2004 年 5 月 29 日 星期六 【綿綿細雨】

今天是山藝訓練，
原以為要進行Day walk，
點知原來o係係「大灘」不斷做Case同練繩藝~~~
學左好多個「結」，
「蝴蝶式收繩、(猛打你呀哥)收繩、扶手結、身體保護法、裝柱保護法、意大利半結、變化八」
一時三刻要學左好多繩藝！
好頭痛呢！

下午就時下雨時微光，
攪到「蚊蟲四起」！
濕潤既地下同天陰陰，
D蚊仲唔發作！
今日又無去行下遠程，
我著短褲既...中o麗！
帶左二十幾粒「紀念品」返屋企！

>>June 2, 2004 at 3:37:17 AM GMT+8

2004 年 5 月 28 日 星期五 【陰】

今天~~~
原本要去Camp的~~~
返到中心，
討論緊去唔去，
而在早上，天氣確實有些不穩~~~
最終，也是取消了變明天Day walk~~
準備既野都無用武之地呢~~^^
有時間，OT做埋D工作。

得閒無事~~~
就約去旺角行下買下裝備~~~
愈黎愈覺得買行山裝備有一種「儲精品」既感覺，
唔知點講，又係個種想擁有既feel，
各式各樣，有是實用的有是奢侈的，
裝備齊全可能能予人專業的感覺吧~~haha
試問下基本上一個千幾蚊既背囊同一個3、4百既背囊，
相差之下可以只是個牌子、款式同所謂的實用度，
前者落大雨的可能還可以捱一段長時間，
後者不可能！
但是還可加上一個價值60、70蚊的防水背囊套，
立刻拍得住個千幾蚊的，
有時想想追求那些貴東西有什麼目的~~~
雖然係街上見到D人有依D貴野會覺得佢「好似」好專業，
諗深一層咪就係.........有錢o者。

約埋華、豪去旺旺，
原來約左睇戲呢！
當然睇既係「明日之後」啦！
去到，好多人！
最盡都係有頭三行！
唉~~~~頸累就頸累啦！
行多陣就入場啦！

套戲講既主要係美國北部既地方發生大規模的大災難！
大洪水沖擊整個紐約！
部份地區受大型龍捲風吹襲！
頭上跌的不是雨水是冰塊！
行雷閃電，水浸停電等而不是出奇！
而故事主題大約環繞一名古代氣候科學家，
預測了未來十幾日整個美國會開始受暴風雪侵襲！
當然政府不會相信他呢！
同一時間他的兒子就去了紐約，
正巧遇上大洪水侵襲！
臨急之際去到一所公共圖書館避難！
就這樣捱了好幾日，
等待的...是他父親對他的承諾~~~

其中有一幕彼深刻的，
一對男女在傾訴~~~
好的說她由細到大也只知道讀書，
為的是未來...現在卻沒有未來了...那為的是什麼？
想想自己，
近排談夢想，
沒有未未；那有做夢的必要？
而對我說的~~~
是要叫我珍惜每一日...
珍惜那份承諾~
珍惜那件信任~

好耐未睇過一套這樣有背後意義的電影了。

>>June 2, 2004 at 3:28:26 AM GMT+8

2004 年 5 月 27 日 星期四 【乍寒還暖】

這一個下雨天......
讓我想起一些往事...

以前閒來的我，最喜愛下雨天，
因為這樣子去打籃球或是踢足球也非常興奮！
整個場沒有人，就得我們大伙兒，
剷水多過剷波既是「飛剷」，雨水多過汗水的唔知乜水，
濕滴滴的頭髮，滿有朝氣的柴娃娃！
現在~~~卻沒有了這樣的我了。

那些日子，
卻總是下雨天，
小六的畢業最後一天~~~
中學的離校那一天~~~
很切合那首「分手總要在雨天」的歌呢！

又一首歌---「友共情」，
<下雨天總掛念從前，球場上那可愛片段，突然又已一年...............>
我最愛大家一起淋著雨水，躺在球場中間的那些片段！
我覺得偶而這樣淋淋雨水，
可以體會雨水姿潤萬物那種赤裸裸的感覺~~~

現在，
卻不是時常喜歡下雨天，
在工作的層面上，它會破壞我們的outing活動，
行行街也是麻煩萬分~~
危重些會是低窪地區水浸~~~
河道沖擊山泥，
而在情感上，
還會令我心情變低落呢~~~

