2005 年 3 月 5 日 星期六 【晴】

今天~~~
約了暴暴及她的同學們去行山呢，
算是幫她們一同去實習下條路啦。

本應5點半起身~~
諗緊都知訓番會遲...果然...
遲左半個鐘~~
不好意思喔。
見到她們，
少了一人呢~~
原來受了傷，
那就七人行呢。

過大埔到鑽石山旁再到北潭涌，
歷時個半鐘。
未出發先發熱~~
即刻換番套短衫先！
出發！

今日行程係「北潭涌家樂徑」接「鹿湖郊遊徑」再接「麥徑二段既後半段」，
整段路程不算難行但算是中長程路線，
不過大伙兒也頂得住！
反而是初段的鹿湖有D上山落山位危D同辛苦少少，
景色就一般啦~~
個鹿湖平原同營地就不太到那種期待了。
可能上到去無四圍再搵搵個平原啦。

去到西灣亭就等左好耐~~
不過我都唔發得勞嘈，
我都係一個罪人呀麻~~^^"
等左個半鐘終於見到呀仙迪姐，
呀suby即刻反生咁好興奮！
不竟我們這一伙都算是陌生人呢。

一句「老公仔」引起大家既極度關注！
無奈啦~~~=.="
笑左半程就無講lu。

去到西灣，
無個人係沙灘，
有D唔相信今日係星期日羅。
我地選擇係度食埋個午餐，
接著就出現小強一干人等俾白頭浪打！
濕o麗！勁好笑！！
坐得咁高都打到！
大自然既力量果然係...強！
真係每次黎親都有笑料出現~~hahahaa

到咸田，
見到有依個直升機導賞服務！
依度愈黎愈旺呀。
特登帶下佢地過獨木橋！
都預左D女仔好怕過依條橋，
仲特登玩下係橋尾跳左幾十下！
對不起...但好好玩~~^^
放膽D啦年青人~~

在咸田少休一會就出發，
因為想趕下路去搭船。
呀偉就係途中數次抽筋~~
可能掛住搭船太緊張啦~~ahah
不過我地最後都趕到，
好彩班船遲左黎~~^^
就咁大家就係船上渡過埋依一日既日落西山時刻。

隔左成個月終於可以行下山！
天公又做美！
同埋唔駛咁齋成日得班仔去行山！
有下D女仔去會好玩D~~^^
這可是一個理想行山團的組合呢！
期待下次的來臨！

反到去去左沙田食晚飯，
講番起「老公仔」既事，
我都話唔介意既...依D說話，
鐘唔鐘意依D野好平常事，
又唔係D乜難聽說話，
黎真就...唔知啦...
講既講笑有乜所謂。
我唔會排除依D野出現既機會，
都唔會刻意去遮蔽同放大依D事情，
之不過係唔會主動去增加依樣野既出現機會率。
平常隨緣啦~~^^

>>March 7, 2005 at 4:57:01 PM GMT+8

2005 年 3 月 4 日 星期五 【暴雨】

今天的工作，
仍然不能順利的進行預定的工作~~

攪拉闊興趣班~~~
又要點一點d音響野~~
攪左成個下午。
晚上又要協助套新鼓落成~~
不能埋位坐定定，
很多文件工作都........遲左好多......

幸好的是...
展翅暫時完工了~~

>>March 7, 2005 at 4:11:59 PM GMT+8

2005 年 3 月 2 日 星期三 【晴】

「早上九點做到零晨二點」
「今天準備明天的工作」
「7工作：2玩樂：1家庭」

這就是近幾日來的生活模式了。

每天對著一班有趣但惡攪的同學仔，
每工也用盡腦汁去設計流程，
這些工作已經佔去我的日常工作的十分之十！
全沒有更多的空間做其他野，
很多工作也一拖再拖了，
望各位睇諒呢。

今天，
是最後一天，
算是解脫還是......

令人生厭辛苦一定有發生過，
但是那種苦盡甘來的回報卻叫我很開心。
看見幾位學員由前幾日的唔認真，
到今天，
他能認真的準備這個個個短講分享。
那一刻...
有種想喊的感覺...
好感動......
看見一個人進步成長原來是這麼感動的...
這種感動就是推動著我去做社會工作的動力...
到我分享那刻更是想哭了出來呢~~^^"

之後去BBQ，
放盡佢去玩！
大家打成一篇！
變左第14個展翅同學仔！
過程不斷打人不斷同D學員大叫！

諗起唔駛再早起身~~~
唔~~好期待！
呵呵~~~~~

>>March 4, 2005 at 5:20:22 PM GMT+8

2005 年 2 月 26 日 星期六 【陰】

「渣打馬拉松-2005」

今天~~
贏了自己，也贏了很多人呢~~
雖然成績尚未知道，
但總算完成了自己所訂立的基本目標-「唔停步姿完成賽事」呢！
用左56分58秒跑完！
唔駛1個鐘完成！
又突破到第二個目標「1個鐘內跑完」！
完成人數為5547人，
我跑到第1315名次！
自己都好滿意啦！

