2004 年 8 月 3 日 星期二 【綿綿細雨】

今天~~~
又係放o麗幅心機去整網頁！
不過早上同下午都要做outing，
所以都唔可以係office偷雞，
而且係帶一班小朋友去郊外！
對成日，有排辛苦~~haha

六點放工，
飯都無食博老命整框網~~
導師團那個...灰了。
餘下暴龍自己奮力製作~~
幸好今日office得SuSu一個~~~
開o麗幾部機一邊PhotoImpact一邊Dw MX，
整到夜晚點幾都係整唔o麗~~~
最後就幫暴暴整埋段片加cut歌，
佢個邊就完成o麗！
我那個...遲一日羅~~
預設又好點都好已經不再理會了。
肚餓難耐...頂唔住先走人。

>>August 7, 2004 at 4:56:28 AM GMT+8

2004 年 8 月 2 日 星期一 【晴】

早上，
YA要開大會，
所以不能和「框」人去影相~~
而此時她們那一邊也出現了一些無奈的情況~~~
不過我幫唔到手呀...
無辦法呢。

近排好多「死線日子」要衝~~~
今日就要發左癲做網頁！！
要做「框框」加導師團~~~
導師團那一個也是看到「應該」不會有人做~~
所以就同暴暴認投左設計~~
因為諗起就算遲早做所謂的「預設頁」也是我們Dise 2,3人做，
所以諗住可以遲少少先交~~~
有心會做都唔想哩個團既網頁無人理，
講真自己都有擺幅心去導師團度呀。

今天晚上在office裡面，
聽到一段說話，
第一個feel就是出情緒！！
講到要跟死線做人，
做唔起就做唔起，
立刻想起自己認投整這一個從沒有人認投會做的工作，
昨天還用6個鐘頭的時間去設計第一、二頁，
難道我不是有心機想去做起這一個網頁？

我明白如果處理不易會引起不公平情況~~~
但那一刻實在..........
即刻無心機再做...........
好明白自己個刻既直接反應...果然係第九型~~
算了...算了...
唔想詳細去講哩件事了...

>>August 7, 2004 at 4:42:12 AM GMT+8

2004 年 7 月 31 日 星期六 【清涼】

一個「超級」無風和有日麗的日子！
萬里無雲一片天！！
今天卻是我協助帶登山的日子！！
擔心的就只怕參加者中暑！
昨天也特登溫下本急救手冊！
畢竟也只得我有「急救證書」呢！

今天行麥徑既後半的「第一段」及前半的「第二段」！
會經過西灣，X田灣，到赤徑終點，
雖然是職員身份，
但自己還是用平常的那一套去做~~
要感受多一點呢。

............

>>August 7, 2004 at 2:00:59 PM GMT+8

2004 年 7 月 29 日 星期四 【綿綿細雨】

《四個人的會議》

看見有組員開始「動起來」~~~
突有種「老懷安慰」的感覺呢。

「一夫當關」的生活太苦了......
我需要援軍呢。

>>August 7, 2004 at 1:53:14 PM GMT+8

2004 年 7 月 24 日 星期六 【晴】

今天呢~~~~
我們相約了去書展呢！！
同呀偉暴龍呀奇佢地去呢。

入到去，
好快的，我就同佢地失散了~~
就這樣得我、嘉豪同呀權自己慢慢行~~~
我哩d人係個隻「檔檔都及一餐」既人呢~~~
不過佢地就好似係「巡視業務」咁~~~
我地行左一半hall佢地就上去第二層，
我地行完第一個hall佢地已經行o麗！
咁佢地就唯有先返去買野~~
無計啦，今晚要預備煮飯仔呀麻~~^^

行到6點幾先走~~
返到去暴龍度都9點~~
好彩佢地仲煮緊o者，
幾驚食唔到呀！
約左波子頭呀珠，
本來以為呀珠好勁煮野啦，
點知最後都係要呀奇親自操刀！
不過都係分工合作o者~~^^
食過晚飯後就係當然玩下D家庭Game啦！！^^