下雨天，
現在，
我還喜愛它呢？

說回今天的記趣，
我們小組開組，
好開心我們這一組會坦誠討論很多的溝通問題呢！^^
自己對小組有期望，對你們也有期望，
這樣的坦誠溝通更能讓我們有更好的發揮！
雖然我說這一組非常之怪，
可是，我卻覺得很有趣呢！^^

>>May 31, 2004 at 5:06:46 AM GMT+8

2004 年 5 月 26 日 星期三 【晴】

今天零晨，
某人說我抽中了一個獎品呢~~
我笑說：「多謝你給了我一個獎品呢。」^^

這一整日，
也沒有甚應興奮的心情按奈不住，
只是滿滿的一個平常心。

「半約定了」會見一位久違的「舊同學」，(不知否應說是「朋友」呢？)
沒有選擇了請幾小時假放早去會她，
不想讓她覺得我是特別寵她，隨緣吧。
唔多唔少會期待一些驚喜呢~~(如走黎中心、行入黎、跳?入黎)hahaha
不過最終也是緣慳一面，

來一客電話，
好得意的一陣「公仔」聲，
容我說聲是「QT聲」呢haha
好開心你會打黎講一番話呢~~~
簡簡單單的一聲問候，朋友就是這樣。

錯過了一次與你見面的機會，
期待著下次好讓我作一個東道主吧~~^^

>>May 28, 2004 at 5:48:58 PM GMT+8

2004 年 5 月 23 日 星期日 【微雨】

今天~~~
想談一談「我的日記」~~~

本來~~
日記是用來做記事的，
而且應該是很私人，而可能是放在枕邊的~~
而我的「所謂」日記，就是這裡~~
就是一個網上日記~~公開的，
聽過有同事說如果不想公開，可以選擇lock左佢~~
「公開佢自然有我的意思係度~~」我這樣回答他。
有同事會追看我的日記，因為覺得很有趣的樣子，
我笑而不語~~
有同事會常常當面回應一些我所寫(打)上的字句，
或甚是茶餘飯後的話題。
很開心會有人看我打出來的「最真感覺」呢~~
很開心的...

可是我更希望大家不要常常與「我」談論，
面對面回應，那種感覺好唐突，
但不是代表我不希望公開，
你要與人談論~~無關係，
公開得出黎自然會有這樣的情況~~
但我不會選擇收藏的，
正如我所說，
我不習慣當面與人訴說自己的感覺，
所以我會選擇這樣的網上日記，
讓人認識更多面的「我」。
也是另一種「保持聯絡」的方法吧~~ :)

打出黎既係[out come]~~
是「輸出」，不是「輸入」或「運算」，
所以非必要其實也不想再談討吧~~^^
覆水難收。
當然，如果討論可以令我有所得益的當然無任歡迎~~^^
不過呢~~閒話幾句的最好不要有吧。
如果真係想回應的可以留個言，
我或許會覆你呢。^^

這裡~~~~
勝在簡單，
介面樸素，
合我「簡樸」的感覺，
有喜有怒有哀有樂，
人生要這樣才有趣呢！^^

記得初初會這樣「打」日記，
是源於那段「SARS」期間，
日日無所事事，
不知不覺就來到這裡打日記了~~~
印象中是好像看見一位好友在這裡打日記，
所以就開始上了。
想讓人知，就放條Link係ICQ，
初初當然也要有介心啦~~
講既野會俾人見到喎~~
個D罵人既、粗言既、不雅既、無聊白痴既都一概「戒口」，
還有我的「戀愛日記」也要小心小心呢！^^"
而看見那個「人氣」統計，
是「表演」麼？
想清楚這究竟能否算是一個「日記」了。

日子久了，
還是這樣的戒口，
可是開始注意那個「不實」的問題，
所以也要嘗試「寫實」番一點，
印象中有日講「我同佢之間既關係」個段，
初初自己都覺得「勁激」！
不過後期想想這樣做才是「我」！
我就是一個有這樣「特色」的人！
我自信自己是一個獨特的人！(「我是第四型」，曾經這樣想過呢！)
想想，如果在這裡也要隱藏自己豈不是更辛苦嗎！
為什麼要這樣做！？

