2004 年 10 月 10 日 星期日 【晴】

早上，
幫學員報讀其他單元課程，
今年成績不錯，很多人也可獲派第一志願！
成個朝早都不斷為他們擔心。
雖然有些遲覆的例子，
但最後都可以有好回覆呢。^^

下午同權及Carmen食個下午茶傾下計~~~
幾得意既組合呢！
之後早少少返屋企，
因為唔想咁早出去又係去打機無聊...
BBQ個邊其實都要推辭他們，
得我這個角色有D奇怪呢。

七點零鐘，
出到去，又係88打機，
今次係相隔了將近成1年才「七個人」齊章呢！
「齊七個人」這件事在5、6個鐘頭前才知道，
完全沒有想過會是這樣的！？
唉~~~~~

去左一間泰式餐廳食野，
這間有點感覺不太像樣呢...
早知去食文化中心個間越式自助餐廳啦，
價錢也不是相差太遠呢。
有點美中不足呢。

之後~~~
想計劃去行下星光大道，
不過大家都係唔鐘意做依D「文靜」野，
又去左打機~~~
不過今次打得好開心，
大家不會各自各去玩，
玩左好多音樂Game！^^
第一次玩「趴啦趴啦」！
又玩跳舞機同搖手！
好耐未玩過跳舞啦！^^"
好精彩既一個夜晚呢。

坐火車，
少左小強~~(又係估佢唔到~~)
兩個IT人就狂玩手機！
我就附和下咁啦，
So ho睇相簿，
今次我特登帶去海南島既相出黎俾好友們過目！
旅行慾又再次暴升呢！！^^
期待期待！

>>October 14, 2004 at 5:07:57 PM GMT+8

2004 年 10 月 9 日 星期六 【晴】

又返工又返工~~~
新同事未到~~~
要密D頂下星期日的日子~~~
更表太浮~~比人點左做Counter~~~

約去BBQ~~~
想係屋企懶下多~~
但又想去聚下佢地~~點算？
玩下無訪掛。

小強那邊~~
不知他是用什麼機制去約人聚會~~~
總覺得只是一班豬朋狗友聚在一起吃著什麼似的場景......
有點兒不順的場景浮現呢~~~
還未有電話，
暫時可以不理。

>>October 10, 2004 at 4:26:17 PM GMT+8

2004 年 10 月 7 日 星期四 【晴】

在家遊遊閒的~~~
最喜歡不過了~~~ ~=.=~

整日在遊玩「模擬市民」！
非常之好玩！！
人生~~~我的人生會是怎樣的呢？
人生又是否如我所想所願的呢？
探索人生可真是一件相當有趣的事情呢！

晚上去了UA睇戲，
睇依個好期待以久的生化危機2！
我當然不是說很期待追跡者啦！
也不是喪屍這些角色呢！
喪屍已經變得不像Game裡頭的可愛了。
不過今集都多番好多Game既喪化敵人！
有喪狗呀！^^
生化危機這一套作品既故事性很強！
不論出了幾多集，
總會清楚交代番前因後果有聯繫性的！
這也是我喜歡的原因。

回說這套戲，
用回了不少Game曾出現在場面及角色！
不少場面也令人回味無窮呢！
如是作為fans去睇的話我相信會更加吸引！
另外女主角的表現也出色呢！
cosplayBio 3 既Jill~~
活像Bio 3既雨傘遺棄傭兵團及卡羅斯！
bio 2既Sally~~
out back既平民攝影記者~~
等等的角色也令人共嗚回味呢！
故事性方面也承接第一集，
可說是為Bio劇完整的結尾，
第三集的出現的可能性我相信不大吧。
不過我照樣會期待呢。

>>October 10, 2004 at 9:35:50 AM GMT+8

2004 年 10 月 6 日 星期三 【晴】

今天，
展翅課程單元二的最後一天，
也是我最後一天共渡他們的日子。

一朝早，
照樣的是好早起身的一天。
今朝早的課堂就是要他們完成他們的履歷表及求職信，
讓他們在下午時份用作模擬面試之用。
他們也算是認真的一群了，
會先做好份工作先會上下其他網，
果然是非一班的同學仔呢。
忙下閒下忙下閒下咁就到下午了。

模擬面試，
一開始也非常認真的氣氛呢！
之後就開始發亂了，
不過正常我都會坐唔定啦。
看著他們面試的過程也認真的，
算係唔錯啦！

終於，課程也完結了！
開開心心咁一齊食晚餐，
常常聽到他們說約埋去玩呀參加乜活動呀咁，
好可惜中心既單元一又申請唔到，
雖然單元一辛苦好多，自己也有少少怕辛苦，
但係心態當然係70/30咁想有單元一好過無啦！

