2009 年 2 月 22 日 星期日 【晴】

返工...好似真係習慣了...每天都好似機械人咁....同調o左位之後,對腳好似唔洗郁咁,只係坐位張椅,轆來轆去...由如坐輪椅咁啦~~ 遲早對腳委縮....

今日突然有好多urgent....可能好多auditor 們都出完job 回公司了,同見到佢地好似開始顛顛地,因連lunch都唔係準時去食,仲要好早就返公司,記住唔係一個人係咁,很多數~~ 我估顛架日子又要開始了,唔知到時會係點架啦~~ 但上級之前,透路過公司生意淡o左....算...冇得估,煮來就食吧!!

同事N, 今日過試用,看佢真係有多新,岩岩3個月啦.....但佢係哩3個月中,竟然連常打架上級ext.no.都唔記得,哇...真係有時比佢激死~~ 不過佢都幾聽我話....哈哈~~ 低B !!

返日文,D 野難o左好多啦....真係跟不上了,唉....要努力....努力搵D時間去溫下!!

>>February 23, 2009 at 2:58:04 PM GMT+8

2009 年 2 月 21 日 星期六 【晴】

今日去o左亞哥屋企到飲茶、打機...hea

之後,去o左沙田行街....唉...又係換季啦~~ 真係會買到破產....點解唔可以著牛仔衫返工呢???

返到屋企,又要忙忙忙.....執房!!

>>February 22, 2009 at 2:49:50 PM GMT+8

2009 年 2 月 20 日 星期五 【晴】

又係返去開組...

夜晚,同o左samuel&晴晴一齊,去o左九龍灣dinner...傾傾計....很好的一席話....幾好.....仲坐埋順風車返屋企~~

今日竟然比人點中o左個point....返工之苦....唉...哩樣野都真係一言難盡,因個個打工仔,都係身不由己的....唉!!

>>February 22, 2009 at 3:26:55 PM GMT+8

2009 年 2 月 19 日 星期四 【晴】

又係苦悶架生活.....返工!!

同樣地....臨收工架時候,有urgent.....唉....慣啦!!

公司D賤人可其多...所以都唔想再講,因為都係來來去去都係個D野,都係咁賤!!

本人收工時間為,7點多.....行o左震街,再回家!!

>>February 20, 2009 at 3:17:52 PM GMT+8

2009 年 2 月 18 日 星期三 【晴】

唉...又要返工.....又係自閉....幾時先係星期五呀,成日都以為今日係星期五.....

今日又係到同王小mo msn....其實日日都會啦....不過佢今日講o左D好岩架野,就係話我架生活被工作侵蝕了.....哩樣我認,因為工作佔去我大部份時間了,所以都唔知可以仲有咩講....

所以如佢所說,「生活苦悶」......日日都係悶悶悶.....打野、打野、打野....打到唔想打....但冇得揀,因而家係為錢作奴隸!!

>>February 19, 2009 at 2:46:51 PM GMT+8

2009 年 2 月 17 日 星期二 【晴】

由於昨天成晚都痛到瞓唔著...所以今日又係準時返工....(路人甲:好努力咁哦,同事)

返到去,又係勁打,勁做....冇咩hea過,唔知係調o左位,定係開始多o左野做,所以都冇咩停過手了~~

同事N (即新同事) 突然同我講,港女同事好似嬲o左佢咁....我更係答:「唔會呀」到lunch之前,我地都係到討論哩個問題...同佢竟然同我講,佢初初入黎架時候,以為我同港女同事係不和,咁我又係答:「唔係...只不過冇咩野講啫」其實暗暗地都真係不和,同真係冇野同佢好講,又唔想同港女同事扮熟,好假,所以都係唔講野,最好啦~~ 加上我都唔知何年、何月、何日、何時、何地,踩到佢條尾,就變成今日架田地啦~~

lunch之後,同事N架謎要解開了,就係上級竟然召見我地2人.....仲要入房傾,即刻好驚,唔知咩事,係咪又有咩做錯???

一入到去,上級問我地:「昨天2人為什麼準時收工」

答:「見個tray冇野,做好晒,先走」

上級:「唔係話你地準時收工有錯...係因為我昨天仲見到港女同事係到打report, 其實港女同事係義務幫手打report架咋,佢真正係幫D partner做野」

我聽完心中就起火啦!! 若你要分得咁清....唔通我見到港女同事打緊份report,之後,同佢講:「你唔好打啦,我黎啦」完全係爭野做咁囉!!

同埋,好似今日咁,佢準時收工,佢boss 要我幫佢打野,咁我係咪要,同佢講:「我係打report架,所以唔會幫你做,只好怪你個sec.準時收工啦」同我係咪要怪港女同事準時收工,令到我要做埋佢個份呢???老實我都唔係第一次幫佢boss打野,咁我係咪又要投訴呢????