今早三點半，
之後搭的士直出，
去到五點島，
周街都係人啦！
第一次參加依D大型比賽！
又緊張又開心呢！

六點開跑！
雖然慢過好多人，
不過旨在學習！
而感受到個氣氛係超熱血！！

在初段入隧道個時，
開始多上落斜，
隧道又悶熱。
見到好多人都要「步行」，
又唔知自己會唔會係下一個lu。
但係個氣氛絕對唔會令人想放棄~~
太興奮熱血啦！
嘩~~~~~~~~~~~~哈~~~~~~~哈~~~~~~~~~

到後段~~~
無見番到班fd~~
個個都好勁呢！
我變左最慢添~~呵呵
第一次新嘗試，贏自己最緊要！^^

最後一公里，
不斷加速！
feel到度氣頂住頂住~~
唔理照沖！
最後用左超高速既型post沖過終點！
好開心興奮！^^
沖過終點第一時間諗...下年一定要繼續！

今次既賽事，
不斷如何對我也是個新嘗試及突破！
對近期的我來說，
非常之有意義呢！
積極起成個人呀！^^
總之就.....好興奮好好玩！

跑完左，
就失散啦大家~~~
暴暴同呀權仲特登係加油呢！
好感謝你地~~^^
之後等下等下見埋呀樹添！
好勁呀呀樹！
我地企左咁耐大約見過30-40個半馬拉人跑過，
呀樹肯定有四十幾！
好敬佩呢~~~

今次一仗，
沒齒難忘呢！
期待下年的來臨！

>>February 28, 2005 at 2:51:54 PM GMT+8

2005 年 2 月 25 日 星期五 【暴雨】

《拉闊生活@海洋公園》

約了上期展翅的同學仔呢！
是我身為班主任的那一期呢！
不知為何，
能再看見他們總覺得有種安慰呢~~
看見有很多學員都能有份好工或甚~~
這種安慰同開心的感覺，
或許就是青年工作能帶給我們心中的豐盛同滿足呢！^^

今天，
越礦飛車>跳樓機>海洋館>鯊魚館>滑浪飛船*2
最後，
濕o麗咁走啦！

全日都做DC同DV Man
為左總結會既片努力！

今天無濕病掛~~^^

>>February 26, 2005 at 12:02:54 PM GMT+8

2005 年 2 月 24 日 星期四 【暴雨】

趕趕趕！

這種工作模式係近期既模式，
今天準備明天，明天準備後天，
沒完沒了呢。

擔當了三日的活動導師，
看見自己不足，也看見自己的嘗試突破，
正正就是我想學習的「一夫當關」帶活動呢。

衝衝衝！
幸好自己還有幾分力去衝！
有天感到乏力的時候...
想起那句「Y Power」，
突然又有種「力」去運行我的心，
讓我得力去做呢！
雖然流程未必順利，但我得著的經驗也很多了。
我說過了，
同事們專心做組導師就可呢~~^^(雖然有時也要聽取提點...hahahh)

三日了，
終於有D氣可以抖下呢~
不過明天就要去《海洋公園》，
後天就是《馬拉松》，
大後天就是Day Camp呢~~~
唔...好似又無乜時間準備呢~^^"

幾天看見了那人，
心中也多一著力量泉源呢~~^^

晚上，
作了最後一次的練習~~~
狀態不錯！

現在，
要2個鐘完成賽事，
對我來說基本沒多大問題了，
只是想著應否盡力多一點羅好成績了。

>>February 26, 2005 at 11:49:05 AM GMT+8

2005 年 2 月 20 日 星期日 【陰】

《職業博覽》

今年要羅好多資料呢要！
準備九月份的自己。
一袋二袋的，
去完街市買菜喔。

落旺旺，
羅住太多野所以無乜周圍行~~~
最後買埋個鼓皮就返中心放低D超重物件！

幫暴暴plan路線，
呵呵，行我精心設計的路呢！
咁長，唔知佢地完唔完成到呢~~~
盡可能也想幫她們一把呢~~hahah
看看下次旅程中有無機會出現下鼓勵下佢地啦~^^

去食野，
又傾下佢地D AYP趣事同苦事，
好攪笑的組合呢！^^

一把年紀？
我唔緊張年齡問題呀~~~
要努力主動？
想起......
在我字典裡的「勇氣」同「主動」唔知跳左去邊頁~~~
膽小鬼~~

>>February 21, 2005 at 5:01:02 PM GMT+8

2005 年 2 月 19 日 星期六 【陰】

七個鐘~~~
Counter王再次出動！
今個星期先黎個馬拉松式當值~~
下星期就馬拉松！haha

自修室好爆人~~
Channel 1,503721 ,2464 ,28 開o麗~~
不過無新證做！哈哈~~
熟人也只是見到幾個。

傾下展翅點做，
唔~~~初稿都有DD啦。

晚上，
單元一重聚，
見番班同學仔~~
有種好舒服親切既感覺，
雖然相隔可能有近1年多，
但那種熟落感仍然存在呢。
去左《村長》間吧都聚，
不斷影相同傾計，
聽見大家的近況也不錯，
各人也在努力中呢！
呀東積極投入工作，默默耕云！
呀妍就到國內讀書，要勤力喔！
Tellie讀緊ive，進修西式整餅！
飛比雖然量地中，但係都好有目標點行~~
村長就好努力工作啦，返夜班皮膚又白左！
Nick sir好似清減左，但仍風趣幽默！
小強唔駛講啦~~咁熟。
我呀？九月就是一個轉淚點了。
同一天空下，各自各精彩！


