2009 年 9 月 22 日 星期二 【晴】

今日要準備返香港了....同勁開心可以瞓到9點半先起身~~

同今日架酒店早餐好好味哦...唔知係咪malaysia架口味唔太岩我呢~~

之後,我地去o左牛車水....食自費lunch....同見到印度廟、佛牙寺....同去o左D指定商鋪,行行企企....自費餐,食o左牛車水架街市樓上架野食~~魚蛋河...D魚蛋幾彃牙~~

最後要出機場了,要返港啦~~5日話咁快就完了!! 個個返香港都要面對返工架事實,我呢...就要面對搵工架事實!!

>>September 27, 2009 at 6:21:45 AM GMT+8

2009 年 9 月 21 日 星期一 【晴】

今日要落singapore了...所以又要早起,先要搭3hrs 車,去o左新山,malaysia 最南架地方~~

去到新山關口,就好似羅湖關口咁,會見到D小朋友過關返學,之後我地又要轉導遊同司機,風趣架malaysia導遊,同教我用手食飯架司機,byebye啦...真係有點唔捨得!!

我地先去o左海濱區,睇哩個魚尾獅像,又睇埋哩個「榴槤」,接住去埋聖淘沙島,睇哩個蠟像館,有D悶,同入面好暗,都睇唔到D咩咁~~出返黎,睇埋哩個巨型魚尾獅,就去o左搭單軌車去shopping mall行,竟然比我有收獲,係一隻自製bearbear....雖然有點貴,但好like 哦~~

之後,dinner...其實係食早飯,因預今晚宵夜,dinner係食哩個魚翅鮑魚餐!!

夜蒲,自己搭o左MRT去o左克拉碼頭到飲野,坐輪椅,飲點滴....好貴,但好好玩....同係香港冇架野!!

最後,飲o左酒,今晚好好瞓哦~~

>>September 27, 2009 at 6:05:35 AM GMT+8

2009 年 9 月 20 日 星期日 【晴】

又係6點多起身...

食完早餐,去o左手信店..但我就冇咩好買,只有周圍影相!! 之後去o左植物園,但又係新年,所以冇開,只有係周圍影下相~~ 咁就去o左首相府,同睇粉紅架回教寺,都幾靚!!

之後,搭o左around 2hrs 架車,去o左馬六甲,其實係塞車,所以先咁耐車程~~到o左馬六甲,先食個lunch,之後再去蝴蝶公園,見到架不但係蝴蝶,仲有其他動物,如:樹懶、四不像、白孔雀、貓頭鷹,接住食o左個水果buffet,見到勁大隻蕉,可以當波板糖食!!

又再搭車,去到馬拉人架屋企,同佢地拜年,睇下人地架屋企,由於新年,所以個個都著晒傳統服,靚靚咁拜年!!之後,就入去馬六甲中心啦~~

入到去好似澳門咁,因以前都比葡萄牙管治過,去o左紅教堂,之後又要上山去,聖保羅教堂、聖芳濟像,周圍都好多人因holiday...同個聖保羅教堂個度有人賣唱表演~~

接著,下山去o左個shopping mall到借toilet...點知大排長龍....仲要好臭,不但止,可能馬拉人架習慣係用水喉洗patpat,所以個toilet會周圍都係水,濕晒咁~~

之後,去o左搭三輪車,不過今次坐架三輪車,同越南個D好唔同,佢地會張架三輪車打扮到好靚咁,吸引遊客去坐,同佢地係可以2個人一齊坐架~~先踩我地到一個沉船景點,之後就踩返我地去返搭旅遊巴~~

dinner 又係食娘惹餐,同麵包雞!! 食到咁上下,就跟o左我地架馬拉司機,一齊學用手食飯...都幾難架,因會食到D飯漏晒出黎,同佢地食飯,係唔可以張D手指放人口,咁樣係唔衛生架!!

返酒店...攰到死哦~~

>>September 27, 2009 at 5:44:32 AM GMT+8

2009 年 9 月 19 日 星期六 【晴】

哇...6點起身...help me~~返工都冇咁早呀!!