自己好響往見到一群人去建立起彼此的關係，
在過程中也好像見到自己在裡面成長一樣。
就像是一個投影著我的歷程的場景。
而且他們和我的背景也相近，
望落去份外有親切感呢。
身為過來人自己當然也想用番過來人的經驗去幫助他們呢！
現在唯一能做就只有靠「拉闊生活」了。
少了單元一去凝聚他們，
現在就看他們自己願不願意繼續付出了。

最後的結業禮，
要他們個人演講呢！
本來這個環節他們最怕的了！
現在卻可以看得見他們的進步呢！^^
論貪玩他們非常善長呢！
論認真他們也不弱呢！！
「一個也不能少」
他們認真做到了！
二十個人黎二十個人走，
對我們來說是一個奇蹟呢！
感謝他們帶給我這一個美好的回憶呢！^o^

>>October 10, 2004 at 9:01:28 AM GMT+8

2004 年 10 月 3 日 星期日 【晴】

展翅課程的第三天~~~
相處已有三天了，
開始記得o麗全部人名啦！^^

今天我們要外出走走，
進行一個團隊訓練的Day Camp~~
雖然過程中要帶領他們實非一件容易的事情，
不過他們行為表情也實在令人大發微笑及爆笑！
玩水彈、繩網，
無不盡興！
還有令人震奮的是今天是「齊人」的呢！！
在早上聯絡不到我們投信任票的「煒」，
還真的有點兒歎息呢~~
但當看見他到來，
整個人也高興不已！
我們的努力也沒有白費呢！

帶組方面，
因為有Kenneth的伙拍，所以問題也不大。
雖然他們的小隊是個新組合，
但巧妙地我們組也有好幾個領袖質較強的人在呢！
所以也是輕鬆的。
帶組方面主要是輔助，
SO我會在玩及挑戰的時候多加鼓勵及注意的！
努力在帶組以外的地方努力呢！

>>October 6, 2004 at 5:54:39 PM GMT+8

2004 年 10 月 1 日 星期五 【綿綿細雨】

今天，
展翅課程的第二天，
照樣也是我擔當班主任的時候了。
今天的課題是職安健、求職陷阱、製作履歷表，
我多多少少也準備了心情去做，
但卻沒有準備那些實質的資料，
解答不到部份學員的問題，有點失職呢... =.="

下午，
玩九唔搭八，開開心心的~~haha
之後近放學時候就製作履歷表，
好震驚哩一班D學員非常認真聽話！！
十幾個人個個都努力製作！
沒有一個一開機就會上網，
簡直係超級恐怖！！
依班人又可以玩得好癲又可以認真去做正經野！
好開心！^^

晚上，
返「三更」~~
同某人談論過一些現在工作上的景況問題，
聽到的都係比較灰暗的說話，
難免有點失落。
新入職就要面對一些不愉快的問題，
雖然這些也不是我的角色所面對的問題，
其實或許與我有關，
但是...那種事情與我的感覺也不夠「近」，
也順理成章沒有太多感受出現，
這是正常的~~
但是那東西卻影響了我四周的人們，
而我和他們的關係卻是活生生的貼身的！
不愉快的感覺也是由他們處得著的，
我不是說要怪他們，
我是怪自己分擔也分擔不來......
始終我角色能力有限，也不是我能力能處理的...
如何是好...

而...心中的不愉快還總是充斥著...久久不能惜懷...

>>October 2, 2004 at 3:05:13 PM GMT+8

2004 年 9 月 14 日 星期二 【綿綿細雨】

今天，
要去一去海南島既最出名海灘《亞龍灣》！
聽導遊說亞龍灣既沙灘有一個特別之處，
就是它的離岸的是一片很長很平的海床！
即是說就算行到好出都係好水淺的！
水不及個胸的位置呢！！
好想見識下呢！！^^

「灣如虹；沙如雪；水如玉」
形容亞龍灣的海岸如彩虹般是弧形的。
那些沙粒非常幼細，有如雪一般的質感。
海水清晰見底！顏色是玉綠色的精螢通透！

不過去之前我們先去左一個貝殼館參觀。
離遠已看見那條刻有神獸的圖騰柱！
當然又影下幾幅正相先啦！
再行入館內，很多各式其色的貝類，
大開眼界呢！
海南島既海洋果然是多姿多彩呢！
這兒還有很多用貝殼做的產品，
手工也真的非常精細呢！！
香港的產品講求的是機械化先進化的，
這兒的就是生產手工藝品的，不錯不錯呢！
不到一個鐘，又要上車往亞龍灣去了！！