《思念...仍需勇氣》
回說，
很失敗...
機會的恩賜...也不能把握...
準備的那份心意也不敢送出...
這是個籍口？
抑或是...？

>>February 20, 2005 at 5:54:46 PM GMT+8

2005 年 2 月 17 日 星期四 【暴雨】

《想念》

天下間有幾種這樣子的人~~

《熱戀中的人》
想念他/她的另一半是很正常的事，
讀著書，想著明天一起去那裡~~
工作中，想著放工會否找他/她一起~~
假日，約朋友或約他/她二人世界~~
等等的很多想這想那的。

《地下戀的人》
比熱戀中的人應該更加想他/她，
因為連見面也少了，
那腦海中當然會常常刻意想著他/她的模樣~~
讀著書，可能會不經意想起他/她~~
工作中，也可能不經意會想著與他/她的甜蜜~~
假日，想著到那裡遊玩才不被發現。

《互相也有意思但未彼此察覺的人》
天下間最可惜莫過與此，
彼此也期待身邊有他/她的出現，
唯獨是還欠缺一個「契機」讓他們見面，
互訴彼此的心聲，
或是欠缺一份「主動」，
到了數個月後，
身邊的他/她已是另一個他/她了。

《暗戀著他/她的人》
單方面的想念非常之強烈，
可惜彼此往往可能只是接觸了數次，
而且也可能只是擦身而過的，
連腦海中也不清楚能記起他/她的模像。
靠著互聯網的接觸，
還只能靠著冰冷冷的鍵盤與他/她接觸，
只感受到那份似有非無的感覺，
這樣便足夠？
想著千樣萬樣追求他/她的方法，
想念有一天能得到他/她的認同，
也不得不幹那些冰冷冷的接觸呢。
整天想著他/她模糊的樣子，
甜蜜得像一個呆子呢~~
可是呆得有價值吧。

《愛著那個已有他/她的他/她的人》
可能心存一種希望或渴求，
在他/她失落的時候填補這個空缺。
不是情侶也可以是好朋友，
大家也有著那份尷尬在中間，
就算能互相傾訴但也十分有限，
尷尬也可能會變成一種「戒心」。
雖然說可成為他們的一個祝褔，
但這樣就實在就足夠了？
說穿了可能是一個慌話，
但若然能成為一道承諾去珍惜另一個他/她，
這個慌話也是美麗的。

《未確認那份愛抑或喜歡的人》
常常問自己是否愛他/她？
常常問自己愛他/她的原因？
常常問自己為何想他/她？
就這樣帶著千萬個問號，
到頭來他/她已走得路遠去了。
不需面刻意避免接觸或逃避他/她，
讓自己的心坦誠面對他/她，
你會想念他/她，
這可能已是一個答案了。

你...是那一種人？
我...是那一種人？
他...是那一種人？
她...是那一種人？

(以上內容純粹舒情舒發之個人意見，如有不認同可不要告訴我呢。)

>>February 18, 2005 at 5:43:53 PM GMT+8

2005 年 2 月 16 日 星期三 【雷雨】

今朝早，
好難先肯積極下去跑步，
始終都擔心跑唔到10KM既馬拉松~~
去練習下啦！
跑過去上水紅場，
沿正規球場既8線外圈跑左10個，
唔知有幾多K呢~~
算是滿意成績^^

返到去，
處理了一大推電話跟進，
之後又攪興趣班野，
攪到無傾到展翅野添~~~
又見到暴暴班傻大姐黎到，
都忙到無時間陪佢地玩lu。

本應放工，
不過又好似約左開組，
加上興趣班野要跟多跟，
So留係中心做下義工lu。

同嘉麒傾個輯片集，
愈黎愈不大信心完成到...
始終大家也很忙，忙得黎都兼顧唔到咁...

執拾了一大堆營具...
見番聰同Gary佢地，
仍有種「不自在」的感覺呢。

去食「芒果大王」，
俾兩位人兄不斷「軟功」攻擊，
呵呵呵~~~
時機成熟先再算啦~~
我不嬲都喜「扮」詩情畫意啦，
唔會講到似層層啦~~^^ haha

《認識到一個傻呼呼的你~~》

遊遊子

>>February 17, 2005 at 5:28:38 PM GMT+8