組就第二到，好勁喎。

見到佢地好多都可以完成任務，
仲諗住我set D任務好難添~~
點知原來好似咁簡單咁，唔知啦，
要做E個時問番D組長先知lu。
始終個「五幹線」90%都係新概念，好想知道個成效呢。

聽到有D組講搵唔到七十一，
乜唔係「仲有一間係左近」咩？
不過為左做個只定任務而放棄「守時」，
這樣仲有學習的價值呢。

到5點15-20分，
最後一組到達。
睇睇下仲有兩part活動，
但場地同時間好難配合到進行，
唔知cut唔cut活動好~~
想搵社工們資詢下又未到，
問暴暴個問題：「我地邊個人可以決定變流程？」
「當然係我同你啦。」佢諗都唔駛諗就咁答左我，
學習既時刻又來了。
水排，往常的反應也十分不錯呢，
可以帶到很好的氣氛呢，
但今日場地有些少限制。
盤盤，諗落又覺得會好fun，
又可以煲到D合作合群。
再諗下，
自己都係想勇D試多D，
最後都係進行「盤盤到肉」呢！
見到個情況進行都相當不錯，
也能帶到fun既氣氛出黎。
公起公起又一新嘗試呢。

進行幫幫手part既抽籤，
都係浪費左個機會說明意義。
原來出黎講野都好大壓力下...

晚飯後，
一個很長的組長會，
研究緊可以可以進行深衣特別任務。
此時突然要我這個副營長出來頂場！
超級驚惶失措！
唯有亂咁叫下口號問下小組進度咁，
見到組長們仲開緊會，
就再比5分鐘時間小組整野同排舞......
5分鐘後，
勁準時咁諗個未準備好既我報到！
再問下進度，
各個小組報告仲未整好，
咁又比多10分鐘佢地，
好似有D亂咁黎咁......
又就係夠鐘，
組長仲未傾好，
點算！時間開始偏離預計流程！
突然間耳邊閃出一句「其實可唔可以玩左「瓜子口面」先呀？」
唔知邊個講既，
但我就即刻同呀權講要玩瓜子口面啦！
幸好佢地都準備左set up場地，
就咁就可以落下一part啦，
唔駛再亂咁黎。
做下DV men先。

作為一個fun game，
大家都非常投入！
完全無抗拒唔玩呢！
不過組長落唔到組玩，
因為仲傾緊呢。
我就一路拍片一路笑羅。^^

昇旗禮，
比預期變左少少~~
只是黎個前奏先。

營火會，
想攪好D個開始氣氛，
但係無乜準備去試呢。
唔理啦~~
玩捉蟲。

今次自己無係個組度玩，
不過就唔覺意咁做左好多part舞既帶動唱之人！？
無端端做左酋長呢！？
雖然我話我係大會舞蹈顧問o者，
但係唔駛咁用我呀！？
好累人既工作呢~~hahah
不過過程中見到同事義工們都重新創新演譯左部份歌呢！
好開心喔~~~

高峰經驗，
保留MI3這環節，
我就在這時間入番組。
帶住班女子組去打仗，
雖然佢地話自己輸左3part贏左1part，
但談談心過後大家既觀點都有唔同左，
佢地既諗法都真係唔係直就彎呢，
不過可塑性就很強呢。
我相信她們都學習到不少。

獨處就變左靜一靜寫寫字，
她們也很用心去寫呢！？
最後佢地既作品/心聲都無交到比我睇，
唔知佢地係交功課既定係心底說話呢！？
現在諗番起我應該要睇下再比下回應既，
畢竟這班組仔都需要一些具體既野黎解說學習呢。
不過，
經過一個清風撲面既晚上，
經驗經過沉澱已形成的學習是你們自己的，
自我發現麻。

最後組長會就勁羅，
4點先完。
明天還要7點起身呢。^^"
不過聽到大家分享都很好feel~~
畢竟整個訓練營自己最鐘意係依段時間，
因為大家都好真同有好感情呢~~

今天，
對於我來說也有很多學習，
副營長+一班義工+一班隱形社工組導師+正營長，
成個活動外圍都好似要靠我同暴暴夾，
最深刻係下午個part~~
玩唔玩水球這段對話令我想到了很多東西，
雖然社工們隱形了，
但總覺得流程怎麼變動也要與他們商量，
唔......自己還是拋不開義工作業的習慣及態度呢...
「我覺得你都係一個職員o者，只要係你地決定係去係唔去我地都跟，因我們是伙伴」eric的一句回應，
覺悟了很多...好感動....
也令我更捉緊自己的位置。

一個下午的副營長體驗也令我深刻不已呢，
原來站在一大班人面前，場面是這麼嚴肅，
原來那種感覺也不好處理呢....有點自大呢...