我渴望會做到「感情是應該稀放」的！
「生命因愛動聽」所以我希望能稀放感情！
「人與人之間不需要偽善」所以我希望能做最真的我！
「一個好既溝通需要了解」所以我希望能表達自己更多的！
「互相接納需要坦白」所以我希望能讓人知更多的！
「偶而也要任性一下」所以我希望能保持自己的獨特和底線！

朋友！^^
你明白嗎？

>>May 31, 2004 at 5:09:10 AM GMT+8

2004 年 5 月 22 日 星期六 【酷熱】

睡眠時間3小時鬆D~~~
好眼訓~~Z_Z"
起身煮通粉~~~例牌餐單。

開始進入趕路feel day walk！
行番平時行到熟既墇上郊遊徑上墇上！
大家就抱著淨餘的精神趕路！
我就做左今段的leder！
行到咁熟~~~都無乜野好試做領袖啦！

初初一上山路時段，
大家也是沒甚精神士氣似的，
無乜出聲，
嘗試去提提個氣氛！
建議叫下個口號先！
又想唱下歌！
不過大家都未有氣唱，上山路比較累吧。
之後途中試左好多睇山形地勢！學下三點定位法！
學左D好型既姿勢！日後教人都要用呢！^^
而士氣氣氛又開始返黎啦！好開心！^^

約2個鐘就到達墇上！
今日也不是多人呢。
大家也急不及待要歎下山水豆腐花呀...豆漿呀...五花茶呀~~~
咁多次上到黎，
今次也是第一次幫襯呢！^^
仲有見到數隻蝴蝶正在孵化！
大自然讓我們見證了牠們的生命呢！又是很開心！
又勾起我既做生物學家既夢想！^^

稍作休息~~
開始又要上路！
今次經麥徑三段逆方向落北潭凹，
記得行過一、兩次，
印象風景唔錯！
又開始要訓練觀察山形地勢！
好快睇到，上左小山坡上暴o麗~~~
不過都好想o麗下個人！^^
看著看著他們所說的墨魚，
初時看還不以為意，
之後愈睇愈似！
覺得原來要用多D想像力去「睇」大自然會更有趣！^^

一路笑談笑語，
慢慢地就到達了牛耳石山！
也開始開餐了！
呀聰急不及待的午餐時間呢！^^
呀sir推薦我們有氣力的可以上山頂看看，
我第一時間衝上去！
在山頂留腳印是我的喜好！
也是象徵像自己「完成」了這座山！
也會是體會那種「人望高處」、「高處不勝寒」的感覺呢！^^
還有最喜歡是儲起影低山頭上的風景！
這就是我的行山習慣！
影左幾幅有趣的照片呢！^^
好可惜有部份人好累，
損失了一幅合照！
這是我覺得一個可惜的地方。

再次上路，
又去到另一個當風的山頭！
在此作最後一次的休息及訓練，
合照過後便要落這個有很多石級的天梯！
「上山容易落山難」
這不是累是腳震呢！
不過也好不容易地，大家也完成了今天的旅程！
做了一個不是「分享」的「分享」！(他們說是做緊的呢)
在此我相信我自己不日後做教練做哩一part個時一定不會這麼遜色呢！^^ hahha
之後坐94R走~~
全程也是訓著的呢。z_z~~

回味這兩日一夜的歷程
很開心~~~很高興~~~
.很久沒有這種愉快了！^^

>>May 24, 2004 at 5:58:28 PM GMT+8

2004 年 5 月 21 日 星期五 【晴】

今日~~~
終於開始我們山藝訓練的第一個訓練Camp了！！
要實踐我的目標呢！！^^

成班導師級人馬就像第一次去Camp咁~~
輕輕鬆鬆~~~完全無危機感羅！^^
慢條斯理的，整好o麗D裝備！
一團10人！
出發！^o^V (有一、兩個遲入呢)

巴士~~巴士~~小巴~~
都好快就去到猴塘溪~~~
不過呀sir都仲未到羅~~
我地無危機感都係正確既~~~(雖然我預可能會軍訓咁操)

等左陣，
佢地黎到啦！
一套系列的衣裝令他們增加了那種給予人專業的感覺。
第一時間，
就要操訓番指南針同睇地圖。

上去機場位~~
俾五點我地搵~~
搵下搵下，原來都有D難度！^^"
我都要重溫呢！
同小強分一張地圖~~~
發覺我地既溝通好有問題下，
而問題係我會覺得會「簡單復雜化」！
不嬲都有哩種感覺的。
練左好耐~~
終於睇熟番D啦！^^