坐不夠半句鐘，就到達了亞龍灣，
望望今早的天氣，時陰時出太陽，
無法子啦，導遊仲話如果你見到海南島落雨算好彩，
因為海南島的天氣多半都係陽光普照的，
在雨季時份才會有時下雨。
今天陰陰的，我也只是怕影響我去潛水的心情！
謀左去潛水好耐啦！！今次一定要玩！
係左度度右計計既情況下，
再加上羊群效應，
由原本兩個人去玩到四個都去玩啦！！
一潛就潛左三百幾蚊走！^^"
換上一套緊身潛水衣，就坐快艇出發去「野豬島」！^^

今次的潛水都好安全，
一個教練帶一個參加者，
雖然全程要受控於教練，
但諗深一層也只是為了安全著想。
正所謂「戲山莫戲水」呀麻！^^
教練教了我們幾個手勢之後，
就背上氧氣樽潛啦！！

一開始，
唔太習慣淨用口吸呼氣，
又要咬住個「吸管」，
水壓又令耳仔很痛，
都幾唔舒服！
不過可以深入海底探索一番，
這少少痛楚也不算得上甚麼呢！！^^

潛水這一個活動我渴望左好耐！
我對自己說過我日後一定要去學潛水，
一生人一定要去一次既潛水地方就係《大堡礁》！
要保存珊瑚礁，
就要愛護珊瑚，
「眼看手勿動」這是一個基本原則。
不過今次潛水D教練既愛護意識都不是太好，
雖然佢可以放到我好底去近距離觀賞，
不過都令到我隻腳唔多唔少都避唔到接觸牠們，
唔~~~如果我係潛水員一定唔會咁做！
之後雖然發生左D小插曲，
不過都不失為一個好的水底體驗！！
美中不足既係D人都非常重做生意feel！

至於今日下午個餐都好豐富，
D海鮮不錯！！
玩左陣就走。
之後去左個幾出名既「鹿回頭公園」，
個公園係非常之大同既環境清幽！！
行下睇下影下相咁，自由自在，
又玩韆鞦又跑吊橋！
最正就係去左餵鹿！
鹿回頭公園果然有「鹿」呀！
拎住D薯片D鹿會自自然走埋黎！
好開心呀！！第一次「零距離」接觸D鹿！
仲影左張超正相添！^^

出左鹿園~~
接著就面對住一個超級嚴峻既難關！！
迎面有幾隻豬係度捉人影陪佢影相！！
我們一行四個型仔慘被發現！！
不過都只係有位人兄遭遇不測！哈哈！
而過程已經完全被我拍低啦！^o^
事後訪問他續說：「好似俾人輪姦完既感覺！頂！」
全日最爆笑都莫過於此！
之後雖然幾隻豬都有拉我啦！
不過~~~好彩我「定力」夠！哈哈。
太少時間玩啦！
依個公園仲有好多地方未去就要走，
哩一點係比較可惜既。

晚飯就去了一間明珠XX酒店食飯，
食依個名菜「椰子宴」！
令人回味既係o個個「椰子雞湯」！
當然其他幾道椰子菜式都非常味美啦！

及後晚上就是「自由行三亞夜市」啦。

>>September 27, 2004 at 5:33:50 AM GMT+8

2004 年 9 月 13 日 星期一 【晴】

努力執...努力執...
今天終於要進行我既人生首次既外遊旅行！
目的地就係「海~南~島」！！哈哈哈！
雖然今次唔算長線，也只是中國地區，
但是也是我的第一次旅行呢！！
好開心呀！！
第一次去旅行~~
第一次搭飛機~~
好多好多既第一次將會發生呢！！
豐富人生，這樣也算不錯呢。

約齊人之後，
「四仔旅行團」出發啦！！
拿住部DC同DV~~
成個自遊行旅客咁，
「我見我聞；我拍我攝。」
鏡頭裡的世界永遠也是最開心的。^^

四個人，都開始玩下癲下咁周圍玩周圍照！！
雖然我地既小隊組員唔係個個度鐘意玩得咁「白痴」！^^
另一番感覺啦。

見到領隊小姐~~
失望~~~嗚嗚...
見到其他領隊~~
唔~~好想轉去九寨溝添！！哈哈

入閘登機，
見到我地既航班飛機，
細機一部！？
太失望啦~~~
飛機餐都無乜特別仲有D弱雞成份添！
不過算啦~~~
發下癲自娛下先！
夜晚的星空，不錯不錯^^

去到麒麟酒店~~
開始我地既第一餐~~
八小煮一個湯~~
有D突然原來唔係自助餐~~
要一班素未謀面既團友坐埋一齊~~
有D奇怪呢，
不過慶幸既係我地枱D團友都好玩得同傾到計！
這總算是一種緣份呢^^

執齊架生，
去左行下夜街~~
雖然都覺得大陸夜晚好危險，
不過又唔想係房度悶，
去左河邊~~
三亞既市中心特色就係中間有係大河相隔，
鄰近這條河的境色都設計得很有心思，
由其D燈飾非常亮麗！
大橋底既燈炫耀四射，河的兩邊也各自黃黃綠綠的，
這一夜系列景圖已經謀左部相機我唔少MB數！

