2004 年 9 月 9 日 星期四 【微冷】

今天是「三更 之 返工」！
開始整理依個YA既最後跟進工夫！
還有呢就是Dise既一些料！！
要快D埋尾啦！！

在晚上，
同同事去食飯~~~
我只可以說這個部份是「學習」陪一齊食飯呢~~~
始終好似有D唔o岩話題難埋堆~~~
我又唔想係食飯時間都傾得咁正經，
而我又唔可能下下都咁攪笑到~~
仲要試一排呢。
(原來食飯都好有學問！)

晚上，
開始依個新Lcm team開組~~~
體會緊嘉祺講既個種「要有份抉策」既經驗，
講展翅單元~~
係我無乜心理準備底下要我表態我的信心，
依刻都唔知點講好......
我不是怕帶遊戲呀...做班主任呀...等等既事，
我覺得總要有「試」既完間。
但是試還試，
自己擔心既係我既功力唔夠，帶出信息唔深入強烈，
令這些參加者少左學習。
今次是有信心的！
(信心全因嘉祺所說的「零信心」！還刻印在腦中。)

>>September 10, 2004 at 6:25:39 PM GMT+8

2004 年 9 月 8 日 星期三 【颳風】

今天開始有野do下~~~
係中心入數~~~
此「數」是指活動的統計表人次~~~
前一日聽落黑仔講得好複雜下~~
好似有D難度咁~~~
今日半熟半摸索的，
入左成個下午時間...
最後呢~~都好快手就掌握到！！

P.A運行中！！
雖然我知道半年時間未必可以追到佢地既水平~~~
不過我又覺得我有我既風格同特色，
所以都不用刻意比較同模仿啦，
加油努力！！^^V

>>September 10, 2004 at 6:14:44 PM GMT+8

2004 年 9 月 5 日 星期日 【綿綿細雨】

今天~~~
同權權去剪頭髮~~~
不錯不錯~~
個師傅都幾有心機去剪~~~
幫我整左個新look~~~
當然係要用髮泥定型先攪到啦。
剪定靚頭去旅行啦當然！！^^

齊人！
去左問中旅社~~~
o個個做旅行社都唔知係咪做野既！！
乜都話唔知！！
航班唔知，飛幾點唔知！
都算你啦！
最離譜係連幾多號出發都唔知！！
叫人點去呀！

過左去新華~~~
上次都大約定左去依間~~~
傾多陣~~
就決定了！
好野！唔駛再煩！！^^
「四仔旅行團」正式出發！
去左我地既次選《海南島》！(因為整唔到特區護照羅)
下次再去芭提雅！
一定要！！^^

未出發先興奮！！
諗定好多野要買！！
我要整番個沙灘feel既look先！！^o^
超級期待！！
還有九日！！^^

>>September 6, 2004 at 4:55:08 PM GMT+8

2004 年 9 月 4 日 星期六 【綿綿細雨】

今天進行了一個「小執拾大改善」的行動~~~
把房裡面既電視機同個電腦大mon搬走~~~
放棄17吋要個15吋，
之後再買個三層櫃仔放書~~~
不錯不錯！！
房間實用面積果然豐富！！

>>September 6, 2004 at 4:46:37 PM GMT+8

2004 年 9 月 2 日 星期四 【晴】

今天又要做下Dise 3野先~~~~
基本上仲有少少要埋尾~~~
我諗都要下星期二、三最快先趕起。

因為PA工作都未黎~~~
仲可以得閒下，
行下走下咁，
又執下YA既跟進工夫~~~
好快就到左11點幾都未走，
因為想趕起張義工表格俾Tony~~~

發覺自己都粗略計算了做義工有87個鐘！？
唔知多定少啦~~
我又不會羅依D野黎衡量既。
不過都寫下經驗感想~~~
發覺自己都真係無乜諗過學到D乜~~
寫既都好夾硬黎~~~
不過其實今個暑期先最精彩！！
點解呢點解呢？？

>>September 3, 2004 at 5:25:06 PM GMT+8

2004 年 9 月 1 日 星期三 【晴】

早上，
起身不久俾人叫去食午餐！
談討之下，
聽到景華話佢呀媽唔比佢去旅行~~
無法啦~~~
家庭壓力，
況且我認識既佢係唔多會反抗屋企人的，
咁我都無迫佢D乜~~
等佢自己攪掂佢啦。

