2009 年 1 月 23 日 星期五 【晴】

holiday...holiday....太好了!!

今日同屋企人去o左行維園年宵.....勁多人哦~~ 不過我地都買o左D年花~~

之後,再行埋葵芳個個,又係買年花...屋企D年花多到周圍都有....

本人近日成功挑戰食奇異果....對...以前我都真係唔食奇異果的,因佢架外貌好怪,有毛,仲要有一粒粒黑色架野,但當我食o左第一口之後....有點到沉迷架感覺~~

同發現自己返o左工之後....記性差o左,好似有老人痴呆症咁,只係記得之前架野,岩岩做過架野,就會唔記得o左~~哩個症狀,係放假時才會出現,証明放假,我係極度唔想用腦....同如果返工都係咁架話,我估我都比人炒o左啦~~

大件事啦....竟然發現維園年宵熟食檔,賣過期食品!! 盒上寫明生產日期係: 2007年9月26日,可存放12個月,即2008年9月26日,但而家已經係2009年了....哩D食物係過o左成3個月了,仲要唔止一盒,同完全係冇放係-18度以下!! 看無良商人,真係咩都做得出的,賣到勁貴...仲要係過期食品,有冇搞錯...(怒)













>>January 24, 2009 at 4:03:32 PM GMT+8

2009 年 1 月 22 日 星期四 【晴】

今日顛o左地忙....因為放假前夕....咩都urgent....全日係冇停手,眼見其他同事們都好holiday mood架時候,我真想行去同佢講:「你有冇理過我感受架!!」因我真係忙到七彩!!

本來今日係4點收工...因有Annual Dinner, 點知....最後都係5:30收,即同平時收工時間一樣....不過有好冇唔好啦,咁可以唔洗諗邊到hea時間,等去Annual Dinner~~

人生第一次參加公司的Annual Dinner,係football club....個到係唔比講電話的,講電話係要罰$200~~同Annual Dinner 係食buffet,誰知我被安排坐係D audit manager 個枱....頂...平時已經成日比佢地點我OT架啦....Annual Dinner仲要坐埋一齊,最慘係,我架成日點我個個manager 坐係我隔離,都真係唔知同佢可以講咩,唔通問佢:「平時我打架report,打成點呀,係咪好差呢???」顛架!! 最後,係哩個Annual Dinner,我與新同事,都係適當架時候,閃o左去周圍影相!!

到抽獎架環節啦....獎品包括有: cash $10,000、手提電話、相機、DVD機、disneyland套票等....以本人我,,,,,竟然是第一個被抽中的.....就係一隻8G USB.....哈哈~~都好過冇啦!! 其實都想被抽中cash $10,000 & disneyland, 但若disneyland都真係唔知點好囉,同抽中cash架話,都又係唔知點好,拎去玩好,定拎去還學費好了...所以USB真係最適合我啦!!

散席,都已經是11點了,12點才回到家中~~

P.S.
1)第一次聽到ADR(最高領導人)把聲.....雖然佢講架係英文,我只能估到少少,但感覺到佢都幾惡,同成日開人地玩笑...唉...老細都真係老細!!

2)傳說中,公司的一位大粒姐姐....竟然係肥媽個妹....真係不敢相信公司有位咁強架人,當晚亦有一個節目,就係聽佢都唱o左幾首歌(都不知係佢娛樂大家,定愚弄大家了!!)










>>January 24, 2009 at 3:31:28 PM GMT+8

2009 年 1 月 21 日 星期三 【晴】

終於我個tray唔再堆積如山啦....感激!! 今日亦都幾清閒.....又係上網架日子.....不過最討厭架事又出現....4點多,又urgent...好彩又係細野...所以啦啦聲搞掂....準時走人!! 都唔知點解次次我約o左人出街,都會有urgent....顛架!!

之後,去九龍灣接王小mo收工....但白痴架我,竟然由上環搭去油麻地,再去九龍灣....其實行下路會快D...我個人都真係魂遊太空....唔知自己做緊咩咁~~ 最後用o左成個鐘去九龍灣....

會合王小mo,就先食個dinner.....再行一震......就去睇「崖上之波兒」.....又係一套好有教育意義架電影,不過內裡包括愛情架部分!! 先講教育個方面,今次係講人類點樣破壞海洋生態~~ 愛情方面,我同王小mo都覺得波兒係一名很主動架女仔.....我覺得主動都唔夠形容,係放蕩 (對唔住,我知唔應該咁講一套小朋友睇架動畫~~ 但睇o左就會明架啦!!)

