2009 年 2 月 2 日 星期一 【晴】

返工.....今日又係普通......仲有D時間可以hea下.....先放D道具係枱面,比人感覺唔係咁hea(不過而家都當人冇到架啦,係manager面前都照玩msn....想死!!)
之後,就開始食下小食....上網....感覺好屋企咁....太好了...但尚欠一杯紅茶...就真係食tea咁架feel啦....
(路人甲: 顛架你,你返工定係去歎架!! 人地出糧比你,就做埋D咁架野!!)

但最驚訝架就係.....今日初九都仲有利是收....都唔知之後,仲有冇呢.....哈哈!!

久違了的準時收工,好似好耐未試過,又可以早早返屋企做多D野.....



>>February 3, 2009 at 12:11:02 PM GMT+8

2009 年 2 月 1 日 星期日 【晴】

又要返工啦.....勁眼瞓.....因昨天去o左disneyland~~

好彩,今日唔係好多野做....仲可以keep 住hea 做....太好...同感覺時間會過得快D~~

哎呀....今日再度覺得新同事架辦事能力.....係有點....低!! 因有時佢打完架野,manager們唔滿意的話,佢地會叫我執手尾....my god....係manager們...即唔係一個!! 但我一個人點serve咁多個呢,手就只有一對....算吧!! 我期望新同事工作成長,可以減輕我架work load......就係咁簡單,同亦都希望佢唔會比人炒,因如果佢比人炒o左,就又要再培育個另一個,又係唔會減少我架work load....自私的我!!

收工,返日文....仲想瞓.....差D瞓著~~

>>February 2, 2009 at 4:07:24 PM GMT+8

2009 年 1 月 31 日 星期六 【晴】

去o左disneyland.....做足準備.....佢開業3年....本人第6次去....當o左自己屋企了!! 同今日去係歎住咁去玩,因冇咩都玩晒,只係玩下自己想玩個D,同探下新年版架micky

一早約埋表姨甥女,由荔景出發,點知等車架時候,比我遇到昨天個個韓國人!! 哇...唔係咁有緣呀~~最後,影o左相,仲拎埋e-mail,哈哈...又識多o左一個外國人~~ 看來我真的顛的,不用出外國也可以識到外國人....講到好似周街識人咁>_<

10點正入到disneyland....第一樣係睇舞龍舞獅,新年先有哦...之後,去o左同新年版micky & minnie影相,仲遇到發顛架goofy....扮勁多post, 連睇住佢個個staff都不禁「哇」o左一聲,看...証明佢有幾顛!!

影完之後,就去o左winnie the pooh...點知有故障哦...真係第一次遇到,所以就先去o左玩it's a small world, 第一次去咋,入去搭隻船,聽住不同語言架「小小世界」,睇住D好得意架公仔!!

睇完,就又返去winnie the pooh,好野,開返啦...幾時睇都咁靚,咁得意!! 又係睇巡遊架時候,咁多次都係一樣啦,只係micky & friends 著架衫唔同啦,唉....幾時先會變架~~

之後,去o左micky大宅,哈哈~~見到哩間大宅架位置,完全諗起之前係酒店鬼屋企同一個位,即米奇間屋,以前係鬼屋黎架(驚) 行到入去,見到好多大大件架傢私,再行到咁上下,又要等一等,點知原來可以同新年版micky影相,oh~~當時都真係開心到叫o左出黎,連D staff都問我: 咩你唔知架咩......哈哈~~我都真係唔知啦,以為入去參觀下就算架啦~~

接住去o左打索克天王....wow~~今次玩到level 4,因為有delay,所以先玩到咁高分啦,哈哈....(奸) 之後,行去隔離連玩2次 space mountain....玩到悶,又有少少頭暈!!

搭火車出返去大街,去畫micky...my god,畫野係我弱項,但都畫到隻似micky架東西啦....最後,行埋街,睇埋「火燒城堡」即煙花...就走人啦~~

出返葵芳食dinner~~



























>>February 3, 2009 at 1:12:31 PM GMT+8

2009 年 1 月 30 日 星期五 【晴】

連續2日都瞓得唔好....

今日12點幾起身...但都係好似瞓唔夠咁~~

之後,出o左佐敦合堂....同肥鴻慶祝生日,食o左個好美味架蛋糕

夜晚,同屋企出o左去食飯,點知食飯架地方,遇到個韓國人問路,最後都帶埋佢去搭車~~ 好似唔係第一似遇到咁架情況,同我都幾鍾意幫遊客~~因好明白出外旅行時迷路架感受!! 同希望第時我去到外國都會有同樣架對待,就好啦!!




>>January 31, 2009 at 3:43:59 PM GMT+8

2009 年 1 月 29 日 星期四 【晴】

顛了...顛了....昨夜瞓到一半....4點多醒來.....以為夠鐘起身返工......痴o左啦!!

昨天架努力係冇白費架...今日終於冇爆tray架情況出現!!

全日有野做得黎,又可以慢慢做....太好了~~

但最差架事又出現,就係manager又要我OT....OT......OT.....呀!!

又係等.....一等,就等到7:30.....最後,由港女同事接力,先有得走人,感謝...若果唔係,都唔知要等到幾點!!

神奇架事,出現哦....就係在上級真係在我忙忙地架時候,來睇我死得未.....(放心,佢一定唔會係睇o左我昨天的日記了!!)

最後佢都冇野好講,只係走黎拎D未打架report睇下,咁又走o左去啦!! 看...上級都真係好無聊,仲要今日全日係咁監察新同事架工作情況...