>>August 2, 2004 at 6:53:13 AM GMT+8

2004 年 7 月 23 日 星期五 【晴】

今天~~~
參加了隔離team既活動--「參觀米埔」
又要分清參加者同YA既身份了~~~
基本上分唔分都係咁，
我自己係轉左個角度睇自己既身份~~
可別人又不一定這樣睇呢。
拉埋豪仔華仔去~~
一大早起身就返中心啦。

到左中心，
見到D以前接觸既學員，
同埋三個FSC既YA~~
等左陣就出發啦。

今次係第一次去米埔~~
一早就已經諗過要去一去，
可惜一直也沒有機會，
現在可就圓了我這一個心呢。

到左接待中心，
早左成45分鐘！無奈啦~~
咁就自己去周圍行下。
又可以接觸鄉郭境地~~
心情可舒暢一番了。

返到去~~
會了兩位年輕的導師，
講解片刻就出發了。
一開始學習一下使用望遠鏡~~
沿住一個又一個的人工池，
見到D小白鷺呀...池鷺呀...
好快就到了米埔自然保護區的入口了。
相比想像之中，米埔原來是這樣平凡等簡樸呢。
一條林蔭小路，
左邊的是無際的天空、河道、池塘~~
右邊的是叢林雜草，沒甚特色~~
可是到了位於右邊的觀鳥屋，
這邊的藍天可比左邊更是精彩呢！！
一個小平原接著一堆水生雜草，
草草綠綠之中卻可以看見一處一處的白點，
溫文幽雅的白鷺，其白色的姿態已吸引大伙兒的目光~~
還有那數隻閒情遊戲的鴨子，
不知道牠是從那來到此地呢~~
正計劃飛向北半球嗎？^^
雖然我們選擇觀鳥的時候不是太適合~~
但這樣卻叫我能「有必要」的再來一會呢。
就這樣去到了「米埔自然教育中心」，
嚐一嚐這兒道地的花蜜飲料，
歇一歇腳，保充體力。

之後去左一個湖仔，
中間立著一座橋~~~
然而...這兒的水真的清晰到底！
雖然不是太深，
但構成的就是一幅清晰的藍色的圖畫！！
到此刻自己還在緬懷著那兒的境色呢！
再走左紅樹林區~~
因為要趕路所以都沒有去留意太多，
有點可惜呢。^^"
行了一整個早上，
大伙兒也累了，
就這樣睡著去了。

回到中心，
等待等待的就是為了一個切蛋糕時刻，
都有點無奈...好像被夾硬捲入這個時刻裡...
算了算了。

之後一大班人合照留念，
有人要求要特別企我隔離到獨合照，
Anyway我是開心有人欣賞自己呢~~^^
並無甚麼特別意思呢~~haha~~^^
不過呢，也真的有些唐突feel呢。
真高興呢今天~~^o^

>>August 2, 2004 at 6:32:34 AM GMT+8

2004 年 7 月 19 日 星期一 【炎熱】

今天~~~
晨早唔知醒呢！
無計~~
琴晚4點幾先訓！
請左個Comp.L~~返下午。
因為突然心血來潮想寫下D感受落「那封信」裡面~~
所以本來還是決定不了是否返工的也選擇了留在家裡，
完成埋依幅「給她的信」。

返到中心~~
今日係落去玩紙黏土遊戲~~
落到去見到無房用，
其實我有D怨佢地成日唔去自覺book 房，
之後話要轉活動~~~
第一個感覺當然係「有無攪錯」呀！
不過當然「心裡個句」同「面個句」係唔同啦！
聽左佢地既想法，
好一句：「危機處理」呢~~~
我都好跟佢地既意願及決定，
在這些時刻我會表現得沒有太多主見的~~
做下牆頭草咁啦。^^
轉左做玩棋棋。
之後Carmen黎到~~
就傾好左可以用禮堂用到4點9左右~~
唔~~~~又是一個值得反思的情景呢。=.=”

玩到五點島~~~
急急腳返上去，
製作我既「心思物」！
周圍搵顏色筆同較剪膠水就動工！！
果然~~~用手寫會充滿感情D。^^

等到七點半~~
好彩小強都打黎聯絡下我地~~
唔係都真係唔知佢會唔會買個樣野羅。
等到八點~~
佢地就入去開下組先，
我就還要去傾下工作野先~~
之後又入左去聽呀聰個簡介會~~
又男又女，今次行山應該幾有趣呢。
到九點正式入去17框框組~~
原來都未開始傾！？
玩緊幅唔知乜牌~~
做乜事幹呢？？唔理咁多~~