最後,我有一個疑問,就係點解時婆婆會知,人面魚一離開海洋,就會有海嘯呢??? 王小mo比我架答案係: 可能時婆婆,佢之前就係比人面魚撬o左佢長腳,所以就知會有海嘯...哇....顛架~~咁都比佢講得到!! 同另一搞笑係,當套戲播完字幕時,所有觀眾都好似唔想走咁,之後,我就同王小mo講: 仲唔走,唔會有蝦碌鏡頭架哦!! 看來我地2人...都真係比苦悶架工作,搞到自己好變態!!

搭巴士回家時,竟然瞓著...仲要過o左站,好彩只係過o左一個站.....若不是....都唔知自己搭o左去邊!!

>>January 22, 2009 at 3:24:23 PM GMT+8

2009 年 1 月 20 日 星期二 【晴】

搞錯又係咁....又係一返到去見到我個tray盆滿砵滿.....又唔見我人工都盆滿砵滿....妖妖妖~~

好彩架係,今日個D都係"濕碎"野...所以好快做完,又係到發呆啦....不過今日真係顛到office hrs係到影相.....仲要影下同王小mo msn架罪證,我地玩msn係玩到畫公仔了,看來我的工作真的很悶 + 很hea = 無前途!! 完全係搏炒架心態.....

差唔多收工架時候,頂....又係叫我留係到OT囉...真係想say no,但manager叫到,你敢唔敢say.....最後6點多都走人啦~~

近日,當我工作到皮質醇上升架時候 or 悶到發顛架時候,都會食下朱古力....哩隻由沖繩買回來架朱古力,真係好味到暈~~ 食完就什麼唔好架心情都忘一忘記!!





收工之後,唔係返屋企,又係我架假藝術時候......去o左睇vivienne westwood展,其實開o左好耐了,但一路都未有動力去睇~~同如果放假要我過海去睇.係會有十萬個不願意,因返工已經係港島區了,每日都要搭好耐mtr.....所以唔想放假仲要咁!!

展覽內,係可以勁影相架....但只係唔比用閃光燈啫....就係咁樣,加上本人是用數碼傻瓜機,所以有手震架現象啦,都會懷疑自己,係咪打字打到有柏金遜....震到咁!!

其實westwood,不經不覺,識o左佢差唔多5年多了,好似從不間斷咁有用佢D野.....同時,亦好妙地,NANA哩套我最喜愛漫畫,都常畫westwood D 東西,所以westwood好似一路都冇唔鍾意過,只係冇錢買咁多就真架!!

同要多謝王小mo,佢說了一句: 「見到westwood就想起我了」....看來我鍾意westwood係深入友心了!!
















>>January 21, 2009 at 3:18:27 PM GMT+8

2009 年 1 月 19 日 星期一 【晴】

哇.....洗唔洗咁多份"垃圾"放晒係我個tray到,等住我去打呀....仲要份份都唔少野哦!!

為著今日可以準時走人....所以全日都係到好努力、認真咁去工作,連網都冇上.....好乖,咁去工作~~最後都成功達標!!不過,都係要達標架原因都係我,最後分o左少少比人做啦.....

收工搭車去九龍塘,BU到食哩個教會架團年飯.....打邊爐!! 哈哈~~我地組打邊爐,由如饑荒咁...係咁落野,仲要見到肥牛,就係咁爭!! 好彩係任食架啫,如果唔係....真係連半片肥牛都爭唔到~~ 團年飯,緊係唔止食咁簡單啦,仲有遊戲&抽獎啦....玩拍賣架時候,我地竟然投到提子....以抽獎玩節,christy被抽中哦!!

不過,全晚最勁係肥鴻,因佢製造o左一個全晚架笑點,事情如下: 肥鴻不嬲都好鍾意打邊爐,要生雞蛋的,咁今次亦都唔例外,所以佢問亞姐,要生雞蛋啦!! 但佢架對話真係笑到爆

肥: 亞姐呀....有冇生雞蛋呀??
亞姐: 有

點知,大家都話佢挑嬉亞姐,係到問亞姐有冇"生"雞蛋~~當亞姐知道我地講咩架時候,佢都笑笑口走o左去了!!






