2004 年 5 月 17 日 星期一 【晴】

今天又返早~~~~
雖然唔係好早，但我依D懶鬼~~~呵呵

今早工作氣氛好嚴肅咁~~~
同組員無乜兩句，見佢狀態欠佳所以無騷擾佢~~
不過有個位自己都俾佢嚇親~~~
個下好突然下~ ^^"

下午就要落GI~~
今次「車人姨姨」都會落去~~~
有D怕怕添~~ ^^"
不過短短個零鐘都學左少少技巧既野~~~
同埋d小朋友都好似變乖左咁~~
幾有趣呢今天。

晚上要開一個久違了的小組！！
跳出框框要開動啦！！
仲欠一個農夫呢~~^^
不過我地都真係好少聚到咁齊~~
近排部份組員開始feel~~~(不過唔代表易約齊呢~~)
一齊去澳門街食野~~~
傾下閒計咁~~
不過唔知點解會成人談論到某人~~
可能大家都識佢啦~~個個都好關心佢~~
放輕鬆啦^^
又傾下成績既野~~~
英文白痴三人組~~哈哈^^
自己都要正視下它了~~~會在下年解決佢？？

返到中心~~~
開開心咁約下我地既小組CAMP！
暫定「昂平」、「望東灣」、「魔星嶺」其中之一！
試一試下大嶼山既風景景致呢！^^
之後開始正經開組！
都擔心過會唔會順利既~~~
不過今日大家好似上身咁！
個個都好專心！「錄音機」都變到「收音機」！
一路由傾服務對象>弱勢社群>新移民>夢想與現實！
最終拍板做一些關於「尋夢」既TOPIC！
對象都係d弱勢社群咁~~~
成過過程都好順利！！^^
仲好快開始諗到：
「攪Camp、拍片、模擬人生、調查、發怖會、出書、經驗人士分享、夢想成真」
等等既程序活動及其少量內容！！
簡直係超級勁！！^^V

其實個Topic也算是由嘉祺提出的，
佢叫我們可以多D由自身經歷去諗下~~
開始講左D學歷、教育、兩失、夢想、現實等等既說話，
唔通佢一早預左做依個Topic！？
之後我同So Ho不以斷講左好多感受同議見，
又攪下笑咁呢！^^
我地攪笑話要做「家庭煮婦」既尋夢！
：「家庭煮婦！！跳出廚房~~~~！！！冼襯！！」
愈講愈有勁！！
初期大家都還是希望做新移民的~~
不過再聽落大家又好受「尋夢」哩個Topic呢~~^^
但是小強還是老樣子似的不在狀態呢.......
終於我們也決定了！！
下次就是預備講下自己對自己既「夢」既感覺。
一切一切也很是順利呢~~~~~~^^
「佢地返黎啦~~~~~~~~」

之後大班人走入辦工室~~~~
聽下個大消息~~~
不過都係攪下笑咁回應~~~
唔知佢地有乜野感覺啦^^
之後既時間就係睇下波子頭點樣俾人串羅~~~
攪笑度係120%羅！！^o^哈哈
最精景係Kenneth個句：「乜重未習慣呀？」！爆笑！！
Tony：「串佢即係代表鐘意佢~~」！爆賤！！^^
今天真係好開心羅！！^o^

>>May 18, 2004 at 6:25:07 PM GMT+8

2004 年 5 月 16 日 星期日 【晴】

今天終於是期待已久既山藝二級訓練！！
我參加係要話比自己D「我要pro D」！
訓練那種「自信心」出黎！
雖然聽落個訓練好恐怖！
但係自己都好興奮！！^^
我定可以衝過挑戰呢！^^V

不過都要用幾多錢！！^^"
可能DIY電腦計劃又要推遲了。
「進修大過天」麻！！

>>May 17, 2004 at 5:07:02 PM GMT+8

2004 年 5 月 15 日 星期六 【微雨】

今天~~~
非常勞累的一天~~~
應該話整個禮拜也廷辛苦！！
變左個工作狂呢！
五、六、日不斷的有活動，有準備活動！
都加班左5、6個鐘~~~
成個禮拜無返過屋企食飯！

在下午~~~
今天有個小手工勞作活動攪~~~
一個人帶住8個小朋友加個嘉榮~~~
過程中自己也開始嘗試用左D正經既語氣~~
所以製作過程都好順利！
不過只係個勞作太難~~~
所以用左好多時間都攪唔好~~

到左之後又要臨急臨忙開第二場~~
隔離就要比賽！！(他們記性真好~~~^^" )
咁就叫嘉榮去幫手~~~嚇到佢個樣呀~~^^
俾多D信心啦！！
咁我就教埋哩一場就完啦！
真的好累呢~~~~

晚上，
要等到8點~~~
不過猶疑緊去唔去，發覺自己還是個定策不了的人，
這不是做大事的人呢~~~~
...決策能力嗎....
向著太和走了一會，
突然思路清明~~~
反方向的走過去了。

服務總結小組~~~
自己未有太大目的會做什麼~~
問我期望也沒有明確思路，
抱著列席既感覺~~~

開會過後，
又是一陣失落的感覺~~
成班人好似呆左一陣子呢~~
不喜歡這種感覺...