過了一會，嘉祺入到黎開組了！
講左一陣野之後就有個小休~~
機會來了！！
用最快速度預備慶祝我們小組的媽咪「嘉祺」生日！！
雖然不能在正日慶祝~~~
但係大家今天也特地預了時間過來！
令這個平凡的日子變不平凡！^^
準備好！衝呀！！
Happy Birthday to Kylie~~~~^^
可能正正是預祝的日子，
所以也來得讓她特別驚喜！
(而且她不知道我們會知道她的生日吧~~haha)
唔~~~許了一個「很長」的願望~~
開了她平生第一支香濱！！
之後就輪住拆每個人既禮物！！
見到嘉祺真係好驚訝我地會幫佢預祝生日！
我地都好開心！！^o^
用了這麼多心血陪伴我們小組成長~~
區區一兩次的慶祝我們還略嫌不足夠呢！^^

巧合地聽聞到你既生日之後~~
已經密切找人再確認加四散消息去框框組隊們~~
知道了點那一天也已經想到要買這一套公仔！
去Camp個日聽到你講話想買我都已經怕你買左~~haha
不過好彩能等待到今天呢~^~^
看著你一份一份的拆開禮物…拆開D豬豬~~
D禮物都好有特色呢~~
在家踢拖會諗起So Ho小強~~
聽手提會諗起波子頭~~
祈禱時會諗到農場的禮物~~
寫筆記、入相落相簿會諗起怪獸~~
坐上書桌會見到一排的公仔~~諗起海龜Pizzic既呀輝~~
還有我張用心用力寫既「分享卡」呢~~^^
感覺到此刻大家也很有溫暖的感覺~~
果然，因為有你，令這小組變得充滿感情呢。

而之後的時間~~也很難落實計劃到什麼出來~~
草草地訂了一些活動及計劃日子~~
嘻嘻~~今個暑假多精彩了~~^^”
將會有十分之多的時間出現係中心！
雖然工作是這樣的迫到埋身~~
不過呢~~總會有辦法吧。
我要學習「從容工作」呢。

>>July 27, 2004 at 5:58:23 PM GMT+8

2004 年 7 月 12 日 星期一 【綿綿細雨】

現在已經夜深了~~
我們還正藏在房間傾計呢~~~
又傾下又玩下啤牌咁~~
其實想傾下正經野的，
又或是談談心事吧~~
可也不是那個氣氛能談那些~~
管它了。

部份人去沖涼~~
無端端來了隻「不速之客」---黑蜂一隻！
還藏在沖涼室呢！！
當然小強一見到都會去「KO」佢啦！
大戰三個回合終於勝出！
第一回合---拖鞋一隻！(失敗)
第二回合---暗器「清新止汗劑」勁射！(減慢佢速度！)
第三回合---不用3秒就KO！
個過程好似成班小朋友又驚又要玩跳樓機咁！^^

So Ho沖完~~
就玩下波子頭！
俾佢試下我地既「奪命香雞腿」！！
有咸有唔咸任佢揀！(話說我未沖涼而So Ho就沖左！) hahaha
拍下D攪笑版欺凌片後就訓啦。
平平淡淡的渡過了這個夜晚。
Z...Z..........z.........ZZ...zzz............

早上起身~~
男孩子當然會遲D起身啦！
難得怪獸會煮野食！
幾歹都訓多陣等食啦~~haha
食完無耐好快就要收拾細軟
要告別這個營地了，
臨走前幫下手剪下草之後就正式離開了。

鋪一出到去，
已經見到這裡盡是遊客，
大佛就在我們的左手邊呢~~
這樣，倒沒有理由不去參觀一番吧。
百零二百級樓梯~~~
一路行一路影風景又影大佛~~
再入到去大佛內看看那些展品~~
都真係...唔多領會到D乜意思呢，
行多陣就走人。
原來上去都係有少少為左可以企高D影多D景o者~~~^^