>>January 21, 2009 at 2:51:32 PM GMT+8

2009 年 1 月 18 日 星期日 【晴】

又係返工架日子了......今日比上個星期多少少野做...都真係多少少~~ 因多o左人出完job返公司...不過仲係好多時候,都係hea....上網...所以而家返到屋企都有點唔太想上網啦!!

收工,勁準時走,因為要趕住返OU拎本小姐架「畢業證書」~~ 由上環搭巴士去何文田....足足坐o左成個鐘...仲要瞓o左足足一條紅隊....熟睡個隻...但都仲未落得車...勁塞車囉!!

返到OU...拎o左張紙...係呀,都真係一張厚身少少架紙,咁就走人啦~~接住就係返日文,今堂我只係上o左一小時,因為要去拎o左紙~~


拎o左哩張「紙」之後...我個人就突然好想轉工啦....(其實一路都想) 但都真係得個想字,因而家咁架時勢,好似冒險o左D咁....同又想問下公司可唔可以內部調我去做其他野,唔想日日都係到打字~~好冇大志....只係返o左半年多少少工架我.....咁諗係咪好冇耐性呢?? 我都真係唔知道,係我冇耐性定係份工真係唔岩我!! 唉...好煩呀....

補回早前架事...就係王小mo整比本人架紙巾套,放o左係我公司到哦!!


另一補回架事,係今日突然諗起,12月份我揸車架時候,不小心撞花了MY兄架車門...心中仲係有點內疚,好彩佢係二手車啦....如果唔係比佢鬧爆,但另一方面,亦有少少開心架係,佢架車有我架戰績...(顛) 同我知道,我係唔太適合揸車,先係唔識分左右,同距離感又差...距離感差不但係揸車有問題,平時架我會因為咁撞到隻腳瘀了都唔知..好似比人打咁......行路唔帶眼,正是本人!!

>>January 19, 2009 at 2:59:17 PM GMT+8

2009 年 1 月 17 日 星期六 【晴】

今日又係好忙架一日.....

一個人去o左博物館「法國大革命展」(THE FRENCH REVOLUTIONS),係呀...我架假文藝又出現啦...同古怪架我,就係鍾意靜靜地一個人行,因為可以聽著音樂...drpot down一D有意思架東西....慢慢欣賞....一大享受!! 雖然我唔係好了解法國架歷史,但今次一行,就學到唔少架野啦~~ 先係識o左盧梭(Jean Jacques Rousseau) & 伏爾泰(Voltaive) 哩2位對立架學家~~ 不過本人鍾意盧梭多D....因佢講野架好似岩聽D...(笑) 同知道斷頭台架來源,係吉約坦醫生(Dr Guillotine) 所以斷頭台都係用哩個醫生個名去命名...另外又學了12個月份架法文係咩......

又去o左旺角行書店,哎呀...好書想買哦...但我睇唔切...放棄買書,同真的會破財...(近日我的購物病,又好似發作了!!)

之後,就會合o左靚媽行花墟,因又係時間要買年花了,其實以前冇咁早買啦,但我要返工,所以提早進行,今年買o左串串金&紅色一粒粒架東西(忘記o左個名啦).....行架時候,見到好多繡球花,真的好靚,不論咩色都靚,同而家哩個時候,係會買粉紅色多點啦,不過都有少量白色~~ 又行o左一行雀仔街~~

亞爸車o左我地,又去o左南山邨,買上海紅豆糕,其實只係知係南山邨,同揸車去,所以兩老由如放獵犬般架我,去搵...最後好快就買到了,但最特別架係用豬油整架,同特別地貴!! 有時想起,我前生唔知係咪獵犬來的,因為令我想起,上次去越南,一個人去買日常用品,仲要越南係唔識英文的....冇supermarket....限時要買回酒店!! 最後又好勁咁比我搵到士多,買回去....看...前生可能真係一隻獵犬...(汗)

最後葵芳買野....飲杯lovely Mocha(但飲完唔洗瞓) 咁就返屋企啦,但仲未比佢停,因我發現....上次去旅行的東西我都未整理好...救命呀,原來我之前hea o左咁耐架啦...哎呀...仲有好多野想做,但冇時間做啦~~

盧梭:

人是生而自由的,但卻常困在枷鎖之中(Man is born free; and everywhere he is in chains)