之後傻婆黎度~~~
不斷搵野玩~~
又玩下捉人，又玩X手，又玩非洲話事啤~~~
呀豬Cathy就做o麗受難曲！！^o^
玩四鋪輸三鋪！
不過都玩得好開心~~~^^

坐73A同冰、偉~~~
談及了少少YA既野~~~
又是一陣不舒服加灰灰地既感覺~~
唔好話外人、其他義工有眼睇...
YA自己睇YA都好壞參半~~~
又討論TPIT既前景~~~
聽見好多人都會說離開的樣子~~
真是正正考驗緊組既緊韌力同對中心既歸屬感~~~
一輪的人事調動，也好像考驗緊LCM呢。

>>May 17, 2004 at 4:09:30 AM GMT+8

2004 年 5 月 13 日 星期四 【綿綿細雨】

今天~~~
在工作上，開了我們第四次的會議~~~
而今天是街頭探訪~~又星期三調左今日，
因為那一天我們小隊出現了少少問題。
留待今日去開組解決呢。
不過我覺得重點不在於問題本身，
而是我們小隊會去坦白講出黎解決佢~~~
而開心安慰也在於此。^^

回應下日記的問題呢~~~
首先好開心你地會去睇我既日記啦~~^^
網上日記，
不論佢有沒有lock的功能，
我可以公開佢就一定有佢既意思~~
還有，我是不喜歡正面回應我寫在此的說話，
不喜歡回應不是代表怕俾人睇，係兩樣野黎既，
其中原因是在此只是文字上的表達，
同一個詞語你未必可以了解到我所說的意思是表面還是隱面，
所以你所接受到的意思就是你get 到既意思，是什麼就是什麼，
不用向我求證了。
但只希望大家抱著可以在這裡「進一步多認識我」去睇啦~~~^^
如果真係想回應既可以留個言咁啦~~~^^

>>May 17, 2004 at 3:31:16 AM GMT+8

2004 年 5 月 11 日 星期二 【酷熱】

現在是12號2點幾早上的時份~~
很想出一篇感想呢！

昨天晚上，
也八到有些人知道了一些像是「不太開心」的信息呢~~~
而自己還只是在「估下估下」既階段~~~
返到黎睇e mail~~~
真相大白~~~
之前估著估著，
「雖不中亦不遠矣」

看過之後.......
老實說感覺是愉快的~~~
很開心的知道他是為了追尋其他的「夢」而離開的，
近排聽著聽著很多人也開始會想「現實與夢想」的話題~~
覺得現在「造夢易追夢難」，
現實現實的，有時也甚為苦惱呢！
年輕的我們也難尋夢，況且他們現實負擔的可會更重，更難的說。
可是現在不是了，一個活生生的事例！

記得入到來TPIT~~~
他們教會我要去努力造夢、尋夢、追夢，
還記得大門外的紙飛機嗎？
「活出動人啟示，飛入翱翔天空」
手握著你的紙飛機，
雖會有時飛降低了，
但只要心堅定志總會再次飛起的！
好鐘意這個紙飛機的設定！！
我現在也相信我有能力會摺出一隻「活得動人」的紙飛機的！！

還有教會我「生命影響生命」！
令我相信自己的生命很快會和接觸過的自己的人微妙的扣起來，
在生命中出現的每一個人都是你生命上的印證，
也代表自己會是別人生命上的印證，
有著那種改變到別人的力量！
令我相信自己有可取的素質！
不會輕易看輕自己！！
帶組時你說過：「有怎麼樣的組長就會有怎麼樣的組仔。」
帶組這個過程放大後其實同生活上人與人之間接觸的情況相近不遠！
所以我也珍惜生活上每一段與人接觸的旅程！

有一次八到你說發覺在生命中其實還有很多東西是不明白的，
人實在是太渺小了，
所以不會一味進修社會工作的範疇！
令我驚悟自己不要常常浪費時間！
要做多D「終身學習，自我增值」的課題！！