就這樣轉左一個圈，
發覺其實這個地方的城市裝扮得很好，
只欠在人民教育太差，
一條木橋也滿佈垃圾......
隨地吐痰更不在話下！
大煞風景！

再落番河邊回酒店，
見到河岸的男男女女，
或是一雙一對的，或是柴娃娃大伙兒的，
何時才到我呢~~haha

返到去，
大家都好累的，
UNO大戰就罷戰一天呢！^^
跟團的當然要好好休息吧！明天還要七點半起身呀。^^"

>>September 24, 2004 at 11:48:15 AM GMT+8

2004 年 9 月 12 日 星期日 【綿綿細雨】

今天~~~
約了LCM的同事們去聯誼呢！
自上次Kenneth約我去的時候，
自己已經諗過一陣子去與不去，
說「去」的話，
也希望襯機會同他們熟落，
也要開始「習慣」下呢。
說「不去」的話，
係覺得自己剛加入無耐，
仲話係歡送舊同事。
歡送~~~我好似未同他們用LCM身份工作過，
自己既身份有D尷尬呢。
他們的誠意拳拳，
自己唔去又有D不好意思，
不過最終自己也決定了去呢~~
我是一個不應該想太多的人。

到了奧海城~~~
再去到港灣豪庭，好靚呀！
有錢多幸褔。

今日去Tony生度打保齡球，
相隔7年多第二次接觸此球類活動，
都好興奮下！
看我「齡神再現」啦！
同Kenneth一隊~~
不過豬王同我都常常失準！
反而SuSu就唔聲唔聲嚇你一驚！
發揮到超平穩表現。
個人賽中Kenneth復仇失敗左，
俾Tony贏左~~haha
我就最多同呀聰鬥下高分咁啦~~
幾局都係我高分過佢幾分！哈哈~~^^V
仲有最令人震驚的是黑仔既「3X」！
大家都異常愕然！^^

打到六點半就去左搵張桌子玩UNO~~
又係懲罰UNO啦！
我雖然都好小心，
不過有一局俾豬王同呀聰合作KO左！
之後都大勢已去~~~
有好幾局仲要聰爺留情呢~~
但係最後都居然黎個大逆轉！
本來最少分既呀聰有一局俾我既「駁hit」~~
一黎就12隻！
點知就抽到4既50分！
最終就有聰爺陪我做「傻仔表現」啦！

晚上去左「六鼎記」食任食打邊爐！
一路狂食一路睇電視，
個碗就不斷俾SuSu添加！
成個呀媽咁~~哈哈~~~
餘興節目就係睇我同呀聰表現大叫「我係白痴仔」！
好彩都無乜人，
我地又係坐最入邊，
不過呀聰個一下大叫都引黎有人笑！
我都最多企高少少叫咁啦。^^
再拍下照留念~~~
由初代LCM影到現代最新LCM既組合！
埋單俾錢走人。
雖然埋單個度有D「無端端要俾貴D」既feel~~
不過諗諗下其實都預左洗費~~
再加上自己都有想過要請魔頭佢地食下野咁~~
雖然今次係「唔多知情」既情況底下請左客~~~
有D突然，
但係最終都算完了我的一個心願呢。
好野~~唔駛再請lu。
哈哈~~
唔食o者~~
都想送少少禮物俾佢地，要準備下先。

下場就係去「UNO續局」~~
自己都有D累，
所以都諗住唔陪佢地。
送埋佢地去旺中，

一路同嘉祺傾左D 關於某人的事情~~~
唉~~~自己都唔知點幫佢好，
又想佢自己醒覺下，主動D~~
但係唔幫佢自己就有D不安~~
好考驗緊我對人既信心呢。
我也選擇了適量去介入~~
最終也要看他的做化了。
支持就當然會呢！
「凡事相信；凡事盼望。」

>>September 14, 2004 at 7:12:57 PM GMT+8

2004 年 9 月 10 日 星期五 【晴】

最後上班的日子~~~
同時間也是大假的開始~~~
好多地方去玩~~
有好多節目~~~
但同時間也是產生出很多煩惱~~~

輕輕鬆鬆去行街~~~
接二連三前來的電話~~~
煩擾不斷！
煩的不是那個打給我的人，
煩的卻是看見個小組是這樣子的~~
六年了~~~還是這樣子。
本應一件開心的事會令到我這樣的氣憤！
難道去玩的也要有個人做統籌！？
「參加者」！？
我都想做呀.........
可是我的立場就是不能去選擇......
在這小組裡，
個人發揮得很多，
可惜~~
可選擇的不多..............

「參加者」.......
煩擾的根源之一.........
殘念.................

>>September 11, 2004 at 4:20:24 PM GMT+8