之後就要去大澳睇下「大澳的天空」啦！
會開心去到既時候雨過天晴！！

>>July 28, 2004 at 7:14:06 AM GMT+8

2004 年 7 月 11 日 星期日 【微冷】

今天~~~
是我的第二天假期！！
昨天行完山~~~
整個人也鬆馳o麗！！
而今天~~
就是我們「跳出框框義工小組」的合家歡開心快樂Camp！！^^
今次選擇的地點是大嶼山的青年旅舍~~
一來對大嶼山認識不多，二來想去D新D既營地~~
所以就選擇了「昂平青年旅舍」。

早上~~9點多就起身了~~
我們決定了在早上先到大嶼山的梅窩逛逛~~
好開心今次個Camp大家都可以無乜顧慮咁去！
最唔請到假個D都請到！！
今次真係神蹟啦~~hahaha

到大埔~~
一齊A42直到東涌！
到左東涌join埋農場就出發梅窩！
好高興聽見農場佢報告佢既成績~~也不過不失呢~~~
唔~~~總算一個好消息呢！
出發！！梅窩。

搖呀搖~~~搖到去梅窩，
加埋坐車坐左成2個鐘~~~
精神都變疲累！
落車啦~~~
第一次黎依度~~~
感覺麻...不太有鄉村FEEL呢~~
有麥記有百佳有惠康，
典型景點一個羅。
食完野之後~~
行左去「銀礦灣沙灘」！！
本來都想游水！！
不過其他人都無乜興致就都無落到~~
咁我地就係沙灘寫下大字呀~~
玩下波子頭咁羅~~hahha
畫左好多代表組員們既公仔！
寫左好多個「跳出框框」羅！
影下相~~踢下沙，
等埋嘉祺返黎，就去左行下。

慢步地去遊覽下梅窩既村屋區~~
幾有舊村既氣息！！
又見到D家貓呀...村叔村呀嬸咁羅~~
同大伙兒一路有講有笑~~~
行呀行，行呀行~~
穿「村」過「戶」~~
係無乜時間之下行左一陣就要返去趕巴士~~~
買埋今晚BBQ食既野~~
係慳D唔慳D既情況底下買，都幾豐富咁啦。
之後就等我地要往「昂平」既巴士lu。

又一程車之後~~(今日共乘了三程延長途既車呢~~^^" )
到達昂平！
鋪落車就見到那一座天壇大佛！
明天我們就會出發遊覽呢。
我們抄了旁邊的小路進入，
愈行愈入咁終於都到達這位於深山偏處的營舍~~
感覺是非常與世隔絕的感覺呢~~^^
不過真的很清靜的~~~
除我們外就只有一個迷之外國人?一起住。
安頓過後，立刻進行BBQ之夜！

講到起爐，
本來小強想不用一報一紙就起到，
最後麻~~~當然是要用報紙猛火去起啦。
一路燒~~~一路入夜~~
四周也變得十分寧靜~~~
我們只要稍稍大聲說話也非常應聲呢！

燒到天全黑後~~
嘉祺開始帶出話題~~
問下各人3號4號那天的感想~~~
各人也只是輕輕訴說少許欣賞當天的地方~~
之後就問下大家關於得獎的事宜~~
問下佢地覺得為何會得獎~~~
亦都講番點解會頌這個獎~~
原來都有一段故呢。
而我麻？？我只是說聲「我不想讚我自己」就算~~
我內心是知道什麼原因的，嘉祺也直說知道我明白的。
再討討TPIT的未來...
義工小組的系統會從新調整~~
又有部份小組也可能會離開，
而很多時也是靠著社工們去維持著...
所以會有「社工走義工走」的情況~~
而我們，可還算有嘉祺的陪同吧~~~
但是...我們也有權利選擇繼續行定唔行~~
So ho波子佢地第一時間說「沒有理由要離開」~~
一個令我有種怪感覺的答案~~
也是一個不能令我放心的答案。
我說：「同以前Kenneth離組個時，講繼唔繼續既答案一樣」。
即是什麼？？不知你們記不記得了。
繼續談天說地多一會兒~~
又講下信仰~~知道嘉祺剛剛決左志~~~
很替她高興呢~~^^
選一條路很難，行著那條路做決擇的更難~~
我會行那段路嗎~~^^
總有一天吧。
之後再黎就是一場大雨降臨！
迫得我難得引到隻貓貓過黎我度先落！
不過都好~~由這個大自然幫我地整熄個爐~~
咁我地唯有好開心咁係飯堂食湯丸啦。^^
之後餘興節目就係返房玩lu。