返去同呀權商量，
討論過三個人都應該要去！
我都覺得係！無理由浪費個大假！！
就變做「三仔旅行團」啦！！

今天~~~
半正式開始PA的日子~~~
不過呢~~~
當然還有一些YA庶務要清~~
所以也無乜所謂正式唔正式~~
(在我腦中應該係大假後呢，那時就可以有自己的位置了！)
雖然Kenneth叫我坐辦工室，
但自己覺得平時都係咁樣入黎坐啦~~
無乜分別~~~
況且同事們還在打杖的埋數中，
沒有位置入呢。
就這樣執下頭執下尾咁一日呢。

>>September 2, 2004 at 6:43:28 PM GMT+8

2004 年 8 月 30 日 星期一 【綿綿細雨】

今天，
進行我們小隊的最後一個活動~~
「親親小動物 之 參觀SAA」
整個早上最後一次看見大家的分工~~~
仍雖努力吧。
不過明顯會肯承擔負責~~進步進步呢！

去到SAA~~
情況不妙！！
整個參觀既空間都明顯係狗既活動區域！
我著短褲同涼鞋~~~~
成腳中o麗招！
俾狗圍係咁(乃)我！
不過這間中心個氣氛真的不錯！
見到D動物都好自由的！
很多傷殘的、染病的、染眼疾的猫猫狗狗都能被惜心照顧~~
好開心呢！
雖然自己比較鐘意猫~~
但係我係裡面見到一隻好短腳既狗！
好Q！
見到個助養表格有依隻狗份~~~
都有D心動想去支持依隻狗！

晚上，
簡單的開了個E~~
之後立即出去沙田！
睇「加菲猫」！
等左好耐啦依套！
不過首先要做左件緊要事先！
去睇「旅行團」！
今次一定要去得成呀！！
我地首選揀去曼谷、芭提雅！
次選就係布吉島！！
我自己就想平少少可以預錢買多D野~~~
就算唔係都可以玩多幾樣刺激遊戲呢！
何況有家姐既津貼~~嘻嘻嘻！！
我一定要去呀！！

睇完！
果然係全場笑爆！！
睇到我好開心！爆笑！
好耐都試過笑得咁癲！！嘩哈哈哈~~
由其係佢跳舞個段最正！！
真係睇住佢個表情同D似人非人既動作簡直一絕！
好耐無咁放輕鬆啦！！

>>September 1, 2004 at 5:56:19 PM GMT+8

2004 年 8 月 29 日 星期日 【雷雨】

大官重聚日~~~
第一次參與重聚日呢~~~
再一次見到我的組員們~~
首先好開心今天有六個出席呢！(我組有九個的。)

一朝早就玩下熱身遊戲，
見到個組D氣氛仍然維繫到~~
十分感謝~~這也是對自己的肯定。
程序上就是教導他們如何去籌備一個活動，
總會有點不認真，不過也可接受呢。
悶場既Topic總會有冷場的時候~~
而我當然是要擔當一個「諧星」去「懶」攪笑啦！^^
仲攪到要回味我既初戀添！
熟識我既人都知道我有定無啦~~呵呵^^

下午就返黎總結睇相加做展板~~~
初時非常人丁單薄，
我組得番三個人！
無理由嫁~~~走佬個三個係我較欣賞既三位！
心諗著無可能的~~~有D唔舒服~~~
幸好最後都趕返黎！！有種失而復得的感覺呢！
今次又擺左幅感情落去相處~~~
We Bang~~~那種We的感覺，
我們團隊也算做到目標呢！

一邊睇相~~~
睇到個D MI3相~~~
俾人擺上枱啦！
十個無奈啦當時！
好彩我還只是組導師o者~~~
也總算讓人還記得我是誰吧。^^
just for fun~~~~

到做展板~~~
本來都好想一組整一板~~~
不過其他組唔齊人都要大圍變動。
看著他們整~~
雖然自己D完美病開始發作！
但是我又會覺得這些是他們的經歷~~
不應該插太多手落去，
而我也信任他們會完成！
而最終呢~~~
大家也非常之有創意地去發揮！
好鐘意個幅「MI3」既「荒島尋蛋記」呢。

今次就睇攝影落黎既片~~~
再一次又擺上枱！
點解淨係得我個組有被影相嫁！^^

到晚上，
同組仔們一齊去晚餐！
雖然不是傾什麼訓練營經歷，
但有相聚既完間也十分難得！
再一次感謝大家能參與這一個這麼有趣的經歷！
We Bang~~~有緣就大家再一次「走在一起跳動」吧。^^

下半場就係去左明星打邊爐！
名義上係去慶祝有人去離職~~
也有慶祝某某升職~~
並且慶祝有人調職~~
以及慶祝有人升讀中六等等~~
實際上我覺得意義是什麼都無所謂，
最開心係我地大班YA同LCM可以咁樣聚下~~~

這一天也真的有太多感受呢~~~
但同樣地大家的離別也是一件很有意義、開心的事情~~
簡單說句就是開心見到大家尋得目標離去呢！

>>September 1, 2004 at 5:35:37 PM GMT+8

2004 年 8 月 26 日 星期四 【晴】

今天~~~
我的人生交叉點的選擇到來了，
在工作上可以有機會再俾我更上一層樓。
而自己顧慮也只是係依度定係第二度行我既下一步，
不過讓我看見的是這裡還有很多可發展既空間，
而且學習的寬度
...