我明白,港女同事升o左職,做o左姐仔,好巴閉,好得寵...要幫partner做野,唔洗再做打report架咁下賤架野~~ 陰陰濕濕老屎忽,中o左佢箭都唔知啦!!

上級主要係話哩樣野,其次係說我&同事N合作打好D report,來應付3-4月架挑戰…..所以,而家我&同事N係坐同一條船,事但一個死,另一個都死~~ 最後,我&同事N全日架是非話題,就係港女同事啦!!

同上級係完全唔記得o左我係到做o左幾耐囉.....難度你仲當我只係做了4-5個月嗎??? 唔係啦,做o左半年有多啦....大姐!!

同今日都真係要OT啦…..不過心中OT得好愉快,因為我知多勞多得的道理,但有時長期係咁,都會有點灰啦~~

雖然,我調o左個開揚架位,可以與同事N傾計,但我都係會,保持以往架態度自閉,因點都好,有人唔妥你架話,你做咩都係死,所以....安守本份,有糧出就ok架啦~~ 因而家都有點窮......幾時先有糧出呀.....(泣)

路人甲:「失業率4.6%,有15萬人冇野做...你仲係到講咁多野!!」

>>February 18, 2009 at 4:28:17 PM GMT+8

2009 年 2 月 16 日 星期一 【晴】

「新居入伙」第2日.....個位都真係好揚,令我好唔習慣....最搞笑係,比我見到連上級都唔慣咁,行錯路比我做了!!

最慘係....冇野做架時候....上網又唔係,發呆又唔係....咩都唔係....唉...好慘!!

最後見冇咩野做,同身體不適,所以準時走人....回到家都只不過係6:15...勁正~~又可以慢慢做下自己想做架野!!

>>February 18, 2009 at 2:19:57 PM GMT+8

2009 年 2 月 15 日 星期日 【晴】

今日準時返到公司...好似好耐未試咁啦....

緊係啦,要調位...所以早少少返去,執拾細軟....唉...真煩!! 由一個自閉的位,調一個勁開揚架位,係走廊位呀!! 個個都行來行去...都唔知想點,仲要我做咩...全世界都見到晒咁,好唔慣呀!!

所以今日好努力做野,啦啦聲做完....hea....不過都係hea一震啫...同我都係照玩msn...唔理佢,因我又唔係唔做野...同要炒咩藉口都可以炒啦~~ 唔好理咁多!! 不過哩個位最好係,可以同新同事傾計...但有時都唔知講咩好,因唔熟,只係lunch飯友......所以好多時都係半自閉,同好揚咁發呆~~

調位後,各方同事,包括manager們都好唔慣,由其manager們,經常唔用腦咁,行o左去我個「故居」到...我已經搬o左....但我都唔明,「故居」同我架「新宅」,只係隔離啫,仲要係近走廊,佢地架必經之地,咁都睇唔到架咩....好証明,佢地係慣性做事...唔用腦架!!

收工----->返日文之前,先比野亞豪,再返日文----->準早回家,因好多野等住我去做!!

>>February 16, 2009 at 3:15:04 PM GMT+8

2009 年 2 月 14 日 星期六 【晴】

「長洲攝影美食單車之旅」<----由如XX區議員,搞個D一日遊架名....水蛇春咁長!!

同行: 聰聰,係佢先會同我顛架啫

交通: 地鐵到中環,再轉船....入去坐o左普通船要1小時,出來搭快船,半個鐘!!

活動: 影相、踩單車...(足足踩o左成個鐘,因為太多人啦,所以唔係好夠喉~~)

午餐: 長洲某茶餐廳....都幾好食!!

小食: 大大粒魚蛋、砵仔糕(本人勁愛食!!)、炭燒魷魚、$2 腸仔 (係$2腸仔哦....係出面點會咁平!!)

晚餐: 尖沙咀....食日本野....(有我勁愛的日式糖心蛋,真係好食到爆,終於係香港再次食到,因之前都係要一年一度日本之旅,先有得食啦!!)

好...明天又要返工啦...唉...正式被調位...無聊架上級又唔知再有咩新玩意了!!










看...這半隻蛋,就是整碗麵的精髓!!


>>February 16, 2009 at 3:02:47 PM GMT+8

2009 年 2 月 13 日 星期五 【晴】

今日....情人節....冇我份~~

晏晝,返o左去開組....christy真係帶得幾好....令到我都真係有反思....

夜晚,同屋企人行街....周圍都係人....所以行o左一震,食埋個dinner就回家去了!!

之後,落街跑步....對...日日運動身體好...我都覺,不但出o左身汗咁簡單....瞓都瞓得舒服D~~

>>February 15, 2009 at 3:38:11 PM GMT+8