落到去，都差不多天黑~~
好彩到依家仲未落雨呢！
簡單講解下D火爐、營燈、執拾技巧！(其實是溫習)
好攪笑見到呀聰佢地真係一D緊張感都無！
可能係自己著重個「訓練」詞語既感覺太重！
不過這訓練，D導師也時而專業時而玩笑似的，
還有點很認叻的feel......
雖然依家D行山裝備愈見愈先進，
當然價錢也愈來愈貴！
什麼防風防水，乜野都講明牌，
一件靚牌子既衫可以去到2、3千蚊件！
雖然真係實用，方便！
但是當一個人著件千幾既風褸同一件「女人街牌」既風褸，
就會好比下去，
縱使沒有明顯睇唔起人既說話出現，
個種「對比」感覺還是有的！
我記得聽到D什麼新式、舊式、古老等說話，
又像是說我們中心D裝備又大又重又out out地，
感覺也不是好受！！
諗深一層，這究竟是牌子明牌的錯還是口舌之錯，
行山不是要感受那種樸素自然的嗎？
下下要千零蚊既裝備上去有點兒矛盾嗎？？
好值得探討！

正式天黑，本來開始煮飯同起營，
但係突然發生左件大事！(是有趣定奇怪呢~~)
有人既耳仔被一隻「不明飛行昆蟲」鑽進耳朵裡！
導致有組員要去睇急症！
咁就暫時少左兩位幫手了！
無法子，
我們也要開始分頭行事！
目標時間係10點！

今次食既晚餐算是豐富的了！
有機扒、機翼、臘味飯、火腿煎蛋加腸仔、生菜還有紅湯！
算是十分豐富的呢！^^
煮左好耐，食得好快，
大家也非常團結，
只是比較煮得慢呢。^^

開始學繩結~~
因為以前展翅學過o麗~~所以都無乜點留心，
只學多了接繩結同稱人結既同別人打既方式，
個幾種常用繩結已經是熟能生巧了。

下一部份就是期待以久的night walk~~
行山癮發作啦！
黑仔的組員返來了就剛剛要出發，
真黑仔~~~乜都黑仔D羅~~^^
好耐無一大班咁去行山了，對上的也好像是很久的事......

今次既夜行，
自己都行得非常開心！
大伙兒柴娃娃的，
有講有笑！^^
好有fun camp feel！
還有一種說不出的愉快感覺！
大家又好認真去擇路，
下下都10零20分鐘呢！
之後呀sir又俾左D危機情景，
又帶給我那種緊張刺激的feel呢！
雖然是短程，但是也十分正斗呢！^o^V

現在也接近零晨3點了。

>>May 24, 2004 at 5:22:57 PM GMT+8

2004 年 5 月 20 日 星期四 【晴】

今日又要返三節！
為左個山藝就要捱下！

今早好好奇見到老爸無返工煮緊早餐，
不過都無時間食~~~
數下數下已經成10幾日無返屋企食過晚飯~~~
看來要星期日先有lu~~~
我會盡量陪屋企人多D~~~
開始覺得自己重中心多過屋企！
唔..........諗起Tony講個句：要係時候試多D新環境~~~~~

返到去幫他人畫畫，
畫畫下畫上癮！
想幫YA整番隻吉祥物添！(不過我地又無出刊物...想攪下出書)

下午，
閃左去「自閉」！
不能逗太耐那個房間。
想著想著點樣去幫我的組員...
突然聽呀權講左句，
唔理咁多，捉佢入黎傾下~~~~(別人所謂的「照肺」？)
想坦誠面對~~~
講左好多，聽番唔多~~(果然係咁^^)
不過都聽到你既聲音，
希望你明白，
如你信任我所說的又會去實行的話，必有所獲！！^^
我們的所言所行，不要對他人說呢~~^^

分享完，總算舒服了不少！^^
還有數個月的時光，就讓我昔目以待呢。

>>May 21, 2004 at 7:03:57 PM GMT+8

2004 年 5 月 19 日 星期三 【雷雨】

<-- 其實唔係好鐘意用「唔開心」既樣~~~

我喜歡開開心心的。

今早七點幾先抱頭大睡，
下午1點半才起身~~~
遲硬到！請C.L遲半個鐘去食埋個下午茶先返工~~(有C.L真好^^)

