2004 年 6 月 15 日 星期二 【晴】

工作以來第一次請病假..........
身心「高度」勞損.......
一日可以訓三次....
真...恐....怖........

>>June 20, 2004 at 8:43:18 AM GMT+8

2004 年 6 月 12 日 星期六 【酷熱】

早上7時多便起床了~~~
訓得也算得過且過吧~~
進入了「鼻鼾」中心加小強既練習聲~~
唔好提啦~~~~ =.="

今早要考埋粗繩既繩藝~~~
自己無即刻考~~~
當然要望下人地先啦~~~(唔係好記得呢~~)
之後都係粗粗地咁完成左佢~~~haha
攪掂o麗之後就開始食我地既「雞動餐」！
無無聊間係沙地上面畫下我地個小組設計logo同埋大家既人名~~~
不知不覺，發覺自己開始鐘意個組了~~~
我記得以前連講個組名俾人聽都覺得「唔知點」咁...
現在終於有番D感覺了~~^^
不過...自己心態上軌道的同時，大家又是怎樣想的呢？？
很希望見到大家一起「衝」的那種情景呢~~~
不過現在其他組員開始踏上了工作的征途~~
怎樣配合已是一個要解決的問題了，
自己心態上也要準備呢。

說回這個二級Camp~~~
很多人也要早退呢~~
淨下的也只有六、七個人去行澗，
不過也無所謂了，好歹也是一個特別體驗呢。
討論了一會我們就出發了！
地點係「猴塘溪」既溪澗至大灘呢。

出發了，
我們首先要穿一穿林，
不過就發生了一件不愉快事情~~
話說當我至在穿林之際，
我發覺頭頂上有樹木類的枝條覆在頭上，
自然反應也是去鬆開佢，
但一次兩次也再反覆打擊我的頭頂，
而此刻我已深知不妙了~~
.....................

>>June 21, 2004 at 6:18:31 PM GMT+8

2004 年 6 月 11 日 星期五 【晴】

今日是山藝二級訓練的最後一個考核Camp，
基本上都無乜特別擔心完成唔到而積極訓練，
無乜俾到我壓力，所以都係求求其其咁記得就算啦。

早上返多節工就出發~~
比預期時間遲左成個鐘先出發到羅~~haha
坐左成兩程巴士~~暈車河添...
好彩都只係短時間既暈車河，
無損我高昂的狀態呢！

去到大灘~~
遲左成個鐘先到~~~
練習左一陣，
就要談論走唔走既問題，因為有好多蚊！
而且個營地位置俾人覇左~~
得番個幾斜既草地位，
但係呀sir都就OK羅~~~
我地就討論去唔去猴塘溪營地~~
探討過原因點解要走，
雖然覺得依D野好煩~~
但係站在大圍立場來說還是應該要走的。
執拾細軟，就出發去猴塘溪了。

差不多天黑了，
開始考試！
首先要寫下天氣情況~~
幾無謂咁。
之後要做個遠足預計表，又係煩人野，
唔知點解二級又要考呢。
考開酒精爐同Case爐，
都好輕易呢！！^^

不知不覺就到9點幾了，
開始煮飯食！！
今次要用乾貨同煲飯~~
我也算是第一次試煲飯呢！
好開心無乜(癡)底羅！！
我地既乾貨料都幾豐富！
有蝦米、臘腸、辣魚仔、豬肉乾同尤魚絲！
超級足料呢！！
而我們又可以在一個鐘內煮埋食埋同開營呢！
反觀看見呀聰佢地~~~
煲紫菜湯羅！又炒菜鋪蛋！
用雞蛋，都唔算乾貨啦~~~
睇住佢地煮呀起營呀都幾爆笑羅！^^

食完飯考繩結，基本上全部pass o麗啦！
最攪笑係魔頭居然唔識打「半結」羅！！哈哈~~~
成班笑到死！^o^
仲有就係打打下結個時又問點解愈睇愈唔清楚同好黑，
原來自己都未開頭燈梗係唔清楚啦！！哈哈~~~
成日製造笑話羅~~~個個都話笑到肚痛呀~~^^
最後都只係好輕鬆咁就完成個繩藝試。

之後就係要黎一次緊急撤退！
要係5分鐘之內完成！！
最終我同小強用了6分10幾秒先完成到！
都好滿意啦！！^^
之後就發生了少少爭執~~~
突然間攪到個氣氛好疆~~~
作了少少分享，但都好心不在焉咁~~

