2004 年 4 月 24 日 星期六 【微雨】

今天約了權權他們去踩單車，
目標地點：「大尾督新娘照鏡」

同呀偉踩去大埔，
佢新車落地，即刻破財！
維修費都只係要$100蚊~~haha ^o^

一路踩一路傾下朋友、八下人、講下電腦咁，
一個鐘後剛好到大埔會合呀權。
我們最終也是得三個人呢。
人少少不等於唔好呢。
過去食過麵，買下D少食，就出發去大尾督了。

往大尾督的道路，還是這樣爛爛的，
也算有很多人呢。
到左大尾督更是迫得密麻麻的，
勁多「家庭裝」迫住迫住！
好不容易才上到去水壩呢！
開餐了。

巧合地選了一個正位！^^
D人過到黎都總要慢下來的，
因為有個「膀」係度，
咁我地就望得清楚D羅~~呵呵，
D人都成人望住我地.......D野食，
我地唔係個D流動小食當呢。

望番我以前同fd行過既「船灣環湖行」既山路~~~
我們的第一次組隊自己fd咁行，
好懷念呢~~
可惜都至今還未成隊去我們的第二次呢。

之後我們踩到盡頭，
原來封左山路個條路呢，
咁就轉頭決定踩去新娘潭了。

往新娘潭的道路，
一開始是一個超超超超斜的大斜坡，
努力了一下子，
終於......還是落車推車羅.....

上到去見到一男一女，
佢地兩個人一架單車，
男的載女的，
看見女的正在不忿發脾氣唔再去，
可能見到之後既路都係車路危險掛~~
個男既就不斷摧促佢「去啦去啦」咁，
好像要罵到更利害似的。
我們一行人看上了，
也覺得男方不體諒女方的，
「企」也是很辛苦的，
要人陪你去郊外就應該要因著女方的能力吧，
但是我們唔知背後發生過乜野就不好妄下判斷了。
不過這刻我只是覺得他們難得可以一齊去郊外親接觸大自然，
就不要這樣帶著脾氣來吧，大自然是不鐘意這樣的。
唔.........自己都有個期望，
希望可以搵到一個會陪我去尋幽探勝的另一半，
常常在班fd面前說搵女朋友如果似招職的，
我會列多一「喜好大自然者優先」！
這個是我少少的希望呢。^^

連推帶踩~~都好快就去到入口啦！
開始我既影相大行動！！
我發覺自己真係好鐘意影相！
想做下業餘專業攝影師！^^
自我增值的其中一個目標「學攝影」！^o^V

去到新娘潭頂既位置，
去咁多次終於搵到個入口！
不過只是頂部！
望向遠方既景觀~~~影相癮又出黎啦！！
在此幫呀權影左幾張正既靚靚寫真呢！
可以出寫真同寄Demo去英皇啦！哈哈~~~
我都好滿意自己既作品！^^

之後再去照鏡潭，
係例牌位置又要影一影先！
今次我地仲一齊行去再近瀑布D既位置！
又影左part又攪笑又正既相！haha
就這樣結束了今天的旅程！
好彩呀權呀偉都鐘意影相！
影左好多「我既朋友」既相呢！
我的希望是獵低所有的珍貴時刻及我生命中的每一位好朋友！
日後可以分享俾我既仔仔女女到老婆，到臨老時就又可以o羅出黎緬懷一番~~~~
唔~~~~~~~~好舒暢的感覺呢~~~~~~唔~~~~~

>>April 29, 2004 at 2:31:29 PM GMT+8

2004 年 4 月 23 日 星期五 【微冷】

工作~~~
開始變得不能從容面對，
成日期望組員可以快D上軌道，
有希望也有失望，
巧合地我的組員也是一些講笑與認真並重的人，
在我不想講笑的時候講笑實在教我要學習忍耐！

當那些場面不是我預期所想的發展往往會令我心煩，
這就是我的缺點，
這頭叫人從容不迫，這是我導師及義工所學到的態度，
那邊廂卻叫人心煩，這是我的壞習慣。
近排又開始腦袋不靈光了，
要去「重新整理」。

