2009 年 3 月 24 日 星期二 【晴】

星期三了....哩個星期好快過...病情都仲係一般...冇咩好轉...保持變聲!!

仲要我今日打去book 牙醫時....個個姑娘,唔知係咪聽到我把變聲,竟然話「哩到係牙醫」....哎呀...都真係唔知好嬲定好笑...因我真係有病,但又想去洗牙....不過最勁都係,我一星期內睇晒2種不同架醫生...西醫&牙醫.....顛o左!!

工作方面...一如以住...忙忙忙....不過今日都好...可以6點走人~~

從今日起...我架"電影節"開始啦~~

夜晚,約o左王小mo一齊去睇「禮儀師之奏鳴曲」係一套幾長架戲,2個多小時...坐到patpat都扁....唔知係咪對哩套戲,睇完都冇咩特別大架感動位...只係覺得...套戲係用o左一個好冷門架主題,但普通架故事去拍....不過禮儀師都真係很專業哦~~

睇完戲,陪王小mo去玩塔羅..因好近了....都係去番上次個檔....連王小mo都話好準哦....最後我都忍唔住問o左一題...咁就白白洗o左$60了!!

返到屋企都差唔多12點了....明天又要返工...唉~~

>>March 26, 2009 at 3:17:02 PM GMT+8

2009 年 3 月 23 日 星期一 【晴】

今日又要帶著一個冇靈魂,只有軀殼架人返工...加上把變晒架聲!!

點知一返到...咩人都冇....嚇死...以為自己返錯時間..仲要今日天色好暗....

同今日冇咩特別多野做....但食o左藥...個人好似呆呆下咁,仲要食藥食到個口好「掛」...食埋都冇味~~

要感謝,同事們架關心哦~~ 亦可準時收工...已經好好了~~

我D藥..由如彩虹糖...咩色都有


>>March 24, 2009 at 11:46:54 AM GMT+8

2009 年 3 月 22 日 星期日 【晴】

今日係自製假期.....sick leave~~

一早起身,已經感到喉嚨勁痛,本來都諗住捱返公司架,換晒衫、化晒妝....但最後都係頂唔住...休息一天吧!!

打完電話返公司...等一震,就落街,睇醫生...點知....醫生呀...醫生....明明你話9點開架,點解會係10:45你先返架....病人就快等唔切啦...同病係好辛苦架....你知唔知~~ 同哩個醫生真係搞笑,我次次睇佢,都係要等佢返來...仲要今次又係好似亂開藥....明明探o左熱冇發燒,但開退燒藥比我~~

醫生: 你覺得自己有冇發燒呀

我:少少啦

醫生:咁我開D退燒藥比你啦

我:但你唔係探o左,我冇燒嗎??

醫生:你覺得有就可以開始食定啦..唔一定得發個時食架!!

我(無奈): 哦~~

最後拎藥...點知返到屋企,先發現...點解醫生開退燒藥比我,但唔開喉糖比我呢...因我個喉嚨痛到爆了!! 算吧~~唔理啦...醫生開架,照食~~

食o左藥昏迷o左半日.....夜晚出o左去學日文....半失聲狀態...但由於,瞓o左半日...所以今堂好專心,同好精神哦!!

返到屋企...連網都冇上....就瞓啦~~真健康!!

>>March 24, 2009 at 11:11:06 AM GMT+8

2009 年 3 月 21 日 星期六 【晴】

今日...冇野做...係屋企hea hea下...好舒服!!

夜晚去o左游水...哇...好多印巴小朋友係到....但佢地唔係游,係嬉水了!!仲要係咁跳水....有怒氣之下...本人就唔理三 七 二十一...係咁怒游,因為...佢地好煩呢~~

瞓前傾下電話...哩幾日都好似返回學生時代....悠悠閒閒咁過~~一點也不苦悶!!

>>March 23, 2009 at 2:27:19 AM GMT+8

2009 年 3 月 20 日 星期五 【晴】

今日返去開組....點知記錯o左時間,因延遲o左時間....哈哈~

夜晚,同o左靚媽行銅鑼灣....食埋飯...咁又一day啦~~




近日整了哩個蛋糕....由真蛋糕...整到假蛋糕...我都識哦....哈哈~~


>>March 22, 2009 at 5:25:57 AM GMT+8

2009 年 3 月 19 日 星期四 【晴】

又係星期五啦....辛苦架一日又黎啦~~完全冇停手....

仲要今日開始公司....冇MSN...唉....悶死啦~~變o左個個都好專心做野....所以工作量又多o左啦~~OT...快死啦~~

最後,六點多就走人....但仲有手尾...算啦~~唔想再對住D report啦...好煩!!