12點多了~~
再做埋個救急處理試~~~
簡直眼訓到......
兩眼就黎成一直線....
好彩都無繼續落去~~~
就完結了今天的訓練。

在訓覺之前~~~
見到小強仲堅持要考番大繩~~~
Tony佢都都已經半命令咁叫佢休息下！
因為佢地都知佢昨晚無乜訓過~~(當然係佢自己一黎到就話自己只訓得兩個鐘)
唉~~~~我見到佢咁樣都心煩！
我唔覺得佢每一晚係無得休息羅，
只是又去玩又去做D唔知乜~~~
又唔俾自己抖下~~~
我記得上兩周個次一Day訓練，
前個晚一齊睇完戲後，晚上一點幾去坐小巴，
佢接到個fd電話，又話返到屋企就要出去陪fd~~~
有義氣係好，但係都唔顧下自己狀態~~~
成日咁樣衝！
我個刻咪即刻爆o麗情緒去話佢羅！！
佢點都係聽唔落！
唉........以後都唔理佢咁多依D野！
真係「估佢唔到」......
所以依一刻佢都仲堅持去考埋大繩，
我都只係講左一句「你自己決定啦」~~~
不過佢講野就講到成個場都聽到羅！
嘈左成兩、三個字咁~~~~
唉~~~唔顧下自己都顧下人啦~~~無計無計

>>June 20, 2004 at 8:44:03 AM GMT+8

2004 年 6 月 10 日 星期四 【晴】

今日返晏、夜~~~
所以又係10幾11點先起身~~~
雖然返晏舒服D~~不過成日咁晏先起身，
又覺得浪費左D朝頭早時間添~~~(羅黎上下網都好呀~~haha)

返到去，開小meeting~~
開心既係佢地提出今次要一組一齊去計劃，
唔好再好似上次咁分開PLANING~~~
一開始也氣氛不錯~~~
之後愈見愈惡劣，
大家也開始心浮氣燥，
不評論誰對誰錯了~~
總之就是不太開心呢......

晚上，
有人遲返呢！haha
果然是「大頭蝦」左！^^
10點多了~~
放工！
陪左隻大頭蝦去食「晚餐」~~
本來想請佢食既~~~多謝佢送我的一份小禮物~~
可是，
突然發覺褲袋裡面只有幾個硬幣~~
面值麻....也只有13個幾！？
也只能夠請到自己呢~~ ^^"
無辦法呢。哈哈~~

這個晚上，
心情令我舒服多了~~~

>>June 14, 2004 at 6:44:34 AM GMT+8

2004 年 6 月 8 日 星期二 【晴】

今天~~~
在工作上要做個「個人工作評估」督導~~
與大家姐Carmen會面，分享下兩個多月來的經驗及表現檢討~~~
好印象深一入到34~~~
她問我是不是鐘意用文字表達，
因見我D email通常都好長，又會寫日記~~~
咁我就答左佢一句：「我覺得同人面對面溝通會比較唔識講野...」
就這樣透視了我一些心態特性出黎。
估唔到真係估唔到~~~ ^^"

講左好多野，
分享下個組、自己表現、完美主義、欣賞自己、學習目標同埋D其他雜項~~~^^
好愉快呢~~~~~~~~~~~
很久沒有這樣隨心欲言去表達自己~~~
不過都發覺自己既「完美主義」好恐怖！
影響了我很多的心態，
對自己對別人也有很高要求，因此而不能肯定自己呢~~
這一點將要改善一下！下週課題！
也解決了我一個常常想的問題「別人的期望」~~~
常常要去問別人心目中想我自己點，有乜期望~~~
其實已經講得好清楚呢。
傾到都有少少感受流露左出黎~~
好舒服......也很開心~~^^
多謝你同我說的這一番話~~
願我心銘記。

>>June 14, 2004 at 6:35:33 AM GMT+8

2004 年 6 月 7 日 星期一 【晴】

今日開工~~~~
十個無奈啦~~~~
有人完全沒有準備好活動，
雖然已見好努力補底~~~
我既「完美主義」就黎俾人扭曲啦~~~ =.="
最後都係要由我補底~~~
唉......還要等到幾時呢？？

今早見到好多人黎見工，
上勞工處八下先知原來中心請PC~~~
又諗起自己既計劃~~~
期望用埋暑假段時間去學下野進修一番，
就會發全力去行我既下一步，
現在因為有空間讓我放更多時間落去學野和兼顧義務方面~~
盡力埋以後的日子呢。

今晚開組~~~
近排keep住每星期都黎一黎。
談論「夢想」~~~
發覺個主題愈來愈深奧~~~
可以做好多野也好像很模糊...
不過聽落可以嘗試...做「倡導」既工作~~~
做出版人也不錯呢~~^^
開會就開到中心D人走o麗~~
由我地跳出框框負責殿後！幾型呀~~^o^

同so ho搭73A返去，
不斷的談論著作幻想小說的點子，
老實說現在也像是有心無力的提不起勁去作~~~
不過諗起以前自己設定既點子已經心有戚戚然~~~
要好好想一想呢。

>>June 10, 2004 at 3:59:23 AM GMT+8

2004 年 6 月 5 日 星期六 【雷雨】

星期天~~~~
中心裡還是有很多人呢~~~
可能是中六、中四等同學仔就要考試掛~~~^^

今天也落一落了成長無限~~~
打算招募多D小朋友設計書簽~~~
畢竟這是我的環保系列就當然要落力少少啦^^ (少少o者)
雖然落雨，但都見到好多小朋友。

過程中也非常驚險呢！
又有小朋友係度排斥別人，就是那些比較大的小朋友呢~~~
自己也曾一度惡口惡面~~~
也不是太有阻嚇呢~~~
不過這些情景也真是非常惡攪呢^^"