>>July 24, 2004 at 4:32:43 PM GMT+8

2004 年 7 月 10 日 星期六 【微雨】

又行山啦又行山啦！！
今天去左參加呀聰攪既行山活動，
幫助完成埋佢既活動啦~~^^
咁就拉埋呀權去行。

一大早起身~~~
急急腳咁去執野~~出發！！
去到~~~見到呀明同肥珠~~
之後再等埋Cathy~~上車！！
唔~~~依個組合都唔錯~~
我發覺自己好怕成班男仔去行~~~
個種感覺只係得個「行」字~~
有D女孩子係度個感覺好好多~~令到它變成一個「樂趣」。
有種「這樣才是行山」的感覺呢。^^

落車~~轉96R~~
去到一個上坡位，
部車個車軚居然甩出黎！！
落車見到個內軚熱到溶溶地！！
又俾我地發覺坐係該軚上的是「麒麟」Cathy！！
俾我地笑佢麒麟既一個「氣息」就可以溶左條軚！！
命名為「麟之吐息」！！^o^

去達北潭凹~~
嘩~~~~都好o麗下！！
準備好裝備！！出發！！
終於又行山啦！！好開心！！
好高興自己好這樣喜歡去行山，
喜歡接觸大自然！！
在香港~~這種活動還未能像外國那樣普及，
常常聽人說利用大自然教育~~
但這項工你還正在萌芽中，
香港人~~真的要努力了！！

今天，我們由北潭凹出發~~
由牛耳石山上，再到墇上！
這就是我們初步首要完成的路段了。
一開始會辛苦~~~勁上樓梯！！
但係大家都好努力呀！！
由其D麟麒類既肥珠同Cathy呀！！^^
早有準備~~~帶備了兩張卡加兩舊電池！！
我既行山必備物！！haha

上樓梯，到牛耳，
好輕鬆咁就到達了墇上~~
雖然今日時而陰雲，時而出太陽~~
但係好彩都未落雨~~
今天的我不想它下雨呢~~^^
嘆埋個山水豆腐花先。

決定去埋畫眉山先！！
之後再決定去邊~~
最深刻係去到一個山脊位~~
看著個天又藍色轉黑色！！
前面不遠處看著一陣強風吹過！！
清楚見到個陣空氣流動既情景！！
之後仲大大滴咁「打」D雨水落黎！
真係有D勁度咁打！
我地成班開o麗雨傘聚起來擋雨~~
過了幾分鐘後~~~
突然轉落毛毛雨~~
黑色的天空轉番做藍天白雲~~
還比剛剛的「藍」更「藍」！
陣風都無左~~~
好驚訝大自然既威力！！
而且還能讓我參與其中！！
好感動！^^

見番雷打石山~~~
大家都不禁為它傾談一番~~
想起以前大家初試牛刀就挑戰這座山頭~~
個種驚嚇既情景至今還歷歷在目呢~~^^
好，去到佢既山腳位~~
大家就在決定繼續去定離開~~~
女孩子們也選擇繼續挑戰呢！！
加油呀！！^^
我自己當然不放過這個機會啦！！
往雞公山出發！！

一黎又係不斷咁上，
肥珠都走到面紅耳赤！！
好彩我地咁慢慢行，不斷的休息~~~
終於都捱到上雞公山頭！！
發覺條煙筒爛左喎~~hahah
好！落山！
大家都急不及待咁行得快左~~~
呀聰呀明就開心到跑住咁落！！
令到呀珠Cathy都要跑下跑下呢！^^
輕輕鬆鬆咁，
完成埋最後既路段呢。^^

完成了一天的路程~~~
去「小巴黎」食個下午茶獎勵下自己先！^o^

>>July 19, 2004 at 4:33:46 AM GMT+8