一早起身,就係要去哩個雲頂高原,要搭哩個纜車,仲搭成around 10mins,先上到山,不過個度好涼,好似開o左冷氣咁,同搭纜車下,係一大片架熱帶雨林!!

但去到雲頂,先去參觀賭場,但冇賭,同D shopping mall 又未開,所以行o左去星巴克到瞓!! 真係好眼瞓!!

由雲頂下山,都係搭返纜車,去食lunch~~ after lunch,就去o左D指定商店,蠟染印花、朱古力、錫器品,3個間我只係朱古力鋪到買到野,個度有榴槤、咖喱、辣椒朱古力!!

同車上有路經黑風洞,見到好大座架印度神像~

接住,去o左蘇丹皇宮,只係可以係門口到影相,同今日皇帝係屋企~~之後,又去o左國家博物館,因為馬拉架大年初一,休息,為有係外面影下相.....同路經一座唔係圓尖頂架清真寺,再去o左睇英雄紀念碑,同去埋獨立廣場,睇到好多英國人留下黎架野,如鐘樓,佢架響鐘,令我懷念起舊時架中環天星碼頭架響聲~~

after dinner,返酒店,再自己搭單軌車去bukit bintang,去哩個start hill(亞羅食街),不過我地冇食野,只係周圍行下,不過好多鋪都收了,但竟然比我地睇到有龜苓膏食,不過冇香港個D咁重口味,但平過香港~~ 真係要清一清熱氣~~

食完就搭返單軌車返酒店!!

>>September 25, 2009 at 8:52:06 AM GMT+8

2009 年 9 月 18 日 星期五 【晴】

又去旅行...malaysia & singapore~~ 同靚媽一齊去,跟團!!

搭1點機,哇...國泰架747,好新...連D位&枱都係新設計,但個位一樣都係窄o左D,對腳都係要屈住~~

around 4點多就到吉隆坡,今次去哩2個地方,同香港係冇時差架~~之後搭車去o左KLCC aquaria..睇under the sea...under the sea,哩個水族館,同之前去seoul 個個差唔多大,細細地,同一樣都係有D唔係海洋架生物~~

之後,去o左雙子塔,因為咁岩我地遇上馬拉人架新年(即今日係年三十晚) hari raya holiday, 所以好多鋪都早收,同明天都休息~~ 好彩架係,哩到D野,同香港一樣,所以冇咩好買!!

dinner 係食娘惹餐,bonton 到食個氣氛暗暗地,有D情調咁,不過有少少暗到唔知食咩咁,但D野都幾好食,仲要食到好飽~~ 就返酒店

返到酒店,我緊係唔會放過外出行下架機會,去o左酒店對面架雜貨鋪,見到好多得意架野,如七彩「益力多」等

明天要早起,所以乖乖早點瞓!!

P.S.今日一去到malaysia 機場,竟然唔走失o左一名團友,仲要係一名婆婆,好彩比我搵到,嚇死佢個女同領導,真係感謝主!!

>>September 25, 2009 at 8:20:11 AM GMT+8

2009 年 9 月 17 日 星期四 【晴】

今日係last day 了…..全日都唔知自己做o左D 咩…只係hea 打report…同人傾下計,咁又一日啦~~

同今日架lunch好特別,因有另一個auditor 都係今日走,所以開o左3圍去farewell佢,點知我又join埋….完全係搭枱咁~~anyway….thx auditor 們叫我一齊去!!

4點多,開始收拾細軟,得到5點多去派”散水朱古力”, 當我送比上級時,佢話唔要…最利害架係,佢竟然送o左比佢,轉頭放返係我枱面到….唉…可必呢~~

同好搞笑咁,auditor們都同我講一句:「行o左出哩個門口,唔好望返轉頭」講到公司好似監獄咁!! 不過都真係幾似~~

正式離開公司,就去o左銅鑼灣會合natalie (即同事N)….為慶祝大家離開哩個鬼地方!! 去o左食棉棉冰...好好味啦....之後,就行街...點知當我地行行下架時候,突然見到上級,我地2個都好驚,即閃開….希望佢睇唔到….哇…岩岩離開公司冇幾耐,仲比我見到佢,真可怕!!