晚上，
開了那個什麼服務總結小組~~~
全場笑爆咀！
呀肥Joe真係........要稱佢做「爆笑大王」啦！^^
最正係首歌~~~
感到好輕鬆~~節奏輕快，歌詞很有意義！
深刻D既係第一首D詞~~~
比較重質於個人成長部份~~
自己是比較喜歡「個人」D既野~~~
第二首就係講多D個Camp同埋團體feel D~~
第三首D料仲有解讀下先~~~^^

之後玩下暴龍一陣，
就去食糖水~~~
幾個男幾個女咁~~~
近排D組合開始廣泛發展~~~都好既~~擦擦新火花呢。
去到，
無乜交代，暴暴同肥豬就閃左去買麵，
個刻自己一度發過情緒~~
我喜歡那些大大班有講有笑既場合而非這些小分化行為~~~
望住個餐牌都真係無味再食~~講真既！
之後佢地返左黎~~~
情緒先開始回復，
雖然也知道是誤會，
但個刻黎情緒就是黎情緒~~~
自己果然係第九型呢！用「腹」的，^^
不過之後當然會轉番做「心」啦~~
偶爾黎一黎情緒都係有益既，只要無大影響的話~~haha

做大埔遊街黨~~~
送D女仔返屋企~~~
又係一路串人打人睇人被串咁~~~
這樣子的場面好舒服~~~
朋友就是這樣子了。

p.s.暴暴，公起你當了我們的同事呢，
也知道你情非得意是不會這樣決定的，
既然路是這樣，又希望你能夠感受下這種工作的快樂呢！
也是另一番體會喔。
也很多謝你既電話，
自己個刻只是發下情緒，即場發即場散，
不會放在心上喔~~~小事一頓呢。

>>June 7, 2004 at 4:05:04 AM GMT+8

2004 年 6 月 4 日 星期五 【晴】

出糧啦出糧啦！！
考慮了很久的事不想再拖了~~~
要升級部腦！！
花了我2千多元啦........
還只是月頭呢.........呵呵

>>June 7, 2004 at 3:39:51 AM GMT+8

2004 年 5 月 31 日 星期一 【晴】

今天~~~
期待以久的開組~~~
自己對這一個Topic好有興趣，
好希望大家一同去探討！

在這裡~~
你們教懂我要去「做夢」去「尋夢」！
而我的「夢」也是因著這兒才會萌芽的...
不過也會出現過問號的呢，
想尋找更多理據去說明自己的這個「夢」是否要追求，
你們而教我不斷去體會
不斷嘗試，最終目的是教我去實踐心中的夢~~~
在近排，
令我震撼的是有位「朋友」的尋夢抉擇~~
雖然不是太了解箇中的深入的原因，
但也教我有很大的反思！

在這一刻，
我覺得自己活得無悔~~~
每天也過得愉快，
下一步的就是去實踐去行動~~~
學習積極的計劃自己既人生，
如果連自己也沒有這樣的好好計劃，
又要我們如何「生命影響生命」呢！？
想籍著今次的服務，去思考下自己的「夢」~~

今次開組~~~
少左幾位人兄~~~
不過也無法子了，
剛開始談論~~
聽了某一位組員的分享，相當驚訝的呢~~~
訴說了好多不知是需要的還是夢想，
只覺得他還未有思索清晰自己的「夢」，
現在他需要的是一個清靜的空間...
而整晚，
也在談討著這件事，
所謂既「離左少少題」呢~~~^^"

聽著聽著，
覺得自己是否可算是成熟？
我會很清晰自己的「夢」，
了解自己下一步該行的路，
現在的我正正在「慢行」的階段，
開始要限制不能再這樣低速了~~
要正正式式行動了！
嘗試著計劃自己的人生，幫助自己清晰道路，
自我增值，不做專材做多材！

這樣，
今天也沒有計劃到什麼實質的東西出來，
不過聽到大家這樣認真分享也相當enjoy開心呢！^^

之後再馬拉松式會議~~~
要做服務總結小組的花絮部份~~~
諗左好多好正既點子呢！！
不過做起上黎又是非常費時呢^^

>>June 2, 2004 at 4:25:03 AM GMT+8

2004 年 5 月 31 日 星期一 【晴】

今天~~~
想去踩下單車輕鬆下，
不過原來係個廷辛苦的旅程呢！
仲諗住去諗下「夢想」哩個topic~~~

踩左去馬(安)山~~~
發覺原來整好條海濱走廊~~~
一路踩既路都係對住個海景既！
好正！重大發現！
可惜今日太趕~~~唔係都可以再細味一下這裡！
都好多謝呀權陪我一齊去呢！^^
下次要影番輯人物加風景系列套相！^o^V

>>June 2, 2004 at 3:43:42 AM GMT+8