我都真係想問佢:「你無事幹嗎??」我估都真係冇野做多架啦!! 再一次証明女性係好難照顧....因上級&成日要我OT架manager都係女性啦~~

>>January 30, 2009 at 6:11:29 PM GMT+8

2009 年 1 月 28 日 星期三 【晴】

初四....開工大吉!!

第一次見到公司咁多人準時返工....奇蹟!! 先拎o左封開工利是,就正式進入瘋狂狀態~~ 人身終於明白...以前D人話:「初四咁架面口」,今日完全了解....同老細一封開工利是,就收賣o左員工條命咁~~

今日個tray完全係keep住有17份report等住我去打....仲要有6-7份係urgent....妖...又係個個manager...前世欠佢架!! 最慘係,個個走黎吹....吹...吹.....真係心諗,你咁趕自己打埋去啦!!

OT,係今日指定動作....誰知,上級走來我位到睇我清晒D野咪....

頂....點知佢係到講「半風涼話」,佢話:「你未試過peak season咋,個時XX咁多report呀...仲多過而家啦,6-7份urgent唔算多啦」(個XX係我腦部自動刪除o左..所以唔知佢講o左咩)

以本人所聽,佢好似冇帶半點安慰架感覺,仲要好似係到話我咁就搞唔掂啦、叫辛苦啦~~

妖....你放工先睇我做成點,咁都差唔多搞掂啦...又唔見你最忙個時睇下,我死得未!! 同我都係回報,今日架情況比你知啫,冇話要同你呻,我都係到OT啦,同其他港女同事們,都走晒,得番我一個係到OT....最重要係,呻都唔會向你啦...上級~~

不過我最想同佢講係:「知你勁啦...試過peak season」妖.....

最後,好努力咁做到成7:30先走人,發現上級都比我早收工了....都真係唔知我愚蠢、天真...定係我太有責任心、太好人!!

今日真係好燥....我忍不住,係toilet到同個auditor fd講「今日多到痴"拿"線」...看我有多燥,完全係皮質醇升高,十萬九千倍!!



>>January 29, 2009 at 4:11:38 PM GMT+8

2009 年 1 月 27 日 星期二 【晴】

初三赤口.....

約埋亞豪,去o左赤柱行下.....都冇咩大變,但感覺好靚...好relax....真想係哩到看看書、飲下野,咁樣坐一日...不過今日就好多人啦,有外國人、大陸人....真係咩人都有!! 係赤柱見到有D看似好美味架蛋糕哦,但冇勇氣試,因怕勁甜!!

夜晚,係尖沙咀會合埋聰聰,就展開我架TST畢業相之旅.....哈哈~~影到而家都仲有得影,真係問你死未!! 影完就去o左食飯啦.....

今天的中學同學聚會,很快就完啦~~ 同全日又搭車,又搭船...好似去旅行咁!!

唉.....明天要返工啦.....(泣)



















>>January 29, 2009 at 3:26:36 PM GMT+8

2009 年 1 月 26 日 星期一 【晴】

今日瞓到成2:45....太開心了....

落街食下野...發現好多都冇開,仲係死市咁 (其實我住架地方,平時都好,都係「城市中的一個荒島」)

夜晚,去o左公公屋企到拜年,見到公公身體好似弱o左好多哦,希望佢可以新架一年可以精神好D啦~~

食過開年飯,就同表姨甥女去o左銅鑼灣,女僕cafe.....其實係佢個fd係個度做,所以先叫埋我一齊去啦~~ 算吧..因為佢請...哈哈~~

最後12點多先返到屋企....




鐵板上架芝士薯條...好味!!


>>January 28, 2009 at 3:43:38 AM GMT+8

2009 年 1 月 25 日 星期日 【晴】

大年初一....先同大家拜個早年...恭喜發財!!

晏晝,去o左嫲嫲屋企到拜年...首次豆到亞哥 & mable 封利是,都冇咩特別啦,都係咁!!

之後,去o左尖沙咀買野...仲見到donald..飲o左杯「開年橙汁」

接住冇野做,就發花顛咁揸車,去o左迪迪尼一轉,但冇入場,只係遊個車河!! 唉...成年幾牌啦,都唔知幾時先可以一個人揸車啦....我估都難,因我唔太記得D路~~

最後,返屋企繼續我架phenix製餅房 (哈哈~~記得中秋整月餅時,叫自己做鳳凰餅家,但而家整cookies時,就係phenix製餅房...當正自己係高手咁...顛)

好彩12點都整起晒,唔似上年咁...整到成3點哦.....



一塊塊cookies 架誕生過程....My Lovely Cookies





>>January 27, 2009 at 7:16:44 AM GMT+8

2009 年 1 月 24 日 星期六 【晴】

年三十了....都係如平時架假期一樣....勁瞓....

瞓醒,就食個團年飯...冇錯,係一瞓醒就食啦,完完全全,瞓醒就食....懶人狀!!

食飽就又要工作架一天啦....phenix製餅工房,又要開業了....全日都係到焗cookies,,要製造5家人的份量,作賀禮....最後都係未能完成要明天再接再勵!!

今年係我架年.....本來都應該好開心的,因12年先一次自己個個年,但.....人大了,好似....唔想再知而家係咩年,同返o左工之後,好似連新年豆利是個種興奮都減少了~~ 但新架一年,我都希望自己可以財源滾滾、工作順利、行個桃花運、家宅平安....最好就係心想事成啦!! 因為諗到咩,就成咩哦...幾好!!

>>January 25, 2009 at 4:34:13 PM GMT+8