近排好積極咁搵工搵進修！
總之就係想搵野學下報下！
先前約過人要學日文+普通話，
報明愛都要$400一科~~~
去音樂農莊教室見到個「超易自彈唱夏威夷小結他」~~區端強教！$750！
好想學下音樂自娛輕鬆。
係中心報山藝二級，
期待左好耐！$660
看見專修，
有幾個歷奇課程，
又有興趣~~~$600
不過唔知學黎有無用。
諗緊要用d乜方法去選擇報讀課程，只是怕學無所用。

想出糧DIY部新腦~~又二千幾~~~
又想買D新衫，
又想儲備起黎去玩去過日子~~
如何是好呢？？

>>April 24, 2004 at 2:06:54 PM GMT+8

2004 年 4 月 11 日 星期日 【晴】

早上返工~~~
不太專注的樣子~~~
只想著之後去什麼地方遊玩。

難得的復活節就不要浪費吧。
約了踩單車。

下午，
飛趕去上水中心看一些舞台節目，
節目吸引之處不在乎節目內容之上，
只是去看近排迷上的一個偶像「fiona薛凱琪」！
去看看她可愛的樣子~~~
可我不是「瘋狂」的歌迷呢~~^o^
及後就約埋呀偉、景華向大埔出發。
景華呀偉他們傾得十分投緣呢。

花了1個鐘左右就到大埔，
會埋呀權呀奇就去食野，
之後就是大埔一日遊！
去了很多屋苑打後的地方~~~
除左上山路呢~~~

最後就係踩去海濱公園，
輕輕鬆鬆的閒聊到日落~~
唔~~~很久也沒有這樣觀賞黃昏了。

去暴暴屋企，
一大班「歐巴桑」上去佢個「閨房」，
上去集體食燒味飯！！
一大班人嘻嘻哈哈，
滿有一家人的感覺呢！5個呀哥！
問左佢一個問題：「D人通常點稱呼你呀爸的？」
佢答：「D人通常都叫呀爸」！
呀爸！呀爸！
人地突然多左五個仔羅！！
真係開心都黎唔切啦！^^
走既時候見到世伯，
我就攪笑咁叫左句：「走啦爸」！
又是嘻嘻哈哈~~^^
之後就去左食「狂水」再走人。

「走樣」，
咁粉人們就踩單車番粉粉啦。

一個電話，被人話「無交帶」，
近排都成日刻意地這樣做，
唔係好想成日打電話講到足，好煩人，
成日好似要匯報俾人聽我既行跡~~
我這個「只顧自己」的壞習慣又來了，
嚴格來說也是我自己的「自我防護」。

>>April 24, 2004 at 1:13:42 PM GMT+8

2004 年 4 月 10 日 星期六 【晴】

遲到了~~~
發覺近排不論返工定出街都好易遲到~~~
以後要keep準少少啦~~~^o^

約左權權佢地去睇「受難曲」，
一部甚有名氣的劇曲，
想去看看如何的震撼。

去又一城既唔知乜戲院~~
入到去，D坐位好正呢！！
之後就培養好個心去睇哩一部戲了。

講述耶穌被捕後至到被釘上十字架~~~
果然是非常血腥~~
但欣賞的不是這個部份，
「不是血腥，是寬恕」
報紙上形容它的標句，
在我看來，
結束後也不知道是什麼回事，
震撼還震撼；真實還真實，
但我常問自己「這又如何？」，
對於這個聖經的故事(或是真實史)，
你說我不相信又唔係，相信又唔係，
我會用「覺得有」這去形容我的心態，
正如我覺得有外星人、UFO、靈魂、神仙等~~
全宇宙銀河系之大，無其不有，
有人常常說有鬼，那我也會相信有神，
我記得有個傳教的說過：「就算神降臨在你面前，不相信神的也會有籍口。」
還會聽過有人或熟識的人說過他從神的指引上得到很多答案，
巧合之處往往令人驚嘆！
我也會覺得非常驚嘆！
既然你認為神可以幫助到你，令你心靈、生活上更加美好，
這樣便可了。
我也覺得非常好呢，
我只覺得如果神是導人向善的便很好很好了。
但是...我不認為「相信有」等同於要入教呢~~~
至少起碼現在我覺得可以便是了。