收工,去o左1808,但先見一見donlad....,之後再返去舊公司,會合kinnie,kasu,A仔,gil,....去油麻地打邊爐....為gil慶祝生日~~

打到成12點....仲有下場架我,會合o左william & 佢個fd...去廟街玩塔羅牌....我都係第一次去玩咋...都真係幾準,仲要我係冇咩出聲,聽佢講多,但佢好似估到咁...好勁!!

玩完塔羅,就回家去...都差唔多2點~~

最後傾埋電話、上埋網...瞓架時間係......4點!! 顛架~~但感覺好似回復返學時代咁....勁夜瞓都唔驚!!

>>March 22, 2009 at 5:18:57 AM GMT+8

2009 年 3 月 18 日 星期三 【晴】

點解我成日覺得,星期四...係星期五呢?? 搞到我D時間觀念錯晒!!

一返到公司....又係咩都urgent....哇...份份都urgent....即係冇啦~~同都係要按我架步伐去做野架咋哦~~ 不過好快就urgent完啦....亦有hea架時候...又係5點多...比份野話,想你打埋先走...好好....我可以say no咩....manager大晒架嘛!!

好彩最後都係6點多走人....不過我估明天都要OT多架啦....唉..我唔想呢!!

>>March 19, 2009 at 12:34:46 PM GMT+8

2009 年 3 月 17 日 星期二 【晴】

今日...一般忙...工作冇咩特別~~所以準時收工....我和同事N開心到暈

之後,行o左一震尖沙咀....再去swimming...哇...洗唔洗咁多人呀...搞到好似成個浴場咁...學水架人又多....根本就游唔到....所以游o左一震就走啦~~

P.S.昨天發夢,見到上級&同事N...大家都仲係公司到做野....最後,上級話:「係呀,我唔埋你地架地,會交比港女理你地D野架啦」頓時,沉o左落去...同好彩哩個只係夢啫~~

>>March 19, 2009 at 12:36:28 PM GMT+8

2009 年 3 月 16 日 星期一 【晴】

今日靚媽生日....

天公做美....可以準時收工...太好了!!

所以走o左去IFC 架 H one 到買o左個蛋糕....顛架...好似自己富貴o左咁囉...走去IFC到買蛋糕!! 同H One唔係一入去就見到有蛋糕賣...係要行入去,先見到....真係唔去過都唔會知~~ 入到去,見到蛋糕架款式都好少...點知,個師傳同我講:「如果你想要架,我地可以即刻整個比你」哇....我係一個識整蛋糕架人,完全明白整個蛋糕係要好耐....但你講即刻整個哦~~ 好吸引,好想知,你點即刻囉,仲要十多分鐘,就ok.....雖然我要架款式,只係一個好普通架蛋糕...但都要花時間架!! 最重要係...1lbs蛋糕,只係$220....但有大酒店架服務~~

味道...好食到停唔到口....肥死吧就!! 因D cream 好有奶味,仲要好soft....個蛋糕都好有蛋味之餘,仲要係好軟...由如入口即溶!! 好難忘架味道~~ 貴都抵!!

同其實夜晚,成家人去o左尖沙咀食飯,仲要食埋片皮鴨.....又係好好味(成家人都當自己係有錢人咁...係勁食好野,貴野!!) 不過好耐冇食得咁開懷....







同場加影,我公司架叮飯實錄...影哩張相架時候,係12點....已經有16個飯盒等....但12:30先lunch....排第一個飯盒,係11:30已經拎出來排....雖然有2個微波爐...但....看多麼慘~~ 哩個係其中一個pantry架實況....因我公司有2個pantry.....另一個...聽聞冇咁叮飯架情況,冇咁激烈!!



>>March 17, 2009 at 4:32:01 PM GMT+8

2009 年 3 月 15 日 星期日 【晴】

哇...昨天架快樂....完了!!

今日架忙碌...又再開始....全日係冇停手,做到收工個一刻都仲做緊~~

由於忙,所以有點頂唔順同事N臉口....因為忙,所以佢黑臉...可能由佢入職到現在都未試過咁忙啦~~所以有點唔慣,不過我諗返起,有時我忙起上來個臉口都會很臭了!!

但最慘架係,我係和同事N,一齊share同一樣工作,若佢做唔晒,我都要頂埋...若佢做錯野,我都要一同死!! 算吧...我已經對佢冇咩好大期望,因為一個做o左咁耐....都仲唔記得上級架ext.no....頂!!

收工...返日文~~

>>March 16, 2009 at 3:08:08 PM GMT+8