常常聽到你的很多道理理論，
很多也是終身受用的點子！！
若果說是「生命影響生命」，
我已經親身體會到了呢！^^

其實還有很多野想講的！！
不過如果一次過打o麗出黎都可能有二、三千字！
八過你很多的道理，聽過你很多的金句理論，
很多也是名言哲理！！
其實在整個TPIT最服既都係你！！
很早時已經視你為我的學習對象！！(不用偶象呢^^)

記得一開始認識你時是我們小組成立不久，
剛去舊中心的那段時間Kenneth介紹了你讓我們認識，
印象呢~~~好高羅，鐘意陳奕迅羅。
之後正式接觸的應該是在赤徑的「初級領袖訓練營」！！
那時的你和魔頭是營長！！
那個Camp至今我仍然回味萬分！！
不知怎的就是這樣深刻！！
各組的名字、口號，活動流程內容也記得很清楚！！(還有個暴雨警號呢！)
那時已經對你有很深刻的印象！！

之後就應該一些義工聚會，及後的「認識同性戀Camp」，
再到的就是我們的「熱血野孩義工堂」！！(本來改名「炸爆中心義工小組」！^^)
在裡頭初次認識其他不同的人，接觸很多義工小組深入的程序及預備工夫！
被你打破了我很多幼稚的想法！！
學習到很多新的知識、理論！！
雖然如此，
但我記得應該是在這個時候開始害怕了你呢！^^"
記得那天晚上你不斷吹我要物資要程序的情景嗎？
這個小組讓我開始認識帶組、解說等的技巧，
到第二次是要我近乎單獨力廷帶領一班經驗老到過我的人！
在砲彈架活動中提醒我不要混愕的情景！
這些種種的情景也教我成長了不少！！

至此我就得到了一個算得上是「有份量」的社工推介獎！
雖然我不是太喜歡那種大庭廣眾被讚的情景呢。
到之後每年也會有些推介的獎項，
這些對我的肯定令我受用萬分！！
也令我對TPIT有著微妙萬分的歸屬感呢！！

這種種的成功背後很多要素也是因著你對我的栽培呢！
令我敢去做夢，敢去面對自己所選擇的道路！
我不知會不會成功，
但就算怎樣我也會面對自己所做的一切，
好或丑也會是無悔的！

到現在當上了YA，
接觸的機會更多，
當然學習的更多呢！！
不過現在不想一次過訴說所有的，
日後才寫出來吧！^^
回想起認識你的種種也真是回味萬分！！
回憶是一開心的有血汗有淚水的！
很開心接觸了TPIT接觸了你接觸了大家！！
多謝你讓我成長呢！^^
希望你尋得你所追尋的夢！
「活出動人啟示：飛入翱翔天空」
準備起飛你的紙飛機呢！！^o^V

>>May 11, 2004 at 6:43:27 PM GMT+8

2004 年 5 月 9 日 星期日 【晴】

今天是一年一度的母親節！！
也有少少期待今天呢~~^^
可能近排返工少見左屋企人，
難得有機會就想聚下玩下咁啦~~
所以今日有活動都推卻左去，
對不起兒童戰隊的各位呢。^^"
也正好有個「無我係度」既情況俾佢地去試下同Jump同事共處。

今天的行程也鋪到密麻麻呢~~~
一早起身，都已經好齊人下，
原來自己近排真係好遲起身羅。
今天難得早起身，
都要有恆心D去行下早山晨運下！
就黎山藝二級都要操操個體能，
而且近排發覺心肺氣管好像有少許問題，
所以都提醒自己要多運動多行路呢。
就這樣獨自行左一個鐘左右。

去飲早茶，
這是第一個節目！
因為最細既妹仲有會考，
所以都唔齊到人。
無所謂~~~
之後會少個人爭咪羅。^^

之後同媽子去唱K！！
記得有一年母親節都係去唱K既！
個感覺都唔錯呢！(而且還記得唱得不遜喔！)
會了大家姐~~~
就去左「堅搏匙」度唱K。

一開始已經狂點「汪呀姐」既老歌！
好正羅！！
媽子既高音真係........！！
好高下羅！！呵呵
「一水隔天涯，不知相會在何時！」
「做個勇敢中國人.....」
唱得好好笑！但係都好開心！^^

之後二家姐到埋黎，
唱番D「in」既歌先~~haha
成間房得我一個男仔，所以點親都係獨唱！
好彩自己唱歌都唔錯合格啦~~~^^
最記得家姐佢地點左首「真的愛你」，
又硬要我唱喎！
有D怪嫁麻~~~hahah
不過首歌無全曲版本，所以都係唱左一段仔，
真係好衰唔衰啦。