回家,執行李,明天飛哦….malaysia & singapore~~

>>September 24, 2009 at 2:46:06 AM GMT+8

2009 年 9 月 16 日 星期三 【晴】

last 2 day....真係完全唔記得o左要起身返工...成日搞到好遲起床~~

今日完全係hea 做....慢慢來...有urgent 都好,我都會同人地講,盡量吧....同auditor 們都唔知係咪怕我走o左有人打report...所以個個都係哩2日係到整好D野比我...但我都係同佢地講...我只會盡量去做,做唔晒,就留比人架啦~~

收工去o左買「散水朱古力」~~咁就會冇o左一日人工了!! 算啦...大家好黎好去~~

>>September 17, 2009 at 2:06:58 PM GMT+8

2009 年 9 月 15 日 星期二 【晴】

又回復一個人工作架時候了....個tray都仲係滿架...

點知今日有名auditor 走埋黎,有點唔禮貌咁同港女同事問,佢份report 打好未.....咁點知當佢發現佢份野係我個tray到沉o左係底架時候,就即時比面色我睇

仲要話:「打o左我個份先得唔得」
我:「好多urgent....同得我一個人打,所以未打到住」
auditor:「得...好...」就離開o左

點知佢竟然走去manager 到報寸,話我唔打佢份野,仲要同manager 講:「我講佢唔掂呀,你去講啦!!」港女亦好識入位咁,拎o左份野去打,哇....突然覺得佢好識攝位囉...咁全世界以為我唔願做,佢就好好人,咁幫我做埋....仲要最後,我又要聽上級架說話...真係想講粗口.....

大佬呀,你份野昨午先放去我個tray到,就話今早要,人地個D 放o左係到幾日個D, 都未有得拎回呀,咁又要urgent 你個份,咁仲洗排隊架!! 同我都最後3日啦...上級都仲要係到比說話我聽...我真係當佢講費話~~

>>September 17, 2009 at 1:44:01 PM GMT+8

2009 年 9 月 14 日 星期一 【晴】

8號風....繼續吹呀...吹....10點多先落3號...唉...又要返工啦~~

由於怕多人迫車,所以我一早出o左門口....11點多返到公司....哇...我仲以為我好早,點知新同事仲早~~ 成個dept. 只有10個人都冇...個個都慢慢返....所以我和新同事,傾下計..咁做野,最後得知,佢諗住做埋今日就唔做啦~~ 傾下傾下...又係時候食lunch~~

哇...好突然...但都係一個明確架選擇,因為佢返o左一日,就已經明白到哩個間公司架衰野~~ 看來我哩個位都幾難請人了!!

lunch架時候,新同事仲請o左我食一餐...真多謝!!

今日亦都係「按章工作」.....太好了....仲有時間返屋企整月餅....不過今年整得唔係咁靚,可能時間有點急!!

仲有3日....就可以咩都唔洗理了!! hea下....

>>September 15, 2009 at 3:20:15 PM GMT+8

2009 年 9 月 13 日 星期日 【晴】

最後一個星期係BT了....要保持「按章工作」,準時收工!!

今日有新同事返工....佢係來頂我個位的....係一位太太級人馬....不過好唔好彩,第一日就遇到打風...所以公司D人又發顛....勁urgent...亦都係第一日見到公司架真面目....因為6點會掛8號,公司竟然冇提早比我地走,最後個個都準時收工~~

我返到屋企留下,已經係8號風球了~~ 看哩間咁架鬼公司,連員工返唔返到屋企都唔理,完全冇係員工架想看去諗,咁點留得到員工架心呢~~ 加上當時大家都係等走架一刻來臨!!

哩個風勁到....吹斷o左屋企留下棵樹!!

>>September 15, 2009 at 3:00:57 PM GMT+8