>>August 29, 2004 at 5:17:29 PM GMT+8

2004 年 8 月 23 日 星期一 【晴】

10點返工！
本要預時間做YA活動，
但是沒有預早通知參加者，
所以沒有參加者出現！
這樣活動就攪不成，
這樣就有更多時間去準備今晚，
真不知是褔是禍呢...

兩點幾先開始齊人，
奮力趕工！
最後準備，
大家也開始「衝」！
到了這時刻大家才爆發呢！

到了六點，
開始傾晚會安排及分工，
自己開始乾著急！
不自覺地發左顛咁去帶著大家！
自己就咁諗緊兩點，
「無時間咁仔細啦！用o麗我既方法！！」
「要俾佢地試，縱使佢地方法我覺得唔好，由佢帶我唔插手！！」
不斷咁強硬政策地又要全人發展！
不斷矛盾！
不過我好清晰要叫自己唔可以亂！
我一亂左就大禍啦！
最後也分完工，
而離開場還有20分鐘！
物資就大約要多3、40分鐘多才能完成！！
唔理啦唔理啦！！

8:15「相與夢想」晚會開始！！
我還在執物資，
但組員們已不斷吹我，
這要靠大家補位呢！
考驗緊「信心」呢！
最後也要到睇片個part先出到場呢。

一開始望落好似幾悶場！
預左~~
好難要參加者咁快可以投入去「分享」！
講「夢想」，難度好高呢！
到我上台講野都盡量帶下氣氛！
而且都多得呀聰同黑仔可以帶頭去分享下！
多謝他們努力支持呢！

之後到「夢劇場」！
So Ho主持！
第一part都盡量攪笑！
不過台下反應還是沉沉的，
這時嘉祺提一提我地，
我先醒一醒！
之後先真正努力參予！
到波子頭的故事！
大家氣氛終於黎到啦！超爆笑！
Tony就在這時出現~~~
好高興呢！^^
分享這些故事真的很難！
見到波子頭那份勇氣，很開心呢！^^

再黎「戲夢人生」，
自己投入了大半時間去準備依個活動！
一開頭都怕反應冷淡同埋遊戲複雜，
但係無法啦！死就死！

之後一開始........
反應係.......超爆笑！！
大家都瘋狂投入去玩！
不斷做任務不斷爆笑！
我在出面行左行右都笑到肚攣！哈哈！
學歷房大家都非常怨聲載道咁去抄書！
異口同聲都話讀書原來咁沉悶！
見到「怪獸老師」都非常堅持岡位！^^
旁邊的工作間就又「農場判頭」把守！
不斷派工作俾人做！
好欣賞佢超細心處理參加者既詢問！
因為我覺得最煩既係佢依part！
到技能房就爆笑咁見到無力班人考「大隻文憑」！
笑到死！^o^
So Ho同波子都管理得非常出色！
最後就是機遇房！
只見小強好努力咁考驗咁參加者！
要常常同參加者理論呢！
係佢先做到！
總之成場都笑死人！
雖然好多人都為玩而玩！
不過都見到有人認真咁諗下會計劃人生！
非常安慰呢！
也超出了預期所想的反應呢！

有這麼出色的前奏活動！
才可令參加者反思更多「夢想」的東西！
接著就是今晚的主菜「相與夢想」了！
好鐘意個part可以俾參加者去影相，
去俾佢地記錄佢地既「相與夢想」！
看著參加者去影相同睇相，
好真正感受到我們那份努力沒有自費呢！
那一種氣氛就像我為了做義工或甚做社工所渴望的情景！
那份努力沒有白費！
那份努力能帶出意義！
那份努力能影響到他們心靈的震動！
在這個TPIT重大的變化時刻，
看著很多人也去實踐夢想而走著下一步，
我也要繼續行啦....

在這個造夢的舞台，
最開心是可以看見很多「造夢者」！
也同時開心自己會是其中一個「造夢者」！
好滿足........好滿足.............
真多謝各方好友支持.......
多謝社工們.........
多謝義工們......^^

>>August 26, 2004 at 4:10:17 AM GMT+8