出自造物主手中的東西都是好的,一旦到了人的手裹,就全壞了(God makes all things good; man meddles with them and they become evil)

大自然從來不欺騙我們,欺騙我們的永遠是我們自己(Nature never deceives us; it is always we who deceive ourselves)
哩句野令我想起,現在地球架氣候變化.....因好細個架時候,我已經有聽過&看過一個廣告係,有一個地球係含住探熱針的,之後有個小妹妹說:「地球先生病o左啦」.....但到今時今日...地球先生哩位長期病患者...好似一點都冇好過,好似仲病得更嚴重!! 看...人類係咪欺騙自己中呢~~

伏爾泰:

熱愛真理,原諒錯誤(Love truth, but pardon error)

談到錢的問題,大家的信仰都相同(When it is a guestion of money; everybody isof the same religion)
哩句野,好適合典型的香港人,因香港人每天都活在數字堆中!!

法文月份:
Janvier, Février, Mars, Avril, Mai, Juia, Juillet, Août, Septemb., Octobre, Novemb. Décembre








>>January 18, 2009 at 4:00:25 PM GMT+8

2009 年 1 月 16 日 星期五 【晴】

今日有點煩忙架一天....做了好多自己的事!!

先係早上去o左整理一下自己個面....因感覺太髒了,同快要爛面架感覺,頂唔順~~

之後,約埋manling一齊食個lunch....再返小組....

夜晚,同靚媽行尖沙咀....睇中o左好多野哦....真係想瘋狂購物,但現實歸現實....我很窮...冇錢買,只有得個「睇」字.....唉~~

今日見到一樣野,令到我真係以後唔會試唇膏架test..........事情係咁架:

我去買東西時,見到一名內地婦人,係咁拎D唇膏架test.....直接搽係自己架嘴上面...MY GOD....大佬呀...你咁試完之後,下一手要試架話...咪........食晒你D口水尾.....(嘔)最慘係哩位內地婦人,係試了幾支唔同色架唇膏,每次都係直接搽係佢架嘴唇上.......(顛)真係唔明白,佢地有冇衛生常識架,同個display 係人人都試架,唔係你一個人試架!!

>>January 17, 2009 at 4:18:15 PM GMT+8

2009 年 1 月 15 日 星期四 【晴】

終於到o左星期五了.....哩個星期過得又凍、又好慢咁....好難先捱到星期五!!

不過今日返到公司,如前幾日般,咩人都唔係到咁....靜到只係聽到冷氣吹出來架風聲,搞到我完全聯想起自己好似身處儉房咁....由如一條死屍咁對住個mon...上網 & msn & sms...哩D就係我hea架時候,所做架野....相反工作架時候....其實自己每日做架野都D唔洗用腦架工作....所以都好呆!!

但最cheap架行為又出現了,每到星期五都一定會出現哩隻現象,就係快到4點時,就會有勁多野比你做,要令到你冇得準時收工.....今日亦都唔例外,比人留o左係到OT.....最後獨力工作到8點先收工走人~~

OT架時候,諗起,八婆早前說我,漸漸變成一位「老屎忽」(哩個字眼有點粗俗,不過八婆真係用哩個字眼說的)因突然覺得佢都講得冇錯....點解無啦啦咁話自己呢?? 因為我今日其實可以唔洗獨力一個人OT的,係可以叫我同team架新同事,一齊幫手做,但最後我冇咁做,我叫o左佢快D收工,唔洗幫我,早點收工,最後我就獨力搞掂....因我明白到OT到咁夜,係個個都唔想的,同明明個manager係叫我幫佢,咁何必要別人名義上「幫你手」,實際上係「陪你OT」...哩D衰格野,我都真係做唔出!!

>>January 16, 2009 at 4:01:26 PM GMT+8

2009 年 1 月 14 日 星期三 【晴】

今日又瞓遲o左了...所以又係啦啦聲出門口...

返到公司...又係冇人...真係好似快要"執粒"咁架感覺....靜到嘔...同冇咩野做,所以亦都悶到嘔~~

點知差唔多收工架時候....又係urgent....頂!! D人都真係cheap到爆!!

收工,返到屋企煮飯....無飯家庭,要自力更生!!

p.s.係公司悶到冇野好玩....lunch係到玩影相!!





>>January 15, 2009 at 3:08:25 PM GMT+8