唱完K去行街~~~
陪媽子買電話，
一家人行下停下又格下價~~~
回想起我們也沒甚機會這樣幾個行街了，
好得意既感覺呢。
買完了，自己就把握時間自己一個去行下，
發揮「購物欲」啦！

晚上，
一家七口好齊人咁去食餐晚飯！！
可以開我地既一年一次「週年家族會議」啦！
四周圍又是坐滿一個個家庭呢，一個好不熱鬧的樣子呢。
老爸說他不是喜歡一家人外出去食飯的樣子，
只是喜歡那種一家人熱熱鬧鬧的「氣氛」！
講起「氣氛」，
想到自己有時同fd或者去街去玩，
都係講究個「氣氛」多過個內容係D乜，
自己又多有樣野似老爸了，
也可說是加深認識了！
不過看見老爸今天也笑多了！
大家也很開心呢！！^^

自己很響往那種「五兄弟姐妹」一齊出街的感覺！
好有種獨一無二的感覺！
又大家的年紀相近！
那一種氣氛更是很得意！！
以前她們很喜歡一個外國組合叫「s club seven」，
很快的我們就為自己改左個名叫「s five club」！
常想這「四女一男」的組合好像很奇怪的樣子，
但是大家之間那種感覺卻很微妙的~~~`
所以呢....我也很喜歡告訴別人我們是「五兄弟姐妹」呢。^^
外加肥爸爸同肥媽媽呢！

>>May 11, 2004 at 5:27:54 PM GMT+8

2004 年 5 月 5 日 星期三 【炎熱】

近排好喜歡兜遠路行行，
有時放工會沿林村河行去太和或甚乘巴士~~~
想吹吹風清一清醒自己個心~~~
好似有D煩惱既幼苖萌芽緊...........

今天我們小隊要去街頭探訪，
不過就出現左D麻煩野，
行行下大家傾起宗教問題，
談女媧、佛陀、神，
發覺跟本唔會傾到有結果，好無謂！

講講下都好似攪到個氣氛好差，
之後停係河邊，
又傾緊個邊個主動做先既問題，
可能我自己個款表現出好似怕做先，
我就堅持唔做要嘉榮做先，
佢地就聯合「進攻」我~~^^"
其實我唔係唔想做，想佢地主動先，
不過可能次次都係咁所以今次開始「反抗」吧~~~
又我既理論說服力又不明確有力，
所以都爭吵了一段時間，
也看見呀儀既無奈呢.........
到最後嘉榮終於死死地氣去嘗試了~~~雖然不是太成功。

又行了一陣，
討論緊要不要做落去，帶著這個「0人」的數字......
嘉榮說了一大段雖然似講笑但真接有道理的說話，
我們才繼續去做。

又到了一個公園仔，
我硬拖著嘉榮去街訪兩名婆婆！大成功！
佢話要學野麻~~~
So我就盡出我半年既學習經驗表現出黎！
.....................又係咁...............之後三個去訪四個.......閃。

諗起自己個時堅持是為乜？？
某情況上可能自己個時有「落唔到檯」既感覺~~~
還是廷著「隊長」的身份去讓他們試這種心態，
其實個時可能如果輕快地處理，
「去咪去羅！」咁去行動可能仲會建立到團隊士氣！
不過個時無把握。

又想起自己常常廷著「隊長」身份，
沒有去放空間觀察學習他們倆的長處，
儘覺得自己很好了，
「不用多學習他們吧，還是放空間係自己既嘗試突破上吧。」有這種想法~~~~
現在想想其實呀儀嘉榮佢地也有很好的可取之處！
自己也真是愚蠢！

看來自己又多了一些目標了。

>>May 6, 2004 at 5:13:29 PM GMT+8

2004 年 5 月 3 日 星期一 【晴】

今天又是返工的日子~~~~
唉~~~返早的也真是辛苦呢。
今早要開YA會議所以就要返早呢。

看見大家也時常有很多「無出聲」既情況~~~
唔知哩個現象好唔好啦。
又談論坐唔坐入辦公室既問題~~
大家自律~~就當係個要求就可以了~~~
唔好編更咁編就得啦~~~
個刻自己語出驚人唔係想突顯自己有坐過好叻~~~
要認叻的話我大把有得認啦~~~
唔同學習唔同背景，各有各特色各有各長遠，無得比呢。
希望大家唔好誤會呢。