說了太多連自己也太明白的說話呢。

>>April 24, 2004 at 12:51:35 PM GMT+8

2004 年 4 月 9 日 星期五 【晴】

假期~~~
很想出去遊動遊動的~~~
今天朋友們也很多要返工呢~~~
天朗氣清的.....腳痕痕呢.....haha

決定了，
今天要遊一遊元朗呢！！
一個人既旅程~~~很是享受的。

帶埋相機看看有沒有用武之地，
選擇去乘76K去，慢慢咁去，
係車上見到個差不多大的女仔，
又想起自己這個「自由之身呢~~」~~haha
拿起相機，影下這籃天白雲呢。

去到元朗，看見商場裡還真的有很多人呢！！
果然是個別樹一格的小王國。
經過大街小路，到過很多不熟識的商場、店鋪，
好像在人生歷奇呢。
完全估不到下一步會見到什麼、遇著什麼，
縱橫交錯的亂走著，
幸好是一個人來才這樣feel呢~~
希望日後「那個人」也會喜歡陪我這樣漫無目的的亂走著~~^^

同班舊fd行街~~
總會是有目的的，甚至會是「趕去」似的去每一個熟識的地點，
睇Game、打機、玩具精品、漫畫等~~~
從不會抄不熟識的路去，時間很保貴。
所以每一次出去都是這裡、那裡的。
有時也很沉悶的呢，現在我會喜愛行多一些不熟識的路呢。

同義工那班朋友行街~~
感覺會新鮮多D，可能因為行既地方同另一班fd唔多類同所以新鮮D掛。
不過真係似行街既~~~^^
會成日無乜方向去邊都得
因為個個都無乜所謂羅~~但係真係成日都無乜所謂咁羅~~haha

到了一個人行既時候~~~
感覺當然會是隨心所欲呢~~
自己要無聊，要有聊，要大道還是要小路，
也是自己選擇的，
得到的是自己，分享的也只會是自己，
全程只會同「自己」說話吧。^^
也會是有好處有壞處的。
不過這些時候絕對是我的「心靈雞湯」的時候~~~
「自我重組」一番呢。
(還未試過一個人去睇戲呢。^^)

以上的幾種情況~~~
我也會鐘意的，
就算出街為的是什麼目的也好，
最重要是同「你們」會有交流，
路是沉悶~~~但「人」是不會沉悶的呢。

「那個人」~~~
總有一天會遇見呢。^o^

>>April 21, 2004 at 5:58:21 AM GMT+8

2004 年 4 月 6 日 星期二 【晴】

今天下午相約了景華呀權去灣仔某地睇職業博覽~~~
經過個多鐘頭的時間先去到目的地點~~~
看見了介紹青見、展翅的攤位，
也看見了很多青年很努力的填寫履歷表~~~
不過總算是一個機會吧。

走著走著，
也不覺得有什麼工作是適合我的，
或是我太少選擇空間呢？？
有時也覺得自己太揀擇的~~~
臨走前還看了一幕ETV才離開呢。

去左188行下，好耐無黎lu~~~
再過旺旺約呀奇一齊返中心上堂！

「九型人格」~~~~
仲於最後一堂了。
在這一堂我也八九成確認了自己是「第九型」的「和平平穩」型！！
之後探討既就係看看wing、觀察朋友及改進自己吧。
不過這一套理論確實可以幫助我去更有效去同人相處~~~~
真的要好好去學習研究這套理念呢。

之後就是「一隊人馬」咁去左食宵夜羅。

>>April 18, 2004 at 5:56:10 PM GMT+8

2004 年 4 月 5 日 星期一 【炎熱】

今天~~~~
算是幾特別咁啦~~~
難得既係暴龍波子頭佢地話要約去食糖水哩！

所以我也特別記得叫埋呀偉一齊黎，
也至少通知佢俾佢選擇下啦。
而且放工時還有位稀客Terry呢~~~

放工去到~~~
呀奇暴龍佢地已經去到等緊~~~
而且講緊個笑話呢！！
當然相關人士唔係暴龍就係ToTo啦~~~
唉~~~
暴龍俾ToTo話「無前途」o羅~~~仲要講三次添！
之後又講下呀權D笑料~~要「直線上升」喎~~呵呵