今天訓練營試了很多，
好想快D開下E檢討下個成效呢。

>>January 4, 2005 at 5:05:21 PM GMT+8

2004 年 12 月 21 日 星期二 【晴】

盡全力準備準備！！
全力出擊製作「導師手冊」，
其他人就排舞、分組、執物資、同伙伴夾下點帶組，
我就瘋狂對住部腦到晚上。

營刊都未出到呢~~~
等嘉祺幫手設計埋佢，
而我既導師手冊都完成啦！
雖然用左好長時間下，不過都有成功感呢~~
當然我再一次好清楚自己做設計工作會一發不可收拾，
太完美的心態未必最好呢~~

同營長夾多陣，
開心下玩樂下就11點全世界離開，
因為都知道明天要好用心力，
所以呢~~~就要早d休息啦！^^

>>December 25, 2004 at 7:10:03 AM GMT+8

2004 年 12 月 20 日 星期一 【微冷】

天空工程~~~
簡介會~~
自己做得好混亂咁...

希望大家可以互相補位，
一齊建構依個「新世代天空工程」呢。

>>December 21, 2004 at 3:14:26 PM GMT+8

2004 年 12 月 19 日 星期日 【晴】

《大樹底下，森林大會》

今天這個森林要開一個森林大會，
獅子大王開始說：「好！今天我們散會。」

當然今日我們這個廣崇森林聚會無咁快完結呢！
今天各同事也很有心思的一齊設計「聖誕扒地」呢！
玩大電視玩呼拉圈玩擲紙球玩射籃球！
不論什麼team的人也玩得好瘋狂呢！
而我當然也發揮好玩本色，仲俾人話我「high大左」添！
而我地既聖誕大餐一樣豐富呢！！
好可惜...我既「沙拉」同「花之戀」都無一幸免...
我太慢啦...嗚嗚...

之後一齊睇套由YA製作既《中心同事宣傳片》，
當每一個人出場既時候都會發出一大陣笑聲！^^
好有氣氛呢！^^

之後就黎玩投票「我最喜愛中心男女職員」既選舉，
成個過程都好攪笑！哈哈~~
玩交換禮物~~
抽到個發泡泡雪人呢！
成晚就係度研究隻雪人，
好有心思呢~~^^(我仲以為係踼個D毽添)~~

完左聚會，
返去狂一狂個Camp既野~~~
同暴暴SuSu論一論個Camp理念，
諗實多D個「營訓」、「營期」同「營望」~~~
好煩人...
不過我也很渴望完成佢！
雖然超級不安...

>>December 21, 2004 at 3:11:17 PM GMT+8

2004 年 12 月 18 日 星期六 【晴】

本來想返中心幫手~~~
但係又覺得自己雖然休息下，
So狠心地也沒有返中心。

暴暴的一個電話，
知我會煩擾D物資野，
就打黎報下進度咁，
不過安心度都係上升20%者~~(原本也只是30%左右)

去Game show + 工展會，
有野玩有野睇既時候就玩，
行下靜下既時候就開始擔心擔心...
我這個人的這個心態真的很辛苦...
比起訓唔著仲恐怖，而係會整日都不斷擔心，
個種心態係好唔信得過其他人，
我諗...我應該要比D信心人地。

去game show，
不斷玩新game同影cosplay相，
好欣賞他們的心機呢。^^

去工展會，
見到好多商業品牌呢~~~
狂試飲試食，又周圍買野食，
我如果唔係住得遠實一袋二袋呢！

返尖咀~~
不斷咁去打機。
會So Ho，
狂玩打鼓結他，
過下組Band手癮！

落旺旺~~
1點幾，
去飲野傾下D「朋友」問題，
我發覺大家真的很特別呢。

人，
有著很多情緒和形態。
當這個人在不同場境上也會有不同的發揮，
就算這個場境不是他最適合的，
人就是會適應他，
而其他的人也會適應他，
因此這就是...「互相尊重」了。

>>December 21, 2004 at 2:48:04 PM GMT+8