聽到話可能有個for工作既九型人格課程，
都好期待下啦！
對哩套理念好有興趣！

>>May 6, 2004 at 4:47:52 PM GMT+8

2004 年 5 月 1 日 星期六 【酷熱】

今天也是我的假期~~~~
可也是其他fd要返工的日子~~~
近來D假期也真是好「假期」呢。

中午去飲茶，陪下媽咪，
之後想過去圖書館~~
景華約我，咁就一齊踩車過左上水，
又未過數~~如果唔係實出旺旺瘋狂購物！
行過百老匯，去睇相機，
好想買部10X！有左專用相機肯定瘋狂周圍影相！
諗下諗下都真係好似有要買既必要！
計劃緊好無做分期呢。

去到商務~~~
佢想買既CD又貴左，
唉~~~~不買不買還雖買，
其實個樣野決定係會買就唔好諗咁多啦~~~
唔係怕佢會婆媽，係我登佢煩惱！^^
今日無折頭，就算下定左決心之後都係無買~~~唉~~~

唔係行左好耐，
好快就踩番車過粉嶺，
借左隻碟番屋企睇~~~
同班家姐問細妹一齊睇~~~
套片少少好笑啦~~
晚上又一齊睇盜墓2
都好耐無試咁樣成班細佬睇住部電視~~~
往常唔係家姐訓覺、細妹們溫書，就係我返房開電腦，
今天難得D溫到傻既細妹會睇下電視，家姐又未眼訓，我又熄左腦，
所以先有咁既場面出現！！
不過還欠大家姐，通常要10零20日先見一次，
唔係就可以一齊熱鬧下！(雖然佢地一齊腳就開局對麻雀)^^

平平淡淡、簡簡單單的又一日了。

>>May 2, 2004 at 5:06:50 PM GMT+8

2004 年 4 月 30 日 星期五 【晴】

今天，是假期天呢~~~
可是很多fd也依然要返工或忙功課~~
所以也只有約權權佢地去踩下單車，
就是這樣等我、偉及呀權這個組合去了。

一開始目的地是林村許願樹~~~
記得依前中二試過去擲許願樹，
擲兩次一個擲爛左一個擲落樹叉位~~~
感覺也始終是不太好呢。
今天終於可以再一次來了。

踩到單車去，已經見到好多人係度「許願」了，
不過做生意的也很多，而且競爭得好緊要呢，
感覺上還有些他們令到這裡充滿錢財銅臭、烏煙章氣的樣子....真是不爽......
半被迫地用了近四十多元，
今次就一次「入鄉隨俗」吧~~~
呀偉就一次擲中，不過掛住係人地個「願望」到~~haha
呀權就都係一次中，好似掛左係D樹叉位，
我就第一次唔夠力，不過接得番~~haha
D人話擲落地會唔好喎~~唔知啦~~
第二次終於都中啦！！個位落點都好靚呢！
希望真的能願望成真吧，
給我指引去尋找機會，給我機會去把握的。

之後踩去廣褔，
去左中心望望，因為知道得三個新人工作，
總有些不放心呢。
不過好醜的也不能擔心了。

踩吐露港，
吹下風傾下計睇下「尾」少女望下「美」少女，
真虧呀偉想到「尾少女」這個形容呢。^^
.去到爛地窄路個段，開始見到有些人受傷，
真希望能快些完工整條靚路出黎呢。
好快就到左沙田了。

行下街~~~~
去買漫畫~~~
行過西田就睇下衫，
唉~~~未出糧~~~出左糧要買下衫褲啦。
見到有些唔知乜人唱歌公演，
望左陣，又見到我家姐同佢男友，
無錢都係無乜好行，踩返去大埔。

在返去大埔的路上，
見到有人炒車~~~
仲好嚴重......撞到神智不清仲吐白泡......
我地都唔知點幫佢~~~~
需然學過急救~~~
但係跟本無個份信心去救人......
之後有個呀叔黎到，幫佢做左個「復原臥式」，
我地幫唔到乜手，都唯有走人.....
之後一路上都好唔開心.......
見到自己個份無能......
有急救證書識少少理論又如何......
跟本不能稱得上專業....
無信心去說「救一個人」這樣的說話.....
好唔開心......
比其他人唔開心的是見到自己所謂懂急救的，
卻那樣幫唔到手............

到海濱散散心，
好想自己個人快D去「pro」，
企出黎有個份信心同專業！
十分不忿自己當天的模像！
雖然呀偉是這樣的不會有唔開心放在心裡~~~
唔知點講好啦........
傾下其他野，
八點幾，就去左食晚飯，
去左間「好面膳」，
不過就真係好麻麻地，
連我哩個唔多講食的也覺得麻麻地我諗都真係幾差下羅。

又係咁八下人論下是非傾下女仔講下戀愛觀，
就這樣完結了今天的旅程。

>>May 2, 2004 at 3:36:34 AM GMT+8