食完就行左去海濱~~
不過波子頭要走佬~~~
唔知係咪俾暴暴激襯o羅~~
話人地ToTo係廁所羅，話人地「人人都上得」！
幾衰呀~~~

去到廣福暴龍又想走，
返左屋企又番出黎，難耐寂寞掛~^^

到海濱都係傾下笑，講下校園趣事，
之後又講下「好女仔」~~~
傾暴暴D女性朋友~~~
傾下ruby姐........
想起「戀愛最初回」這首歌呢~~~
「讓我想一想」已經「心跳回憶」了，
別了，矣了。

好凍好累~~~
此時的風是特別刺骨的，
像是叫我不要「想得太遠」吧。

歡歡喜喜的，又過了一個「歡樂今宵」呢。

>>April 29, 2004 at 2:34:41 PM GMT+8

2004 年 4 月 4 日 星期日 【陰晴不定】

放工了~~~~~
約了景華小強去踩單車呢！！
飛快地奔馳於吐露港之上，
奈何深夜也已是人跡罕見，
樂趣也隨然減退去吧。

「聞風雲已色不變；聽海音已心獨恬。」
突然想吟一吟詩呢~~~~
不知有無錯處呢~~HAHA
人多，感的是熱鬧氣氛。
人少，感的是自然氣息。
同一天空下，卻可以有兩種不同的感受，
如再加上傍晚景色及暗燈的影照~~~
更能劃出多幾樣色彩的畫面呢！！
相比起那些市區之地果然是有非凡勝人的地方呢！

去到沙田會So Ho，
一同食過飯行過街後便打道回府，
為的是回到粉嶺黎多轉「單車奔走」！
好忙呀好忙呀！！
完全沒有傾離訴的空間呢。

>>April 13, 2004 at 5:44:48 PM GMT+8

2004 年 3 月 31 日 星期三 【陰】

今天，
又開始了我生命中初初第一份工作「青年大使」的延續~~~
本想看看有什麼新火花可以在今年內擦擦看的~~
見到的是5個的舊同事加上我就6個的組合~~~
新的同工就未看見到~~~
真是又有驚又有喜吧.......^^ "

也不會有什麼工作可以做，
所以都是開會開會同開會啦。
一路坐的感覺是很熟識的，但只是要傾既料就是新的~~~
氣氛嗎？
少了一兩個「攪氣氛」的人物自然感覺輕鬆少許吧~~~
探討新活動、更表、互相欣賞及分享，
所有野也是由「零」做起，
這實在是這間中心的好處，
但是我覺得也有好有壞，
且要看看個「人」點去處理吧。

自己也要去摸索新一期的目標吧。

>>April 13, 2004 at 2:17:41 PM GMT+8

2004 年 3 月 30 日 星期二 【微雨】

今天約定了呀權呀偉去唱K~~~
因為大家昨天進行了一場「UNO驚戰夜」，
所以今早也很遲起身呢~~~
早上就約左呀偉一齊出去先，呀權就遲D先黎。

兩個人，無事幹~~
我就提議去太空館睇「珊瑚堡」影像展~~~
好想去好耐啦！
呀偉都肯陪我去悶下~~haha

24蚊，前座~~
個頭都好唔舒服下~~~
不過D景像真係好正！！
那裡果然是我目標決定一生人去一次既地方！！
看著看著突然鉤起我既「生物學家夢」添！！^^
不過呀偉一於好少理，無燈既地方最好訓！^o^

下午，
呀權黎到，Happy Hour~~~
60幾蚊一係Happy羅！！
不過唱下唱下都幾好玩！^^
之後呀奇黎埋~~~就係咁多一個人願意分擔下埋數呢。

去永安揀禮物~~~
呀權句句都話求其，呀奇就話佢無誠意~~haaha
最後都係揀左D「姆明」精品羅~~~

約埋So Ho~~~
一齊五人行~~你串下我我串下你~~~
唔知點解有so ho係度呀權會零舍俾我地串得多喎？？
不過都係「講」下「笑」野o者~~~haha
一齊行左好耐最後都只係求其去左間鋪食麵~~~
好快大家就回家去了。

而我和SO HO就趕多場「粉人單車會」~~~~

近排成日趕兩場FD JOY都一齊幾吃力呢！^^"

>>April 13, 2004 at 5:28:08 PM GMT+8