返到去，
讀書黨又出現~~~
依幾日已經諗緊個組仲乜事，
往日那種熱誠........無o麗.......
突然間爆發下怪情緒！！
攪到大家好無奈~~~
可是...我是認真的！
好難面對佢地既「傻笑樣」...(重申一次我是認真的！)
別人所謂的他們被我趕左落去~~

發覺近日不斷攪出左好多負面野出黎！
有點不好意思，就落去睇左陣~~~
點知走左後發生左D事羅~~~

返到黎，
輪到別人發怪情緒~~~
看來我們小組要改名「情緒戰隊」！
開始沒有了那種真誠溝通。
發覺佢地個款日漸「得人驚」！-_-"
好可怕！

>>May 21, 2004 at 6:42:13 PM GMT+8

2004 年 5 月 18 日 星期二 【晴】

昨天晚上，
收到一友人邀請，
近排大伙兒見面少了，
也覺得應該聚一聚去玩下呢。
就這樣要去調下更，請下假咁~~~

6點~~
同「權偉暴」一齊出，
順道約埋小強去買行山用品，
不過那時還擔心之後一唔一齊JOIN的問題~~
我發覺這樣的組合是要「小心處理」的。
嘻嘻哈哈咁就到旺角去。(90度角~~haha)

計劃去買禮物先~~~
發現原來無公仔再出，唯有買其他~~
自己想計劃買D得意D有意義D既禮物~~
不過未有時間買，日後要去搵搵呢~~(之前也欠上好幾個人的禮物 ^^" )
去信和，
我就同小強去買埋要買既野先。

行左幾間，
又格下價，
行行山鋪有種「好pro」既感覺！(傻左！)
之後遇到Gary同高佬，
咁就順便會番大隊。

去食野，又羅唔定主意，
停頓左一段時間，俾Tony講一講又好快決定到！
入「華香雞」食個「4+4」八人餐！^^
一路睇人串人同被串，又傾下D 工作野~~~
Tony用「有趣」的詞語形容我們小組，
認同！不過同樣有難度！
我會用「海洋」這詞語形容我們~~
海洋，它很平靜，也很深奧。
「水能載舟亦能翻舟」
可以有「水龍捲」、「水旋渦」、「水浪潮」等等，
常常可以是打在一起或是個別出現，
也叫我煩撼不已，也叫人興奮莫名~~~
看過一本書，
「學習和難纏的人相處」~~~
沒錯，你們是很難纏！也很麻煩！(我就是個愛平穩得過份的人！)
可是，
這就是我所需要學習的地方，也即是你們！
而海洋麻~~~~
就是一個藏著很多未開拓的至寶！
象徵著很多不同的學習，
也就是我要跳出安舒區的地方。
而進步...也是由此起。
一個充滿「情緒主義」的小組，
自己也嘗試爆發了很多隱藏起來的古怪情緒！
可過...常常好像會一發不可失拾的樣子。
但終有一日當你們信任我的時候就會明白。
好！繼續食飯！

去唱K，
我就同小強行開左陣，
要陪佢去買衫，
買左D 10零蚊短袖，當街坊裝著都得既~~
之後就到波鞋街行下，
佢買左件風褸，我就揀左件透氣短袖。
之後先再會大隊們。

去到Neway~~
間房細到.......好唔掂......
唱得歌黎大圍又傾唔到計，
好似坐左係「獨島」位......
大家不斷表演颱風！
大家都唔錯呢！

到12點~~~
Tony突然點左首「聖誕倒數歌」！
用星星棒當吹蠟燭！
兒戲得黎也算得上是別具心意吧~~^^
又唱下D兒歌助興！好攪野！

到左4月20日既2點幾，
部份人就走左去，
自己就選擇繼續落去，唔想掃興呢~~
唱下唱下都悶悶地，咁就攪下笑一齊唱老歌！
Tony D年代果然.....呵，
黑仔就整曲「萬水千出縱橫」！
就係咁繼續餘下的時間，
去到差唔多6點就結束了。
返到去就抱頭大睡！

今次活動也算是很開心！！如果明天大家放假既話仲開心！！^^
同依個組合出去玩，感覺到好似總是常隱藏著什麼什麼似的，
會有種唔舒服感覺...
D關係問題都好複雜...
是我想得太多？

>>May 21, 2004 at 4:12:02 AM GMT+8